التسـامـــح...............................

التسامح جوهر العلاقات الانسانية ...

التسامح يعنى الحب

يعنى التواصل

خلاص مسامحك يا أميره ,, خاصة بعد الأغنيه دى ,,
كل سنه وإنتى طيبه .

كمال سالم يازعيم شمعة التسامح ضواية

ولك سنة وانت طيب وكبيرنا

Quote: التسامح هو أن ننسي الماضي الأليم بكامل ارادتنا إنه القرار بألا نعاني أكثر من ذلك وأن تعالج قلبك وروحك إنه الاختيار ألا تجد قيمة للكره أو الغضب وانه التخلي عن الرغبة في إيذاء الآخرين بسبب شئ قد حدث في الماضي إنه الرغبة في أن نفتح أعيننا علي مزايا الآخرين بدلا من أن نحاكمهم أو ندينيهم .

Quote: التسامح هو أن نشعر بالتعاطف والرحمة والحنان ونحمل كل ذلك في قلوبنا مهم بدا لنا العالم من حولنا .

Quote: التسامح هو أن تكون مفتوح القلب، وأن لاتشعر بالغضب والمشاعر السلبيه من الشخص الذي [/ QUOTE] Quote: أمامك، التسامح هو الشعور بالسلام الداخلي، التسامح أن تعلم أن البشر خطاؤون ولا بأس بخطئهم .

---

Post: #4 Title: Re: التسـامـــح............................... Author: abubakr Date: 09-09-2010, 07:44 PM Parent: #3 عيدك سعيد ومبارك يااميرة القدرة علي التسامح تحتاج الي شجاعة كبيرة ووعي بحيث لايكون التسامح تنازلا مضرا بحق الاخرين ...

---

Post: #14 Title: Re: التسـامـــح............................... Author: Amira Elsheikh Date: 09-09-2010, 09:51 PM Parent: #4 Quote: القدرة علي التسامح تحتاج الي شجاعة كبيرة ووعي بحيث لايكون التسامح تنازلا مضرا بحق الاخرين ... مافى مطلق ياباشمهندس ابوبكر ...ولكن يبقى التسامح قيمة كبيرة وغعلا تحتاج شجاعة وكل سنة وانت طيب

---

Post: #5 Title: Re: التسـامـــح............................... Author: Amira Elsheikh Date: 09-09-2010, 07:45 PM Parent: #3 Quote: أمامك، التسامح هو الشعور بالسلام الداخلي، التسامح أن تعلم أن البشر خطاؤون ولا بأس بخطئهم . Quote: التسامح في اللغه :التساهل Quote: التسامح نصف السعاده.

---

Post: #6 Title: Re: التسـامـــح............................... Author: Amira Elsheikh Date: 09-09-2010, 07:50 PM Parent: #5 Quote: التسامح أن تطلب من الله السماح والمغفره. Quote: التسامح هو طلب السماح من نفسك والأخرين. Quote: التسامح ليس فقط من أجل الآخرين ولكن من أجل أنفسنا وللتخلص من الأخطاء التي قمن ا بها والإحساس بالخزي والذنب الذي لازلنا نحتفظ به داخلنا..التسامح هو معناه العميق هو أن نسامح أنفسنا. http://www.moheet.com/show_news.aspx?nid=3789&pg=59

---

Post: #7 Title: Re: التسـامـــح............................... Author: طارق جبريل Date: 09-09-2010, 07:51 PM Parent: #5 بت الشيخ كل سنة وانت بالف خير وتعود الايام بالخير والبركات والعفو لله والرسول

---

Post: #15 Title: Re: التسـامـــح............................... Author: Amira Elsheikh Date: 09-09-2010, 10:03 PM Parent: #7 طارق جبريل ياصاحب القلب الكبير .. لله والرسول يا ودامى

---

Post: #8 Title: Re: التسـامـــح............................... Author: عليش Date: 09-09-2010, 07:52 PM Parent: #5 علمونا الناس الكبار لغه جميله سموها الحوار كيف تجادل او تحاور ولما تغلط تبادر باعتذار لغه الحوار لغة الكبار تعلي مرتبتك كالحوار زي درويش ف حضرة منجزب ليلو ونهار لغه الحوار لغة اللكبار والعفو ليك ولينا والتسامح نفسها كلمه ماساهله

---

Post: #9 Title: Re: التسـامـــح............................... Author: osman righeem Date: 09-09-2010, 07:59 PM Parent: #8 كل العام و انت بخير المسامح سمح

---

Post: #10 Title: Re: التسـامـــح............................... Author: وليد عبد اللطيف Date: 09-09-2010, 08:05 PM Parent: #9 بت الشيخ كل عام وانتم بخير

---

Post: #36 Title: Re: التسـامـــح............................... Author: Amira Elsheikh Date: 09-15-2010, 04:56 PM Parent: #10 وليد عبدالطيف ... عيدك سعيد والعفو والعافية

---

Post: #35 Title: Re: التسـامـــح............................... Author: Amira Elsheikh Date: 09-15-2010, 04:31 PM Parent: #9 Quote: المسامح سمح رغيم كل سنة وانت طيب.... والتسامح ممكن يكون عشان نحن قبل الاخرين وتسلم

---

Post: #13 Title: Re: التسـامـــح............................... Author: cantona_1 Date: 09-09-2010, 09:33 PM Parent: #8 Quote: والعفو ليك ولينا والتسامح نفسها كلمه ماساهله الأخ عليش كل عام وأنتم بخير... عليك أُمك ما دام شرحت الحوار بكل هذه التفاصيل .. كمان كمِّل جميلك ووري الناس الهنا ديل معنى النِّقاش..كتار هنا ما بعرف الفرق بين الاتنين عشان الواحد فيهم المرة الجاية يكون عارف هو بقول في شنو وعشان شنو؟ تحياتي. كبـّـاشي الصـّـافي (العوج راي والعديل راي)

---

Post: #38 Title: Re: التسـامـــح............................... Author: Amira Elsheikh Date: 09-15-2010, 05:17 PM Parent: #13 كباشى الصافى كل سنة وانت طيب وعيدك سعيد العفو والعافية

---

Post: #18 Title: Re: التسـامـــح............................... Author: Amira Elsheikh Date: 09-09-2010, 10:36 PM Parent: #8 Quote: علمونا الناس الكبار لغه جميله سموها الحوار كيف تجادل او تحاور ولما تغلط تبادر باعتذار لغه الحوار لغة الكبار تعلي مرتبتك كالحوار زي درويش ف حضرة منجزب ليلو ونهار لغه الحوار لغة اللكبار والعفو ليك ولينا والتسامح نفسها كلمه ماساهله عليش ياصديقى واظنو الحوار طريق قد يفضى الى تسامح سليم ومعافى وكل سنة وانت طيب

---

Post: #11 Title: Re: التسـامـــح............................... Author: Amira Elsheikh Date: 09-09-2010, 09:20 PM Parent: #1 الى كل من مر من هنا وترك لوحة زاهية الالوان تنبض باالمحبة بالتسامح.... محبتى وامتنانى..

---

Post: #16 Title: Re: التسـامـــح............................... Author: khaleel Date: 09-09-2010, 10:03 PM Parent: #11 وعارف خصام العيد حرام برنسيسة كل سنة وانتي الخير

---

Post: #39 Title: Re: التسـامـــح............................... Author: Amira Elsheikh Date: 09-15-2010, 05:19 PM Parent: #16 ياخلى ما خصام العيد براهو وعيدك اخضر وندى كما روحك

---

Post: #17 Title: Re: التسـامـــح............................... Author: دينا خالد Date: 09-09-2010, 10:23 PM Parent: #11 بت الشيخ يا جميلة كل سنه وانتى طيبة الماما واخوانك والجميع الاغنية ما ظاهرة عندى ... اوووع تكون مسامحك يا حبيبى ؟ جيبى واحده اشمل ياخ لووووووووووب ـــــــــــــــ انا ما زعلانه .. اسامح ساااى بس ؟

---

Post: #19 Title: Re: التسـامـــح............................... Author: Alsa7afa_30 Date: 09-09-2010, 10:48 PM Parent: #17 ما أحلى التصافي .... من بعد التجافي ______________ أميرة كل سنة و انتي طيبة ...

---

Post: #20 Title: Re: التسـامـــح............................... Author: خالد درق Date: 09-09-2010, 10:58 PM Parent: #19 اميرة الشيخ .. كل سنه وانتى طيبة التسامح جميل اخت اميرة مودتى ..

---

Post: #21 Title: Re: التسـامـــح............................... Author: سيف الدولة كامل Date: 09-09-2010, 11:07 PM Parent: #20 بت الشيخ ,,, سلامات وعيدك مبارك وربنا يحقق ليك مرادك. والعفو لله والرسول

---

Post: #22 Title: Re: التسـامـــح............................... Author: Tragie Mustafa Date: 09-09-2010, 11:11 PM Parent: #21 كل عام وانت بخير يا اميره وشعبنا بولادنا تحتاج كثير من التسامح لتمضي بنا مركب الحياة بسلام. فكري بهؤلاء وبكم التسامح التي قابلنا بها اخوتنا هؤلاء المخبول(تيري جونس)الذي يفكر بحقر القرآن يذكرني بالمخابي...تاب المقدس بالخرطوم! ومعا لمزيد من التاسمح الفردي و الجماعي.

---

Post: #23 Title: Re: التسـامـــح............................... Author: amir jabir Date: 09-09-2010, 11:54 PM Parent: #22 كل عام وانتى بخير وعافية ----------------------- الاغنية جميلة شديد

---

Post: #24 Title: Re: التسـامـــح............................... Author: عبدالكريم الامين احمد Date: 09-10-2010, 00:02 AM Parent: #23 هلا يا بت الشيخ وحبابك الفين ونص وعيد سعيد وكل سنة والجميع بالف خير وبركات والتسامح عنوان ووهج كبير للانسانية وعيد سعيد وعالي التسامح للجميع

---

Post: #25 Title: Re: التسـامـــح............................... Author: Ashraf el-Halabi Date: 09-10-2010, 00:35 AM Parent: #24 دوحة الجن دي طال ما بقى فيها كنيسة، ومع كمية التسامح الفي بوستيك دا، حنخاف عليك من الكونفيرت يا بت الشيخ. لكن لو بقى فيها كونفيرت بالجد ما تكملي جميلك وتحولي العرضة شمال! كل سنة إنتي وكل الحولك طيبين ومتسامحين

---

Post: #26 Title: Re: التسـامـــح............................... Author: الشفيع وراق عبد الرحمن Date: 09-10-2010, 01:01 AM Parent: #25 يديك ألف ألف عافية يا بت الشيخ أصيلة والله وقلبك أبيض

---

Post: #27 Title: Re: التسـامـــح............................... Author: حاتم علي Date: 09-10-2010, 01:21 AM Parent: #26 عيد سعيد يا أميرة التسامح قيمة رائعة و لكن .... قبل التسامح هناك رد الحقوق الى اهلها والا فلماذا كانت هناك القوانين و المحاكم الدنيوية والثواب و العقاب في الاخرة أن اكون متسامحاً لا يعني أن افرط في حقوقي كما أن الإعتذار - فقط - لا يعني نهاية المظالم

---

Post: #28 Title: Re: التسـامـــح............................... Author: Amani Al Ajab Date: 09-10-2010, 02:38 AM Parent: #27 الحبيبة أميرة كل عام أنت بالف خير وعافية ويحقق أمالك

---

Post: #55 Title: Re: التسـامـــح............................... Author: Amira Elsheikh Date: 09-15-2010, 07:25 PM Parent: #28 وامانيك يا امانى العجب وامانى كل الغلابة والكادحين فى ارض المليون ميل مقسم

---

Post: #54 Title: Re: التسـامـــح............................... Author: Amira Elsheikh Date: 09-15-2010, 07:23 PM Parent: #27 Quote: أن اكون متسامحاً لا يعني أن افرط في حقوقي كما أن الإعتذار - فقط - لا يعني نهاية المظالم متفقة معاك ياحاتم والتسامح لا يعنى التنازل عن الحقوق اطلاقا ... لكن التسامح فى اليومى والعادى والخلافات البسيطة هو جوهر العلاقلات الانسانية حتى نسمو ولا نصل الى مرحلة قد نحتاج فيها الى محاكم ... وعيدك سعيد وكل سنة وانت طيب

---

Post: #53 Title: Re: التسـامـــح............................... Author: Amira Elsheikh Date: 09-15-2010, 07:18 PM Parent: #26 الاخ الشفيع وراق عبدالرحمن... عيدك مبارك ينعاد عليك والعافية وكذلك الحواليك ... والعفو والعافية ,,,, شاكرة مرورك ومعايدتك الجميلة تسلم

---

Post: #52 Title: Re: التسـامـــح............................... Author: Amira Elsheikh Date: 09-15-2010, 06:53 PM Parent: #25 كونفيرت نو كومنت (القافية ت) غايتو العرضة شمال دى قضيت فيها خمسة سنوات من اجمل سنوات عمرى الاكاديمية وقتها القلب كان فاتح على مصراعيه نواحى العرضة جنوب ..زايدا الباب قصاد الباب وكنا نتلصص السقيا واوقات التمارين والمباريات ...... الكونفيرت الاول بتاع الكنسية وارد اكتر من التانى الليلة وووووب ... اشرف الحلبى عيدك مبارك والقابلة زى ما عايز وعفو وعافية

---

Post: #51 Title: Re: التسـامـــح............................... Author: Amira Elsheikh Date: 09-15-2010, 06:46 PM Parent: #24 Quote: والتسامح عنوان ووهج كبير للانسانية كيكى يا وهج ....يامدارات وياموغل فى الدهشة بالمناسبة دى ممكن اهدى لمورتا.,؟ تسلم ياخ

---

Post: #50 Title: Re: التسـامـــح............................... Author: Amira Elsheikh Date: 09-15-2010, 06:15 PM Parent: #23 كل سنة وانت طيب يا امير(عامر) جابر ونتمنى ان نستظل يوما ما تحت مظلة التسامح الدينى والاجتماعى فى بلد اسمو السودان

---

Post: #49 Title: Re: التسـامـــح............................... Author: Amira Elsheikh Date: 09-15-2010, 06:11 PM Parent: #22 تراجى يا ام حازم وسند..عيد سعيد وربنا يخلى ليك اولادك ويديهم الصحة والعافية .... التسامح الدينى دا لو حصل هو جوهر السلام والطمانينة محتاجين الكتير من العمل والتضحيات شان نصل ليهو .... تسلمى

---

Post: #43 Title: Re: التسـامـــح............................... Author: Amira Elsheikh Date: 09-15-2010, 05:38 PM Parent: #21 يديك الصحة والعافية يا سيف ياكامل

---

Post: #42 Title: Re: التسـامـــح............................... Author: Amira Elsheikh Date: 09-15-2010, 05:29 PM Parent: #20 خالد ردق ينعاد عليك والاسرة بخير وعافية

---

Post: #41 Title: Re: التسـامـــح............................... Author: Amira Elsheikh Date: 09-15-2010, 05:26 PM Parent: #19 وانت طيب يا فنان... لو قلت ليك لى زمن بفتش للاغنية دى حتصدقنى ؟؟ كنت عاوزة اتصل عليك واطلبها منك ... يا الله عليك ياخ

---

Post: #40 Title: Re: التسـامـــح............................... Author: Amira Elsheikh Date: 09-15-2010, 05:24 PM Parent: #17 دينا خالد يا مشاكسة ..... يوم العيد لما الناس تجينا زيارات فى البيت بعد الصلاة ويطلبو مننا السماح يعنى كنا زعلانيين منهم ؟ سامحى ساى برا شغلة اصلللللللللو ما بتضر اىىىىىىىى مسامحك ياحبيبى الاغنية تخيلى دا كان عنوان البوست (مسامحك)؟ لكن الله غالب ... ماعارفة بقى التسامح كيف؟ لووووووووووبين عليا انا تسلمى وكل سنة وانت طيبة يا ستى

---

Post: #29 Title: Re: التسـامـــح............................... Author: عاطف عمر Date: 09-10-2010, 11:44 AM Parent: #1 Quote: الاغنية ما ظاهرة عندى ... اوووع تكون مسامحك يا حبيبى ؟ جيبى واحده اشمل ياخ لووووووووووب دينا يا دينا مرات نقول عليك مقررررمة ومرات نلقاك زولة ساااكت ياخ أميرة عاوزة ( تمرر ) رسالة تسامح عن طريقنا ( لمن يهمه الأمر ) نغمممض و ( نسامح ) ونغني شجعي اللعبة الحلوة ياخ أو شجعيها ________________ أميرتنا عليك الله فوتي ( الشوتة الضفارية ) دي والله بهزر كل ثانية وأنت كما تحبين وكل يوم وأنت سمحة ومسامحة

---

Post: #30 Title: Re: التسـامـــح............................... Author: عبد الله كسلا Date: 09-10-2010, 12:06 PM Parent: #29 أمورة بت الشيخ ... كل سنة وإنتي طيبة ... وإن شاء الله السنة الجاية تعيدي مع أمك ... أو هي تعيد معاكِ في الدوحة ... عشان عيدك يبقى كمية أعياد ... يا رب .. وبمناسبة التسامح ... أهدي ليك الفلة البيضاء دي ... زي بياض قلبك وطيبتو ... تسلمي يا أميرة ... ويا أميرة ...

---

Post: #31 Title: Re: التسـامـــح............................... Author: طارق الكوتش Date: 09-10-2010, 12:36 PM Parent: #30 كل سنة وانت طيبة وربنا يحقق الامنيات

---

Post: #32 Title: Re: التسـامـــح............................... Author: Abdlaziz Eisa Date: 09-11-2010, 08:32 AM Parent: #31 Quote: التسـامـــح............................... العفو والعافية

---

Post: #33 Title: Re: التسـامـــح............................... Author: قيقراوي Date: 09-11-2010, 10:04 AM Parent: #32 سا برنسيسة خلاس ياخ !! . . مسامحك ياخ . . ما في داعي للجرس !؟ كااااااااك . . . عاطف عمر ظهرا عاملة كل سنة و كلكم طيبين و دينا خالد ذااااااتا . . . المافي شنو !؟ اشهد الله انكم ناس جميلين و الله ما بتسوى شئ خربانة ام بانياً قش . . . آخرا كوم تراب او على قول حميد : يا الدنيا زي سكرة و تفك من راسو فك اللهم ارحم زملاءنا اللذين اخترتهم الى جوارك الكريم في هذا اليوم و احسن وفادتهم و انت الرحمن الرحيم

---

Post: #60 Title: Re: التسـامـــح............................... Author: Amira Elsheikh Date: 09-15-2010, 08:01 PM Parent: #33 Quote: و الله ما بتسوى شئ خربانة ام بانياً قش . . . آخرا كوم تراب او على قول حميد : يا الدنيا زي سكرة و تفك من راسو فك وجدتها وجدتها يا قيقراوى يا صينى ,, وكان مافرقت بالموت بتفرق بالحياة ....ياقول امى والدليل اسى نحن وين .؟ والناس القرينا معاهم الابتدائى ..العام....الثانوى.... حتى الجامعة القرييييبة دى وينهم؟؟ حتى جيرانا واهلنا واصحابنا وناس محبتنا بقينا نلاقيهم بعد تلتلة اهو ياقولك فوق كم ؟ غايتو انا ماعندى قدرة لخصام ولفراق ولمطمطة تضيع احلى لحظات عمرنا عاطف بقى بتاع فاولات خليك منو ابقى طيب ... _____________________ لهم الرحمة والمغفرة يارب

---

Post: #59 Title: Re: التسـامـــح............................... Author: Amira Elsheikh Date: 09-15-2010, 07:53 PM Parent: #32 لله والرسول ياعبدالعزيز عيسى .. ويرجعك من البلاد البعيدة ديك سالم غانم يارب

---

Post: #58 Title: Re: التسـامـــح............................... Author: Amira Elsheikh Date: 09-15-2010, 07:52 PM Parent: #31 Quote: كل سنة وانت طيبة وربنا يحقق الامنيات وانت طيب يا كوتش والفريق القومى طيب والمريخ طيب... وكذلك الهلال شان ما تزعل

---

Post: #57 Title: Re: التسـامـــح............................... Author: Amira Elsheikh Date: 09-15-2010, 07:31 PM Parent: #30 عبدالله كسلا ....عيدك سعيد.... والفل الابيض لك مثله شجرة فل وود ومزيد من التواصل والمحبة بخلو الكون دا محتمل,, وتسلم والعفو والعافية

---

Post: #56 Title: Re: التسـامـــح............................... Author: Amira Elsheikh Date: 09-15-2010, 07:28 PM Parent: #29 Quote: كل ثانية وأنت كما تحبين وكل يوم وأنت سمحة ومسامحة[/QUOTE عاطف الشيخ عمر ...كل سنة وانت العيال وامهم فى اتم الصحة والعافية الشوتة الضفارية فوتناها بناء على طلبكم واسترحامكم..... واحيلك لاجابة دينا المشاكسة لمواصلة ما انقطع عن شوت الليلة ووووووووووب سكتنا Post: #34 Title: Re: التسـامـــح............................... Author: محمد كابيلا Date: 09-11-2010, 10:36 AM Parent: #1 تجلى جديد وعيد سعيد ..!! كل سنة وانت طيبة يا أميرة ..!! Post: #37 Title: Re: التسـامـــح............................... Author: Amira Elsheikh Date: 09-15-2010, 05:16 PM Parent: #34 اليه فى غيابه (الحضور) > Post: #44 Title: Re: التسـامـــح............................... Author: Magdi Algorashi Date: 09-15-2010, 05:39 PM Parent: #37 تعالوا نتحاور ونتناقش ونختلف ولكن بلغة السودان بت الشيخ سلام وكل سنة وانت طيبة Post: #45 Title: Re: التسـامـــح............................... Author: ناصر احمد الامين Date: 09-15-2010, 05:45 PM Parent: #44 صافية لبن ؟؟؟؟ (وش حزين و عرقااان) Post: #46 Title: Re: التسـامـــح............................... Author: Kostawi Date: 09-15-2010, 05:50 PM Parent: #45 Tolerance, the essence of human relations أمبارك عليك Post: #63 Title: Re: التسـامـــح............................... Author: Amira Elsheikh Date: 09-15-2010, 08:08 PM Parent: #46 علينا وعليك يتبارك ياكستاوى .. والعيد الجاى نشوفك معيد فى السودان ولابس ديك يا الجلابية والعمة الماخمج وانور التكينة مصورك فى كل الازقة والحوارى .. Post: #47 Title: Re: التسـامـــح............................... Author: Amira Elsheikh Date: 09-15-2010, 05:58 PM Parent: #45 Quote: صافية لبن ؟؟؟؟ (وش حزين و عرقااان) صافية يا ناصر واكتر مما تتصور اصلو ماحصلت حاجة بتخليها ما صافية لين فى احايين كتييرة سوء التقدير والحماقة يقود الى ما تحمد عقباه والحصل بينا بسيط وبسيط جدا لكن انا بالنسبة لدرس كويس ... بالجد كنت ناوية اعنون ليك رسالة تسامح عبر البوست دا منذ ان كان فكرة فى راسى لكن هو انت جيت الاول وسبقتنى..... شكرا يا ناصر .. وتقبل اعتذارى كامل غير منقوص وكذلك محبتى وكل سنة وانت طيب والعفو والعافية... --------------------------------------------------------------- ياجماعة اسمحو لى كسرت ترتيب الردود ورديت على ناصر لانو كان بينا زعلة ضغنتووووووتة فاسمحو لينا Post: #48 Title: Re: التسـامـــح............................... Author: سيف بخيت موسي Date: 09-15-2010, 06:06 PM Parent: #47 أميرة الأميرة العفو والعافية مع سلامي وتسامحي للجميع Post: #64 Title: Re: التسـامـــح............................... Author: Amira Elsheikh Date: 09-15-2010, 08:10 PM Parent: #48 سيف بخيت ,,,,عيدك سعيد وينك مختفى ...؟ كويس العيد الجاب الناس جابك... تسلم وامنياتك محققة يا رب Post: #62 Title: Re: التسـامـــح............................... Author: Amira Elsheikh Date: 09-15-2010, 08:05 PM Parent: #44 Quote: تعالوا نتحاور ونتناقش ونختلف ولكن بلغة السودان بالضبط يا مجدى القرشى وعيدك سعيد والقابلة زى ما عايز ,,,, تسلم .............تسلم.............تسلم Post: #61 Title: Re: التسـامـــح............................... Author: Amira Elsheikh Date: 09-15-2010, 08:03 PM Parent: #34 محمد كابيلا .....عيد سعيد... والقابلة زى ما تشتهى ,,,,, والعفو والعافية ,,,,,,,,,,,,,,,,,,,, Post: #65 Title: Re: التسـامـــح............................... Author: بكري الصايغ Date: 09-15-2010, 08:26 PM Parent: #1 هناك اشياء لايمكن للمرء وان يتسامح فيها لانها واردة بالقرأن الكريم: "ولكم في الحياة قصاص ياأولي الألباب". ***- فلابد من القصاص العادل لمن... اجرم، وسرق، وقتل، واغتصب، ونهب مال الدولة، وحرق القري والمدارس والمزارع، وارسل التلاميذ والطلاب للجهاد الزائف، وصادر ممتلكات الاخرين بغير حق انتفاعآ له ولاصدقاءه، واقام المحاكم والمشانق، وشيـد بيوت الأشباح، واختلس، وقبض عمولات، وارتشي، وزور، وانقلب علي النظام الديمقراطي وحل محله نظام فاشي دموي!! Post: #70 Title: Re: التسـامـــح............................... Author: Amira Elsheikh Date: 09-16-2010, 03:34 PM Parent: #65 Quote: هناك اشياء لايمكن للمرء وان يتسامح فيها لانها واردة بالقرأن الكريم: "ولكم في الحياة قصاص ياأولي الألباب". ***- فلابد من القصاص العادل لمن... اجرم، وسرق، وقتل، واغتصب، ونهب مال الدولة، وحرق القري والمدارس والمزارع، وارسل التلاميذ والطلاب للجهاد الزائف، وصادر ممتلكات الاخرين بغير حق انتفاعآ له ولاصدقاءه، واقام المحاكم والمشانق، وشيـد بيوت الأشباح، واختلس، وقبض عمولات، وارتشي، وزور، وانقلب علي النظام الديمقراطي وحل محله نظام فاشي دموي!! ابوبكر الصايغ ..سلام وعيدك مبارك .... بالطبع لااعنى المجرمين ولا القتلة ولا السارقين .... على مدار العشرين سنة الفائتة ولااظن جو على بالى اصلا دعوات 30 مليون سودانى عليهم(وانا منهم ) كل صباح تعتبر بداية القصاص . اقصد التسامح فى ابسط صوره... بين الاصدقاء الحبايب الازواج الجيران الاهل الاخوان /ت ذو القربى زملاء البورد ,,,,,,,,,,,,, حتى نعيش قى سلام داخلى مع النفس ومع الحولينا ... ماتاخد على بالك وكل سنة وانت طيب واكيد ما قاصد ... لكن مسامحاك المرة دى Post: #66 Title: Re: التسـامـــح............................... Author: بكري الصايغ Date: 09-15-2010, 08:40 PM Parent: #1 الأخـت الـحـبيـبـة الـحـبـوبـة، أميـرة- ***- سـامـحـيـنـي!! ***- دخلت "البوسـت" بدون تـحـية ولاتـهنئة بالعيـد!!، ***- كل سـنة وانت... أميـرة...وادام الله ايامكم ومتعكم بالصـحة والعافية. Post: #67 Title: Re: التسـامـــح............................... Author: معاوية المدير Date: 09-15-2010, 10:21 PM Parent: #66 العفو والعافية يا بت الشيخ، والعيد يتبارك عليكي... تُـرى، مـن مِـنـّآ سـيـُوشـّح الـمِـنـبـر بـالـسـوآد فـ...مـرّة الـقـآدمـة ... Post: #68 Title: Re: التسـامـــح............................... Author: Gaafar Ismail Date: 09-16-2010, 03:11 AM Parent: #67 أميرة حقا وحقيقة كل سنة وانتِ واهلك بألف خير وعافية. التسامح أرقى قيمة. آمل أن يسود روح التسامح في هذا المنبر خاصة في ما يحدث من حين لآخر من بعض الهنات وسوء التفاهم. Post: #69 Title: Re: التسـامـــح............................... Author: عفاف الصادق بابكر Date: 09-16-2010, 08:39 AM Parent: #68 يا سلااااام يا مرمر .. بتجي منك حاجات من جوه الحشا .. تعرفى لمن امى رحمة الله عليها تقول لى عافية منك يا بتى لبنى وشيل حكري .. بتكون الكلمات دي مدوره لي فى راسي لمن تجي البعدها .. وكمان لمن ولدي ولا بتى يحسوا بي زعلانه ويقولو لي سامحينا يا ماما .. يا الله بحس بكلمة السماح دي عظيمة خلاس .. عشان كده بحبها مهما كان مكانها .. وعشان كده يابت الشيخ السماح من غير اي مناسبة للسماح ... ههههههه . وعشان بحبك حبا جما لله هاك دي :- Post: #78 Title: Re: التسـامـــح............................... Author: Amira Elsheikh Date: 09-17-2010, 02:57 PM Parent: #69 عفاف الصادق يا بت امى ... محبتى ليك اضعاف اضعاف وانت عارفة وحاسة وشايفة دعوات الامهات دى مافى اسمح واجمل واحن منها .... انا اتربيت بين حبوباتى الاتنين وامى ماتتخيلى بلقى روحى بردد دعواتهم دى قدر شنو وحافظاها صم ....والله تسمعينى تقولى البت دى حبوبة .. ربنا يديك الصحة والعافية ويخلى ليك اولادك يا عفاف ويرحم والدتك Post: #72 Title: Re: التسـامـــح............................... Author: Amira Elsheikh Date: 09-16-2010, 03:38 PM Parent: #68 Quote: آمل أن يسود روح التسامح في هذا المنبر خاصة في ما يحدث من حين لآخر من بعض الهنات وسوء التفاهم وانا مثلك اتمنى ذلك ودى واحدة من الرسايل التى وددت ارسالها عبر هذا البوست ابونا جعفر اسماعيل ...عيدك مبارك وينعاد عليك والاسرة بالصحة والعافية ,,, لك المحبة والاحترام ,,,,,,,,,,,,,,,,, Post: #71 Title: Re: التسـامـــح............................... Author: Amira Elsheikh Date: 09-16-2010, 03:35 PM Parent: #67 Quote: العفو والعافية يا بت الشيخ، والعيد يتبارك عليكي... وعليك يتبارك وتنعدل عليك محل ما تقبل يا معاوية ياود المدير والعفو والعافية Post: #73 Title: Re: التسـامـــح............................... Author: معاوية عبيد الصائم Date: 09-16-2010, 03:43 PM Parent: #71 العفو والعافية بت امى اميرة بت ابوى الشيخ ومبروك فوزكم ,, اها تانى شنو ولكن الهلال ياهو الهلال يا وصيفاب شكرا وطارق جبريل الطيش كتيرة عليهو؟ مزيدا من التسامح لكل ابناء الوطن Post: #74 Title: Re: التسـامـــح............................... Author: Abdlaziz Eisa Date: 09-16-2010, 04:59 PM Parent: #73 Quote: لله والرسول ياعبدالعزيز عيسى .. ويرجعك من البلاد البعيدة ديك سالم غانم يارب يعني في كلام التسامح لازم تحسسوا الزول أنه بعيد!!!! كلها 12 ساعة طيران من الخرطوم ولا جوبا... عيدية لكن!! Post: #75 Title: Re: التسـامـــح............................... Author: محمد علي شقدي Date: 09-16-2010, 06:59 PM Parent: #74 التسامح واحد من اركان التصوف المكون الفطري للسودانيين الله يقدرنا على النهل من نهره الجاري شكرا يا اميره وكل سنه وانت صافية النفس Post: #81 Title: Re: التسـامـــح............................... Author: Amira Elsheikh Date: 09-17-2010, 03:06 PM Parent: #75 Quote: التسامح واحد من اركان التصوف المكون الفطري للسودانيين الله يقدرنا على النهل من نهره الجاري شكرا يا اميره وكل سنه وانت صافية النفس وانت طيب يا سقدى ويديك الصحة والعافية ... والعفو يا ااخوى Post: #80 Title: Re: التسـامـــح............................... Author: Amira Elsheikh Date: 09-17-2010, 03:04 PM Parent: #74 Quote: يعني في كلام التسامح لازم تحسسوا الزول أنه بعيد!!!! ماهو البعد دا زاااااااااااتو الجايب الجرسة والحنية الزايدة احتسب وما تتحسس كلنا فى الهوا سوا بس الفرق نحن 3 ساعات طيران Post: #79 Title: Re: التسـامـــح............................... Author: Amira Elsheikh Date: 09-17-2010, 03:01 PM Parent: #73 معاوية غاغا.... عيدك مبارك وانشاءالله المريخ دائما متفوق والاول ومخلى للباقين الغاغا ... طارق جبريل دى الاول على قلوبنا زى ناس الدوحة كدا ... والعفو والعافية يا ودامى Post: #76 Title: Re: التسـامـــح............................... Author: محمد الكامل عبد الحليم Date: 09-17-2010, 12:15 PM Parent: #71 تحية طيبة عاطرة معطرة بامنيات العيد لجميع المتداخلين...وللاستاذه اميرةاضعافها المضاعفة... التسامح هو سمو النفس فوق الصغائر....البعد عن نوازعها االامرة بالسوء ..عدم الغلو في الخصام..خصام العيد حرام.. ان نفشي السلام...نفتح نوافذ الحوار الجميل ....نحلم بكلما هو خير..وكلما يفضي الي الخير... المسامح كريم ...دعونا نحلم ...بعام جديد جميل ...وتبادل جميل للافكار دون اقصاء او استعلاء ... Post: #77 Title: Re: التسـامـــح............................... Author: نزار كروم Date: 09-17-2010, 02:26 PM Parent: #76 المسامح كريم Post: #83 Title: Re: التسـامـــح............................... Author: Amira Elsheikh Date: 09-17-2010, 03:11 PM Parent: #77 كل سنة وانت بالف خير يا نزار كروم وعيدك سعيد Post: #82 Title: Re: التسـامـــح............................... Author: Amira Elsheikh Date: 09-17-2010, 03:10 PM Parent: #76 Quote: التسامح هو سمو النفس فوق الصغائر....البعد عن نوازعها االامرة بالسوء ..عدم الغلو في الخصام..خصام العيد حرام.. ان نفشي السلام...نفتح نوافذ الحوار الجميل ....نحلم بكلما هو خير..وكلما يفضي الي الخير... المسامح كريم ...دعونا نحلم ...بعام جديد جميل ...وتبادل جميل للافكار دون اقصاء او استعلاء ... الاخ محمد الكامل عبدالرحيم ...عيدك سعيد... زى هلال العيد بتظهر مرة مرة ....من صينية الفطور ديك وتانى ما شفناك بعديها عملنا فطور جماعى وخبزنا وحاجات كتييييرة حصلت ماشفناك نتمناك طيب وبخير .... خالص المودة والاحترام لشخصك الكريم ويديك الصحة والعافية وماتطول الغيبة.... والعفو والعافية Post: #84 Title: Re: التسـامـــح............................... Author: Abdlaziz Eisa Date: 09-17-2010, 03:58 PM Parent: #82 Quote: ماهو البعد دا زاااااااااااتو الجايب الجرسة والحنية الزايدة احتسب وما تتحسس كلنا فى الهوا سوا بس الفرق نحن 3 ساعات طيران يا بت الشيخ... علشان الدنيا عيد ومع جو التسامح ده أحسن نرمي الدرّاب أولاً.. أنتي مغتربة وأنا مهاجر.... دي بتكون في الهوا سوا كيف .. تحياتي Post: #85 Title: Re: التسـامـــح............................... Author: Amira Elsheikh Date: 09-17-2010, 04:30 PM Parent: #84 Quote: أنتي مغتربة وأنا مهاجر.... دي بتكون في الهوا سوا كيف .. الاغتراب دا كان زمااااااااااااااااان فى السبيعينيات والثامنينات.... واى سفر حصل فى التسعينات والالفينات يعتبر هجرة.. Post: #86 Title: Re: التسـامـــح............................... Author: Abdlaziz Eisa Date: 09-17-2010, 04:43 PM Parent: #85 Quote: الاغتراب دا كان زمااااااااااااااااان فى السبيعينيات والثامنينات.... واى سفر حصل فى التسعينات والالفينات يعتبر هجرة.. مهما طال بقاء الناس في الخليج فهم سيظلوا أجانب.. وبلغة الديار: وافدون.. السفر لدول الخليج وللبلاد العربية عامة سيظل غربة... سوا لا Post: #87 Title: Re: التسـامـــح............................... Author: Amira Elsheikh Date: 09-17-2010, 05:08 PM Parent: #86 Quote: مهما طال بقاء الناس في الخليج فهم سيظلوا أجانب.. وبلغة الديار: وافدون.. السفر لدول الخليج وللبلاد العربية عامة سيظل غربة... عندما تمنحنى الدولة المحددة جوازها او جنسيتها ...دا معناهو الاحساس بالغربة انتفى ؟ لانو الخليج والدولة العربية عامة لاتمنح جنسيتها /جوازها الا فى ظروف محددة ----------------------------------------------------------------------------- كنت فاهمة الغربة غير كدا ... Post: #88 Title: Re: التسـامـــح............................... Author: Abdlaziz Eisa Date: 09-17-2010, 11:36 PM Parent: #87 Quote: عندما تمنحنى الدولة المحددة جوازها او جنسيتها ...دا معناهو الاحساس بالغربة انتفى ؟ لانو الخليج والدولة العربية عامة لاتمنح جنسيتها /جوازها الا فى ظروف محددة -------------------------------------------------------- كنت فاهمة الغربة غير كدا ... لو اتفقنا على أن الغربة هي الحياة في بلد وبين ناس لا يوجد الشعور والإحساس بالإنتماء إليه وأليهم.. لا اعتقد أن هنالك شخصا يُرغم على جنسية بلد ما.. تتم المواطنة غالبا برغبة ورضاء الزول.. .................... الغربة.. العيش بلا انتماء بلا أهل... Post: #91 Title: Re: التسـامـــح............................... Author: Amira Elsheikh Date: 09-22-2010, 05:14 PM Parent: #88 Quote: الغربة.. العيش بلا انتماء بلا أهل... عزيز يا عيسى ..سلاام ... هل جواز الدولة المحددة يمنحنى الانتماء ويبعد عنى الاحساس بالغربة ..؟ Post: #89 Title: Re: التسـامـــح............................... Author: محمد الكامل عبد الحليم Date: 09-18-2010, 05:10 AM Parent: #82 تحية عطرية بالود مسقية لك ولاسرتك الكريمة ولاصدقاء المنبر ... كنت معكم في الصواني الباذخة وشاركت بمد الايادي بالسلام بالرغم من مما يقال ان لا سلام علي طعام... وارسلنا العديد من التحايا لزوم ما يلزم بالرغم من شواغل الدنيا والتي ياخذ بعضها برقاب بعض..وتجوالي عبر الموانئ حسب مقتضيات العمل .. سنعود ..ونمد الايد للجميع ونتسالم... مع الاحترام الواجب Post: #90 Title: Re: التسـامـــح............................... Author: هواري نمر Date: 09-18-2010, 09:32 AM Parent: #89 الآميرة كيفنك عوافي....علك بخير؟؟ (ايه الدُنيا ايه؟؟ غير لمة ناس في خيــــــر أو ساعة حُزنْ) شفتِ كيفنْ ؟؟ _ كنت عايز أنقل ليك من جوابي الرسلتو للفردة (الجَنْقُوُ),لكن لقيتو ما بنفع هنا! Post: #93 Title: Re: التسـامـــح............................... Author: Amira Elsheikh Date: 09-22-2010, 05:19 PM Parent: #90 Quote: كنت عايز أنقل ليك من جوابي الرسلتو للفردة (الجَنْقُوُ),لكن لقيتو ما بنفع هنا! ياهوارى كل شئ بينك وبين الجنقو بنفع ..بنفع .... كل سنة وانت طيب وعمر مديد ومزيد من العطاء ومزيد من الاصحاب الجميلين مش عيد ميلادك الليلة ؟ Post: #92 Title: Re: التسـامـــح............................... Author: Amira Elsheikh Date: 09-22-2010, 05:16 PM Parent: #89 Quote: سنعود ..ونمد الايد للجميع ونتسالم... وستجد ايادينا ممدودة بالسلام والمحبة متى ما حضرت وصوانى الفطور حاضرة وشيالات الخبيز والحلوى حتى من غير عيد ورمضان يا محمد الكامل ... بس انتو تعال ,,

---