Post: #1 Title: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-09-2010, 09:53 AM
اداء متمكن وصوت تطريبي مميز وحضور باهي امام الكاميرا شموووووووووووووس هي مرشحتي الاولى مع سبق الاحترام والاندهاش
Post: #2 Title: Re: نجمة نجوم " اغاني واغاني" لهذا العام ... تسويط عام Author: امير عبدالدائم Date: 09-09-2010, 12:09 PM Parent: #1
منار صديق
Post: #3 Title: Re: نجمة نجوم " اغاني واغاني" لهذا العام ... تسويط عام Author: بابكر التوم Date: 09-09-2010, 01:46 PM Parent: #2
الخير ..
كل سنة وانت طيب ...
Quote: اداء متمكن وصوت تطريبي مميز وحضور باهي امام الكاميرا شموووووووووووووس هي مرشحتي الاولى مع سبق الاحترام والاندهاش
ابصم بالعشرة
ثقة بالنفس ومغنية قادمة بقوة نتمنى لها الاستمرار فقط
Post: #4 Title: Re: نجمة نجوم " اغاني واغاني" لهذا العام ... تسويط عام Author: ابو عثمان Date: 09-09-2010, 01:55 PM Parent: #3
منار
لن تنهار
Post: #5 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-09-2010, 02:12 PM Parent: #2
السلام عليكم اخي الخير والله مشتاقين كتير سنتك سعيدة وعامك طيب ... بالحق ارى ان المنافسة تنحصر تحديداً بين شموس ومنار وشريف وليس هناك رابع بينهم . بصفة شخصية اكثر وترتيب يمكنني ان اضع الاسماء هكذا :- - شريف - شموس - منار . ومن الثلاثة اسماء هذه سوف اسعى جاهدا ومن خلال ذايقتي واحساسي الخاص ان احدد اسم واحد هو النجم الذي اراه في ما تقدم من حلقات . -اقول أن شريف الفحيل يملك كارزمة الفنان ويُحظي بنعمة القبول التي يصلك مباشرةً حين تقع عينك عليه وهو يغني مع ابتسامته وروحه التفاعلية تلك التي يملكها (ما شاء الله عليه) شريف الفحيل طيلة حلقات البرنامج هذا متقدم بشكل مذهل لكنه في الحلقة الاخيرة امس حين غناء للكاشف كان ادائيه ضعيف وباهت لا يشبهه ابداً وهي نقطة تخصم من رصيده عندي نسبة لان ما يتمتع به من حضور ذهني وقبول وامكانية صوتية و تطريبية لم يطوعها ليفرض بها سيطرته علي هذه الاغنية (ربما هذه النقطة تحديدا هي ما يسمي بالخبرة الطويلة التي يعالج بها الفنانين بعض الاغنيات الصعبة التي تصادفهم وشريف في اول المشوار يجب عليه ان ينتبه لهذه النقطة ويستفيد منها) . - شموس فنانة تملك خامة صوت وحضور واحساس غاية في الروعه مع شخصية كارزمية كاملة تفرض بها سيطرتها وسطوتها علي اي اغنية تقدمها مع تميز صوتها الشخصي بجماليات وتكنيك في الاداء وصُحبة كاملة ودقيقة لصوتها وخيال رياضي مرن مع الصوت متابع له بوعي كامل مع حفظها الجيد لكافة الاغنيات (هي ومنار اقل اعضاء اغاني واغاني بخرات) كان مستواها ثابت في كل حلقات البرنامج ولم تقدم اغنية دون مستوى ثابت - الحلقة الوحيدة التي تاثر فيها ادائها كانت بسبب الدويتو مع تالاهون صاحب الصوت والاحساس المختلفين وهي في هذا الدويتو اوضحت ما تملكه من احساس ومعرفة جيدة بنفسها لذا اكتفت أن تكون داخل الدويتو هي المجاوب وليس الشريك ونجحت بدرجة ممتاز وهذا ذكاء ومعرفة تحسب لصالحها كثيراً وترفع من الاسكور لها. - منار فنانة موهوبةتملك خامة صوت مميزة مع حفظ جيد وروح في وجهة نظري مرحة لكن مستواها غير ثابت اطلاقاً فهي في بعض الحلقات في قمة الآداء وحلقات اخرى تكون متوسطة وبعضها دون الوسط ، الاحظ في بعض الاحيان ان صوتها يكون صوت لم يبلغ الثبات الصوتي للشخصية التي تملك الصورة والعمر امامك . عليه اخي الخير وبمنطق تحليلي السابق اصوت بقوة للفنانة شموس باعتبارها النجمة التي اراها في هذا البرنامج و أتمني أن تستمر احسن من هذا لتصبح نجمة المستقبل القريب .
الف شكر لك .
Post: #37 Title: Re: نجمة نجوم " اغاني واغاني" لهذا العام ... تسويط عام Author: عادل نجيلة Date: 09-14-2010, 07:54 AM Parent: #2
يا ود العوض عيدك سعيد
(تسويط) دي للجلد فقط ..
Post: #6 Title: Re: نجمة نجوم " اغاني واغاني" لهذا العام ... تسويط عام Author: Al-Shaygi Date: 09-09-2010, 02:26 PM Parent: #1
غايتو أنا صوتي بديهو لي منار صديق...
Quote: نجمة نجوم " اغاني واغاني" لهذا العام ... تسويط عام
Post: #8 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-10-2010, 10:01 AM Parent: #7
اووووو يا جمهور كيفكم اهلنا وكل سنة وانتو باهيين.
طيب لغاية الان يبدو انو ( التسويط) ماشي لصالح منار ودا مؤشر له استدعاءان خطيران 1- انطفأ بريق ريماز ميرغني اذ انها وحتى الان تحتل المرتبة قبل الاخيرة -في الاصوات النسائية-طبعا والتي احتلتها دون منازع الفنانة اميمة عقد الجلاد. عليه: يجب علي الفنانة ريماز ميرغني ان تبحث عن الخلل الذي جعل جهابزة وسميعة سودانيز اون لاين ان يضعوها في مركز متاخر في - نوعا ما- وسط الاصوات النسائية بعد ان كانت نجمة الموسم الماضي دون منازع. 2- علي المؤسسة الموسيقة الضخمة - عقد الجلاد- ان تعيد النظر كرتين في امر اميمة اذ ثبت بما لا يدع مجالا للشك بانها ليست يقامة هذه الفرقة ذات التاريخ الفني الانيق طبعا كلامي دا ما بيعني انها ما غناية اذا استطعت في ايراده كما ينبغي.
Post: #9 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-10-2010, 10:07 AM Parent: #8
Post: #10 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-10-2010, 10:31 AM Parent: #9
Quote: انطفأ بريق ريماز ميرغني اذ انها وحتى الان تحتل المرتبة قبل الاخيرة -في الاصوات النسائية-طبعا والتي احتلتها دون منازع الفنانة اميمة عقد الجلاد.
لا لا يا الخير يا فردة الاخيرة وبجدارة هي صباح وليس اميمة وحتي يكون راى وحديثي الشخصي متناسق دعني اضع ترتيب الاسماء لدي الاناث كالاتي:- 1- شموس 2- منار 3- ريماز 4- اميمة 5- صباح
وشايفك قدمته نصيحة لعقد الجلاد بسبب اميمة يا الخير خليني اعدله حسب راي وظني برضو ... (الصوت وسط المجموعة يختلف من الصوت منفرد يا الخير وربما يسقط صوت شموس او منار لو ذهبن للآداء مع عقد الجلاد لذا فاميمة وسط مجموعة عقد الجلاد صوت مميز ولا اظن ان عقد الجلاد اختارتها دون مهنية منهم- رغم رآي ده يا الخير أنا بشكل خاص شايف اميمة اضعف صوت نسائي تغنى مع عقد الجلاد (طبعاً اخوك مستمع جلادي قديم جداً جداً) وحين تغني معهم يالخير كنت اتعب شديد جداً في الاستماع اليها-.
وشكرا ياخ خليتنا نعبر .
Post: #12 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-10-2010, 10:51 AM Parent: #10
يا سفسف البوست دا عبارة عن شرك كبيييييير لبعض الجهابزة الكانو بشاركو تحديدا في البوست السنوي لاغاني واغاني وقطعا انت كنت فيهم الكبير الذي علمهم الجمال.... يا سفيان يا صديقي.... تعرف انا ما قدرت اخت صباح دي في اي حتة والله يعني جهجهت افكاري, البت سمحة يا سفيان وقبل كدا غنت ليها غنيوة شدة ما كيفتني فتحت ليها بوست الغنية دي هنا انا بختها ليك وانت احكم...انا عشمي في الله كبير يا سفيان هههههههههههههه.
اما فيما يتعلق براي سعادتنا في اميمة فدا حا ارجع ليك ليهو لما ترطب بالغنية دي
Post: #11 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-10-2010, 10:35 AM Parent: #9
الوان الزهور تجلت فيها شموسنا ثم تدفقت ثم انسابت ثم طلعت زيتنا زاااااااتو ياخ
والله والله غناية يا شموس
حركة وتناغم وخفة روح وتمكن وكلو عشرة علي عشرة
Post: #13 Title: Re: نجمة نجوم " اغاني واغاني" لهذا العام ... تسويط عام Author: كمال سالم Date: 09-10-2010, 01:09 PM Parent: #11
والله ياجماعه إنتو كلكم بتبالغوا !! الزمن ده الغنا بقى سمع وشوف ,, عشان كده أنا برشح ريماز وبدون منافس .
إنتو بتسمعوا بـس ؟ مابتشوفوا ولا عميانين !!
Post: #14 Title: Re: نجمة نجوم " اغاني واغاني" لهذا العام ... تسويط عام Author: فاروق أبوحوه Date: 09-10-2010, 01:53 PM Parent: #13
أحمد الصادق
Post: #15 Title: Re: نجمة نجوم " اغاني واغاني" لهذا العام ... تسويط عام Author: Mamoun Ahmed Date: 09-10-2010, 02:08 PM Parent: #14
منار هي الموهوبة حقا
انتو فاكرين اعادو تسجيل اغاني الفلاتية بيها عبثا؟
صوت قوي وتطريب عالي وتقسمات وتلوين زولة فنانة
Post: #16 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-10-2010, 02:50 PM Parent: #15
Quote: البت سمحة يا سفيان وقبل كدا غنت ليها غنيوة شدة ما كيفتني فتحت ليها بوست الغنية دي هنا انا بختها ليك وانت احكم...انا عشمي في الله كبير يا سفيان هههههههههههههه.
اما فيما يتعلق براي سعادتنا في اميمة فدا حا ارجع ليك ليهو لما ترطب بالغنية دي
هاهاهاهاهاهاهاهاها يا فردة وحاة الله البت دي الله ما ستره معاي لووووووووووووووووووووووووووووووووووووول الفديو رفض ينشاف لي هنا ذاتو بشوف لي فرقه اسمعو عشان ما تقول مكجنه ساااااي . بخصوص السماحة اها دي في التصويت مافي قلنا الغناء الغناء وفي الغناء ما عندها شئ. ارجع لينا برائك في اميمة سااااي
ويا الخير اطرد لينا فاروق ابو حوه ده من هنا سرييييييع ده زول لم يأتي لي تصويت ولا حوار .
اما صاحبي البيقول سمع وشوف داك فداء طردتين كاااااااااااااااك.
بالمناسبة يا الخير اوعه تتحيز لشموس وتنزل ليها فديهوات كتيرة هي ما محتاجة منك او مني حاجة حتجي الاولي حتجي الاولي .
Post: #17 Title: Re: نجمة نجوم " اغاني واغاني" لهذا العام ... تسويط عام Author: داليا الكباشى Date: 09-10-2010, 03:05 PM Parent: #16
منـار ..
شريف الفحيـل ..
كل سنه وانت طيب يا صاحب (^_^)
Post: #18 Title: Re: نجمة نجوم " اغاني واغاني" لهذا العام ... تسويط عام Author: abas Date: 09-10-2010, 03:11 PM Parent: #17
صباح وبس
Post: #19 Title: Re: نجمة نجوم " اغاني واغاني" لهذا العام ... تسويط عام Author: فاروق أبوحوه Date: 09-10-2010, 03:23 PM Parent: #16
Quote: ويا الخير اطرد لينا فاروق ابو حوه ده من هنا سرييييييع ده زول لم يأتي لي تصويت ولا حوار .
نابري يا حبيب خصام العيد حرام ياخ.. كل سنه وإنت طيب .
لا للدكتاتورية لا تكميم الأفواه لا لسحل الآراء.. (والله سحل الآراء دي كيفتني في حناني). عليك الله ما بنفع سياسي يا نابري؟ والله قربت أقول: المد الثوري إكتمل
زي ما قلت إنت انا ما جيت (لتصويت) انا جيت (لتسويط) يا سفيان.
نترقبك في بوست قريب سأفتحه للإمبراطور أحمد الصادق إن شاء الله. دحين لملم أطرافك وتعال أستمتع بالغناء السمح.
سيد البيت سلام وكل سنه وإنت طيب
Post: #20 Title: Re: نجمة نجوم " اغاني واغاني" لهذا العام ... تسويط عام Author: Ashraf el-Halabi Date: 09-11-2010, 02:35 AM Parent: #19
في رأيي المتواضع (شموس) هي البريمو يا الخير. شموس من أميز الأصوات النسائية في الساحة حالياً. صوت قوي وملون ولا يعرف النيصان إليها سبيلاً بل فاقت قوته بعض الاصوات الرجالية كما لا تتهيب تأدية أغاني الشفيع وما أدراك ما الشفيع
وفي "العيون نادت" عملت شغل جميل:
Post: #21 Title: Re: نجمة نجوم " اغاني واغاني" لهذا العام ... تسويط عام Author: أسامة عبد الجليل Date: 09-11-2010, 07:44 AM Parent: #20
شموس طبعا
Post: #22 Title: Re: نجمة نجوم " اغاني واغاني" لهذا العام ... تسويط عام Author: عاصم البنا Date: 09-11-2010, 01:10 PM Parent: #21
ياجماعة والله كلهم كويسات بس نحن كسودانيين نفتقر الى المؤسسية فى طباعنا وهذه المواهب الجيده يسؤ توجيهها ( استخدامها) كا ادوات توصيل للفلاتية منار والشفيع شموس والخ والذى يتيح فرصة اولا لاستمتاع للوهلة الاولى ثم يطلق عليهم مقلدين وهذا من عدم وجود الرعاية الصحيحة للماهب وتوجيهاها بالطريقة الصحيحة من ذوى الخبرة وهذا الطريق قادمة فيه صباح عن طريق الاستاذ السنى الضوى رغم ان لها بعض الاخطاء غير الاساسية (اووفر تيوون) وهو من الحماس الزائد ويمكن علاجه بالمراس والخبرة وكثيرين من كانوا كذلك وانا منهم . وعالجها لى الاخ الاكبر والفنان عبدالعزيز المبارك . وعندما نتحدث عن شموس فهي تغني سليما سليما سليما وللكن اخشي عليها من عادات المستمعين وتقيمها بعد فترة بالمقلده وانصحها بسرعة انتاج اعمالها الخاصة والجيده على نفس النسق الذى ظهرت به لتكون شخصيتها الخاصة وهذا لابد من راعي واعي بعد الله سبحانه وتعالى .
اتمني ان ارهم جميعا من كبار فنانات السودان ويضفن ويثرين الحس السوداني بالروائع والفن الراقي لنخرج من ظلمة الخور والاغاني العجية البتسمعها من الرقشة لو القزاز مقفل ديك والاورقن الربع ستايل
خاطرة ليس الا وخوف على مستقبل بعي ارجو ان لا تحسب غير ذلك
فردتكم عاصم بابكر
Post: #23 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-11-2010, 01:30 PM Parent: #22
Quote: ياجماعة والله كلهم كويسات بس نحن كسودانيين نفتقر الى المؤسسية فى طباعنا وهذه المواهب الجيده يسؤ توجيهها ( استخدامها) كا ادوات توصيل للفلاتية منار والشفيع شموس والخ والذى يتيح فرصة اولا لاستمتاع للوهلة الاولى ثم يطلق عليهم مقلدين وهذا من عدم وجود الرعاية الصحيحة للماهب وتوجيهاها بالطريقة الصحيحة من ذوى الخبرة وهذا الطريق قادمة فيه صباح عن طريق الاستاذ السنى الضوى رغم ان لها بعض الاخطاء غير الاساسية (اووفر تيوون) وهو من الحماس الزائد ويمكن علاجه بالمراس والخبرة وكثيرين من كانوا كذلك وانا منهم . وعالجها لى الاخ الاكبر والفنان عبدالعزيز المبارك . وعندما نتحدث عن شموس فهي تغني سليما سليما سليما وللكن اخشي عليها من عادات المستمعين وتقيمها بعد فترة بالمقلده وانصحها بسرعة انتاج اعمالها الخاصة والجيده على نفس النسق الذى ظهرت به لتكون شخصيتها الخاصة وهذا لابد من راعي واعي بعد الله سبحانه وتعالى .
اتمني ان ارهم جميعا من كبار فنانات السودان ويضفن ويثرين الحس السوداني بالروائع والفن الراقي لنخرج من ظلمة الخور والاغاني العجية البتسمعها من الرقشة لو القزاز مقفل ديك والاورقن الربع ستايل
خاطرة ليس الا وخوف على مستقبل بعي ارجو ان لا تحسب غير ذلك
فردتكم عاصم بابكر
سلام يا فردتنا عاصم وعيدك سعيد وسنتك طيبة وملابس العيد بتاعتك شديدة شده جد لوووووول ياعاصم كلامك كلو عين العقل ومنطقي شديد وازيدك شوية اها منار ما تتسجن في الفلاتية وشموس ما تتربس في الشفيع لازم يعملو زي ما قلته انت شغلهم براهوويكسحوا . بس يا عاصم النصيحة لي الله صباح دي مشاكله عظيمة وما اوفر تيوون ولا حاجة مشاكله اكبر من كده كتييير ومحتاجة وقفه مع نفسها وتعرف صوته وتبقي ليهو صديقة وتوافق خياله مع صوته ولو ما عملت كده صدقني مية سني الضوي ما بصلحوها.
Post: #24 Title: Re: نجمة نجوم " اغاني واغاني" لهذا العام ... تسويط عام Author: محمد عمر الفكي Date: 09-11-2010, 01:51 PM Parent: #23
منار وبس، انا ما بعرف في الموسيقى كتير دا اذا كنت اصلاً بعرف فيها حاجة بس صوت منار دا بوديني في عوالم تانية خالص ما عندها اي صلة بالواقع البكون معايشه.
Post: #25 Title: Re: نجمة نجوم " اغاني واغاني" لهذا العام ... تسويط عام Author: عاصم البنا Date: 09-11-2010, 01:58 PM Parent: #23
تعرف ياسفيان صباح دى جربتهااثناء تسجيل البرنامج وتحديدا في حلقة ود الحاوى ارجع ليها الاغنية اسمها ما اللمك غنت معاى فيها الاغنية حقتي كلمات شادول ولحن ود الحاوى والله والله حفظتها قبل التسجل بي خمسة دقايق ووجدت منها الاحترام البحترمو انا لي كبارى من الفنانين السبقوني لمست فيها الطاعة والادب وناس كردفان ديل عندهم بشاشة واخلاق رفيعة وتواضع لله كده البت دى صدقني حاتفوتهم اذا ... تحت خطين ... كانت جاده منضبطة واعية والفنان يانابرى اربع (يعرف يقول شنو , ولي منو , ومتين, وكيف ) اما الصوت ده ابدا ما مهم شوف الخواجات بالبجعرو ديك وشوف الناس البتفرجوكم.. وطبعا كتيرة الاصوات السودانية الكده بدون اسماء
عموما توقع اتمني منها المزيد واول ما الفنا يكبر على نفسه او على المستمعين انتهي لا كبير على العلم والغناء مدارس وشاطر البنتقل من مدرسة الي اخرى لحدى مايبقي ناظر
مودتى
Post: #26 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-11-2010, 02:12 PM Parent: #25
Quote: تعرف ياسفيان صباح دى جربتهااثناء تسجيل البرنامج وتحديدا في حلقة ود الحاوى ارجع ليها الاغنية اسمها ما اللمك غنت معاى فيها الاغنية حقتي كلمات شادول ولحن ود الحاوى والله والله حفظتها قبل التسجل بي خمسة دقايق ووجدت منها الاحترام البحترمو انا لي كبارى من الفنانين السبقوني لمست فيها الطاعة والادب وناس كردفان ديل عندهم بشاشة واخلاق رفيعة وتواضع لله كده البت دى صدقني حاتفوتهم اذا ... تحت خطين ... كانت جاده منضبطة واعية والفنان يانابرى اربع (يعرف يقول شنو , ولي منو , ومتين, وكيف ) اما الصوت ده ابدا ما مهم شوف الخواجات بالبجعرو ديك وشوف الناس البتفرجوكم.. وطبعا كتيرة الاصوات السودانية الكده بدون اسماء
تمام يا عصام فردتنا ح اسمع الاغنية وقطع شك بجيك صادي برآي مكرب حسب سمعي وبالجد ما عندي إي موقف شخصي من صباح والا من إي زول تاني بس هي كمان جد محتاجة الكلام القلتوا انت وقلتوا انا فوق .
انت بتعرف يا فردتنا قصة مصاحبة الصوت وفردنتو دي هي مسألة مهمة قدر شنو وانت تعرف (وانا ذاتي بعرف) انو في بعض الفنانين الخطيرين عندنا هنا اصواتهم ضعيفة جداً جداً جداً لكنهم مفردين اصواتهم وموظفين خيالهم مع صوتهم وبيستخدموا تكنيك عالي في المعرفة دي عشان كده مافي زول بيلاحظ للضعف الصوتي بتاعهم ده ..صح يا فردة والا ما صح ؟.
كن بخير يا جميل وعيدك سعيد
Post: #27 Title: Re: نجمة نجوم " اغاني واغاني" لهذا العام ... تسويط عام Author: awad hassan Date: 09-11-2010, 07:16 PM Parent: #26
Quote: تمام يا عصام فردتنا ح اسمع الاغنية وقطع شك بجيك صادي برآي مكرب حسب سمعي وبالجد ما عندي إي موقف شخصي من صباح والا من إي زول تاني بس هي كمان جد محتاجة الكلام القلتوا انت وقلتوا انا فوق .
الاخ سفيان أنا وراك والزمن طويل.. غايتو إلا تمشي تكتب في الحيط او تكتب بالصيني . صباح دي حايكون ليها دور كبير في تغيير مناخات الاغنية السودانية. صحيح لم توفق بالقدر الكافي في برنامج أغاني وأغاني لإعتبارات كثيرة، لكن المستقبل (صباحاتو) بخير. بعدين أنا تاني ما بسمع غنا رجال،فترنا ياخي من الحلاقيم والزعيق عمل لينا ديفكت في الغدد الجمالية. التحية لك اخ سفيان والتحية للجميع وعيد سعيد وكل عام وانتم بخير. ومازلتا نتابع تعليقاتكم الرائعة مع تحياتي لصاحب البوست
Post: #28 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-12-2010, 00:58 AM Parent: #27
Quote: أنا وراك والزمن طويل.. غايتو إلا تمشي تكتب في الحيط او تكتب بالصيني . صباح دي حايكون ليها دور كبير في تغيير مناخات الاغنية السودانية. صحيح لم توفق بالقدر الكافي في برنامج أغاني وأغاني لإعتبارات كثيرة، لكن المستقبل (صباحاتو) بخير. بعدين أنا تاني ما بسمع غنا رجال،فترنا ياخي من الحلاقيم والزعيق عمل لينا ديفكت في الغدد الجمالية. التحية لك اخ سفيان والتحية للجميع وعيد سعيد وكل عام وانتم بخير. ومازلتا نتابع تعليقاتكم الرائعة مع تحياتي لصاحب البوست
وييييييييييين يا عوض صاحبي عيدك سعيد ياخ وسنتك طيبة
يا عزيزي هذا ما اتمناه لكن بجنس السمعتوا ده الله تعلم غايتو الزولة دي راجيها شغل كتير جداً جداً ومصيبته الكبري انها ظهرت في الاعلام وفي اكبر برنامج مشاهد ودي نقطة قد تخسره كتير جداً جداً .
واهو ننتظر معاك ونشوف ونسمع . كن بخير يا صديقي.
Post: #29 Title: Re: نجمة نجوم " اغاني واغاني" لهذا العام ... تسويط عام Author: Abdulrahman Gorashi Date: 09-12-2010, 03:09 AM Parent: #28
الاخ الحبيب الجميل الفنان عاصم البنا،
يااخي انا بحبك جدا، بس عندي طلب اود انك تحققو لي وماتسالني ليه؟
الطلب اتخارج من اغاني واغاني ولو بتحبني ذي ما انا بحبك كده ارجوك ما تسالني ليه، والله لمصلحتك كان بتصدقني، وفوتك بعافية
Post: #30 Title: Re: نجمة نجوم " اغاني واغاني" لهذا العام ... تسويط عام Author: Gaafar Ismail Date: 09-12-2010, 05:04 AM Parent: #29
Quote: شموس من أميز الأصوات النسائية في الساحة حالياً. صوت قوي وملون ولا يعرف النيصان إليها سبيلاً بل فاقت قوته بعض الاصوات الرجالية كما لا تتهيب تأدية أغاني الشفيع وما أدراك ما الشفيع
شموس حقا رائعة..الله يديها الصحة والعافية ويحفظها.
Post: #31 Title: Re: نجمة نجوم " اغاني واغاني" لهذا العام ... تسويط عام Author: فاروق أبوحوه Date: 09-12-2010, 06:06 AM Parent: #23
Quote: وازيدك شوية اها منار ما تتسجن في الفلاتية
بدأت فعلا في إنتاجها الخاص. أمس في حفلها بأبي ظبي غنت إحدي الأغنيات التي صاغها رئيس مملكة الحب إسحاق الحلنقي. و بالأمارة هي تبحث عن أعمال جديده ، وقلنا نجرب نصيبنا معاها بنص.
منار كنار.
Post: #32 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-13-2010, 00:30 AM Parent: #31
سلام يا بلد حقيقة مستمتع بالمجادعات اللطيفة بين سفسف وفردتنا وبقية المتداخلين عشان كدا قاعد بعييييد وعامل شخيت وممتع نفسي بما يقال.
بس عندي سؤال لعاصم البنا والسؤال دا من بدررررررري جدا جدا عامل لي حسكنيتة اولا لايماني بان الشخصية السودانية دي شخصية مجاملة لابعد الحدود وممكن تبالغ في مدح الزول لما يتعاملو معاهو واقعا بينما بنكون- وكلامي دا بشكل عام- اكثر وضوحا وبكلمات اخرى بنختها للزول ( طخ) كدا لما نكون في الاسافير دي... غايتو دا رأيي انا الخاص جدا في الموضوع دا. المهم عشان ما امشي بعيد ارجع لسؤالي لعاصم
هل يا عاصم اخوانك/تك الفنانين ديل قاعدين يقروا كلامنا البنكتبو هنا دا في موقعنا دا؟؟؟ وللا لا ؟ ودا طبعا علي حسب علمك. وهل - اذا فعلا كانو بقروهو- هل استفادوا منو في شي؟؟؟ علي حسب علمك.
عندي قناعة كبيرة بانو كم التلوين والاختلاف في الامزجة + البراحات بتاعة ( الصدق) التام البنتناول بيهو نقدنا هنا دا ممكن تكون قايد كويس جدا لاستفتاء عام ممكن عبرو الفنان يشوف موقعو بين جمهور المستمعين.
في انتظار عودة فردتنا واراء الاخوات/ة في الاستفتاء العام دا في من هي نجمة نجوم هذا الموسم في برنامج اغاني واغاني
Post: #33 Title: Re: نجمة نجوم " اغاني واغاني" لهذا العام ... تسويط عام Author: فاروق أبوحوه Date: 09-14-2010, 05:58 AM Parent: #32
Quote: هل يا عاصم اخوانك/تك الفنانين ديل قاعدين يقروا كلامنا البنكتبو هنا دا في موقعنا دا؟؟؟ وللا لا ؟
نفس السؤال طرحته علي أحمد الصادق وشريف الفحيل
أكدا متابعتهما لكل ما يكتب عنهما إيجاباً أو سلباً ويحاولان الإستفادة من كل الأراء.
Post: #34 Title: Re: نجمة نجوم " اغاني واغاني" لهذا العام ... تسويط عام Author: Hassan Senada Date: 09-14-2010, 06:34 AM Parent: #33
رماز ميرغنى وبس
Post: #35 Title: Re: نجمة نجوم " اغاني واغاني" لهذا العام ... تسويط عام Author: Nader Abu Kadouk Date: 09-14-2010, 07:23 AM Parent: #34
شموس
Post: #36 Title: Re: نجمة نجوم " اغاني واغاني" لهذا العام ... تسويط عام Author: EMU إيمو Date: 09-14-2010, 07:50 AM Parent: #35
منار
Post: #38 Title: Re: نجمة نجوم " اغاني واغاني" لهذا العام ... تسويط عام Author: بكري الخير Date: 09-14-2010, 08:43 AM Parent: #36
؟!! في انتظار ناس مكتب الوالي المذكورين أعلاه للرد علي هذا الكلام
Post: #39 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-14-2010, 10:46 PM Parent: #38
شكري وتقديري لكل من مر من هنا ووضع صوته في صندوق اقتراع نجمة نجوم اغاني واغاني لهذا الموسم وكما يبدو فان التصويت قد احتدم بين النجمتين : ---- شموش ---- منار وهما نجمتين تستحقان الاشادة والتشجيع ومازلنا في انتظار المزيد من التصويت
لكم جميعا اخلص الود
Post: #40 Title: Re: نجمة نجوم " اغاني واغاني" لهذا العام ... تسويط عام Author: Ashraf el-Halabi Date: 09-14-2010, 11:15 PM Parent: #39
Quote: ؟!! في انتظار ناس مكتب الوالي المذكورين أعلاه للرد علي هذا الكلام
مالك ما بتقول لينا الوالي مع الجماعة يا الخير!؟ طيب: يصدق له بأربعين سوط من مرتبي الخاص. صدر تحت توقيعي:
Post: #41 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-15-2010, 02:46 AM Parent: #40
والله انا اسفت ان اضع ريماز هذا الموضع المتاخر ولكن جد الجماعة الفوق ديل ظهروا بمستوى ارفع منها بكتير في هذا الموسم اذ بدت مختلفة في كل شي حتى هندامها لم تكن موفقة فيه فكان لزاما علينا ان نزيلها القائمة مكرهين لا ابطال.
Post: #42 Title: Re: نجمة نجوم " اغاني واغاني" لهذا العام ... تسويط عام Author: Ashraf el-Halabi Date: 09-15-2010, 03:12 AM Parent: #41
يا الخير ما تتصلح معانا ياخي! التصويت ما كان رئآسي متين بقى فيها قوائم؟ المهم: ترتيبك دا مية مية وقائمتك دي نبصم عليها
بس في إشارتين شايفن مهمات وهن: صوت صباح فيهو إمكانيتات تطريبية ما في شك، بس من ناحية التكنيك محتاجة ظبطة كهربا وتحرق تش وتجي السنة الجاية تسوط ليك قائمتك دي فوق تحت وأميمة ظلمت نفسها لأنها حسب علمي دارسة موسيقى، فكان المفروض تكون عارفة متطلبات الصوت البينفع مع الغنى الفردي والصوت البينفع مع الغنى الجماعي
Post: #43 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-15-2010, 06:59 AM Parent: #42
اشرف سلامات يا رجل
Quote: التصويت ما كان رئآسي متين بقى فيها قوائم؟ المهم: ترتيبك دا مية مية وقائمتك دي نبصم عليها
تعرف يا اشرف اخوك زول سميع لدرجة قف تامل وفي فنانين كتااااااار اختلف الناس حولهم بل كان الراي سلبي تجاه اعمالهم لانهم طلعو باستيلات مغايرة لما اعتادت الاذن الموسيقية السودانية سماعه فقوبلت اعمالهم بالشجب ومنهم علي سبيل المثال لا الحصر محمود عبد العزيز ونادر خضر واحمد شاويش.... اها يا اشرف انا ما يركب في راسي الا الناس الزي ديل. تعرف ليه, لانهم هم شخصياتهم الخاصة عندهم بصمة ( جديدة) عندهم كاريزما غنائية حقتهم (هم) براهم ومؤمنين بيها ... عشان كدا بيعيشو مافي فنان عاش بحق غيرو. الفنان بتكامل باعمال من سبقوه لكن بفرض لونو وطعمو هو بتجربتو الاستثنائية الخاصة بيهو..... طيب انا الخلاني اكب العربي الكتير دا شنوووووو... اني رغم طربي لصوت صباح دي الا اني ما لمست فيه تفرد عشان كدا احساسي انها ما حا تعيش ربما تنجح في اصدار البوم البمين وتاني باببح تمشي زي ما مشت افراح عصام ( احدى نجمات الموسم المنصرم).... اما شموسنا هذى فهي بت عندها لون وطعم مختلفات يعني بتقدر تلمس فيها امكانيات تفرد وحاجة حقتها براها ... طعمها خاص.... عشان كدا متفائل ليها انها تعيش وتعيش كتير كمان لو لقت توجيه حقيقي من موسيقيين حقيقيين طيب نجي لاميمة
Quote: وأميمة ظلمت نفسها لأنها حسب علمي دارسة موسيقى، فكان المفروض تكون عارفة متطلبات الصوت البينفع مع الغنى الفردي والصوت البينفع مع الغنى الجماعي
اميمة صوتها ملان يعني ماقاعدة تفط ليها شي وصوتها جميل كمان لكن لم الحظ فيها رائحة التفرد البتقدر تفرزو من بين الاصوات-حتى- وهي بتغني في غنى جماعي... دا لو اعتبرنا انو اكتر شي ممكن تبرز فيهو امكانياتها الصوتية بعدين حضورها ضعيف جدا وماخدة القصة كانو واجب دراسي جاية تعملو وتتخارج قليلة الابتسام والتجاوب الحركي مع الموسيقى عشان كدا انا بعتبر قامتها اقصر بكتير من قامة الفرقة الغنائية الضخمة الاسمها عقد الجلاد دي ارجو ان لا اكون قد قسوت في حكمي عليها .
اشرف بالله خليك قريب لانو وجودك في هذا الخيط يضفي عليه رونقا وجمالا والق.
Post: #44 Title: Re: نجمة نجوم " اغاني واغاني" لهذا العام ... تسويط عام Author: الامين محمد علي Date: 09-15-2010, 07:40 AM Parent: #43
الخير كل سنة وانت طيب وكل المتداخلين ً...
منار...منار...منار...
شخصياً شايفا اميز صوت غنائي في السنوات الاخيره...رغم انو في هذه النسخة من اغاني واغاني
لم تكن كما يجب...
وعندي سؤال لي عاصم البنا لو تداخل مرة اخرى:
لاحظت ان عصام محمد نور وآخرين افتقدوا الحماس تماماً..بغنو كانهم مجبورين الكلام دا صاح والله دا انطباع مافي محلو!!
البرنامج عموماً في هذه النسخة افتقد للتجويد والاعتناء..
هل كثرة الفنانين اضرت بالبرنامج ؟
وكل عام وجميع فناني بلادي بالف خير..
Post: #45 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-15-2010, 08:10 AM Parent: #44
يا الخير اخوي يعني دي قائمتك !!!؟ كان كده يا اخوي اتفاقنا حولين شموس ده قطع شك خبت عشوا ساااااي هاهاهاهاها وشكلنا حننفارق زي الطريفي والدابه بتاعتوا ديك لووووووووووووووووووووووول معقول ياخ صباح تطلعه التالته !!!! وحاتك هي ذاته لو قالوا ليها في زول طلعك التالته تجيها فرحه قلبيه وتروح فيها كااااااااااااااااك
يا الخير ياخ بطل هظار ياخ وخليك موضوعي كااااااااااك
Post: #46 Title: Re: نجمة نجوم " اغاني واغاني" لهذا العام ... تسويط عام Author: Osama Siddig Date: 09-15-2010, 08:32 AM Parent: #45
شموس
صوت و أداء مميزين , تؤدى بتلقائية عالية جدا
هى ظلمت أيضا فى برنامج نجوم الغد , كانت أولى بالجائزة من فهيمة
Post: #47 Title: Re: نجمة نجوم " اغاني واغاني" لهذا العام ... تسويط عام Author: سامى عبد الوهاب مكى Date: 09-15-2010, 08:37 AM Parent: #46
شموس وشريف
Post: #48 Title: Re: نجمة نجوم " اغاني واغاني" لهذا العام ... تسويط عام Author: مرتضى احمد عبد القادر Date: 09-15-2010, 09:43 AM Parent: #47
شموس والفرق بينه وبين الباقين كبير و واضح
Post: #49 Title: Re: نجمة نجوم " اغاني واغاني" لهذا العام ... تسويط عام Author: سفيان بشير نابرى Date: 09-15-2010, 09:59 AM Parent: #48
Quote: هى ظلمت أيضا فى برنامج نجوم الغد , كانت أولى بالجائزة من فهيمة
شكراً يا عثمان صديق شكراً علي هذه الروية الواضحة وشكراً علي صدق احساسك ، بالفعل شموس هي متستحق الجائزة الاولي في ذاك البرنامج .
Post: #50 Title: Re: نجمة نجوم " اغاني واغاني" لهذا العام ... تسويط عام Author: امير مصطفى احمد Date: 09-15-2010, 10:31 AM Parent: #49
منار الصديق
شموس
ريماز (لوجاتها فقط)
صباح
اميمة
Post: #51 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-16-2010, 06:07 AM Parent: #50
التصويت لصالح شموس قام به : 1- سفيان بشير نابري 2-اشرف الحلبي 3-اسامة عبد الجليل 4-جعفر اسماعيل 5-نادر ابو كدوك 6-اسامة صديق 7-سامي عبد الوهاب 8-مرتضى احمد عبد القادر 9-الخير محمد عوض 10-بابكر التوم
التصويت لصالح منار قام به : 1-امير عبد الدائم 2-ابو عثمان 3-الشايقي 4-صلاح عبد الله 5-مامون احمد 6-داليا كباشي 7-محمد عمر الفكي 8-ايمو 9-الامين محمد علي 10-امير مصطفى
يعني القصة تعادل حتى الان طبعا في بعض الزوار ما اتو( لحوار) هههههههههههه في انتظار ترجيح الكفة هذا بعد ان استبعدنا بقية المتنافسين لان نقاط التصويت عالية اذا ما قورنت بين بقية المتنافسات ونجمتينا حتى الان شموس ومنار.
بالمناسبة وصلني من مصدر موثوق بان الجماعة متابعين
Post: #52 Title: Re: نجمة نجوم " اغاني واغاني" لهذا العام ... تسويط عام Author: ابراهيم محمد الحسن Date: 09-16-2010, 07:20 AM Parent: #51
في ملاحظة ،،
هل المقصود (نجم) أغاني وأغاني بصورة عامة؟ ولا (نجمة) أغاني وأغاني تحديدا ،،
لأنه إذا كان المقصود (نجمة) .. شايف في ناس رشحوا شريف الفحيل وأحمد الصادق !!
عموما أرشح،،
منــار
Post: #53 Title: Re: نجمة نجوم " اغاني واغاني" لهذا العام ... تسويط عام Author: الخير محمد عوض Date: 09-16-2010, 07:55 AM Parent: #52
Quote: هل المقصود (نجم) أغاني وأغاني بصورة عامة؟ ولا (نجمة) أغاني وأغاني تحديدا ،،
لأنه إذا كان المقصود (نجمة) .. شايف في ناس رشحوا شريف الفحيل وأحمد الصادق !!
المقصود ( نجمة) اغاني واغاني. ولكن لا بأس من اضافة اسم مرشح (نجم) بالاضافة لاسم النجمة وان كان بشكل عام الناس زي مجمعة علي شريف الفحيل.
Post: #54 Title: Re: نجمة نجوم " اغاني واغاني" لهذا العام ... تسويط عام Author: ابراهيم محمد الحسن Date: 09-16-2010, 08:13 AM Parent: #53
Quote: في انتظار ترجيح الكفة
رجحناها ،،
حتى حين ..
Post: #55 Title: Re: نجمة نجوم " اغاني واغاني" لهذا العام ... تسويط عام Author: ايوب عبدالرحيم Date: 09-16-2010, 08:48 AM Parent: #54
Quote: وفي فنانين كتااااااار اختلف الناس حولهم بل كان الراي سلبي تجاه اعمالهم لانهم طلعو باستيلات مغايرة لما اعتادت الاذن الموسيقية السودانية سماعه فقوبلت اعمالهم بالشجب ومنهم علي سبيل المثال لا الحصر محمود عبد العزيز ونادر خضر واحمد شاويش.... اها يا اشرف انا ما يركب في راسي الا الناس الزي ديل. تعرف ليه, لانهم هم شخصياتهم الخاصة عندهم بصمة ( جديدة) عندهم كاريزما غنائية حقتهم (هم) براهم ومؤمنين بيها ... عشان كدا بيعيشو مافي فنان عاش بحق غيرو. الفنان بتكامل باعمال من سبقوه لكن بفرض لونو وطعمو هو بتجربتو الاستثنائية الخاصة بيهو.....
ياسلام عليك يا الخير
فعلا اثبت لي انك زول ذواق وسميع جدا
فعلا يعجبني من يقوم بوضع بصمته الخاصة في الغناء حتى ولو كان يقوم باداء اغنيات غيره
ولو تتذكر انو الاستاذ بشير عباس في اغاني واغاني قد اشاد بمحمود وذكر هذه الجزئية بالذات بان
الفنان الناجح هو من يضع بصمته الخاصه وهو ما يتميز به من ذكرتهم اعلاه واخرين مبدعين
شموس تتميز بان صوتها غير تقليدي وغير مكرر وهو مايعطيها التميز وينبيء بانطلاق نجمة
بالصدفة في ايام العيد شاهدت لها اغنية على السودانية وكانت تغني لوحدها وقد تجلت واطربت الجميع
باختصار اصوت لشموس
وهذا لايعني ان منار او صباح او اميمة غير مبدعين ولكن شموس متميزة بصوت عذب واداء فريد
