عزة في هواك عزة نحن الجبال وللبخوض صفاك عزة نحن النبال!!!

Quote: عزة في هواك عزة في هواك عزة نحن الجبال وللبخوض صفاك عزة نحن النبال عزة ما بنوم الليل محــــال وبحسب النجوم فوق الرحال خلقة الزاد كمل وأنا حالي حال متين أعود أشوف ظبياتنا الكحال عزة ما سليت وطن الجمــال ولا أبتغيت بديل غير الكمــال *** وقلبي لي سواك ما شفتو مال خذيني باليمين وانا راقد شمال عزة ما نسيت جنــة بلال وملعب الشباب تحت الظلال ونحن كالزهور فوق التلال نتشابي للنجوم وانا ضافر الهلال عزة جسمي صار زي الخلال وحظي في الركاب صابه الكلال وقلبي لسه ما عرف الملال أظنه ود قبيل وكريم الخلال عزة ما أشتهيت نوم الحجال ولا السوار بكي في يمينا جال وعزة في الفريق لي ضيق مجال قبيلة بت قبيل ملأ الكون رجال *** عزة شفت كيف نهض العيال جددوا القديم تركوا الخيال روحك أم سماح سري كالسيال شجوا الفؤاد حيوا محسور الليال عزة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدى كل يوم عظمة ازداد جلال *** عزة في حذا الخرطوم قبال وعزة من جنان شمبات حبال وعزة لي ربوع ام در جبال وعزة في الفؤاد دوا يشفي الوبال

رحم الله الخليل ياجني :

Quote: وللبخوض صفاك عزة نحن النبال

ديل ماخاضو صفاها وبس ...ديل إنتهكوا حرمتها وأغتصبوها وفرطوا في ترابها وسيادتها ومزقوا أوصالها ولكننا لم نكن نبالا تحمي حما ها وتركناها تصرخ في الإنعاش لم نفعل كما فعل جدنا الخليل:

Quote: عزة ما سليت وطن الجمــال ولا أبتغيت بديل غير الكمــال

........... تمني الخليل نهضة العيال والتغيير وتجديد القديم:

Quote: عزة شفت كيف نهض العيال جددوا القديم تركوا الخيال

..... ولكن العيال لم ينهضوا بالقديم ويطوروهو بل تقاعسوا و فرطوا في الموروث وأضاعوا وطن الجمال وتركوه نهبا لضباع الإنقاذ ولأطماع دول الجوار.......

حلم قديم فاشل في اقامة دولة عربية اسلامية سودانية موحدة من اهل درب الاربعين

ياسلام عليك ياجنى يازول يامرهف

عازة دى لحن الاعماق السودانية

لحن يلامس الوجدان السودانى ثم العالمى
.....
اتذكر مرة وانا فى النرويج وكنت فى مدرسة
وفجأة رن هاتفى وكانت النغمة ( عازة فى هوالك)
واذا باستاذ الموسيقى فى المدرسة يقول لى
ممكن تسمعنى هذا اللحن
فقلت له ممكن اعزف لك هذا اللحن كم ينبقى
وعزفت له اللحن
وفجأة قال لى هذا اللحن امريكى
فقلت له سودانى
لم يصدق
ولكنه كموسيقى احتفظ باللحن واعتبره تحفة عالمية
شدت انتباه
......هذا سحر عازة فى هواك السودانى)