شكرا أخي معاوية البوني غير (مشحود) فهو منا وفينا ونتعشم فيه أن يتولى هذا الأمر الجلل بمزيد من تسليط الأضواء وتنوير أهله بالجزيرة من خطورة ومغبة أعمال المتعافي واللا وطني الشيطانية ، الجزيرة لن تكون فلسطين أخرى يالبوني الشفيع إبراهيم
السلام عليك ولضيوفك يا معاوية الأرباب وكل سنة وإنتو طيبين
عبد اللطيف كان من الكتاب الرماديين لكنه بعد أن أحس بالخطر يحدق بأهله عاد له رشده وبدأ يكتب كلام قوي وواضح.. قبل مدة كتب موضوع جميل عن محاربة الحكومة لمزارعي الجزيرة ومنعهم من بيع محاصيلهم المزروعة في الجروف من بيعها في الخرطوم.. والله نحن هنا أي إنسان بين بين نديهو على راسو.. الني للنار..
Quote: وحتى الافات البشرية من فصيلتك دي برضو ضررها محدود
كيف يعني ضرره محدود ..؟ يعني حسع تفتكر انا ما ممكن اعمل ليك بلهارسيا.. ؟ مبروك .. شايفك شغال بي نظام الدورة الزراعية كويس .. كنت قايلك زول خرطوم ساي .. الدورة الزراعية هي أن تتكوكب على بوستات الناس .. والمباركة دي في شان فتحت ليك بوست .. اهـا المرة دي طلعته بي المتعافي .. النشوف المرة الجاية البلهمك منو ويهيج ليك اشجانك .. .. ملحوظة: رمضان فات .. أعمل حساب الحوض بتاع العجور دا لانو جمب القيفه .. والقيفه بتودي البحــر والبحر دا بشيل عوامو .. يعني الواحد عادي جدا ممكن ينط بيك من القيفه دي .. شغلك دا شغل (تــرع) ساااي .. الواحد كان (اترعك).. بغطس حجرك في ابو عشرين
الأخ عثمان جلال الدين.. سلامات.. كلا د. البوني معنا في خندق واحد. فهو لحمة وسداة المشكلة الجُرم. هل تعلم أنه مع قليلين ما زال يسكن في قريته اللعوته ويداوم يومياً بالحضور للخرطوم لتدريس طلابه بالجامعة التي يعمل بها؟ ندعو له بالتوفيق. تحياتي.
Quote: هكذا عبثا يحالون التعساء بالمنبر تصويرنا بأننا كسالى متسكعين عاطلين خاملين نسترق النظر والسمع لنخلو بحرائر القوم ونبيعهم الملابس الداخلية ونقايضهم الملابس بالعدة أو العكس
يا الشفيع منو البقدر يقول كلام زي دا؟ هؤلاء هم العاطلون عن الموهبة... السادرين في غيهم بلا هدف غير التجريح لمن هم أعلى منهم قدراً ومقاماً. ما زلت وسأظل أفتخر أن والدي عليه الرحمة مزارع درجة أولى في بلدنا. قبل ظهور التركترات والآليات. وأقسم صادقاً أنّ أي لقمة أكلناها مع إخوتي من كدِّ يمينه وعرق جبينه وهي حلال بكل المقاييس. لا تهتم بتوافه القول ولا تلقي بالاً على سمادير الخرقاء الذين لا يفرقون بين بوعهم وكوعهم.. فلهم الله وهو كفيل بهم. تحياتي. ملحوظة: بما لنا من سُلطات فقد منحنا الإخوة: أحمد العربي: لقب كبير المتسكعين. عبد الرحمن الحلاوي: شيخ المتسكعين. بدر الدين الأمير: أمير أمراء المتسكعين. وسنصدر فرماناً في الأيام القليلة القادمة لمنحك اللقب الملكي الذي تستحقه كمتسكِّع .. حتى ينفلق الغير متسكعين من الغيظ.
