هل تعاقد مشروع الجزيرة اكبر جرما من احتلال حلايب؟

مصر من اجل امنها الغذائي والمائي اغمرت اراضي سودانية مليئة بالآثار وشردت آلاف الاسر النوبية ،ثم عادت واحتلت ارض حلايب عنوة ولم تحترم اواصر الاخوة والشقاقه والكثير الكثير المخفي .فهل تعاقد مشروع الجزيرة اكبر جرما من احتلال حلايب ؟

القصة دي زي الواحد عنده بنات واولاد وجاء واحد اغتصب واحدة من البنات وبعد فتره جاء اتقدم لاختها والاب وافق واداهو لانه دفع ليها كويس نساه فعلته الاولي والاولاد زعلانين وماراضين بالراجل ده مش لانه اغتصب اختهم زماااان بل لانه ما من القبيلة . شفتو كيف ؟ ! !

يا فايز
كل سنة وانت طيب
أظن أن بيع مشروع الجزيرو أفدح جرما من حلايب لأن مشروع الجزيرة بيعتبر مفصل من مفاصل الاقتصاد السوداني
وحلايب ما فيها غير جبال وصخور وما منها فايدة وما تصدق كلام الناس البيقولوا فيها ذهب وفضة,,, الذهب والفضة في مشروع الجزيرة

Quote: القصة دي زي الواحد عنده بنات واولاد وجاء واحد اغتصب واحدة من البنات وبعد فتره جاء اتقدم لاختها والاب وافق واداهو لانه دفع ليها كويس نساه فعلته الاولي والاولاد زعلانين وماراضين بالراجل ده مش لانه اغتصب اختهم زماااان بل لانه ما من القبيلة . شفتو كيف ؟ ! !

والله لكن ياود القاضي ، المثال ده ظريف جداً وبيقرب العوارة الكيزانية دي للزول........
تعرف الجماعة اليوم جايين بفن جديد هل بيع ام استئجار؟؟؟؟؟
وصاحبهم الدقير يقول:

Quote: أكد وزير الصناعة جلال الدقير أن كلفة استصلاح او استزراع أرض تكفي لإنتاج مليون طن قمح سنوياً لا تتعدى بليوني دولار‏. وأشار إلى أن زراعة القمح السوداني بتقنيات حديثة ستصل بسعر الطن إلى نصف ما هو عليه في الأسواق الدولية‏.‏ وأضاف الدقير أن مصر تستورد ‏6‏ ملايين طن قمح سنوياً وتستورد السودان مليوني طن‏,، ويتطلب ذلك زراعة ما بين‏3‏ و ‏4‏ ملايين فدان لسد العجز في البلدين‏. وأكد أن السودان في حاجة إلى ‏4‏ ملايين فلاح مصري لزراعة ملايين من الأفدنة في السودان، قائلاً‏: «إن مصر آتية الى السودان عاجلاً أو آجلاً نظراً لكون السودان الحل لأي مشكلة اختناق لمصر‏ وأن الحكومة على استعداد لتوطين الأسر المصرية في هذا المجال‏».

المعني استيطان عديل كدة .....تعجبني الصراحة الكيزانية ....علماً بان شيخنا الدقير حديث عهد
براس المال الطفيلي مما يشير الي انه لم يتقن فن التلاعب بالكلمات الي هذه اللحظة
لك شكري

اميرة ..سلامات وكل عام وانت بخير . الفهمتو من كلامك : اي ارض فيها جبال ومافيها دهب وفضة مفروض نوزعها علي دول الجوار واي ارض زراعية مفروض مانزرعها ولا نأجرها لانها في حد ذاتها دهب وفضه ومفروض نستمتع بالفرجه عليها .

لا يا ود القاضي .. ما قصدي كده .. ولكن جاوبت على السؤال ,, ايهما أكبر جرما؟؟
الأكبر جرما هو بيع مشروع الجزيرة... يعني الاثنين بيعتبروا أعمال إجرامية لكن الأكبر جرما هو بيع المشروع
والله يديك العافية
وكل سنة وانت طيب... بكره العيد

Quote: والاولاد زعلانين وماراضين بالراجل ده مش لانه اغتصب اختهم زماااان بل لانه ما من القبيلة . شفتو كيف ؟ !

على حد المثل الضربتو دا يا ود القاضي ...... اسع الاولاد ديل بيمثلهم منو في المنبر دا .... الناس الساندو البيع ولا الوقفو ضدو ......... كل الناس الوقفت ضد الموضوع وقفوا ضد حكاية بيع اراضي الجزيرة حتى ولو كانت لاشراف السعودية ذاتهم .. مش علشان البيع تم لناس من خارج البلد ....... وبعدين ذاتو مثلك عامل زي عربية الباسطة المكعوجة وعندها كراع ناقصة ............. يا اخي مشروع الجزيرة دا الناس عادي بتأجر حواشاتو للسودانيين من جهاتو الاربعة ومافي مشكلة هنا ... تقوم تقول الاولاد رفضو لانو ما من القبيلة (مصر)