Post: #1
Title: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-07-2010, 06:24 PM
حملت الينا الاخبار ان بروتوكولا قد وقع بين مصر والسودان يفضي الى تمكين الاخوة المصرين (شركات افراد ) بالاستثمار في الزراعة في السودان ... فانا ومن هذا المنبر أرحب بالاخوة في شمال الوادي واتمنى ان تكلل مساعيهم في الاستثمار في الزراعة في السودان بالنجاح حيث يوجد في السودان كل مقومات نجاح الاستثمار الزراعي من مياه وارض خصبة مسطحة وغيرها من الوسائل فقط ينقص التمويل لتلك العملياات الفلاحية لانجاح الاستثمار ..
مع العلم بأن الاراضي الصالحة للزراعة في السودان 80% من جملة مساحته ومستغل منها حتى اليوم 30%فقط يعني موش المصريين فقط لو ناس الصين ذاتهم لو جو السودان ليستثمروا في الزراعة سوف يجدون مأربهم
كسرة : الشكر كل الشكر لوزارة التعاون الدولي متمثلة في الاخ الدكتور التجاني صالح فضيل ووزارة الزراعة الاتحادددية متمثلة في سعادة الاخ عبد الحليم اسماعيل المتعافي .. والمفروض أن هذه الخطوة تكون قبل سنوات كثيرة ولطن لان تأنتي اليوم خير من ان لا تأتي
كسرة ثانية : نكرر ترحيبنا بالاخوة المصريين في وطنهم ونزلتم اهلا وحللتم سهلا
|
Post: #2
Title: Re: مرحباً بالأخوة المصريين في وطنهم الثاني
Author: على ميرغني
Date: 09-07-2010, 06:29 PM
Parent: #1
نعم حملت لكم الاخبار ما حملت .. لكن مشكلة الاخبار انها ما شرحت للبعض انو المصريين ديل ما مشوا يزرعوا في الصحراء العتمور .. ولا حتى في البحيرة الاكتشفها العالم اسامة الباز في شمال دارفور ..... يعني يالمكاشفي الاخوة المصريين ديل جايين يقعدوا في ال30% الانت اتكلمت عنها دي مش في الخمسين الباقية من ال80% ....
مرات الواحد بشك في ضوابط بكري ذاتو
|
Post: #3
Title: Re: مرحباً بالأخوة المصريين في وطنهم الثاني
Author: معاوية عبيد الصائم
Date: 09-07-2010, 06:32 PM
Parent: #2
ترحب بيهم فى وطنك الدرويشى ؟
يا سيد الجلابية الخضراء ؟
|
Post: #4
Title: Re: مرحباً بالأخوة المصريين في وطنهم الثاني
Author: اميرة السيد
Date: 09-07-2010, 06:36 PM
Parent: #2
لكن يا المكاشفي كل شئ إلا مشروع الجزيرة...
اذا ناس الصين عاوزين يجو يزرعوا في الصحراء الكبرى وصحراء العتمور أو أي أراضي غير مستصلحة للزراعة فمرحبا بهم.. لكن أرض الجزيرة اساسا
صالحة ومزرعة من قبل وكانت تنتج القطن والمحاصيل الزراعية الاخرى,,, يعني أساسا جاهزة للزراعة,, ومفروض اذا الحكومة ما قادرة تزرع أراضي مشروع الجزيرة يوزوعوها لخريجي كليات الزراعة في الجامعات السودانية عشان يستفيد منها السودانيين,, اما المصريين والصينيين والروس والكنديين المشهورين بزراعة القمح فمرحبا بهم لاستصلاح الأراضي البور في السودان,,, إلا مشروع الجزيرةّّّ
|
Post: #5
Title: Re: مرحباً بالأخوة المصريين في وطنهم الثاني
Author: ibrahim alnimma
Date: 09-07-2010, 06:39 PM
Parent: #2
انت ترحب بدولارتهم لتنزل عليكم ....انت ترحب ببتقاعس النظام عن مهمته في دعم التنمية
انت ترحب باموالهم ...وتنسي اهلك الذين يشردوهم .....اي عمالة اكثر من هذه؟؟؟
وهل نسيت الاعلام السوداني عندما كان يصف القايادات المصرية بابناء الرقاصة؟؟؟؟؟؟
انت اليوم تتقرب لهم بتبيع لهم قوت اهلك ؟ لتبيع لهم ثروات السودان الي أي درك سحيق انزلقت ؟
وانت تحمل اسم اعظم انسان ولدته الجزيرة وللاسف لم تعطي من هذا الاسم نصيب ......
فالجزيرة ستكون لهم ولارباب النظام بالمرصاد .....بعلمائها وبكبارها بمناضليها ومزارعيها وطرقها
الصوفية التي لم تتنكر لهم...ازرق طيبة....والمكاشفية .....واتحاديها وحتي داخل المؤتمر لوطني
سيهب من مازال يعيش بضميره.......
|
Post: #6
Title: Re: مرحباً بالأخوة المصريين في وطنهم الثاني
Author: jini
Date: 09-07-2010, 06:45 PM
Parent: #5
| Quote: المكاشفي الخضر الطاهر |
مكاشفى خضر طاهر
الالف واللام اداة تعريف للنكرة!
جنى
|
Post: #7
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-07-2010, 06:50 PM
Parent: #6
| Quote: مرات الواحد بشك في ضوابط بكري ذاتو |
على ميرغني دا علاقتو شنو بقوانيين بكري ؟؟؟ جاوبني عل السؤال واتحداك وريني خرق واحد في لوائح البورد
انت عينك للسباب والشتائم تنهال على الاخ السيدح من مناضلي الكيبورد وين انت يا على يا ميغني خليك منصف
|
Post: #9
Title: Re: مرحباً بالأخوة المصريين في وطنهم الثاني
Author: معاوية عبيد الصائم
Date: 09-07-2010, 06:52 PM
Parent: #7
الاعوج راى والدرويش ساااااااى ؟
|
Post: #11
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-07-2010, 06:59 PM
Parent: #7
Quote: ترحب بيهم فى وطنك الدرويشى ؟
يا سيد الجلابية الخضراء ؟ |
معاوية عبيد
لغاية هنا كويس جدا سيد الجلابية الخضراء مقبولة
الاستاذة اميرة السيد
أنا رأيت بأم عيني رأسي ولم يخبرني أحد تلك الهتارات الكبيرة جدا خاصة المنطقة غرب المناقل وقفت بنفسي آلاف الهكتارات غير مزروعة
أما المناطق المزروعة فمواطنى القرى المجاورة يلعبوا في الكوتشينة والضمنى واخوانا واخوتنا التاما والبرقو من غرب السودان هم الذين يعملون
ibrahim alnimma
الجماعة الذكرتهم ديل خليهم يمشو يزرعو ليهم فدانين فقط لو ينجحوا احتمال ينجحوا اهي الارض عندهم خرطمية سنة عملوا فيها شنو مالقمح في ناروا والعيش في ناروا وهم فاضيين من لعب الكوتشينة والضمنة وقفت بنفسي عليهم في قرية قرب قرية غرب المناقل
جني
اسي نكرة انا ولا انت .. انا معروف بس انت منو ورينا اسمك بالكامل لو سمحت
|
Post: #24
Title: Re: مرحباً بالأخوة المصريين في وطنهم الثاني
Author: cantona_1
Date: 09-07-2010, 09:33 PM
Parent: #11
| Quote: واخوانا واخوتنا التاما والبرقو من غرب السودان هم الذين يعملون |
يا أستاذ المكاشفي ممكن تورينا ناس البرقو والتاما ديل بعدين يمشوا وين بعد أن تُسلّم الأرض للمصريين؟ ولا يشتغلوا عمال عند المصريين في السودان؟
كبـّـاشي الصـّـافي
|
Post: #8
Title: Re: مرحباً بالأخوة المصريين في وطنهم الثاني
Author: Nazik Eltayeb
Date: 09-07-2010, 06:51 PM
Parent: #5
قيل في الاثر اذا لم تستح فافعل ما شئت فهونوا عليكم اخوتي المتداخلين
لن تسمعوا من مات قلبه ولم يحس بوجع وطنه
فالضمير هو من يعى
حاشية:
ربنا يهديك يا ود الشيخ حتى تري الحق حقاً وتتبعه فالظلم ظلمات ومن يدعم الظالمين فهو شريك لهم انت قايل الدين دا عبادات بس والتصوف جلابية بس ياخي من افضل الاعمال عند الله كلمة حق عند سلطان جائر لكن للاسف ما قاعدين تنتبهوا ليها
|
Post: #16
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-07-2010, 08:11 PM
Parent: #8
Quote: قيل في الاثر اذا لم تستح فافعل ما شئت فهونوا عليكم اخوتي المتداخلين
لن تسمعوا من مات قلبه ولم يحس بوجع وطنه
فالضمير هو من يعى
حاشية:
ربنا يهديك يا ود الشيخ حتى تري الحق حقاً وتتبعه فالظلم ظلمات ومن يدعم الظالمين فهو شريك لهم انت قايل الدين دا عبادات بس والتصوف جلابية بس ياخي من افضل الاعمال عند الله كلمة حق عند سلطان جائر لكن للاسف ما قاعدين تنتبهوا ليها |
اولا :الكلام دا انا بحولو ليك
ثانيا يا محترمة يا فقيه يا عالمة يا متدينة يانازك أنا زول خديني على عقلي البايظ دا وكدا ياشاطرة ورينا الدين والتصوف العندك اصلو انا مطفئ وما عارف حاجة واداير اعرف حاجة عن التصوف والدين كدا ورينا لو تكرمت
ثالثا : يا نازك برضو ما تنسي جيبي لينا بوستاتك الكتب تيها عن الدين والتصوف والبتدافعي فيها عن ابطال الغالين وثورة الملحدين ضد الدين ورينا بوستاتك فأنا في اشد الشوف لمعرفتها يا ايها الخبيرة
التحية ليك يا نازك وكل عام وانتم بخير وانا في انتظار ردكم لتوضحوا لنا الدين والتصوف
|
Post: #10
Title: Re: مرحباً بالأخوة المصريين في وطنهم الثاني
Author: محمد إبراهيم علي
Date: 09-07-2010, 06:56 PM
Parent: #5
وان شاء الله يجيبو ليك معاهم شوية مذيعات حلوات عشان تشتغل بيهم رمضان الجاي
قلت شيخ الامين محايتو ببسي وحوارينو جكسي
قوم لف انت والمصريين بتاعينك معاك
|
Post: #13
Title: Re: مرحباً بالأخوة المصريين في وطنهم الثاني
Author: معاوية عبيد الصائم
Date: 09-07-2010, 07:07 PM
Parent: #10
نفس كلام السيدح
اذن
المكاشفى يسعى الان
لارسال البوست للخور
وذلك من خلال الاساءة
لااهلنا ناس الجزيرة ؟
ووصفهم بالعطالة ؟
هل لان دروايش مشائخ محاية الكولا عطالة ؟؟
اختشى يا ود الشيخ ؟؟؟
|
Post: #18
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-07-2010, 08:29 PM
Parent: #10
| Quote: قوم لف انت والمصريين بتاعينك معاك |
محمد ابراهيم
لو تكرمت انا ما أسأت ليم ولم اشتمك ولم اسبك حقو يا محترم ما تشتمنى وما تسيئ إلي لو تكرمت
أنا لن ارد على شتيمتك هذه بل أحيل الامر الى الزملاء في البورد وزوار الموقع وصاحب الموقع حتى يحكموا بأنفسهم
|
Post: #12
Title: Re: مرحباً بالأخوة المصريين في وطنهم الثاني
Author: عمرو علي
Date: 09-07-2010, 07:04 PM
Parent: #1
أخي المكاشفي
تحيية طيبة وبعد،،
في البداية اود أن تعلم تماماً أنني لست من المعارضين ولست من المنحازين لأي طرف غير الحق وليس سوى الحق...
ولقول الحق هنا فقط استفسر عن أمر واااااحد فقط دعاني للإستغراب والإستهجان والإستنكار ، ألا وهو ما الداعي لتمليك الأراضي للأفراد القادمين ؟؟ ولماذا مصر لم تحقق هذه الفكرة وليدة أحد عقول المصريين والذين بصراحة أكره حكومتهم كرهاً عظيما فنال الشعب بعضاً من هذا الكره في الأراضي المصرية ؟؟
بس نفسي أعرف الحكمة من التمليك شنو ؟؟ ولماذا لم يُمنح السوداني المغترب على أقل تقدير هذا الإمتياز الذي سيحصل عليه الخمسة مليون مصري كما يتردد من الكثير من الأخوة ؟!!!
مجرد أسئلة أسئلها لعلكم أخي الكريم تُنيرون عقلي وترشدونه للحكمة المبتغاة من هذا الفعل...
مرة أخرى ( لست معارضاً ولا حزبي ولا غيراته ) لأنو في الأساس السودان كلو مافيهو معارضة زي العالم والناس !
ود واحترام..
|
Post: #14
Title: Re: مرحباً بالأخوة المصريين في وطنهم الثاني
Author: عليش
Date: 09-07-2010, 07:24 PM
Parent: #12
| Quote: أما المناطق المزروعة فمواطنى القرى المجاورة يلعبوا في الكوتشينة والضمنى واخوانا واخوتنا التاما والبرقو من غرب السودان هم الذين يعملون |
بتعرف شنو عن المناقل ومشاريعها؟
بتعرف شنو عن اعمامي ناس المناقل الزرعوا حياتهم كلها بالمشروع ده وفجأة كده تجي الحيكومهة تقسم منهم عرق جبينهم النص بالنص وهم (اي الحبكومة) ماجو وقفوا يوم علي اراضيها؟
حاره تقطع القلب لما يجو يفرضو عليك تاكل بالاذن من مشروع إنت صاحي نايم عرقان حفيان فيه..
لو حسيت كلامي ده؟ انا زاتي برحب بالمصريين...
|
Post: #15
Title: Re: مرحباً بالأخوة المصريين في وطنهم الثاني
Author: Alshafea Ibrahim
Date: 09-07-2010, 07:47 PM
Parent: #14
ياشيخ المكاشفي
أين حقوق المواطنة الواجبة على سلطتكم الرسالية ؟
هل نزع ملك الغير ومصادرته وتسليمه للغير والأتجار به يمت بصلة للشريعة التي بها تهللون ؟
لا مرحب ولا شيء بالمصارية ، الجزيرة لسكانها واهلها ومزارعيها ، وندرك خساسة اللا وطني وعشناها تجاربا مرة خلال العشرين عاما
لا أهلا ولا سهلا
وشوفوا ليكم طين للمصارية
الشفيع ابراهيم
|
Post: #17
Title: Re: مرحباً بالأخوة المصريين في وطنهم الثاني
Author: khaleel
Date: 09-07-2010, 08:15 PM
Parent: #15
مكاشفي القوم شوف المصري دا قال شنو وحكم ضميرك
| Quote: السودان .. ارض خصبة جدا و غير مستثمرة .. و القوانين السودانية تكاد تستجدي العرب ان يستثمرو في هذه الاراضي .. الخطوة الامثل لمصر و لدول الخليج التي لا تزرع طعامها بيدها بل تعيش على زراعة الخارج(مساعدات او استيراد) فالافضل لها ان تستأجر اراض في السودان و تزرعها و تطعم شعوبها و تشغل السودانيين و غيرهم .. وعندها سنحقق الاكتفاء الذاتي الغذائي العربي و نصبح امة تأكل مما تزرع |
|
Post: #20
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-07-2010, 08:51 PM
Parent: #17
Quote: وذلك من خلال الاساءة
لااهلنا ناس الجزيرة ؟ |
معاوية عبيد الصائم
اولا: وين الاساءة عشان نعتزر ؟
بعدين انا بحكي عن حقائق شوف يا معاوية انا جاني واحد من قرية من قرى الجزيرة وقال لي تعال شاركني في زراعة قمح ..مشيت بعت ركشة حقتي وشاركتو بثلاثة ملايين الكلام دا 2008 لغاية اليوم الراجل دا ما جابلي القروش حقاتي وشابكنى القمح ماشرب كويس والدقاقات اتعطلت والشوالات وناس الرابطة اسبابا واهية .. ولما ذهبت الى المشروع وعينت المشروع لقيت اهمال كبير جدا من هذا المزارع
نصحني بعض الاخوة وقال لي انت ما كنت تشارك صحاب ارض انت كنت تشارك التاما والبرقو اولاد الغرب اسي اكت لقيت ليك فايدة خمسة مليون ديل فاضيين من لعب الكوتشينة والاسواق والاغتراب ديل قاللي ما بيشتغلو بيشغلوا اولادد الغرب انت ما شفت نسوان الغرب بيزرعن الفول
شوف يا معاوية اها قرشي ديل البيجيبن لى منو من الزول دا ؟؟؟
الاخ عمرو على
| Quote: بس نفسي أعرف الحكمة من التمليك شنو ؟؟ ولماذا لم يُمنح السوداني المغترب على أقل تقدير هذا الإمتياز الذي سيحصل عليه الخمسة مليون مصري كما يتردد من الكثير من الأخوة ؟!!! |
الاخ عمرو نعم هذا هو الكلام الذي ينبغى ان يقال وكلامك هذا يا عمرو انا معك فيه قلبا وقالبا وأؤيدك في تساؤلاتك هذه فهي تساؤلات مشروعة
اما عن الاجابة فارجو من ادارة مشروع الجزيرة ومن الاخوة في الزراعة تخصيص جزء من الاراضي للمغتربين لتمليكهم اياها فالمغترب لديه التمويل ويستطيع ان يمول اراضيه فانا اضع يدي في يدك ونطالب بان تراجع الالية وان يراعا موضوع المغتربين للجادين في الزراعة فاراضي السودان الاصالحة للزراعة كثيرة جدا
شكرا يا عمرو على هذه المداخلة الجميلة
الاخ عليش
انا شاركت واحد من قرية لا اريد تسميتها بالقرب من قرية ود النورة وخسرت تلاتة مليون من 2008 لغاية الآن ما لقيتها هذا الشخص الشاركتو هو شخص واحد فقط لكن كرهني في ناس الجزيرة كلهم وكرهني في الزراعة لاني بعت لى ركشة عشان اشاركو مشى سواها لي كلها كسور وبواقي وما لقيت ولا حبة قمح واحدة والتفاصيل موجودة عندي ..هو المشكلة يا دعم يا الحكومة ترفع يدها وأذا رفت يدها لا يزرع المزارعون واذا دعمت دايرة كمان حق البنوك المولت المشروع فالامراامن يا عليش مرات وما في واحد حلو الجحكومة تشيل نصف الانتاج بل الاكثر لتغطية ميزانية التمويل في حالة الدعم ولا تشيل شيئ في حالة عدم الدعم للذين يزرعون في الضهاري
| Quote: هل نزع ملك الغير ومصادرته وتسليمه للغير والأتجار به يمت بصلة للشريعة التي بها تهللون ؟ |
الشفيع كدا تعال ما تتور نفسك ساكت منو القال بينزع ارض شوف يا اخي انت عندك ارض ملك الامم المتحدة ما تقدر تنزعها منك كدا روق شوية نحن بنتكلم عن الارضي البور
الاخ خليل
واسال سؤال متى يكون السودان سلة غذاء العالم وهذا مشروع بوست
|
Post: #26
Title: Re: مرحباً بالأخوة المصريين في وطنهم الثاني
Author: cantona_1
Date: 09-07-2010, 09:46 PM
Parent: #20
| Quote: نصحني بعض الاخوة وقال لي انت ما كنت تشارك صحاب ارض انت كنت تشارك التاما والبرقو اولاد الغرب اسي اكت لقيت ليك فايدة خمسة مليون ديل فاضيين من لعب الكوتشينة والاسواق والاغتراب ديل قاللي ما بيشتغلو بيشغلوا اولادد الغرب انت ما شفت نسوان الغرب بيزرعن الفول |
يا أستاذ المكاشفي المشكلة محلولة وبدون تعب. قلت ناس الغرب هم البشتغلوا وهذه محمدة لهم. والمغتربين عندهم قروش.. المطلوب من الحكومة توفير الماء فقط. الماء موجود المطلوب هو صيانة الترع من الميجور وحتى آخر جدول. والتمويل موجود في بنك السودان. عندها تكون العلاقة بين المغترب إبن الجزيرة وباقي السودان لمن له الرغبة والإمكانية والمزارعين العاملين – وليس الكسالى كما وصفتهم- والكل يستفيد. بس الحكاية عاوزة آلية تكون بعيدة عن الحكومة، حتى تسير الأمور كما يُراد لها. وإذا الحكومة لا تتمكن من توفير السيولة لصيانة الترع تُحال العملية للرأسمالية الوطنية في ما بين البنك الزراعي وبنك المزارع والشركات التي تعمل في مجال صيانة الترع. وكفى الله المؤمنين القتال.
كبـّـاشي الصـّـافي
|
Post: #21
Title: Re: مرحباً بالأخوة المصريين في وطنهم الثاني
Author: عبدالعزيز حسين عبدالرحيم
Date: 09-07-2010, 08:54 PM
Parent: #17
أخونا المكاشفي
رمضان كريم وعيد سعيد
بعيد عن الأنفعال والزعل
السودان فيه مئات الملايين من الاراضي الصالحة للزراعة وتحتاج استصلاح بسيط كشق ترع ومعدات وحراثة لتكون جاهزة للزراعة وهي اراضي بور كنا نتمنى أن تمنح هذه الاراضي للمصريين لأستصلاحها وزراعتها بدلا عن مشروع الجزيرة الذي كان من المفترض أن تقوم الحكومة بتأهيل المستثمرين والمزارعين السودانين في أعادة مجدة بيد سودانية وهو جاهز بدلا من منحة للمصريين
يا اخونا المكاشفي الحكومة اثبتت انها فاشلة ومخفقة في الاتفاقات التي تبرمها وتغلبها الارتجال والعجلة والتفريط وسيكون الاتفاق التي تبرمه محجفا وظالماً كالعادة يضيع حقوقنا والمصريين حريصين جداً ولن ننتظر ان تظهر عورات الاتفاق لنتذمر بعد ذلك
|
Post: #23
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-07-2010, 09:29 PM
Parent: #21
الاخ عبد العزيز
ثق تماما لا احد سيتضرر ابدا ولن تنزع اي ارض ابدا
هذا المشروع في الاراضي البور التى لم تزرع في الاعوام السابقة وثق تماما اولا المستفيدين من قدوم المصريين هم اهلنا الطيبين في الجزيرة
الاستاذ عبد الرحيم الامين
انا معمك حاتكون هناك آثار سالبة بل ربما تفشل هذه الخطة بالمرة
لكن في النهاية هي تجربة في مسيرة الاستثمار ولا بد خوضها ونشوف النتائج مالو لو فشلت تتغير التجربة حتى يكون السودان سلة غذا العالم
الاخ شرفي عبد القادر شكرا لك اخي الكريم وحقيقة لو فشلت التجربة فنحن نرحب بالاخو المصريين بل بكل الاخوة من جميع اقطار العالم الاسلامي
|
Post: #19
Title: Re: مرحباً بالأخوة المصريين في وطنهم الثاني
Author: Abdelrahim Elamin
Date: 09-07-2010, 08:37 PM
Parent: #15
يا شيخ المكاشفي
ديل ملاييين لو جو !!!
وممكن يكونو خطر علي أمن البلد
حتما سوف تكون هنالك تغيرات في البنية السكانية
وأثار سلبية كثيرة وإحتكاكات مع الناس أصحاب البلد
فقط أنظر لتجربة توطيين الفلسطنيين في شندي أيام الرئيس نميري
وماذا حدث ! ، بالرغم من عددهم القليل فما بالك بالملاييين .
|
Post: #22
Title: Re: مرحباً بالأخوة المصريين في وطنهم الثاني
Author: شرفى عبدالقادر
Date: 09-07-2010, 09:19 PM
Parent: #19
المكاشفى سلام
| Quote: كسرة ثانية : نكرر ترحيبنا بالاخوة المصريين في وطنهم ونزلتم اهلا وحللتم سهلا |
|
Post: #27
Title: Re: مرحباً بالأخوة المصريين في وطنهم الثاني
Author: Ahmed musa
Date: 09-07-2010, 09:54 PM
Parent: #25
الحاصل شنو يا أهل الله ؟؟؟
سيد البوست عنده رأي مُخالف لرأي البعض
المشكلة وين ؟؟؟
هل مفروض يبصم على رأيكم ؟؟؟؟
البورد بجد بقى النقاش فيه مشكلة
تختلف مع زول يسيئكـ
تتفق معاه يعمكلكـ مناضل ووطني وغيور
بجد حاجة تحير !!!
|
Post: #28
Title: Re: مرحباً بالأخوة المصريين في وطنهم الثاني
Author: عبدالعزيز حسين عبدالرحيم
Date: 09-07-2010, 10:00 PM
Parent: #25
اخوي المكاشفي
Quote: ثق تماما لا احد سيتضرر ابدا ولن تنزع اي ارض ابدا
هذا المشروع في الاراضي البور التى لم تزرع في الاعوام السابقة وثق تماما اولا المستفيدين من قدوم المصريين هم اهلنا الطيبين في الجزيرة |
يا مكاشفي مافي ضمانات وما استهلاك كلام ولي هسع انا وأنت مامتأكدين من الأتفاق وزي ما قلت ليك الحكومة دي داقسة ومستعجلة واكيد حا تكون فرطت والشغلانة مادام مغتغته كدا الظاهر فيها انه والله يستر
لكن قبل قدوم المصريين والاتفاقات كنا نتمنى نشوف قروش البترول دي تساهم في رفعة مشروع الجزيرة والقروض الكبيرة تخصص لي المزارعين والمستثمرين السودانين
بعدين يامكاشفي انت قايل المصريين ديل حا يقيفوا في الاراضي الحايدوها ليهم ولا حا ينقلعوا بالساهل دا حايكون احتلال وهسع المصريين بقوا حاجة في السودان رغم انهم لابدين لكن يجي يوم ما تلقى نفسك معاهم
بعدين انت عارف يامكاشفي الارض عند المصري اهم حاجه واغلى ديل بزرعو في الارض بتاعتهم الاف السنين وبموتوا عشان قراريط وحا يعكلتو فيها ويورثوها اولادهم ويستنزفوها قدر القدرة البقدروها
ممكن نوافق لو ادوهم ارض محددة غير مزروعة لمدة محددة وتكون ملكية الأرض لسودانين أو الحكومة السودانية والمصريين مسثمرين لأجل أو مؤجرين ويوقعوا عقود إيجار وتكون هناك شروط مقيدة لوجودهم وإقامتهم
|
Post: #29
Title: Re: مرحباً بالأخوة المصريين في وطنهم الثاني
Author: طه إبراهيم عبد الله
Date: 09-07-2010, 10:10 PM
Parent: #25
الأخ المكاشفي الخضر الطاهر
السلام علىكم ورحمة الله وبركاته
سأتجاوز هنا مسألة كرهك لناس الجزيرة كلهم بسبب خسارتك لملايينك الثلاثة من أحدهم فهذه تعنييك وحدك
وساتجاوز أيضاً تبرير المؤيديين لهذه الخطوة بكسل ناس الجزيرة لأن القائليين بهذا الزعم إما أصحاب غرض
أو يصدرون عن جهل فاضح وعجز عن تلمس الأسباب الحقيقية لأية مشكلة بالوسائل والطرق العلمية الصحيحة
ومعظمهم ليسوا بعلماء اقتصاد ولا يفقهون شيئاً في علم الاجتماع .. انتهى
..
دعني هنا أسألك سؤالاً وأرجو التكرم بالرد إن كانت لديك الإجابة :
هل جاءت هذه الخطوة مع المصريين نتيجة لتوصية موثوق بها من أية لجنة من اللجان الفنية العديدة التي كُونت على فترات
لدراسة مشاكل المشروع واقتراح الحلول الناجعة ؟
هل شخصت أية لجنة من تلكم اللجان مشكلة المشروع وأرجعت فشل المشروع
وخرابه لكسل صاحب الأرض وليس غيره ولهذا أوصت باستبداله بآخر غير كسول ؟
أين ومتى كانت هذه التوصيات ؟
هذه بداية وليست نهاية لأجل أن نتوصل جميعاً لرؤية واضحة بعيداً عن التهاتر والهتافات
وليحفظ الله الوطن وأبناء الوطن
تعديل التحية والسلام وشكراً للأخ كباشي الصافي
|
Post: #30
Title: Re: مرحباً بالأخوة المصريين في وطنهم الثاني
Author: cantona_1
Date: 09-07-2010, 10:27 PM
Parent: #29
| Quote: السلام على من اتبع الهدى |
الأخ طه إبراهيم عبد الله ... سلامات.. بعيداً عن بيع مشروع الجزيرة، التحية التي حييت بها الأخ المكاشفي ليست تحية المسلم للمسلم بل هي تحية الرسول (ص) لليهود فقط. قل لأخيك المسلم: السلام عليكم ورحمة الله وبركاته. غفر الله لنا ولكم. تحياتي.
كبـّـاشي الصـّـافي
|
Post: #31
Title: Re: مرحباً بالأخوة المصريين في وطنهم الثاني
Author: عبدالعزيز حسين عبدالرحيم
Date: 09-07-2010, 10:34 PM
Parent: #30
يا أحمد موسى
Quote: الحاصل شنو يا أهل الله ؟؟؟
سيد البوست عنده رأي مُخالف لرأي البعض
المشكلة وين ؟؟؟
هل مفروض يبصم على رأيكم ؟؟؟؟
البورد بجد بقى النقاش فيه مشكلة
تختلف مع زول يسيئكـ
تتفق معاه يعمكلكـ مناضل ووطني وغيور
بجد حاجة تحير !!! |
بالجد لاحظت برضه الكلام دا وحاجه ماكويسة الزول دا قال كلامه ووضح فكرته بوضوح وعفوية شوف ردود الناس وخصوصا صاحبك الأسمه الصايم دا
احيي المكاشفي على روحة الطيبة وتحمله
احيي برضه بقية الأخوان كانتونا وغيره لردودهم الطيبة وحسن حوارهم
|
Post: #32
Title: Re: مرحباً بالأخوة المصريين في وطنهم الثاني
Author: Tragie Mustafa
Date: 09-07-2010, 10:34 PM
Parent: #30
المكاشفي
صحيح الاختشوا ماتوا
ومحزن فعلا انك تحمل اسم المكاشفي احد اعظم صوفية الجزيره.
يا المكاشفي
جي اخصب اراضي السودان تديها للغرباء؟؟؟
لو فيهم عمار ما يشموا يعمروا الصحراء.
ثانيا:
كويس الجبته سيرة التاما و البرقو
اها ديل هنود حمر؟؟ما كان تلموكهم الارض بدل قاعدين قنين للارض
يزروعها بحق بطونهم فقط؟؟!!
غايتو انت ما عارفين الابواب الفتحتوها على روحكم
مرحبا بابناء التاما و البرقو في عالم النضال المسلح.
عشان مش مصرين انت و امثالك من الانقاذين
تشوفوا لك مكان غير السودان ده.
|
Post: #33
Title: Re: مرحباً بالأخوة المصريين في وطنهم الثاني
Author: طه إبراهيم عبد الله
Date: 09-07-2010, 10:48 PM
Parent: #32
Quote: الأخ طه إبراهيم عبد الله ... سلامات.. بعيداً عن بيع مشروع الجزيرة، التحية التي حييت بها الأخ المكاشفي ليست تحية المسلم للمسلم بل هي تحية الرسول (ص) لليهود فقط. قل لأخيك المسلم: السلام عليكم ورحمة الله وبركاته. غفر الله لنا ولكم. تحياتي.
كبـّـاشي الصـّـافي |
الأخ المحترم كباشي الصافي
تحية طيبة لا أسمح لنفسي بتوجيه أية إساءة أو تقليل شأن للآخرين خصوماً وأصدقاء
ورغم ملاحظتي أن مفترع البوست لم يبادر بتحية الجمهور والأعضاء إلا إنني رغبت
في إلقاء التحية واستخدمت العبارة السابقة لعموم معناها اللغوي وليس للإيحاء بدلالتها
التاريخية الدينية ولا يمكن أن أرضى للأخ المكاشفي بالصفة التي ألمحتَ إليها ..
ولذلك بادرت على الفور بالتعديل
وفي اتنظار الأخ المكاشفى للرد على أسئلتي
لك الشكر الجزيل
|
Post: #38
Title: Re: مرحباً بالأخوة المصريين في وطنهم الثاني
Author: cantona_1
Date: 09-07-2010, 11:38 PM
Parent: #33
الأخ طه إبراهيم عبد الله.. شكراً على كلامتك الكريمة وهي لابد أن تكون من كريم. لم أقصد تعليمك ولكن قصدت تنبيهك وبالآحرى تنبه كثيرين يستخدمون العبارة دون معرفة مكنونها. لك الشكر مجدداً لكن المحيرني الراجل المكاشفي دا لماذا غادر وترك البوست كاليتيم . كذلك أن ردوده لمن حاول استفزاره فقط، وقد سألته غير مرّة ولم يرد على استفساراتي.. أظن الرجل هازلاً في الأمر ولا يقصد غير الإثارة. لا أظن لو سألت سوداني في الجنينة أو القلابات أو حلفا أو توريت وقلت له نبيع مشروع الجزيرة يقول لك لا بدون تردد فما بال هذا الرجل الذي يعيش أهله في الجزيرة كما يقول. (عندما نقول الجزيرة فإننا نعني سكان ولاية الجزيرة) وهي تشمل بالطبع مشروع الجزيرة والمناقل. ردّ الله غربته. تحياتي.
كبـّـاشي الصـّـافي
|
Post: #34
Title: Re: مرحباً بالأخوة المصريين في وطنهم الثاني
Author: معاوية الأرباب
Date: 09-07-2010, 10:54 PM
Parent: #32
| Quote: مرات الواحد بشك في ضوابط بكري ذاتو |
ماذا تتوقع يا أستاذ علي ميرغني من حوار شيخه لا يحسن قراءة
فاتحة الكتاب ؟؟
إذا كان الموضوع تمويل , فلماذا يا مكاشفي لا تنصحك شيخك اللمين بالأستثمار
في فلاحة الأرض بدل تجارة العملة واستيراد الأنكسة والزبالة من الصين ؟
تلفت حولك شوف كم من الحيران التاما والبرقو الذين تشكك في سودانيتهم .
|
Post: #35
Title: Re: مرحباً بالأخوة المصريين في وطنهم الثاني
Author: سناء عبد السيد
Date: 09-07-2010, 10:59 PM
Parent: #32
Quote: فقط ينقص التمويل لتلك العملياات الفلاحية لانجاح الاستثمار ..
مع العلم بأن الاراضي الصالحة للزراعة في السودان 80% من جملة مساحته ومستغل منها حتى اليوم 30%فقط |
التمويل ده موش شغل الحكومة؟ يعني موش هي المفروض تمول المشارييع الزراعية؟؟
و ال80% دي موش اولى بيها عمال و زراع بلدنا؟؟و للا نشغل الاجانب و نبقى شحاديين في بلدنا؟؟
لا مرحب بهم و السودان ما وطنم التاني و للا وطنم التالت
|
Post: #36
Title: Re: مرحباً بالأخوة المصريين في وطنهم الثاني
Author: محمد علي شقدي
Date: 09-07-2010, 11:19 PM
Parent: #35
المكاشفي سلامات يا خوي بعد ما ترحب بالمصريين وتدخلهم مشروع الجزيرة وتفك مغصة 300 الف
شوف الشباب ديل بفتشوا ليك
المكاشفي الخضر الطاهر .... بخصوص اعدام مجدي محجوب
|
Post: #40
Title: Re: مرحباً بالأخوة المصريين في وطنهم الثاني
Author: Alshafea Ibrahim
Date: 09-08-2010, 00:55 AM
Parent: #36
أفو ياشيخنا
وين الأرض البور بالجزيرة ، ؟ دلنا عليها لو تعرف
قال بور
الشفيع
|
Post: #37
Title: Re: مرحباً بالأخوة المصريين في وطنهم الثاني
Author: معاوية الأرباب
Date: 09-07-2010, 11:26 PM
Parent: #35
Quote: شوف يا معاوية اها قرشي ديل البيجيبن لى منو من الزول دا ؟؟؟
|
أمشي فتش قروشك عند الهمباته الذين تدافع عنهم .
|
Post: #39
Title: Re: مرحباً بالأخوة المصريين في وطنهم الثاني
Author: محمد إبراهيم علي
Date: 09-08-2010, 00:33 AM
Parent: #37
يعني يا المكاشفي هيجتك دي كلها عشان تلاتة مليون اكلها منك واحد من الجزيرة
يا خي نحن بنعمل ليك شيرنج ونرجعها ليك
بس تورينا جمال خطوتك من الخلف
|
Post: #41
Title: Re: مرحباً بالأخوة المصريين في وطنهم الثاني
Author: فتحي الصديق
Date: 09-08-2010, 01:21 AM
Parent: #39
Quote: أنا رأيت بأم عيني رأسي ولم يخبرني أحد تلك الهتارات الكبيرة جدا خاصة المنطقة غرب المناقل وقفت بنفسي آلاف الهكتارات غير مزروعة
|
وفي مناطق أخرى كمان من الجزيرة ..
بس هل سألتك نفسك سؤال عن اغلاق ورشة الري ب 24 القرشي في منتصف التسعينيات وهي التي كانت تقوم بصيانة الكراكات والسيارات والمعدات بتاعت الري؟
هل سألت نفسك سؤال عن أيلولة نقل القطن- بعد تعطيل سكك حديد الجزيرة وبيع الحديد للأتراك عن طريق جياد- للفاتح عبدون قطب الجبهة الاسلامية ووالي الخرطوم في زمن الحكومة الديمقراطية الأخيرة؟
هل سألت نفسك عن رسوم الرش بالمبيدات التي تحسب سنويا من ضمن التكلفة على المزارع ولا طيارة رش قاعدة تطير ؟
هل سألت نفسك عن علاقة شيكان للتأمين بالمشروع والمزارع وهي التي تأخذ سنويا 125 ألف جنيه على الحواشة؟
هل سألت نفسك عن تسريح مهندسي الري والمفتشين الزراعيين واسناد مسؤولية الري لشركة الهدف للخدمات الأمنية ؟
عرفت التلاتة مليون بتاعتك مشت وين؟؟
|
Post: #42
Title: Re: مرحباً بالأخوة المصريين في وطنهم الثاني
Author: عبدالرحمن الحلاوي
Date: 09-08-2010, 07:47 AM
Parent: #41
Quote: وفي مناطق أخرى كمان من الجزيرة ..
بس هل سألتك نفسك سؤال عن اغلاق ورشة الري ب 24 القرشي في منتصف التسعينيات وهي التي كانت تقوم بصيانة الكراكات والسيارات والمعدات بتاعت الري؟
هل سألت نفسك سؤال عن أيلولة نقل القطن- بعد تعطيل سكك حديد الجزيرة وبيع الحديد للأتراك عن طريق جياد- للفاتح عبدون قطب الجبهة الاسلامية ووالي الخرطوم في زمن الحكومة الديمقراطية الأخيرة؟
هل سألت نفسك عن رسوم الرش بالمبيدات التي تحسب سنويا من ضمن التكلفة على المزارع ولا طيارة رش قاعدة تطير ؟
هل سألت نفسك عن علاقة شيكان للتأمين بالمشروع والمزارع وهي التي تأخذ سنويا 125 ألف جنيه على الحواشة؟
هل سألت نفسك عن تسريح مهندسي الري والمفتشين الزراعيين واسناد مسؤولية الري لشركة الهدف للخدمات الأمنية ؟
عرفت التلاتة مليون بتاعتك مشت وين؟؟ |
|
Post: #43
Title: Re: مرحباً بالأخوة المصريين في وطنهم الثاني
Author: عبدالرحمن الحلاوي
Date: 09-08-2010, 08:55 AM
Parent: #42
Quote: دموع الخداع والزيف، التي يزرفها البعض هنا علي مشروع الجزيرة لاتنطلي علي ذي بصيرة
وكل الذين يطلقون الكلمات البذئية من نوع (المتعافن) ماهم الا فاقد زراعي فاشل
تركوا اراضي وحواشات ابائهم واجدادهم وامتهنوا حرفة التسكع في شوارع الخرطوم يستبدلون في ملابس خلق الله
مقابل الاواني المنزلية او يبيعون ملابس النساء الداخلية واجادوا لغة( ده مقاسك وقدرك
وما بتمطي ) بدلاً عن ثقافة الدورة الزراعية التي خلدها اباؤهم لكن مخلفات النار الرماد
أما الذين يقودون معركة الهجوم علي دخول اخواننا المصريين لمشروع الجزيرة هم الان خارج ارض الوطن
بل لديهم حواشات هربوا منها وتركوها بوراً وصقائع واختاروا فتات الغربة وزلة الكفيل وعيشة
بيوت العزابة الضنكا واليوم يزرفون دموع التماسيح علي مشروع الجزيرة
لكن نبشرهم ان مشروع الجزيرة سيستعيد سيرته الاولي مع قدوم الفلاليح وسينتج من جديد خيرا وقمحا
ووعدا اخضر كما كان في عهد الاسلاف . |
ا كلام السيد ( ح)
|
Post: #44
Title: عطاء من لايملك لمن لايستحق
Author: Amany Elamin
Date: 09-08-2010, 09:44 AM
Parent: #43
عطاء من لايملك لمن لايستحق
عطاء من لايملك لمن لايستحق
عطاء من لايملك لمن لايستحق
عطاء من لايملك لمن لايستحق
|
Post: #45
Title: Re: عطاء من لايملك لمن لايستحق
Author: Amany Elamin
Date: 09-08-2010, 09:48 AM
Parent: #44
بعدين انت بتشتم ناس بلدك وبتقول عليهم كسلانين وبيلعبو في الضمنه والكوتشينه,
وكمان بتقول ناس الجزيره حراميه سرقو قروشك, عشان تأيد موقف حكومتك المتهالك ؟
مافي مصري حيدخل أرض الجزيره يزرع,,
عايز تعرف ناس الجزيره جد جد, خلي حكومتك تجيب مصري واااااااحد هناك,
كويس؟
|
Post: #46
Title: Re: عطاء من لايملك لمن لايستحق
Author: سامي صلاح محمد
Date: 09-08-2010, 10:07 AM
Parent: #45
Quote: مافي مصري حيدخل أرض الجزيره يزرع,,
عايز تعرف ناس الجزيره جد جد, خلي حكومتك تجيب مصري واااااااحد هناك,
كويس؟ |
عافي منك يا أماني
هذه اللغة الوحيدة التي يفهمها عملاء الاستعمار المصري
|
Post: #48
Title: Re: عطاء من لايملك لمن لايستحق
Author: حاتم علي
Date: 09-08-2010, 10:56 AM
Parent: #46
و الله يا المكاشفي أنا كنتا متابعك
من باب (المتابعة) الأنا طالع فيها الايام دي
لكن صراحة موضوعك دا غلبتني فيهو تب المتابعة 
يعني (البنات السمحات) ما يجيبهم في التلفزيون
والقنوات (السميتها) فاجرة في رمضان
و ( الفتاة تجي لابسة ليك الكارينا ) حسب كلامك هنا
الفضائيات عندنا تستقطب (بنات سمحات)
و لحدي حسة ما شرحتا لينا الكارينا دي شنو ؟!
لكن دا كلو هين
لمن مشروع زي مشروع الجزيرة ينتهي و يتدمر و يجيبوا المصريين
البي شهادة (التاريخ) هم الدولة الوحيدة التي احتلت السودان
مرتين مرة مع الاتراك و مرة مع الانجليز ، يجيبو المصريين ديل
وباتفاقية مجحفة الشروط زي الشفناها دي و كمان فيها شرط جزائي
دا لا سمعنا بيهو لا ادونا ليهو
و تجي انتا بكل بجاحة و فتحة نفس تفتح ليك بوست
مرحباً بالأخوة المصريين في وطنهم الثاني
و كمان معاها 
دا بسموهوا شنو دا ؟ ........................
ولما يزنقوك تقول واحد من ناس الجزيرة اكل
مني 3 مليوون !!!
ياخي بجربرة فرد واحد انتا داير تقضي على كل أهل الجزيرة !!
بالجد انتا محتاج ليك Therapist سريع لانوا دي اقصى درجات
الكراهية للاخر و المجتمع و كمان كاره اصلك كسوداني
و مستلب للمصريين !
للاسف تاني ما حأتابعك اكتر من كدا
|
Post: #47
Title: Re: عطاء من لايملك لمن لايستحق
Author: Nasruddin Al Basheer
Date: 09-08-2010, 10:23 AM
Parent: #45
رحم الله عبده الطيب صالح الذي ترك لنا أبلغ ما يمكن أن يقال لمثل هؤلاء
(مــن أيــن أتى هـــؤلاء!!)..
|
Post: #49
Title: Re: عطاء من لايملك لمن لايستحق
Author: doma
Date: 09-08-2010, 11:03 AM
Parent: #47
شباب فيكم زول يرفع لينا صور مجزره ميد ا ن مصطفي محمود
التي قامت بها السلطات المصريه بالقاهره ضد الاجئيين السودانيين
عشان نرد ليهم الترحيب بمثله
اصلوا نحن كرماء اوي
|
Post: #50
Title: Re: عطاء من لايملك لمن لايستحق
Author: Nazik Eltayeb
Date: 09-08-2010, 11:09 AM
Parent: #47
Quote: بعدين انت بتشتم ناس بلدك وبتقول عليهم كسلانين وبيلعبو في الضمنه والكوتشينه,
وكمان بتقول ناس الجزيره حراميه سرقو قروشك, عشان تأيد موقف حكومتك المتهالك ؟
مافي مصري حيدخل أرض الجزيره يزرع,,
عايز تعرف ناس الجزيره جد جد, خلي حكومتك تجيب مصري واااااااحد هناك,
كويس؟ |
وانا كمان يا اماني الامين عافية منك وراضية عليك انشاء الله تلقي كل مرادك في الدنيا
يا اصيلة
|
Post: #51
Title: Re: مرحباً بالأخوة المصريين في وطنهم الثاني
Author: abas
Date: 09-08-2010, 11:10 AM
Parent: #39
يعني يا المكاشفي هيجتك دي كلها عشان تلاتة مليون اكلها منك واحد من الجزيرة
يا خي نحن بنعمل ليك شيرنج ونرجعها ليك
بس تورينا جمال خطوتك من الخلف
دي براها بالدنيا
جمال خطوتو من وراء
|
Post: #52
Title: Re: مرحباً بالأخوة المصريين في وطنهم الثاني
Author: Nazik Eltayeb
Date: 09-08-2010, 11:22 AM
Parent: #51
يا سيد مكاشفي الجزيرة دي فيها ستة ملايين انسان
وبالتالي فيها الحرامي
وفيها الانتهازي
وزي مافيها شر كمان فيها خير وخير كتيير في ناسها وكما هو الواقع الاخلاقي الخير دائما اكثر من الشر والا لفسد لكون
عشان كدا ما عشان ثلاثة مليون فقدتها في احتيال تحارب الغالبية من البسطاء في رزقهم وتتبجح كمان في المنتديات
وبعدين الاسباب الانت ذكرتها لخسارتك للثلاثة ملايين هي ذاتها الاسباب التي يعاني منها ناس الجزيرة ويناضلون ضد حكومتك لانها من تسبب فيها
كسرة: كلامك
Quote: ثانيا يا محترمة يا فقيه يا عالمة يا متدينة يانازك أنا زول خديني على عقلي البايظ دا وكدا ياشاطرة ورينا الدين والتصوف العندك اصلو انا مطفئ وما عارف حاجة واداير اعرف حاجة عن التصوف والدين كدا ورينا لو تكرمت
ثالثا : يا نازك برضو ما تنسي جيبي لينا بوستاتك الكتب تيها عن الدين والتصوف والبتدافعي فيها عن ابطال الغالين وثورة الملحدين ضد الدين ورينا بوستاتك فأنا في اشد الشوف لمعرفتها يا ايها الخبيرة |
Nonsense
|
Post: #53
Title: Re: مرحباً بالأخوة المصريين في وطنهم الثاني
Author: أحمد الصديق
Date: 09-08-2010, 02:11 PM
Parent: #52
أين صاحب هذه الجنازة؟؟
قلت لي ناس الجزيرة بلعبوا في الضمنة؟؟
ماهو ناس الحكومة برضو بيلعبوا ، وبيلبعوا؟؟
العيب شنو؟؟
والله تستاهل يأكلوا منك 300 مليون!!
|
Post: #54
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-08-2010, 08:40 PM
Parent: #53
الاخ احمد موسي
اي زول بيشتمنى ان شاء الله نتقابل يوم القيامة عند الله وسيحكم الله ولا معقب لحكمه ،، اما ان بادر بالاعتزار سوف نعفو عنه ان شاء الله
واشكرك على هذه المداخلة المفيدة
عبد العزيز حسن ابراهيم
لا احد سوف ينزع ارض ملك لشخص سوداني
ولماذا لا نعطي الفصة للتجربة عساها تنجح
الاخ / طه ابراهيم عبد الله
Quote: هل جاءت هذه الخطوة مع المصريين نتيجة لتوصية موثوق بها من أية لجنة من اللجان الفنية العديدة التي كُونت على فترات
لدراسة مشاكل المشروع واقتراح الحلول الناجعة ؟ |
لا علم لي ....... لكن ينبغى ان تكون كذلك
بما خلصت الدراسة الى ان مزارع الجزيرة ليس له رغبة في الزراعة فرأت ان تستبدله اقول ربما لانك ملاحظ ان السكان هجروا الارض وذهبوا الى الخليج ولاى السعودية ومن واقع تجربتي وخسارتي وركشتي الراحت حكمت بأن بعض مزارعي الجزيرة يريدون التغيير الى مصادر دخل اخرى غير الزراعة
شكا فهذه مداخلة قيمة اشكرك عليها وعلى وصيتك بعدم التهاتر فانا شاكر لك على هذه المداخلة القيمة وآسف لتأخير الرد اصلو انا مشغول شوية
عبد العزيز حسين عبد الرحيم
جزاك الله خيرا وكل علام وانتم بخير
وكثير من الاعضاء هنا لا يخترمون الراي والراي الاخر
الناشطة تراجي
Quote: كويس الجبته سيرة التاما و البرقو
اها ديل هنود حمر؟؟ما كان تلموكهم الارض بدل قاعدين قنين للارض
يزروعها بحق بطونهم فقط؟؟!! |
التحية لأهلنا التاما والبرقو بل كل ابناء دارفور فهم ليس في مشروع الجزيرة فقط بل هم في جميع بقاع السودان والحمد لله امورهم ماشا تمام بيأكلوا من عرق جبينهم وحكى لي احدهم ان النساء في مشروع الجزيرة يقمن بزراعة الفول السوداني من الزراعة حتى الحصاد يقمن بكل العمليات الفلاحية وهذا الامر شاهدتدتو في التلفزيون .... اها يا استاذة أين السكان الاصللينن ؟؟؟ ممكن تجاوبيني على هذا السؤال أين السكان الاصليين اذا كان ابناء دارفور هم من يفلح الارض اين السكان الاصليين اين ذهبوا ؟؟؟
معاوية الارباب
| Quote: تلفت حولك شوف كم من الحيران التاما والبرقو الذين تشكك في سودانيتهم . |
الكلام دا وين متى شككت في سودانيتهم ؟؟ ارجو التوضيح
ولو ما عارف انا اثنيت عليهم وقلت هم من يفلحون الارض فأين السكان الاصليين ..راجع الردود يا معاوية
بعدين عليك الله شيخ الامين دا اختا دربو يا محترم
|
Post: #55
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-08-2010, 08:50 PM
Parent: #54
سناء عبد السيد
راي ونحترمه
محمد على شقدي
مشيت ليهم وهم مغشوشين فيني ساكت قايلني شيخ شابكني شيخ المكاشفي شيخ المكاشفي وبعدين حريصين خلاص عشان يعرفو ردي التقول انا قاضي قضاة السودان
الشفيع ابراهيم المنطقة غرب المناقل بالضبك غرب قرية اولاد امام وغرب وجنوب قرية ود والنورة وود الجترة اها شن قولك قطعتها بعربيتي وقربنا نوحل في موية الترعة ولو ما عاف اسأل آلاف الافدة في تلك المنطقة وعليك الله أتأكد بنفسك ورد لي وانا منتظر ردك وعليك الله ما تعمل نائم لو انا كذاب تعال قول لي عشان اسوقك ليها ونشهد ناس البورد ديل كلهم .. منتظرك
الاخ محمد ابراهيم على
والله النصيحة القروش ديل والله موجعاتني النصيحة انا لابد ان اقول الحق يا اخي انا بعت لى ركشة بخمسة مليون عشان ادخل في مسرة القمح الفاشلة دي
|
Post: #56
Title: Re: مرحباً بالأخوة المصريين في وطنهم الثاني
Author: المكاشفي الخضر الطاهر
Date: 09-08-2010, 09:13 PM
Parent: #55
Quote: وفي مناطق أخرى كمان من الجزيرة ..
بس هل سألتك نفسك سؤال عن اغلاق ورشة الري ب 24 القرشي في منتصف التسعينيات وهي التي كانت تقوم بصيانة الكراكات والسيارات والمعدات بتاعت الري؟
هل سألت نفسك سؤال عن أيلولة نقل القطن- بعد تعطيل سكك حديد الجزيرة وبيع الحديد للأتراك عن طريق جياد- للفاتح عبدون قطب الجبهة الاسلامية ووالي الخرطوم في زمن الحكومة الديمقراطية الأخيرة؟
هل سألت نفسك عن رسوم الرش بالمبيدات التي تحسب سنويا من ضمن التكلفة على المزارع ولا طيارة رش قاعدة تطير ؟
هل سألت نفسك عن علاقة شيكان للتأمين بالمشروع والمزارع وهي التي تأخذ سنويا 125 ألف جنيه على الحواشة؟
هل سألت نفسك عن تسريح مهندسي الري والمفتشين الزراعيين واسناد مسؤولية الري لشركة الهدف للخدمات الأمنية ؟
عرفت التلاتة مليون بتاعتك مشت وين؟؟ |
فتحي مع احترامي الشديد ما عرفت لاني لم اواكب تلك الاحداث فانا من شمال امدرمان ولست من الجزيرة
قروشي راحت اهمال
عبد الرحيم الحلاوي
مرحب بك وبمداخلتك وانا لست من الجزيرة لذلك لم اسأل نفسي
اماني
انا ماشتمت لي زول ابدا ولو انا شتمت لي زول جيب لي المداخلة عشان نعتزر وجل من لا يخطأ
بعدين الضمنة والكوتشينة دي اعتبريني غلطان لو سأتك انت ناس الجزيرة ديل بيلعبو الضمنة والكوتشينة حاتقولي شنو عليك الله الجماعة ديل بيلعبو الكوتشينة ولا لا ؟؟ كدا ردي على هذه الجزئية
بعدين الاطلاق والتعميم دائما لا يحكم بع يحكم بالتقييد والتخصيص .. يعني لو في زول قال ناس امدرمان مرتاحيين قطع شك لا يقصد كل ناس امدرمان بل ناس العمارات وناس تعويضات بيت المال وناس حي الواحة وكدا
بعدين يا اماني لو المصريين ديل جو حاتعملي ليهم شنو ؟؟
قبل ما تعملي اي حاجة تذكري ان اخوك وابوك وامك واختك موجودين في القاهرة في امن وطمأنينة
سامي صلاح
نسيت السودانيين الفي القاهرة ؟
حاتم علي
انت حر لكن انا سالك هل يوجد سودانيين في القاهرة ام لا ؟؟
نصر الدين البشير
من تقصد ؟؟
دوما
مرحب بيك دا علاقتو شنو بي دا
يعني العلاقة اتقطعت نهائي بمصر ؟؟
ناذك الطيب
ما خائفة يعاملوكم بالمثل ؟؟؟
خلاص بما انه لا علاقة لك بالتصوف وبالتدين ما تحاولي تنزعي لباس التدين من الآخرين لو سمحت .. وتتهكمي على الاخرين الذين يرون ان الدين هو الحق
عباس
جما خطوتك دي انا ماعاف الراجل دت قاصد بيها شنو
أحمد الصديق
العيب ما في لعب الضمنة والكوتشينة العيب في الناس البهملو ارضهم هذا هو المقصد يا ظريف خليك افقك واسع يا عمك
|
Post: #57
Title: Re: مرحباً بالأخوة المصريين في وطنهم الثاني
Author: طه إبراهيم عبد الله
Date: 09-08-2010, 09:27 PM
Parent: #55
Quote: الاخ / طه ابراهيم عبد الله
Quote: هل جاءت هذه الخطوة مع المصريين نتيجة لتوصية موثوق بها من أية لجنة من اللجان الفنية العديدة التي كُونت على فترات
لدراسة مشاكل المشروع واقتراح الحلول الناجعة ؟
لا علم لي ....... لكن ينبغى ان تكون كذلك
بما خلصت الدراسة الى ان مزارع الجزيرة ليس له رغبة في الزراعة فرأت ان تستبدله اقول ربما لانك ملاحظ ان السكان هجروا الارض وذهبوا الى الخليج ولاى السعودية ومن واقع تجربتي وخسارتي وركشتي الراحت حكمت بأن بعض مزارعي الجزيرة يريدون التغيير الى مصادر دخل اخرى غير الزراعة
شكا فهذه مداخلة قيمة اشكرك عليها وعلى وصيتك بعدم التهاتر فانا شاكر لك على هذه المداخلة القيمة وآسف لتأخير الرد اصلو انا مشغول شوية
|
الأخ المكاشفي
مساء الخير
1 - بما إنك لا علم لك ألم يكن الأجدر بك أن تسعى ليكون لك علم حتى لا تصيب قوماً بجهالة فتصبح على ما تقول من النادمين ؟
2 - ( ملاحظ ان السكان هجروا الارض وذهبوا الى الخليج ولاى السعودية ) - أرجو أن تتكرم وتطلعنا على أي مصدر أو دراسة استندت إليها
تناولت التحولات الاقتصادية والاجتماعية في منطقة الجزيرة على مدى ثمانين عاماً ومن ثم توصلت إلى النتيجة أعلاه وكأن أرض الجزيرة أصبحت خلاء بعد نزوح أصحابها .
3 - ليس من الحكمة أن يلقي شخص ما بالقول على عواهنه ثم يأتي ليقول لا علم لي ويفضح جهله .
4 - الأخ المكاشفي : فضلاً لا أمراً انظر في مقال الكاتب الصحفي فيصل محمد صالح الذي أورده الأخ صديق عبد الجبار في الرابط التالي :
جمهورية الزراعة المستقلة : للكاتب / فيصل محمد صالح
|
|