Post: #1
Title: الحكومة ح تدعم الهلال..أنا غايتو ما ح ادفع ضرائب السنة دي!!!
Author: الحاج حمد الحاج
Date: 09-07-2010, 10:32 AM
الهلال الأيام دي غالب طواالي و الهلالاب كرهونا السودان و دا حالتو قبل الدعم الحكومي ..طيب لو بدأ دعم حكومي نخلي ليهم السودان و الله شنو؟
أنا غايتو السنة دي ما ح ادفع ضرائب!! اصلو قبل كده عفونا من الضرائب و تااني رجعوها و كرار التهامي في المنبر دا رد علي قال ما ح تدفعوا لما مشيت المغتربين دفعت!! بعدين كرار التهامي بقى أمين المال في الهلال يعني بي جاي نبكيكم و بي هناك نبكيكم لكن تلقاها من غافل..انا غايتو ما دافع.
|
Post: #2
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: خالد درق
Date: 09-07-2010, 11:07 AM
Parent: #1
| Quote: ..انا غايتو ما دافع. |
ولا انا يا ود حمد ما دافع
|
Post: #3
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: عزام حسن فرح
Date: 09-07-2010, 11:22 AM
Parent: #2
الحاج
| Quote: طيب لو بدأ دعم حكومي نخلي ليهم السودان و الله شنو؟ |
أنا بفتكِر إنو الوقت مُناسِب جِدًا علشان " تقلِب " ما فوقا حاجة ياخ ... عادي ... شوف يا سيدي ... في البِداية إتكلم عن جمال القمر في الليلة الظُلماء وبعدين خُش في أسباب هلاك شُعراء السودان في اللابسه "قمر بوبا" وإسْترسل في ليه الشاعِر قال "عليك تقيل" لا لا الإسْترسال ده مُهِم وما تنسى وحيات أبوك "إن نظرنا هِلال ما شاقنا غَير هِلالو" ... أيوه يا الحاج ... إسْترسل ، علشان تشتِت الكورة لأي طابور خامِس مَوجود في الجُوار ، وبعدين قوم عدد فوائِد القمر ومنازلو بِالنسبة لِناس البادِية ومِزارعِية منطِقة "شِريك" وإسْتشهد بِأسماء بِعَينها إسْتفادت مِن القمر ومنازلو ... ياخ أي أسماء ، الساعلك منو ... النقول قُلت ليهم حدعلي ود البخيت ، يعني في زول حيسافِر لِلمناصير يِتأكد مِن رِوايتك ... ما علينا ... وبعد حوامتك وإنت بتنضُم في القمر وهِلالو ، حتلقى الناس شوية شوية إتعَودت على الجِن الكَلكي ، الرِكْبك مِن جراء الهِلال ... في ها اللحظة أعْلِنها مُدَوِية [أنا قلبت ... أنا قلبت ... أنا قلبت] وليكُن إعْلانُك ، في جمع مِن "الأعداء" فإن الأجر يُضاعف لك ، بإذن الله ... هكذا
إنت كيف أحوالك؟ علك طَيِب يا خوي ... إن شاءالله رمضان إتْسترو معاهو؟! أنا رمضان ها السنة إتْلَوم فوقو لوم السنين ... ما إتْستر معاي كلو كلو يا خوي ... ما عارِف ليه؟
ــــــــــ
ملحوظة :
أثناء إتباعك لِلطريقة الفوق دي لازم وضروري جِدًا جِدًا ، إنو تبْتعِد تمامًا مِن رِفاق السوء (طبعًا ماف داعي أقول ليك رِفاق السوء ديل منو ... بتبقى ظااااهرة!)
تصومو وتفطُرو بيهو وبعدين تنكُرو حاجاتو ... عالم عجيبة خلاس!
|
Post: #4
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: الحاج حمد الحاج
Date: 09-07-2010, 11:37 AM
Parent: #3
خالد درق
| Quote: ولا انا يا ود حمد ما دافع |
الأخ خالد درق
متوقعة من الصفوة..بعدين جيب أضانك نقوم ندفع الضرائب الحكومة تدعمهم يدفعوا رواتب سادومبا المتأخرة دي يجي المباراة الجاية يعملها لينا كلها جري أصلو كورة ما عندو حصان جري..ياخي دا موش دفع رباعي..دا بسبق الكورة مرات!!!
|
Post: #5
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: وليد عبد اللطيف
Date: 09-07-2010, 12:48 PM
Parent: #4
ههههههههههههههههههههه
بالله دي حالة دي
معقول اندية مثل هلال ومريخ في النهاية تجي تحتاج للحكومة
ياخي دي اندية كان مفروض يحصل العكس هي تدعم الحكومة
|
Post: #6
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: الحاج حمد الحاج
Date: 09-08-2010, 08:33 AM
Parent: #5
عزام فرح
| Quote: أنا بفتكِر إنو الوقت مُناسِب جِدًا علشان " تقلِب " ما فوقا حاجة ياخ ... عادي ... شوف يا سيدي |
السوداني يولد بالفطرة مريخابي بعد ذلك أبواهو او الاصحاب او اولاد الحلة يهللانهو او يموردانهو (من الموردة) اقلب و الله ياهو الفضل!!
| Quote: إنت كيف أحوالك؟ علك طَيِب يا خوي ... إن شاءالله رمضان إتْسترو معاهو؟! أنا رمضان ها السنة إتْلَوم فوقو لوم السنين ... ما إتْستر معاي كلو كلو يا خوي ... ما عارِف ليه؟ |
الحمدلله بس اتلومنا في رمضان السنة دي!! ربنا يعودو بالخير لنكثر من عمل الخير ، ربنا يتقبل منا و منكم صالح الأعمال.
ــــــــــ
Quote: ملحوظة :
أثناء إتباعك لِلطريقة الفوق دي لازم وضروري جِدًا جِدًا ، إنو تبْتعِد تمامًا مِن رِفاق السوء (طبعًا ماف داعي أقول ليك رِفاق السوء ديل منو ... بتبقى ظااااهرة!) |
انت قاصد وليد عبد اللطيف!!
تخريمة:
تحياتي عبرك لصفوة الصفوة هارون دياب.
تصومو وتفطُرو بيهو وبعدين تنكُرو حاجاتو ... عالم عجيبة خلاس!
|
Post: #7
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: Hassan Senada
Date: 09-08-2010, 08:55 AM
Parent: #6
كل عام وانت بخير ياحاج ما بعيد يعملوا ضمغة جديدة زى دمغة الشهيد ودعم الفضائية ويطلعوا بدمغة دعم الهلال الفلس مشكلة
|
Post: #8
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: haroon diyab
Date: 09-08-2010, 11:26 AM
Parent: #7
حبيبنا الحاج حمد
سلامات
ياخي والله الناس دي ماعارف
حيودو وشهم مننا وين....؟
الارشيف ملياااااااااااااان
شبكونا.....
فريق الحكومة والمؤتمر الوطني
والوالي اكل قروش الحكومة.....!!!!!!
اها بعد ده يقولوا شنو......؟
مشتاق ليك ياصفوة صفوة المنبر
|
Post: #9
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: وليد عبد اللطيف
Date: 09-08-2010, 01:35 PM
Parent: #8
Quote: ياخي والله الناس دي ماعارف
حيودو وشهم مننا وين....؟
الارشيف ملياااااااااااااان
شبكونا.....
فريق الحكومة والمؤتمر الوطني
والوالي اكل قروش الحكومة.....!!!!!!
اها بعد ده يقولوا شنو......؟ |
نعلق يقولو علينا مريخاب
نتكلم عن الهلال يقولو لينا هلالابي
يعني الواحد مايشجع فريق الامل عطبرة وللا شنو
|
Post: #10
Title: Re: الحكومة ح تدعم الهلال..أنا غايتو ما ح ادفع ضرائب السنة دي!!!
Author: الحاج حمد الحاج
Date: 09-14-2010, 10:33 AM
Parent: #9
حسن سنادة
| Quote: كل عام وانت بخير ياحاج ما بعيد يعملوا ضمغة جديدة زى دمغة الشهيد ودعم الفضائية ويطلعوا بدمغة دعم الهلال الفلس مشكلة |
و كل عام و انت طيب يا حسن ، الفلس فعلا مشكلة و بعدين ديل هسع مفلسين و غالبين يعني لو دعموهم يعملوا شنو؟ لكن بيني و بينك الظاهر الحكاية معكوسة لاعبين المريخ ريحوهو كرهونا الكورة!!
|
|