رمضان ولي وانفتح ملف العيد

صرف جد

عائزين حق الستائر

عائزين حق الملايات

عائزين حق ملابس الاطفال

عائزين حق الخبيز

وحق جلابية العيد

والطاقية والشبشب

والتلفونات وكروت التلفونات

ياخي انتو قايلين مرتب شهر تمانية

بكفي كل الملفات دي

في احد الاعياد

خالتي فاطنة بت يوسف قالت لابنها عبد الله

يا عبد الله ادينا قروش عشان نشتري (جير) نجير بيهو الصالون للعيد قام قال ليها

والله يا حاجة الصالون دا من كترة الجيرة لما بقي ضيق

وبعدين الاعراس كتيرة جدا في العيد

لازم بعد تلهض تمشي الكشف بي هناك


بعدين عشرة الف بقت موضة قديمة

اقل شي تدفع خمسين الف في الكشف

ربنا يعين الجميع

نداء لكل الطيور

عليكم بالتوجه للصرافات وتحويل القروش

وبلاش حركات معاكم

احسن حاجة الدولار مرتفع

غايتو الفين دولار بتبيض الوش

Quote: غايتو الفين دولار بتبيض الوش

هي بتبيض ما قلنا حاجة
لكن تاني نقعد نكاكي قدر شنو عشان نبيض ألفين زيها للعيد البعدو، والبعدو، والبعدو
يا خلي أنا زمان كنت شاكي إنو الحاج والحجة بقوا يلعبوا قمار،
لحد ما مشيت الإجازة الفاتت وقعدت معاهم مدة وشفت الوضع
كيلو الطماطم أغلى من التفاح!!

كل سنة وإنتا طيب يا هندسة

Quote: يا خلي أنا زمان كنت شاكي إنو الحاج والحجة بقوا يلعبوا قمار، لحد ما مشيت الإجازة الفاتت وقعدت معاهم مدة وشفت الوضع كيلو الطماطم أغلى من التفاح!!

يا ابو الشوش ولو ما دفعت يشبكوك


نحن حارسين ليك الدار ومريحنك من الفواتح والاعراس ومن مشاوير المستشفيات

وانت هناك قاعد مرطب وضارب الكندشة


والله لو عارفين الريال دا بطلع كيف كان يغنو معانا

(كان شكالك وكان بكالك )

كل سنة وانت طيب يا ابو الشوش

حقق الله كل امانيك

سنشهد حركة دائبة في الميناء البري

وهذا موسم اصحاب البصات السفرية

Quote: عيدٌ بأيّةِ حالٍ عُدتَ يا عيدُ بمَا مَضَى أمْ بأمْرٍ فيكَ تجْديدُ أمّا الأحِبّةُ فالبَيْداءُ دونَهُمُ فَلَيتَ دونَكَ بِيداً دونَهَا بِيدُ لَوْلا العُلى لم تجُبْ بي ما أجوبُ بهَا وَجْنَاءُ حَرْفٌ وَلا جَرْداءُ قَيْدودُ وَكَانَ أطيَبَ مِنْ سَيفي مُعانَقَةً أشْبَاهُ رَوْنَقِهِ الغِيدُ الأمَاليدُ لم يَترُكِ الدّهْرُ مِنْ قَلبي وَلا كبدي شَيْئاً تُتَيّمُهُ عَينٌ وَلا جِيدُ يا سَاقِيَيَّ أخَمْرٌ في كُؤوسكُما أمْ في كُؤوسِكُمَا هَمٌّ وَتَسهيدُ؟ أصَخْرَةٌ أنَا، ما لي لا تُحَرّكُني هَذِي المُدامُ وَلا هَذي الأغَارِيدُ إذا أرَدْتُ كُمَيْتَ اللّوْنِ صَافِيَةً وَجَدْتُهَا وَحَبيبُ النّفسِ مَفقُودُ ماذا لَقيتُ منَ الدّنْيَا وَأعْجَبُهُ أني بمَا أنَا شاكٍ مِنْهُ مَحْسُودُ أمْسَيْتُ أرْوَحَ مُثْرٍ خَازِناً وَيَداً أنَا الغَنيّ وَأمْوَالي المَوَاعِيدُ إنّي نَزَلْتُ بكَذّابِينَ، ضَيْفُهُمُ عَنِ القِرَى وَعَنِ الترْحالِ محْدُودُ جودُ الرّجالِ من الأيدي وَجُودُهُمُ منَ اللّسانِ، فَلا كانوا وَلا الجُودُ ما يَقبضُ المَوْتُ نَفساً من نفوسِهِمُ إلاّ وَفي يَدِهِ مِنْ نَتْنِهَا عُودُ

ورجف الترزي يوم الوقفة