الاعلام المريخى .. سرطان كبد الحقيقة .. فقدان عبد المجيد للبوصلة

مزمل زرع الغرور و غيب الروح

كل شئ ولا مزمل يا مواهب .

طولى بالك اميرتنا

طبل مزمل حتى خرق الطبل

يادوب وعيتو ؟

والله الحكامه ده يخرب بلد مش نويدي زي المرخرخ ده

دلقان وشجع دلاقين يعني شنو

ناس الكاملين و الهلالية يمتنعون


لم يتبقى الا الريح يا اميرتنا

و مازال مزمل يطبل

دون ان يدرك ان لا صدى للتطبيل على الريح { الهواء }

مواهب ادريس ... ازيك ورمضان كريم

الاعلام مهم جدا
ولكن عندما يكون سلبي يكون مدمر

Quote: مزمل زرع الغرور و غيب الروح

مواهب سلام

عين الصواب

وليد

قال مزمل المريخ بمن حضر

المريخ اليوم بعدده و عديده خارج الزفة

Quote: عبد العظيم احمد

ناس تبش كاب الجداد يمتنعون

زين مزمل الرواكيب التونسية و فات عليه ان خريف السودان تقيل

يكفي مزمل فخرا أنه:

من أطلق على المريخاب لقب الدلاقين
و كذلك هو من سماهم بالدجاج

و كااااااااااااااااااااك

اختنا مواهب رمضان كريم

حقيقة بداتي في تلمس اس الداء , الغيبوبة التي وضع فيها اعلام المريخ الجميع بدات تاتي اُكلها الان ,
بحاجة لصحوة حقيقية في المريخ وهدم كثير من الاصنام والثوابت
شوهو المريخ وشوهو امانينا واهدروا تمنياتنا وسفهوا احلامنا

اساسى

لك التحية

صور لنا مزمل تسجيل وارغو و تتويج المريخ بكاس الابطال تيمان

دفع جمال جاء استيفن فى الميدان اتضح ان الامر لا علاقة له بالكرة

ضاعت الفلوس فى الفاضى بمبدأ رزقا تكوسو و رزقا يكوسك

سلام يا مواهب ورمضان كريم
المشكلة ليس في مزمل او عبد المجيد او أي صحفي يقول وجهة نظره، صحيحة كانت أم خطأ..
المشكلة في الذين يؤمنون بهذا الكلام ويهتدون به ويبنون قصور امانيهم على رهابه..
قلت في مناسبات ومنابر عديدة أن مشكلة المريخ الكبيرة جدا والتى تهوي بهذا النادي
من حالق هي مجلس إدارة لا شخصية ولا رأي ولا فكر له بيد انه يعتمد في تسيير أموره
على إيعازات وموجهات مؤثرات خارجية .
وقلت أنه إذا أرادت جماهير المريخ ان لا تصطدم بحاجز الواقع الأليم فعليها أن لا
تسترسل في احلامها تأسيسا على مثل هذه الإنطباعات والعواطف .
وقد قيل:
كلام القصير ما بنسمع .

هذا الرجل الذي يسمى مزمل أبو القاسم مريض نفسيا وهو كالسعران يعدى الآخرين
أولا – يكره الهلال ويجعل هذا الكره جل تفكيره وحياته حتى انعكس هذا الكره تجاه ما يكتبه عن المريخ الذى يظن انه
اى مزمل لا احد يعرف مصلحة المريخ غيره
ثانيا – تنعدم عند هذا الشخص الروح الرياضية المتعارف عليها .. نجده عندما ينتصر المريخ حتى ولو على فريق صغير نجده يصفق وبنطط ويمدح ويجعل من لعيبه المريخ أبطال وأشاوس وان هذا هو المريخ وان التسجيلات هذه المرة قد صدقت .
وعندما ينهزم المريخ ينسى في نفس الوقت ما كان قد كتبه بالأمس ويبدأ بالشتيمة والنبذ والاستهتار ويصف اللعبيبة بأوصاف و بأسلوب ( الفاتية التي لا أخلاق لها) حتى انه عاب على النفطي الزواج لان الزواج يقلل من طاقته ولياقته وبالتالي ضعف الأداء
ثالثا – لقد أفسدته الرياضة لأنه ينشر هذا الفساد في الإعلام المقرؤء بين الناس ( حتى قال احدهم إذا مدح مزمل أبو القاسم المريخ .. أوصل الرهبة إلى برشلونة...
مكانه مصحة نفسية .. فقد افسد اخلاقنا

يا ود القاضى

ترجم لعبد العظيم احمد الكلام ده : حمام الوادى يغرد غادى

.....................................................

يا فايز عملتا لينا شنو فى الاعارة

مزمل تاجر شاطر
صحفي مُضلل

غريبةمواهب شخصيا تكتب عن المريخ!

مواهب

بابكر سلك
والموضوع اعلام المريخ
جاييك

عمود بابكرا سلك
ايضا اعلام مضلل
وحقود ويفتقد
للامانة الصحفية
وكأنما لا توجد رقابة الضمير
.....
الايام دى اعلام المريخ يتحدث عن ( جيل المريخ المتقاعس)

Quote: جبنا حاجة من عندنا! 08-29-2010 03:58 • حيرتونا باقي رمضان ده نقضيهو تهجد سااااي • الله يقبل • القعدة الياها • من التراويح للفجر • نمشي وين! • نقول شنو! • ده جيل غريب • جيل لا بتوجعه هزيمة • ولا بحرقوا فقدان بطولة • جيل تعود أن ينهزم داخل معقله • جيل لا يعرف فقه الانتصار • جيل فاقد لبوصلة الإصرار • جيل لا يفقه معاني البطولات • جيل لا إستراتيجية له • جيل أريتو ما جيلي • ده جيل شنوده! • حتى الانتصارات داخل القلعة الحمراء تنتزعها الصفوة • حتى الانتصارات في الولايات كانت لأن الموسم في بداياته • وأندية الولايات إعدادها ضعيف • جيل سخيف • الموسم ده الله ينهيهو بالسلامة • سلام شنو بعد الحصل ده كلو؟ • طبعاً أعداء كروجر حايبدوا الحرب • كروجر كعب • كروجر وضع تشكيلة غلط • لعب بمحور واحد • والغريبة كانوا يقولوا ليه كروجر يلعب بثلاثة محاور. • المهم • كروجر إذا قالوا ليهو كده مفروض يرد زي رد بتاع الاستديو المصري • عارفين قصتو؟ • أحكيها ليكم • قال ليك زمان في مصر كان في تخريج للطلاب السودانيين. • الطلاب ديل كان معاهم واحد شين جداً • شنة ما طبيعية • شنة فريدة من نوعها • الطلاب سموهوا عوض شناتو • أها • في التخريج جابوا بتاع استديو مصري صورة الناس • كل واحد صورة لحظة استلام الشهادة • بالروب طبعاً • تاني يوم اتلملموا واتخمخموا ومشوا الاستديو يستلموا الصور • عوض شناتو ماشي أول زول • شنة فظيعة • أها • أول ما وصولوا الاستديو عوض شناتو قال للمصري وين الصور • المصري أداهو الصور • صور كتيرة • عوض شناتو قلب الصور بسرعة باحثاً عن صورته. • لقاها • ككو بس • شالها • رفعها فوووق • عاين ليها • وقال لبتاع الاستوديو دي صورة شن ودي • المصري ابتسم وقال • أحنا جبنا حاقة من عندنا؟ • عشان كده رد كروجر مفروض يكون كده. • الله يجيب شهر 12 • يخلصنا من العذاب ده • نقل المباراة كان عذاب • الحمد الله الما نقلوها • بالمناسبة • بالطريقة دي مفروض نعمل قناة فضائية برانا • وكت أصلوا قنوات الهلال الاتنين ينقلن كور الهلال بس ويسجلن كورنا. • وما غالية • أجر وارغو في أسبوع بعمل قناة • مرابط • مرابط لي شنو يا أخوي! • تتذكروا طيارتنا بتاعت الجيش • الطيارة القلنا من النيجر تمشي مالي تنزل زول. • ومن هناك تونس • كان قلنا تنزل زول • لكن أسي بنقول تنزل ناس • وعطبرة. • زول عطبرة ده بالبرشوت • نزول ما تنزل • النفطي غير النفطي سافر النفطي جا • النفطي خطب النفطي عقد • المرة جات المرة سافرت • ما عرفنا ليك أي شيء. • الله يجيب آخر الموسم. • يا ربي شداد لحق المريخ ولا المريخ لحق شداد؟ سلك كهرباء ننساك كيف بس وإلى لقاء

بابكر سلك يستهزأ
بخليفة
لوالمريخ فيه 17 خليفة لما كان حالكم

الموضوع ادناه كتبه بابكر سلك
وسماه 17 خليفة
!

17لاخليفة
08-22-2010 05:44

• سمعتوا بالجميعابي!
• ده حالتو من الأدوار المتقدمة في المنافسة
• تقول لي نمشي كأس العالم؟
• الصديق الهلالابي الكبير الغزالي رسل لي رسالة
• قال لي انت قبل كده كتبت قلت الهلال زي موقف جاكسون
• كلو خليفة والصحافة والدروشاب
• وقال الهلال بقى يغلب بالمحطات
• 17 خليفة
• قلت ليهو فريق فيهو خليفة يغلب 17؟
• يبقى المغلوب فيهو كم خليفة؟
• إسلام ضحكت
• وقالت لي كل شيء قسمة ونصيب
• الجماعة كملوا أهدافهم في هذا الموسم في كورة واحدة
• وقعدوا ساااااااي
• قلت ليها اللاعب الحريف بوزع لياقتو
• بورتسودان قالوا مسخنة
• الناس قال ليك بستأجروا تلاجات الموز يقيلوا فيها
• حر زي ده ما بنفع مع الجوع
• عشرة دقائق والألسن تمرق مدلدلة
• بختك يا كروجر
• الفرق تاني راجع أربعة
• يا ناس بورتسودان
• لموا الصدقات للجوعى
• ينوبكم ثواب
• وأكرموهم
• الأب والابن والعبارات الانهزامية دي مافي ليها مكان
• أها
• ويلي جا
• يعني اللياقة في السما
• بلة بدون لياقة تاعب الناس
• بي اللياقة كيف؟
• طرفك الشمال منو؟
• لكن المهم
• الثورة التصحيحية
• لازم يحصل حساب للفات
• أسباب تدني المستوى
• المعسكرات البترجع الناس بدون لياقة دي
• الكراسي الواقعة بالكوم جوار الاستاد
• الناس البتغسل العربات داخل سور الاستاد
• الدكاكين المقفولة بالنهار وفاتحة بالليل دي
• النجيلة اللحقت راسي ده
• وحاجات كتيرة
• كروجر يشتغل في الميدان
• منو البشتغل بره الميدان؟
• ده السؤال يا عبد الله
• يا شداد أسأل لينا الفيفا العيد متين!
• معقولة
• زول في دور السطاشر ياخد سبعطاشر!
• الفيفا ما فضل ليها إلا تصلي بينا
• الله يهديها وتصلي
• بالمناسبة
• قبل أيام جمعتنا سهرة رائعة بهارموني
• استضافنا الرائع عوض الجيد الكباشي
• وكان الرائع محمد عبد الماجد رائعاً كعادته
• وجدو
• جد الكوميديا
• قال نكات لذيذة
• لكن حور واحدة
• عكس النكتة بتاعت العريس الأدوهو العروس
• النكتة بتاعت الصبر على الهلال بصبر على بتي
• لكن كانت سهرة رائعة
• استمتعنا فيها بأغاني جميلة
• سبعطاشر خليفة!
• الله يجازي الطعن الجاب الغبينة لي ناس الجيمعابي
• بالمناسبة
• ساندرا والأطفال في البلد
• شرفتونا يا ساندرا
• عروس البحر يا حورية
• الليلة لازم نغنيها
• موعدنا بالليل
• يا ما انت كريم يا رب
سلك كهرباء
ننساك كيف وساندرا معانا
وإلى لقاء
سلك