Post: #1
Title: دا غلط يا مزمل اخوي ...
Author: طلحة عبدالله
Date: 08-30-2010, 10:51 AM
تابعت في الصحف السودانية ردود الفعل عقب نهاية الجمعية العمومية
التى عقدت عوضا عن الجمعية السابقة الملغاة بواسط فيفا، وقد قرات
فيما طالعت مقالا غريبا للاخ مزمل أبو القاسم في صحيفة الصدي إجتهد
فيه أيما إجتهاد لتجميل الحقائق المؤسفة التى أسفرت عن وجهها الكالح
قبل وأثناء وبعد الجمعية العمومية ( العرجاء) التى جرت في غياب رئيس الإتحاد
البروف كمال شداد و تحت إشراف فيفا وليس المفوضية كما قال مزمل ..
سأنقل الجزئية التى إستوقفتني من المقال ومن ثم اعقب عليها فقرة فقرة .
يتبع .......
|
Post: #2
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 10:55 AM
Parent: #1
إستوقفني هذا الكلام مما كتبه مزمل أبو القاسم Quote: الفيفا تشيد بالجسم الغريب
* أجمل مافي الجمعية كلمة موفد الفيفا الشيخ طه إسماعيل.
* فيها أشاد بالوزير وثمن تعاونه مع الفيفا ومدح قراراته وأكد أنها ساهمت في نزع فتيل الأزمة، كما أشاد بالمفوضية، وأثنى على مجهودها في الإشراف على الانتخابات.
* فند حديث الشيخ طه أكاذيب من أوهموا الناس بأن الفيفا أصبحت طوع بنانهم وأنها ستتدخل لحمايتهم، وأنها لن تقبل قرار الوزير ولن تسمح للمفوضية بالاقتراب من الجمعية!
* وفي حديثه أبلغ رد على من زعم أن الفيفا كلفه بإدارة الجمعية شخصياً!
* غاب شداد ولم تتأثر الجمعية وحل معتصم محل الفاعل فوراً، لأن السلطة لمجلس وليس فرد، وقد رأينا جميعاً كيف سارت الأمور على أحسن ما يرام.
* لا ألغيت الجمعية، ولا تم تجميد نشاط السودان!
* وفي ذلك درس قاس لمن أوهموا الناس أن كبيرهم انتصر، وأنه محمي بالفيفا وما إلى ذلك من خزعبلات!
* مرة أخرى نشكر الوزير الشاب سوار على حنكته وحسن تعامله مع القضية، ونشكر المفوضية التي هددوها بالفيفا وادعوا أنها لن تقترب من الجمعية فأتاها الإنصاف من الفيفا على رؤوس الأشهاد.
|
|
Post: #3
Title: Re: دا غلط يا مزمل اخوي ...
Author: فيصل نوبي
Date: 08-30-2010, 10:59 AM
Parent: #2
من أمس بالليل غلبني أفهم كلام مزمل ده
و صدق أو لا تصدق هسي انا قاعد و فاتح الصفحة و بحاول أفهم هو داير يسوي شنو
|
Post: #4
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 11:00 AM
Parent: #2
للأسف كل ما قاله مزمل هنا هو محض مكابرة ومكاواة ولا علاقة له بالحقائق..
قال : Quote: أجمل مافي الجمعية كلمة موفد الفيفا الشيخ طه إسماعيل.
* فيها أشاد بالوزير وثمن تعاونه مع الفيفا ومدح قراراته وأكد أنها ساهمت في نزع فتيل الأزمة، كما أشاد بالمفوضية، وأثنى على مجهودها في الإشراف على الانتخابات.
* فند حديث الشيخ طه أكاذيب من أوهموا الناس بأن الفيفا أصبحت طوع بنانهم وأنها ستتدخل لحمايتهم، وأنها لن تقبل قرار الوزير ولن تسمح للمفوضية بالاقتراب من الجمعية!
* وفي حديثه أبلغ رد على من زعم أن الفيفا كلفه بإدارة الجمعية شخصياً!
|
اذا كانت الجمعية العمومية السابقة ألغيت بسبب تدخل الوزير والمفوضية
فكيف يشيد موفد الفيفا بهذا التدخل الذي ذكره مزمل أعلاه ..؟؟
هل غير فيفا نظامه الأساسي الداعي لأهلية الحركة الرياضية بين ليلة وضحاها..؟
أم أنه إستثني إاتحاد كرة القدم السوداني من قوانينه الملزمة لكل الاتحادات
الوطنية في العالم والتى بموجبها حاكم العديد من الاتحادات ..؟
هذا كلام لا يدخل عقل أصغر مشجع كورة في قرية سودانية نائية يا مزمل أخوي.
|
Post: #5
Title: Re: دا غلط يا مزمل اخوي ...
Author: Maawya Hussein
Date: 08-30-2010, 11:04 AM
Parent: #4
اكل عيش..مزمل بقي شايل طارو ومباري الوزير
|
Post: #6
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 11:08 AM
Parent: #4
وقال Quote: غاب شداد ولم تتأثر الجمعية وحل معتصم محل الفاعل فوراً، لأن السلطة لمجلس وليس فرد، وقد رأينا جميعاً كيف سارت الأمور على أحسن ما يرام.
* وفي ذلك درس قاس لمن أوهموا الناس أن كبيرهم انتصر، وأنه محمي بالفيفا وما إلى ذلك من خزعبلات!
|
صحيح إن إجراءات قيام الجمعية العموية جرت وإنتهت على خير كما قال
مزمل أعلاه لكن وبما أنه ذكر ان الجمعية قامت وفق قرار الوزير وبحضور المفوضية
فمن يضمن ان لا تكون هناك ردود فعل وقرارات في حال قدم شداد شكوي
تؤكد مخالفة قوانين فيفا في قيام هذه الجمعية ..؟؟
أري ان مزمل إستعجل كعادته في الحكم وكان عليه إنتظار ما ستسفر عنه الأمور بعد
أن يحيط شداد فيفا علما بما جري .
إذا صدق ما قاله مزمل بإن الجمعية قامت وفق قرارات الوزير وبإشراف المفوضية
رغم أنف توجيهات فيفا فليستعدوا إذن لجولة جديدة من المرمطة .
يتبع .........
|
Post: #7
Title: Re: دا غلط يا مزمل اخوي ...
Author: محمد البشرى الخضر
Date: 08-30-2010, 11:12 AM
Parent: #6
| Quote: هذا كلام لا يدخل عقل أصغر مشجع كورة في قرية سودانية نائية يا مزمل أخوي |
وماشي بعيد ليه وقرية نائية
العرضة جنوب القريبة دي تلقى ملايين المؤمنين يهوززوا في روسينهم وراهو فرحانين
|
Post: #8
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 11:13 AM
Parent: #6
وقال Quote: مرة أخرى نشكر الوزير الشاب سوار على حنكته وحسن تعامله مع القضية، ونشكر المفوضية التي هددوها بالفيفا وادعوا أنها لن تقترب من الجمعية فأتاها الإنصاف من الفيفا على رؤوس الأشهاد.
|
هذا كلام غير صحيح للأسف فالوزير الشاب سوار لم يحسن التعامل مع القضية
ما أدي لتدخل فيفا وإيفادها لمندوب لمراقبة الانتخابات الجديدة بعد إلغاء الإنتخابات
الاولي رغم الحديث الممجوج والشعارات الحنجورية التى أتحفنا بها الوزير والمفوضية
من لدن السيادة الوطنية والعزة والكرامة وما الي ذلك .
لو كان الوزير تعامل بحكمة منذ البداية لما حدث ما حدث ولما ألغيت جمعية عمومية
قامت وفق سيادة القانون الوطني كما يقول الوزير والمفوضية ومن لف لفيفهم .
|
Post: #9
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 11:18 AM
Parent: #8
و أخيرا Quote: 51 صوتاً لمعتصم جعفر، 17 للأرباب، وصفر لشداد!
|
شداد أصلا لم يترشح فكيف حصل على هذا الصفر
الذي زعمه مزمل أعلاه ..؟؟؟
الحقيقة أن البروف شداد انتصر انتصارا ساحقا جدا وألقن الجميع دروسا
لن ينسوها كعادته.
|
Post: #10
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 11:29 AM
Parent: #9
يتبع .....
|
Post: #11
Title: Re: دا غلط يا مزمل اخوي ...
Author: عبداللطيف حسن علي
Date: 08-30-2010, 11:56 AM
Parent: #10
Quote: أجمل مافي الجمعية كلمة موفد الفيفا الشيخ طه إسماعيل.
* فيها أشاد بالوزير وثمن تعاونه مع الفيفا ومدح قراراته وأكد أنها ساهمت في نزع فتيل الأزمة، كما أشاد بالمفوضية، وأثنى على مجهودها في الإشراف على الانتخابات.
* فند حديث الشيخ طه أكاذيب من أوهموا الناس بأن الفيفا أصبحت طوع بنانهم وأنها ستتدخل لحمايتهم، وأنها لن تقبل قرار الوزير ولن تسمح للمفوضية بالاقتراب من الجمعية!
* وفي حديثه أبلغ رد على من زعم أن الفيفا كلفه بإدارة الجمعية شخصياً!
|
ماذا يقول مزمل
يقول ان الشيخ طه اسماعيل اشاد بالوزير وثمن تعاونه مع الفيفا وطبعا يقصد بعد
الازمة الاولي ، لان الاطراف تحركت بعد الازمة الاولي التي نتجت من موقف الوزير
اي ان تراجع الوزير عن تصريحاته الاولي وسماعه لصوت مصلحة السودان امكن للاطراف
الاخري ، الاتحاد والحادبين علي مصلحة الكرة معالجة الازمة...
يعني الفيفا اشادت بتراجع الوزير عن تعنته وسماعه لصوت العقل في حل المشكلة
دا كلام مزمل يا طلحة..
الكلام واضح الا لزول قناعاته السابقة تمنعه من الفهم
|
Post: #12
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 12:16 PM
Parent: #11
أبدا يا عبد اللطيف
قال أنو الجمعية قامت وفق قرارات الوزير وبإشراف المفوضية وقرن قوله بتأكيد أنو موفد فيفا أشاد بالوزير والمفوضية ..
دا كلام غير صحيح يا اخي العزيز .
|
Post: #13
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 12:26 PM
Parent: #12
يا عبداللطيف
إذا أثني موفد فيفا على الوزير والمفوضية كما قال مزمل فليس لأن الجمعية
قامت وفق قرارات الوزير الشاب سوار وأشرفت عليها المفوضية فالحقيقة التى
يعرفها الجميع هي أن إعادة الإنتخابات تمت بتوجيهات مصحوبة بتهديدات من فيفا
بسبب تدخل الوزير والمفوضية الإتحادية ، وقد طالب فيفا في رسألته أن يشرف
على الإنتخابات مجلس الإدارة بقيادة كمال شداد محذرا من تدخل أي طرف ثالث
سواء كان الوزير او المفوضية ، فكيف يعود ليثني ويشيد بإشراف المفوضية
على هذه الإنتخابات .
أما إشادة فيفا بالوزير لو حصلت فعلا فهي قطعا لأنه إمتثل للقرار الدولي
وسحب كل ما صرح به من قبل بخصوص السيادة الوطنية وما شابه وليس لأنه قرر
إعادة الإنتخابات لان الذي يقرر إعادة الانتخابات هو الإتحاد الدولي لكرة
القدم .
|
Post: #14
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 12:33 PM
Parent: #13
هلا يا نوبي Quote: من أمس بالليل غلبني أفهم كلام مزمل ده
و صدق أو لا تصدق هسي انا قاعد و فاتح الصفحة و بحاول أفهم هو داير يسوي شنو
|
غايتو التفسير الوحيد لكلامو الفوق دا هو انو عايز يثبت صحة
ماقاله قبل إنعقاد الجمعية الاولي التى ألغيت من قبل فيفا .
مزمل أحد الذين أكدوا أن فيفا لن يتدخل وستكون السيادة للقانون
الوطني .
|
Post: #15
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 12:39 PM
Parent: #14
يا ود البشري
غايتو حكاية كل الناس القاصدم ديل بسمعوا كلام مزمل فدي ما متأكد منها
لكن في النهاية لا يصح إلا الصحيح وصاحب العقل يميز بين الغلط والصاح .
..........
قالوا الجمل طلع النخلة
فقيل هذا هو الجمل وهذه هي النخلة
|
Post: #16
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 12:41 PM
Parent: #14
سلامات يا معاوية حسن وكل سنة وإتا طيب
مبروك لهلالك الماشا معاهو حلاوة سمسمية .. 
|
Post: #17
Title: Re: دا غلط يا مزمل اخوي ...
Author: Hussein Mallasi
Date: 08-30-2010, 12:48 PM
Parent: #16
Quote: وماشي بعيد ليه وقرية نائية العرضة جنوب القريبة
دي تلقى ملايين المؤمنين يهوززوا في روسينهم وراهو فرحانين |
افتراض إنو كل ناس العرضة جنوب مريخاب مساكين .. افتراض خاطئ.
|
Post: #18
Title: Re: دا غلط يا مزمل اخوي ...
Author: محمد عبد الماجد الصايم
Date: 08-30-2010, 12:54 PM
Parent: #17
| Quote: افتراض إنو كل ناس العرضة جنوب مريخاب مساكين .. افتراض خاطئ. |
افتراض إنو كل المريخاب مساكين .. افتراض خاطئ!
_
ففيهم البائس والداقاهو مطرة! والداقس أيضا!
|
Post: #19
Title: Re: دا غلط يا مزمل اخوي ...
Author: omer osman
Date: 08-30-2010, 01:05 PM
Parent: #18
| Quote: دا غلط يا مزمل اخوي ... |
ايام قضية إنتقال قلق للمريخ والشيك الذي كان قد حرره لنادي الهلال ........
كتبت رأي قانوني إستناداً للسوابق القضائية السودانية فيما يتعلق بشيك الضمان ............
ارسلته الى الاستاذ/مزمل ابوالقاسم على الايميل ..................
يومين تلاتة القي ليك كلامي بي ضبانتو في عمود مزمل (كبد الحقيقة) ....... دون اى إشارة لشخصي الضعيف حتى ان شاء الله بدون اسم ...... !!!!!!!!!
توقعت ان اجد رسالة شكر في الايميل بتاعي طالما لم يشير الى في العمود ............ !!!!!!!
وحتى تاريخه تراني منتظر ؟؟؟؟؟!!!!!!!!!!
|
Post: #20
Title: Re: دا غلط يا مزمل اخوي ...
Author: محمد البشرى الخضر
Date: 08-30-2010, 01:35 PM
Parent: #19
| Quote: افتراض إنو كل ناس العرضة جنوب مريخاب مساكين .. افتراض خاطئ. |
معقول فات عليك ان المقصود ليس العرضة جنوب الحي السكني ؟
رمضان دا شكلو تعبك ياعمك ود الصايم بقى ياكل عشاك
|
Post: #21
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 01:53 PM
Parent: #20
جنابو عمر عثمان
تصوم وتفطر على خير واحتسبها لله ياخ .
|
Post: #22
Title: Re: دا غلط يا مزمل اخوي ...
Author: عبداللطيف حسن علي
Date: 08-30-2010, 02:22 PM
Parent: #20
Quote: أما إشادة فيفا بالوزير لو حصلت فعلا فهي قطعا لأنه إمتثل للقرار الدولي
وسحب كل ما صرح به من قبل بخصوص السيادة الوطنية وما شابه وليس لأنه قرر
إعادة الإنتخابات لان الذي يقرر إعادة الانتخابات هو الإتحاد الدولي لكرة
القدم . |
الجمعية كانت مذاعة علي قناة قون وحضرناها وسمعنا اشادة مندوبي الفيفا
بالوزير وقالوا انهم يعلمون ان الاتحاد المحلي يرتبط بقوانين وطنية
وله مؤسسات محلية ملتزم بها واشادو حتي بشداد وذكروا ان النقاط التي اعترضوا
عليها تم تنفيذها بحذافيرها وهي نزول القائمة السابقة كلها في قائمة الانتخابات
وكذلك الذين تم منعهم من الترشيح وتم التصويت في حضورهم واعلان النتيجة
اما ماتحته خط في كلامك يا اخ طلحة هو ماحدث بالفعل..اي اشادة الفيفا بالوزير
لانه تراجع عن عنترياته السابقة وقبل تحت ضغط الفيفا طبعا بموجهاتها
في النهاية كل الخطوات التي تمت كانت في حضور الفيفا وانتهي الامر بسلام وهو المطلوب
والاهم من ذلك بزوغ عهد جديد لانها سنة الحياة سواءا اتفقنا مع الجديد ام لا
بالنسبة لي شخصيا فرحت جدا بالاتحاد الجديد رغم كثرة الكيزان دا واحد ، التاني عشان
الهليل يطير من الجعرانية ولا يجد سبب خارجي للهزيمة كالعصير وديمقراطية الحركة الرياضية
وغيرها من خزعبلات الفشل..
ـــــــــــــــ
رغم كتاباتك الجميلة لكن تهاونك في العداء مع الهليل
وتهانيك ليهم وتبشيرك بامكانية فوزهم بالجعرانية عيب كبير
سيسالك منه اولادك والتاريخ !
|
Post: #23
Title: Re: دا غلط يا مزمل اخوي ...
Author: محمد البشرى الخضر
Date: 08-30-2010, 03:28 PM
Parent: #22
| Quote: سيسالك منه اولادك والتاريخ ! |
هههههههههههههه
خير مثال لعقل المشجع بتاع القرية النائية
|
Post: #24
Title: Re: دا غلط يا مزمل اخوي ...
Author: مزمل خيرى
Date: 08-30-2010, 03:45 PM
Parent: #23
| Quote: دا غلط يا مزمل اخوي ... |
...
طلحة عليك الله لمن ترفع بوست بأسم زول .. تم الأسم عليك الله
خلعتنا ياخ
|
Post: #25
Title: Re: دا غلط يا مزمل اخوي ...
Author: yasir Abdelgadir
Date: 08-30-2010, 04:18 PM
Parent: #24
المعايش جبارة يا طلحة يا أخوي.....لكن العيب ما منو .....؟؟؟؟؟
|
Post: #28
Title: Re: دا غلط يا مزمل اخوي ...
Author: محمد خليل ساني
Date: 08-31-2010, 05:02 AM
Parent: #24
Quote: طلحة عليك الله لمن ترفع بوست بأسم زول .. تم الأسم عليك الله
خلعتنا ياخ |
تصدق قريت العنوان قلت ياربي مزمل خيري ده عمل شنو !!!!
بس بعد ما قريت الموضوع قلت الحمدلله أصلو ود خيري ده العيبة ما بتطلع منو
تحياتي ليك يا طلحة على تناولك لهذا الموضوع فى هذا البوست
|
Post: #26
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 05:19 PM
Parent: #22
Quote: تهاونك في العداء مع الهليل
وتهانيك ليهم وتبشيرك بامكانية فوزهم بالجعرانية عيب كبير
سيسالك منه اولادك والتاريخ !
|
|
Post: #27
Title: Re: دا غلط يا مزمل اخوي ...
Author: طلحة عبدالله
Date: 08-30-2010, 05:23 PM
Parent: #26
يا مزمل خيري دا ناس الإعلام بقولوا عليهو العنوان الغامض
عشان الإثارة والحاجات دي يعني ..
هسع لو كنت كتبت الإسم كامل ما كان مزمل خيري والبعرفوهو شرفوا البوست ..
|
Post: #29
Title: Re: دا غلط يا مزمل اخوي ...
Author: طارق أحمد خالد
Date: 08-31-2010, 07:38 AM
Parent: #27
Quote: تهاونك في العداء مع الهليل
وتهانيك ليهم وتبشيرك بامكانية فوزهم بالجعرانية عيب كبير
سيسالك منه اولادك والتاريخ ! |
غريبة!!!!!
مدهش لحد العجز عن إيجاد التعليق المناسب
أولادو ديل لازم يكونوا مريحاب يعني؟؟
ياتو تاريخ الماعندو موضوع دا البسأل عن الخزعبلات دي؟
محن....
|
Post: #30
Title: Re: دا غلط يا مزمل اخوي ...
Author: abas
Date: 08-31-2010, 10:07 AM
Parent: #22
رغم كتاباتك الجميلة لكن تهاونك في العداء مع الهليل
وتهانيك ليهم وتبشيرك بامكانية فوزهم بالجعرانية عيب كبير
سيسالك منه اولادك والتاريخ !
نعم الدلقان البائس
|
Post: #31
Title: Re: دا غلط يا مزمل اخوي ...
Author: طلحة عبدالله
Date: 08-31-2010, 10:52 AM
Parent: #30
يا اخوانا عبد اللطيف دا بناكف ساي
ما تعصروا عليهو ..
|
Post: #32
Title: Re: دا غلط يا مزمل اخوي ...
Author: طلحة عبدالله
Date: 08-31-2010, 11:27 AM
Parent: #31
ياسر عبدالقادر يا بلد
سلامات وكل عام وانتم بخير .
|
Post: #33
Title: Re: دا غلط يا مزمل اخوي ...
Author: طلحة عبدالله
Date: 08-31-2010, 11:51 AM
Parent: #32
محمد خليل ساني
كل سنة وانت طيب وشكرا للمرور
|
Post: #34
Title: Re: دا غلط يا مزمل اخوي ...
Author: طارق أحمد خالد
Date: 08-31-2010, 12:28 PM
Parent: #33
حبيبنا طلحة
رمضان كريم
شكلو رمضان كبل شيطانك الأحمر وخلاك هدي ورضي (وش مشاغب)
والله مشتاقين لهلال مريخ وتنظيرك ومناكفتك..
المنبر ياخ بقى كلو شتايم ومستوى هابط أكتر من كورتنا وأخلاقنا الإتغيرت.
أنا بقيت زائر موسمي للمنبر وناس بسيطين القاعد أقرا ليهم وأتداخل معاهم و من ضمنهم إنت رغم شيطانك الأحمر. ياخ إفتقدنا الروح الطيبة والنقاش المهذب والمناكفة اللطيفة
تحياتي
طارق
|
Post: #35
Title: Re: دا غلط يا مزمل اخوي ...
Author: طلحة عبدالله
Date: 08-31-2010, 12:42 PM
Parent: #34
سلامات يا طارق وكل عام وانتم بخير
والحقيقة انو المريخ ما فيهو حاجة مشجعة لا اليوم ولا بكرة
ولا اظن بعد عشر سنين عشان كدا الواحد بقي معسم جدا في
مناكفة الاعزاء الهلالاب .
شكرا ليك يا زول .
|
Post: #36
Title: Re: دا غلط يا مزمل اخوي ...
Author: احمد الأمين على إدريس
Date: 08-31-2010, 01:01 PM
Parent: #33
| Quote: العرضة جنوب القريبة دي تلقى ملايين المؤمنين يهوززوا في روسينهم وراهو فرحانين |
ملايين ..!!
مؤمنين..!!
فرحانين..!!
دا كلو فى العرضة جنوب ...؟؟
شنو ياود البشرى ياخ 
ياطلحة إزيك ياخ
وأحيى فيك الموضوعية رغم مريخيتك
وما احلى تنظيرك خصوصاً لمن يتلوه جرجير :(
ياعزيزى طلحة مزمل بدأ يتهاوى كما المريخ تماماً
وإن غداً لناظره قريب ..
|
Post: #37
Title: Re: دا غلط يا مزمل اخوي ...
Author: طلحة عبدالله
Date: 08-31-2010, 01:15 PM
Parent: #36
سلامات يا احمد الامين
رمضان كريم وكل عام وانتم بخير
أتمني والله أن يتمسك اخونا مزمل أبو القاسم بالمهنية الصحافية
بعيدا عن التعصب وروح المشجعين وأري انه مؤهل ليكون صحافيا قديرا.
|
Post: #38
Title: Re: دا غلط يا مزمل اخوي ...
Author: عمار يس النور
Date: 08-31-2010, 01:34 PM
Parent: #37
الاستاذ طلحة
تحياتي لك و لضيوفك الكرام ،
| Quote: للأسف كل ما قاله مزمل هنا هو محض مكابرة ومكاواة ولا علاقة له بالحقائق.. |
هذا هو حال صحاف الإعلام الرياضي في السودان.
منذ متى كانت مقالته تراعي الحقائق او تخلو من المكابرة.
ألم يروج العام الماضي لكذبة الإعارات الوهمية التي لم يكن لها اي وجود إلا في مخيلته.
ألم يكن هو السبب الاكبر في العداء البائن بين مشجعي أكبر ناديين في السودان و أفريقيا.
الم يسعي لإستغلال حادثة وفاة إيداهور المؤسفة للتأثير إعلاميا على التحكيم و منادته زورا و بهتانا بضرورة الإلتزام بمبادئ اللعب النظيف إيحائا منه بان الحادث كان سببه إعتداء على الفقيد.
للأسف فإن كل ما يكتبه هذا الصحاف هو محض مكابرة و قلب متعمد الحقائق.
|
Post: #39
Title: Re: دا غلط يا مزمل اخوي ...
Author: طارق عبد اللطيف نقد
Date: 08-31-2010, 11:14 PM
Parent: #38
الاخ طلحة
رمضان كريم
وكل سنة وانت طيب
Quote: أتمني والله أن يتمسك اخونا مزمل أبو القاسم بالمهنية الصحافية
بعيدا عن التعصب وروح المشجعين وأري انه مؤهل ليكون صحافيا قديرا. |
مزمل ابو القاسم
مريخابي اصيل
ويدافع عن حقوق المريخ جهرا وعلانيه
وانت تسبح بحمد الدكتاتور شداد
وتتباكى علي ازاحته برغية الجماهير
المريخ يمرض ولا يموت
وغدا اجمل
|
Post: #40
Title: Re: دا غلط يا مزمل اخوي ...
Author: طارق عبد اللطيف نقد
Date: 08-31-2010, 11:14 PM
Parent: #38
الاخ طلحة
رمضان كريم
وكل سنة وانت طيب
Quote: أتمني والله أن يتمسك اخونا مزمل أبو القاسم بالمهنية الصحافية
بعيدا عن التعصب وروح المشجعين وأري انه مؤهل ليكون صحافيا قديرا. |
مزمل ابو القاسم
مريخابي اصيل
ويدافع عن حقوق المريخ جهرا وعلانيه
وانت تسبح بحمد الدكتاتور شداد
وتتباكى علي ازاحته برغية الجماهير
المريخ يمرض ولا يموت
وغدا اجمل
|
Post: #41
Title: Re: دا غلط يا مزمل اخوي ...
Author: طارق عبد اللطيف نقد
Date: 08-31-2010, 11:15 PM
Parent: #38
الاخ طلحة
رمضان كريم
وكل سنة وانت طيب
Quote: أتمني والله أن يتمسك اخونا مزمل أبو القاسم بالمهنية الصحافية
بعيدا عن التعصب وروح المشجعين وأري انه مؤهل ليكون صحافيا قديرا. |
مزمل ابو القاسم
مريخابي اصيل
ويدافع عن حقوق المريخ جهرا وعلانيه
وانت تسبح بحمد الدكتاتور شداد
وتتباكى علي ازاحته برغية الجماهير
المريخ يمرض ولا يموت
وغدا اجمل
|
Post: #42
Title: Re: دا غلط يا مزمل اخوي ...
Author: طلحة عبدالله
Date: 08-31-2010, 11:32 PM
Parent: #41
هلا يا نقد وكل سنة وانت طيب والأهل اجمعين
ياتو جماهير دي ياخوي العندها رغبة في إزاحة شداد ......؟؟؟؟؟؟
وبعدين حتى لو فرضنا أنو الجماهير دي اللي هي أنت ومزمل مثلا عندكم رغبة
في إزاحة شداد فلماذا لا يكون ذلك عبر الديمقراطية وأهلية الحركة الرياضية
وليس عن طريق مفوضيتكم ووزيركم ...؟؟؟؟
............
عشان بس تتأكد أكتر ياخوي العزيز
لا اعرف المريخ بقدر ما أعرف قول الحق ولا يهمني ان جيت انت
ولا غيرك وسميتو قول الحق دا تسبيح وتباكي والكلام الفارغ دا .
لك الود يا زول
|
Post: #43
Title: Re: دا غلط يا مزمل اخوي ...
Author: طلحة عبدالله
Date: 09-01-2010, 00:03 AM
Parent: #41
Quote: المريخ يمرض ولا يموت
وغدا اجمل
|
يا طارق اخوي
كل زول ليهو وجهة نظرو واذا كان انت وجهة نظرك المقتبس الفوق دا فانا وجهة نظري
في البوست دا المريح يتوغل في مجاهل الضياع ..
|
Post: #44
Title: Re: دا غلط يا مزمل اخوي ...
Author: طلحة عبدالله
Date: 09-01-2010, 12:34 PM
Parent: #43
يتبع ........
|
|