Post: #1
Title: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-29-2010, 11:52 PM
Parent: #0
في مباراة الهلال وجيش النيجر اتحفنا المعلق الخليجي بالمعلومات التاليه :
1- تاسس نادي الهلال يوم 22.2.1930 وتحديدا في تمام الساعه السادسه
مساء بعد صلاة المغرب ( لاحظ الدقه في المعلومه دي ) مع زكر اسماء
الاربعه اشخاص الذين اسسوا نادي الهلال .
2- استاد الهلال بداية العمل فيه وافتتاحه وقطعة الارض التي اهداها اللواء
طلعت فريد ليقام عليها الاستاد واول مباراه لعبت في الاستاد لدرجه التشكيله
التي خاضت اول مباراه اورد اساميها بالكامل .
3- اول رئيس لنادي الهلال السيد قباني .
4- اول كابتن لفريق الهلال هو عبدالرازق عبدالمجيد ونفس هذا اللاعب يعتبر
اول لاعب احترف او لعب خارج السودان .
5- 30 مدرب وطني هم دربوا الهلال منذ تأسيسه وحتي الان .
6- ميشو هو المدرب الاجنبي رقم 20 في تاريخ الهلال
7- هيثم مصطفي هو الكابتن رقم 27 في تاريخ الهلال .
8- مباراة الهلال التي يعلق عليها هذا المعلق هي رقم 52 افريقيا بالنسبه للهلال
9- اول مشاركه افريقيه للهلال عام 1966 كانت ضد الاسمنت الاثيوبي ويعتبر
الهلال هو اول فريق من عرب افريقيا يشارك في بطولات افريقيا .
10- اول مباراه للهلال بعد تأسيسه كانت ضد المورده .
|
Post: #2
Title: Re: متي يتطور المعلق الرياضي السوداني ؟؟؟؟
Author: Maawya Hussein
Date: 08-29-2010, 11:58 PM
Parent: #1
يا كوبي رمضان كريم
سوار دهب مذيع سوداني يعمل في قناة الجزيره الرياضيه ..وتقريبا سيكون معلق علي جميع مباريات الهلال القادمه وكان سيكون المعلق الممعتمد للدوري السوداني لولا انسحاب الجزيره
|
Post: #3
Title: Re: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-29-2010, 11:59 PM
Parent: #1
كذلك من المعلومات التاريخيه الاضافيه عن الهلال
- الملك فيصل هو من اطلق لقب الامير علي الراحل الاسطوره صديق منزول
- قاقرين كانت له تجربه احترافيه مع ليون لم تكلل بالنجاح
- عزالدين الدحيش له تجربه كذلك مع فريق كوزموس الامريكي ولم تنجح ايضا
- جكسا جاءه عرض احترافي من بوكا جونيورز الارجنتيني ورفض جكسا العرض
|
Post: #4
Title: Re: متي يتطور المعلق الرياضي السوداني ؟؟؟؟
Author: Maawya Hussein
Date: 08-30-2010, 00:09 AM
Parent: #3
الإسم : سوار الذهب علي محمد
العمر : 24 عاماً
المؤهل : جامعة قطر .. كلية الإعلام و الشؤون الدولية
الجنسيه سوداني
|
Post: #6
Title: Re: متي يتطور المعلق الرياضي السوداني ؟؟؟؟
Author: حبيب نورة
Date: 08-30-2010, 00:16 AM
يا كوبي
يا أخوي المذيع عندنا يعلق ليك علي كورة في التلفزيون
علي الطريقة الراديوهية
هو و القوووون هو والقوووون والكورة تكون في السنتر
ومذيع الإذاعة يديك إحساس إنك قاعد في المقصورة الرئيسة
من شدّة ما بسرح عن الوصف التفصيلي
القصة جايطة شديد
|
Post: #5
Title: Re: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-30-2010, 00:09 AM
Parent: #3
اسلوبه سلس جدا في التعليق وتحدث عن بعض الصدف ومنها
تاريخ ميلاد حكم المباره هو نفس تاريخ يوم افتتاح استاد الهلال
كذلك اول عام شارك فيه الهلال افريقيا هو نفس العام الذي بدأ
فيه اول دوري في النيجر .
تحدث كذلك المعلق باذهاب عن المدرب ميشو وعن كل تاريخه منذ
ان كان لاعبا وانه ولد بعد 9 شهور من من افتتاح استاد الهلال .
تحدث عن فريق الجيش النيجري وعن كل معلومه عن هذا الفريق
لدرجه تلقيه دعما من الحكومه الفرنسيه اوردها .
تحدث كذلك باذهاب يفوق الوصف عن العم حسن شبشه وتاريخه الطويل
مع الهلال .
|
Post: #7
Title: Re: متي يتطور المعلق الرياضي السوداني ؟؟؟؟
Author: عمران حسن صالح
Date: 08-30-2010, 00:39 AM
Parent: #5
ربنا يوفقوا الولد مجتهد وصوتو رائع جداً ومعلوماته جيدة ومجهز نفسو للمباراة بطريقة جيدة
المعلومات كانت حاضرة بصورة سلسلة دون أن تؤثر على التعليق العام على االمباراة
شكراً حمزة رغم أن العنوان يدل على عدم تطور المعلق الرياضي السوداني
|
Post: #8
Title: Re: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-30-2010, 02:24 AM
Parent: #7
Quote: يا كوبي رمضان كريم
سوار دهب مذيع سوداني يعمل في قناة الجزيره الرياضيه ..
وتقريبا سيكون معلق علي جميع مباريات الهلال القادمه وكان
سيكون المعلق الممعتمد للدوري السوداني لولا انسحاب الجزيره |
العزيز معاويه الله اكرم وتصوم وتفطر علي خير
والله لو ماكلامك ده كنت مندهش من الراجل ده بصوره تحير
لانه كنت مستغرب من حتي معرفته بالامثال السودانيه الجامده
مثل ادخاله للمثل (قش ماتعتر لك ) في تعليقه ؟؟؟!!!
لكن الشئ الخلاني اعتقد انه خليجي هو لهجته غير سودانيه
وصدقني يامعاويه لولا تربيته الخليجيه وتدريبه علي التعليق من
الخليجيين ما كان سيكون مبدع للاسف الشديد !!!!!!
|
Post: #9
Title: Re: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-30-2010, 02:29 AM
Parent: #8
Quote: الإسم : سوار الذهب علي محمد
العمر : 24 عاماً
المؤهل : جامعة قطر .. كلية الإعلام و الشؤون الدولية
الجنسيه سوداني |
شكرا كتير لك يامعاويه على المعلومات والصور
وياريت القطريين الاهلوه في كلية الاعلام يأهلوا
لينا برضوا كم مخرج كده يعرفوا يخرجوا لينا المباريات
بصوره تفتح النفس !!!!!!
|
Post: #10
Title: Re: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-30-2010, 02:47 AM
Parent: #9
Quote: يا كوبي
يا أخوي المذيع عندنا يعلق ليك علي كورة في التلفزيون
علي الطريقة الراديوهية
هو و القوووون هو والقوووون والكورة تكون في السنتر
ومذيع الإذاعة يديك إحساس إنك قاعد في المقصورة الرئيسة
من شدّة ما بسرح عن الوصف التفصيلي
القصة جايطة شديد |
حبيبنا كيف الامور وانشاءالله استعدادات بكره ماشه علي قدم وساق ؟؟؟
زياده علي تهريجهم وجوطتهم دي مابعرفوا يجيبوا لك معلومه
يا اخي ماحصل سمعت معلق من معلقيننا ديل زكر انه هيثم مصطفي
ولاعمر بخيت ولا علاءالدين يوسف ولا عجب ولاعبدالحميد السعودي
انه اللاعب ده المباره له رقم كم في تاريخه واهدافه كم وله كم مباراه مع
المنتخب ودي اشياء من ابجديات التعليق ....وماعرف ناسنا ديل مابسمعوا
الشوالي ولا علي سعيد الكعبي ؟؟؟؟؟؟؟
|
Post: #11
Title: Re: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-30-2010, 02:53 AM
Parent: #10
| Quote: شكراً حمزة رغم أن العنوان يدل على عدم تطور المعلق الرياضي السوداني |
عمران صالح لك التحايا ورمضان كريم
العنوان كان قبل دخول معاويه وتصحيح المعلومه بانه الرجل سوداني
لانه اعتقادي كان انه خليجي من خلال لهجته في المباراه
|
Post: #12
Title: Re: متي يتطور المعلق الرياضي السوداني ؟؟؟؟
Author: حمزه بابكر الكوبي
Date: 08-30-2010, 12:08 PM
Parent: #11
المصدر الذي جلب منه سوار الذهب معلوماته هل مغلق
امام حاتم التاج وباقي المعلقين ؟؟؟؟
|
|