Post: #1
Title: ماتفرحوا كثير ..الكاس حق الصفاقصي
Author: معاوية محمد الحسن
Date: 08-29-2010, 10:20 PM
عشان بعدين ماتنصدموا
اقتنعوا من هسع انو الكاس حق الصفاقصي
وانتو والجيش كلكم كمبارس
عشان كدة لاتفرحوا للفوز ولاتحزنوا للخسارة
وماتكملوا قريشاتكم الشوية دى فى المعسكرات
واستفيدوا منها فى حاجة ثانية
|
Post: #2
Title: Re: ماتفرحوا كثير ..الكاس حق الصفاقصي
Author: محمد البشرى الخضر
Date: 08-29-2010, 11:12 PM
Parent: #1
علينا ان نسعى يا معاوية ياخ بكل ما أوتينا من قوة و نبذل ما استطعنا من جهد و نرجو من الله التوفيق
كي باركوا لينا تاركم الخدنا من الآس فانس ديل اول
|
Post: #3
Title: Re: ماتفرحوا كثير ..الكاس حق الصفاقصي
Author: معاوية عبيد الصائم
Date: 08-29-2010, 11:15 PM
Parent: #2
معاوية سيد الاسم سلام قول بسم الله
الهلال سيد البلد وتاج من لا تاج له
معاوية عبيد
|
Post: #4
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-30-2010, 07:42 AM
Parent: #3
| Quote: علينا ان نسعى يا معاوية ياخ بكل ما أوتينا من قوة |
الاخ محمد
كيف الحال
لكن ياخوي ليكم سبعين سنة قاعدين تسعوابكل قوة وماحققتوا كاس
عشان كدة قلت ليكم ماتفرحوا تانى حتبدو من جديد
ماطار الهلال وارتفع الا كما طار وقع
|
Post: #5
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-30-2010, 07:47 AM
Parent: #4
Quote: معاوية سيد الاسم سلام قول بسم الله
الهلال سيد البلد وتاج من لا تاج له |
عزيزنا معاوية
تحياتي
سيدالبلد دى كثيرة يامعاوية ..عمل شنو للبلد عشان يكون سيدا
سيد البلدهو من شرف البلد بالكاسات الخارجية والاستاد الجميل
|
Post: #6
Title: Re: ماتفرحوا كثير ..الكاس حق الصفاقصي
Author: Hassan Senada
Date: 08-30-2010, 08:07 AM
Parent: #5
رمضان كريم استاذ معاوية اول مرة اسمع ناس مفلسين حق السحور ماعندهم يقولوا نحن اسياد البلد
مع تمنياتى لصفاقصى التونسى
|
Post: #7
Title: Re: ماتفرحوا كثير ..الكاس حق الصفاقصي
Author: ابراهيم احمد سليمان
Date: 08-30-2010, 08:21 AM
Parent: #5
حتى الفرحة داير تنقصها علينا والله يالمريخاب ناس ماعندكم زووق ولا شعور
يا سيد نحن حانجتهد والباقى على الله .
بس انت بطولة المحلى ذاتها بنقلعها منك يا وصيف دائما وابدا
وفى عطبرة السلوى وفى المقبة الحلوى
وكل عام وانت بخير
|
Post: #8
Title: Re: ماتفرحوا كثير ..الكاس حق الصفاقصي
Author: Dr.Elsadig Abdalla
Date: 08-30-2010, 08:27 AM
Parent: #7
دعهم يفرحون قليلا ...في النهايه حا يلقو ليهم خمسه زي حقة مازيمبي تخليهم يقعدو في علبهم ....قال كاس خارجي قال .هه .....
|
Post: #9
Title: Re: ماتفرحوا كثير ..الكاس حق الصفاقصي
Author: nazar hussien
Date: 08-30-2010, 08:44 AM
Parent: #8
والله يا دكتور يفرحون قليلا دي زاتا انتو
ليكم كم سنة ما لامين فيها...
لما قلتو أجي يا المريخ؟؟
|
Post: #10
Title: Re: ماتفرحوا كثير ..الكاس حق الصفاقصي
Author: abuguta
Date: 08-30-2010, 09:14 AM
Parent: #9
كدى خلينا من كاس وعدم كاس,,,
ممكن الهلال مايلعب فاينال
لانه حيقابل الفتح الرباطى,,او حرس الحدود المصرى
وممكن الصفاقسى ما يلعب فاينال لانه بقابل الاتحاد الليبى
لكن المحمدة الوحيدة التى جنيناه اكسودانين هى رد سمعة الكورة السودانية
عند النجرييين,,التى مرمطها المريخ
الشكر لله ثم للهلال الذى سعى لرد الاعتبار
بعد داك نجى للمحلى ونغلبكم جوا برا
يعنى قطع ولم بلغة اهل الحصاد
تحياتى ليك,,ورمضان كريم
|
Post: #11
Title: Re: ماتفرحوا كثير ..الكاس حق الصفاقصي
Author: abas
Date: 08-30-2010, 09:29 AM
Parent: #10
يا ابوقوته
دلقان زعلان من معاريك
ودي جمع معراكه
والمعاريك عاده تستخدم في مسح الزيت علي الصاج بتاع الكسره
ودي لعيبة المرخرخ
دلاقين ومعاريك
دلقان حاقد
|
Post: #12
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-30-2010, 10:32 AM
Parent: #11
Quote: يا سيد نحن حانجتهد والباقى على الله .
|
اخونا ابراهيم
لكن ياخي اجتهاد سبعين سنة ..قلنا ليكم كاس خارجي ماجابوه ليكم اجيال قاقارين والنقر منتظرنوا من ناس خليفة ومنير امبدة وكاريكا
|
Post: #13
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-30-2010, 10:36 AM
Parent: #12
Quote: لكن المحمدة الوحيدة التى جنيناه اكسودانين هى رد سمعة الكورة السودانية
عند النجرييين,,التى مرمطها المريخ
|
اخونا ابو قوته
تحياتي
طيب لمن شغالين رد سمعة للبلد ..امشوا الجزائر ردوا سمعة البلد المرمطوها لينا بالهروب من وفاق سطيف المرمط بيكم الواطة فى المسخرة بتاعتكم
|
Post: #15
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-30-2010, 10:44 AM
Parent: #13
| Quote: دعهم يفرحون قليلا ...في النهايه حا يلقو ليهم خمسه زي حقة مازيمبي تخليهم يقعدو في علبهم ....قال كاس خارجي قال .هه |
واللة يادكتور ..هم ذاتهم مقتنعين انهم مابجيبوا كاس خارجي ..بس مكابرة منهم ساكت
وبعدين هم فرحانين لشنو ماقالوا الكنفدرالية دى مابتشبهم وهى بطولة مجاعة ولا بعد ماجاعوا بقت تشبهم
|
Post: #14
Title: Re: ماتفرحوا كثير ..الكاس حق الصفاقصي
Author: محمد البشرى الخضر
Date: 08-30-2010, 10:38 AM
Parent: #11
Quote: لكن ياخوي ليكم سبعين سنة قاعدين تسعوابكل قوة وماحققتوا كاس
عشان كدة قلت ليكم ماتفرحوا تانى حتبدو من جديد |
يا معاوية انتو من سنة عشرة صابرين لغاية 89 (قبل ما تقطعوا)
يعني تسعة وسبعين سنة كدا باقي لينا تسعة سنة صبر
بعدين الإجتهاد و السعي في البطولات الدولية و البداية من جديد كل مرة ما أخير من المحلي و المحينة و سماحة الوصف
|
Post: #16
Title: Re: ماتفرحوا كثير ..الكاس حق الصفاقصي
Author: معاوية عبيد الصائم
Date: 08-30-2010, 10:48 AM
Parent: #14
من اين جاء هولاء الصفوة الدقسة ؟
|
Post: #17
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-30-2010, 11:11 AM
Parent: #16
Quote: يا معاوية انتو من سنة عشرة صابرين لغاية 89 (قبل ما تقطعوا)
|
الاخ محمد
رمضان كريم
ليه سنة 89 ياخي ماسمعت بكاس سيكافامن تنزانيا سنة 86 وده اول كاس خارجي يدخل البلد
بعدين الحكاية ما بالزمن ..وينهم اللاعبين البتشيلوا بيهم كاس حارجي
نحن شلنا الكاسات زمن بريمة وكمال عبد الغني وسامي وجمال ابوعنجة وكل جيل العظماء
انتو عاوزين تشيلوه بخليفة وسامى واسامة التعاون
|
Post: #18
Title: Re: ماتفرحوا كثير ..الكاس حق الصفاقصي
Author: محمد البشرى الخضر
Date: 08-30-2010, 11:44 AM
Parent: #17
يعني بقت على التلاتة سنة دي يا معاوية , اوكي ستة وسبعين سنة صبرتوا
باقي لينا ستة سنين من الريكورد بتاعكم
Quote: نحن شلنا الكاسات زمن بريمة وكمال عبد الغني وسامي وجمال ابوعنجة وكل جيل العظماء
انتو عاوزين تشيلوه بخليفة وسامى واسامة التعاون |
اتخيل بي اسامة سجم دا وعندنا طموح نشيل كاس و ساعين ليه كل سنة وشاحدين التوفيق من ربنا
السؤال انتو بي نفطيكم ووارغوكم ولاعبيكم الأقل واحد فيهم بصرف اضعاف ما كان يستلمو جيل العظماء القلتهم فوق
ليه بتقنعوا بدري بدري وطموحكم مات
من تسعة وتمنين واحد عشرين سنة بدون انجاز أو طموح حتى لإنجاز
مش كدا وبس بل بتسخروا من سعي الهلال الجاد الماوقف في محطة تاريخية زيكم واختصر تاريخو في تلاتة سنوات (86-89) وقعد يدوبي على الاطلال
فاكر في 2007 بعد الهلال طار اعلامك قال شنو "ساعدونا بالسكات والموية الباردة"
اها اسي احنا بنقول ليكم الموية زاتها ما عايزنها ساعدونا بالسكات بس 
|
Post: #19
Title: Re: ماتفرحوا كثير ..الكاس حق الصفاقصي
Author: عبداللطيف حسن علي
Date: 08-30-2010, 12:06 PM
Parent: #18
Quote: لكن ياخوي ليكم سبعين سنة قاعدين تسعوابكل قوة وماحققتوا كاس
عشان كدة قلت ليكم ماتفرحوا تانى حتبدو من جديد
|
تمانين سنة وليس سبعين
كدة ح يفرحو ناس عشوشة ديل
|
Post: #20
Title: Re: ماتفرحوا كثير ..الكاس حق الصفاقصي
Author: عثمان جلال الدين
Date: 08-30-2010, 05:10 PM
Parent: #5
سلام يا حبيب
| Quote: سيد البلدهو من شرف البلد بالكاسات الخارجية] |
أجمل مافي كاس بن ياس في بداية الموسم الحالي أنه أجبركم على التنازل عن كاس دبي ودورة الشارقة وكأس شنو كده ما عاف وأظنكم بلعتوها فقد كنتم مجبرين يا صديقي وإلا كان عليكم الاعتراف بكاسات الهلال الجوية
- كأس ملك الكونغو 1966م وكأس دورة الوكرة في اعتزال بدر بلال و عيييك ...
كسرة: شهر 12 سنجبركم على التنازل عن كأس الكؤوس الأفريقية أو التصفيق لنا.. فأختاروا..
سؤال: هلل صحيح أن المريخ لعب أمام 4 فرق فقط في 1989م ونال الكاس ؟؟
تحياتي
|
Post: #21
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-31-2010, 08:08 AM
Parent: #20
Quote: ليه بتقنعوا بدري بدري وطموحكم مات
من تسعة وتمنين واحد عشرين سنة بدون انجاز أو طموح حتى لإنجاز
|
حبيبنا محمد
تحياتي
كيييييف من سنة تسعة وثمانين بدون انجاز ياخي ..يعنى ماسمعت بكاس سيكافا 94 التضامنتوا فيهو مع سيمبا التنزاني ضد المريخ السوداني وانسجبتوا من البطولة وبعد ده تقولوا هلال الوطنية ،
وخليك من ده ماسمعت بكاس الشارقة الذى كاد المريخ ان يتبعة بكاس أخر من دبى لولا ظروف وفاة الشيخ زائد والغاء البطولة .
هذه انجازاتنا الخارجية قبل وبعد 89 اها القى بانجازاتك يامحمد
Quote: كأس ملك الكونغو 1966م وكأس دورة الوكرة في اعتزال بدر بلال و عيييك ...
|
.
الاخ عثمان
تحياتي
ياخوى كاس الكنغو وباعتراف الكوارتي مستلم الكاس نفسه انه كان كاس قدم لاحسن لاعب وليس كاس بطولة
اما كاس الوكرة ده اها ياخوى جيتنى فى محلى الكورة دى انا حضرتها ودخلتها وشاهدتها من داخل الاستاد اولا انها كانت مع السد القطري وليس الوكرة واقسم لك باللة العظيم فى هذا الشهر الكريم انها ما كان فيها كاس ولا ميدالية حتى .اها العييييك القلتها دى شنو برضو كاسات يعنى ولا شنو .
ياجماعة خليكم واقعييين ..الصفاقصي فاز بالكاس ده ثلاثة مرات واول امس فاز على فريق مغربي يالثلاثة والهلال والجيش وغيرهم مافرق بطولات ولو فى منافس للصفاقصي سيكون حرس الحدود وليس الهلال
|
Post: #22
Title: Re: ماتفرحوا كثير ..الكاس حق الصفاقصي
Author: محمد البشرى الخضر
Date: 08-31-2010, 08:42 AM
Parent: #21
يا معاوية وقت بتحسب كاسات المناسبات و السمايات إنجازات
هاك احسب لينا كاس بني ياس , ولاّ أقول ليك لأ ما تحسبو كان على الكاسات الودية دي أخير لينا قعادنا الساي
ياخي نحنا الكونفيدرالية دي عندنا فوقها راي و شغلة ما شغلتنا إلاّ الظروف جبرتنا تقوم تقول لي سيكافا
| Quote: يعنى ماسمعت بكاس سيكافا 94 التضامنتوا فيهو مع سيمبا التنزاني ضد المريخ السوداني وانسجبتوا من البطولة وبعد ده تقولوا هلال الوطنية |
أنا لو محلك سيرة سيكافا اربعة وتسعين دي ما بجيبها نهائي
ياخي دي فضيحة تاريخية
جمهور تيمو مغلوب يفلق و يتسبب في انهاء المباراة اللجنة المنظمة تعيدها ليه و تقول المتسبب في الشغب جمهور سيكافا!!!
ياخي دي علّي اليمين لا تفوقها خجلة و شناة إلأّ فضيحة خج الصناديق في الشرق
|
Post: #23
Title: Re: ماتفرحوا كثير ..الكاس حق الصفاقصي
Author: عبد اللطيف عبد الحفيظ حمد
Date: 08-31-2010, 09:00 AM
Parent: #22
هاكم مني هدية من أغنية عطبرة:
لما القطار صفر وقف
بهرتني صورة عطبرة
يا طيشاب طول لسان وقلة إحسان!!!!!
يا فضائح يا رمم!!!!
قال صفوة قال!!!!!!
أمحق بها من صفوة......... ديل رتوت ذاتو مش صفوة!!!!!!!
ديف مماحيق.... جنايز............فطايس............ رواكيب..........خردة
أبقوا أبكوا علي سية 89
نحن الكنفدرالية دي ذاتها ما معترفينها.... لكن يا ويلكم لو جيبناها وإن شاء الله بنجيبها تاني بتقولو شنو... يا ويلكم!!!
|
Post: #24
Title: Re: ماتفرحوا كثير ..الكاس حق الصفاقصي
Author: khaleel
Date: 08-31-2010, 10:57 AM
Parent: #23
اوافق يا معاوية
الكاس للصفاقصي
|
Post: #25
Title: Re: ماتفرحوا كثير ..الكاس حق الصفاقصي
Author: EMU إيمو
Date: 08-31-2010, 11:17 AM
Parent: #24
| Quote: ماتفرحوا كثير ..الكاس حق الصفاقصي |
رمضان كريم
طيب ما كنت تبحث لتتأكد من إسمه الصحيح وبعدها تغزّل
صفاقس مدينة تونسية
والصحيح الصفاقسي التونسي
|
Post: #27
Title: Re: ماتفرحوا كثير ..الكاس حق الصفاقصي
Author: معاوية محمد الحسن
Date: 08-31-2010, 11:31 AM
Parent: #24
| Quote: ياخي دي علّي اليمين لا تفوقها خجلة و شناة إلأّ فضيحة خج الصناديق في الشرق |
محمدالبشري
سنة 94 شلنا كاس سيكافا ومسجل باسمنا ومايردده اعلام الهلال ده خليك منه وكده شلناها مرتين انتو شاركتو فيها اكثر مننا وما حصل شلتو كاسها
اما عن الفضائح ففعلا واوفقك بشدة انو خج الصناديق والانتخابات كلها كانت فضيحة وما يعادلها الافضيحة 2و12 بتاعة الثعلب البقى كندورة وهى اكبر فضيحة فى تاريخ السودان الرياضي ويكفى ماقاله عنها رئيس الهلال الراحل الطيب عبداللة بانها وصمة عار فى جبين الهلال
عشان كدة يامحمد ياخوى ما تجيبوا سيرة الفضائح وزى ماقال على الحاج لناسو خلوها مستورة
صديقى خليل
ياخي واللة اشهد انك راجل واقعي ومنطقى ومتصالح مع نفسك وسعدت جدا بمقابلتك فى افطار بورداب الدوحة واتفق معك بانه من الصعب جدا ان يحقق اى فريق سوداني المريخ او الهلال او المنتخب اى بطولة ونحن بهذا المستوى البعيد جدا من ما حولنا
نفوز على الفرق الضعيفة ونجوط ونرجع تانى للبداية من التاهيلى العام القادم
نحن وين والصفاقصي والكورة التونسية وين
|
Post: #28
Title: Re: ماتفرحوا كثير ..الكاس حق الصفاقصي
Author: محمد البشرى الخضر
Date: 08-31-2010, 12:24 PM
Parent: #27
يا معاوية خليك من كلام اعلام الهلال عن سيكافا اربعةو تسعين قدامك حقائق و احداث حصلت :
- المباراة لم تكتمل بسبب الشغب من الجمهور دي حقيقة
- لحظة الحكم انهى المباراة سيمبا كان متقدم على المريخ دي حقيقة
كدي خليك من هلال مريخ لو كنت انت مسؤول اللجنة المنظمة للبطولة قرارك كان ح يكون شنو ؟
بعدبن 2/12 مافي زول نكرها وانا شخصيا لا ادافع عنها و اعتبرها غلطة ووصمة في تاريخ الهلال يبوء بذنبها القائمين على الامر حينها
رغم ما ساقوه من مبررات وقتها ان الخطأ خطأ الحكم و ادارة الهلال شاطرة و غيرو , لا لا يعفيهم البته من المسؤولية
لو قدر للهلال ان يتوج بكأس البطولة حينها لكانت فرحتنا به ناقصة وبها شيئ من حتى
عشان كدا كل الهلالاب لما يرجعوا بالذكرى يقولوا ليك هلال 87 حصل يوم سمعت واحد قال هلال 92 
|
Post: #29
Title: Re: ماتفرحوا كثير ..الكاس حق الصفاقصي
Author: عبد الرازق سعيد
Date: 08-31-2010, 12:31 PM
Parent: #27
معاوية
حمد لله على السلامة
يا أخي شهر رمضان المعظم هو شهر الأمنيات والدعوات الطيبة
على الأقل في هذا الشهر الكريم آمل أن تدعو للفرحانين بالتوفيق لإحراز هذه البطولة
ما دام المريخ حقق هذه البطولة قبل أكثر من عشرين عام
لماذا نستكثرها على أخوانا في العرضة شمال وهم مؤهلين لذلك
وبدل من تثبيط الهمم أرجو المساهمة بالدعوات الصادقة لهم بالفوز عشان خاطر عبد الكريم الماكيكي وطارق ميرغني وم. خليل هذا الهلالي الأصيل
|
Post: #30
Title: Re: ماتفرحوا كثير ..الكاس حق الصفاقصي
Author: عمر الفاروق عبد الله الشيخ
Date: 08-31-2010, 12:41 PM
Parent: #29
وليه ما يكون من حق الأمل الأتبراوي؟!
|
|