Post: #1
Title: كمال شداد Vs حاج ماجد سوار
Author: cantona_1
Date: 08-29-2010, 02:58 AM
إلى صديقنا العزيز طارق الكوتش ومن لفّ لفُّه... التحايا الكريمة والدعوات لكم بصوم مقبول .. قلنا ليكم: (ألمي حامي ولا لعب قعونج .... جقلو ولا مشي عُرجّا .... الك.... بتبينها المخاضة ...) شوفوا حاج ماجد من شدّة ما ضامن فوز الدكتور معتصم جعفر سافر الصين وترك الأمر لمجموعته المحلية لأنّ الموضوع مش أد السيد ماجد.
قولوا لشداد أقيف بعيد وارسم شخيت... دا شعراً ما عندك ليهو رقبة. نتمنى له النجاح في مجالات أخرى وبالله التوفيق. تحياتي
كبـّـاشي الصـّـافي
|
Post: #2
Title: Re: كمال شداد Vs حاج ماجد سوار
Author: Hisham Amin
Date: 08-29-2010, 03:31 AM
Parent: #1
شداد يشموها قدحة تانى يا مان
ما شايفك فى بوست النزير حجازى بتاع
شلة البالتوك الزمان (الاوائل)
|
Post: #3
Title: Re: كمال شداد Vs حاج ماجد سوار
Author: cantona_1
Date: 08-29-2010, 03:38 AM
Parent: #2
| Quote: ما شايفك فى بوست النزير حجازى بتاع شلة البالتوك الزمان (الاوائل) |
والله يا هشام كثيرون دخلوا بعد خروجنا من البالتوك وظهر كباتن آخرون. من المفارقات أن أول ندوة أقمناها مع عمنا جيلاني من كندا عن حرب كرري. ولمن الجماعة ذكروا الندوات الثقافية والفنية والسياسية ما لقيت واحد تذكر ندوتنا وأؤكد أنها كانت الأولى. فقد أحسن أسكت على صمة خشمي. تحياتي.
كبـّـاشي الصـّـافي
|
Post: #4
Title: Re: كمال شداد Vs حاج ماجد سوار
Author: Hisham Amin
Date: 08-29-2010, 05:30 AM
Parent: #3
يا كنتونا
سجل انتا للتاريخ
وخلى الماعارف يعرف
اقول ليك حاجة انا كنتا ناقل
ندوة لابراهيم البدوى من امريكا وبرضو ما اتذكروها
سجل حضور واحجز مكان احتمال نعمل لينا منبر وموقع نسمية
سودانيز بالتول اون لاين
|
Post: #5
Title: Re: كمال شداد Vs حاج ماجد سوار
Author: محمد البشرى الخضر
Date: 08-29-2010, 07:25 AM
Parent: #4
سلام يا كانتونا ...| Quote: كمال شداد Vs حاج ماجد سوار |
في تقديري خسر الوزير لحظة اعلن وفاة المادة 16 بالسماح بترشح شداد - بعد تصريحات السيادة و أن الاستثناء يضعف القانون ومن لا يحترم قوانيننا لن نحترم قوانينه
وخسر شداد المنصب الذي سعى له بطريقة خاطئة في البداية - طريق الاستثناء و التنازلات مما طمّع فيه الوزير
ولكن كسبت الحركة الرياضية اهليتها وديمقراطيتها
ومستقبلا تحجيم السلطة و قدرتها على التدخل و التغول في خيارات اهل الرياضة
تاني ما في حاجة اسمها قوانين و سيادة و مفوضية و هلم خزعبلات
فقط النظام الاساسي للإتحاد و الفيفا
تاني الوزير او الدولة لو عايزة تمنع زول من مناصب الاتحاد إلاّ يقضوها عوازيم فطور للمناديب زي ما عملوا مع شداد
لكن لا مفوضية ولا رسوم ولا منع ترشيح
|
Post: #6
Title: Re: كمال شداد Vs حاج ماجد سوار
Author: khaleel
Date: 08-29-2010, 07:25 AM
Parent: #4
كباشي القوم كيفنك
عليك الله جيب اي ميزان في الدنيا وقارن بين شداد ومعتصم جعفر
وشوف من يرجح
ماذا لو استمر شداد لدورة اخري اكتراما لخدماته التي قدمها
طردوهو مثل خيل الحكومة والذي يضرب طلقة حينما يكبر
انظر كل الاتحادات حولنا يستمرون في الرئاسة سنوات وسنوات
حتي ناس هافيلانج وسمير زاهر في مصر وناس سليم شيبوب والصباح في الكويت
وشيخ فيصل في السعودية وغيرهم
|
Post: #9
Title: Re: كمال شداد Vs حاج ماجد سوار
Author: cantona_1
Date: 08-29-2010, 10:50 AM
Parent: #6
| Quote: عليك الله جيب اي ميزان في الدنيا وقارن بين شداد ومعتصم جعفر وشوف من يرجح |
الأخ خليل .. سلامات ورمضان كريم. مادام الحكاية بالوزن أوزن شداد ومُعلمه دكتور حليم عليه الرحمة. والتسوي كريت في القرض تلقاه في جلدها. فقد شرب من نفس الكأس الذي سقى منه الدكتور حليم في إنتخابات الإتحاد الأفريقي يوم وقف ضد دكتور حليم. مثل ما تُدين تُدان. تحياتي.
كبـّـاشي الصـّـافي
|
Post: #8
Title: Re: كمال شداد Vs حاج ماجد سوار
Author: قلقو
Date: 08-29-2010, 10:25 AM
Parent: #7
الأخ كانتونا..
صدقنى لقد فقدت الرياضة السودانية آخر الرجال المحترمين . للأسف .
ياكانتونا ما رديت على سؤآلى فى بوست الأخ فيصل محمد خليل القلت ليك فيهو ياتو مشروع زراعى دة البيجيب ليه 10 الف جوال سمسم و25ألف جوال ذرة ؟
|
Post: #11
Title: Re: كمال شداد Vs حاج ماجد سوار
Author: cantona_1
Date: 08-29-2010, 11:16 AM
Parent: #8
Quote: الأخ كانتونا..
صدقنى لقد فقدت الرياضة السودانية آخر الرجال المحترمين . للأسف .
ياكانتونا ما رديت على سؤآلى فى بوست الأخ فيصل محمد خليل القلت ليك فيهو ياتو مشروع زراعى دة البيجيب ليه 10 الف جوال سمسم و25ألف جوال ذرة ؟ |
الأخ قلقو سلامات ورمضان كريم... كيف كان يعمل آخر الرجال المحترمين مع رجال غير محترمين. طبعاً النتيجة هي حال السودان كروياً منذ تولِّي شداد المنصب.
الزراعة مواقيت وبذور وأمطار وعلاقة بين العبد وربه. وبعدها توفيق من الله. وإليك أرقام من التجربة وليست تقديرية: لو زرعت التقاوي الصحيح بدري في بدايات شهر يونيو وأكملت زراعتك في نهايته. قمت بعمل الكديب في خلال شهر يوليو.. وإنتهيت منه في نهاية شهر سبتمبر – ربما قبل ذلك إعتماداً على مساحة المشروع وتوفر اليد العاملة- واستمرت الأمطار بوتيرة معقولة بين الغزير والخفيف حتى نهاية سبتمبر. فإن الفدان في جنوب كردفان يتراوح بين 5-15 جوال ذرة. وبين 3-7 جوال سمسم. وعليه قس كم من المساحة زرعت وكم سيكون إنتاجك في الموسم الواحد. بس ما تستلف من البنك. لأن البنك يُؤخِّر دفع السلفيات إلى أن يفوتك الوقت المناسب للزراعة.
لو عاوز دراسة جدوي لزراعة ألف فدان – إلى 5,000 فدان ذرة في أبو جبيهة أنا مستعد. والرزق على الله.
كبـّـاشي الصـّـافي
|
Post: #10
Title: Re: كمال شداد Vs حاج ماجد سوار
Author: cantona_1
Date: 08-29-2010, 11:02 AM
Parent: #7
| Quote: تصوم وتفطر على خير ( كباشى ود الصافــى ) |
الأخ بدر الدين سلامات ورمضان كريم... شكراً على المرور.
كبـّـاشي الصـّـافي
|
Post: #12
Title: Re: كمال شداد Vs حاج ماجد سوار
Author: cantona_1
Date: 08-29-2010, 11:27 AM
Parent: #10
إعلان هام .... خرج ولم يعد.... خرج صديقنا (المرحوم رياضياً والمنهزم سوارياً) طارق الكوتش.. أوصافه كالآتي: صائم رمضان. تبدو عليه مظاهر الهزيمة النكراء لصاحبه شدّاد. يرسم إبتسامة رياضية متقبِّلا الهزيمة بروح عالية. من يتعرف عليه يسلِّمه لأقرب مكتب من مكاتب الفيفا وله جائزة عبارة عن تذكرة دخول مباراة الفاينل في كأس الأندية الأفريقية ومعها تذاكر سفر وحجز في فندق 5 نجوم شريطة أن يكون الفريقان المتباريان هما: الهلال والمريخ. ولكم الشكر.
كبـّـاشي الصـّـافي
|
Post: #13
Title: Re: كمال شداد Vs حاج ماجد سوار
Author: طارق الكوتش
Date: 08-29-2010, 03:50 PM
Parent: #12
سلامات
يا الكباشى بس ما تكون متخيل انو بالفوز المزعوم بتاع معتصم جعفر ده
شداد لم ينتصر فيه على الوزير >>> واااااااااااااااااااااك
شداد انتصر على الوزير وبلعه قراراته قرار قرار وكلمه كلمه
ما ظهر منها و ما لم يظهر .................
يظهر انو مرت عليك المسائل وتعملت معه بعيدا عن الحساب
والحساب ولد
وراجعين
|
Post: #14
Title: Re: كمال شداد Vs حاج ماجد سوار
Author: cantona_1
Date: 08-29-2010, 05:13 PM
Parent: #13
ايا طارق يا عزيزي .. حمداً لله بالشوفة... كما يقول كابتن لطيف الكورة أجوان. والعبرة بالخواتيم. بس عاوزين توضيح: لماذا لم يترشح شدّاد وقد أقام الدنيا وأقعدها؟
كبـّـاشي الصـّـافي
|
Post: #15
Title: Re: كمال شداد Vs حاج ماجد سوار
Author: cantona_1
Date: 08-29-2010, 05:21 PM
Parent: #14
Quote: بعد السواطة الساطها السيد الوزير المبجل باصراره على اجراء المفوضية للانتخابات و اجراء الانتخابات نصفيا على عكس ما طالبت به الفيفا وهو يعلم ان هناك وفد من الفيفا قادم للسودان لمراقبة تلك الانتخابات وان الوفد لن يجيز هذه الانتخابات باى حال.
شداد فاشل نعم
لكن ازيحوه بالطرق المشروعة وليس بالفوضى و الاعتداء على اهلية وديمقراطية الحركة الرياضية |
(الإقتباسين من بوست المجمر)
العرفناه وفد الفيفا أجاز الإنتخابات الجزئية.. طلعت فصاحة ساكت من شدّاد ... وأمر الله مشى فيهو.
الآن هل الطريقة مشروعة وديمقراطية يا الكوتش ولاّ فيها إثنين ثلاثة؟
كبـّـاشي الصـّـافي
|
Post: #16
Title: Re: كمال شداد Vs حاج ماجد سوار
Author: طارق الكوتش
Date: 08-29-2010, 05:55 PM
Parent: #15
كباشى برجع ليك لاحقا بسبب مبارايات برشلونه + الهلال
بس ممكن تقرأ البوست ده > البكضب منو فى ديل ؟
برواقه وانا متأكد انك لا تنقص الذكاء لتتعرف على كتير من السيناريوهات المخجله
تحياتى
وراجعين
|
Post: #17
Title: Re: كمال شداد Vs حاج ماجد سوار
Author: طارق الكوتش
Date: 08-29-2010, 06:48 PM
Parent: #16
بعد المرور على الرابط فى المداخله اعلاه
هاااك ده
| Quote: المفوض الاتحادي الريح وداعة الله اوضح في تصريحات خاصة لقوون بان الجمعية هي تكميلية للجمعية التي عقدت يوم 29/7 واتت بناء علي شكوي من الدكتور كمال شداد الي الفيفا والفيفا رات ان هناك بعض العيوب قد شابت تلك الجمعية التي لم تشرف عليها المفوضية اشرافا كاملا وفقا لنص المادة 63 ورات ان هناك بعض الاسباب التي دعتها الي تنفيذ موجهاتها والموجهات التي ذكرتها الفيفا فاصدر السيد وزير الشباب والرياضة قرارا بالرقم 9 مستجيبا فيه لكل ملاحظات الفيفا ومنها السماح لشداد بالترشح والغاء الرسوم ورفع الحظر عن الـ 16 عضوا الذين منعتهم المفوضية وامنت علي فوز نائب الرئيس الطريفي الصديق والسكرتير الاستاذ مجدي شمس الدين المحامي بالتزكية وفي نظري ان الجمعية بحضور مناديب الفيفا قد جاءت بدون عيوب. |
على اى اساس ؟
|
Post: #18
Title: Re: كمال شداد Vs حاج ماجد سوار
Author: طارق الكوتش
Date: 08-29-2010, 07:03 PM
Parent: #17
بالمناسبه المداخله اعلاه و المقتبسه من قوون سمعتها باضانى ده الحياكلها الدود من التلفزيون امس من داخل الجمعيه
وسمعته يعلن فوز مجدى شمس الدين فى السكرتاريه والطريفى كنائب رئيس رغم شرعيتهما التى اعلنها الوزير مسبقا ...
وبرضك سمعته اى المفوض وباضانى التانيه والحينتفها الدود يردد بان المفوضيه هى جهة مراقبه > سنه يا انا يا كارتر
اذن مزيدا من الكذب و النفاق
|
Post: #19
Title: Re: كمال شداد Vs حاج ماجد سوار
Author: Hisham Amin
Date: 08-29-2010, 07:41 PM
Parent: #18
يا كانتونا
عارف المدافعين عن الذاهب الى عالم النسيان شداد ديل بذكرونى بشنو
بذكرونى ببعض الايات القراءنية المفسرة والقائلة ان البقر تشابة علينا التى استمات
فيها السائلين وبعد ان بيين لهم ربهم لونها وانها مسلمة لا شية فيها ارتدوا الى عقبيهم وكان
الذى حدث لا يعنيهم وعادو الى ما كانو علية
بالمناسبة
مشكلة الزراعة الاساسية المطرة يا كانتونا
+ الجراد + البالات المكلفة + الشى الما معروف
|
Post: #20
Title: Re: كمال شداد Vs حاج ماجد سوار
Author: قلقو
Date: 08-30-2010, 10:51 AM
Parent: #19
Quote: الزراعة مواقيت وبذور وأمطار وعلاقة بين العبد وربه. وبعدها توفيق من الله. وإليك أرقام من التجربة وليست تقديرية: لو زرعت التقاوي الصحيح بدري في بدايات شهر يونيو وأكملت زراعتك في نهايته. قمت بعمل الكديب في خلال شهر يوليو.. وإنتهيت منه في نهاية شهر سبتمبر – ربما قبل ذلك إعتماداً على مساحة المشروع وتوفر اليد العاملة- واستمرت الأمطار بوتيرة معقولة بين الغزير والخفيف حتى نهاية سبتمبر. فإن الفدان في جنوب كردفان يتراوح بين 5-15 جوال ذرة. وبين 3-7 جوال سمسم. وعليه قس كم من المساحة زرعت وكم سيكون إنتاجك في الموسم الواحد. بس ما تستلف من البنك. لأن البنك يُؤخِّر دفع السلفيات إلى أن يفوتك الوقت المناسب للزراعة.
لو عاوز دراسة جدوي لزراعة ألف فدان – إلى 5,000 فدان ذرة في أبو جبيهة أنا مستعد. والرزق على الله. |
الأخ كانتونا..
سيبك منى انا. هل انت مصدق الكلام الكتبتو ده؟!!!
|
Post: #21
Title: Re: كمال شداد Vs حاج ماجد سوار
Author: طارق الكوتش
Date: 09-01-2010, 06:37 PM
Parent: #20
>>>>
|
Post: #23
Title: Re: كمال شداد Vs حاج ماجد سوار
Author: cantona_1
Date: 09-01-2010, 06:55 PM
Parent: #20
| Quote: الأخ كانتونا.. سيبك منى انا. هل انت مصدق الكلام الكتبتو ده؟!!! |
يا أستاذ قلقو ركِّز معانا شوية:
الزراعة مواقيت وبذور وأمطار وعلاقة بين العبد وربه. وبعدها توفيق من الله. وإليك أرقام من التجربة وليست تقديرية: لو زرعت التقاوي الصحيح بدري في بدايات شهر يونيو وأكملت زراعتك في نهايته. قمت بعمل الكديب في خلال شهر يوليو.. وإنتهيت منه في نهاية شهر سبتمبر – ربما قبل ذلك إعتماداً على مساحة المشروع وتوفر اليد العاملة- واستمرت الأمطار بوتيرة معقولة بين الغزير والخفيف حتى نهاية سبتمبر. فإن الفدان في جنوب كردفان يتراوح بين 5-15 جوال ذرة. وبين 3-7 جوال سمسم. وعليه قس كم من المساحة زرعت وكم سيكون إنتاجك في الموسم الواحد. بس ما تستلف من البنك. لأن البنك يُؤخِّر دفع السلفيات إلى أن يفوتك الوقت المناسب للزراعة.
لو عاوز دراسة جدوي لزراعة ألف فدان – إلى 5,000 فدان ذرة في أبو جبيهة أنا مستعد. والرزق على الله.
تقصد الكلام الفوق دا يا قلقو؟ أنا مش مصدق بس أنا بقول الآتي: الموسم الزراعي الماضي 2009\2010 كان إنتاجنا: 5 جوالات سمسم للفدان و12 جوال ذرة للفدان. أصدق شنو. يبدو أنك ما عندك فكرة عن الزراعة بالمرّة يا عزيزي.
وهذا الموسم وحتى اليوم الإرهاصات تقول إنتاجنا سيكون افضل من الموسم الماضي إن شاء الله.
كبـّـاشي الصـّـافي
|
Post: #22
Title: Re: كمال شداد Vs حاج ماجد سوار
Author: cantona_1
Date: 09-01-2010, 06:49 PM
Parent: #19
| Quote: مشكلة الزراعة الاساسية المطرة يا كانتونا + الجراد + البالات المكلفة + الشى الما معروف |
يا هشام أمين .. الأمطار من الله .. ونادراً ما تكون أقل من المطلوب. لكن يجب حساب كل العوامل الوارد ذكرها فيما سبق. الجراد يكاد يكون إنقرض إلا في سنين نادرة. أما باقي التكلفة فكلها معمول حسابها. وفي النهاية الأرزاق بيد الله. تحياتي.
كبـّـاشي الصـّـافي
|
Post: #24
Title: Re: كمال شداد Vs حاج ماجد سوار
Author: قلقو
Date: 09-01-2010, 07:10 PM
Parent: #22
ياكانتوناانا اعمل فى مجال الزراعة الالية والمطرية قرابة الخمسة وعشرين عاما مابين ابونعامة و الدمازين والقضارف والقدمبلية وسمسم والدندر وسرف سعيد والكفاى ودوكة وباسندة وحتى الفشقة . ففى الناحية دى انا مركز ومركز جدا .
وبس عشان ماندخل فى جدل نيزنطى , انا كان سألتك سؤآل بسيط جدا وهو :
كم تبلغ مساحة الأخ دكتور نافع التى انتجت له عشرة الف شوال سمسم وخمسة وعشرين الف جوال ذرة ؟
وبالمناسبة كل الأحصائيات بالأنتاجيات وعلى مر السنين موجودة طرف الأقتصاد الزراعى بوزارة الزراعة ومؤسسة الزراعة الألية .
|
Post: #25
Title: Re: كمال شداد Vs حاج ماجد سوار
Author: cantona_1
Date: 09-01-2010, 07:22 PM
Parent: #24
| Quote: وبالمناسبة كل الأحصائيات بالأنتاجيات وعلى مر السنين موجودة طرف الأقتصاد الزراعى بوزارة الزراعة ومؤسسة الزراعة الألية . |
يا قلقو من فضلك يا أخي ما تجيب سيرة البحر تاني. هسع الجماعة يقوموا علي يوروني المكشن بلا بصل. وأنا قررت عدم الدخول في مجابدات بدون فايدة. محلاتك الزرعت فيها دي كلها أراضيها بقت قديمة. رأيك شنو السنة الجاية تجرب معانا في أبو جبيهة؟
بمناسبة الإحصائيات القلتها دي أنا في مشروعي يوم واحد ما جاني زول لا من ناس البنك الزراعي ولا من الزراعة الآلية ولا الجماعة الذكرتهم ديل، رأيك شنو؟ السودان ما فيهو إحصائيات بالمعنى العلمي للإحصاء. أي زول قاعد في مكتبه وبيقدِّر حسب مزاجه لأسباب وأشياء في نفس يعقوب.
كبـّـاشي الصـّـافي
|
Post: #26
Title: Re: كمال شداد Vs حاج ماجد سوار
Author: قلقو
Date: 09-01-2010, 08:05 PM
Parent: #25
اوكى يا كانتونا خلينا من احصائيات وزارة الزراعة ومؤسسة الزراعة الآلية بالرغم من ان تقديرات الأنتاج والأنتاجيات فى السودان ( كانت)تتم بواسطة الأقمار الصناعية ولا حاجة لزيارة المشاريع كل على حدى , لكن السؤآل مازال قائما :
| Quote: كم تبلغ مساحة الأخ دكتور نافع التى انتجت له عشرة الف شوال سمسم وخمسة وعشرين الف جوال ذرة ؟ |
|
Post: #27
Title: Re: كمال شداد Vs حاج ماجد سوار
Author: Hisham Amin
Date: 09-02-2010, 00:32 AM
Parent: #26
يا كنتونا
ابو جبيهة دى
بعدها كم من
القضارف
لانة بحساباتك دى
نحنا ماكلين نيم ساى
|
Post: #28
Title: Re: كمال شداد Vs حاج ماجد سوار
Author: cantona_1
Date: 09-02-2010, 09:21 AM
Parent: #27
| Quote: يا كنتونا ابو جبيهة دى بعدها كم من القضارف لانة بحساباتك دى نحنا ماكلين نيم ساى |
يا هشام أمين .. القضارف وأبو جبيهة في خط عرض واحد. لكن المسافة الأرضية بعيدة شوية. وكما ما عندنا شارع زلط. المسافة كالآتي: القضارف مدني + مدني كوستي + 280 كلم. ولكن المشاريع بتاعتنا تقع شرق أبو جبيهة وجنوب شرقها. وممكن المسافة تكون من كوستي للمشاريع في حدود 180 كلم. إعتماداً على بداية المشاريع وحتى نهايتها يمكن تكون 250 كلم.
أرضنا بكر لم تزرع كثيراً. الأمطار غزيرة لدرجة أننا لا نزرع كل أراضينا لكثرة الأمطار. والأهم التمويل للناس البشيلوا من البنك القروش بتجيهم متأخرة ما زي أولاد المصارين البيض في القضارف.. أولاد كرم الله عباس. هسع إنت بتعرف رئيس إتحاد مزارعي جنوب كردفان اسمه منو؟ تحياتي.
كبـّـاشي الصـّـافي
|
Post: #29
Title: Re: كمال شداد Vs حاج ماجد سوار
Author: Hisham Amin
Date: 09-02-2010, 10:21 AM
Parent: #28
تيجانا
عاين لى سمح
اول حاجة خلينى من اسم رئيس
اتحاد المزارعين فى كردفان
وقول لى 1000 فدان وبتركترى
والعمال من عندك بطلع بكم
فى نهاية الموسم اول هام
تانى هام البالاااااات البيبعا منو
وسعرها كم ولو كلو تمام احجز ليا كامب جمبك
|
|