Post: #1 Title: كُــــــــر يا يمه كُــر Author: عمران حسن صالح Date: 08-28-2010, 11:42 PM
مصطلح نسواني سوداني شهير حاسي بيهو شديد الليلة
Post: #2 Title: Re: كُــــــــر يا يمه كُــر Author: عمران حسن صالح Date: 08-28-2010, 11:48 PM Parent: #1
الغريب جداً استخداماتو الواسعة جداً ياخي ده بتشكل بطريقة غريبة والأغرب عمري ما سمعتو من راجل " حتى إن كان ما ياهو " مصطلح مكتوب عليهو إسبشلي مانفاكشرفور سودان ومن ( ود الفاروق الشامت الأكبر تعال أكتبه لينا بالإنجليسي بلاي ) وما تنسى ( ومن ) يعني WOMEN ناقص يكتبوا عليهو لا يوجد له مثيل على سطح المدورة دي المدورة الواطة ما الكورة يا إنتو
Post: #3 Title: Re: كُــــــــر يا يمه كُــر Author: عمران حسن صالح Date: 08-28-2010, 11:52 PM Parent: #2
البت تنظِر ليكـ طول أيام الخطوبة وهاكـ يا كلام ثقافات : وفي الحتة دي أنا عندي وجهة نظر زي مختلفة شوية وزي مصطفى في الحتة دي ما نظر للموضوع بى زاويتكـ الضيقة دي وعييييييييييييييكـ تشيلكـ أم فريحانه بالعلم الحا يكون معاكـ في البيت باقي عمركـ .. المهم أول مولود تمسكو ليكـ ( كتكوته ) تسمع : كُر يا يمه كُر الولد كل ما يقح كُر يا يمة كٌر
Post: #4 Title: Re: كُــــــــر يا يمه كُــر Author: عمران حسن صالح Date: 08-28-2010, 11:57 PM Parent: #3
لمة الحريم في بيوتنا لا تخلو من ( القيل والقال ) حكاوي الحلة دايماً تلقى في واحدة بتجضمة شديد وتزيده من عندها وتديها شمارات متعددة لزوم حبكة الرواية ولفت الإنتباه أكتر أها في واحدات عشان يحسسنها بالمشاركة بقولوا ليها لامن الحكاية يكون فيها بلاوي كُر يا يمه كُر وهم لا رغبة لهم في سماع الباقي بس خايفات من لسان بتاعة القصص وفي واحدات بتكون الشماته كاتلاهن وتسمع كُر يا يمه كُر وهم منبسطات من الحكي والإبتسامة الكبيرة تغلف كلمة ( كُر ) دي
Post: #5 Title: Re: كُــــــــر يا يمه كُــر Author: عمران حسن صالح Date: 08-29-2010, 00:03 AM Parent: #4
أها بيت القصيد طالما مافي مره قعد تقول : ياخي ما تعملو لينا غاغا بلاهي وتم استخدام المصطلح الرجالي الفوق ده دون هوادة فإنني بناء على حقي الإسفيري أسمح لنفسي باستخدام هذا المصطلح النسواني الشهير لصالح حالتي النفسية الليلة لامن الشباب اتصلو وأدوني النجيضة بأن الروح راحت ( تاني ) من الجماعة وأخدوا إتنين زي السم لم أقاوم إلا وأن أقول : كــُر عليهم كــُر والإبتسامة تملأ نخاشيمي
_______________________________ وحتى لا يتم إتهامي بأشياء ليست جميلة في حقي فقد استخدمت الكلمة بعد التعديل يعني كر عليهم كر وليس " كر يا يمه كر " الأخيرة دي شينة شوية ياخي
Post: #6 Title: Re: كُــــــــر يا يمه كُــر Author: خدر Date: 08-29-2010, 00:07 AM Parent: #5
Quote: وحتى لا يتم إتهامي بأشياء ليست جميلة في حقي
حصل والله , تصدق
Post: #8 Title: Re: كُــــــــر يا يمه كُــر Author: عمران حسن صالح Date: 08-29-2010, 00:16 AM Parent: #6
Quote: حصل والله , تصدق
يا عجيب انت قول لي استمتعت أول بعدين أحلف بى حصل دي
____________________________________________ ود القاضي لسانكـ تاني إلا تدخلو تبريد بعد ما تغلفوا وتجي تاني تتفاصح
Post: #7 Title: Re: كُــــــــر يا يمه كُــر Author: عمران حسن صالح Date: 08-29-2010, 00:12 AM Parent: #5
Post: #10 Title: Re: كُــــــــر يا يمه كُــر Author: عمران حسن صالح Date: 08-29-2010, 00:24 AM Parent: #7
الوصيفابي ده في السودان اتصلت قت أدوني أكلمو رفض تخيلوا ولاد الزمن ده ؟ ياربي حسَ بى حا أقول ليهو كُر عليكم كُر
Post: #13 Title: Re: كُــــــــر يا يمه كُــر Author: سيف بخيت موسي Date: 08-29-2010, 00:31 AM Parent: #10
كر الشوية دي
ياخ دي عايزه كر عائلية
تحياتي ابو محمد والجميع
Post: #15 Title: Re: كُــــــــر يا يمه كُــر Author: عمران حسن صالح Date: 08-29-2010, 00:48 AM Parent: #13
سيف يا صديقي حسي ناس الجيش النيجري ديل قاعدين في الخرطوم يسمعوا بالنتيجة دي حا يعضوا شنو ؟؟ ما عندهم غير ( كُر ) دي بتديهم إحساس الراحة شوية
Post: #16 Title: Re: كُــــــــر يا يمه كُــر Author: عمران حسن صالح Date: 08-29-2010, 00:52 AM Parent: #15
Post: #17 Title: Re: كُــــــــر يا يمه كُــر Author: تبارك شيخ الدين جبريل Date: 08-29-2010, 00:54 AM Parent: #16
والله بوست البنات لى حدّهن ...
... المهم ....
Post: #18 Title: Re: كُــــــــر يا يمه كُــر Author: عمران حسن صالح Date: 08-29-2010, 00:56 AM Parent: #17
Quote: والله بوست البنات لى حدّهن ...
ومعاها زغروووودة ولا ساي كده إسكيتو ؟؟ ياخي كان ما زغردت معاها تكون بالغته عديل كده
Post: #19 Title: Re: كُــــــــر يا يمه كُــر Author: لؤى Date: 08-29-2010, 01:02 AM Parent: #1
Quote: كُــــــــر يا يمه كُــر
ما تصدّقوا تلقوا ليكم جنازة تقعوا فيها ردحي
اللهُمَّ لا تشبعنا
Post: #20 Title: Re: كُــــــــر يا يمه كُــر Author: عمران حسن صالح Date: 08-29-2010, 01:11 AM Parent: #19
Quote: ما تصدّقوا تلقوا ليكم جنازة
ما بكـ يا رجل ؟؟ ويحكـ ألم تجد قريحتكـ الهلالية الزرقاء إلا بهذه الكلمات القليلات ؟؟ لِمَ لًم ( تردح ) معنا !! أبو اللول ده تار بايت ياخي نسوي ليهو شنو ( مزملم ) ده ياخي زرع فيهم حاجات حسي قاعدين يدفعوا في تمنه
Post: #23 Title: Re: كُــــــــر يا يمه كُــر Author: لؤى Date: 08-29-2010, 01:16 AM Parent: #20
Quote: لِمَ لًم ( تردح ) معنا !!
أردح أنا ؟ وحي وووووووب حقّة أميرة الشّيخ دي يتكفّل بيها منو ؟
أجيب لي أُغنية لتيمان عطبرة ؟
Post: #21 Title: Re: كُــــــــر يا يمه كُــر Author: ود الباوقة Date: 08-29-2010, 01:12 AM Parent: #19
حالتك متأخرة شوية...............
ابعد من القمرالدين والقنقليس ....
وركز على سلطة الروب ......
Post: #22 Title: Re: كُــــــــر يا يمه كُــر Author: khaleel Date: 08-29-2010, 01:15 AM Parent: #21
كر
والدكاترة تمر
قبلم وقبالم
Post: #34 Title: Re: كُــــــــر يا يمه كُــر Author: عمران حسن صالح Date: 08-29-2010, 07:35 PM Parent: #22
اووووووووه خلي ياهندسة ياخي الليلة الفرحة بهزيمة مزمل العجيب الحاقد وبكرة فرحتنا ان شاء الله بانتصار المقبرة منو البجيب التار غير ناسو ياخي
Post: #24 Title: Re: كُــــــــر يا يمه كُــر Author: لؤى Date: 08-29-2010, 01:23 AM Parent: #1
الفينا مشهودة تيمان عطبرة
.
Post: #25 Title: Re: كُــــــــر يا يمه كُــر Author: عمران حسن صالح Date: 08-29-2010, 10:34 AM Parent: #24
Quote: المشكلة لو المريخ غلب كان نودي وشنا وين ؟ انحنا خلاص وطنا نفوسنا واتصالحنا مع واقعنا , الغريب بقي انه النتيجة تكون لصالح المريخ , المريخ سفه احلامنا وضرب بيها عرض الحائط , واسوا شيئ انه يرفع سقف احلامنا لما لا يمكنه تحقيقه . دا الواقع وانحنا اتقبلناه , المريخ بقي جنازة بحر[/ [QUOTE عاد في انهزامية أكتر من دي يا ( إسئس ) ياخي ياخي كُر هنا أقل قامة وتعبيراً غايتو الله يعينكم
_____________________ تعليق إسئس من بوست أجي لأميرة
Post: #26 Title: Re: كُــــــــر يا يمه كُــر Author: Amira Elsheikh Date: 08-29-2010, 10:44 AM Parent: #24
عمران يا قريبي ... فاتت عليك أشهر أغنية لحميد (محمد الحسن سالم )
وأول أغنية معروفه له
والتي الفها حينما كان يدرس في (عطبرة)
اي والله عطبرة
واسمها
شِن طعم الدروس ما دام مكانها مشي قطر
وبيغنيها الفنان محمد كرم الله
وبيقول فيها:
كُرْ من حالي كُرْ ... قاعد لي فوق كيمان جمر
لامن سنين الهم تمر ... يا ربي لزّمني الصبر
... انت و طارق جبريل طلعتوا شايقية كلفورنيا
..
Post: #36 Title: Re: كُــــــــر يا يمه كُــر Author: عمران حسن صالح Date: 08-29-2010, 10:26 PM Parent: #35
كُر عليهم يا عوض الله ياخي ود كرم الله أول حفلة ليهو حضرتها في مروي كان عمري خمسة سنوات والله يا عوض الله ما زلت أذكر هذه الأغنية ورقيص عمي الله يرحموا _________________________________________ كُر عليهو يا سيدا ياخي الزول سويت لو مخروقة كُر كُر
Post: #37 Title: Re: كُــــــــر يا يمه كُــر Author: Amira Elsheikh Date: 08-30-2010, 05:29 AM Parent: #36
نسيت حاجة ...
اسى انا مطالبة بشرح (اجى ) دى يا عمران ولا كيف ؟؟
Post: #38 Title: Re: كُــــــــر يا يمه كُــر Author: عمران حسن صالح Date: 08-30-2010, 04:08 PM Parent: #37
Quote: اسى انا مطالبة بشرح (اجى ) دى يا عمران ولا كيف ؟؟
ههههههههههههههههه رغم إنو السؤال فيهو ريحة ( شًرًكـ) لكن هذا لا يمنع في المساهمة بالبحث عن إجابة ( مناسبة ) ولا أقول ليكـ : طالما أنتي صاحبة المقولة الشهيرة إسفيرياً " الليلة وووووب " ، وهي كما تعلمين تخص الجندر بالكامل ، عليه فلا بأس عليكـ من إستخدام الدارجة النسوانية ( أجي ) دون الحاجة للتفسسر والتوضيح فحال المسألة يفسر الكلمة دون حاجة لمفردات أخرى ولووووووووووووووووووووووووووووول لكن
Post: #39 Title: Re: كُــــــــر يا يمه كُــر Author: Amira Elsheikh Date: 08-31-2010, 07:32 AM Parent: #38
Quote: رغم إنو السؤال فيهو ريحة ( شًرًكـ) لكن هذا لا يمنع في المساهمة بالبحث عن إجابة ( مناسبة )