كيزان عووو عووو جيبو اوكمابو اكوووووووووو...!!!

مستلهم هذا العنوان من المثل الدارفوري العتيق
دبرة عووووو عوووووو جيبو حمارة اكووووووو
فهذا هو الامر السوداني في الزمن الكيزاني العجيب
فبني كوز اكبر عووو عووو مر علي الارض السودانية منذ ان قيل ذات يوم بعيد ان هناك ارض سودانية
حدود ومكونات وانسان وموجودات علي ارض المليون ميل مربع....

كيزان عووو عووو جيبو اوكمابو واخريين اكوووووو
وهذا ما سنعود اليه

المثل يمكن ايضا ان يقرابقليل من التعديلات للمثل الخيل تجقلب و القبقبةو لحماد
بمعني ان يترك الناس الامور الاساسية ويهرعون الي قبقبة البعيد العامل شخيت الذي هو ليس بالمدور الاساسي للاشياء
فهذا هو السودان في العشرون عاما ونيف وحتي الان.. وفي تفنن الدولة الانقاذية في فنون وجنون الالتفاف صار التبريرات للفشل في كل الاشياء جاهزة وموضبة ويسهل ارسالها للقنوات التلفزيونية والاذاعة والصحف البني كوزية والصحف الاخري التي تدور في مدارات النخب الصحفية عندما تتواطي مع السلطة الزيف حتي يتم التغبيش ولفلفة راس هذا الشعب الذي فضل...
دبرة انقاذية عووووووو عووووو جيبو تبرير اكوووووو
وسنعود

وقبل ان نصل لمرحلة الاكوووووو لاوكمابو التي اتت لاحقا
فالعووو عووو للدبرة الكيزانية بدات باكرا ومنذ مجيئها لامر البلاد والعباد
فقد كان الصوت والهتاف العالي في الايامات الاولي...
كيزان عووو عوووو جيبو التجربة الديمقراطية الثالثة اكوووووووو
فالية الامر الكيزاني الاعلامية والاستقطابية جننت ليك الديمقراطية كممارسة حكم وتفنن الشهير يونس محمود في العووو عووو الصباحي
ومارس اروع فنون تغبيش يمكن ان يمارسها حزب احادي تجاه شعب وبلد...
ثم تواصلت العووو عووووات وجيبان الاشياء لكي تكوي
كوووووووت امريكا
ثم روسيا
وقيل في امرهما امريكا وروسيا قد دنا عذابهما علي ان لاقيتهما ضرابهما

ويمكننا ايضا ان نقول في مرحلة من مراحل الانقاذ
كيزان عووو عووو جيبو معارضة اكووووووووو
فبرنامج ساحات الفداء تفنن ولعب ماتشات رهيبة وعالية التجويد في جيبان المعارضة السودانية التي كانت في اسمراء
فتم شوائها وكوووائها وارسالها الي خانة العملاء ومرتادي الفنادق و الليالي الحمراء ذات النبيذ الذي قول يا ليل

في مشهد نوعي للعووو عووو الكيزاني قد ندلف الي توليفة عجيبة
عندما طل الامر علي شاكلة
كيزان عووووو عوووو جيبو مطرة اكوووووو
فهذا المشهد طل في احدي الخريفات السودانية عندما غرقت الخرطوم في شبر موية
فتم تسجيل الاتهام ضد معدلات الامطار والخريف

هلا كيكي النموذجي


كهرباء عووووووووو

خزان مروي اكوووووووووو

ديموقراطية عووووعو

انتخابات اكوووووو وخجو

Quote: ديموقراطية عووووعو انتخابات اكوووووو وخجو

هلا يا ابو خليل
وحبابك في مدارات العوووعوو الكيزانية...
وايوووه سد مروي عوو عووو بنية تحتية اكوووووو

الامثال الدارفورية تحديدا غنية وعميقة وموغلة في التورية
والغريبة كلها لافقة مع الامر الكيزاني في الارض السودانية
فابو قدح البعرف يعضي اخوووه هذا المثل اوجد له الكوز مسرحا ومثله علي الهواء مباشرة
عندما عضي ابو قدح الموتمر الوطني ابو قدح الموتمر الشعبي في اعتقالات الترابي الشهيرة واعتقال كل منسوبي الموتمر الشعبي
وجهجهة باكاتهم

كيزان عووو عووو جيبو اوكامبو اكوووو
نعم الكيزان متهمين بجرائم القتل والتعذيب والاغتصاب والابادة والتشريد
ترك الجميع كل هذه الاشياء جانبا
وجابو اوكمابو لكي يكووووو
فقد قيل في امره عميل- ك.لب.. خنزير ..ككو وكل الكلمات الممكنة في قاموس الشتم السوداني
... بتاع مقابضة نسائية وكووووو ليك اوكمابو ده مكوة سيف حتي حواجبه لم تسلم من هذا الكوووي الكيزاني الذي جيش له الجميع عبر اليات التغبيش التي يجلس علي اعلي هرمها ذلك التلفزيون السوداني الكوز

ولايزال ليل العووو عووو الكيزاني طويلا
وسنعود

Quote: فقد قيل في امره عميل- ك.لب.. خنزير ..ككو وكل الكلمات الممكنة في قاموس الشتم السوداني ... بتاع مقابضة نسائية وكووووو ليك اوكمابو ده مكوة سيف حتي حواجبه لم تسلم من هذا الكوووي الكيزاني الذي جيش له الجميع عبر اليات التغبيش التي يجلس علي اعلي هرمها ذلك التلفزيون السوداني الكوز

باشمهندس عبدالكريم تحياتي
ومتابعين العووووووو.......والكووووووووو

Quote: ومتابعين العووووووو.......والكووووووووو

هلا وتحياتي يا ابراهيم
ورمضان كريم وتصوم وتفطر بالف خير وبركة..

وحبابك شديد في نقة العوووو والاكوووو
والتي متعنا احد الاصدقاء بعوووية جديدة حينما قال

طريق انقاذ غربي كيزان عوووعوووو جيبو علي الحاج حاسبووو واكووووو


وتحياتي

الالتفاف ثم الالتفاف هي اكبر المهارات الكيزانية التي وشحت سنين الانقاذ
وسلطة لها مقدرات كتل ملفات بطريقة مدهشة ومصائب وزنقات عديدة وجدت تلك السلطة نفسها واقعة فيها بالثابتة
ولكن مقدرات الفتية الكيزان في الالتفاف ظلت دوما هي العلامة الفارقة
وما ان حلت كارثة بالبلاد او العباد حتي اوجدو لها حادثة او مصيبة رديفة تحول الكوةر من مربع التركيز علي هذه المصيبة تنوير الشعب بها وحقيقتها ونطو الي جزئية اخري تبعد سنين ضوئية عن الحدث

لقيتو الزول الولع اللمبه في بيت كمال سالم عووووووووو ول ما لقيتو اكووووووووووووووووو

Quote: لقيتو الزول الولع اللمبه في بيت كمال سالم عووووووووو ول ما لقيتو اكووووووووووووووووو

بيجو عمر بيجو
ياخي ما تخليك زول عوووووو عووووو
انا اقول ليك كيزان عووووو عووووو تقول لي الزول الولع لمبة كمال سالم اكوووووووووو
ايش لون..؟؟
---------------------

لانه صلاح عبدالله اووووو قال الزول ال قال لكمال ولع اللمبه عووووو طلع ابوساندرا اكووووووووووو
يعني ما طلع ابولمبه او ابو الجندب اموووووووووووووووووو

عارف يا بيجو انا لو كنت في محل الزول بتاع كمال سالم ده
كان لا ولعت لمبة ولاحاجة كنت اشتريت بطارية خمسة حجار من سوق العسيري وجيت لابوكمال ده لووووووول

Quote: عارف يا بيجو انا لو كنت في محل الزول بتاع كمال سالم ده كان لا ولعت لمبة ولاحاجة كنت اشتريت بطارية خمسة حجار من سوق العسيري وجيت لابوكمال ده

كمال دا وديع يا كيكي بشمعة اووووووووو الدشمان يحصل اكوووووووووووو