Post: #1 Title: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 06:53 AM
حب الناس مذاهب طبعا,
المقارنة من حيث:
1- الموسيقى المنوتة و الموسيقى الأصلية "العادية", أيهما أحب للأذن السودانية! 2- الإيقاع الأكثر ملائمة لهذه الأغنية في المقارنة بين العملين, الإيقاع الأسرع عند نانسي "و هو من دواعي التنويت هنا", أم "المقعد" عند ريماز! 3- الآداء, من حيث "الإنسجام" المطلوب و التعبيرات الفنية المناسبة!
Post: #2 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 06:55 AM Parent: #1
Post: #3 Title: Re: "يا زمن" .. بين نانسي و ريماز .. مقارنة فنية Author: moaz elsir Date: 08-21-2010, 07:15 AM Parent: #2
المعز رمضان كريم لا هذه ولا هذه (الاغنية تحتاج لنفس طويل جميع اغاني ابراهيم عوض بتحتاج صوت قوي) * الاولي بتتكلف كتير فى الغناء وصوتها نسائي تقليدي. ** الثانية ساعدتها المجموعة فى الاغنية وصوتها نفس الشئ تقليدي "رغم انني لم اسمع الاغنية بصوتها". *** لكن (عافية) اجادت فى ترديد الاغنيةاكثر من غيرها بحكم قوة صوتها. **** سمح الغناء فى خشم سيدو!
V . . . . . V *-*استاذنا الموصولي ممكن يحكم فى هذا الموضوع*-*
معاذ
Post: #4 Title: Re: "يا زمن" .. بين نانسي و ريماز .. مقارنة فنية Author: MOHAMMED ELSHEIKH Date: 08-21-2010, 07:20 AM Parent: #3
1- نانسي ادت الأغنية بالأستايل الذي يخصها وحدها وبثقة تامة وأجادت. 2- رماز للأسف الشديد حاولت تقليد اسرار في ادائها للاغنية حيث ادتها اسرار باسوأ صورة اسمعها في حياتي ودمتم
Post: #5 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 07:44 AM Parent: #3
معاز السر سلامات و رمضان كريم, إذن أنت اخترت المقارنة من حيث "الآداء" و رجحت كفة عافية حسن "أنا ما سمعتها في الأغنية دي تحديدا".. يبدو لي أنو الأستاذ الموصلي زاااتو يحتاج لآراء الناس هنا مودتي,
Post: #6 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 07:47 AM Parent: #5
كذلك فعل محمد الشيخ و تحدث عن الآداء مفضلا آداء نانسي ما أعتقد أن ريماز قصدت تقليد أسرار بابكر!
تحياتي يا محمد الشيخ,
Post: #7 Title: Re: "يا زمن" .. بين نانسي و ريماز .. مقارنة فنية Author: MOHAMMED ELSHEIKH Date: 08-21-2010, 07:55 AM Parent: #6
Quote: ما أعتقد أن ريماز قصدت تقليد أسرار بابكر!
يا معز تحياتي انظر لحتة: (يااااازمن) قبل كل كوبليه جديد عند اسرار ورماز. حيث يقولها ابراهيم يعوض (يا زمنننننننننننننننننننن) بالضغط على النون بدل الضغط على الألف اللي قاطعاهو اسرار من راسها
Post: #8 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 08:02 AM Parent: #7
لكن يا محمد الشيخ هناك فرق كبير بين التقليد الكامل و تقمص آداء شخص ما و بين الذاكرة الصغيرة لفقرة أو فقرتين صغيرتين مما يتعلق بنفس الإنسان و الأخيرة دي شئ طبيعي موجود في كل نفس و هي الإحتفاظ بفقرة غنائية ما لمغني أو مغنية!
Post: #9 Title: Re: "يا زمن" .. بين نانسي و ريماز .. مقارنة فنية Author: سفيان بشير نابرى Date: 08-21-2010, 08:22 AM Parent: #8
هاهاهاهاها
يا المعز يا اخونا شنو ياخ خلي الدنيا تصبح أو تمسي زي الناس ياخ مش ممكن كده خالص لووووووول ثم تاني ياخ رقم اتنين دي عديل كده قلته بيها للناس اختاروا ريماز ههههههههههههه اها اقول ليك حاجة ماااااافي ليك ريماز ادت الاغنية دي اداء جنائزي ومحمد الشيخ ده سماع عديل كده واضانو نضيفة بالفعل يا محمد زيماز سلخته بعد لقته مكتوله من السيدة اسرار . أما نانسي عجاج فهي متكلفة جداً وتعتمد علي التكلف وتعتمد علي الحركة الدرامية الزايدة عن الحد لدرجة انها بتبقي مملة والمستمع ليها بيخلي الاستماع وتذوق الاغنية ويحرس تمثيله ده وحركاته دي . وبالفعل عافية حسن كانت الافضل منهم جميعاً . أما اذا جاء حديثكم عن انها اغنية ابراهيم عوض فداء براهو بيخلينا لما نتكلم عن آداء السيدات ديل يبعد تمام من المقارنة بالرجل حتي لا يتململ في مرقده .
معليش يا المعز ياخ ههههههههه كنت عايز انستر معاك بس انت كمان ما تبالغ ياخ لووووووول .
قال مقعد قال هاهاهاها لا بالله هاك تاني خمنا !
Post: #10 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 08:36 AM Parent: #9
سيف نابري جيتني بيجاي! أبدا و الله البوست دا كتبتو و في البال بوستات سابقة حول الموسيقى و القصد منه استشفاف آراء عامة في ذات السياق!
أنا رأي ما فيه ميل قاطع لأي من البنتين و إنما حزمة من الكلام قد يضعني في منطقة وسطى بيناتن, حكاية إيقاع "مقعد" دي ما أقصد بيها الإعجاب و إنما مجرد وصف سوداني سائد
تحياتي,
Post: #11 Title: Re: "يا زمن" .. بين نانسي و ريماز .. مقارنة فنية Author: Mahir Mohammed Salih Date: 08-21-2010, 08:50 AM Parent: #9
عزيزى المعز ،، طبعا رقم 1 ده الأتنين ما عندهن دخل فيه ،، أما فى الثانى والثالث فإن المقارنة لصالح ريماز بدون أدنى شك ( ودعك من كلام سفيان ده )
فقط ركز فى الصورتين المصاحبتين للفيديوهين المنزلم فوق هنا ،، شوف البت نانسى متشجنة كيف وقارن بريماز المرتاحة ( أو القاعدة ) زى ما أنت قلت .
ولا مقارنة فى الطبقات الصوتية ،،
أذن الموضوع محسوووووووووووم لصالح ريماز.
ماهر
Post: #12 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 08:59 AM Parent: #11
عزيزي ماهر 'فردتنا في البوست إياه!" شكرا على المساهمة و توضيح وجهة نظركم لكن لا زالت الآراء تترواح حول الفقرة "3" ننتظر و نشوف
تحياتي و رمضان كريم
Post: #13 Title: Re: "يا زمن" .. بين نانسي و ريماز .. مقارنة فنية Author: سفيان بشير نابرى Date: 08-21-2010, 09:07 AM Parent: #12
Quote: ركز فى الصورتين
يا ماهر ياخ ركز انت ده الشي ما صور الشي غناء غناء
غايتو يا المعز لو عايز بوستك ده يمشي لي قدام حبه خارج فردتنا ده وخليهو متفرج ساااااي .
Post: #14 Title: Re: "يا زمن" .. بين نانسي و ريماز .. مقارنة فنية Author: طارق ميرغني Date: 08-21-2010, 09:35 AM Parent: #13
اخي المعز ادريس راي متواضع : - 1الموسيقى المنوتة و الموسيقى الأصلية "العادية", أيهما أحب للأذن السودانية!
الاحب في النهايه النغم الجميل والمطرب والقريب للاذن السودانية غض النظر ان كان منوتا ام غير ذلك وبالطبع حب الناس مذاهب يعني في النهايه المعيار نسبي. 2- الإيقاع الأكثر ملائمة لهذه الأغنية في المقارنة بين العملين, الإيقاع الأسرع عند نانسي "و هو من دواعي التنويت هنا", أم "المقعد" عند ريماز!
الابقاع الذي يعجبني كمستمع قديم هو نفس الايقاع الاصلي الذي غني به الفنان ابراهيم عوض وهو علي ما اعتقد الايقاع الذي غنت به ريماز ميرغني . - 3الآداء, من حيث "الإنسجام" المطلوب و التعبيرات الفنية المناسبة!
يبدو ان نانسي بحكم تربيتها في بيت فني وبحكم خبرتها اقدر للتعبير من ريماز ميرغني وهذا لا يعني ان صوتها اجمل من صوت ريماز
هذا في النهاية مجرد راي وكما ذكرت في النهاية القصة يحكمها المزاح من حيث ال like and dislike or taste and preference
Post: #15 Title: Re: "يا زمن" .. بين نانسي و ريماز .. مقارنة فنية Author: سفيان بشير نابرى Date: 08-21-2010, 09:46 AM Parent: #14
Quote: يبدو ان نانسي بحكم تربيتها في بيت فني وبحكم خبرتها اقدر للتعبير من ريماز ميرغني وهذا لا يعني ان صوتها اجمل من صوت ريماز
يا طارق يا فنان خلي المعز يكمل جميلو وينزل الاغنية دي بصوت اسرار وبرضو ينزله بصوت عافية حسن وبعديها بنرضي بحكمك في الآداء بين الاربعة .
Post: #16 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 02:19 PM Parent: #14
الأخ الفنان طارق ميرغني تحياتي,
رأيك مهم هنا, مع أنك لم تقف كثيرا عند الفقرة الأولى (1) و قد افتهمت منها "ألا يخرج أو يبتعد التنويت كثيرا عما تعودته الأذن السودانية من الأغنية المعينة, أي درجة المعالجة و التنويت!"
سوف آتي بالفيديو الأصل "إبراهيم عوض" كمرجع نحتاجه هنا. مودتي
Post: #17 Title: Re: "يا زمن" .. بين نانسي و ريماز .. مقارنة فنية Author: المعز ادريس Date: 08-21-2010, 02:22 PM Parent: #16