Post: #1
Title: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 00:12 AM
Parent: #0
هذا البوست له عدة أهداف اولها فضح محاولات ( الطفابيع )
لشغل نجلاء عن الدور المهم الذي تلعبه في فضح نظام الانقاذ
وتعريف بنجلاء ذات نفسها ومن تكون ومحاولة لعرض جزء من نشاطها
|
Post: #2
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد أبوالعزائم أبوالريش
Date: 08-21-2010, 00:26 AM
Parent: #1
الأخ بخاري ...
التحية ليك ولنجلاء.
حقيقة علاقتك بنجلاء تعطيك حق الرد والتصدي لمن يريد سوءاً بنجلاء ولا شك.
فقط أريد أن أقول، راجياً أن لا يقود الأمر لمعارك جانبية نجلاء وأنت في غنى عنها.
لكما احترامي.
|
Post: #3
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 00:32 AM
Parent: #2
Quote:
الأخ بخاري ...
التحية ليك ولنجلاء.
حقيقة علاقتك بنجلاء تعطيك حق الرد والتصدي لمن يريد سوءاً بنجلاء ولا شك.
فقط أريد أن أقول، راجياً أن لا يقود الأمر لمعارك جانبية نجلاء وأنت في غنى عنها.
لكما احترامي. |
ابو الريش تشكر .. الرد والتصدي المناسب ساقوم به دونما اعلان ولكن توضيح ما تقوم
به نجلاء تاريخ اعني به الاجيال القادمة ومنهم بناتنا وابني امين .. ونجلاء لن تترك
ما تقوم به من اجل الرد وكذا انا ولكنني اوثق فقط للتاريخ ..
شكرا يا غالي
|
Post: #7
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: حاتم كاهن
Date: 08-21-2010, 00:52 AM
Parent: #3
عزيزي بخاري ..
ما تقوم به أختنا نجلاء سيحكي عنه التأريخ وسبق أن خاطبتها كاتباً أن ما توثقه بكاميرتها
سيغدو يوماً منهجاً يدرس ..
ليس لأمين وإخواته فحسب بل لأجيال قادمة ..
ما حدث منذ أيام لا يستهدف نجلاء في شخصها يا عزيزي .. هي حالة عامة تطال من تطال ..
ولا أخفي بأنكم الأثنين قد أسرتموني بالهدوء الذي واجتهم به ما حدث .. هدوءاً يعكس معدنكم والأرض الثابته التي تقفون عليها ..
أهمس مجدداً بأنك ونجلاء قد مررتم في حياتكم بالأشد والأصعب ، فاين يقع ما أنت بصدده الليلة مما عركتموه معاً .. ؟؟
نصيحتي ..
لا أنت ولا أختنا نجلاء ولا نحن الذين نعلم من تكونا وماذا تفعلا بحاجة لأن تكلف نفسك عناء هذا البوست ..
لذا دعك عنك بذل الجهد ..
ووفره لمقبل الأيام الحبلى بما هو أثمن ...
عاطر تحاياي لك ولنجلاء
|
Post: #13
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 08:18 AM
Parent: #7
Quote: ما تقوم به أختنا نجلاء سيحكي عنه التأريخ وسبق أن خاطبتها كاتباً أن ما توثقه بكاميرتها
سيغدو يوماً منهجاً يدرس ..
ليس لأمين وإخواته فحسب بل لأجيال قادمة ..
|
عايز أمين ولدي دا يا حاتم بعد كم سنة اذا الله حفظه يكتب اسم
امه في اي محرك بحث ويلقي البوست التوثيقي دا وكاتبه ابوه تحديدا
Quote: لا أنت ولا أختنا نجلاء ولا نحن الذين نعلم من تكونا وماذا تفعلا بحاجة لأن تكلف نفسك عناء هذا البوست ..
|
كلنا نعلم اليوم ولكننا نخشي ان يقرأ الكلام مبتورا في مقبل الايام لذا
نوثق ...
شكرا كتير يا حاتم وانا في انتظار جيتك
|
Post: #9
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: cantona_1
Date: 08-21-2010, 01:08 AM
Parent: #3
والله يا بخاري عاوزين نعلِّق لكن خايفين السيدة نجلاء تزعل وتقوم تداوسنا.. نحن باقي دواس العوين ما بنقدر عليهو.. لكن ما شاء الله البنية حلوة ورقاصة ربنا يخليها ليكم. ويمنحكم جميعاً الصحة والعافية.
كبـّـاشي الصـّـافي
|
Post: #18
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 12:13 PM
Parent: #9
| Quote: لكن ما شاء الله البنية حلوة ورقاصة |
كباشي اديناكم تعالوا
|
Post: #4
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: رغيم عثمان رغيم الحسن
Date: 08-21-2010, 00:38 AM
Parent: #2
بخارى سلامات
دور نجلاء مقدر و معرف محترم عندنا
اى عضو يحترم نفسه فى المنبر دا ممكن يختلف او يتفق معاها لكن ما بملك غير انو يحترما
لانها إلاحترام بمشى على قدمين
امثال حميدة لما يتعرضو ليها
يا بخارى
ما بنقصوا منها حاجة
با العكس بزيدوها وبكبروها لانو دا اكبر دليل على انها ماشة فى الطريق الصاح وإنها بدت تهز عرش العفن بى كمرتا
حقيقى يا بخارى لى حق انك تفتخر بى زوجة زى نجلاء
|
Post: #5
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 00:44 AM
Parent: #4
Quote:
بخارى سلامات
دور نجلاء مقدر و معرف محترم عندنا
اى عضو يحترم نفسه فى المنبر دا ممكن يختلف او يتفق معاها لكن ما بملك غير انو يحترما
لانها إلاحترام بمشى على قدمين
امثال حميدة لما يتعرضو ليها
يا بخارى
ما بنقصوا منها حاجة
با العكس بزيدوها وبكبروها لانو دا اكبر دليل على انها ماشة فى الطريق الصاح وإنها بدت تهز عرش العفن بى كمرتا
حقيقى يا بخارى لى حق انك تفتخر بى زوجة زى نجلاء |
رغيم حبيبي
هي الكاميرا وليس غيرها تقول فقط ما حدث .. وما حدث تحاول السلطة التعتيم عليه
ولكن نجلاء تغامر بحياتها من اجل توثيق خزي وعار الانقاذ فتارة تكون شبكة وتارة
تكون عميلة وخلافه من الاتهامات .. حميدة ساقابله كما وعدني في نوفمبر القادم في الخرطوم
وحينها سنكتب عما حدث ...
افخر بنجلاء زوجتي وتاج رأسي ولكني ادون من اجل الصغار ما تقوم به من دور
|
Post: #6
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: معاوية عبيد الصائم
Date: 08-21-2010, 00:50 AM
Parent: #5
فوق من اجل اطفالنا والتاريخ
من اجل مجتمع اكثر معرفة
شكرا بت سيد احمد شكرا بخارى
معاوية عبيد
|
Post: #8
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد أبوالعزائم أبوالريش
Date: 08-21-2010, 01:03 AM
Parent: #6
| Quote: حميدة ساقابله كما وعدني في نوفمبر القادم في الخرطوم |
الأخ بخاري .....
تابعت البوست الذي أثار حفيظتك .... رغم أنه غاب عن نظري بعدها (لا أدري إن كان تم سحبه). لكن، هل ترى أن لقاءك بحميدة في الخرطوم سيكون مثمر؟ أعني، ما الذي ترمي إليه من ذلك؟
|
Post: #10
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: وليد محمد المبارك
Date: 08-21-2010, 01:17 AM
Parent: #8
يا زول ولا كتر خيرك
ده حقها عليك كناشطة اولا
وكذوجة ثانيا
واصل
|
Post: #27
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 01:43 PM
Parent: #10
Quote: يا زول ولا كتر خيرك
ده حقها عليك كناشطة اولا
وكذوجة ثانيا
واصل |
الشفت وليد ابو البنات ...
فعلا ولا كتر خيري والله .. انا فقط ارد جزء من جمائلها علي
ساواصل حتما ويدك معانا انتم تعرفتم عليها وتعرفتم علي دورها
|
Post: #11
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Ashraf el-Halabi
Date: 08-21-2010, 01:55 AM
Parent: #8
سلامات يا بخاري
كل التقدير لكاميرا نجلاء، فقد ساهمت في توفير كتير من الأخبار المعتم عليها إعلامياً من قبل السلطة الحاكمة
ووافر الامتنان لجهد من تقف خلف الكاميرا على حساب التزاماتها الأخرى
وعظيم الاحترام لشخصها
|
Post: #12
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: انعام حيمورة
Date: 08-21-2010, 02:10 AM
Parent: #11
انسانة محترمة جدا ،
هادية ورزينة
احترم وقفتها خلف الكاميرا
فيديو نجلاء سيد احمد فووووق في اعلى المنبر ابتداع اسلوب توثيق جديد في المنبر
بنفخر بيها معاك
ومحبتي لييييها وليييك
|
Post: #14
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: هواري نمر
Date: 08-21-2010, 08:29 AM
Parent: #12
Quote: عزيزي بخاري ..
ما تقوم به أختنا نجلاء سيحكي عنه التأريخ وسبق أن خاطبتها كاتباً أن ما توثقه بكاميرتها
سيغدو يوماً منهجاً يدرس ..
ليس لأمين وإخواته فحسب بل لأجيال قادمة ..
ما حدث منذ أيام لا يستهدف نجلاء في شخصها يا عزيزي .. هي حالة عامة تطال من تطال ..
ولا أخفي بأنكم الأثنين قد أسرتموني بالهدوء الذي واجتهم به ما حدث .. هدوءاً يعكس معدنكم والأرض الثابته التي تقفون عليها ..
أهمس مجدداً بأنك ونجلاء قد مررتم في حياتكم بالأشد والأصعب ، فاين يقع ما أنت بصدده الليلة مما عركتموه معاً .. ؟؟
نصيحتي ..
لا أنت ولا أختنا نجلاء ولا نحن الذين نعلم من تكونا وماذا تفعلا بحاجة لأن تكلف نفسك عناء هذا البوست ..
لذا دعك عنك بذل الجهد ..
ووفره لمقبل الأيام الحبلى بما هو أثمن ...
عاطر تحاياي لك ولنجلا |
يا ســـــــــــــــلام عليك يا حاتم ....يا سلام ياخ!
____
يا بخاري...
تحياتي و احترامي
أنت ونجلاء
مصدر فخر و عزة.
|
Post: #20
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 12:43 PM
Parent: #14
Quote: يا بخاري...
تحياتي و احترامي
أنت ونجلاء
مصدر فخر و عزة. |
وان شاء الله دائماً نكون عند حسن ظن شعبنا بينا
|
Post: #15
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد علي شقدي
Date: 08-21-2010, 08:36 AM
Parent: #12
شيلي الكاميرا وطوفي بينا ورينا حال البلد وناسا
ولكـ منا كل التقدير يا نجلاء فالكاميرا الصادقه خير من يحكي الواقع
ان شاء الله ما يغشاكم شر يا البخاري
|
Post: #48
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 00:03 AM
Parent: #15
Quote: شيلي الكاميرا وطوفي بينا ورينا حال البلد وناسا
ولكـ منا كل التقدير يا نجلاء فالكاميرا الصادقه خير من يحكي الواقع
ان شاء الله ما يغشاكم شر يا البخاري |
شقدي الشر والله حبابو لعيون وطنا وشعبه
|
Post: #16
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: tayseer alnworani
Date: 08-21-2010, 08:41 AM
Parent: #12
سلامات بخارى والجميع
لم قريت البوست خطر فى بالى سؤال هل يمكن لى شخص من اجل صراع سياسى واختلاف ان يسى لاخر لا يعرف عنه شى المكايدة السياسية ؟؟؟؟؟؟؟؟
لقيت نفسى براى بجاوب صراعنا السياسى لم يرتقى اصلا للحوار فقط الاساءة وانت تدرك ايها المسىء ان كلامك كاذب وكيد لماذا تفعله؟
لم اقراء ما كتب ولكن اتخيل مدى السقوط الذى وصلوه بعض الافرادالكلام ده فى جواى ليه زمن ؟
نجلاء
اكبرمن كل الحروف والكلمات شجاعة قوية مؤمنة مصادمة اثق فيها ويثق فيهاو فى فعلها الصادقون .
استمرى كما انت ولا تلتفتى خلفك
معاك
وكفى
|
Post: #128
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-25-2010, 01:56 PM
Parent: #16
| Quote: لم قريت البوست خطر فى بالى سؤال هل يمكن لى شخص من اجل صراع سياسى واختلاف ان يسى لاخر لا يعرف عنه شى المكايدة السياسية ؟؟؟؟؟؟؟؟ |
في يا تيسير بحصل كتير ..
|
Post: #47
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 11:53 PM
Parent: #12
Quote: انسانة محترمة جدا ،
هادية ورزينة
احترم وقفتها خلف الكاميرا
فيديو نجلاء سيد احمد فووووق في اعلى المنبر ابتداع اسلوب توثيق جديد في المنبر
بنفخر بيها معاك
ومحبتي لييييها وليييك |
شهادة نلبسها قلادة من بت حيمورة
ولك من الحب اضعاف يا انعام
|
Post: #43
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 11:21 PM
Parent: #11
| Quote: فقد ساهمت في توفير كتير من الأخبار المعتم عليها إعلامياً من قبل السلطة الحاكمة |
وهنا مربط الفرس يا ابو الشوش .. مرة جاءت من حدث ما وهالني
الفيديو قلت لها : نجلاء سيصيبهم الفيديو في مقتل، ولن يقفوا
مكتوفي الايدي حيالك وفعلاً وصلتها تهديدات بالقتل علي الايميل
وبعدها اتصالات من ارقام مختلفة كلها تهديد .. لا نفاخر بخدمة
شعبنا ولكننا لن نصمت حيال محاولاتهم لتثبيط همتها وهمة كل منافح
ومدافع عن شعبنا
|
Post: #17
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 12:08 PM
Parent: #8
Quote: الأخ بخاري .....
تابعت البوست الذي أثار حفيظتك .... رغم أنه غاب عن نظري بعدها (لا أدري إن كان تم سحبه). لكن، هل ترى أن لقاءك بحميدة في الخرطوم سيكون مثمر؟ أعني، ما الذي ترمي إليه من ذلك؟ |
الغالي محمد ابو الريش
زول قال لك زوجتك ( ساقطة اخلاقياً ) بكون عندك رغبة تقابله ولا تنسي الموضوع علي كده ؟
قطعا سيكون مثمراً وما ارمي اليه بهذا اللقاء سيتضح وقتها...
|
Post: #19
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: AnwarKing
Date: 08-21-2010, 12:23 PM
Parent: #17
Quote: زول قال لك زوجتك ( ساقطة اخلاقياً ) بكون عندك رغبة تقابله ولا تنسي الموضوع علي كده ؟
|
بقابله بالحيل....وما عداك العيب...إلا أن يأتي بإعتذار واضح ولا لبس فيه...
أكتب ووثق من أجل أبنائك وأبنائنا... والإحترام للأخت العزيزة نجلاء سيد أحمد،
ولكم أنت شخص فعلاً جدير بالإحترام لمساندتك لها.
_______
حميدة...الله يهديك!
|
Post: #22
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: جمال السنوسي
Date: 08-21-2010, 12:54 PM
Parent: #19
كامل تضامني مع نجلاء في كل ما تقوم به من اعمال
وبي صراحة
في اوروبا والدول المتقدمة ( زي ما بقول صاحبي محمد السني دفع الله)
تصوير وتوثيق نجلاء ده بدفعو عليهو قروش عشان حصرية النشر
صوري يا نجلاء
ووثقي يا نجلاء
فالكاميرا هي سلاحك الناطق
ولك الف شكر يا بخاري
|
Post: #23
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 01:04 PM
Parent: #22
Quote: تصوير وتوثيق نجلاء ده بدفعو عليهو قروش عشان حصرية النشر
|
الغالي جمال
وهي تدفع من جيبها للتوثيق( فتأمل)
Quote: صوري يا نجلاء
ووثقي يا نجلاء |
انا لن ادخرا جهدا في مساعدتها ودعمها وحمايتها
من اجل التوثيق ..
|
Post: #24
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Shiraz Abdelhai
Date: 08-21-2010, 01:04 PM
Parent: #19
سلام بخارى وعبرك لأجمل النساء وأشجعهن نجلاء....
....لم اقرأ ما دار فى البوست المذكور فقدكانت متابعتى ضعيفه فى الفترة السابقه ....
ولا أدرى ما حدث بالظبط ولكن بما أن المقام هنا مقام توثيق فدعنى أؤكد على أن ما تقوم به نجلاء هو حتما يستدعى التوثيق
كنقله نوعيه فى مجال نقل الأخبار وتوثيقها بالتصوير .....خاصة فيما يخص مشاركة المرأه فى هذا المجال.....
...اقف لها احتراما ...فهى الأم التى تثقل كاهلها عشرات المهام اليومية ...وهى الزوجه والمرأه العاملة ولكنها
أيضا المناضله الجسورة ....والمرأه السودانية الصبورة التى تعشق تراب هذا الوطن وتأبي إلا أن تترك بصمة لا يستهان
بها فى مجال العمل الإعلامى الذى بدأته كهواية واهتماما بالتوثيق ودعما لسبل النضال ثم انتقل ليصبح بالنسبة لها
آلية صراع فاعلة تطعن هذه الطغمة الفاسده فى الخاصرة ...فأبت أن تتنازل رغم المشاق الاجتماعية والأمنية والتهديدات المتكررة
من أعداء الحرية......
..أفخر بنجلاء صديقة....
وأختلف مع زوار البوست بأن تترك الموضوع بل اقول أن التوثيق لكل ما تتعرض له نجلاء وفضح الممارسات والإساءات الشخصية المقصود بها
التخويف واستسخاف ما تقوم به أمر ضرورى ....لإرسال رسالة واضحه وقوية...القافلة تسير...والكلاب تنبح!!
فإلى الأمام.....
|
Post: #44
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 11:27 PM
Parent: #19
| Quote: إلا أن يأتي بإعتذار واضح ولا لبس فيه... |
ابو النور صديقنا اعتذار شنو يا مان ما في اعتذار في
حاجة اسمها ( استحقاق ) وبس يدفع وحينها ينظر في الاعتذار
ويفاد من قبل الاسرة ( لارا ، يارا ، امين وكلارا )
|
Post: #21
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 12:50 PM
Parent: #6
Quote: فوق من اجل اطفالنا والتاريخ
من اجل مجتمع اكثر معرفة
شكرا بت سيد احمد شكرا بخارى
معاوية عبيد |
ود العبيد صديقنا تسلم كتير
|
Post: #25
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: abubakr salih
Date: 08-21-2010, 01:27 PM
Parent: #21
تحياتى يا بخارى
يا مان نجلاء تم اٍستهدافها من قبل طفابيع الحكومة عدة مرات، لانها فضحت عورات الزيف الانقــاذى و كشفته للعالمين. لاحظت لذلك لكن دائما كانت تأتى المحاولات خوجولة و مستترة، لكن يبدو ان الاخ محمد حميدة عينو قوية شوية. نجلاء لم تكذب لم تلفق و لا تعرف النفاق، هى الكاميرا كما ذكرت و حقائق الواقع المرير، تعكسها للناس بصدق. ما قامت به نجلاء فى الفترة الاخيرة يعد عمل اٍعلامى سوف يبقى ذكره بين العالمين و سوف يدرس لاجيال و اجيال، كم جرائم و فضائح عمدت السلطة على اٍخفائها تحت سيف الارهاب و التخويف، اظهرتها كاميرا نجلاء الباسلة التى لم تخف و لم ترتجف امام جبروت السلطة و عنفها.
يا زول على اليمين نجلاء تأج راسنا كلنا و تأج على راس هذا الوطن.
|
Post: #26
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 01:36 PM
Parent: #25
| Quote: كم جرائم و فضائح عمدت السلطة على اٍخفائها تحت سيف الارهاب و التخويف، اظهرتها كاميرا نجلاء الباسلة التى لم تخف و لم ترتجف امام جبروت السلطة و عنفها. |
تسلم بكري وهدفي من البوست انت وصلت ليهو مباشرة انا بصدد
توثيق ( نطيط ) نجلاء دا .. مظاهرات ، اضرابات ، اعتصامات
مشرحة بها شهيد ، مستشفيات لا تعمل وفق المعايير ، حملات تدشين
الرئاسة ...
|
Post: #28
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: abubakr salih
Date: 08-21-2010, 01:58 PM
Parent: #26
و الله يا بخارى مجهود نجلاء و شجاعتها و تصديها لتغطية قضية اٍستشهاد الطالب محمد موسى موقف لا يقدر بثمن لو كان فى هذا البلاد من يعرف ثمن للتضحية و المغامرة بالنفس و الاسرة و راحة البال من أجل الحقيقة و مناصرة المظلومين. لو كانت فى نفوس هؤلاء مجرّد تقدير و اٍحترام كرامة الانســـان لقدروا لها دخولها الباسل عرين القتله و المجرمين و فضحهم امام العالم. وثقت للحدث فى لحظته الاولى قبل ما يجوا السياسيين و وسائل الاعلام و الدنيا تبرد، نقلت حديث رفاقه المكلومين من داخل المشرحه و الشرور تحيط بها من كل جانب. يا بخارى لن يقدر ركوب هذه الصعاب العيال الذين ولدوا و على شفاههم ملاعق من ذهب، هذا مخاطر لا يقدرها الا من ركبها.
|
Post: #49
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 00:27 AM
Parent: #28
| Quote: و الله يا بخارى مجهود نجلاء و شجاعتها و تصديها لتغطية قضية اٍستشهاد الطالب محمد موسى موقف لا يقدر بثمن لو كان فى هذا البلاد من يعرف ثمن للتضحية و المغامرة بالنفس و الاسرة و راحة البال من أجل الحقيقة و مناصرة المظلومين. لو كانت فى نفوس هؤلاء مجرّد تقدير و اٍحترام كرامة الانســـان لقدروا لها دخولها الباسل عرين القتله و المجرمين و فضحهم امام العالم. وثقت للحدث فى لحظته الاولى قبل ما يجوا السياسيين و وسائل الاعلام و الدنيا تبرد، نقلت حديث رفاقه المكلومين من داخل المشرحه و الشرور تحيط بها من كل جانب. يا بخارى لن يقدر ركوب هذه الصعاب العيال الذين ولدوا و على شفاههم ملاعق من ذهب، هذا مخاطر لا يقدرها الا من ركبها. |
بكري وفي هذا البوست ان امد الله في عمري حا انزل الفيديو وصور لم تنزل
من قبل للشهيد محمد
|
Post: #29
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بدر الدين الأمير
Date: 08-21-2010, 02:02 PM
Parent: #26
نجلاء وبخارى
لكم التقدير
Quote: زول قال لك زوجتك ( ساقطة اخلاقياً ) بكون عندك رغبة تقابله ولا تنسي الموضوع علي كده ؟
|
تنهدات: الكلام لمخائيل نعيمة: الحشرة قد تلسع جودا اصيلا لكن تبقى الحشرة حشرة ويبقى
الجواد الاصيل اصيلا
|
Post: #30
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: امير مصطفى احمد
Date: 08-21-2010, 02:16 PM
Parent: #29
التحية لك اخي بخاري وعبرك للقامة زوجتك نجلاء
التوثيق مهم جدا لهذه الاعمال الخالدة في تاريخ النضال السوداني
اتمنى ان يوثق على اسطوانات دي في دي
|
Post: #31
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: عوض محمد احمد
Date: 08-21-2010, 02:18 PM
Parent: #26
امر صادم ما قالوه هذا الشخص
و يا جبل ما يهزك ريح
|
Post: #32
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: سيف النصر محي الدين محمد أحمد
Date: 08-21-2010, 02:50 PM
Parent: #31
يا بخاري
ارجو أن تحرص على أن تشيل نجلاء كاميرتها و تتنطط من حتة لحتة .
كل الحتت الفيها الفساد و القهر و الظلم .
|
Post: #33
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد أبوالعزائم أبوالريش
Date: 08-21-2010, 03:21 PM
Parent: #32
| Quote: زول قال لك زوجتك ( ساقطة اخلاقياً ) |
حبيبنا بخاري ...
زي ما قلت ليك ... تابعت البوست ... وحتى (كبشرت) المداخلة دي ..... بس ما عرفت هو ردّ عليك بشنو، لأنو البوست إختفى.
أرجو أن لا تفهم أني أحاول إثباط همّتك، لا يا أخي، فأنا لي زوجة وأطفال، وقبل ذلك أرى في نجلاء أخت كريمة يتوجّب صد السوء عنها، فقط أردت أن لا يكون تناول الموضوع بصورة يمكن أن تشوشر على أي فرد من أسرتك الصغير. ومن مداخلاتك وردودك، أظنك تقود المسألة بالعقلانية المطلوبة.
تقديري،
|
Post: #34
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: شول اشوانق دينق
Date: 08-21-2010, 04:00 PM
Parent: #33
سلامات يا بخاري
كلو في السليم
تحياتي الأكيدة وإحتراماتي للجسورة نجلاء سيد أحمد
|
Post: #35
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: الصادق عوض
Date: 08-21-2010, 05:44 PM
Parent: #34
| Quote: تحياتي الأكيدة وإحتراماتي للجسورة نجلاء سيد أحمد |
|
Post: #36
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد حيدر المشرف
Date: 08-21-2010, 06:08 PM
Parent: #35
| Quote: تحياتي الأكيدة وإحتراماتي للجسورة نجلاء سيد أحمد |
|
Post: #37
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: BAKTASH
Date: 08-21-2010, 06:41 PM
Parent: #36
حميدة دا منو !!
| Quote: تحياتي الأكيدة وإحتراماتي للجسورة نجلاء سيد أحمد |
|
Post: #38
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: عبد المنعم ابراهيم الحاج
Date: 08-21-2010, 07:31 PM
Parent: #37
نجلاء وكل بنات سيد أحمد نفاخر بهن الشموس ، هذه الاسرة الكريمة التي لا يوصد بابها
حتى في أشد الليالي حلكة ، التحية لنجلاء ولكاميرا العين الصاحية ، تصيبهم بالقلق ، وتعري
سوءاتهم ، أرجوا ان توثق يابخاري وأن تستمر من أجل الاجيال والتاريخ ، ولا تنتبه للظلال
لانها ستظل ظلالا حتى تشردها صحوة الشمس .
|
Post: #39
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: talha alsayed
Date: 08-21-2010, 08:20 PM
Parent: #38
Quote: أن التوثيق لكل ما تتعرض له نجلاء وفضح الممارسات والإساءات الشخصية المقصود بها
التخويف واستسخاف ما تقوم به أمر ضرورى ....لإرسال رسالة واضحه وقوية...القافلة تسير...والكلاب تنبح!! |
|
Post: #40
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد المختار الزيادى
Date: 08-21-2010, 08:44 PM
Parent: #39
انهم يستهدفون الفلم الوثائقى, فى شخص نجلاء
تحياتى للاسرة الكريمة
الزيادى
|
Post: #41
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: جعفر محي الدين
Date: 08-21-2010, 09:34 PM
Parent: #40
التحية والتقدير لك أخي بخاري
وللأستاذة نجلاء سيد أحمد
لقد طالعت البوست الأول وتابعته وبحثت في كل أرجاءه
فلم أجد من نجلاء ما تستحق عليه الوصف بالنفاق والكذب
وبالعكس عرفناها هنا تحترم حتى من يخالفها الرأي
وتأتي بالواقع صورة ومستندات ولم نعهد عليها كذبا
نشهد لها بأنها أدت دورها تجاه وطنها ومواطنيها
على أكمل وجه ...
ونتيقن تماما أن محاولة خدشها في صدقها وإخلاصها لوطنها
واحترامها لقراءها لن تنجح، بل سترتد على أصحابها حسرة وندامة
|
Post: #42
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Nazik Eltayeb
Date: 08-21-2010, 09:59 PM
Parent: #41
التحية و التقدير لنجلاء و لكم
في ظروف بلادنا لا يسعني الا ان اقر ان الشجاعة التي تتميز بها نجلاء لتقف خلف الكاميرا في الوقت المناسب وفي لحظات غاية في الصعوبة لهو امر يستدعي احترام كل من يحترم الحقيقة و يرفض الزيف .
|
Post: #45
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: amir jabir
Date: 08-21-2010, 11:33 PM
Parent: #42
نجلاء سيد أحمد مصدر مهم لعدد كبير من المنظمات وحكومات الدول عبر الكميراء تعكس الوضع فى السودان
التحية لها
|
Post: #52
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 10:11 AM
Parent: #45
Quote: نجلاء سيد أحمد مصدر مهم لعدد كبير من المنظمات وحكومات الدول عبر الكميراء تعكس الوضع فى السودان
التحية لها |
amir jabir
شكرا يا حبوب وهي حتما مستمرة في اداء رسالة
اختارتها هي ..
|
Post: #55
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 10:36 AM
Parent: #42
Quote: لتحية و التقدير لنجلاء و لكم
في ظروف بلادنا لا يسعني الا ان اقر ان الشجاعة التي تتميز بها نجلاء لتقف خلف الكاميرا في الوقت المناسب وفي لحظات غاية في الصعوبة لهو امر يستدعي احترام كل من يحترم الحقيقة و يرفض الزيف . |
استاذ نازك شكرا للكلمات الطيبة .. الا ان بعضهم ظن
هذه الوقفات ( نطيط ) من حتة لي حتة !
|
Post: #46
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-21-2010, 11:50 PM
Parent: #33
Quote: حبيبنا بخاري ...
زي ما قلت ليك ... تابعت البوست ... وحتى (كبشرت) المداخلة دي ..... بس ما عرفت هو ردّ عليك بشنو، لأنو البوست إختفى.
أرجو أن لا تفهم أني أحاول إثباط همّتك، لا يا أخي، فأنا لي زوجة وأطفال، وقبل ذلك أرى في نجلاء أخت كريمة يتوجّب صد السوء عنها، فقط أردت أن لا يكون تناول الموضوع بصورة يمكن أن تشوشر على أي فرد من أسرتك الصغير. ومن مداخلاتك وردودك، أظنك تقود المسألة بالعقلانية المطلوبة.
تقديري، |
ابو الريش رد لي فيما معناه اني ما اعمل فيها ضبان ضكر وكالني من شاكلة هذه الكلمات
قلت له ما فهم ان نجلاء شكرت الاساءة للاخت ميادة قد اعتذرت عنه وفيما يخص الرد علي ساقط
القول منك سيكون بالطريقة التي تناسبني والزمن الذي يناسبني فذكر لي انه قادم الي الخرطوم
في نوفمبر القادم ووعدني بارسال كافة تفاصيل الجية دي في المسنجر الداخلي فقلت له مرحي ..
نلتقي وحينها سنري
|
Post: #50
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: اسماء الجنيد
Date: 08-22-2010, 00:38 AM
Parent: #46
الاخ بخاري والاخت نجلاء لكم التحية والتقدير وربنا يحفظكم ويحفظ اسرتكم
ورمضان كريم عليكم تصوموا وتفطروا على الف خير يا رب
سيروا عين الله ترعاكم
|
Post: #51
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: السمؤال بدرالدين
Date: 08-22-2010, 07:43 AM
Parent: #50
سائني جدا ما مس زوجتك الكريمة
ده حال الاسافير تجد المنحط وعديم الاخلاق
التحية لها ولاسرتها ولابنائها
|
Post: #54
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 10:24 AM
Parent: #51
Quote: سائني جدا ما مس زوجتك الكريمة
ده حال الاسافير تجد المنحط وعديم الاخلاق
التحية لها ولاسرتها ولابنائها |
السمؤال .. ربنا يبعد عنك الاساءات يا فردة
وده ما حال الاسافير وبس دي محاولة لاجهاض تجربة
المعارضة النزيهة وجرجرت كل من يقول لا الي وحل
الاتهامات والتلفيق لينصرف عن هدفه الي الرد والدخول
في دائرة ودوامة من الاحباط
|
Post: #53
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 10:18 AM
Parent: #50
Quote: الاخ بخاري والاخت نجلاء لكم التحية والتقدير وربنا يحفظكم ويحفظ اسرتكم
ورمضان كريم عليكم تصوموا وتفطروا على الف خير يا رب
سيروا عين الله ترعاكم |
استاذة اسماء الجنيد لك وافر الحب والتقدير
|
Post: #56
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: MOHAMMED ELSHEIKH
Date: 08-22-2010, 10:55 AM
Parent: #53
قال ليهم
تسكتو..... نفضح الفكر
تشوشرو... نفضح السلوك
تحياتي للأخت نجلاء
|
Post: #59
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 12:24 PM
Parent: #56
| Quote: تحياتي للأخت نجلاء |
الغالي محمد الشيخ
تحياتك وصلت ...
|
Post: #57
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد عمر جبريل
Date: 08-22-2010, 11:07 AM
Parent: #53
سلامات بخاري..
حقيقة .. كنت مستغرب جدا لحركة حميدة في البوست المهبب داك .. وعرفت حميدة في المنبر زول ونسة ومساخة
ومكاواة وعوارة لا تخرج من حيز الهظار البايخ الدمو تقيل ..
لكن فجأة كدة استلم أختنا نجلاء ودور فيها مرة ساقطة أخلاقيا .. مرة قليلة أدب ومرة ما عارف بتأجري الباسوريد بتاعك لي كم نفر
لأ وكمان في النهاية قال ليها جيبي معاك راجلك ؟؟؟!!!!
ده شنو يا حميدة ياخ .. ده شنو البتعمل فيهو دة ؟؟؟؟!!!
تاني بكرر ليك يا حميدة .. إنت فرقك شنو هسي من الزول الأساء لميادة وللا أي زول تاني شايل ليهو كلام فارغ وبفتش لي حتة
يبصق فيها كلامو ده ..
الحاجة المؤسفة التانية في المنبر ده الشللية وتشخيص المواقف والمبادئ في المنبر ده .. يعني قبل فترة كان في فلم مدور لي زميل معانا
هنا في واحد قال ليهو كلمة أقل بي كتير من كلمة (ساقط أخلاقيا) ودورو في الزول ده ما خلو ليهو جنبة ينوم عليها لدرجة إنو تم تهدديدو بالمحكمة
(وده من حق أي زول طبعا حاسي بإنو تم الطعن في اخلاقو)
لكن هسي لمن جات الإساءة لي زولة ما زول .. وزميلة معانا في المنبر ما حصل شفناها قبل كدة بتشاكل وللا بتنابذ .. ملتزمة تماما بخط الأهداف العشانو جات
سجلت هنا في سودانيز اون لاين .. مافي اي زول من الناس النصبت المشانق زماااا ان ديلاك جا قال بغم عشان خاطر الإساءة البالغة الإتوجهت للزميلة نجلاء
غايتو بس برجع وأقول بالجد في حاجة كدة إتغيرت في أخلاقنا .. زي البقينا راضين بي كل ما هو قبيح وسمج عشان نشوف واحد زي حميدة يقول لي نجلاء إنتي
ساقطة أخلاقيا .. وما في زول فينا ربنا فتحا عليهو بي كلمة دفاع واحدة عن نجلاء غير بخاري زوجها !!
بخاري ونجلاء .. معليش
إنتو الإخترتو تكونو في الجانب التاني ..
لو كنتو من قبيلة بني كوز .. لوصل عدد بوستات الدفاع عنكم أرقام فلكية
هاتس أوف .. نجلاء سيد أحمد
|
Post: #58
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: khaleel
Date: 08-22-2010, 11:21 AM
Parent: #57
الانحناء والتجلة للست نجلاء
بخاري رمضان كريم
|
Post: #61
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: ود العجمى
Date: 08-22-2010, 12:46 PM
Parent: #58
| Quote: وتعريف بنجلاء ذات نفسها ومن تكون ومحاولة لعرض جزء من نشاطها |
ومن هذه الفكرة اردت تعريفها بصور لناس يستطيعون الحديث عنها بسيماهم فسيماهم فى وجوههم من اثر الصمود
ابنائها الذين تعرفهم جيدا أولادها وبناتها أولا :
بتول - مناهل - حسن اسحق - ايسو - انصارى - وتبيدى وأسرته وعمنا اونور وغيرهم من الذين وقفت معهم وناصرتهم وانتصر لهم وبهم
أردت رفع صورهم فى هذا البوست ليعلم ابنكما أمين عند من يستقصى خبر أمه ولكن لسوء الحظ لم يسعفنى الجهاز
| Quote: افخر بنجلاء زوجتي وتاج رأسي ولكني ادون من اجل الصغار ما تقوم به من دور |
لك أن تفخر بها .. نحن أصدقاءها نفخر بها بما بالك أنت زوجها وتاج رأسها
| Quote: ولكم أنت شخص فعلاً جدير بالإحترام لمساندتك لها. |
وقد سرق أحدهم فكرتى
سأحاول اذا ساعدنى الجهاز رفع صور الوليدات الاتعلمو منها كيفية أن يكون صناديد وعلمتهم بكل بساطة أن يقولوا
(ايوة فى شنو ؟ نحن الحكومة دى ما بنتفع معانا) فى وضح النهار وفى عين كل الأرزقية المشوهين
|
Post: #70
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 04:30 PM
Parent: #61
Quote: بتول - مناهل - حسن اسحق - ايسو - انصارى - وتبيدى وأسرته وعمنا اونور وغيرهم من الذين وقفت معهم وناصرتهم وانتصر لهم وبهم
أردت رفع صورهم فى هذا البوست ليعلم ابنكما أمين عند من يستقصى خبر أمه ولكن لسوء الحظ لم يسعفنى الجهاز |
شباب ذي الورد بس نسيت عبده مهدي وجد نحن قرفنا شديد
Quote: سأحاول اذا ساعدنى الجهاز رفع صور الوليدات الاتعلمو منها كيفية أن يكون صناديد وعلمتهم بكل بساطة أن يقولوا
(ايوة فى شنو ؟ نحن الحكومة دى ما بنتفع معانا) فى وضح النهار وفى عين كل الأرزقية المشوهين |
ود العجمي هذا وعد وانا انتظر رفع الصور
|
Post: #62
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 12:51 PM
Parent: #58
Quote: الانحناء والتجلة للست نجلاء
بخاري رمضان كريم |
خليل تصوم وتفطر علي خير وربنا يتقبل
القيام والصيام ...
والتحية وانحناءات لك من كتب كلمة حق
يحفظها له التاريخ
|
Post: #60
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 12:38 PM
Parent: #57
Quote: سلامات بخاري..
حقيقة .. كنت مستغرب جدا لحركة حميدة في البوست المهبب داك .. وعرفت حميدة في المنبر زول ونسة ومساخة
ومكاواة وعوارة لا تخرج من حيز الهظار البايخ الدمو تقيل ..
لكن فجأة كدة استلم أختنا نجلاء ودور فيها مرة ساقطة أخلاقيا .. مرة قليلة أدب ومرة ما عارف بتأجري الباسوريد بتاعك لي كم نفر
لأ وكمان في النهاية قال ليها جيبي معاك راجلك ؟؟؟!!!! |
محمد عمر جبريل تسلم .. كل اناء بما فيه ينضح
وانا قبلت اجئ ودعوتي تمت في سياق سخيف جدا انك
ما تعملي فيها ولية وضعيفة جيبي راجلك المعانا في المنبر دا
وتعالي بس حقيقة المابعرفك بجهلك ( علي قول المثل )
Quote: بخاري ونجلاء .. معليش
إنتو الإخترتو تكونو في الجانب التاني ..
لو كنتو من قبيلة بني كوز .. لوصل عدد بوستات الدفاع عنكم أرقام فلكية |
( انا في صف الجوع الكافر
ما دام الصف الآخر يسجد من ثقل الاوزار)
الكلمات للشاعر مظفر النواب ..
ونحن لنا هنا ماض
حاضر ومستقبل أفضل
سنأكل الصخر جوعاً ولن نرحل
|
Post: #63
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد عبد الماجد الصايم
Date: 08-22-2010, 12:55 PM
Parent: #60
بخاري ونجلاء .. رمضان كريم
تصوموا وتفطروا على خير
|
Post: #66
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 01:56 PM
Parent: #63
Quote: بخاري ونجلاء .. رمضان كريم
تصوموا وتفطروا على خير |
يا عمك يعود عليك بالخير والبركة
مداخلتك ( محايدة ) جدا نظام انسي الموضوع ولا شنو ؟
|
Post: #76
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد عبد الماجد الصايم
Date: 08-22-2010, 07:15 PM
Parent: #66
تنسى شنو ياخ!
دقو دق العيش!!
نجلاء أخت وزميلة محترمة نرفع لها القبعات احتراما
نجلاء أختنا قبل ما تكون زوجتكـ زاتو!
|
Post: #64
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Deng
Date: 08-22-2010, 01:04 PM
Parent: #60
الأخ بخاري.
هنالك من يكتب بأسم حميدة من السفارة السودانية بالرياض.
دي معلومة أكيدة.
تحياتي لك وللباسلة نجلاء.
|
Post: #65
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: معاوية المدير
Date: 08-22-2010, 01:43 PM
Parent: #64
الأخ بخاري،
التحيّة لك وللأُخت نجلاء، حقاً ساءنا ما ساءكم،
فحسبنا الله ونِعمّ الوكيل.
رمضان كريم، وتصوموا وتفطروا علي خير...
|
Post: #67
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: معاوية الزبير
Date: 08-22-2010, 02:38 PM
Parent: #65
تعرف، أخي بخاري، أن نظام الجبهة القومية الإسلامية بعد أن نجح إلى حد كبير في إعادة صياغة
الإنسان في السودان بوسائل شتى حتى أصبح مغيبا عن قضايا الوطن وعاكفا فقط على البحث عن
تلبية حاجاته الغريزية من مسكن ومأكل إلا من رحم ربي وهم ليس قلة بالتأكيد..
أصبح هم النظام تغبيش وعي السوداني المقيم في الخارج
وفي هذا الإطار يسعى بورداب المؤتمر الوطني (الجبهة) في مختلف المنابر لتحقيق ذلك
عبر منع خروج الحقيقة إلى الخارج أو على الأقل تشويهها بتشويه صورة ناقلها
أنتم -أنت ونجلاء ومن لا يزالون يمسكون بجمرة وعيهم ويرفضون التدجين- هدف أساسي
في هذا المشروع
ولأن وعيكم حقيقي وفطري وأساسي فلا خوف عليكم ولا على مستقبل السودان
فقط اصبروا وصابروا واعلموا أن هناك جموعا مقدرة من أبناء الوطن يعلمون ما تقومون به
|
Post: #73
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 04:54 PM
Parent: #67
Quote: تعرف، أخي بخاري، أن نظام الجبهة القومية الإسلامية بعد أن نجح إلى حد كبير في إعادة صياغة
الإنسان في السودان بوسائل شتى حتى أصبح مغيبا عن قضايا الوطن وعاكفا فقط على البحث عن
تلبية حاجاته الغريزية من مسكن ومأكل إلا من رحم ربي وهم ليس قلة بالتأكيد..
|
اتخيل يا معاوية بالعكس تماما فشل المشروع الحضاري حتي في
صياغة جيل التسعينات واذا انت في السودان كنت بتشوف الكلام ده
من ولدوا بعد مجئ الانقلاب هم من قام بتأسيس حركة ( قرفنا )
Quote: وفي هذا الإطار يسعى بورداب المؤتمر الوطني (الجبهة) في مختلف المنابر لتحقيق ذلك
عبر منع خروج الحقيقة إلى الخارج أو على الأقل تشويهها بتشويه صورة ناقلها |
وهذه حقيقة وما تهكير المواقع والاعتداء عليها الا بهدف اخفاء حقائق جرائمهم في
الداخل ..
|
Post: #68
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: عبد المنعم سليمان
Date: 08-22-2010, 02:40 PM
Parent: #65
التحية والتقدير للافاضل المناضلة نجلاء وزوجها المناضل بخاري
والخزي والعار لمناصري المجرم المطارد دوليا
ورمضان كريم يا بخاري
|
Post: #69
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: سلمى الشيخ سلامة
Date: 08-22-2010, 03:55 PM
Parent: #68
اجمل النساء لك ننحنى
اعظم النساء لك نتمنى كل النجاح
فلقد استطعتى ان تجعلينا نفتخر بك
لك نرفع القبعات دائما
كونى ما شئتى وسنكون لك من المتابعين
تصومو وتفطرو على خير
|
Post: #71
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: فيصل محمد خليل
Date: 08-22-2010, 04:38 PM
Parent: #69
بخاري ماهو الفافنوس ماهو الغليد البوص
|
Post: #78
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 11:23 PM
Parent: #69
Quote: اجمل النساء لك ننحنى
اعظم النساء لك نتمنى كل النجاح
فلقد استطعتى ان تجعلينا نفتخر بك
لك نرفع القبعات دائما
كونى ما شئتى وسنكون لك من المتابعين
تصومو وتفطرو على خير |
ولاجمل واحلي الامهات ننحني ..
ابذلي قصاري جهدك في منتدي عماد الامين
كان صديق نجلاء الازلي وكانت المستشار العاطفي
كما اسماها .. نحبك نحبك يا سلمي
|
Post: #77
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 11:20 PM
Parent: #68
Quote: التحية والتقدير للافاضل المناضلة نجلاء وزوجها المناضل بخاري
والخزي والعار لمناصري المجرم المطارد دوليا
ورمضان كريم يا بخاري |
بيجو مشتاقون ربنا يرد غربتك
|
Post: #72
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 04:45 PM
Parent: #64
Quote: الأخ بخاري.
هنالك من يكتب بأسم حميدة من السفارة السودانية بالرياض.
دي معلومة أكيدة.
تحياتي لك وللباسلة نجلاء. |
الاخ دينق
لم أفهم ؟ يعني هو ما كتب الكلام .. عموما هو مسئول
عن كل حرف كتبه ولكن ليس هذا من اهداف البوست الحالي
البوست هذا مكرس لعكس نشاط نجلاء سيد أحمد ونشوف هل في هذا
سقوط اخلاقي ؟ كما ذكر المدعو حميدة
|
Post: #74
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Elawad
Date: 08-22-2010, 05:45 PM
Parent: #72
الأخ بخاري
السلام عليكم
ما تقوم به الأخت نجلاء مجهود مقدر بالإضافة للتوثيق فلا أنسى الصور الإنسانية التي كانت تنقلها لنا. كلام الأخ حميدة الذي نقلته هنا غير مقبول إطلاقا و نجلاء و غيرها من الزميلات هن أخواتنا و لا نرضى لهن ما لا نرضاه لأخواتنا. أرجو أن يراجع الأخ حميدة نفسه و لا يوجد خلاف أصلا يستحق أن ننزل إلى هذا الدرك.
|
Post: #75
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: معتصم ود الجمام
Date: 08-22-2010, 06:36 PM
Parent: #74
اريتو نطيط حبيبتي
بت ابوي نططي ...
|
Post: #79
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 11:28 PM
Parent: #74
Quote: الأخ بخاري
السلام عليكم
ما تقوم به الأخت نجلاء مجهود مقدر بالإضافة للتوثيق فلا أنسى الصور الإنسانية التي كانت تنقلها لنا. كلام الأخ حميدة الذي نقلته هنا غير مقبول إطلاقا و نجلاء و غيرها من الزميلات هن أخواتنا و لا نرضى لهن ما لا نرضاه لأخواتنا. أرجو أن يراجع الأخ حميدة نفسه و لا يوجد خلاف أصلا يستحق أن ننزل إلى هذا الدرك. |
الاخ العوض تسلم ورمضان كريم لكن راجع نفسه او ما راجعها او اعاد الكرة
كله لن يعفي من دفع الاستحقاقات ونشوف من هو ضكر الضبان حينها ....
تسلم يا العوض
|
Post: #80
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 11:33 PM
Parent: #79
كيف بدأت قصة التوثيق من نجلاء :
|
Post: #81
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 11:38 PM
Parent: #80
شكرا كل المتداخلين وكل المناصرين
لقضايا الوطن ...
|
Post: #82
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-22-2010, 11:43 PM
Parent: #81
التعديل بسبب فشل محاولتي في انزال صورة لكاميرة نجلاء
والاخ محمد ودالصائم مشكور قام بالواجب وهي ذاتها الكاميرا
التي اسمتها ابنتنا يارا الكاميرا الاثرية .. يارا عمرها
ثماني سنوات وسألتها ليه سميتيها الاثرية ؟ قالت لي لانها
نقلت للعالم احداث السودانيين كلها السمحة والشينة شكرا
محمد ودالصائم للدعم الفني يا عمك
|
Post: #83
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Osama Mohammed
Date: 08-22-2010, 11:46 PM
Parent: #81
| Quote: كيف بدأت قصة التوثيق من نجلاء : |
ده المهم يا باخ ....
رمضان كريم ..... خليك من الزول العجيب ده ووثق (رحلة نجلاء مع الكاميرا ) .
تتذكر لمن كانو بعتقلوا الواحد كانو بقولو ليهو شنو لمن يفكوهو ؟
( ان شاء تكون استفدته يا شيخنا ) ... سلم على الاولاد وسلم لي على فارس (زميل الزنزانة ).....
اسامة
|
Post: #84
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: محمد عبد الماجد الصايم
Date: 08-23-2010, 00:59 AM
Parent: #83
|
Post: #85
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Tragie Mustafa
Date: 08-23-2010, 01:30 AM
Parent: #84
بخاري رمضان كريم
يفخر هذا المنبر بعضوية من هي مثل نجلاء ومثلك.
نجلاء باكميراتها احدثت نقلة نوعيه للعمل التوثيقي ضد هذا النظام
فخرنا بها انها اكثر شجاعه لانها تعمل من الداخل وبلا حمايه حقيقيه
الا انت زوجها وربها ودعوات الصادقين لها.
هذا محض استهداف غبي.
لكن كما قال البعض ان صار حافز لك للتوثيق فهذه من ايجابياته.
لصغارها ان يرفعوا رؤسهم بكل الفخر.
فهي قامة سودانيه نباهي بها جميعا.
|
Post: #86
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Mohamed Elnaem
Date: 08-23-2010, 01:49 AM
Parent: #85
من ضرائب العمل العام , أن تتعاملى مع الرجرجه و المهرجين . .مافى حل يا نجلاء
سلام يا بخارى .
|
Post: #87
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: حسين نوباتيا
Date: 08-23-2010, 02:59 AM
Parent: #86
Quote: لكن فجأة كدة استلم أختنا نجلاء ودور فيها مرة ساقطة أخلاقيا .. مرة قليلة أدب ومرة ما عارف بتأجري الباسوريد بتاعك لي كم نفر
لأ وكمان في النهاية قال ليها جيبي معاك راجلك ؟؟؟!!!!
|
لا حول ولا قوة الا بالله ..
مازال هذا الحميدة يسرح ويمرح في اعراض الناس ويسب هذا ويتهم ذاك دون حسيب او رقيب..
والله يا بخاري انا بحسدك على هدوءك وتعاملك مع هذا الاسفاف بكل موضوعية انا شخصيا لا املكها..
تحياتي لك وللاخت نجلاء ..
|
Post: #88
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: عثمان نواي
Date: 08-23-2010, 04:17 AM
Parent: #87
اعرف نجلاء سيد احمد من خلال ما تقدمه هنا من عمل عظيم
بواسطة كمرتها..
اعرف شقيقتها وزوجها فرحات.. وايضا زوجتي جارة حيطه بالحيطه(نضال عثمان)
وهذه معرفتي اللصيقه بهذه الاسره الكريمه المناضلة
لقدام يا بخاري ونجلاء
عثمان نواي
|
Post: #89
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: د.يوسف محمد طاهر
Date: 08-23-2010, 06:18 AM
Parent: #88
التحية للاخت الجسورة : نجلاء سيد أحمد ونوصيها بالانطلاق نحو أهدافها النبيلة وعدم الالتفات للخلف ... ألف تحية لك أخي : بخاري الأمين
|
Post: #93
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 12:40 PM
Parent: #89
| Quote: التحية للاخت الجسورة : نجلاء سيد أحمد ونوصيها بالانطلاق نحو أهدافها النبيلة وعدم الالتفات للخلف ... ألف تحية لك أخي : بخاري الأمين |
الدكتور يوسف تسلم وقد بدأ مشوار الاهداف النبيلة
بملاحظة من نجلاء عند زيارتنا لعمنا المرحوم بشري محمد خير
بمستشفي فضيل رمضان الماضي فقد لاحظت ان النفايات الطبية مرمية
في غير موضعها وفي هذا كوارث قد تحدث وقامت بالتقاط عدد من الصور
مستخدمة ( تلفونها ) وللاسف لم استطيع الوصول الي هذا البوست وقد كان
في الربع الاخير علي ما اظن من عام 2009 ...
ساواصل
|
Post: #96
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 01:28 PM
Parent: #93
وبهذا البوست وبوستات اخري حازت نجلاء علي نجومية المنبر
للعام 2009 .. وتشجيع مني اهديتها الكاميرا ال JVC
وصورتها نزلها الغالي محمد ود الصائم فوق ...
وبدأت احداث مهمة تؤثر علي خارطة السياسة السودانية وبدأت
نجلاء في توثيقها بجسارة ومن قلب الحدث .. مثال لها :
مسيرة اليوم 14 /12 و الدماء التى سالت فى ام درمان لن تروح هدر صور كميات
|
Post: #95
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 01:16 PM
Parent: #88
Quote: اعرف نجلاء سيد احمد من خلال ما تقدمه هنا من عمل عظيم
بواسطة كمرتها..
اعرف شقيقتها وزوجها فرحات.. وايضا زوجتي جارة حيطه بالحيطه(نضال عثمان)
وهذه معرفتي اللصيقه بهذه الاسره الكريمه المناضلة
لقدام يا بخاري ونجلاء
عثمان نواي |
يا عثمان نواي تسلم ..
|
Post: #91
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 10:08 AM
Parent: #87
Quote: لا حول ولا قوة الا بالله ..
مازال هذا الحميدة يسرح ويمرح في اعراض الناس ويسب هذا ويتهم ذاك دون حسيب او رقيب..
والله يا بخاري انا بحسدك على هدوءك وتعاملك مع هذا الاسفاف بكل موضوعية انا شخصيا لا املكها..
تحياتي لك وللاخت نجلاء .. |
سحس ... الهدوء بكسبك كتير والله بس عايز تمارين مبالغ فيها
وتحياتك وصلت تب
|
Post: #111
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-24-2010, 04:32 PM
Parent: #86
Mohamed Elnaem
Quote: من ضرائب العمل العام , أن تتعاملى مع الرجرجه و المهرجين . .مافى حل يا نجلاء
سلام يا بخارى . |
حقيقي بس لازم اي زول يتطاول وخصوصا باتهام مثل ( ساقطة اخلاقيا )
يتم الرد عليه بكل الوسائل والطرق ...
|
Post: #94
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 01:00 PM
Parent: #85
Quote: بخاري رمضان كريم
يفخر هذا المنبر بعضوية من هي مثل نجلاء ومثلك.
نجلاء باكميراتها احدثت نقلة نوعيه للعمل التوثيقي ضد هذا النظام
فخرنا بها انها اكثر شجاعه لانها تعمل من الداخل وبلا حمايه حقيقيه
الا انت زوجها وربها ودعوات الصادقين لها.
هذا محض استهداف غبي.
لكن كما قال البعض ان صار حافز لك للتوثيق فهذه من ايجابياته.
لصغارها ان يرفعوا رؤسهم بكل الفخر.
فهي قامة سودانيه نباهي بها جميعا. |
استاذة تراجي
أم حازم
تسلمي للكلمات المعبرة والصادقة ...
|
Post: #90
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 07:51 AM
Parent: #83
Quote: خليك من الزول العجيب ده ووثق (رحلة نجلاء مع الكاميرا ) .
|
أسامة تسلم وهذا مقصد البوست بس قلت صفحتين تلاتة للرد علي الشابات
والشباب ما فارقة...
| Quote: سلم على الاولاد وسلم لي على فارس (زميل الزنزانة )..... |
وفارس السر يغريك السلام يا حبيب
|
Post: #92
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: الفاتح ميرغني
Date: 08-23-2010, 11:14 AM
Parent: #90
سلام يا باخ
تعرف التوثيق المصور ربما يعتبره البعض امرا سهلا، وهو قد يكون كذلك في ظروف معينة.
لكن في ظل الأنظمة القابضة، فإنه يحتاج إلى عدسة خاصة وإنسان يتحلى بصفات خاصة. وأجزم بأن الأخت الكريمة نجلاء قد جمعت بين الإثنين.
كل سنة وإنتوا طيبين.
محبتي
|
Post: #97
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: داليا الكباشى
Date: 08-23-2010, 01:29 PM
Parent: #92
نجلاء بت سيداحمد ,
البت الجدعه , الخلوقه , مره ولا دسته رجال يا بخاري ياخ ,
قلت ليها ونحن في عربيه معز بناكل ايسكريم : (...) مكرهه راجلها العيشه والله , جيب جيب جيب ..!
قالت لي : يا داليا , المره كانت ما بقت جدعه وقضتها مره مره (ماجـي) .. مااا بتكون مره ضكرانه ! :)
ضحكنا في مره ضكرانه دي شديد ,
ودخلنا في نقاش مستفيض حلو مفهوم الانوثه والذكوره والجندره والبطيخ ,
بس البعرفو , انو نجلاء الدخلتا بيتها واكلتا فيهو دي,
ام امين عريس بتي دا
ام يارا البت الحلوه الرقاصه دي ,
نجلاء مره بخاري دي ..
بت زي الدهـب .. ابقى عليها عشـره يا باخ !
|
Post: #99
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 01:45 PM
Parent: #97
Quote: نجلاء بت سيداحمد ,
البت الجدعه , الخلوقه , مره ولا دسته رجال يا بخاري ياخ , |
شهادة نعتز بها يا دكتورة ..
| Quote: بت زي الدهـب .. ابقى عليها عشـره يا باخ ! |
واليتيم ما بوصوه علي البكي يا دكترة
( ولو اعيش في الدنيا ساعة
لنجلاء بهديها بشجاعة ) ...
تشكرات للكلام الصادق يا دلوش
|
Post: #136
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Bushra Elfadil
Date: 08-28-2010, 11:33 AM
Parent: #99
Quote: قلت لنجلاء سيصيبهم الفيديو في مقتل، ولن يقفوا
مكتوفي الأيدي حيالك وفعلاً وصلتها تهديدات بالقتل علي الايميل
وبعدها اتصالات من أرقام مختلفة كلها تهديد . |
الصورة رسالة دامغة دائماً .نجلاء تقوم بما كانت تقوم به الصحفية الروسية (بوليتيكوفسكايا)التي اصبحت رمزاص عالمياً لشهداء الصحافة قضت بوليتيكوفسكايا بطلقة رصاص على رأسها وهي تهم بدخول منزلها.كانت تفضح النظام الروسي الشبيه بالنظام السوداني في ممارساته في الفساد وهضمه لحقوق الانسان .نجلاء تسلم لكنها مستهدفة يا بخاري وعليكم بالداخل الحفاظ على حياتها وعلينا بالخارج العمل على تكريمها في ذلك يكون خير رد على من يتهجمون عليها بكلمات جارحة ومهينة ما لها من أساس.احياناً يخيل إلي أن العم سيد احمد جاء إلى الوجود كي يلد بالاضافة إلى نضالاته نضالاً حياً اسمه نجلاء كامتداد له.
بقي شيء اخير : مسالة لقاء نوفمبر الموعود المليء بالوعيد ارجو صرف النظر عنه واللجوء للمحاكم فهي على علاتها في السودان الحالي خير من قانون اللجوء للعنف وأخذ القانون باليد
|
Post: #138
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-28-2010, 12:11 PM
Parent: #136
Quote: احياناً يخيل إلي أن العم سيد احمد جاء إلى الوجود كي يلد بالاضافة إلى نضالاته نضالاً حياً اسمه نجلاء كامتداد له.
|
أستاذي بشري الفاضل ( ليست مجازاً ) فانا حقيقة كنت احد طلابك يوما ما ...
في بداية البوست اشرت انا الي انه للتاريخ .. تواردت الردود ووصلنا الي ان
ابني أمين حينما يبحث لاحقا في محركات البحث اسم والدته ( نجلاء سيد أحمد الشيخ )
سيجد هذا البوست وماكانت حقيقة اطمح ان نتقلد شرف افذاذ مثلك فشهادتك استاذنا
بشري الفاضل عقد سيزين جيدنا ما بقي التاريخ .. ولعلك لاحظت لقب واحد اطلقته انا عليهم
( الطفابيع ) .. ومن صاحب هذا الاسم ؟ يصف به شذاذ الافاق ... تسلم استاذي ..
| Quote: مسالة لقاء نوفمبر الموعود المليء بالوعيد ارجو صرف النظر عنه |
عفوا استاذي اين وجدت الوعيد ؟ انا كتبت لحميدة في البوست المحذوف ( نجلاء اعتذرت
عن الخطأ في شكرها لمحمد عادل فهي قد شكرته علي المداخلة فقط اما الاساءة فهي لم تشكره
عليها .. وبالنسبة لساقط القول منه والاتهامات دونما دليل ذكرت له اننا سارد عليها بما يناسبني )
رد هو علي بموعد نوفمبر وحضوره الي السودان .. وقال لي بدل ما تعمل فيها ضبان ضكر كان تمشي تغلط
زوجتك ... فلا وعد ولا اي حاجة بس هو محتاج يعرف الي اي ( ضكور ) انتمي من الكائنات ...
دمت استاذي وشاكر جدا تداخلك معي
|
Post: #100
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: saif massad ali
Date: 08-23-2010, 01:56 PM
Parent: #97
الاخ بخاري
رمضان كريم
البتعمل فيهو نجلاء ده شغل الرجال ضكرنه لطيش
وزولي ده خلو الايام دول
اول شئ ببحث عنو في المنبر كاميرة نجلاء
صادقة في الحس والحديث
ياريتني اكون سافط زي سقوط نجلاء ده
تنازلت عن كل شئ من اجل وطنها
الف الف تحية ليك وليها
حرم حرام بادية مو حق مدينة احترامي ليها فوق لي احترامك ليها
الكميرا دي شغلها ازعج الجماعة دي اكثر من مدافعنا
|
Post: #104
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-24-2010, 10:15 AM
Parent: #100
Quote: الاخ بخاري
رمضان كريم
البتعمل فيهو نجلاء ده شغل الرجال ضكرنه لطيش
وزولي ده خلو الايام دول
اول شئ ببحث عنو في المنبر كاميرة نجلاء
صادقة في الحس والحديث
ياريتني اكون سافط زي سقوط نجلاء ده
تنازلت عن كل شئ من اجل وطنها
الف الف تحية ليك وليها
حرم حرام بادية مو حق مدينة احترامي ليها فوق لي احترامك ليها
الكميرا دي شغلها ازعج الجماعة دي اكثر من مدافعنا |
تسلم يا سيف ..
|
Post: #119
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: فيصل الباقر
Date: 08-24-2010, 11:29 PM
Parent: #100
تحية و إحتراماً و تجلة و تقديراً و فخراً و إعتزازاً بنجلاء سيد أحمد و كاميرتها الجسورة .. و محبة لكما ( نجلاء و بخارى ) ، فقد أعطيتما و بذلتما جهداً ، ليكون هذا التوثيق الجرىء ممكناً .. و أعلم أنكما ستمضيا فى الطريق الذى إخترتما (( و هو طريق صعب و شوك عسير ... نحن درى .. .. و لكننا سنسير )) ... أضافت نجلاء سيد أحمد للصحافة " الإستقصائية " فى السودان .. و شكلت فتحاً جديداً فى طريق الصحافة الملتزمة جانب الشعب و الوطن و الخير و الجمال ..
لم أطلع على البوست الذى يسىء لنجلاء و لجهدها النبيل . و للاسف بلغة "....عفواً لا أستطيع وصفها " ..فكل إناء بما فيه ينضح .. و صحيح أنه " كل ينفق مما عنده " و من الواضح و من كل التجارب هناك من يتصدى للجمال ، بالقبح ، و من يستخدم لغة الغساءة و التجريح و الشتم ، و محاولات " إغتيال الشخصية " ... يقينى أن " الحق أبلج .. و الباطل لجلج " .. فالتواصل أخى بخارى التوثيق فهو حق و واجب ..و مهم للاجيال القادمة و عشمى أن لا تنزل لمستوى " خطاب حميدة " .. فكل ينفق مما عنده .
إحترامى و معزتى لنجلاء و لك و لجهدكما النبيل و الصادق .. و أسمح لى أن أطلب منك أن لا تلتفت للوراء .. فخطاب حميدة يسعى لأن ينحرف من القضية الأساسية .. و أنت سيد العارفين .. و لن أحتاج لتذكيرك بديوان العرب فى هذا الباب من لدن " إذا أتتك مذمتى ........." نجلاء هى الكمال و العفاف و الصمود و التحدى .. و " يا جبل ... ما تهدك ريح "
عفواً فاتنى أن أبدأ بالسلام و برمضان كريم . فى إنتظار مواصلة التوثيق . مع ودى و إحترامى
|
Post: #122
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-25-2010, 10:41 AM
Parent: #119
| Quote: تحية و إحتراماً و تجلة و تقديراً و فخراً و إعتزازاً بنجلاء سيد أحمد و كاميرتها الجسورة .. و محبة لكما ( نجلاء و بخارى ) ، فقد أعطيتما و بذلتما جهداً ، ليكون هذا التوثيق الجرىء ممكناً .. و أعلم أنكما ستمضيا فى الطريق الذى إخترتما (( و هو طريق صعب و شوك عسير ... نحن درى .. .. و لكننا سنسير )) ... أضافت نجلاء سيد أحمد للصحافة " الإستقصائية " فى السودان .. و شكلت فتحاً جديداً فى طريق الصحافة الملتزمة جانب الشعب و الوطن و الخير و الجمال .. |
فيصل الباقر استاذنا .. نحن علي العهد يا صديقي
Quote: لم أطلع على البوست الذى يسىء لنجلاء و لجهدها النبيل . و للاسف بلغة "....عفواً لا أستطيع وصفها " ..فكل إناء بما فيه ينضح .. و صحيح أنه " كل ينفق مما عنده " و من الواضح و من كل التجارب هناك من يتصدى للجمال ، بالقبح ، و من يستخدم لغة الغساءة و التجريح و الشتم ، و محاولات " إغتيال الشخصية " ... يقينى أن " الحق أبلج .. و الباطل لجلج " .. فالتواصل أخى بخارى التوثيق فهو حق و واجب ..و مهم للاجيال القادمة و عشمى أن لا تنزل لمستوى " خطاب حميدة " .. فكل ينفق مما عنده .
|
كل تلك الاساءة لا استطيع فصلها من التهديد لنجلاء بحياتها ومطاردتها واعتقالها اثناء
الانتخابات .. وانا احمد الله كثيرا ان حباني بالصبر علي المكاره ومعالجة الامور بشكل مختلف
واحمده ايضا ان منحني تلك العزيمة لاخذ حقي وعدم التنازل عنه ..
Quote: إحترامى و معزتى لنجلاء و لك و لجهدكما النبيل و الصادق .. و أسمح لى أن أطلب منك أن لا تلتفت للوراء .. فخطاب حميدة يسعى لأن ينحرف من القضية الأساسية .. و أنت سيد العارفين .. و لن أحتاج لتذكيرك بديوان العرب فى هذا الباب من لدن " إذا أتتك مذمتى ........." نجلاء هى الكمال و العفاف و الصمود و التحدى .. و " يا جبل ... ما تهدك ريح "
|
معزتك لها معلومة يا حبيب ونحن نعلم ان آخرين لا يعجبهم ما تقوم به نجلاء لذا يحاولون الزج بها في
دائرة من المهاترات الشخصية وببساطة ( العارف عزو مستريح )
| Quote: عفواً فاتنى أن أبدأ بالسلام و برمضان كريم . فى إنتظار مواصلة التوثيق . مع ودى و إحترامى |
والله يا فيصل اقرأ في مداخلتك وفي بالي تلك البسمة علي وجهك وكلماتك المنتقأة بكل حرص وانت تناقش اي
امر مهما كان بسيطا .. رمضان كريم يعود عليك بالخير واليمن والبركات وربنا يقبل صيامك وقيامك
أخوك الذي تعلم ..
|
Post: #98
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: عمر عبد الله فضل المولى
Date: 08-23-2010, 01:41 PM
Parent: #92
اللهم اني اسالك بفضل هذا الشهر الكريم ان تقتص للاخت نجلاء سيد احمد ممن ظلمها وتجعله عبرة وعظة في الدنيا قبل الاخرة
اللهم ارنا فيه عجائب قدرتك
اللهم انها مظلومة وانت قلت اني حرمت الظلم وجلعته محرما بينكم فلا تظالموا وقلت ان دعوة المظلم مستجابة فاللهم انصرها على من ظلمها
اناشد الاخت نجلاء سيد احمد ان تخصص دعوة راتبة في كل سجدة تسجدها في هذا الشهر الكريم وتسال الله ان يقتص ممن ظلمها
التحية للاخت نجلاء سيد احمد وهي تنافح ضد الظلم والشمولية والفساد والاستبداد والخزي والعار لكل سدنة الشمولية والفساد الانقاذي
|
Post: #103
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-24-2010, 10:03 AM
Parent: #98
| Quote: التحية للاخت نجلاء سيد احمد وهي تنافح ضد الظلم والشمولية والفساد والاستبداد والخزي والعار لكل سدنة الشمولية والفساد الانقاذي |
( الحبيب ) عمر عبد الله
ودا الشئ الطبيعي( الظلم والشمولية والفساد والاستبداد ) مرفوض مرفوض
|
Post: #101
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-23-2010, 01:57 PM
Parent: #92
Quote: سلام يا باخ
تعرف التوثيق المصور ربما يعتبره البعض امرا سهلا، وهو قد يكون كذلك في ظروف معينة.
لكن في ظل الأنظمة القابضة، فإنه يحتاج إلى عدسة خاصة وإنسان يتحلى بصفات خاصة. وأجزم بأن الأخت الكريمة نجلاء قد جمعت بين الإثنين.
كل سنة وإنتوا طيبين.
محبتي |
حبيبنا الفاتح ..
وهذا طبعا ما يرعبهم .. بوست عن مظاهرة استخدم فيها عنف
غير مبرر أو فيديو لطفلة تجلد بقانون يتهمها بالتبرج لانها
رفضت الانصياع لمعتوه راودها .. اين السقوط الاخلاقي هنا ؟؟؟
يحاولون ان يطمسوا الحقيقة ولكن ( ما كل الطير بتأكل لحمه )
|
Post: #102
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: Mohamed Foto7li
Date: 08-23-2010, 10:20 PM
Parent: #101
الجماعه ما خلو لي كلام اقولو
للامام يا مدام
شكرا بخاري
|
Post: #105
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-24-2010, 12:22 PM
Parent: #102
محمد الهلالابي محمد
الشعار مناسب ولكن يجب استشارة
مركز الجندر حيث ورد به كلمة ( مدام )
وفي استخدام هذه الكلمة ايحاء واضح لحصر
دور المرأة في الانجاب ( هههههههه )
المداخلة كلها خستكة مني .. تسلم وللامام يا مدام ..
|
Post: #106
Title: Re: نجلاء سيد أحمد .. شايلة كاميرتك تنططي بها من حتة لي حتة ( مقولة لحميدة )
Author: بخاري عثمان الامين
Date: 08-24-2010, 02:01 PM
Parent: #105
| Quote: وتعريف بنجلاء ذات نفسها ومن تكون ومحاولة لعرض جزء من نشاطها |
كان احد اهداف البوست التعريف بنجلاء ذات نفسها ..
فمن هي نجلاء ؟
نجلاء سيد أحمد الشيخ علي حسون علوب
جزورها من جزيرة بدين ..
احدي بنات العم المرحوم سيد أحمد الشيخ وهن اربعة بنات
آمال توفيت باكراً ( كانت طالبة بالثانوي )
نجاة سيد أحمد الشيخ
هاجر سيد أحمد الشيخ
ونجاة وهاجر مقيمات بالولايات المتحدة الامريكية ...
عموما قصيدة كبيرنا الشاعر راشد سيدأحمد الشيخ في تأبين والده
تعطي صورة واضحة عمن يكون العم ابو السيد
[]للضيفان تباشر لو زادك بليلة
متيقن وصابر كان وقعت تقيلة
صرامة مع إبتسامة،
ورقة و إستقامة
يا ابشورتن عديلة
وصبرك وسع صدرك
وصدرك يابا ماهل
محيط ما ليه ساحل
ياك سدرة منتهانا
تحت ضلّك نقيّل
ويا مَتَرةْ رَوّانا
ياالعاديك منيّل
بقية الأكرمين
ومصباح ّالقبيلة
جيتك أداوى وجعك
لقيت ما عندى حيلة
أتاريك كنت عارف
(الغرارة) كِملت
وأيامك قليلة
ما بين الرياضة والغُبُش المراضى
وترتيب الأجندة ثورة وإنتفاضة
وتكريب النقابة وتنظيم الشبيبة
وتسيير المواكب
بى دِقة وإحاطة
وهموم شعب وأسرة
وقلب نفاج و شارع
وبيت مفتوح مشارِع
طيبة وحب وسترة
تمانين حول تصارع
هبية وكون نجاضة.
أغفر ليا يابا سرقتنى المنافِى
تِحِتْ قسوة مداين
وبين وحشة مرافِى
وإِنتَ دوام تآزر وليل الغربة جافى
رزاز عطفك يهتَّن زى النبع صافى
تشد من عزمى دِيمة
بى عفارم عوافى
وتسند لى قفايا بالحب الموافى
من خمسين عام وسبعة
مشيت درب المشارق
طريق الشعب وحزبو
الرايات و البيارق
أغراس العدالة، النبل، الرجالة
والحلم البيكبر كيتاً فى البنادق
والناس البكرة تمرُق
والشِغِيلة تهتف
للعدل البرفرف والسلم البهفهف
لامهضومات حِقُوقه
ولا ناشفات حُلُوقه
لا همّاها سونكى لا بوت لا مشانق
عنبر جوده يحكى وقفات الرجولة
(فرح. كمرات. عساكر)* أضراس الفحولة
رسمت مع رفاقتك لوحات للبطولةً
ثبات عِزة مهابة،
نقابة مع نقابة
بعرض الأرض و طوله
زارع جنبو عامل
(أرباب لاقى عامر)*
(يونس والبلولة)*
حليلك يارفيقى، ياوالدى وصديقى
يا( أبوالسيد) سلامًا يا إنسان حقيقي
شكراً للرباية
وشكراً للهداية
يا مشهاد طريقى
أرقد عافية يابا
الجايات حبابا
كان وشّلّ رشاشا
للغبش التعابى
وكان هضلم وشيها
ورَقْلّتْ فى مشيها
ما بنجهل وصيّتك
(حبابك دنيا ضيقى
حبابك دنيا ضيقى)
سلاماً يارفيقى
ووداعاً يا إبويا
وداعاً يا صديقى
يا أبو السيد سلاماً
يا إنسان حقيقى.
* 1- (فرح) المناضل فرح حسن آدم النقابى المخضرم
* 2- (كمرات) المناضل النقابى عبداللطيف (كمرات)
* 3- (عساكر) الشهيد الشيخ عساكر رئيس إتحاد مزارعى أم هانى وأحد شهداء عنبر جودة
* 4- (أرباب) المناضل الشيوعى أرباب العربى
* 5- (عامر) الشيخ المناضل الشيوعى شيخ العبيد عامر من مؤسسى إتحاد المزارعين
* 6- (يونس) المناضل الشيوعى المؤسس يونس محمد الحسن الدسوقى
* 7- (البلولة) المناضل الشيوعى أحمد البلولة العامل بالنقل النهرى بكوستى
|
شكرا رشودنا .. ليتني مثلك امتلك من لغة الضاد ناصية
لاسطر كلمات تليق بمقامك
|
