دعوة هامة (إستقلال جنوب السودان) :- إي زول ما حضر استقلال يتجهز لحضور استقلال

بشكل شخصي وخاص سعيد سعادة بالغة جداً أن تتاح لي فرصة لحضور ومتابعة ومشاهدة فرحة استقلال في وجوه شعب كامل فأنا لم تتاح لي من قبل حضور ومشاهدت مثل هذا الامر لا بل حتى لم يمنحني تاريخ وطني منذ ما يقارب 55 عام مذاق مثل هذا الطعم لا في السلم لا في العلاج لا في التعليم لا في العدل لا في المؤسسات المدنية ولا الحكومية .
وبشكل شخصي عملت من اجل أن يكون وطني وطن واحد متععد الثقافات ويحكم عبر مؤسسات تُعني بهذا لكن جزء الله اهل الامر والنهي فقد عملوا ضد هذا ومنحوني بلاد متعبة ومرهقة ومتهتكة العُرى لان الإدارة فيها تريد أن تبني المجتمع وفق مزاجها الشخصي .
سيداتي و سادتي ادعوكم وادعوا نفسي بالاستعداد لحضور استقلال شعب قرر أن ينال فرصته في حياة كريمة يتفاعل فيها مع كافة العالم .
سيداتي سادتي ما يعنيني حقاً هو أن هذا هو اختيار هذا الشعب بعد أن تعب سنين طويلة في توضيح وجهة نظره في إدارة البلاد ووصل أخر الأمر أنه يمكنه توصيل وجهة نظره هذه بأن يمنحنا نحن اهل الشمال الفرصة في متابعة ومشاهدته تجربتهم الجديدة كدولة جديدة تتجه صوب الحياة فربما وجهة نظرهم هذه تغرينا بأن نغير ما بأنفسنا .

أخوتي أبناء جنوب السودان سعيد لاجلكم إن اعلنتم استقلالكم من هذا الجنون وكم كنت أتمني لو أنني في طفولتي قد اتقنت لباس إي زي من ازيائكم او اني تعلمت في تلك الطفولة إي رقصة من رقصاتكم لكنت لبستها ورقصتها فرحاً بهذا اليوم ولكني أعزي نفسي فقد تعلمت و أنا أجاوب المعضلات من الاسئلة الوجودية في هذا الوطن المستحيل بأني تعلمت ماهو الحق و أنا سعيد بحقكم في الاستقلال فالف الف مبروك هذا الطريق وسنتعلم منه ايضاً نحن الكثير فشكراً لانكم ايضاً تعلموننا .

اخوكم
سفيان بشير نابرى.

سفيان سلام يا صاحب اتمنى ان يكون هذا البوست
فكرة عن معاناة شعب عانى الويلات والظلم بكل مراحله
شعبا كان لديه رغبة عميقة من اجل الوحدة والسلام شعب
قدم الكثير من اجل يبقى الوضع كما هو عليه؟

انا يا سفيان درست المتوسط والثانوى فى بحر الغزال
تحديدا المتوسطة فى اويل والثانوى فى بسرى بواو

رغم صعوبة ذلك سحاول الكتابة عن تلك الايام المدهشة!!
والوالد موظف سكة حديد . ابعد لاؤيل لانه شيوعى ؟
حمد الله لان الوالد شيوعى طبعا ؟


تخريمة ثم عودة !!!

انت عارف يا سفيان السجن فى اويل كان مفتوح ؟
الغالبية العظمى من السجناء بسبب مشاكل اجتماعية
وخلاف حول سداد المهر ؟ يعرف بالارواك
يعنى فى اويل دى لو فى زول سرق .المعنى عند الدينكا
واحد.. الزول .بكون سافر الشمال ؟
درست فى مدرسة عدد الطلبة حوالى ستمائة طالب !!
وترشحت واصبحت عضو اتحاد وعدد مايعرف بالشمالين
سبعة طلبة.لان شمال يعنى شرق وغرب وشمال ؟


واذكر اضرابنا عن الطعام لسوء الاكل فتشكلت لجنة
من الاتحاد لمقابلة المحافظ لا اذكر اسمه . ولكن اذكر
قائد الكتيبة 110 فى اويل البينو اكول اكول والقاضى
المقيم اتك . والسلطان اتوير ؟
اجتمعو معنا فى داخلية المدرسة ..ولمن يعرف اويل
فالمدرسة حينها شمال سوق اويل وغرب المركز ؟


حتما لى عودة

لهم النصر ودولتهم الفتية وللنظام لعنة الموتى
ودارفور تسير فى نفس الحق . لتعنت النظام

الاخ سفيان
رمضان كريم
نفهم من كدا انك انفصالي ؟

والله يا سفاسيفوا ح نبقي قديمين جِنِس قُدُم
يقولوا ليك دة من زمن إستقلال الجنوب!


انا متضامن معاك بشكل شخصي وخاص جداً


يا رييييييييييييييت

الاخ المكاشفى
النظام يسوق للانفصال منذ
انقلابه . من خلال عنصرية
خطابه ؟

بالمقابل هل انت وحدوى يا ود الشيخ ؟

Quote: سفيان سلام يا صاحب اتمنى ان يكون هذا البوست فكرة عن معاناة شعب عانى الويلات والظلم بكل مراحله شعبا كان لديه رغبة عميقة من اجل الوحدة والسلام شعب قدم الكثير من اجل يبقى الوضع كما هو عليه؟ انا يا سفيان درست المتوسط والثانوى فى بحر الغزال تحديدا المتوسطة فى اويل والثانوى فى بسرى بواو رغم صعوبة ذلك سحاول الكتابة عن تلك الايام المدهشة!! والوالد موظف سكة حديد . ابعد لاؤيل لانه شيوعى ؟ حمد الله لان الوالد شيوعى طبعا ؟ تخريمة ثم عودة !!! انت عارف يا سفيان السجن فى اويل كان مفتوح ؟ الغالبية العظمى من السجناء بسبب مشاكل اجتماعية وخلاف حول سداد المهر ؟ يعرف بالارواك يعنى فى اويل دى لو فى زول سرق .المعنى عند الدينكا واحد.. الزول .بكون سافر الشمال ؟ درست فى مدرسة عدد الطلبة حوالى ستمائة طالب !! وترشحت واصبحت عضو اتحاد واذكر اضرابنا عن الطعام لسوء الاكل فتشكلت لجنة من الاتحاد لمقابلة المحافظ لا اذكر اسمه . ولكن اذكر قائد الكتيبة 110 فى اويل البينو اكول اكول والقاضى المقيم اتك . والسلطان اتوير ؟ اجتمعو معنا فى داخلية المدرسة ..ولمن يغرف اويل فالمدرسة حينها شمال سوق اويل وغرب المركز ؟ حتما لى عودة لهم النصر ودولتهم الفتية وللنظام لعنة الموتى

الصاحب والصديق معاوية
أنت محظوظ بحياتك تلك
يا معاوية اكتب هنا ما عنى لك فأنت تعلم معنى الفرح بعد الظلم .

Quote: الاخ سفيان رمضان كريم نفهم من كدا انك انفصالي ؟

الأخ المكاشفي
الله اكرم
أنا سعيد إذا قرر اهل الجنوب الاستقلال
لان الدولة الموحد بهذا الشكل منذ 56
لا تمثلهم في شي ولا يجدون أنها تعبر عنهم
وهذا ما يقولونه وهو بالفعل ما يحدث .

يا أخي العزيز أنت رجل متعلم وتحلل الاخبار
بشكل جيد و أنا اتابع ما تكتبه بشكل راتب
و اظنك تعلم من هم الانفصاليون ، الانفصاليون
هم الذين يحرصون أن يكون هذا الوطن وفق مذاجهم .

تحياتي لكم .

Quote: والله يا سفاسيفوا ح نبقي قديمين جِنِس قُدُم يقولوا ليك دة من زمن إستقلال الجنوب! انا متضامن معاك بشكل شخصي وخاص جداً يا رييييييييييييييت

حبيب نورا يا صاحبي كيفك؟

قلته لي قديمين لووووول
عموماً أنا سعيد باي قرار
يخرجه شعب جنوب السودان
بكامل حريتهم وارادتهم .

النظام و البيع المباشر لجنوب الوطن
الانفصال المر ؟
تبا لكم تجار البيع المباشر؟
فهمك البترول جنوبا وليس ضحايا حربكم الضروس ؟



سنعود يا سفيان ..ليتنى كنت حضور ذلك الفرح الابنوسى

نعم اخي سفيان ابصم بالعشرة علي كلامك
الواحد حزين لانفصال الجنوب
و في نفس الوقت سعيد لاستقلالهم

كتير من الشماليين ( ما عدا الكيزان ) يفكرون عاطفيا و يدعون الي الوحدة

بس اي شمالي ما طامع في خيرات الجنوب مفروض يفكر في مصلحة الجنوبيين و يدعم استقلالهم


و بعد الاستقلال و ذهاب الكيزان ندعم وحدة علي اساس الكونفدرالية

.

كامل الاتفاق يا سفيان

امنياتي للجنوبيين بوطن يستحقهم ويستحقونه ...

Quote: امنياتي للجنوبيين بوطن يستحقهم ويستحقونه ...

تحياتي يا دكتور ومشتاقين

Quote: كتير من الشماليين ( ما عدا الكيزان ) يفكرون عاطفيا و يدعون الي الوحدة بس اي شمالي ما طامع في خيرات الجنوب مفروض يفكر في مصلحة الجنوبيين و يدعم استقلالهم و بعد الاستقلال و ذهاب الكيزان ندعم وحدة علي اساس الكونفدرالية

نبيلو يا راجل وينك ياخ !!! ليك وحشه وسنتك سعيدة .

اتفق معك مية المية في كل ما كتبته .

وواصل يا صاحب واصل .

Quote: النظام و البيع المباشر لجنوب الوطن الانفصال المر ؟ تبا لكم تجار البيع المباشر؟ فهمك البترول جنوبا وليس ضحايا حربكم الضروس ؟ سنعود يا سفيان ..ليتنى كنت حضور ذلك الفرح الابنوسى

سنحضر هذا الفرح صدقني يا صديقي .
تعرف يا معاوية لي زمن بفكر في كلمة انفصال دي وشايفه غلط جداً
لانو البيقولوا الكلمة دي هم اهل الشمال الجغرافي وليس الجنوب
الجغرافي وبيدور في رأسي :- طيب بتكون منطقية انها انفصال لو
كانت الحقوق والواجبات والعدالة والتنمية واحدة وعادلة لكن
ده ما حاصل مع تهميش كااامل وعدم اعترف وعدم احترام فبيكون
انفصال كيف !!!؟
هذا ما يدور بخلدي فرائك شنو ؟!.

جنة بحر الغزال
اويل ونائمليل وراجا ومريل باى ووةديل
والله سفيان الحتات دى لو عايز تضرب
ليك زول فى راسو الا منقة ولا انناس ولا
باباى او قشطة
طوب مافى ... ماعارف ناس المريخ
لو لعبو هناك بسو شنو ؟ ههههه

Quote: جنة بحر الغزال اويل ونائمليل وراجا ومريل باى ووةديل والله سفيان الحتات دى لو عايز تضرب ليك زول فى راسو الا منقة ولا انناس ولا باباى او قشطة طوب مافى ... ماعارف ناس المريخ لو لعبو هناك بسو شنو ؟ ههههه

سنعرفها في المستقبل بعد استقلا الجنوب
وبعد ان يخوط الشمال صراعه الحقيقي من
اجل دولة غير هذه الدولة حينها ستتحقق
دولة الحقوق والواجبات وتعود الدولة
واحدة وبشروط المدنية التي لا ظلم فيها .

و ابتداء العد التنازلي
للاحتفاء باستقلال الجنوب
وربما يكون هو اول استقلال
لمجموع ثلاث دول اخري في
المستقبل .
ولا عزاء ولا وحدويين بمفاهيم
الوحدة التي كانت فيها مايسمى
بالدولة السودانية .

انتصاراً لفرحة شعب
واستعداداً لنضال قادم
لنا بقوة .
نرفع البوست .

سفيان سلام

دخلت لبوستك ومتوقعه بانك تقول بانك ستحرص على حضور الاستقلال بجوبا!!

وقلته كدي النمشي نشوف كيف التنسيق معاك لهذه المناسبه.

فعلا لم نحضر اي استقلال واولى ان نحضر استقلال الجنوبين

عن دولة الظلم هذه.

كدي فكر لينا فيها وتعال نشوف كيف ممكن نمشي لجوبا

نحضر الاستقلال معاهم.

سفيان

انا لازمني كبك جديد ...

بقدر ألحق السوق؟؟؟

شكرا سفيان نابري
معك نحيهم ونتمني لهم الرفاهيه والاستقرار

أخى سفيان
أنا اعلنت تأييدى لإستقلال جنوب السودان منذ مدة فقد دفعوا مهرا غليظا للإستقلال وليس الإنفصال... الأصل لا ينفصل عن الفرع وأهل الجنوب هم أصل السودان... الشمال الذى يسيطر عليه الجلابة والإسلاميين والعروبيين هو الذى سينفصل عن الأصل ... سنحتفل مع اهلنا فى الجنوب بالإستقلال ونطالب بجنسية جنوب السودان فنحن لا نعترف بدولة الهوس الدينى التى اعتبرتهم مواطنين درجة ثانية...

نورالدين منان

Quote: سفيان سلام دخلت لبوستك ومتوقعه بانك تقول بانك ستحرص على حضور الاستقلال بجوبا!! وقلته كدي النمشي نشوف كيف التنسيق معاك لهذه المناسبه. فعلا لم نحضر اي استقلال واولى ان نحضر استقلال الجنوبين عن دولة الظلم هذه. كدي فكر لينا فيها وتعال نشوف كيف ممكن نمشي لجوبا نحضر الاستقلال معاهم.

سلام يا تراجي وتحياتي
بالطبع ساحرص ان احضر استقلال دولة الجنوب وسافرح بفرحهم بقوة
لحدي هسي يا تراجي نحنا مجموعة كبيرة جداً من الشباب بننسق اننا
نذهب لهذه الاحتفالات (التنسيق فيما بيننا وبعد ذلك سنخاطب حكومة
الجنوب بطلبنا هذا) لكن في ذات الوقت بشكل شخصي لي اخوة اصدقاء
قادة في الحركة الشعبية ولي أخ صديق وزير بحكومة الجنوب ويمكنني
ان اطلب منهم مساعدتنا لحضور هذه الاحتفالات .
وياريت اليوم داك نتلاقي هناك .

Quote: انا لازمني كبك جديد ... بقدر ألحق السوق؟؟؟

بي كبك او دونه
ياريت يا المسافر
تحضر هذه الاحتفالات
لانو بيكون بالحق اول مرة
في عمرنا نحضر استقلال حقيقي.

Quote: معك نحيهم ونتمني لهم الرفاهيه والاستقرار

شكرا يا ماما دوما .

Quote: أنا اعلنت تأييدى لإستقلال جنوب السودان منذ مدة فقد دفعوا مهرا غليظا للإستقلال وليس الإنفصال... الأصل لا ينفصل عن الفرع وأهل الجنوب هم أصل السودان... الشمال الذى يسيطر عليه الجلابة والإسلاميين والعروبيين هو الذى سينفصل عن الأصل ... سنحتفل مع اهلنا فى الجنوب بالإستقلال ونطالب بجنسية جنوب السودان فنحن لا نعترف بدولة الهوس الدينى التى اعتبرتهم مواطنين درجة ثانية... نورالدين منان

شكراً يا صديقي نور الدين
ظل الجنوبيين وعبر التاريخ يدافعون عن وحدة السودان لكن ظلت المؤسسة السياسية والعسكرية السودانية تفعل عكس ذلك
هذه الامراض التي تسكن في هذه المؤسسات يجب أن تعرف الان نفسها وتواجه مصيرها ويجب علي كل من يفتكر نفسه ديمقراطي
من شمال السودان أن يقود صراعه مع هذا العقل والمؤسسات المريضة بعيداً عن جنوب السودان .
شكراً لكم جميعاً .