Post: #1
Title: الغناء في امدرمان ولا في بحري ولا في الخرطوم
Author: Mutwali Malik
Date: 08-19-2010, 03:07 AM
كدي نعمل مقارنة قديما وحديثا شعراء وفنانين كبار وشباب ونشوف الكفة حاترجح لوين
الليلة وين ياعيني بيتكم بي وين ياعيني ..... عباسية.
|
Post: #2
Title: Re: الغناء في امدرمان ولا في بحري ولا في الخرطوم
Author: yasir tamtam
Date: 08-19-2010, 09:40 AM
Parent: #1
سلام متولي تحية عطرة
بالله دا كلام إنت داير تعمل نفسيات
للجماعة ، نحن ناس أم درمان حا نقيف عن
التصويت في الموضوع دا لمن ناس قريعتي
راحت يلملمو شملهم يمكن يمكن يعملو 2%
و أنا حا أكون حكم معاك و بعد ما ينتهو
بطلع ليك جراب الحاوي الفيه حكاوي و غناوي
لك الود
|
Post: #3
Title: Re: الغناء في امدرمان ولا في بحري ولا في الخرطوم
Author: أحمد ابن عوف
Date: 08-19-2010, 09:49 AM
Parent: #2
سعادة الزميل متولي مالك
تحياتي
شنو ياخي من بوستي داك وعيييك
ان شاء الله طيب
الغناء طبعا في الخرطوم، وممكن بحري لكن قطعا مافي امدرمان
|
Post: #4
Title: Re: الغناء في امدرمان ولا في بحري ولا في الخرطوم
Author: Elhadi
Date: 08-19-2010, 10:18 AM
Parent: #3
كنظرة عامة كده أنا أقول ليك ..
بحري وأمدرمان كفر ووتر
ناس الخرطوم ما عندهم حاجة بالمقارنة مع بحري وأمدرمان
بحري تتفوق بالنوعية والجودة إذا فنانين ولا لعيبة كورة
وأمدرمان بالكترة ..
والخرطوم في المركز التالت في كل الأحوال
|
Post: #5
Title: Re: الغناء في امدرمان ولا في بحري ولا في الخرطوم
Author: أحمد ابن عوف
Date: 08-19-2010, 10:46 AM
Parent: #4
الغناء في امدرمان كان ممنوع
اسألوا المهدية
فكيف يكون عندهم غناء، يجيبوهو من وين؟؟
|
Post: #6
Title: Re: الغناء في امدرمان ولا في بحري ولا في الخرطوم
Author: هاجر التهامي ياسين
Date: 08-19-2010, 10:57 AM
Parent: #5
| Quote: فكيف يكون عندهم غناء، يجيبوهو من وين؟؟ |
اخونا احمد بن عوف كيفك شكل رمضان عامل فيك عمايله
ماعهدتك بهذه النرجسية وماعهدتك بان جرابك خاوي
فهل انت تمزح ام ماذا ؟؟
الغناء والشعر خرج من امدرمان فهى الجذور الراسخة في الارض
ياتمتام عليك الله شوية ما كتير بس شوية من تاريخ ام درمان الفني
مع ودي
هاجر
|
Post: #8
Title: Re: الغناء في امدرمان ولا في بحري ولا في الخرطوم
Author: عصام علي أحمد
Date: 08-19-2010, 11:08 AM
Parent: #6
Quote: الغناء في امدرمان كان ممنوع
اسألوا المهدية
فكيف يكون عندهم غناء، يجيبوهو من وين؟؟ |
وكانت ام درمان معسكر جيش المهدى شن عرفهم بالغنا
تسلم يا احمد
|
Post: #9
Title: Re: الغناء في امدرمان ولا في بحري ولا في الخرطوم
Author: أحمد ابن عوف
Date: 08-19-2010, 11:09 AM
Parent: #6
اختنا هاجر
تحياتي
| Quote: فهل انت تمزح ام ماذا ؟؟ |
طبعا، ناس امدرمان ديل احبابنا، وما ممكن نغلط عليهم، لكن كل حاجة براها
البيئة بتاعت الغناء السليمة كانت مفقودة في امدرمان، ما تسمعي قصص كنا قاعدين
مع عتيق ومن هناك مشينا ما بعرف للبنا وبالصدفة لقينا كرومه وللا سرور
ديل مانوا بتلدبدوا بالحيط، وما بغنوا الا بالليل شديد، ولو ادوهم عشاء يكون
كويس، الا فالعدم.
اما عن الكورة فحدث و لا حرج، كان اسمهم الصعاليك، اي زول بلعب كورة في امدرمان
كان اسمه صعلوك
اها، في بيئة زي، دايرة الفن او الكورة تتطور كيف؟؟
عكس ما كان في الخرطوم تماما
احترام ووجاهة لاصحاب الكلمة والوتر والكفر
|
Post: #82
Title: Re: الغناء في امدرمان ولا في بحري ولا في الخرطوم
Author: yasir tamtam
Date: 08-24-2010, 02:54 AM
Parent: #9
ههههههههههههه خليك من أي حاجة يا أحمد يا أخوي
كدي ورينا إنت زاتو من وين بلدك وجنسك
شنو ؟ علشان نوريك الغنا عندكم بدأ كيف وكان
متين و هل انتم عندكم دور في خارطة الغنا السوداني
ولا خايضين سااااااااااااااااكت بس
و كلمة الصياع كانت للفنانين و ليس لعيبة الكورة
و لكن برغم لك الود
|
Post: #7
Title: Re: الغناء في امدرمان ولا في بحري ولا في الخرطوم
Author: Elhadi
Date: 08-19-2010, 11:08 AM
Parent: #4
وحتى في بحري اعتقد أنه يمكن تخصيص مناطق بعينها أكثر تميزاً من غيرها بحيوية سكانها وشبابها
وسط بحري أو بحري القديمة بمعظم الأحياء الموجودة فيها والأحياء المجاورة لها والقريبة منها ..
ديل ناس الكفر والوتر الجد جد .. إن لم تكن بلية الإنقاذ قد فعلت فعلها في تغيير التركيبة السكانية والإبداعية لهذه المناطق
|
Post: #10
Title: Re: الغناء في امدرمان ولا في بحري ولا في الخرطوم
Author: بكري عباس علي
Date: 08-19-2010, 01:01 PM
Parent: #7
بحري سر الهوي
بحري كابلي
بحري ود الامين
بحري ابوداوؤد
بحري ابن البادية
بحري محمد ميرغني
بحري السني الضوي
بحري محمود
بحري فرفور
وعيييييييييييييك
في مقولة بتقول ( السكن بحري والشغل الخرطوم والفارغة في امدرمان )
ورمضان كريم
|
Post: #11
Title: Re: الغناء في امدرمان ولا في بحري ولا في الخرطوم
Author: عبد الرازق سعيد
Date: 08-19-2010, 01:18 PM
Parent: #7
Quote: بحري وأمدرمان كفر ووتر
بحري تتفوق بالنوعية والجودة إذا فنانين ولا لعيبة كورة
|
متولي
رمضان كريم وربنا يتقبل صيامكم وقيامكم
الغناء في أمدرمان زي التعدين العشوائي أي واحد يحفظ إغنيتين ثلاثة ويعمل فيها فنان ويتطلع للشهرة والظهور الإعلامي في الإذاعة والتلفزيون مستغلين وجود هذين الجهازين في مدينة أمدرمان
من غير المعقول أن يكون في أمدرمان لوحدها مئات من المطربين أغلبهم لا علاقة لهم بالفن والطرب لا من قريب أو بعيد ...
يظهر أنكم مجاملين للحد البعيد وهذا في حد ذاته مشكلة !!
ياسر تمتام
الحكاية ليست بالكمية والعدد القصة بالتميز والجودة والنوعية ذي ما قال أخونا الهادي
|
Post: #12
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-19-2010, 01:50 PM
Parent: #11
الحبيب ياسر تمتام
Quote:
سلام متولي تحية عطرة
بالله دا كلام إنت داير تعمل نفسيات
للجماعة ، نحن ناس أم درمان حا نقيف عن
التصويت في الموضوع دا لمن ناس قريعتي
راحت يلملمو شملهم يمكن يمكن يعملو 2%
و أنا حا أكون حكم معاك و بعد ما ينتهو
بطلع ليك جراب الحاوي الفيه حكاوي و غناوي
لك الود |
شوف ام درمان عمرها كم وبحري عمرها كم وبعدين اعمل مقارنة
و اقول ليك شيء اغاني الحقيبة نحن اول من غناها (عبد الله الفكي ) من منطقة كبوشية
صحيح عندكم الكثافة لكن نحن عندنا الجودة
افضل فنانين الشباب من بحري (محمود وفرفور )
امسك ناس امدرمان (وليد زاكي عاصم البنا ونادر خضر ) ديل عندنا زيهم شموس واسرار وطه سليمان ودرماس
المشكلة عندكم الاذاعة وماعندكم فنانين
عندكم هلال ومريخ وما عندكم كورة وحتى كباتنها ( هيثم مصطفى والعجب )
---------------------------
متولي رمضان كريم
|
Post: #13
Title: Re: الغناء في امدرمان ولا في بحري ولا في الخرطوم
Author: Galaleldin Abdalla
Date: 08-19-2010, 04:58 PM
Parent: #12
Ya Willy
Its at WOLFTRAP In Virginia
Regards
|
Post: #14
Title: Re: الغناء في امدرمان ولا في بحري ولا في الخرطوم
Author: عبد الرحمن حمد النيل
Date: 08-19-2010, 05:39 PM
Parent: #13
يااخوانا رمضان كريم
خليل فرح
حسن عطية
عبدالحميد يوسف
عثمان حسين
محمد وردي
الموصلي
خرطوم عموم
ان عدتم عدنا
|
Post: #15
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-20-2010, 02:39 AM
Parent: #14
ياسر تمتام
| Quote: بطلع ليك جراب الحاوي الفيه حكاوي و غناوي |
عفارم عليك يافنان وفعلا دا الغرض من فتح هذا الموضوع كل ناس منطقة يفرشو لينا بضاعتهم مع الامثلة لذلك ونشوف الكفة حاترجح لي وين.
تابعونا
|
Post: #17
Title: Re: الغناء في امدرمان ولا في بحري ولا في الخرطوم
Author: عثمان نواي
Date: 08-20-2010, 03:55 AM
Parent: #15
بحري وبس
عثمان نواي
|
Post: #16
Title: Re: الغناء في امدرمان ولا في بحري ولا في الخرطوم
Author: Elmosley
Date: 08-20-2010, 03:52 AM
Parent: #14
Quote: يااخوانا رمضان كريم
خليل فرح
حسن عطية
عبدالحميد يوسف
عثمان حسين
محمد وردي
الموصلي
خرطوم عموم
ان عدتم عدنا |
معقول ياعبد الرحمن ياخ تنسي
سيد خليفه العالمي
والنقيب احمد المصطفي
والعميد مصطفي سيد احمد
ولا رمضان زايد
وابراهيم ادريس (ود المقرن)
خليك مع الزمن ياخ
======
هيع وينو تمتام ده
|
Post: #18
Title: Re: الغناء في امدرمان ولا في بحري ولا في الخرطوم
Author: Elmosley
Date: 08-20-2010, 03:59 AM
Parent: #16
Quote: يااخوانا رمضان كريم
خليل فرح
حسن عطية
عبدالحميد يوسف
عثمان حسين
محمد وردي
الموصلي
خرطوم عموم
ان عدتم عدنا |
عثمان مصطفي
محمد عجاج
حسن عجاج
عبد المنعم الخالدي
حنان النيل
امال النور
====
وان عدتم عدنا
هييع وينو تمتام ده
|
Post: #19
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-20-2010, 05:27 AM
Parent: #18
الاخ وليد
تحياتي
| Quote: عبد الله الفكي من منطقة كبوشية |
الصحيح عبدالله الماحي
وهو صاحب اول اغنية تم تقديمها فى برنامج حقيبة الفن
اغنية "انا ما معيون" للشاعر سيد عبد العزيز
و قد لحنها كرومة و غناها الفنان عبد الله الماحى 1954
احترامي
|
Post: #20
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-20-2010, 05:32 AM
Parent: #19
ووجدت هذه المعلومة من خلال القوقلة:
يقول المؤرخ الراحل حسن نجيلة:
"ان تاريخ فن الغناء فى السودان فى مبتداه لا يعترف الا بالشعراء المجددين الثلاثة ابراهيم العبادى بامدرمان و خليل فرح بمدينة الخرطوم و صالح عبد السيد بمدينة الخرطوم بحرى و ذلك قبل ان ينتقل الى مدينة امدرمان و على نفس القياس فقد كان الشاعر مصطفى بطران من مدينة الخلرطوم بحرى و كان الشاعر عبد المطلب حدباى من حلفاية الملوك و ان عاش فترة من عمره بمدينة الخرطوم مع صديقه خليل فرح كما عاش فترة من عمره بمدينة الابيض. لا نستطيع ان نصف اغنية الحقيبة بانها اغنية امدرمان الا اذا اتخذنا مدينة امدرمان رمزا لكل السودان، و معلوم ان شاعر الحقيبة محمد ود الرضى من قرية ام ضوا بان بشرق النيل و ان الشاعر احمد محمد الشيخ الجاغريو كان من قرية العيلفون بشرق النيل و ان الشاعر على المساح من مدينة ود مدنى و ان الشاعرين سيد عبد العزيز و محمد على عبد الله (الأمى) و ان كانا من مدينة امدرمان الا انهم قضيا جانبا ثريا من حياتهما بمدينة الابيض و حتى فنانى الحقيبة فاننا نستطيع ان نقول ان جذور بعضهم تمتد بعيدا عن مدينة امدرمان
واكيد ساعود لاني خرطومي الهوى والنشاة !!
|
Post: #21
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-20-2010, 05:36 AM
Parent: #20
الفنان عبدالله الماحي
من منطقة البجراوية/ كبوشية
رحمه الله بقدر ما اعطى لرسالة الفن
|
Post: #22
Title: Re: الغناء في امدرمان ولا في بحري ولا في الخرطوم
Author: ايمان بدر الدين
Date: 08-20-2010, 05:36 AM
Parent: #19
Quote: ]الغناء في امدرمان كان ممنوع
اسألوا المهدية
فكيف يكون عندهم غناء، يجيبوهو من وين؟؟ |
لما المهدية فتحت امدرمان وبقت عاصمة السودان الخرطوم وبحرى مافى يعنى ما موجودين بالمعنى بتاع المدن الكبيرة او المنتجة لذلك طبيعى ما حيكون فى فن يمنعوة
|
Post: #23
Title: Re: الغناء في امدرمان ولا في بحري ولا في الخرطوم
Author: صديق الموج
Date: 08-20-2010, 05:52 AM
Parent: #22
والله ماشاء الله استاذنا وموصلى وناس بحرى قربوا يعملوا 1% من ناس امدرمان
لكن والله منافسين خطرين...
وتكرما منا كناس امدرمان اضفنا اليكم باقى السودان،،،،
|
Post: #33
Title: Re: الغناء في امدرمان ولا في بحري ولا في الخرطوم
Author: Elmosley
Date: 08-20-2010, 11:25 AM
Parent: #23
الحبيب صديق
ياخي انت قايل الخرطوم هينه
بس ماتعد لي الشعرا
ديل حقينكم تب
|
Post: #24
Title: Re: الغناء في امدرمان ولا في بحري ولا في الخرطوم
Author: Elhadi
Date: 08-20-2010, 05:56 AM
Parent: #22
Quote: سيد خليفه العالمي
والنقيب احمد المصطفي |
دقيقة دقيقة يا الموصلي ما تأكلنا حنك ساي في رمضان ده
علاقة سيد خليفة وأحمد المصطفى بالخرطوم شنو ؟؟
فكلاهما خرجا من قرية الدبيبة وهي إحدى القرى التابعة لبحري
إلا إذا قاصد سيد خليفة وأحمد المصطفى تانين !!
|
Post: #25
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-20-2010, 06:13 AM
Parent: #24
احمد ابن عوف
رمضان كريم
| Quote: الغناء طبعا في الخرطوم، وممكن بحري لكن قطعا مافي امدرمان |
هات ماعندك لكي ترجح كفة الخرطوم يعني مثلا امير العود حسن عطية وكان يسكن حي باريس وانت نازل من كبري الحرية دا ممكن يديكم 10 نقاط.
بس قطعا دي بالغت فيها شوية.
لك كل الود
|
Post: #26
Title: Re: الغناء في امدرمان ولا في بحري ولا في الخرطوم
Author: Elhadi
Date: 08-20-2010, 06:35 AM
Parent: #24
Quote: بحري كابلي
بحري ود الامين
بحري ابوداوؤد
بحري ابن البادية
بحري محمد ميرغني
بحري السني الضوي
بحري محمود
بحري فرفور
|
وأضيف عندك كمان يا بكري :
خضر بشير ..
النور الجيلاني ..
شرحبيل أحمد ..
ثنائي العاصمة ( السني الضوي وأبو دية )
وزيدان إبراهيم "في مرحلة لاحقة"
وأسرار بابكر
وبشير عباس
ومن فناني القرى التابعة لبحري
مبارك حسن بركات
خلف الله حمد
تاني منو ؟؟
خلوني أتذكر وأجيكم ..
وقيقم بتاع الديوم وبتاع الإنقاذ .. ده لو أصلاً اعتبرناهو فنان يعني 
لكن بما انو انحنا بنتكلم عن النوعية والجودة وليس مجرد العدد فيمكن حذف قيقم وإضافته إلى أي من أمدرمان أو الخرطوم :)
|
Post: #27
Title: Re: الغناء في امدرمان ولا في بحري ولا في الخرطوم
Author: Elhadi
Date: 08-20-2010, 06:43 AM
Parent: #26
نسيت المرحوم خوجلي عثمان ..
أضيفوهو بدل مقطوع الطاري قيقم للستة الفوق دي
|
Post: #28
Title: Re: الغناء في امدرمان ولا في بحري ولا في الخرطوم
Author: Kostawi
Date: 08-20-2010, 06:57 AM
Parent: #27
أم در
فن و سياسة و كورة و كلو
ما عداها هامش ساكت
أم در يا بلد....
|
Post: #29
Title: Re: الغناء في امدرمان ولا في بحري ولا في الخرطوم
Author: تيسير عووضة
Date: 08-20-2010, 07:50 AM
Parent: #28
Quote: خليل فرح
حسن عطية
عبدالحميد يوسف
عثمان حسين
محمد وردي
الموصلي |
Quote: سيد خليفه العالمي
والنقيب احمد المصطفي
والعميد مصطفي سيد احمد
ولا رمضان زايد
وابراهيم ادريس (ود المقرن) |
Quote: عثمان مصطفي
محمد عجاج
حسن عجاج
عبد المنعم الخالدي
حنان النيل
امال النور |
خرتوم عموم
خرتوم الأفندية
|
Post: #30
Title: Re: الغناء في امدرمان ولا في بحري ولا في الخرطوم
Author: صديق الموج
Date: 08-20-2010, 09:35 AM
Parent: #29
هسه تحسبو كلكم يا دوب تميتو 30 هاكم انا براى قبال يجيكم ياسر تمتام
خليل فرح
العبادى
ابوصلاح
محمد عثمان بدرى
على محمود التنقارى
سيد عبد العزيز
عبيد عبد الرحمن الريح
الطاهر ابراهيم
ابراهيم الرشيد
سيف الدسوقى
عبد العزيز المامون
ميرغنى المامون
احمد حسن جمعه
عبد الرحمن الريح
الجابرى
ابراهيم عوض
عبد اللطيف خضر ود الحاوى
عمر احمد
رمضان حسن
التاج مصطفى
محمد احمد عوض
الكحلاوى
بادى
عوض الكريم عوض الله
محمود على الحاج
عوض الجاك
عبد الوهاب الصادق
فيصل الخير
صالح سعد
الامين على سليمان
عمر البنا
الفرجونى
الامين البنا
عاصم البنا
سعد البنا
امين البنا
مبارك البنا
ياسر تمتام
عتيق عبد الله العشوق
عبد الله محمد زين
حدباى
كرومه
سرور
زنقار
الفاضل احمد
ابراهيم عبد الجليل
التوم عبد الجليل
عطا كوكو
محمود عبد الكريم
عبد الله الحاج
احمد ابراهيم فلاح
محمود ابراهيم فلاح
العمرابى
عوض جبريل
ترباس
الطيب عبد الله
ديمترى البازار
الامين برهان
محمد عبد القادر تلودى
حسين شندى
خليل اسماعيل
ابوعركى البخيت
ابراهيم الكاشف
اسماعيل خورشيد
السر قدور
صلاح محمد عيسى
حواء الطقطاقه
عائشة الفلاتيه
فاطمه الحاج
منى الخير
هاديه طلسم
امال طلسم
حياة طلسم
عابده الشيخ
اسامه الشيخ
رحمة الله الشيخ
عبد الدافع عثمان
محجوب عثمان
صلاح مصطفى
محجوب شريف
هاشم صديق
خالد ابو الروس
حنان بولو بلو
نصرة
الرحمه ادم
عبد الله محمد
احمد الصادق
حسين الصادق
رشا شيخ الدين
محمد الفاتح صديق قميحه
محمود تاور
الصافى محمد احمد
شرحبيل احمد
على الشايقى
زينب محمود
خديجه محمد
الطيب مدثر
نادر خضر
عبد الوكيل
عبد الحى
حسن ابوكدوك
حسين ابوكدوك
ابوعبيده حسن
عبد الكريم ابوطالب
هاشم مرغنى
زيدان ابراهيم
عمر الشاعر
عادل التجانى
سيف الجامعه
عز الدين عبد الماجد
عبيد الطيب
عثمان المو
عوض احمد خليفه
صديق مدثر
صلاح احمد ابراهيم
عمر الدوش
محمد سعيد العباسى
الطيب العباسى
الطيب سمسم
الناصر قريب الله
سامى المغرب
نجم الدين الفاضل
عبد الله البعيو
برعى محمد دفع الله
صلاح احمد محمد صالح
انس العاقب
عبد الماجد خليفه
جمعه جابر
محمود طرنجه
عثمان الشفيع
اسماعيل حسب الدائم
حنان الصغيره
صلاح الضى
التجانى السيوفى
حسن الامين
توفيق صالح جبريل
الفاتح حمدتو
طه حمدتو
اها يا ياسر تمتام وباقى اولاد قلبا ديل 143 عربون منى
واصلو قشه ما تعتر ليكم،،،
|
Post: #40
Title: Re: الغناء في امدرمان ولا في بحري ولا في الخرطوم
Author: Al-Shaygi
Date: 08-20-2010, 03:00 PM
Parent: #30
Quote:
اها يا ياسر تمتام وباقى اولاد قلبا ديل 143 عربون منى
واصلو قشه ما تعتر ليكم،،،
|
والله عاد يا صديق الموج منو البغالطك؟؟
ترص ليك أسماء لا تعرفهم فنانين ولا شعرا ولا لعيبة كورة ولا مزيعين ،،،
أهم حاجة نسيتها كان عندي عماً لي عنده دكيكين في زقاق ضييييييييق جنوب سوق الشجرة بأبوروف ما لك ما جبت أسمه ؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #57
Title: Re: الغناء في امدرمان ولا في بحري ولا في الخرطوم
Author: khalid Elkhidir
Date: 08-22-2010, 05:58 AM
Parent: #30
رمضان كريم
ياخى المرحوم العباسى و إبنه الشاعر الطيب العباسى رحمه الله من السروراب. لكنك نسيت اهم رقم فى امدرمان د. محمد الواثق...!!! ام لانه كتب أمدرمان تحتضر..! لماذا عدم الحياد...!
القصيدة الأولى بعنوان أمدرمان تحتضر:
لا حبذا أنت يا أم درمان من بـلدٍ
أمطرتني نـكداً لا جادك المـطر
من صحن مسجدها حتى مشارفها
حط الخمول بها واستحكم الضجر
ولا أحب بلاداً لا ظلال لـــها
يظلها النيم والهجلــيج والعشر
ولا أحب رجالاً من جهالتـــهم
أمسي وأصبح فيهم آمنــاً زفر
أكلما قام فيهم شاعـــرٍ فطن
جم المقال نبيل القلــب مبتـكر
ضاقوا بهمته واستدبروا جـزعاً
صم القلوب وفي آذانهــم وقـر
أكلما غرست كفي لهم غرســاً
كانوا الجــراد فلا يبقي ولا يذر
المظهرون بياض الصبح خشيتهم
والمفسدون إذا ما صرح القمــر
قميص يوسف في كفي أليح به
فقميص يوسف لم يرجع لهم بصر
ولا أحب نساء إن سفرن فقد
تحجر الحسن والإشراق والخفر
من كل ماكرة في زي طاهرة
في ثوبها تستكن الحية الذكر
يا بعض أهلي سئمت العيش بينكم
وفي الرحيل لنا من دونكم وطر
********************
سألتك الله رب العرش في حرق
إني إبتأست وإني مسني الضرر
هل تبلغي حقول الرون ناجية
تطوي الفضاء ولا يلقى لها أثر
قرب الجبال جبال الألب دسكرة
قد خصها الريف , لا هم ولا كدر
تلقاك مونيك في أفيائها عرضا
غض الإهاب ووجه باغم نضر
من صبح غرتها حيك الضياء لنا
ومسك دارين من أردانها عطر
مونيك إني وما حج الحجيج له
لم يلهني عنكم صحو ولا سكر
وعهدك الغر في أغوار محتمل
إني لذاكره ما أورق الشجر
**************
كيف اللقاء وقد عز الرحيل وما
يثني عناني سوي ما خطه القدر
راحلتي , همتي لا تبتغي وطناً
لكن يقيدها الإشفاق والحذر
مونيك كانت لنا أم درمان مقبرة
فيها قبرت شبابي كالالي غبروا
إن الأنيس بها سطر أطالعه
قد بت أقرأه حتى عفا النظر
ثم اصطحبت كميتا أستلذ بها
وخلت في سكرتي أم درمان تحتضر
Re: ديوان أمدرمان تحتضر للشاعر الدكتور محمد الواثق
|
Post: #31
Title: Re: الغناء في امدرمان ولا في بحري ولا في الخرطوم
Author: Elmosley
Date: 08-20-2010, 11:14 AM
Parent: #29
Quote: Quote: خليل فرح
حسن عطية
عبدالحميد يوسف
عثمان حسين
محمد وردي
الموصلي
Quote: سيد خليفه العالمي
والنقيب احمد المصطفي
والعميد مصطفي سيد احمد
ولا رمضان زايد
وابراهيم ادريس (ود المقرن)
Quote: عثمان مصطفي
محمد عجاج
حسن عجاج
عبد المنعم الخالدي
حنان النيل
امال النور |
زكي عبد الكريم
اليمني
الهادي حامد ود الجبل
الجيلاني الواثق
هاشم حسن
فيصل الصحافه
جلال الصحافه
خالد محجوب
ولسه جاينكم
هيع
|
Post: #38
Title: Re: الغناء في امدرمان ولا في بحري ولا في الخرطوم
Author: Elmosley
Date: 08-20-2010, 02:43 PM
Parent: #28
Quote: أم در
فن و سياسة و كورة و كلو
ما عداها هامش ساكت
أم در يا بلد.... |
هوي ياكوستاوي هسع عبد الهادي الخاتيهو في بروفايلك ده
من وين ياخ
|
Post: #32
Title: Re: الغناء في امدرمان ولا في بحري ولا في الخرطوم
Author: Elmosley
Date: 08-20-2010, 11:21 AM
Parent: #24
Quote: : سيد خليفه العالمي
والنقيب احمد المصطفي
دقيقة دقيقة يا الموصلي ما تأكلنا حنك ساي في رمضان ده
علاقة سيد خليفة وأحمد المصطفى بالخرطوم شنو ؟؟
فكلاهما خرجا من قرية الدبيبة وهي إحدى القرى التابعة لبحري
إلا إذا قاصد سيد خليفة وأحمد المصطفى تانين !! |
خلاص عملتو الدبيبه اقليم لبحري يالهادي
الدبيبه بره لانو لو حسباناها كده مافي فنان حيكون من العاصمه المثلثه
كلنا اقاليم لكن نحن بنتكلم انو الزول عاش حياتو كفنان مؤثر وين
هسع ياناس بحري
ما قتو محمد الامين
الاستاذ ابو اللمين من مدني اصلا
المهم
البوست لذيذ
|
Post: #34
Title: Re: الغناء في امدرمان ولا في بحري ولا في الخرطوم
Author: تيسير عووضة
Date: 08-20-2010, 11:29 AM
Parent: #32
تغريد جبرة
حليمة الإنقاذ
حوا لستك*
* غالباً اللستك دا في "محطة سبعة" يعني برضو الخرتوم مش كدا يا أستاذ موصلي؟
ـــــ
ود الموج ما تخرخر ..
|
Post: #47
Title: Re: الغناء في امدرمان ولا في بحري ولا في الخرطوم
Author: Elmosley
Date: 08-21-2010, 03:26 PM
Parent: #34
Quote: تغريد جبرة
حليمة الإنقاذ
حوا لستك*
* غالباً اللستك دا في "محطة سبعة" يعني برضو الخرتوم مش كدا يا أستاذ موصلي؟ |
والله ديل ماعرفتهم ياتسير
انتو بتجيبو الاسامي دي من وين
خليكم في الكواليتي ها ها ها
سميره دنيا
حيدر حدربي
عباس تلودي
عماد الكاشف
اسماعيل حسن
ابراهيم الرشيد
سليمان ابو داؤود
عبد الماجد خليفه
بريس
عبد الفتاح الله جابو
علي الله جابو
عوض رحمه
محمد جعفر السر جعفر
حسن ري
حسن حامد
عثمان محي الدين
عبد الحليم عبد الوهاب
محمد طرمبه
عبد الله ابراهيم اميقو
|
Post: #35
Title: Re: الغناء في امدرمان ولا في بحري ولا في الخرطوم
Author: khaleel
Date: 08-20-2010, 11:31 AM
Parent: #32
لا الخرطوم ولا امدرمان ولا بحري
تغول عاصمي فقط
كل الفن اتي من الولايات كرومة خليل فرح كل العظماء من الولايات
ود القرشي ياتي من الابيض يرقص العاصمة كلها ويمشي
ابو الفن الحديث الكاشف جاء من مدني
كل العظماء من الولايات
ما عندكم حاجة يا ناس العاصمة
تغول تغول تغول
|
Post: #36
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-20-2010, 01:30 PM
Parent: #35
الاخ خالد العبيد .. تحياتي ورمضان كريم
Quote: الصحيح عبدالله الماحي
وهو صاحب اول اغنية تم تقديمها فى برنامج حقيبة الفن
اغنية "انا ما معيون" للشاعر سيد عبد العزيز
و قد لحنها كرومة و غناها الفنان عبد الله الماحى 1954
احترامي |
شكرا للتصحيح فعلا هو عبدالله الماحي وهذا ما اقصدة
ياخي ناس امدرمان ديل إلا نجيب ليهم موثق بحري (عماد ) والاستاذه نجلاء
ونملاهم توثيق ..
|
Post: #37
Title: Re: الغناء في امدرمان ولا في بحري ولا في الخرطوم
Author: محمد الطيب يوسف
Date: 08-20-2010, 02:23 PM
Parent: #36
قعلا يا خلي تغول ساكت
يعني هسي من الحسبوهم ديل بس
وردي
الكاشف
ابوعركي
مصطفي سيد احمد
ود الامين
سيف الجامعة
محمود عبد العزيز
ده من طلة سريغة بس
الناس دي كلهااقاليم
ومعظمهم مدني
التغول
التغول
التغول
|
Post: #39
Title: Re: الغناء في امدرمان ولا في بحري ولا في الخرطوم
Author: بكري عباس علي
Date: 08-20-2010, 02:56 PM
Parent: #35
عمنا صديق الموج رمضان كريم
شنو يا زول خامينا باللستة الطويلة بتاعتك دي ما خليت بتاع شاورما ولا كمساري ما جبتا اسمو
يا زول انحنا بنتكلم عن الغنا يعني الفنانين الفنانين يا عمك
|
Post: #41
Title: Re: الغناء في امدرمان ولا في بحري ولا في الخرطوم
Author: بكري عباس علي
Date: 08-20-2010, 03:03 PM
Parent: #39
وبعدين ماتخمنا ساي
عابدة الشيخ واخوها ديل من الحلفايا
عوض جبريل دا كان ساكن جنب مستشفي بحري
رشا شيخ الدين من هولندا ولا اسبانيا ما عارف
واكرر مقولة ( السكن بحري والشغل الخرطوم والفارغة في امدرمان )
|
Post: #42
Title: Re: الغناء في امدرمان ولا في بحري ولا في الخرطوم
Author: عبد الرحمن حمد النيل
Date: 08-20-2010, 04:22 PM
Parent: #41
Quote: معقول ياعبد الرحمن ياخ تنسي
سيد خليفه العالمي
والنقيب احمد المصطفي
والعميد مصطفي سيد احمد
ولا رمضان زايد
وابراهيم ادريس (ود المقرن)
خليك مع الزمن ياخ
======
هيع وينو تمتام ده |
انسي وين ياستاذ منتظرينهم لم يصلو
لابراهيم عوض
والتاج مصطفي
.
.
انت نسيت ود الديم رمضان حسن
والحكاية جابت ليها خرخرة
دايرين لينا لجنة تحكيم.
|
Post: #43
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-20-2010, 04:34 PM
Parent: #41
يابكري عباس
| Quote: واكرر مقولة ( السكن بحري والشغل الخرطوم والفارغة في امدرمان ) |
ياخي ناس امدرمان ديل يظهر بيسمعوا كلام حسين خوجلي
ياخي يكفي بحري كان فيها تراتيل ( الشيخ حمد وخوجلي )
وبطران
ود الرضي
الجاغريو
ياخي الناس ديل فهمهم وقول ليهم نحن بنتكلم عن الغناء الغنا( الوتر والكفر)
وعندنا الفنان يعادل ميه من فناني امدرمان
زمان ما قلنا عندهم الكثرة وعندنا الجودة
-------------------------
بحري سر الهوي .. وغير بحري مالي دواء
|
Post: #44
Title: Re: الغناء في امدرمان ولا في بحري ولا في الخرطوم
Author: عبد الرحمن حمد النيل
Date: 08-20-2010, 04:48 PM
Parent: #43
| Quote: ياخي ناس امدرمان ديل يظهر بيسمعوا كلام حسين خوجلي |
الله يفتح عليك ياوليد
وعشان كلامك دا ازكركم باولاد شمبات.
ونواصل في الخرطوم
مني الخير
علي ابراهيم اللحو
اولاد بري (من زمن الحقيبة)
محمد اسماعيل
محي الدين اركويت
|
Post: #45
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-21-2010, 02:42 PM
Parent: #44
بكري عباس
رمضان كريم
Quote: وبعدين ماتخمنا ساي
عابدة الشيخ واخوها ديل من الحلفايا |
دا دا دنق دا دي الموسيقي التصويرية قلت من وين ترتت تتا
صديقي اسامة الشيخ لك العتبي حتي ترضي والحلفايا مافيها كلام دا كسير تلج لي سيدالحوش بكري ابوبكر
|
Post: #46
Title: Re: الغناء في امدرمان ولا في بحري ولا في الخرطوم
Author: صديق الموج
Date: 08-21-2010, 02:51 PM
Parent: #45
Quote: عمنا صديق الموج رمضان كريم
شنو يا زول خامينا باللستة الطويلة بتاعتك دي ما خليت بتاع شاورما ولا كمساري ما جبتا اسمو
يا زول انحنا بنتكلم عن الغنا يعني الفنانين الفنانين يا عمك |
بكور يا حبوب وحات الشيخ حمد النيل ما كتبت فى هذه اللسته
غير شاعر او مغنى او ملحن وبس واى زول عندك فيه شك اكتبه هنا
ونوريك امه وابوه وبيتهم وغنى شنو؟
يازول الـ143 ديل عربون جاييكم بباقى اللسته
انت بس لووك الصبر،،،
|
Post: #48
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-21-2010, 03:49 PM
Parent: #46
عبد الرحمن
Quote: الله يفتح عليك ياوليد
وعشان كلامك دا ازكركم باولاد شمبات.
ونواصل في الخرطوم |
وعشان خاطرك انت كمان
الخرطوم بها (فنان افريقيا الاول )
|
Post: #49
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-21-2010, 09:36 PM
Parent: #48
ناس الخرطوم اتلومتو لوم مع ناس الديم في عدم ذكر الفنان الكبير احمد شاويش
بتذكرك وكت الكلام يصبح صعب والليل يودر في النعاس
وكت النجم يتلآلآ زي عقد بيضوي عليهو ماس
وللعلم شاعرة هذه الاغنية هي الاعلامية بت امدرمان المرحومة ليلي المغربي
|
Post: #50
Title: Re: الغناء في امدرمان ولا في بحري ولا في الخرطوم
Author: احمد محمد احمد عتيق
Date: 08-21-2010, 09:56 PM
Parent: #49
يا اخوي ...
لو شاهدت او سمعت ايوب فارس رحمة الله يغني في مزارع شمبات لما سالت هذا السؤال ...
عارف ناس امدرمان البحبو الغنا بيجو يقعدو في راس كبري شمبات ليستمعو للغنا المدور تحت الكبري ..
تقول لي شنو ...
|
Post: #51
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-21-2010, 10:36 PM
Parent: #50
اخي احمد محمد احمد عتيق
رمضان كريم
| Quote: لو شاهدت او سمعت ايوب فارس رحمة الله يغني في مزارع شمبات لما سالت هذا السؤال ... |
تعرف ايوب فارس دا انا عندي ليهو شريط بس عشان تعرف انحنا ناس امدر ديل متذوقة من الطراز الاول.
تخريمة
اسمك شكلو امدرماني
|
Post: #52
Title: Re: الغناء في امدرمان ولا في بحري ولا في الخرطوم
Author: Emad Ahmed
Date: 08-21-2010, 10:45 PM
Parent: #50
Quote: الاخ وليد
تحياتي
Quote: عبد الله الفكي من منطقة كبوشية
الصحيح عبدالله الماحي
وهو صاحب اول اغنية تم تقديمها فى برنامج حقيبة الفن
اغنية "انا ما معيون" للشاعر سيد عبد العزيز
و قد لحنها كرومة و غناها الفنان عبد الله الماحى 1954
احترامي |
الأخ خالد
تحياتي واخبارك مقطوعة بهناك ياحبيب
الأخ وليد قاصد محمد ودالفكي أول من قام بغناء
الحقيبة وهو من كبوشية .
|
Post: #53
Title: Re: الغناء في امدرمان ولا في بحري ولا في الخرطوم
Author: Emad Ahmed
Date: 08-21-2010, 11:51 PM
Parent: #52
جميعهم أثروا وشكلوا وجداننا فلهم منا أسمى آيات الشكر والعرفان
والأفضلية بلاجدال لامدرمان ثم ياتي بعد ذلك بحري والخرطوم بالتساوي
ودي لستة بحراوية قابلة للزيادة.
اسماعيل عبد المعين أول سوداني يدرس موسيقى .
عبد العزيز محمد داؤود أسطورة الصوت والطرب .
ود الرضي
مصطفى بطران
الجاغريو
أحمد المصطفى
سيد خليفة
خلف الله حمد
مبارك حسن بركات
خضر بشير
صلاح بن البادية
النور الجيلاني
الكروان أيوب فارس
محمد ميرغني
السني الضوي
ابراهيم أبودية
محمد الأمين
بشير عباس
أسماء حمزة بشير
عوض محمود
عوض حسن أحمد شاعر أغنيات فينوس وصغيرتي لعبد العزيز محمد داؤود .
السر عبد الله أول عازف كمان بالسودان سكن حي الدناقلة جنوب ببحري ردحا من الزمان .
صاوي عبد الكافي ( شاعر أغنيات أمير الحسن لوردي والمنديل لسيد خليفة وكثر غيرهم )
الموسيقار أحمد مرجان ملحن النشيد الوطني نحن جند الله سكن حي الدناقلة جنوب فترة من الزمان ثم سكن في فترة لاحقة بحي الضباط امدرمان ولا تزال أسرته تقيم بحي الدناقلة جنوب ببحري .
عوض شمبات .
إبراهيم شمبات .
عبد الوهاب هلاوي
محمد احمد سوركتي
سعد الدين ابراهيم
محمد عبد القادر أبو شورة
محمد الحسن سالم حميد
أبو ذر الغفاري .
عز الدين هلالي .
علاء الدين أحمد علي ملحن أغنية أه يامولاي من غلبي
سليمان زين العابدين
محمود عبد العزيز
جمال فرفور
هشام درماس
عماد أحمد الطيب
الجيلي الشيخ
أسراربابكر
طلال حلفا
أمير حلفا
مسعود فائز
إدريس جماع
الهادي أدم
عبد العظيم حركة
الشاعر والملحن أحمد حميد صاحب أغنيات أسير الغرام ولاموني لابن البادية وغيرهم كثر .
الشاعر سعد قسم الله : صاحب أغنيات قلبي دقة وحبيب العمر لشرحبيل أحمد .
زيدان ابراهيم : يسكن الحاج لاكثر من عشر سنوات
عبد الرحمن بلاص
بدر الدين عوض
منال بدر الدين
خوجلي عثمان
شموس
الدكتور حسبو سليمان شاعر أغنية ماكنت بفتكر الجميل لسيد خليفة
محمد بشير عتيق تعود جذور أسرته ببحري (الكدرو)
عوض بابكر
الزين عباس عمارة شاعر أغنيات من زمان ( عودة قلب ) لأبو اؤود وسامحني للجابري واوعديني ووتر مشدود لعثمان حسين .
الشاعر فضل الله محمد صاحب أغنيات زاد الشجون وزورق الالحان والموعد وبعد الشر عليك لمحمد الامين و حنتوب الجميلة لمحمد مسكين ووعد والماضي والحاضر لابوعركي البخيت.
عائشة الفلاتية سكنت حلة خوجلي فترة من الزمان في شارع القبة جوار منزل الشاعر أبو شورة إضافة لشرحبيل أحمد وابو عركي البخيت سكنا ايضا بحري .
أبو آمنة حامد .
مهدي فرح تغنى له الكابلي بأغنية ياحليلكم .
حبيب حاج الحسن تغنى له خضر بشير واسماعيل عبد المعين بعدة أغنيات .
علي شبيكة .
|
Post: #54
Title: Re: الغناء في امدرمان ولا في بحري ولا في الخرطوم
Author: Emad Ahmed
Date: 08-22-2010, 00:26 AM
Parent: #53
Quote: الصحيح عبدالله الماحي
وهو صاحب اول اغنية تم تقديمها فى برنامج حقيبة الفن
اغنية "انا ما معيون" للشاعر سيد عبد العزيز
و قد لحنها كرومة و غناها الفنان عبد الله الماحى 1954
احترامي |
العزيز خالد العبيد
الصحيح هو : أول أغنية تم تسجيلها في اسطوانة هي انا مامعيون
لعبد الله الماحي في القاهرة بواسطة ديمتري البازار .
خالص الود
|
Post: #55
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-22-2010, 01:38 AM
Parent: #54
Quote: يا اخوي ...
لو شاهدت او سمعت ايوب فارس رحمة الله يغني في مزارع شمبات لما سالت هذا السؤال ...
عارف ناس امدرمان البحبو الغنا بيجو يقعدو في راس كبري شمبات ليستمعو للغنا المدور تحت الكبري ..
تقول لي شنو ... |
لاحول الله
دا ما كروان بحري زاتو
زمن ناس امدرمان بيقيفو جنب البحر عشان يسمعوا الكروان قاعد
يغني وين ..
ذبت وجدا في هواك ياحبيبي ولم اذل
عايش على سفح الامل
يامن صليتني بنار هواك === ورقعت قدري لمستواك
الحكمة يازينت حلاك === تزداد جمال وازيد هلاك
|
Post: #58
Title: Re: الغناء في امدرمان ولا في بحري ولا في الخرطوم
Author: khalid Elkhidir
Date: 08-22-2010, 06:13 AM
Parent: #53
نسيت كمان من بحرى الدكتور تاج السر الحسن (اسيا و افريقيا) و المرحوم الحسين الحسن. و اول عازف قربه فى السودان المرحوم العم حماد كمندوجوا من ديوم بحرى.
|
Post: #56
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-22-2010, 03:10 AM
Parent: #52
استاذنا
الموصلي
انت لوحدك ترجح الكفة واظن دا راي الكثيرين من مرو من هنا
Quote: ياخي انت قايل الخرطوم هينه
بس ماتعد لي الشعرا
ديل حقينكم تب |
ودي شهادة من احد قامات الفن في بلادي
|
Post: #59
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-22-2010, 06:22 AM
Parent: #56
العزيز عماد.. والجميع
تحياتي
اول اغنية تم تقديمها فى برنامج حقيبة الفن هى اغنية "انا ما معيون"
للشاعر سيد عبد العزيز و قد لحنها كرومة و غناها الفنان عبد الله الماحى 1954
اول نموذج للفرقة الغنائية للمدرسة الشعبية الاولى: يتوسطها وهبة عازف الاكورديون و السر عبد الله عازف الكمان .
أول من استخدم الرق فى الغناء الفنان محمد احمد سرور و ذلك فى حفلة زواج الطاهر احمد عبد الله والد المحامى عبد الحليم الطاهر .
اول من استخدم الآلات الوترية و ترك استخدام الرق و الشيالين و الطنابرة الفنان ابراهيم الكاشف.
أول من كون شكلا من اشكال الفرق الموسيقية المختلطة هو الفنان الكاشف فى عام 1938
أول اغنية للكاشف فى الاذاعة هى اغنية "حبيب القسا بى طال الشوق و الأسى".
أول ثنائي كان بين الشاعر العبادي والفنان سرور سنة 1919
اول اوركستر ا سودانية تكونت من عازف العود حسن عمر سوميت و عازف الكمنجة عوض فضل الله و حجازى.
اول مطرب سودانى قام بتوثيق انتاجه الغنائى فى اسطوانات هو بشير الرباطابى فى العام 1928 بالقاهرة
وانتج البازار بعض اغنياته منها ’يالقمرى المظلل بى ورق الاراك‘ و ’ ياحليل موسى‘
اول شاعر غنائى محترف فى المدرسة الفنية الأولى هو العبادى ثم تلاه ابوصلاح.
اول من اشترى آلة موسيقية من مكتبة البازار السودانى و كانت آلة فلوت هو الشاب محمد آدم أدهم الذى اصبح فيما بعد طبيبا مشهورا.
أول من اشترى عربة من دخله الغنائى هو المطرب ابراهيم عبد الجليل.
اول مطرب سودانى يخوض تجربة الانتاج الخاص هو الفنان سرور 1932 بالقاهرة حيث سجل خلال تلك الزيارة الاغنيات التالية:
- برضى ليك المولى الموالى،
- سيدة و جمالها فريد،
- متى مزارى اوفى نذارى،
- يجلى النظر يا صاح و
- شموس عفة
اول مطرب سودانى تنشر اسطواناته خارج حدود البلاد هو الفنان سرور. فبعد ان سجل اغانيه على حسابه الخاص وباع جزءا منها فى الخرطوم وامدرمان كان يبيع الباقى فى اديس ابابا واسمرا حيث كان يبيعهما متجولا على ظهر حماره.
اول فنان سودانى يلحن اغنية ثم يغنيها اثناء نفس الحفل هو كرومة. حيث كتب ابوصلاح "بدور القلعة" هذه القصيدة عن فتاة صدته بنظراتها فى حفل يحييه كرومة فما كان من كرومة الا ان قام بتلحينها و غناءها فى نفس الليلة.
اول فنان سودانى يلحن و يغنى الشعر العربى الفصيح هو خليل فرح عندما اختار رائعة عمر بن ربيعة :
اعبدة ما ينسى مودتك القلب *** و لا هو يسليه رخاء و لا كرب
اول محل يتكفل بتعبئة الاغانى السودانية على اسطوانات هو "مكتبة البازار"
اول من اقام اول حفلة غنائية تعرفها البلاد هو الفنان سرور و ذلك بحديقة البلدية فى الخرطوم بحرى
اول من وقف على خشبة المسرح واحيا حفلات به هو محمد احمد سرور
أول من تغنى في الإذاعة السودانية عام 1940 هو الفنان سرور فغنى أول أغنية له وهي أغنية المتطوعات وتحدث فيها عن الفتاة السودانية التي تطوعت لمعالجة جرحى الحرب، ثم تلاه حسن عطية، إبراهيم الكاشف واحمد المصطفى.
اول من غنى بآلة موسيقية عند افتتاح الاذاعة هو سرور 1940.
اول مطرب يغنى و يعزف بنفسه على العود من على ميكرفون الاذاعة هو حسن عطية 1940.
اول من سجل اغنية (هل تدرى يا نعسان) بصوته فى مشاهد اول اسكتش سينمائى سودانى انتج فى العام 1944 هو الفنان سرور.
كان شعار البرنامج اول ما بدا عزفا منفردا بالكمان لاغنية "عزة فى هواك" وكان كما قلنا من قبل السفير صلاح يعقب المعزوفة بفتح الحقيبة ذات الصرير ثم فى نهاية البرنامج بغلقها بعد المعزوفة.
كان اسم برنامج حقيبة الفن "من اغنياتنا القديمة"
و كان شعاره عزف على الفلوت بلحن "حليل موسى يا حليل موسى" و كان يقوم بتقديم البرنامج الاستاذان متولى عيد و المبارك ابراهيم
شعار برنامج حقيبة الفن الأول كان من نظم الشاعر حدباى ( الليلة كيف امسيتو يا ملوك أمدر)
الليلة كيف امسيتوا يا ملوك ام در
يبقى لينا نسيتو .. المنام ابى لى
بالسقام لجسمى و خليل اكسيتوه
مالو لو بى طيف المنام آسيتوه
ثم بدل الشعار الى الابيات المشهورة التى كتبها الشاعر الفحل محمد ود الرضى وغناء أولاد شمبات:
جلسن شوف يا حلاتـــــن
فرز فــــى ناصلاتـــــــن
قالوا لى جن هوى هبابن
يا الله الحبابيب حبابــــن
على ذمة القوقلة!!
ومحبتي الاكيدة
|
Post: #60
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-22-2010, 01:44 PM
Parent: #59
والله ياخالد العبيد
لقيتك نجيض وبحر وموسوعة
قال امدرمان قال
ياخي الناس ديل زرعنا ليهم تحت الكبري كلو جرجير
عشان نعمل ليهم جسر جوي وياكلو السمك بالسلطة
|
Post: #61
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-22-2010, 02:13 PM
Parent: #60
وليد عبداللطيف
رمضان كريم
Quote: ياخي الناس ديل زرعنا ليهم تحت الكبري كلو جرجير
عشان نعمل ليهم جسر جوي وياكلو السمك بالسلطة |
لكم جرجيركم ولنا سمكنا
ركز في كلام ودالعبيد عن اول واول في زول فيهم من بحري.
|
Post: #62
Title: Re: الغناء في امدرمان ولا في بحري ولا في الخرطوم
Author: waleed dawash
Date: 08-22-2010, 03:05 PM
Parent: #61
يا متولي
الاخ وليد ده المشهور بــــــ (جرجيره) خليه انا بعرفو
ياخي ديل اول من باعو الجرجير بالربطه..
|
Post: #63
Title: Re: الغناء في امدرمان ولا في بحري ولا في الخرطوم
Author: Elawad Eltayeb
Date: 08-22-2010, 03:30 PM
Parent: #62
الكفر والوتر أمدرمان
الإذاعة والتلفزيون أمدرمان
الهلال والمريخ أمدرمان
الموردة ودار الرياضة واستاد الربيع وملاعب الليق بالثورات وملاعب أمبدة وامدرمان القديمة
الكباري ذاتا عملوها لي ناس الخرطوم وبحري عشان يمشوا امدرمان
الدبابة عشان تستلم السودان كانت بتحتل الإذاعة في أمدرمان قبل القيادة العامة
خليك من دور الغناء
دار فلاح
نادي الفنانين
ومراكز الشباب
وقصر الشباب والأطفال
ومسرح أمدرمان العريق
|
Post: #64
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-22-2010, 03:37 PM
Parent: #63
وليد (جرجيرة )
Quote: يا متولي
الاخ وليد ده المشهور بــــــ (جرجيره) خليه انا بعرفو
ياخي ديل اول من باعو الجرجير بالربطه.. |
اووووووووووو
يازول رمضان كريم ياخي وينك وفاقدنك
شنو وين البوست بتاع اولاد امدرمان
|
Post: #65
Title: Re: الغناء في امدرمان ولا في بحري ولا في الخرطوم
Author: عبد الرحمن حمد النيل
Date: 08-22-2010, 06:16 PM
Parent: #64
وليد
Quote: وعشان خاطرك انت كمان
الخرطوم بها (فنان افريقيا الاول ) |
انا وابن عمي علي الغريب
كدي بس خش المركز والله مليان درر لكن الاذاعة والتلفزيون
اقرب ليهم منها غزة..
وعندكم فنان للاسف توقف عن الغناء
عصام فتحي
عماد عوض الكريم
فتحي الزين
سفيان بخيت
محمد مجذوب
صفوت الجيلي
احمد الريس
محمد خضر بشير
معاذ ابن البادية
محمدالخاتم
عاطف السماني
محجوب الكدرو
عمر يوسف
مبارك الشيخ
الاصائل
اولاد البيت
اتحاد الخرطوم والخرطوم بحري
هنا الخرطوم بدلا عن هنا امدرمان
|
Post: #66
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-22-2010, 09:51 PM
Parent: #65
عبد الرحمن
Quote: اتحاد الخرطوم والخرطوم بحري
هنا الخرطوم بدلا عن هنا امدرمان |
عشالن خاطرك كمان هاك الباص دا
افضل من غنوا للكاشف
صديقنا احمد عجوز
محمد اسماعيل
صديقنا عماد الكاشف
الفوق ديل بمركز شباب امدرمان وما حوله
ماعايزين نصل ليهم الى ابوعفان ( عثمان حسين )
ومصطفى سيد احمد
قال امدرمان قال
الناس نايمين على كلام حسين خوجلي شابكنا امدرمان وامدرمان
|
Post: #67
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-22-2010, 09:51 PM
Parent: #65
عبد الرحمن
Quote: اتحاد الخرطوم والخرطوم بحري
هنا الخرطوم بدلا عن هنا امدرمان |
عشالن خاطرك كمان هاك الباص دا
افضل من غنوا للكاشف
صديقنا احمد عجوز
محمد اسماعيل
صديقنا عماد الكاشف
الفوق ديل بمركز شباب امدرمان وما حوله
ماعايزين نصل ليهم الى ابوعفان ( عثمان حسين )
ومصطفى سيد احمد
قال امدرمان قال
الناس نايمين على كلام حسين خوجلي شابكنا امدرمان وامدرمان
|
Post: #68
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-22-2010, 10:35 PM
Parent: #67
ناس بحري غايتو عندكم اثنين يرجحو كفة اي مدينة الاستاذ الفنان الكبير المرحوم
عبدالعزيز داوؤد والمرحوم الفنان الكبير خضر بشير.
|
Post: #69
Title: Re: الغناء في امدرمان ولا في بحري ولا في الخرطوم
Author: عبد الرحمن حمد النيل
Date: 08-23-2010, 01:00 AM
Parent: #68
ياوليد
احمد عجوز
رجع يغني تاني والله راجل فنان
لكن بخيل جدا
وعلي مااظن احمد عنده عضوية
سودانيزاونلاين
تحياتنا لك ولاحمد عجوز ولكل شباب الصحافة..
|
Post: #70
Title: Re: الغناء في امدرمان ولا في بحري ولا في الخرطوم
Author: salah malik
Date: 08-23-2010, 04:07 AM
Parent: #69
اخي متولي
رمضان كريم
وطبعا ليلة القدر على الابواب ,والمعروف في امدرمان عن البنا لمن جاته لبلة القدر داير يقول ليها اديني الغني لي جنا الجنا, قال ليها اديني الغنا لي جنا الجنا ومن ديك وعيك
|
Post: #71
Title: Re: الغناء في امدرمان ولا في بحري ولا في الخرطوم
Author: محمد الفاتح خالد حسون
Date: 08-23-2010, 04:30 AM
Parent: #69
الاخ متولي مالك
رمضان كريم
في تحامل واضح علي ام الدرر ودي غيرة طبيعية ام درمان تشيلهم في صفحتها وتعرِض بيهم الهوامش ديل خرطوم و بحري
لكن لو سمحتا تضيف لي لستة ود الموج
محمد الامين و مجذوب انسة ديل ساكنين جيران تماضر شيخ الدين الحيطة بالحيطة .. صاح ود الامين جاء من مدني وكدي
بعدين ودنوباوي .. أول من رَقص راس خواجة بالسيف ( غردون ) دا ما ممكن نقول عليو شَيال هاشمية واكيد كان بِعرِض علي صوت دلوكة أها نقوم نلقي ليو فرقة في اللستة وبعد دا يقولوا المهدية منعت الغناء ايمكن قاصدين التمباك والشيشة لووول تقولي شنو ما تنسي الحردلو
وذي ما بقول ترباس الغيرة كم حرقت
ام درمـــــــــــان يمين قُرة جبين
محمد الفاتح ... منها واليها .... عايدون
|
Post: #72
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-23-2010, 05:26 AM
Parent: #71
لا حبذا أنت يا أم درمان من بـلدٍ
أمطرتني نـكداً لا جادك المـطر
من صحن مسجدها حتى مشارفها
حط الخمول بها واستحكم الضجر
ولا أحب بلاداً لا ظلال لـــها
يظلها النيم والهجلــيج والعشر
ولا أحب رجالاً من جهالتـــهم
أمسي وأصبح فيهم آمنــاً زفر
أكلما قام فيهم شاعـــرٍ فطن
جم المقال نبيل القلــب مبتـكر
ضاقوا بهمته واستدبروا جـزعاً
صم القلوب وفي آذانهــم وقـر
أكلما غرست كفي لهم غرســاً
كانوا الجــراد فلا يبقي ولا يذر
المظهرون بياض الصبح خشيتهم
والمفسدون إذا ما صرح القمــر
قميص يوسف في كفي أليح به
فقميص يوسف لم يرجع لهم بصر
ولا أحب نساء إن سفرن فقد
تحجر الحسن والإشراق والخفر
من كل ماكرة في زي طاهرة
في ثوبها تستكن الحية الذكر
يا بعض أهلي سئمت العيش بينكم
وفي الرحيل لنا من دونكم وطر
********************
سألتك الله رب العرش في حرق
إني إبتأست وإني مسني الضرر
هل تبلغي حقول الرون ناجية
تطوي الفضاء ولا يلقى لها أثر
قرب الجبال جبال الألب دسكرة
قد خصها الريف , لا هم ولا كدر
تلقاك مونيك في أفيائها عرضا
غض الإهاب ووجه باغم نضر
من صبح غرتها حيك الضياء لنا
ومسك دارين من أردانها عطر
مونيك إني وما حج الحجيج له
لم يلهني عنكم صحو ولا سكر
وعهدك الغر في أغوار محتمل
إني لذاكره ما أورق الشجر
**************
كيف اللقاء وقد عز الرحيل وما
يثني عناني سوي ما خطه القدر
راحلتي , همتي لا تبتغي وطناً
لكن يقيدها الإشفاق والحذر
مونيك كانت لنا أم درمان مقبرة
فيها قبرت شبابي كالالي غبروا
إن الأنيس بها سطر أطالعه
قد بت أقرأه حتى عفا النظر
ثم اصطحبت كميتا أستلذ بها
وخلت في سكرتي أم درمان تحتضر
|
Post: #73
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-23-2010, 05:33 AM
Parent: #72
امدرمان تحتضر
كتبها الشاعر محمد الواثق
هاجيا امدرمان .. هجوا مريرا !!
|
Post: #74
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-23-2010, 06:01 AM
Parent: #73
وجارها آخر مدافعا عن ام در
أم درمان تزدهرُ
يا حبذا أنت يا أم درمان من بلدٍ
أغدقتني سعداً حباكِ الله بالوقرُ
من ثغر مدخلها حتى مخارجها
حط النعيم بها وأستأنس البَشَرُ
وكم أحب بلادً لا مثال لها
يظلها التحنان والنيل والقمرُ
وكم أحب رجالاً من رجولتهم
أمسي وأصبح فيهم أمناً ظفرُ
وكل ما قال فيها شاعر فطن
كان المقال نضيدٌ ومختصرُ
ذاقو حلاوته وأستقبلو فرحاً
صم القوافي و في أقلامهم دررُ
طالما غرست أيادينا بها غرساً
بِطيب شذاها ترعاهُ فينتشرُ
القائمون بياض الصبح طلعتهم
العابدون أذا ما أقبل السحرُ
مال قارون في كفي أليح به
فمال قارون لم يلفت لهم نظرُ
وكم أحب نساءً أن بدون قفد
تكشف الحُسن والإشراق والطُهرُ
وكل عابدة في ثوب طاهرة
بقلبها سفرٌ من التنزيل والذكرُ
يا كل أهلي عشقت العيش بينكم
كان الفراق لنا عن داركم قدرُ
أني سألت الله في علني ونجواي
أني اشتقت وأني مسني الضررُ
إني ابتغيت ربوع أم در مثواي
تطوي عظامي في جوفها النضرُ
ففي الشمال في جبل كرري
قد خصها الله بالكر لا الفرُ
تلقاك أم درمان وفي أحضانها إنسان
غض الإهاب وذو وجه ناعم نضرُ
من ريحِ تربتها حيك النقاء لنا
ومسك نسماتها لربوعها عَطِرُ
أم درمان إني وديني ما أعبد
لن يلهني عنك سوى القبرُ
وعهد الحر يا أم درمان دين
باقٍ علية ما تتالى الشمس والقمرُ
كيف البقاء وقد عز الفراق وما
يثني كياني سوى سطوة القدرُ
مهجتي هامت لا تبتغي إلاّكِ
وأليك قادها التحنان والسفرُ
وطني دُمت أم درمان مفخرةً
فيها نظمُ قصائدي والشعرُ
أن العيش فيها أمر أطالعة
قد بت أطلبه وكيف الفكاك من القدرُ .!؟
ثم انحنيت طفلاً أقبلها
وخلت في عودتي أم درمان نشوانا تزده
|
Post: #75
Title: Re: الغناء في امدرمان ولا في بحري ولا في الخرطوم
Author: khalid Elkhidir
Date: 08-23-2010, 07:49 AM
Parent: #74
بحرى فريق إستاك (التحرير) بعد خروج المستعمر, الامير, الإتحاد, العامل. الكوثر, كوبر, الثريا, شمبات
الصناعه..... العمال.... سعودى دراج... بحرى الحكوميه... كازينوا النيل الازرق... حدائق اركويت.. مدارس العزبه... الاميريه.. عوض ساتى.. متولى عيد... محمد خوجلى صالحين.. د. الهادى الزين النحاس.. بروف عونى الشريف قاسم.. احمد ادم رمضان.. د. عوض دكام....الفاضل سعيد.. محجوب محمد صالح ... كمان لو لفيت ليك على علماء شمبات حا تسحب البوست.
تعيت خلاص
|
Post: #76
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-23-2010, 08:32 AM
Parent: #75
خالد الخضر
Quote:
بحرى فريق إستاك (التحرير) بعد خروج المستعمر, الامير, الإتحاد, العامل. الكوثر, كوبر, الثريا, شمبات
الصناعه..... العمال.... سعودى دراج... بحرى الحكوميه... كازينوا النيل الازرق... حدائق اركويت.. مدارس العزبه... الاميريه.. عوض ساتى.. متولى عيد... محمد خوجلى صالحين.. د. الهادى الزين النحاس.. بروف عونى الشريف قاسم.. احمد ادم رمضان.. د. عوض دكام....الفاضل سعيد.. محجوب محمد صالح ... كمان لو لفيت ليك على علماء شمبات حا تسحب البوست.
تعيت خلاص |
وبها اول كابتن فريق قومي ( الجاك عجب )
|
Post: #77
Title: Re: الغناء في امدرمان ولا في بحري ولا في الخرطوم
Author: khalid Elkhidir
Date: 08-23-2010, 09:35 AM
Parent: #76
| Quote: وبها اول كابتن فريق قومي ( الجاك عجب ) |
وطبعا ما نسيت المرحوم شيخ إدريس كباشى و عبده الشيخ هؤلاء هم الجواهر التى زانت تاج الهلال و المريخ, و كمان الثعلب و هيثم مصطفى و السعودى, و حارس المرمى الشهير المرحوم الجعيص, و ميدان عقرب , و الشاعر محمد سعد دياب ..و استاذ عبد المنعم العقيد و استاذ احمد إدريس ... مصطفى الكضمى و الواثق صباح الخير ... و الوطنيه للعمارى الجيد.... افوال ابو الهول..... حمد و خوجلى (دفن درجه اولى على النيل).. و المرغنيه و الختميه و حلفاية الملوك .... شمبات الزراعه... عيادت د. حسبوا و المصحه فى كوبر إذا إستدعى الامر تحويله..!! مرورا بى السجن الكبير حيث كوبر موطن المعلم جعفر عبد الرازق.
و الكوتش المهندس على سعيد إذا واصلت للحاج يوسف. بحرى هى اجمل لوحة تعايش إجتماعى على خريطة الوطن و هذا كله لاينقص من مكانت ام درمان العريقه ولا الخرطوم الجميله كلهم ثالوث يزين بعضه بعض. و هذا هو الوطن الجميل.
|
Post: #79
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 08-23-2010, 09:45 AM
Parent: #77
| Quote: و الكوتش المهندس على سعيد إذا واصلت للحاج يوسف. |
المثلث المرعب
سعد دبيبة
قرن شطة
عماد خوجلي
| Quote: الكبير حيث كوبر موطن المعلم جعفر عبد الرازق. |
دكتور اسامه عبد الرازق
خالد عبد الرازق
ابراهومه الدسكو
وبدر الدين بخيت
|
Post: #80
Title: Re: الغناء في امدرمان ولا في بحري ولا في الخرطوم
Author: مازن فيصل هلال
Date: 08-23-2010, 09:54 AM
Parent: #77
| Quote: لما المهدية فتحت امدرمان وبقت عاصمة السودان الخرطوم وبحرى مافى يعنى ما موجودين بالمعنى بتاع المدن الكبيرة او المنتجة لذلك طبيعى ما حيكون فى فن يمنعوة |
دا كلام مقلوب!
الخرطوم بحري كانت مدينة بكل مقومات المدنية حتي قبل أن يعرف الانجليز و ملكتهم عن بلد يسمي السودان
|
Post: #78
Title: Re: الغناء في امدرمان ولا في بحري ولا في الخرطوم
Author: أحمد ابن عوف
Date: 08-23-2010, 09:44 AM
Parent: #76
الاخ وليد
تحياتي
ياخي آخر هترشات الزول دا
| Quote: الناس نايمين على كلام حسين خوجلي شابكنا امدرمان وامدرمان |
قال :
لولا امدرمان لما كان خليل فرح
بالله شفت جنس هذيان زي دا قبل كده؟؟؟!!! وش محمر طالع من نافوخو دخان
تحياتي
|
Post: #81
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-23-2010, 12:06 PM
Parent: #78
سلام
هل البوست عن الغناء ام الرياضة
عشان نحدد نقيف ام نواصل معكم!!
لكم احترامي
|
Post: #83
Title: Re: الغناء في امدرمان ولا في بحري ولا في الخرطوم
Author: حبيب نورة
Date: 08-24-2010, 04:27 AM
Parent: #81
أم درمان كَفر ووتر
|
Post: #84
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-24-2010, 04:43 AM
Parent: #83
خالد العبيد
رمضان كريم
Quote: سلام
هل البوست عن الغناء ام الرياضة
عشان نحدد نقيف ام نواصل معكم!!
لكم احترامي |
العنوان بتاع البوست الغناء لكن ناس بحري مصرين يحولو للرياضة نعمل معاهم شنو
تخريمة
تقبل تحيات بشير يونس وبيقول ليك رمضان كريم
|
Post: #85
Title: Re: الغناء في امدرمان ولا في بحري ولا في الخرطوم
Author: خالد العبيد
Date: 08-24-2010, 04:50 AM
Parent: #84
| Quote: تقبل تحيات بشير يونس وبيقول ليك رمضان كريم |
سلام يا متولي
بالله سلم على بشير ود يونس شديد
قول ليه اياس ولدي لسه متذكر حقنتك في جدة !!
وبالمناسبة انا وبشير والفنان عبدالله الماحي من منطقة وقرية واحدة
اديني تلفونو وتلفونك في الخاص
|
Post: #86
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-24-2010, 10:59 AM
Parent: #85
لاحول ولا قوة الا بالله امنت
Quote: أم درمان إني وديني ما أعبد
لن يلهني عنك سوى القبرُ
وعهد الحر يا أم درمان دين
باقٍ علية ما تتالى الشمس والقمرُ |
|
Post: #87
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-25-2010, 03:40 AM
Parent: #86
الليلة يا امدرمان بشوف كل المدن في توب سماحتك تنجهك
|
Post: #88
Title: Re: الغناء في امدرمان ولا في بحري ولا في الخرطوم
Author: معاوية محمد الحسن
Date: 08-25-2010, 09:55 AM
Parent: #87
صديقى العزيز متولى
ياخي رمضان كريم عليك وعلى جميع من معك
ياخي بحري لو مافيها غير محمد ميرغني لكفاها
لكن المشكلة هو ذاتو بحن كثيراً لامدرمان
وبعدين ياخي بعد صداقتك الرائعة لابناء بحري فى الدوحة أفتكرناك خلاص صرت بحراوي
لكن يبدو ان امريكا اعادتك تاني لامدرمان
والعزاء انو امدرمان وبحري صنوان
تحياتي وفى انتظارك فى الدوحة قريبًاً حسب وعدك
|
Post: #89
Title: Re: الغناء في امدرمان ولا في بحري ولا في الخرطوم
Author: Amany Elamin
Date: 08-25-2010, 10:16 AM
Parent: #88
شباب بحري أبليتو بلاءا حسنا في البوست 
ميه الميه ياشباب, هزمتوهم شر هزيمه ناس (أم حر) و(الحرطوم) ديل
حنعمل حفله علي شرف الفوز بزغاريدها في بحرينا الطراوه 
والضهب يمتنعون 
---
| Quote: خرطوم بحري كانت مدينة بكل مقومات المدنية حتي قبل أن يعرف الانجليز و ملكتهم عن بلد يسمي السودان |
|
Post: #90
Title: Re: الغناء في امدرمان ولا في بحري ولا في الخرطوم
Author: أشرف محمد الباقر
Date: 08-26-2010, 02:39 AM
Parent: #89
الأخ العزيز متولى مالك:
أولاً رمضان كريم وربنا ويجعلنا جميعاً من عتقاء الشهر الفضيل وجميعاً دى فيها ناس الخرطوم والخرطوم بحرى معانا عشان مايزعلوا. وأمدرمان مابتجيها عوجة مادام فى أبنائها الأفاضل متولى مالك وصحبه الكرام.
الخرطوم والخرطوم بحرى أخرجوا فنانين عظام بشاهدة المؤرخين نقدر عطائهم ونجله ولكن أمدرمان هى أصل الفن والشعر رضى البعض أم أبى. أمدرمان غنية وعزيزة بإرتباط أهلها وعشقهم بها. أمدرمان مدينة بقيمة وطن مدينة يسرى حبها فى النفوس ونعشقها ويعشقها الكثير من أبناء السودان حد الثمالة فلا تبخسوها ياهؤلاء.
وكما قال خليل فرح لافض فوه :
ويح قلبي الما انفك خافق
فارق ام درمان باكي شافق
يا أم قبايل ما فيك منافق .
والكلام كمل
أشرف الباقر
نيويورك
.
|
Post: #91
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-27-2010, 05:18 AM
Parent: #90
فنان من بحري يغني لامدرمان المبدع طه سليمان
|
Post: #92
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 08-28-2010, 11:46 PM
Parent: #91
اخي وليد عبداللطيف
رمضان كريم
| Quote: الناس نايمين على كلام حسين خوجلي شابكنا امدرمان وامدرمان |
والكلام المكتوب هنا هو كلامنا نحن اولاد قلبا زي مابقول ودالموج.
وكما قال الشاعر الامدرماني يوسف الحسن
نحنا عيال سوار اللي الوسيد وساق ونحنا اهل الكرم في كافة الاسواق
نحنا من جيل فوق الجلل سواق ونحنا صغيرنا ساق المية بي سواق
|
Post: #93
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 09-01-2010, 02:27 AM
Parent: #92
صديقي معاوية محمد الحسن
رمضان كريم
لم تقل الا الحق واهديك اغنيته في الزمن الجميل
Quote: ياخي رمضان كريم عليك وعلى جميع من معك
ياخي بحري لو مافيها غير محمد ميرغني لكفاها
لكن المشكلة هو ذاتو بحن كثيراً لامدرمان[/">
|
Post: #94
Title: Re: الغناء في امدرمان ولا في بحري ولا في الخرطوم
Author: Huda AbdelMoniem
Date: 09-01-2010, 06:42 AM
Parent: #93
Mutwali Malik
رمضان كريم
الغناء طبعا في امدرمان No Question
، وممكن بحري لكن %100 مافي الخرطوم
|
Post: #95
Title: Re: الغناء في امدرمان ولا في بحري ولا في الخرطوم
Author: ياسر السر
Date: 09-01-2010, 10:13 AM
Parent: #2
الحبيب جداً ياسر تمتام تاااااااني قمت تسخر مننا أها نحن ناس قريعتي راحت زااااتم ( نحن ناس العيلفون ) أهاقول لينا قولك ،وبعدين أنا بقول ليك قولي ،،، الغناء ده ما شخشم بيوت ياأبو الياء ولا رأيك شنو ...
يا أبو الياء والله مشتاقين وينك يارجل ،،
|
Post: #96
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 09-01-2010, 10:33 AM
Parent: #95
اخي ياسر السر
رمضان كريم
العيلفون سكت النغم سكت الكلام دي مفروض نضمها لامدرمان لانو ناسا لمن يرحلو تكون وجهتم امدر.
امدر يابلد كل القبائل
مشكور علي المرور
|
Post: #97
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 09-01-2010, 11:37 AM
Parent: #96
متولي مالك ياحبيبنا
Quote: يظهر أنكم مجاملين للحد البعيد وهذا في حد ذاته مشكلة !!
ياسر تمتام
الحكاية ليست بالكمية والعدد القصة بالتميز والجودة والنوعية ذي ما قال أخونا الهادي |
رغم الجوده في بحري
فناني المفضل محمد احمد عوض والكحلاوي
وامكن هذا لحبي الكبير لمنطقة امدرمان
-------------------------
بحري حلاوة و طراوة
|
Post: #98
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 09-01-2010, 11:27 PM
Parent: #97
وليد عبد اللطيف
رمضان كريم
| Quote: وامكن هذا لحبي الكبير لمنطقة امدرمان |
امسك الشرك قبض واحد بحرواي يعترف
|
Post: #99
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 09-02-2010, 01:17 AM
Parent: #98
متولي
| Quote: امسك الشرك قبض واحد بحرواي يعترف |
اقبض شنو ياخ انا قلت ليك فناني
محمداحمد عوض وانت قايلني انا حبيتو ليه
عشان (بقول ماتحرك المركب وخلي الشباب يركب سوق معاك الرحلة شادينا )
وانت فاكر المركب ده كان متحرك وين ما لي بحري ياحبيبي حيث الخضرة والماء والوجه الحسن
الكحلاوي : ياخي الكحلاوي لما مرض رحمة الله عليه قال ودوني بحري اخير لي من حراية امدرمان وكان طريح مستشفي بحري
ياخي الناس ديل الشجرة التي كان يغنون تحتها في بحري شمبات للان موجودة انت بتقول شنو يامتولي
(الله يرحمهم ويحسن اليهم ويتقبلهم قبول حسن )
|
Post: #100
Title: Re: الغناء في امدرمان ولا في بحري ولا في الخرطوم
Author: ياسر السر
Date: 09-02-2010, 09:48 AM
Parent: #96
لك التحية أخي متولي على هذا الإطراء ، فالعيلفون مدينة غنية بالإبداع منذ زمن بعيييييييييييييد فيكفينا فخراً أنها أنجبت شيخ شعراء الحقيبة والذي لقب بتنبيه الغافلين الشاعر الفذ محمد ود الرضي وأيضاً شاعرنا المجيد والفنان والملحن أحمد محمد الشيخ الجاغريو أما في مجال الغناء فنجد العم المرحوم محمد ود طه كان من أشهر فناني الستينات والسبعينات ولا يفوتنا هنا أن نذكر شيخ فناني الحقيبة والمرجع الكبير الأستاذ مبارك حسن بركات ولا شك أن عميد الفن السوداني الأستاذ أحمد المصطفى أيضاً يمت بصلة قوية بالعيلفون على الرغم من أنه من الدبيبة وأهل الدبيبة والعيلفون ينتمون لجد واحد هو الشيخ إدريس ود الأرباب وأيضاً سفير الفن السوداني الأستاذ سيد خليفه ينتمي للدبيبة كما اسلفت ترتبط بالعيلفون بجدنا الشيخ إدريس ود الأرباب .. ولا أنسى ثنائي الدبيبة ،،
أما في الجيل الجديد فنجد أيضاأن العيلفون لها وجود في الساحة الفنية الحالية بعدد وافر من الفنانين على سبيل المثال لا الحصر الفنان مرتضى علي السراج والفنان معتز صباحي والفنان حموده كمال وشخصي الضعيف والذي حرمتني الغربة من أن أكون متواجد بإستمرار في الساحة الفنية ولكن ساحاول بإذن الله التواجد في الأيام المقبلة .. كما لا يفوتني أن أذكر بعض الفنانين في العيلفون الذين لم يجدو حظهم من الظهور في الإعلام لاسباب شخصية او أسباب إعلامية فمهم الفنان محمد خالد الشهير بود الحاج والفنان حيدر الحاج والفنان عز الدين الحاج والفنان الطاهر بابكر والفنان علي سليمان والفنان عبده سليمان الشهير بالعبدوالفنان احمد التدر هؤلاء لم يجدو حظهم من الإعلام ،،، وهناك شخصيات أخرى عملت في مجال الإعلام منها الخال خلف الله احمد الذي كان له برنامج ثقافي إسبوعي في الإذاعة السودانية والذي عمل وكيلاً لوزارة الثقافة ومدير الفرقة القومية، والقائمة تطول فالعيلفون وشرق النيل بصفة عامة والعيلفون بصفة خاصة غنية برجالها في مجالات كثيرة ولكن هنا المجال مجال فن ... وآسف على الإطالة ..
تحياتي : ياسر العيلفون
|
Post: #101
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 09-02-2010, 10:30 AM
Parent: #100
ياسر السر
ما سمعت مبارك حسن بركات بغني ( العيلفون جنات عدن)
العيلفون تابعة لمنطقة شرق النيل (بحري )
ودا نحن بنقول ليهو التقيل ورا
يعني نحن يادوب بنقول لناس امدرمان عن ناس شموس وطه سليمان ( وسط بحري )
لكن ياخي تذكر الفنان محمد صباحي من ضمن الفنانين ولم تذكر والده الشاعر (مرتضى صباحي )
وكثيرا ما جلست معه وقرا لنا اشعارة الجميلة والاشعار التي تغنت
وهذه المنطقة كأنها خلقت للفن وطبعا ارتباطهم الديني الكبير والخلاوي والمدائح النبوية
هى ساعدة على اظهار المواهب لان حفظ القران وتلاوته وتجويدة يساعد كثيرا في ابراز الموهبة
اذا كانت شعرية او غنائية
|
Post: #102
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 09-04-2010, 09:05 PM
Parent: #101
اخي عبدالرازق سعيد
رمضان كريم
Quote: الغناء في أمدرمان زي التعدين العشوائي أي واحد يحفظ إغنيتين ثلاثة ويعمل فيها فنان ويتطلع للشهرة والظهور الإعلامي في الإذاعة والتلفزيون مستغلين وجود هذين الجهازين في مدينة أمدرمان
من غير المعقول أن يكون في أمدرمان لوحدها مئات من المطربين أغلبهم لا علاقة لهم بالفن والطرب لا من قريب أو بعيد ...
يظهر أنكم مجاملين للحد البعيد وهذا في حد ذاته مشكلة !!
ياسر تمتام
الحكاية ليست بالكمية والعدد القصة بالتميز والجودة والنوعية ذي ما قال أخونا الهادي |
هل الكلام عن الغناء الحالي ولا القديم من زمن الحقيبة يعني اديك مثال قول ابو صلاح
ياسمير بي نظرتك اوفي الميعاد العيون الشافتك مااسعدا
الشجر اقلام جميع والنيل مداد لوكتب اشواقي ليك ماعددا
لوسهم عينيك صدف راس الجماد غير شك دكا الحجارة وخمدا
|
Post: #103
Title: Re: الغناء في امدرمان ولا في بحري ولا في الخرطوم
Author: ياسر السر
Date: 09-05-2010, 08:57 AM
Parent: #101
لك الشكر أخي الأستاذ وليد عبد اللطيف فالعيلفون منطقة مشبعه بالفن والإبداع وذي ما قال واحد صاحبي جاءنا زيارة وجلس معنا كم يوم كده ولمن شبع من الطرب قال والله العيلفون دي لو في فنان حفلة زاغ تجر ليك أي واحد من الناس القاعده دي يعمل ليك حفلة بي مزااااااااااج ..
أما عن من فاتني ذكر أسمائهم فأولاً اعتذر لهم جميعاً ولكن أخي وليد انا قلت على سبيل المثال لا الحصر لذا أكيد في ناس ما حا أذكرهم كلهم فالمنطقة كما ذكرت غنية بالمبدعين ..
أما عن الفنان الذكرتو فانا أعتقد إنت قاصد معتز صباحي لأنو هو فعلاًً والده الشاعر المغترب الأستاذ مرتضى عبد الرحيم صباحي وهو شاعر غنائي معروف وله عدد وافر من الأغاني التي تغني بها عدد من الفنانين فمثلاً - خلاص مفارق كسلا للفنان التاج مكي وهناك أغنيتين شهيرتين ذاكرتي لا تسعفي لإستحضارهما واحد للأستاذ زيدان إبراهيم والثانية للأستاذ عبد الرحمن عبد الله بلوم الغرب وأخريات لا أذكرها الآن .. أما عن الجانب الديني فنحن الحمد لله لنا إرث ديني كبير نسبة لوجود خلاوي الشيخ إدريس ود الأرباب رئيس الأولياء كما ذكر الشيخ البرعي رحمه الله .. والحديث عن العيلفون يطول أخي وليد وما عايز ادخل في مسألة بحري وأم درمان دي لأنو ده حا يقود لي حديث طوييييل وإمكن نطلع درون مع ام درمان ، بس حا أحتفظ بي كلامي لوقت تاني .. ولك التحية والشكر على ما ذكرته في حق العيلفون ..
لكن سؤال بسيط خارج النص إنت مرتضى ده قعدت معاه وين إنت في أبها ولا في جده ..
تحياتي : ياسر العيلفون
|
Post: #104
Title: Re: الغناء في امدرمان ولا في بحري ولا في الخرطوم
Author: Mutwali Malik
Date: 09-12-2010, 05:44 PM
Parent: #100
عيدكم سعيد
اهه النتيجة طلعت شنو
الغناء وين امدر ولا بحري ولا الخرطوم
ارائكم تهمنا
|
Post: #105
Title: Re: الغناء في امدرمان ولا في بحري ولا في الخرطوم
Author: وليد عبد اللطيف
Date: 09-12-2010, 06:55 PM
Parent: #104
متولي كل سنة وانت طيب
ياسر العيلفون .. كل عام وانت بخير
Quote: لكن سؤال بسيط خارج النص إنت مرتضى ده قعدت معاه وين إنت في أبها ولا في جده ..
تحياتي : ياسر العيلفون |
انا من جدة حيث كان يعمل مرتضى صباحي بشركة تهامة ... جدة .. وهو صديق حبيبنا واخونا
معتصم الجمري والان بأمريكا.
الاخ مرتضى كان كثيرا مايطلعني على اعمالة ..
وياخي غير ذلك نحن مناسبين ناس مبارك حسن بركات واهله في المزاد بحري (معاوية سعيد )
|
|
|