Post: #1
Title: ابو الهل يسعدنا .... والمريخ يمرضنا ؟؟؟
Author: وليد عبد اللطيف
Date: 08-17-2010, 08:43 AM
Parent: #0
بعد العرض الجميل والقوي من فتية الهلال امام الاتحاد الليبي واسعد به جماهيرة العريضة والشعب السوداني
إلا اداء جنائزي من لاعبي المريخ امام الوصل الاماراتي ينقص بها فرحة الشعب السوداني
.
.
وهل يستطيع الهلال بعد ان صحى من نومه العميق ان يواصل انتصاراته ؟
|
Post: #2
Title: Re: ابو الهل يسعدنا .... والمريخ يمرضنا ؟؟؟
Author: وليد عبد اللطيف
Date: 08-17-2010, 08:48 AM
Parent: #1
اداء باهت وضعيف يامريخاب ما السبب ؟
س .. عندكم قروش ومهزومين
ص ..الهلال مفلسين وغالبين
معادلة صعبة وغريبة
بالله عايزين نشوف ناس الرياضة البيكتبوا هنا بكل صراحة من الهلال والمريخ وماذا يدور بداخل انديتهم
|
Post: #4
Title: Re: ابو الهل يسعدنا .... والمريخ يمرضنا ؟؟؟
Author: وليد عبد اللطيف
Date: 08-17-2010, 09:12 AM
ياسر بيناوي
Quote: سلامات يا ولي حبيبنا
باذن الله
اسياد البلد لن يخذلونا |
بالجد ماخذلتونا
ياخي لي كمين سنه لم اشاهد مثل كورتهم الاخيرة
كانت فرقة موسيقة امتعتنا كمشاهدين بقيادة البرنس
واذا تسلطن البرنس الناس تشوف العجب بكرة الهلال
------------------
مشكور المرور الانيق
|
Post: #5
Title: Re: ابو الهل يسعدنا .... والمريخ يمرضنا ؟؟؟
Author: Amira Elsheikh
Date: 08-17-2010, 09:19 AM
Parent: #4
وليد عبداللطيف ...سلااااااااااام
غايتو انا خشمى قادرة على لحدووت اللحظة ياقول حبوبة رغم حالى المشيول بالبوستات ..
عندى كلام كتيييير لكن تمبس مامدينى فرصة
|
Post: #6
Title: Re: ابو الهل يسعدنا .... والمريخ يمرضنا ؟؟؟
Author: وليد عبد اللطيف
Date: 08-17-2010, 09:29 AM
Parent: #5
الخبيرة الكروية ( اميره الشيخ )
| Quote: عندى كلام كتيييير لكن تمبس مامدينى فرصة |
انت عارفة ناس تمبس ديل من النوع البيرجف لما الهلال يكون لاعب
والايام دي ايامه وانتي اعملي ساتر بس والله يعينك
--------------------------
كنا عايزن نسمع تعليقك امشي وتعالي
|
Post: #7
Title: Re: ابو الهل يسعدنا .... والمريخ يمرضنا ؟؟؟
Author: nazar hussien
Date: 08-17-2010, 09:29 AM
Parent: #5
Quote: عندى كلام كتيييير لكن تمبس مامدينى فرصة
|
اخير ليك تسكتي عليه هسي...
مهما تقولي,,,الايامات حا تسجل عليك كهضربة ساكت يا اميرة...
يعني هلال وغالب في ليبيا 2 وكان ممكن تكون 6
واداء موسيقي زي ما قال وليد..
ومريخ بيلعب في دافوري في دوره رمضانية..
بلعبوها بالباتا...والسفنجات...
|
Post: #8
Title: Re: ابو الهل يسعدنا .... والمريخ يمرضنا ؟؟؟
Author: الحاج حمد الحاج
Date: 08-17-2010, 09:40 AM
Parent: #7
غايتو يا وليد بس المرضة الواحد ما قادر يخليها لكن لا تفرح لهذا و لا تحزن لذلك!!
ياخي الواحد لما يتفرج علي ريا ل مدريد و برشلونة و يجي يتفرج بعدها علي مين اميده و مين الزومة يقول آآآآآآآخ .
|
Post: #9
Title: Re: ابو الهل يسعدنا .... والمريخ يمرضنا ؟؟؟
Author: طلحة عبدالله
Date: 08-17-2010, 09:43 AM
Parent: #8
هو يا داب مرض يا وليد
جميع أنواع المرض شالا الشىء الإسمو المريخ دا ولصقا فينا ..
سلامات يا ولي وسلامتك من المرض ومسبباتو ياخ .
|
Post: #10
Title: Re: ابو الهل يسعدنا .... والمريخ يمرضنا ؟؟؟
Author: وليد عبد اللطيف
Date: 08-17-2010, 10:24 AM
Parent: #9
نزار حسين ( سلامات ياغالي )
Quote: ومريخ بيلعب في دافوري في دوره رمضانية..
بلعبوها بالباتا...والسفنجات... |
تخيل انا في لحظات تخيلت ان الملعب غير قانوني
ياخي ديل ناس للان مابيعرفوا يقيفوا في الملعب
حتى الهلال في الشوط الاول شكله كويس
ولكن الشوط الثاني حرق قلبنا بضياع الاهداف الساهلة
ويضمن بها المباراة بدل مايدخلنا في حسابات نحن في غنا عنها
|
Post: #11
Title: Re: ابو الهل يسعدنا .... والمريخ يمرضنا ؟؟؟
Author: Amira Elsheikh
Date: 08-17-2010, 10:31 AM
Parent: #9
Quote: اخير ليك تسكتي عليه هسي...
مهما تقولي,,,الايامات حا تسجل عليك كهضربة ساكت يا اميرة...
|
والله يا نزار حسين انا ساكتة من مبارة المريخ والترجى الاولى وبعديها ما قلت بغم
لانى فاهمة الحال والاحوال ..
المريخ زاتو ما ادانا فرصة نتكلم ولا نقول تلت التلاتة كم ؟؟
الغريبة ما من الناس القاعد تفتح بوستات شماتة لا قبل لا بعد المبارة
بس حالى مشيول بالبوستات فوق كم ماعارفة
|
Post: #12
Title: Re: ابو الهل يسعدنا .... والمريخ يمرضنا ؟؟؟
Author: 7abib_alkul
Date: 08-17-2010, 11:47 AM
Parent: #11
| Quote: اداء باهت وضعيف يامريخاب ما السبب |
يا وليد السبب المراوح
وانت بتكون عارف مشكلة لاعبين المريخ عندهم فوبيا الماء ولاحظ معاي المراوح دي بتدي رزاز موية
|
Post: #13
Title: Re: ابو الهل يسعدنا .... والمريخ يمرضنا ؟؟؟
Author: وليد عبد اللطيف
Date: 08-17-2010, 11:57 AM
Parent: #12
الحاج حمد ( اجمل الصفواب )
Quote: غايتو يا وليد بس المرضة الواحد ما قادر يخليها لكن لا تفرح لهذا و لا تحزن لذلك!!
ياخي الواحد لما يتفرج علي ريا ل مدريد و برشلونة و يجي يتفرج بعدها علي مين اميده و مين الزومة يقول آآآآآآآخ . |
لكن انا خايف تكون بتاعت الهلال دي فورة ويرجعونا تاني للمرض ويحرقوا قلبنا
شكلو طارق احمد ادم فك شفرة لاعبي الهلال
لكن عايز اسألك انا زاتي الرجعني تاني اشاهد كورة سودانية شنو لانها ممكن تكتل وممكن تعمل جلطة وترفع السكري
والهلال لوكان خسر ........................
|
Post: #14
Title: Re: ابو الهل يسعدنا .... والمريخ يمرضنا ؟؟؟
Author: قلقو
Date: 08-17-2010, 12:46 PM
Parent: #13
الأخ وليد ..
عين الرضا من كل عيب كليلة ولكن عيب السخط تبدى المساويا .
بالله عليك هل بالمستوى الهزيل الذى ظهر به الأتحاد الليبى امام فريق تريعة البجا مثلا الم تكن التريعة قد احرزت عشرة اهداف فى الشوط الأول ؟
والله لو انت مبسوط من مستوى الهلال الذى ظهر به فى تلك المباراة , تبقى كارثة وتأكد من انو الهلال لن يذهب بهذا المستوى لمراحل متقدمة فى البطولة..بالله عليك ياوليد خليك حقانى وقول لى , هل تلك الأهداف الأسهل من ساهلة التى اضاعها لعيبة الهلال , الم تكن تكفى لو احرزوا نصفها لتشميع نادى اسمه الأتحاد الليبى بالشمع الأحمر بعد تسريح لاعبيه ؟
غايتو اب سن يضحك على اب سنتين واتلم المتعوس على خايب الرجا وكونا فريق سمياهما الهلال والمريخ .
بالمناسبة انا لا أشجع لا الهلال ولا المريخ من مشجعى فرق الخرطوم3 والأهلى والنيل العاصمى لأنى اعتقد جازما بأن هناك مؤآمرة تحاك من اندية امدرمان ضد اندية الخرطوم وبحرى . فلو كنت خرطومى او بحراوى ياحبيب احسن تقيف مع اندية مدينتكم .
مع تحياتى .
|
Post: #15
Title: Re: ابو الهل يسعدنا .... والمريخ يمرضنا ؟؟؟
Author: وليد عبد اللطيف
Date: 08-17-2010, 01:21 PM
Parent: #14
قلقو
Quote: هل تلك الأهداف الأسهل من ساهلة التى اضاعها لعيبة الهلال , الم تكن تكفى لو احرزوا نصفها لتشميع نادى اسمه الأتحاد الليبى بالشمع الأحمر بعد تسريح لاعبيه ؟
غايتو اب سن يضحك على اب سنتين واتلم المتعوس على خايب الرجا وكونا فريق سمياهما الهلال والمريخ . |
كلامك السمح دا بجيك ليهو بعدين
|
|