Post: #1
Title: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-16-2010, 08:09 PM
أخى الحبيب أساسى
قرأت البوست الذى تحدثت فيه عن خجلك من التأمين على دعاء الإمام عندما وصف الشيوعيين بأعداء الدين وذكرت أن لك أصدقاء شيوعيين سودانيين ، فهل أصدقاؤك هؤلاء كفارا يا أساسى؟؟؟ (ياخ حرام عليك)
نعم الشيوعية عدوة الدين ولا تعترف بالأديان وهى عبارة عن نظريات وإجتهادات فى الإشتراكية التى أثبتت فشلها الذريع على مستوى الدنيا قاطبة ، أما الشيوعية فى السودان فقد أخذوا الفكر دون إلغاء الدين وعلى وجه الخصوص الدين الإسلامى حتى أنهم يتفقون على أن الدين الإسلامى هو المنهج الأقرب من بين سائر الأديان للإشتراكية والدليل وأمرهم شورى بينهم
لا يا أساسى فالشيوعيين فى السودان هم من إخواننا المسلمين يصلون معنا ويصومون ويشهدوا بأنه لا إله إلا الله وأن محمداً رسول الله ويحجون البيت (إن إستطاعوا) ويزكون ، فلماذا تذهب بعيداً وتظن أن الإمام رضى الله عنه يقصد أصدقاؤك بالإسم حسب ما أوردت بالبوست
مازحتهم يوماً وقلت لهم أن الشيوعيين فى السودان دعاؤهم مقبول ، على أساس إذا رأيتم الرجل يعتاد المساجد فأشهدوا له بالإيمان وكل مؤمن مستجاب الدعاء وقد رأيناهم بيننا فى المساجد وفى حلقات الذكر
يا أساسى إذا ذهبت المسجد يوم الجمعة القادمة ودعا الإمام على الشيوعية فقل آمين ولك مثل أجر الإمام ولا تنظر لشيوعيى السودان فهم ليسوا من يقصدهم الإمام بل يقصد الشيوعية الكبرى التى أتت من موسكو مشككة فى جميع الأديان وقام أصدقاؤك خضر وأخوانه بتحسينها وترتيبها وتزيينها حتى صارت رمزاً لثقافة عالمية عالية المستوى وتبلورت أكثر فأكثر عندما تشبثت بالأوطان وغنت للبسطاء والغلابة والمهمشين والدراويش
هدانا الله وإياك أخى أساسى
المهم
|
Post: #2
Title: Re: لا يا أساسى فالشيوعيين فى السودان ليسوا كفارا
Author: عبد المنعم سليمان
Date: 08-16-2010, 08:12 PM
Parent: #1
والله يا ابوصهيب مشتاقين
___
واحد من المؤلفة قلوبهم
|
Post: #3
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-16-2010, 08:14 PM
Parent: #2
ياخ والله بالأكتر
تصوم وتفطر على خير
|
Post: #5
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-16-2010, 08:19 PM
Parent: #3
يا عبدالمنعم ياخ أنا ناس عم هاشم سوركتى ومحمد كتى وأبوذر النضيف وخضر خليل ومجوب شريف وآخرين ياخ ما برضى فيهم زى كلام أساسى ده
لوووووووووووووووووووول
|
Post: #4
Title: Re: لا يا أساسى فالشيوعيين فى السودان ليسوا كفارا
Author: cantona_1
Date: 08-16-2010, 08:17 PM
Parent: #1
يا زول موسكو ما فضلت فيها شيوعية تب .. لكن الشيوعية زي شوال الدقيق كان حتيتو كدا.. وختيتو وتاني حتيتو بطلع دقيق.. وناس الصين بقوا البرجوازية الأولى في العالم بعدما ذاقوا حلاوة الرأسمالية.. لكن الإمام دا مزبوط على موجة قديمة وما دخل التاريخ بعد. اللهم أهدنا فيمن هديت وعافنا فيمن عافيت وعاملنا بالإحسان إذا الفضل منك وإليك. فإنّك تقضي ولا يُقضى عليك.
كباشي الصافي
|
Post: #6
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-16-2010, 08:21 PM
Parent: #4
كباشى الصافى
أحسنت يا رجل
الله يديك العافية
دعواتك فى هذا الشهر الكريم
|
Post: #7
Title: Re: لا يا أساسى فالشيوعيين فى السودان ليسوا كفارا
Author: محمد عادل
Date: 08-16-2010, 08:30 PM
Parent: #6
الحبيب هشام
رمضان كريم تصوم وتفطر على خير انت والاسره الكريمه
كلامك دا عين الحقيقه
|
Post: #8
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-16-2010, 08:37 PM
Parent: #7
إبنى محمد عادل
تصوم وتفطر على خير يا أمير
شكرا على المشاركة فى البوست
تحياتى للفارس الهمام مبارك الفاضل وكل أحبابك
|
Post: #9
Title: Re: لا يا أساسى فالشيوعيين فى السودان ليسوا كفارا
Author: معاوية عبيد الصائم
Date: 08-16-2010, 08:44 PM
Parent: #8
هشام سلام يا حبيب
خلى يرشهم دعاء !!!
بالاضافة لابازر النضيف وحجر !!
رشهم رش كفار قريش فهولاء ياكلون لحم الخنزير ؟؟
اساسى دعوات من النوع اب زرد ؟
ابوصهيب مودتى انت و المذكورين اعلاه؟
معاوية عبيد
|
Post: #10
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-16-2010, 08:52 PM
Parent: #9
معاوية عبيد الظريف
ياخ والله ده كلام حقد ساى
ياخ لحم خنزير بتاع شنو؟؟؟ إنت جنيت؟؟؟؟
عليك الله يوم واحد لاقاك ابوذر النضيف قال ليك متعشى لحم خنزير ،
ياخ ديل حلات (القراصة) فى خشومهم ، تقول لى خنزير
قول تقلية قول عدس قول نبق بس خنزير دى كتيرة والله
لووووووووووووووووووول
|
Post: #11
Title: Re: لا يا أساسى فالشيوعيين فى السودان ليسوا كفارا
Author: معاوية عبيد الصائم
Date: 08-16-2010, 08:56 PM
Parent: #10
غايتو حجر ده
اكلتو المفضلة ام فتت حقت الخنزير شخصيا
لووووووووووووووووول ولوووووووووول
مودتى اب صهيب النبيل
|
Post: #12
Title: Re: لا يا أساسى فالشيوعيين فى السودان ليسوا كفارا
Author: اساسي
Date: 08-16-2010, 09:36 PM
Parent: #11
تم تحريف الكلم من موضعه يا هشام
البوست غير امين وفاقد المصداقية ولا يصلح ردا للبوست الذي كتبته عن احراجي مع الاصدقاء ودعاء الامام
|
Post: #15
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 09:30 AM
Parent: #12
Quote: تم تحريف الكلم من موضعه يا هشام
البوست غير امين وفاقد المصداقية ولا يصلح ردا للبوست الذي كتبته عن احراجي مع الاصدقاء ودعاء الامام |
الأخ أساسى
من الذى حرف الكلم؟؟ أنا أم الإمام الذى صليت معه الجمهة الفائتة.
البوست غير أمين ، قصدك هذا البوست أم البوست الذى كتبته أنت؟
ولا يصلح رداً ، هل تقصد ردك هذا أم إعتبرت هذا البوست رد عليك؟
على العموم حيرتنى رغم جدية تساؤلاتى الفوق دى
وعلى العموم لا أقصدك شخصيا ولا أستهدفك بأى حال من الأحوال بقدر ما قصدت توضيح وجهة نظرى الشخصية تجاه كفر الشيوعيين أو إسلامهم بإيحاء من البوست الذى أتيتنا به أنت يا أساسى ، وإلا لكنت كتبت الرد فى البوست الذى أفردته أنت لهذا الغرض ، يعنى بالعربى البوست الذى كتبته يا أساسى حول هذا الموضوع هو الذى أوحى لى أن أفرد بوستاً خاصاً لتوضيح وجهة نظرى الشخصية تجاه الموضوع ولا أقصد كما تقول تحريف كلم عن موضعه أو عدم أمانه أو فقدان مصداقية أو إحراجك أمام أصدقائك أو الإساءة إليك بأى شكل من الأشكال
يا جماعة إنتو السودانيين ديل مالهم؟ الحصل عليهم شنو؟؟؟ كل شىء يفتكروه شخصى أو سهام موجهة إليهم أو بداية حرب أو عدم أمانة حتى من أعتبرهم من الأصدقاء الأعزاء يرد على بهذه الشاكلة
حسبى الله ونعم الوكيل
صوم يا أساسى صوم
|
Post: #13
Title: Re: لا يا أساسى فالشيوعيين فى السودان ليسوا كفارا
Author: cantona_1
Date: 08-17-2010, 03:58 AM
Parent: #6
| Quote: كباشى الصافى أحسنت يا رجل الله يديك العافية دعواتك فى هذا الشهر الكريم |
الإحسان من طبعكم يا زول.. متعكم الله بالصحة والعافية وتصوم وتفطر على خير.
كبـّـاشي الصـّـافي
|
Post: #14
Title: Re: لا يا أساسى فالشيوعيين فى السودان ليسوا كفارا
Author: السمؤال بدرالدين
Date: 08-17-2010, 08:07 AM
Parent: #13
سبحان الله
امس ليلا تزكرت الرجل الفاضل هشام شيخ الدين
فاذا به يطل علينا
سلامات كتيرة
اسف للمداخلة التي ليس لها علاقة بالبوست
|
Post: #17
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 09:37 AM
Parent: #14
أخى السمؤال بدر الدين
واضح أنك رجل تتمتع بشفافية عالية قد يكون مردها شهر الصوم والبركات أو جمال روحك الصافية ولذلك يقول أهلنا القلوب شواهد والحقيقة هذا من حسن حظى أن يتذكرنى أمثالكممن الأتقياء الأنقياء
سلمت يا رجل تقبل الله صيامك وقيامك
تحياتى
\أخوك هشام شيخ الدين
|
Post: #16
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 09:33 AM
Parent: #13
تسلم تسلم يا كباشى
|
Post: #19
Title: Re: لا يا أساسى فالشيوعيين فى السودان ليسوا كفارا
Author: حافظ حسن ابراهيم
Date: 08-17-2010, 09:44 AM
Parent: #16
Quote: يا أساسى إذا ذهبت المسجد يوم الجمعة القادمة ودعا الإمام على الشيوعية فقل آمين ولك مثل أجر الإمام ولا تنظر لشيوعيى السودان فهم ليسوا من يقصدهم الإمام بل يقصد الشيوعية الكبرى التى أتت من موسكو مشككة فى جميع الأديان وقام أصدقاؤك خضر وأخوانه بتحسينها وترتيبها وتزيينها حتى صارت رمزاً لثقافة عالمية عالية المستوى وتبلورت أكثر فأكثر عندما تشبثت بالأوطان وغنت للبسطاء والغلابة والمهمشين والدراويش
|
|
Post: #21
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 10:06 AM
Parent: #19
شكرا حافظ
|
Post: #18
Title: Re: لا يا أساسى فالشيوعيين فى السودان ليسوا كفارا
Author: خضر حسين خليل
Date: 08-17-2010, 09:43 AM
Parent: #1
يازول يازول
ازيك ياهشام ازيك ياخ
رمضان كريم وتصوم وتفطر علي خير
والله لا زالت أذكر اللحظات التي جمعتني بك في مدينة جده ـ وأذكر جيداً كرمك وشهامتك
وبساطتك وتواضعك في غيرما تكلف ـ شاكر لك هذا البوست التوضيحي للظلامي اساسي
أساسي ده عندوا اجندة تانية وتالتة ياهشام لووووووووووول
مودتي وتحياتي لاسرتك الصغيرة ياهشام
|
Post: #20
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 09:51 AM
Parent: #18
الأخ خضر حسين خليل
تسلم تسلم يا خضر ، ووالله العظيم إن حبكم لم ينقص مقدار ذرة فى قلوبنا وهو من الأسباب التى تجعلنى دائما أقف مدافعا عن يساريى السودان إذ أن أناساً بهذا الجمال لا يمكن أن يكونوا كفارا ككفار قريش
لووووووووووووووول
أساسى رغم ما تجمعنى به من صداقة (أو لعلنى أظنها كذلك) ولكنه دائماً يسىء الظن بى
شوف جنس ردو الفوق ده
الله يهديه
تسلم يا خضر ومصير الحى يلاقى
|
Post: #22
Title: Re: لا يا أساسى فالشيوعيين فى السودان ليسوا كفارا
Author: أيوب خليل
Date: 08-17-2010, 10:21 AM
Parent: #20
تسجيل حضور ومتابعة يا هشام شيخ الدين ، يازولyazoal يازول ، وكل عام وأنتم والعائلة بخير
|
Post: #23
Title: Re: لا يا أساسى فالشيوعيين فى السودان ليسوا كفارا
Author: اساسي
Date: 08-17-2010, 10:53 AM
Parent: #22
Quote: لا يا أساسى فالشيوعيين فى السودان ليسوا كفارا
|
Quote:
قرأت البوست الذى تحدثت فيه عن خجلك من التأمين على دعاء الإمام عندما وصف الشيوعيين بأعداء الدين وذكرت أن لك أصدقاء شيوعيين سودانيين ، فهل أصدقاؤك هؤلاء كفارا يا أساسى؟؟؟ (ياخ حرام عليك) |
عد الي الاقتباسين اعلاه ووضح لي ماذا يفهم اي شخص يقرأ حديثك ؟ اليس واضحا اني قد قمت بتكفير الشيوعين وانت هنا تجيبني بعنوان البوست الذي ابتداته باسمي ( لا يا اساسي الشيوعين ليسوا كفارا ) وكاني كتبت ان الشيوعين كفارا وانت تنفي هذه التهمة عنهم ؟؟؟
وفي الاقتباس الاخر تساءلك ( فهل اصدقاءك هؤلاء كفارا يا اساسي ) وشددت من نفسك وكتبت ( ياخ حرام عليك )
ماذا يفهم من هذا ؟؟
الست تقصد باني كفرت الشيوعين الي درجة انك حرمت علي هذا بقولك ياخخي حرام عليك؟
وبالعودة الي البوست الذي كتبته انا عونت الامر باحراجي من دعاء الامام واحببت ان الفت النظر بذلك البوست لمثل هذه المضائق التي يوردنا فيها الائمة دون تبصر او روية او تدبر لما يقولون .
لذا كتبت لك اعلاه ان ردك غير صادق وفاقد المصداقية حينما صورتني مكفرا لاصدقائي ( مع سبق الاصرار والترصد ) وعلي هذا بنيت ردك لي بهذا البوست
حينما افترضت افتراضا اني اكفرهم وتاتي انت لتفحمني بعدم صحة ذلك وانت ادري الناس اني لا اذهب هذا المذهب ابدا لذا لم استسغ البوست لانه يرد علي حديثا لم اقله ابدا
بل احببت ان اسلط الضؤ عليه .
بالنسبة للصداقة والعلاقة الشخصية ما عندها اي علاقة بوجهات النظر والافكار والاختلاف فيها , فعليك الله يا هشام ما تخليك زول هش كونك صحبي وصديقي وبينا علاقة شخصية جميلة دي حاجة ما عندها علاقة بانه نختلف ونشتط في الاختلاف حتي
هنا يا هشام محل حوار ودواس في وجهات النظر , العاطفية العالية جدا واقحامها في الكتابة تذهب بالفكرة وتجعل امر الحوار عبارة عن مجاملات
طيب انا الان مختلف مع وجهة نظرك عشان انت صحبي اجي اقول ليك مثلا يا رايع شكرا علي كلماتك الدسمة !!
ما لازم اوريك وجهة نظري يا هشام ولا اكون بضيع في زمنك وزمني وزمن قرائك الافاضل
|
Post: #24
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 10:58 AM
Parent: #23
noted
|
Post: #25
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 11:01 AM
Parent: #22
الأخ أيوب خليل
شكرا على المتابعة يا أمير
وتحياتى للأسرة الجميلة يا أبا رهف
أخوك هشام
|
Post: #26
Title: Re: لا يا أساسى فالشيوعيين فى السودان ليسوا كفارا
Author: امير مصطفى احمد
Date: 08-17-2010, 11:33 AM
Parent: #25
اخواني الاحباء هشام واساسي
كل عام وانت بخير
ورمضان كريم
الموضوع لا يستحق كل هذا
ويا اخي اساسي الموضوع واضح من طريقة طرحه ان مداعبة لطيفة من هشام لك وممكن تلاحظ ذلك من الايقونة الضاحكة في صدر الموضوع
وحتى جميع المداخلات من معاوية عبيد وخضر كانت تتسم بذات النكهة الضاحكة
تحياتي وتقديري لكم
|
Post: #27
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-17-2010, 01:22 PM
Parent: #26
أمير مصطفى والله إنت سيد الفهم والراى زاتو
حقيقة الفهم قسم
تسلم يا أحلى جار
ونعم الجار
|
Post: #28
Title: Re: لا يا أساسى فالشيوعيين فى السودان ليسوا كفارا
Author: اميرة السيد
Date: 08-17-2010, 02:13 PM
Parent: #27
يا اساسي انت خليتنا وقبلت على الشيوعيين 
ذات مرة سمعت محمد ابراهيم نقد, زعيم الشيوعيين في السودان, يقول عندما سأله المذيع:" هل تصلي" , فاستنكر محمد ابراهيم نقد السؤال وقال: وكيف لا اصلي ..نعم أنا اصلي لأني مسلم" وهذا يعني أن الشيوعيين السودانيين ليسوا بكفار وانما هم بفكرهم وعقولهم تبحروا في النظرية الشيوعية واخذوا منها الجانب الاقتصادي والذي هو , في نظرهم, يصلح نظاما لكافة البلدان النامية التي تعاني من استغلال الرأسمالية البشع, والكل يعلم أن بعض السودانيين الشيوعيين يعرفون عن دينهم الاسلامي أكثر مما يعرفه بعض المتاسلمين والمتفيقهين..
ويا كانتونا 1: المرة دي اسلوبك تمام التمام في المخاطبة وعدم اللجوء للإساءات الشخصية.. وهكذا نريدك دائما أن تكون مع الحق واذا اختلفت فلا تفسد للود قضية
ورمضان كريم
|
Post: #31
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-18-2010, 09:19 AM
Parent: #28
الأخت أميرة السيد
شكرا جزيلا على الرد التفصيلى الواضح لا لبس فيه ، كما أشكرك على المشاركة معنا فى النقاش
تحياتى
أخوك هشام شيخ الدين
|
Post: #29
Title: Re: لا يا أساسى فالشيوعيين فى السودان ليسوا كفارا
Author: تاج السر الشيخ ارباب
Date: 08-17-2010, 05:43 PM
Parent: #1
الأخ / هـشــام
تحياتي ورمـضـان كريــم.
لايـسـعـني في هـذا المقـام الا ان اقــول لك ( الهم قـوي ايمانك )
مع تحـياتي ،، ، ، ، ،
|
Post: #30
Title: Re: لا يا أساسى فالشيوعيين فى السودان ليسوا كفارا
Author: معاوية عبيد الصائم
Date: 08-17-2010, 08:01 PM
Parent: #29
بالله يا استاذ هشام
خلى اساسى يا من تامين شديد الامانة برش هولاء المارقين على المله
بره البوست
ارجو اضافة المدعو ايوب بن خليل لقائمة المدعو عليهم !!!
اللهم دمرهم وبنشر لساتك عرباتهم وبوظ تلاجتهم وسلط عليهم بن لادن فى اوطانهم الجديدة وهكرهم اسفريا وكسر جولاتهم ######## جوزاتهم؟؟
ياهشام ديل ضاربين السقط فى بلاد سقط لقط ونحن ساكين الكفيل ؟؟ والرطوبة خلى يرشهم رش الجمكسين؟
اللهم سلط عليهم من يختطف طايراتهم من اوروبا وان يتوجه الخاطف الى تشاد او بوركينا فاسو او مكة ؟؟ مكة دى عشان اشمت فيهم انا !!
انت عارف يا هشام يكون معاهم تبارك كمخطوف على الاقل نسلم عليهو و بالمرة نهدى ليهو كليو تمباك من كليو 8
مودتى هشام يا حبيب لووووووووووووووووووووووووووووووووووووووووووووووووووووووووووووووول
شلخو كلمة ...... ض ي ع
التعديل لزوم الشليخ ؟؟؟
|
Post: #33
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-18-2010, 09:48 AM
Parent: #30
يا معاوية ، ياخ والله أنا بقرأ فى كلامك ومتكيف أضحك كلء السمع لأنى عارفك زول جميل ، والحقيقة البوست كلو عبارة عن طرفة جميلة وضعتها فى قالب إخوانى لأنقل وجهة نظرى الشخصية حول هذه الفئة (الضالة) (لوووووووووووول)
لكن شوف (صديقى اللدود) بكتب فى شنو مما إضطرنى الرد عليه بحزم منعاً من حرف مسار البوست فقلت له:
الأخ أساسى
من الذى حرف الكلم؟؟ أنا أم الإمام الذى صليت معه الجمهة الفائتة.
البوست غير أمين ، قصدك هذا البوست أم البوست الذى كتبته أنت؟
ولا يصلح رداً ، هل تقصد ردك هذا أم إعتبرت هذا البوست رد عليك؟
على العموم حيرتنى رغم جدية تساؤلاتى الفوق دى
وعلى العموم لا أقصدك شخصيا ولا أستهدفك بأى حال من الأحوال بقدر ما قصدت توضيح وجهة نظرى الشخصية تجاه كفر الشيوعيين أو إسلامهم بإيحاء من البوست الذى أتيتنا به أنت يا أساسى ، وإلا لكنت كتبت الرد فى البوست الذى أفردته أنت لهذا الغرض ، يعنى بالعربى البوست الذى كتبته يا أساسى حول هذا الموضوع هو الذى أوحى لى أن أفرد بوستاً خاصاً لتوضيح وجهة نظرى الشخصية تجاه الموضوع ولا أقصد كما تقول تحريف كلم عن موضعه أو عدم أمانه أو فقدان مصداقية أو إحراجك أمام أصدقائك أو الإساءة إليك بأى شكل من الأشكال
يا جماعة إنتو السودانيين ديل مالهم؟ الحصل عليهم شنو؟؟؟ كل شىء يفتكروه شخصى أو سهام موجهة إليهم أو بداية حرب أو عدم أمانة حتى من أعتبرهم من الأصدقاء الأعزاء يرد على بهذه الشاكلة
حسبى الله ونعم الوكيل
صوم يا أساسى صوم
يا معاوية عبيد ياريت كل الناس زيك
الضماير بقت ######ة يا معاوية عشان كدة خلى يدعى عليهم على الأقل نقابل تبارك فى جدة
|
Post: #32
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-18-2010, 09:32 AM
Parent: #29
الصديق تاج السر الشيخ
رمضان كريم ، وكيف أحوالك يا حبيب؟
أولا أشكرك على الدعوة الصالحة متمنيا القبول والسداد وأردفها بقولى (ولك مثله)
يا تاج سؤال بالله
هل تسأل لى الله أن يقوى إيمانى بسبب أنه ضعف لقولى الشيوعيين غير كفار ، أم يقويه بسبب أننى أصبت عين الحقيقة فى مقولة الشيوعيين غير كفار وبالتالى فأنت تسأل لى الله مزيداً من القوة فى الإيمان؟؟؟؟
يا تاج إنت عارفنى من زمان زول واضح شديد وما بحب الغتغتة عشان كده عايز أعرفك شايت وين؟؟؟؟
تحياتى
|
Post: #34
Title: Re: لا يا أساسى فالشيوعيين فى السودان ليسوا كفارا
Author: معاوية عبيد الصائم
Date: 08-18-2010, 02:32 PM
Parent: #32
يعلم الله يا هشام
هسى بذكر فى بيتكم الكبير او بيت الاخوان كما
يحلو للاصدقاء الزمن الجميل؟
مودتى لك والرحمة للعم شيخ الدين الذى جعل ذلك ممكنا وجميلا
مودتى
|
Post: #35
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-19-2010, 12:50 PM
Parent: #34
معاوية عبيد ، وأنت جزء لا يتجزأ من ذلك الكيان
تسلم يا معاوية وربنا يديك العافية
تعال أفطر معاى
|
Post: #36
Title: Re: لا يا أساسى فالشيوعيين فى السودان ليسوا كفارا
Author: معاوية عبيد الصائم
Date: 08-19-2010, 01:28 PM
Parent: #35
شكرا ابو صهيب
انا زول بيت عديل
انا بعزم الناس لبيت اخوى هشام
تسلم ويسلمو ال شيخ الدين من طرف
مودتى لك والاسرة ؟
|
Post: #37
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-19-2010, 01:37 PM
Parent: #36
ده كلام حقيقى لا ريب فيه
يديك العافية يا معاوية
|
Post: #38
Title: Re: لا يا أساسى فالشيوعيين فى السودان ليسوا كفارا
Author: اميرة السيد
Date: 08-19-2010, 02:29 PM
Parent: #37
معاوية عبيد ، وأنت جزء لا يتجزأ من ذلك الكيان
تسلم يا معاوية وربنا يديك العافية
تعال أفطر معاى QUOTE)
<<<<<<<<<<<<<<<<<<<<<<<<
يا زول يا زول
ما دام انت بتعزم الناس المشاركين في البوست بتاعك ما تعمم دعوة العزومة
عشان نحضر كلنا وتكون كسبت أجر إفطار عدد كبير من الصايمين بدل إفطار
صايم واحد... وان شاء الله يكون صاحبك صايم
|
Post: #39
Title: Re: لا يا أساسى فالشيوعيين فى السودان ليسوا كفارا
Author: معاوية عبيد الصائم
Date: 08-19-2010, 02:36 PM
Parent: #38
اميرة السيد سلام كتير
يا زولة معزومة وناس البوست كلهم معزومين
ود شيخ الدين داير شورة كمان ؟؟
بره البوست يا اميرة ؟
اين اساسى ووو ؟
تصومى وتفطرى على خير يا اميرة
مودة وسلام
|
Post: #40
Title: Re: لا يا أساسى فالشيوعيين فى السودان ليسوا كفارا
Author: اميرة السيد
Date: 08-19-2010, 05:32 PM
Parent: #39
اين اساسى ووو ؟
تصومى وتفطرى على خير يا اميرةQUOTE)
<<<<<<<<<<<<<
تصوم وتفطر على خير.. وانت معزوم وبتعزم كمان... فيك الخير وهكذا أصالة
وشهامة السودانيين في أي مكان.. لكن صاحب الحق وينو؟؟
وبعدين أساسي أظنه فعلا عضو مهم في الإدارة وما عنده وقت يكتب ولا يعلق..
أما ألاخرون فأ نت تعرف سبب غيابهم,,, وأقرأ بوست الأمين البشاري" الكلام المبتذل ضد الأعضاء ..هل هو تربية سلوكية" وانت تعرف اختفوا ليه
نحن ما زي زمان وما برالمة خلاص بقينا سينبرز
|
Post: #41
Title: Re: لا يا أساسى فالشيوعيين فى السودان ليسوا كفارا
Author: يازولyazoalيازول
Date: 08-20-2010, 00:36 AM
Parent: #40
والله فيك الخير يا أميرة (إسم على مسمى)
واضح أنك سودانية أصيلة
وأنا كمان بقول ليك كلام معاوية صاح ، يعنى تخيلى بكرة قبل المغرب أسوق أولادى وأمشى بيت معاوية بدون عزومة
تعرفى البحصل شنو؟؟؟
البحصل أنو معاوية ودربة حا يسعدوا سعادة ما بعدها سعادة ويجيبوا لينا الفطور الإنتى عارفاهو نفس العصيدة ونفس الملاح ونفس المويات وكل شىء بالضبط زى الفى بيتنا وبيتكم وبيت أى سودانى عادى زينا
نحن يا أميرة من جيل عظيم (بدون فخر) وأخذنا الحاجات دى من أجيال لا شك أنها أعظم مننا بكتير ، نحب الضيوف ونقوم بالواجب تجاههم ونسعد بى سعادتهم ، وهم يشبعوا حتى لو أنا وأولادى نجوع ما مهم المهم الضيف يا أميرة وأمشى شوفى عمنا الحاج ود عجبنا الكايس عشاء الضيف فى أ###### ظروف السودان لحدى ما ضربوا القطر ودمو إتلخبط مع دم حمارو ، لأنو طلع فى قانون الطوارىء والبلد فيها حظر تجول ، والبوليس أزعج الحمار حتى حصل ما حصل (دى بغنيها مصطفى سيد أحمد)
نحن سودانيين يا أميرة ، سودانيين حتى النخاع ، نحن المكاروم أسيادها ونحن أولاد عز ربونا بالحلال
يا جماعة حبابكم ألف
كلكم معزومين بكرة الفطور معانا
حبابكم ألف
وما تنسوا تجيبوا معاكم أخوى أساسى وأولادو
فى إنتظاركم يا معاوية أخوى ، وجيب معاك أى سودانى يلاقيك فى طريقك
|
Post: #42
Title: Re: لا يا أساسى فالشيوعيين فى السودان ليسوا كفارا
Author: معاوية عبيد الصائم
Date: 08-20-2010, 00:55 AM
Parent: #41
شكرا اخوى هشام
شكرا اولاد شيخ الدين جبريل
شكرا نيابة عن كل اصدقاء بيت الاخوان . بيت شيخ الدين جبريل رحمة الله عليه
اصدقاء الزمن الجميل يا استاذ هشام المرقوا مجبرين ؟
مودتى ليك ودرية والعيال
كن بخير ايها الاصيل
تحياتى للعروسة رفيدة ؟
|
|