Post: #2
Title: Re: فقط مثلث حمدي
Author: قلقو
Date: 08-16-2010, 09:23 AM
Parent: #1
| Quote: في زول داير ينفصل تاني، |
نعم ياأحمد ..
فصل السكوت عن المحس .
|
Post: #3
Title: Re: فقط مثلث حمدي
Author: أحمد ابن عوف
Date: 08-16-2010, 10:00 AM
Parent: #2
سلام يا قلقو
تحياتي
Quote: نعم ياأحمد ..
فصل السكوت عن المحس . |
وانا بضيف فصل الخرطوم عن امدرمان
كل يوم تصحى من النوم تلقى ليك في جيهة عاوزه تنفصل او اعلنت انفصالها عدييل كده
القصة دي لنفسياتنا زاتو ما كويس
موش كفاية البلوى الاسمها الجبهة الاسلامية
|
Post: #4
Title: Re: فقط مثلث حمدي
Author: أحمد ابن عوف
Date: 08-16-2010, 10:03 AM
Parent: #3
بعدين يا ناس شرق وغرب وجبال نوبه
انتو قايلين الانفصال دا سااااهل كده
لو ما حاربتو زي 50 سنة كده زي اخوانكم الجنوبيين، مااااا بدوكم حق تقرير المصير
ولعوها انتو وبشلعوها الخوالدة
|
Post: #5
Title: Re: فقط مثلث حمدي
Author: أحمد ابن عوف
Date: 08-16-2010, 10:42 AM
Parent: #4
وهسه يجوك النوبيين وبالاخص حبيبنا عزام فرح ويقولوا ليك حدنا التاريخي بس
سوبا
وقس على ذلك
|
Post: #8
Title: Re: فقط مثلث حمدي
Author: خيرى بخيت خيرى
Date: 08-16-2010, 10:56 AM
Parent: #5
وهسه يجوك النوبيين وبالاخص حبيبنا عزام فرح ويقولوا ليك حدنا التاريخي بس سوبا
سوبا!!!؟؟؟
القال كده منو يا احمد؟
انحن النوبه يا ابوحميد ماعندنا حدود
نحن عندنا رأى فى كل بلد اتوجد فيها
قبائل الماساى حول البحيرات العظمى
عندنا رأى فى زولو نيشن
عندنا رأى فى بلاد الاشانتى
هؤلاء هم احفادنا وبلادهم هى بلادنا
رمضان كريم يااخوى
|
Post: #6
Title: Re: فقط مثلث حمدي
Author: محمد علي شقدي
Date: 08-16-2010, 10:43 AM
Parent: #4
لو ناس الجزيرة بعرفو حساب مثلثات كويس ممكن (يقدو) من النص
يا الحبيب ابن عوف رمضان كريم و القصه انفراط عقد
|
Post: #7
Title: Re: فقط مثلث حمدي
Author: أحمد ابن عوف
Date: 08-16-2010, 10:52 AM
Parent: #6
سلام اخي محمد على شقدي
| Quote: لو ناس الجزيرة بعرفو حساب مثلثات كويس ممكن (يقدو) من النص |
يمشوا وين ناس الجزيرة، ياهم بس ح يكونوا محاصرين كدا
| Quote: يا الحبيب ابن عوف رمضان كريم و القصه انفراط عقد |
نعم، كما قلت بالضبط هو انفراط عقد، لكن حده وين دا السؤال؟؟
القصة بتذكرني ليك زمان في الحساب كان في حاجة اسمها تحليل الاعداد او
تفكيك العدد لعوامله او عناصره الاولية
مثلا الرقم 12 = 2*2*3
وهذا بالضبط ما يحدث في السودان وهو بالضبط كما حدث في الاتحاد السوفيتي
يعني الشيوعيين في روسيا تسببوا في تجميع الاتحاد السوفيتي وبي فشلهم تسببوا في تفكيكة
دول ثم دويلات، يوغوسلافيا نموذجا
|
Post: #9
Title: Re: فقط مثلث حمدي
Author: أحمد ابن عوف
Date: 08-16-2010, 11:07 AM
Parent: #7
حبيبنا خيري
وقريبي
Quote: سوبا!!!؟؟؟
القال كده منو يا احمد؟
انحن النوبه يا ابوحميد ماعندنا حدود
نحن عندنا رأى فى كل بلد اتوجد فيها
قبائل الماساى حول البحيرات العظمى
عندنا رأى فى زولو نيشن
عندنا رأى فى بلاد الاشانتى
هؤلاء هم احفادنا وبلادهم هى بلادنا
|
وانت قايل انا مالي يدي فوق شنو، ما عشان نوبتي دي البقدر اقالع بيها المصريين زاتو
في ابو الهول
والله اكرم يا حبيب
|
Post: #10
Title: Re: فقط مثلث حمدي
Author: خيرى بخيت خيرى
Date: 08-16-2010, 11:16 AM
Parent: #9
انا عارفك يااخوى
فالنجاهد من اجل البقاء
مودتى
|
Post: #11
Title: Re: فقط مثلث حمدي
Author: أحمد ابن عوف
Date: 08-16-2010, 11:37 AM
Parent: #10
اخ خيري
| Quote: فالنجاهد من اجل البقاء |
بقاء وين زاتو؟؟
|
Post: #12
Title: Re: فقط مثلث حمدي
Author: أحمد ابن عوف
Date: 08-16-2010, 11:42 AM
Parent: #11
المحيرني ليك انو ناس مثلث حمدي دا مكنكشين ليك في البلد دي
وعمرهم ما قالوا دايرين ينفصلوا؟؟
بس، يعصروا ليك الناس ويخلوهم ليك الآخرين هم الذين يطالبون بالانفصال
ويساومو على كده
غايتو يا الجلابة !!!
|
Post: #13
Title: Re: فقط مثلث حمدي
Author: الطيب رحمه قريمان
Date: 08-16-2010, 12:01 PM
Parent: #12
أخى الاستاذ الفاضل أحمد بن عوف
لك التحية و رمضان كريم و تقبل الله منا و منكم
ناس مثلث السجم الاسمو حمدى ديل هم الذين جابو خبر السودان
هؤلاء مصابون بمرض مزمن اسمه السلطة و عصر الناس .
و لما نقول الجلابة عملوا كذا و كذا يجوك كل السجم و الرماد
يا أحمد و يقفوا ليك فى حلقك
لعنة الله على الفاسدين و اللصوص و القتلة .
Quote:
المحيرني ليك انو ناس مثلث حمدي دا مكنكشين ليك في البلد دي
وعمرهم ما قالوا دايرين ينفصلوا؟؟
بس، يعصروا ليك الناس ويخلوهم ليك الآخرين هم الذين يطالبون بالانفصال
ويساومو على كده
غايتو يا الجلابة !!! |
|
Post: #14
Title: Re: فقط مثلث حمدي
Author: قلقو
Date: 08-16-2010, 12:01 PM
Parent: #12
| Quote: القصة دي لنفسياتنا زاتو ما كويس |
من الناطقين بغيرها يااحمد؟
مع تحياتى .
|
Post: #15
Title: Re: فقط مثلث حمدي
Author: أحمد ابن عوف
Date: 08-16-2010, 12:49 PM
Parent: #14
الطيب اخوي
تحياتي
| Quote: لعنة الله على الفاسدين و اللصوص و القتلة . |
|
Post: #16
Title: Re: فقط مثلث حمدي
Author: أحمد ابن عوف
Date: 08-16-2010, 12:54 PM
Parent: #15
| Quote: من الناطقين بغيرها يااحمد؟ |
indeed
|
Post: #17
Title: Re: فقط مثلث حمدي
Author: الطيب رحمه قريمان
Date: 08-17-2010, 08:05 AM
Parent: #16
الاستاذ الفاضل أحمدبن عوف
لك التحية و التقدير
للفايدة العامة .. هل تكرمت بتعريف مثلث حمدى و حتى يقف القارئ على الفكرة ؟
|
Post: #18
Title: Re: فقط مثلث حمدي
Author: أحمد ابن عوف
Date: 08-17-2010, 08:27 AM
Parent: #17
سلام يا الطيب
| Quote: للفايدة العامة .. هل تكرمت بتعريف مثلث حمدى و حتى يقف القارئ على الفكرة ؟ |
مثلث حمدي معروف، دنقلا سنار وكردفان (وليس الابيض)
لا ادري ماذا كان يرمي اليه هذا العبدالرحيم، فاماانه صاحب قصر نظر ولم يقدر
ان ما اعلنه من تركيز للتنمية في هذا المثلث قد تثير الآخرين للثورة، وهو تماما
ما حدث في الشرق والغرب والجنوب اساسا ما كان ناقص، بل اتبعتهم مناطق اخرى
في تمردها على المركز، جنوب النيل الازرق وجبال النوبة
واما كان صاحب وجهة نظر بعيدة وكان فعلا هذا ما تريده الحكومة، وهي اجبار الآخرين
على السير في دعاوي الانفصال، وبي كده اخلاقيا لن اكون ملزما بعمل اي تنمية في مناطقك
يعني ما ممكن تقول لي يا خليل ابراهيم انك داير دارفور تنفصل وفي نفس الوقت ابني ليك
مدارس ومستشفيات فيها!!
وللتوضيح ايضا، كلمة جلابة الفوق دي قصدت بيها كل الطفيليين المنتفعين من الحكومات (اي حكومات)
فيهم من ابناء الشرق والشمال والجنوب والغرب. لا ينتمون الى قبيلة بعينها.
هم مخربين الاقتصاد، رشاوي، محسوبية، تجار عملة، مخصصات، فساد ... الخ
لكن لماذا انا عنونت موضوعي بمثلث حمدي:
اختصارا
هي الجهة الجغرافية الوحيدة الى الآن التي لم نسمع اي اصوات منها تنادي بالانفصال.
واذا حدث، فهذا يعني انه لم يتبقى شيء.
لماذا؟؟ دا برضو سؤال موضوعي
|
Post: #19
Title: Re: فقط مثلث حمدي
Author: الطيب رحمه قريمان
Date: 08-17-2010, 09:20 AM
Parent: #18
الاستاذ الفاضل أحمد بن عوف
لك التحية الطيبة و التقدير
طبعا و بدورى لا ادرى لماذا اخرج "حمدى" الابيض من مثلثه .. !!!
لكن على اى حال هى فكرة مريضة و محاولة لجمع و استعداء ابناء
الوطن "الواحد" ضد بعضهم البعض و هذا تفكير غير قويم .
و اشكرك جد على توضيح مصطلح "جلابة" الذى يحوم حوله الكثيرون و يدافعون عنه دون دراية و فى الحقيقة فى كل كتباتى تجنبت استخدام هذا المصطلح لجهل و عدم المام الكثيرين به بل و يسئون فهمه , فهو فكرة و مفهوم يمكن ان يشمل اناس "حكام" و منتفعين بصرف النظر عن قبائلهم او مناطقهم او معتقدهم . سلمت يا أبو حميد , اشكرك جدا . على عمر عبدالمولى و عادل امين و غيرهما الاطلاع على التعريف ادناه
Quote: وللتوضيح ايضا، كلمة جلابة الفوق دي قصدت بيها كل الطفيليين المنتفعين من الحكومات (اي حكومات)
فيهم من ابناء الشرق والشمال والجنوب والغرب. لا ينتمون الى قبيلة بعينها.
هم مخربين الاقتصاد، رشاوي، محسوبية، تجار عملة، مخصصات، فساد ...[/QUOTE]
|
Post: #20
Title: Re: فقط مثلث حمدي
Author: الطيب رحمه قريمان
Date: 08-18-2010, 07:57 AM
Parent: #19
يرفع لاهمية البوست
|
Post: #21
Title: Re: فقط مثلث حمدي
Author: خيرى بخيت خيرى
Date: 08-18-2010, 08:39 AM
Parent: #20
ايوه والله مهم
|
Post: #22
Title: Re: فقط مثلث حمدي
Author: Tragie Mustafa
Date: 08-18-2010, 08:48 AM
Parent: #21
اعتبرها بديان تفيت لمثلث حمدي يا احمد
النشوف آخرى الفصاحه بتاعت فصل الدين عن الدوله
حدها وين؟؟!!
علماني (مثلث حمدي) اباقون انتم مع هؤلاء المتشنجين؟؟!!
شابكين لك الحركه الشعبيه شتميه
ومطلعين لك ثلاثه ارباع الهامش كيزان!!
اها اليورنا البقعدهم في مثلث حمدي ده شنو؟؟؟
|
Post: #23
Title: Re: فقط مثلث حمدي
Author: أحمد ابن عوف
Date: 08-21-2010, 01:27 PM
Parent: #22
سلامات يا تراجي
واعذرينا على التأخر في الرد
اولا تحياتي ليك وللاولاد وتصوموا وتفطروا على خير ان شاء الله
| Quote: اعتبرها بديان تفيت لمثلث حمدي يا احمد |
مثلث حمدي ناسو اتفرتقو زمااااان يا تراجي، يا حليلهم
وين مشروع الجزيرة
وين مصانع الباقير والحاج عبدالله والجنيد و و و و و الخ
قرى النيل الشمالي ودايرين يغرقوها كلها بي 7 سدود
لكن بعد دا كله ما طالبوا بالانفصال
| Quote: ومطلعين لك ثلاثه ارباع الهامش كيزان!! |
دي حقيقة يا تراجي، ما 4/3 لكن نسبة لا باس بها من ابناء الهامش كانوا
سندا لهذه الحكومة او بالاصح كانوا هم سندا للجبهة الاسلامية القومية
منذ نشاتها وخصوصا في فرعها الطلابي
الليله دايرين تنفصلوا؟؟!! لا يا خليل يا عمك، تعمل 20 ذراع طويلة ما بنسالك
لكن الخازوق الساهمت في بناءه دا، الا تفرتقوا معانا سوا
تنفصلوا وتخلونا برانا مع الكيزان ديل؟؟؟؟؟!!!!
الليله والليله
تحياتي
|
Post: #24
Title: Re: فقط مثلث حمدي
Author: الطيب رحمه قريمان
Date: 08-24-2010, 11:31 AM
Parent: #23
لاهمية البوست
تحياتى يا استاذ احمد
|
|
|