تعرف الإنجليز عمرنا كله بنعرف أنهم بيتميزوا بالبرود،، لكن الثقالة دة ما كنا عارفنها،،، بالله براون الجن ده العسكري ده ما واقف فوق بابه وبيمر بيه كل يوم سلام الله ساكت ما داير يديهو ليه... شكيته على الله السجمان...
يا السنجك الإنجليز طبعاً حكاية المصافحة باليدين ما عندهم .. يا دوبك بعافروها معافرة لمن يمشوا يزوروا دول تانية. أما صاحبك أوباما طبعاً فرحان ما صدّق يصافح حرس No. 10 Downing Street. ولمن تصافح ليك إنجليزي بتشعر بيدو عوجة في يدك .. حتى حكاية فرد اليد للسلام ما بعرفوها.
الحبيب كباشى وينك يازول !!! ما قالوا مسقط دى زى توتيل كان شربت مويتها بتجيها تانى ! كنت داير اطايبك فى الاول لكن قلت ندى صاحب البوست حقو واجيك صاد الله يديك العافية ويتقبل
Long time since long ya Kabashi, I am wondering how life is treating you and family, Ramadan karem
Post: #8 Title: Re: إهداء إلى الزميل كباشي الصافي cantona_1 Author: cantona_1 Date: 08-16-2010, 03:59 AM Parent: #6
يا عبد الرحمن قرشي كيفك وأحوالك في البلد الطيب أهلها. من كم يوم في سيرتك وأخبارك لكن ما في زول أدانا معلومة عنك. الحمد لله أنك بخير... نلتقي إن شاء الله في الماسنجر والإيميل. وتصوم وتفطر على خير.
Post: #7 Title: Re: إهداء إلى الزميل كباشي الصافي cantona_1 Author: cantona_1 Date: 08-16-2010, 03:56 AM Parent: #5
يا الفاتح لي أكتر من شهرين بلاقي الأستاذة في المنبر وبسلم عليها مرات تطنشني ومرات ترد. لكن ردها رد زول ما عارف هو بتكلم مع منو؟ وفي كل مرة بقول ليها سلمي على الفاتح والعيال. وترجع وتقول لي سلامك يصل. مرة قلت ليها عايني في الصورة وكان ما عرفتيني شوفي البروفايل برضو ما جاب معاها دخل. قول ليها كباشي قال ليك: دخل الما بداوا والله كريم. تحياتي لكم جميعاً
Post: #9 Title: Re: إهداء إلى الزميل كباشي الصافي cantona_1 Author: Deng Date: 08-16-2010, 01:53 PM Parent: #7
Quote: يا الفاتح لي أكتر من شهرين بلاقي الأستاذة في المنبر وبسلم عليها مرات تطنشني ومرات ترد. لكن ردها رد زول ما عارف هو بتكلم مع منو؟ وفي كل مرة بقول ليها سلمي على الفاتح والعيال. وترجع وتقول لي سلامك يصل. مرة قلت ليها عايني في الصورة وكان ما عرفتيني شوفي البروفايل برضو ما جاب معاها دخل. قول ليها كباشي قال ليك: دخل الما بداوا والله كريم. تحياتي لكم جميعاً
Quote: كانتونا. سلامات.هسع لو كنت أبو عتيق كان أتزكرتك.
سلامات يا دينق يا حبيب... رمضان كريم... الجماعة جو فطروا معاك ولا لسّع؟ ما تنسى تجهز المصلايات. وإن شاء الله متذكِّر ناس عسولة والحاجات التانية الحلوة العارفها؟ أخبار الحاجة شنو؟ إن شاء الله تمام التمام؟ كباشي الصافي
Post: #11 Title: Re: إهداء إلى الزميل كباشي الصافي cantona_1 Author: أحمد المصطفى ابراهيم Date: 08-16-2010, 04:29 PM Parent: #10
الباشمهندس كباشي الف سلام لك من اللعوتة والتيار سابقا يا أخي اللعوج رأي ما اصح من العوج لامين بتتقري صاح أليس كذلك يا باش ؟؟ رمضان كريم
Quote: يا أخي اللعوج رأي ما اصح من العوج لامين بتتقري صاح أليس كذلك يا باش ؟؟
يا أستاذ أحمد المصطفى رمضان كريم .. تصوم وتفطر على خير. حسب اللهجة المحلية لمنطقة المثل تكون الكلمات. ألمي في الغرب وموية في الوسط. تمر في الغرب وبلح في الشمال. عُجول في الوسط وعجّال في الغرب. وهكذا (دواليبك) كما قال الأخ الرئيس القائد جعفر النميري سابقاً. لك الود والتحايا. كباشي الصافي
يا الشايقي انا خايف زولك يوم يطقوا طلقة زي كنيدي تجيب خبره في لحظة. البشير قاعد يمشي بيوت البكيات عادي وبتغدى مع الناس. سيد المطعم الجيعان ما بعزم الرئيس وضيفه! لاحظ الأمريكان الما عندهم أدب بسلموا على الرئيس قاعدين تقول الواحد فيهم عمدة. إنت بتجيب المصايب دي من وين؟ الجماهير ما بتهتف تقول الله أكبر .. أدوهو مريلة هدية تذكارية. تحياتي. كباشي الصافي
بالغت معاي يا دينق لوووووووووووول لوما الدنيا رمضان كان عملت شنو ياخ؟ ولا عشان رمضان قلت احسن تجيب لي مفتي البالتولك في زمانه هسه تلقاه مدور ليك الجماعة الايام دي في رمضان زمن والله كيفك يا دينق وكل سنة وانت طيب ياخ
استاذ كباشي سلامات ورمضان كريم وكل سنة وانت طيب انت والاسرة الكريمة كلامك غريب حكاية اني لما اشوف الصورة واعاين في البروفايل حتي اعرفك!!!! اول حاجة الكلام القلتو ده انك نبهتني اقرأ البروفايل واشوف الصورة اول مره اشوفو هسه هنا والله العظيم هسه لوما الفاتح نبهني اقرأ مداخلتك دي ما كنت شفت كلامك ده خالص البوستات كتيرة ومافي زول بقدر يدخلها كلها الا البخصك منها الشيء التاني انا لما سلمت عليك وسألتك من اولادك وبلدك وين ووين مختفي الزمن ده كلو والله ما رديت لي واعتبرتك ما قريت المداخلة واحدت الموضوع عادي ودي كانت فى الربع الفات علي ما اعتقد لانه بعد ظهورك طوالي والله ما متذكرة في ياتو بوست اعتقد في بوست من بوستات السياسة مسخن وفجأة شفتك فيه المهم ... عليك الله انت هسه من ما فارقت الناس في آخر زيارة ليك لمسقط سألت ولا اتصلت ولا حتى رسلت اميل ؟ ولا لوما لاقيت الناس في اسافير الله دي ما بتسأل ولا بتسلم اها النجيه ليك اللوم سمح وقت جابتلها لوم على قول اهلنا العرب يعني لومافي شغل ولا جية للبلد تجبرك تلاقي الناس خلاص تاني ما بتسأل منهم اتلومت ات لوم الجبال والحجار والنحكم اخونا الشايقي دة الهجمناهو في صمة بوستيه ده ودينق برضو كمان والخائن الله يخونو يا جماعة كباشي ده يكون جاي البلد التلفونات تقع هبطرش ولمة زي السكر وونسة من المطار للمطار كل لحظة اجمل من القبلها وده غير البزنس الما شفنا منه عمار اها وحاتكم بعد قولة مع السلامة في مطار مسقط تاني جرة اميل ساي قولة يا خوانا وصلت اهلي بخير ماف ضمة مع انه المفروض الناس ما تنقطع وما تجي تقول لي انتوا لي ما بتتصلوا العرف معروف البغادر الناس هو البطمنهم عليهم ولا مو كدة يا اهلنا؟؟ وعلى قولك العوج راي والعديل راي والفاتح الجنيد انت خليك بعيد لا صحوبية لا غيره نظام محايدة وكدة وياخوي الدنيا رمضان بكرر ليك سلامي وتهنئة رمضان ليك وللاسرة الكريمة وتصوموا وتفطروا على خير وكل سنة وانتو طيبين
الشايقي يا بوي كيفنك ورمضان كريم عليك وتصوم وتفطر على الف خير ان شاء الله واعفا لينا احتلينا البوست كل عام والجميع بالف خير
Post: #20 Title: Re: إهداء إلى الزميل كباشي الصافي cantona_1 Author: Deng Date: 08-17-2010, 01:32 PM Parent: #19
سوما.
سلامات وكل سنة وأنتي طيبة.
معليش ما تاخدي في خاطرك من كانتونا. أصلوا رمضان مسخن معاهو.
يكون يا ربي أفتكرك عسولة لمن سلمتي عليهو هههههههههه
سوما يا بنت عمي سلامات ورمضان كريم وتصومي وتفطري على خير. أنا قايلك سودانية لقيتك برازيلية.. بتطبقي مبدأ الهجوم خير وسيلة للدفاع كما يقول البرازيليون في الكورة. أنا حكاية المراسلات ما بفتر منها لكن لمن ترسل للزول مرتين تلاتة ومايرد بتصور أنه مشغول وبديهو فرصة والله ما غبتوا عن البال لكن المشغوليات اكتر من الهم على القلب. أما المنبر فما بدخله إلا لمن أكون في لندن. في السودان النت بطيئة وأنا مشغول ومسافر على طول بين الخرطوم وكردفان من بداية الموسم وحتى نهاية مايو يونيو زي ساقية جحا... المعايش جبّارة. لك العتبي حتى ترضين وإن شاء الله أزوركم تالت ومتلت كما يقول أبناء النيل. تحياتي للعيال وأبوهم. كبـّـاشي الصـّـافي
معليش ما تاخدي في خاطرك من كانتونا. أصلوا رمضان مسخن معاهو.
يكون يا ربي أفتكرك عسولة لمن سلمتي عليهو هههههههههه
بعدين أبو عتيك ده أظنوا أختفى من البال توك.
سمى نفسو أبو حازم وبعد داك أختفى.
أسئلي منوا ناس كانتونا. ديل كلهم ناس لندن.
لوووووووووووووووووول دينق والله انت بس البتعرف لعمك كباشي دة انت صي يا كباشي ابو عتيق ده قالوا معاكم هناك في لندن ما تقوم بالواجب تجاه مهاجماتو الاسفيرية لخلق الله لوووووووول وبرضو ينوبك ثواب في رمضان ده والله يا دينق انا البال من ما اتفرتقت اللمة السمحة ديك فارقتوا فراق اهلنا الغبش لي البندر ابدا والله يا دينق انا ابدا ما باخد في خاطري وانت اكتر الناس عارفني لكن عمك كباشي ده اختلط عليهو الاختساس علي قول اهل العوض لكن كلو خير يا خوي وكل سنة وانت طيب يا رب
حبابك يا كباشي وحات الله شدة ماني سودانية غبيشة من بطن اهل العوض برزيلية انت فاكرني صاحبك الجنيد ولا شنو ؟ هو المهووس بي برشلونة والبرازيل والله انا سوما دي ما جاني منك اي شىء والمشغوليات مهما كترت ما بتشغلنا عن الحبايب وكمان بالامارة اسأل ناس حبايبنا صلاح وبدور لما طولت الغيبة سالتهم منك وعرفت اخباركم بخير الحمد لله لما بدور مشت الاجازة وقالت قابلت الاولاد هناك تحياتي للمدام وان شاء الله نلاقيكم قريب وكل سنة وانتو طيبين