Post: #6 Title: Re: (زينوبة) .. بصوت شقيق رئيس الجمهورية (فيديو) Author: احمد محمد بشير Date: 08-15-2010, 08:02 PM Parent: #5
يا هـــو عمك المطلوب الدولي قاعــد يغني وقال في الغنية إنو حار بيهو الدليل
Post: #7 Title: Re: (زينوبة) .. بصوت شقيق رئيس الجمهورية (فيديو) Author: khalid fahmi Date: 08-15-2010, 08:05 PM Parent: #5
احمد بشير
سلامات
Quote: أنت كنت وين يا خالد فهمي لمن فتحنا البوست دة ؟؟
قاااااااااااااااااااااااااااااعد
.. لكن بوستك داك ما فيهو :
كبك كبك كبك كبك كبك كبك كبك كبك
..
Post: #8 Title: Re: (زينوبة) .. بصوت شقيق رئيس الجمهورية (فيديو) Author: cantona_1 Date: 08-15-2010, 08:32 PM Parent: #7
يا ناس المنبر مالكم بقيتوا زي بيضة أم كتيتي؟ البشير غنى اوووب ... ناس النظام العام منعوا الغناء والرقيص أوبيييييييين... يسوا ليكم شنو؟ عندما ردد الرئيس تلك الكلمات مع الشابة المغنية في مهرجان طلابي كان قصده التشجيع لها ورفع روحها المعنوية بعد أن جلست أمامه ومدّت له المايك... فهل تريدونه أن يحرجها ويصمت... يمين لو عمل كدا كان ما خليتو ليهو جنبة يرقد عليها. الرجل تجاوب مع البنية السكرية وردد معها الكلمات المتبقية من بيت الشعر ماهو الغلط في ذلك؟ يبدو أن الباحثين عن (الشّنيف) لن يألوا جهداً أن يخلقوا من فسيخ كل مناسبة شربات. وقديماّ قيل: (خصيمك يبين ليك في مدغ البليلة). بمعنى آخر: القاصدك في الضلمة يحدر ليك.
Post: #9 Title: Re: (زينوبة) .. بصوت شقيق رئيس الجمهورية (فيديو) Author: khalid fahmi Date: 08-15-2010, 08:45 PM Parent: #8
Quote: ندما ردد الرئيس تلك الكلمات مع الشابة المغنية في مهرجان طلابي كان قصده التشجيع لها ورفع روحها المعنوية بعد أن جلست أمامه ومدّت له المايك... فهل تريدونه أن يحرجها ويصمت... يمين لو عمل كدا كان ما خليتو ليهو جنبة يرقد عليها. الرجل تجاوب مع البنية السكرية وردد معها الكلمات المتبقية من بيت الشعر ماهو الغلط في ذلك؟
كدي إنت شفت الفيديو المقصود في البوست ده ؟
Post: #10 Title: Re: (زينوبة) .. بصوت شقيق رئيس الجمهورية (فيديو) Author: cantona_1 Date: 08-15-2010, 09:52 PM Parent: #9
Quote: كدي إنت شفت الفيديو المقصود في البوست ده ؟
يا خالد فهمي في البوست فيديوهين واحد لأخ الرئيس وهذا لا يهمني في شئ. سوداني وبغني مهما كان وضعه حتى ولو كان القائد العام. المهم مواطن. ولا تعليق لي على غناه ورقيصه. الفيديو التاني الفيهو الرئيس ردد كلمة مرتين تقديراً وتشجيعاً للبنت المغنية في مهرجان ما في دنقلا. دا المهم عندي. وبعتبر مشاركة الرئيس ما هي إلا تشجيعاً للمواهب التي ربما يكون لها شأن في مسيرة الفن السوداني والله أعلم.
Post: #11 Title: Re: (زينوبة) .. بصوت شقيق رئيس الجمهورية (فيديو) Author: khalid fahmi Date: 08-15-2010, 10:40 PM Parent: #10
Quote: واحد لأخ الرئيس وهذا لا يهمني في شئ. سوداني وبغني مهما كان وضعه حتى ولو كان القائد العام. المهم مواطن. ولا تعليق لي على غناه ورقيصه.
تقديري
Post: #12 Title: Re: (زينوبة) .. بصوت شقيق رئيس الجمهورية (فيديو) Author: cantona_1 Date: 08-16-2010, 04:11 AM Parent: #11
خالد فهمي .. إنت فاهم فعلاً لا قولاً. واحدين لو تداخلك ما عجبهم بقلبوها حاجة تانية المتداخل ما فكّر فيها. لكن إحترام الرأي الآخر كما تفعل دليل على الفهم الكامل والكمال لله. الله يديك العافية. كباشي الصافي
Post: #13 Title: Re: (زينوبة) .. بصوت شقيق رئيس الجمهورية (فيديو) Author: khalid fahmi Date: 08-17-2010, 08:20 AM Parent: #12
Quote: واحدين لو تداخلك ما عجبهم بقلبوها حاجة تانية المتداخل ما فكّر فيها
الله يصفي النفوس .. ويحسن الظن ...
يديك العافية ..
..
Post: #14 Title: Re: (زينوبة) .. بصوت شقيق رئيس الجمهورية (فيديو) Author: م. سيد احمد قدورة Date: 08-17-2010, 10:48 AM Parent: #13
يعنى المشكله شنو انو الرئيس يغنى ولا اخو الرئيس ماتخلوا الناس تبتهج ما كلكم مبتهجين يعنى جنس حساده
