Post: #1
Title: فـارس الشيــل
Author: فاروق أبوحوه
Date: 08-14-2010, 11:55 PM
التلب اللـزوم .. صاقعة هوايد الليل
الفارس الهميم .. الفوق سنابك الخيل
أخوك يا السُرّه .. فـارس الشيـل
الدَرَت الكبس .. وهجم البلد سيلـو
عاوان الضعيف .. تمتام نقاص حيلو
أخوك يا السُرّه .. فارس الشيــل
البرق البشيل .. من عصرو عبادي
المطر البسيل .. بالعافيه في الوادي
أخوك يا السُرّه .. فـارس الشيـل
ستّار العروض .. الراكـز الضرغام
قضّاي الغروض .. مطر السما الجمّام
أخوك يا السُرّه .. فـارس الشيــل
الولـد الجَلَد .. مُرحاكة المريوق
عارفاك البلد .. بتحلحل المزنوق
أخوك يا السُرّه .. فارس الشيـل
يرعاك الكريـم.. تتعلاّ يالمبروك
يا ساتر العقاب .. يا ناجد المدروك
أخوك يا السُرّه .. فارس الشيـل
t
|
Post: #2
Title: Re: فـارس الشيــل
Author: Osman Musa
Date: 08-15-2010, 00:29 AM
Parent: #1
ابشر بالخير .
ويمين يا هو ده الكلام البجيب حقو .
وابشر تانى .
|
Post: #3
Title: Re: فـارس الشيــل
Author: فاروق أبوحوه
Date: 08-15-2010, 08:46 AM
Parent: #2
Quote: ابشر بالخير .
ويمين يا هو ده الكلام البجيب حقو .
وابشر تانى . |
الحبيب عثمان موسي:
أبشرن بالخير ..
وقولن جووووو.
حبابك تب والله
وتعال في البوش دا:
/// دوبيت ومسادير ///
غايتو قاصرين لسانا عشان رمضان
|
|