Post: #1
Title: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 00:35 AM
Parent: #0
السنه المضت فى نفس التاريخ والدنيا خريف ورمضان
مرقنا انا احمد يوسف ابوحريره رحلةزى اليومين ديل
اهاوجودى فى الرياض محبوس وللظروف احكام واليومين ديل
السودان جؤها خريفى كل شى فى محلو الا انا احمد بى هناك
والسودان بى هناك الا انا زى الصيده
القال الفيها الفرجونى القصيده وغناها يوسف اخوه بقول فيها
الشافك على كسمور ملاده حرايقك
ما كان جابك السجن الحديدو بضايقك
سوف انزل جزء من الرحله مع نميم محمد ربابه فى البطانه
|
Post: #2
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 00:36 AM
Parent: #1
|
Post: #3
Title: Re: عاودنى الحنين وفؤادى تاعبو الشوق توجد زكريات
Author: معاذ حسن
Date: 08-14-2010, 08:48 AM
Parent: #2
شيخ العرب
رمضان كريم
عليك بالصابئة ناس الليل جماعة طارق جبريل .
|
Post: #4
Title: Re: عاودنى الحنين وفؤادى تاعبو الشوق توجد زكريات
Author: حمزاوي
Date: 08-14-2010, 08:59 AM
Parent: #3
إذا البطحاني شيخ القبيلة
المساح دمع البكى
وشيال التقيلة
سيد الرجال العمسيب
يريد ان يسامرنا
فعلي الجميع المتابعة
فالمتعة في نشوق البطانة
أها متابعين
|
Post: #5
Title: Re: عاودنى الحنين وفؤادى تاعبو الشوق توجد زكريات
Author: عبد اللطيف بكري أحمد
Date: 08-14-2010, 10:26 AM
Parent: #4
Quote: إذا البطحاني شيخ القبيلة
المساح دمع البكى
وشيال التقيلة
سيد الرجال العمسيب
يريد ان يسامرنا
فعلي الجميع المتابعة
فالمتعة في نشوق البطانة
أها متابعين |
الخال حمزاوي،،
تتحدث هكذا وكأنك كنت معنا على مائدته يوم الخميس الثاني من رمضان،،
أكرم وفادتنا بشهي الطعام وحسن الكلام وأنيق الأستقبال من الأسرة الكريمة،،
صحبة رائعة مع الريس أبو جهينة ، وجلسة أروع في دياره الجديدة بالحي البعيد داك
الأسكان،،
الامين البشاري كان هادئاً بجواري ليس كما يبدو عصياً في صفحات البورد،،
وعرفت ان بعض البورداب كان مدعواً وحالت ظروف بعضهم دون وصولها،،
وطارق جبريل أيضاًُ كان له طبقاً من بين ثنايا المائدة حيث تلى لنا أبو أحمد
جزء من كلام طارق مشيول الحال ، والله ياطارق الأرباب طابع كلامك عن (الحفرة)
ويجيد قراءته بنفس لكنتك التقول جابك قدر كريمي قبل اسبوع،،
جعلها الله دياراً معمورة دائماً بالوئام والمودة ومجبولة كالعهد على إكرام الضيف
وتجسيد المعاني الرائعة لمورثاتنا الحق،،
شكرا ياخالد وأم أحمد ، والدكتور أحمد ،،
الله يقدرنا على الجمايل ،،
|
Post: #9
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 05:43 PM
Parent: #5
Quote: الامين البشاري كان هادئاً بجواري ليس كما يبدو عصياً في صفحات البورد،،
وعرفت ان بعض البورداب كان مدعواً وحالت ظروف بعضهم دون وصولها،،
وطارق جبريل أيضاًُ كان له طبقاً من بين ثنايا المائدة حيث تلى لنا أبو أحمد
جزء من كلام طارق مشيول الحال ، والله ياطارق الأرباب طابع كلامك عن (الحفرة)
ويجيد قراءته بنفس لكنتك التقول جابك قدر كريمي قبل اسبوع،،
جعلها الله دياراً معمورة دائماً بالوئام والمودة ومجبولة كالعهد على إكرام الضيف
وتجسيد المعاني الرائعة لمورثاتنا الحق،،
شكرا ياخالد وأم أحمد ، والدكتور أحمد ،،
الله يقدرنا على الجمايل ،، |
الاخ الوجيه عبد اللطيف بكرى
شكرا على تكبدكم المشاق من اقصى الشمال الى اقصى الجنوب
مع الريس ابوجهينه الذى اقترح عليك ان يدفع معك النص فى مخالفة
المرور بسبب السرعه وانتم فى طريقكم الينا
شكرا يازول يانيل فوجودكم معنا تشرفنا به كثيرا
|
Post: #8
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 05:30 PM
Parent: #4
Quote: إذا البطحاني شيخ القبيلة
المساح دمع البكى
وشيال التقيلة
سيد الرجال العمسيب
يريد ان يسامرنا
فعلي الجميع المتابعة
فالمتعة في نشوق البطانة
أها متابعين |
حمزاوى كلمة نشوق دى جبتها من وين والله رطانى ونجح
طبعا اليومين ديل كل الناس ناشقه الى البطانه
ما برجعوا الا بعد عيد الضحيه تلقاهم بيوتات بيوتات
فوق الحدبه ديلك اولاد فلان وديلك اولاد علان
والبيوت من الشعر والبروش
والابل والغنم يشبعن من طرف الفريق
بت ام ساق على طرف الفريق اتعشت
تحياتى يازول love you
|
Post: #6
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 01:05 PM
Parent: #3
Quote: شيخ العرب
رمضان كريم
عليك بالصابئة ناس الليل جماعة طارق جبريل . |
مرحب يا معاذ اكيد السنجك زول جميل وكلامه بشبهو
وبرضو نحن نقول اى حاجه من المغرب على العين والراس
شكرا على المرور وانشاء تكون استمتعت بهذا الدوبيت الجميل
|
Post: #7
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 01:09 PM
Parent: #6
غيلولة
|
Post: #10
Title: Re: عاودنى الحنين وفؤادى تاعبو الشوق توجد زكريات
Author: الكباشى البكرى
Date: 08-14-2010, 06:07 PM
Parent: #7
سلام شيخ العرب وتقبل الله الصيام والقيام
الحديث عن باديتنا السودانيه حديث ذو شجون وذو طعم ومذاق خاص جدا
لايدركه الا من عاش في هذه الباديه وعايش اهلها عن قرب
تعرف لى مشاهيد الرقاد والفَره
فلاًخ المصب بيهو بتبين تِتوره
فوق حيا فوق مَحَل من الصعيد مِنجره
شاحد الله الكريم ما تلقى فيهو مَضَره
|
Post: #11
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 06:36 PM
Parent: #10
Quote: سلام شيخ العرب وتقبل الله الصيام والقيام
الحديث عن باديتنا السودانيه حديث ذو شجون وذو طعم ومذاق خاص جدا
لايدركه الا من عاش في هذه الباديه وعايش اهلها عن قرب
|
مرحب الكباشى ود كباشى القوم
والتحيه عبرك الى كل اولاد الكباشى
من قومة الجهل ولداً مميز عومو ***وحافلات الخيول فيهن بكتر كومو
خليفة المنتظر عمارة جاك ما تلومو ** جاك كبش الضحية الليلة آخر يومو
من قومة الجهل ولداً ولو بضارة ** يعصر الكيك على الحرب البتوقد نارة
جاييك بامتثال ود عزة النقارة **** خليفة المنتظر قول السماح لي عمارة
من قومة الجهل بركب على المتشابي * وحافلات الخيول فيهن بعزل النابي
خليفة المنتظر عمارة جاك مومابي *** حلفتك بالرسول تقوله من أصحابي
|
Post: #12
Title: Re: عاودنى الحنين وفؤادى تاعبو الشوق توجد زكريات
Author: حبيب نورة
Date: 08-14-2010, 07:40 PM
Parent: #11
والله صدقت يا شيخ العرب
بجيك إن الله سهل
|
Post: #13
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-14-2010, 11:51 PM
Parent: #12
ماقت بتجينا ياحليل مجيك
|
Post: #14
Title: Re: عاودنى الحنين وفؤادى تاعبو الشوق توجد زكريات
Author: طارق جبريل
Date: 08-15-2010, 00:43 AM
Parent: #13
الرسول يا شيخ المحرب ما تعزموني معاكم لي شيتكم السمح دة
|
Post: #16
Title: Re: عاودنى الحنين وفؤادى تاعبو الشوق توجد زكريات
Author: Ahmed Yousif Abu Harira
Date: 08-15-2010, 11:01 AM
Parent: #14
ود المحرب
ان عاودك الحنين واتعب فؤادك الشوق
فما عليك الا تنفيذ ما اتفقنا عليه.
تعال ان شاء الله ردف مع عمك ودالشريقاوي ده:
خبارو العادي أصبح بصرو غازّو شمال
أخاف هفـّالو بُريب الضرا الوقـّال !
رايهوبن جمالو طبيعي ماهو دلال
إت بتواغلو يا أب لبـّة القفاك وشـّال
|
Post: #23
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-16-2010, 12:12 PM
Parent: #16
Quote: ود المحرب
ان عاودك الحنين واتعب فؤادك الشوق
فما عليك الا تنفيذ ما اتفقنا عليه.
تعال ان شاء الله ردف مع عمك ودالشريقاوي ده:
|
احمد كيفك اها شديت وبسم الله
بينَــــــك وبيِن بِلـــــودْ العِنْدو فُوقْنَا حَقوقْ
جَاكْ صَيَّا مَفَاســــــِح وفي وطَاطُو شِقُوقْ
عَلى سُكــــــــّرْ نبات الفي العِــــلبْ مَدْقُوقْ
قَمــــــــــــاري الجَالسَة خَلّيتِنْ يَسَوّنْ قُوقْ
معليش كت غايب دايرين نتونس فى البوست كل مره بجونا ناس
الليلى ماجاكم مطر
|
Post: #22
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-16-2010, 12:02 PM
Parent: #14
| Quote: الرسول يا شيخ المحرب ما تعزموني معاكم لي شيتكم السمح دة |
طروقى ودجبريل تجى ولا نجى
لى يومين مسجل غياب لكن جيت
شكرا على المرور على ديارنا
|
Post: #15
Title: Re: عاودنى الحنين وفؤادى تاعبو الشوق توجد زكريات
Author: احمد محمد بشير
Date: 08-15-2010, 10:51 AM
Parent: #13
أول شي رمضانك كريم يا ود المحرب ..
و الله بالحيل متذكرين الرحلة بتعاتك مع البندقيّة و الوليدات لي بطانة الخير و الصور و الحاجات السمحة ديك العرفتنا بيها السهل و الوديان الخلابة ديكـ , لكين ما مشكلة يا ود أخوي السنيين جارية و أكيد لوربنا أدي العافية و الصحة إنشاء الله نلقاك مرة تانية في البطانة و إحتمال نمشيها سوا ..
بس يا ود المحرب الغربة دي بطال خلااااص و السنيين جارية فيها زي الهواء , انا شخصيا دي أول مرة أتغرب فيها عن أهلي و أعيش براااي , بس عرفت الفرق و اليوم كا بيمش براحة وبي رزانة وبي مواضيعوا الكتيرة في ارض الوطن , بس هنا كل ما ترفع يدك وتعاين للساعة تلقي اليوم إنتهي و شتت , الفايدة الوحيدة الفي الغربة دي إنو رمضان ما حاسين بيهو و وقت الفطور بيجي سريع خلااااااص .
ما عارف عندكم كيف؟
|
Post: #17
Title: Re: عاودنى الحنين وفؤادى تاعبو الشوق توجد زكريات
Author: Ahmed Yousif Abu Harira
Date: 08-15-2010, 11:08 AM
Parent: #15
| Quote: الرسول يا شيخ المحرب ما تعزموني معاكم لي شيتكم السمح دة |
انت معزوم من زمان يا طلبة
بس الطريقة التجيبك هنا شنو؟
ودي آخرة عزومة:
تجينا هنا وللا نجدعك بيها في المغرب؟!
|
Post: #18
Title: Re: عاودنى الحنين وفؤادى تاعبو الشوق توجد زكريات
Author: ابو جهينة
Date: 08-15-2010, 08:36 PM
Parent: #17
أبو أحمد
الا انا احمد بى هناك
والسودان بى هناك الا انا زى الصيده
القال الفيها الفرجونى القصيده وغناها يوسف اخوه بقول فيها
الشافك على كسمور ملاده حرايقك
ما كان جابك السجن الحديدو بضايقك
و لا يهمك
أعمل ليك جو مشابه - تقليد يعني ، أمشي البر نهاية ( التنهات جنوب غرب الرياض ) و شيل معاك الشية و الذي منو و سوق معاك عشاق النمة و المسادير
|
Post: #19
Title: Re: عاودنى الحنين وفؤادى تاعبو الشوق توجد زكريات
Author: طارق جبريل
Date: 08-16-2010, 00:46 AM
Parent: #18
Quote: ودي آخرة عزومة:
تجينا هنا وللا نجدعك بيها في المغرب؟! |
حبابك يا حبيب
هو نحن لاقنك وين
بعدين كوني اجي المغرب ل بلدكم دي بيقيموا علي الحد
|
Post: #20
Title: Re: عاودنى الحنين وفؤادى تاعبو الشوق توجد زكريات
Author: طارق ميرغني
Date: 08-16-2010, 10:01 AM
Parent: #19
| Quote: و شيل معاك الشية و الذي منو |
الريس ابوجهينه
رمضان كريم
الذي منو ده زي ليمون يعني ؟؟؟
|
Post: #21
Title: Re: عاودنى الحنين وفؤادى تاعبو الشوق توجد زكريات
Author: حافظ حسن ابراهيم
Date: 08-16-2010, 10:12 AM
Parent: #20
حنين مين يا عمك و الله هنا في رمضان أجارك الله
المحرب سلام يا خي و طولة الغيبة .... سلامي لك و الوليدات و رمضان كريم
|
Post: #27
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-16-2010, 12:44 PM
Parent: #21
Quote: حنين مين يا عمك و الله هنا في رمضان أجارك الله
المحرب سلام يا خي و طولة الغيبة .... سلامي لك و الوليدات و رمضان كريم |
]
حافظ كيف الاخبار شايفك بقيت ما بتكتب زى زمان
والله مشتاقين المره دى فيها شوية طوله ما تسالنى ليه
الشوق بحر
اغنيه لى كمال ترباس
|
Post: #26
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-16-2010, 12:38 PM
Parent: #20
Quote: الريس ابوجهينه
رمضان كريم
الذي منو ده زي ليمون يعني ؟؟؟ |
لا كوارع بى الحلة الجديده
|
Post: #25
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-16-2010, 12:35 PM
Parent: #18
Quote: و لا يهمك
أعمل ليك جو مشابه - تقليد يعني ، أمشي البر نهاية ( التنهات جنوب غرب الرياض ) و شيل معاك الشية و الذي منو و سوق معاك عشاق النمة و المسادير |
الريس ابوجهينه التنهات هنا والكربه والسهول الخضراء
والهواء البزبجنى البى الهناك داك ماعندو مثيل
لكن نقول ما قاله اللمين ودخير
وين القا الخفيف لمسو ومنجح كوعو
وين القا اللزم وقر الشديد فوق جوعو
ولكن لامانع من ان نفعل رحله على راى ابويمن
فى العيد وبكون الجو برد شويه ونجيب طارق مرغنى
يغنى ليناالبى دلالو مالو شكرا تحياتى
|
Post: #24
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-16-2010, 12:23 PM
Parent: #15
Quote: بس يا ود المحرب الغربة دي بطال خلااااص و السنيين جارية فيها زي الهواء , انا شخصيا دي أول مرة أتغرب فيها عن أهلي و أعيش براااي , بس عرفت الفرق و اليوم كا بيمش براحة وبي رزانة وبي مواضيعوا الكتيرة في ارض الوطن , بس هنا كل ما ترفع يدك وتعاين للساعة تلقي اليوم إنتهي و شتت , الفايدة الوحيدة الفي الغربة دي إنو رمضان ما حاسين بيهو و وقت الفطور بيجي سريع خلااااااص .
ما عارف عندكم كيف؟ |
الاخ احمد حبابك
ات اتغربت يادوبك يعنى اعلنت الانفصال يادوب من الوطن
ومشيت وين فى بلاد الله
فى الغربه لان الوقت مليان والبرنامج شغل والباقى نوم
وقنوات فضائيه ونت وطبعا فى السودان التلفزيون تجيه
جارى والنت ايضا كترة الفواتح طبعا رمضان هنا لان التكييف
فوق راسك 24 ساعه
قت لى عنكم كيف عندنا كمان فوق دا كلو مكه المكرمه والمدينه المنوره
مافى احسن من هيك وضع تحياتى
|
Post: #28
Title: Re: عاودنى الحنين وفؤادى تاعبو الشوق توجد زكريات
Author: Ahmed Yousif Abu Harira
Date: 08-16-2010, 01:56 PM
Parent: #24
عسى من يجي يونسنا
شرَع رسنو ، هبر قيدو البشيل مطـّامن
عارفو بماسي دوّار البعيد حوامن
هيا ياكاسر السجن الطلع غير ضامن
وصلني أنـّصدق للقلوب أحلامن !!
بالله شوف ثقة هذا الرجل في نفسه
فكل ما يطلبه من رفيق دربه (راحلته) ان يوصله
وبمجرد الوصول تتحقق الاحلام
تجو وللا نجي (ياعملات الفنان الراحل)
|
Post: #29
Title: Re: عاودنى الحنين وفؤادى تاعبو الشوق توجد زكريات
Author: ابو جهينة
Date: 08-16-2010, 09:45 PM
Parent: #28
طارق
سلام و رمضان كريم
الذي منو : يعني ليمون أبوزهير
بعد رمضان بحكي ليك ( الذي منو )
|
Post: #31
Title: Re: عاودنى الحنين وفؤادى تاعبو الشوق توجد زكريات
Author: حبيب نورة
Date: 08-17-2010, 08:07 AM
Parent: #30
والله قدُر ما قلت أختي البكان دة ما قدرت !
أصلو طِيبك حاتِل في معالق الجوف والدنيا قبايل صيام
وأنا خايف من كراهة العطر في نهارات رمضان
لكن إستناداً علي رخصة البوح ليلاً كلما غفلت عيون السّمار
وشغلتهم أحلامهم عن مطاردة الحكي !
فتحت هذه القصاصة ويقيني أن الليل هو حادي قلمي!
ولكني أكتشفت فجأة بأن الصباح أطل !
وهو عاري تماماً خلف هذا الستارة المخادعة التي خبأتهُ من عيوني
فماذا أفعل بقصاصةٍ عزراء لم تمسسها أنامل القلم؟
ولم نري شرفها مسكوباً عليه حبرٍ أزرق يخبرنا أنها كانت قصاصة بكر!
إنه الليل الذي يفهم سر إبتسامة الصباح الصفراء
إنه البوح الذي لا تكبّل عيونه أوبة الشمس
ألم أقل لك أنني و المساء سيان!
ـــــ
بي قرفة إصطباحية أخطر من زهجة عطشان في سخانة الساعة إتنين
حسب مواعيد مدّة القدّوم في أيام مراهقتي الرمضانية !
التوقيت لا يتناسب إطلاقاً مع صعلكة الكتابة
والكتابة أساساً عدمانة الشغلة
قرفة ######ـانة تقول في محاولة لجهنم فشلت قبل شوية !
وأساساً السؤال البحرق نفسوا
هو أنا الجابني هنا شنو كان سعلوني !
وبما إنو مافي زول يقول لي حاجة عشان أتّلحوا و أبقي ليه في رقبتوا
وعلي الأقل ألقي لي سبب وجيه
يديني رخصة ( الله ما أمر بالهلاك ) !!
ياخي سـخانة جد !!
أنا حاسي إنو اليوم دبُل الرياضيات دة أنا ح أنط من شباك فكرتوا
والتصحيح دة البدوني ليه أنا رضيان بيه
وكان تمّيتوا ودة في علم الغيب طبعاً
الأجُر لازم يكون دبُل عشان أجتمعت فيها التلاتة المسببات للجرسة
خرمة وقرفة و سخــانة !
لا حولا لاحولا
الشهادة ... والواسطة الطيبة !!
التعديل معياري وكدة
بكري كرهتنا المعايير ياخ
|
Post: #32
Title: Re: عاودنى الحنين وفؤادى تاعبو الشوق توجد زكريات
Author: حبيب نورة
Date: 08-17-2010, 08:14 AM
Parent: #31
الكلام الفوق دة أنا ما عندي أيي علاقة بيه
دة الهكرز
|
Post: #33
Title: Re: عاودنى الحنين وفؤادى تاعبو الشوق توجد زكريات
Author: خالد المحرب
Date: 08-18-2010, 01:39 AM
Parent: #32
حبيب نوره يازول ياعسل
تشكرات كتيرات جدن
برق الهنعه رفَّ ولاح وفكَّه أريـــاحُو
ذكَّرنِي البفــوق دهب البراتي سمـاحُو
الخلاني أقيم الليــل ملاقي صبــاحُو
بعد الشيب خفيف الروح جرحني سلاحُو
|
Post: #34
Title: Re: عاودنى الحنين وفؤادى تاعبو الشوق توجد زكريات
Author: حبيب نورة
Date: 08-18-2010, 03:59 AM
Parent: #33
امانة ما نضمة
هيع
|
|