Post: #1
Title: يا هيثم كابو ... ياخي إنت ثقيل ثقالة
Author: جمال السنوسي
Date: 08-13-2010, 08:23 PM
معفولة يا هيثم كابو
ده شنو ده
جواهر دي بنت نفسها براها
بدون اي جهة تدعمها
تجي انت وتحملها مسئولية عدم نشر الاغنية السودانية
اصلو دي جواهر واللا وزارة الاعلام السودانية
ياخي ما تسيبونا من نشر الاغنية
وجنسية الاغنية
وبلد الاغنية
وبلد المغنية
يعني هسه بوب مارلي ده غنى جامايكي
واللا مايكل جاكسون غنى امريكي
ماتسيبو الناس في حالها
وجواهر دي مشت صااااااح
وحتمشي لسه
لي قدام
ونحن من سنة حفروا البحر
قاعدين في سودنة الغنا
فهل الابداع هو انتاج انساني ام انتاج جغرافي
|
Post: #2
Title: Re: يا هيثم كابو ... ياخي إنت ثقيل ثقالة
Author: خالد
Date: 08-13-2010, 08:31 PM
Parent: #1
هو فكرتو صاح لكن ما مع جواهر
|
Post: #3
Title: Re: يا هيثم كابو ... ياخي إنت ثقيل ثقالة
Author: baha eassa
Date: 08-13-2010, 08:39 PM
Parent: #2
اخي جمال رمضان كريم .. .. الاسئلة التي يطرحها وطريقة الاسئلة مستفزة جدا
وكان الضيق ظاهر من الفنانة جواهر ولكنها حاولت قدر الامكان الاجابة علي كل
الاسئلة بهدوء .. ..
|
Post: #10
Title: Re: يا هيثم كابو ... ياخي إنت ثقيل ثقالة
Author: انس العاقب
Date: 08-13-2010, 10:52 PM
Parent: #3
يا عزيزى جمال السنوسى كل سنه وانت طيب بالله عليك ماشفت برنامج ( الأستاذ والتلميذ) فى فضائية المحور
وكيف يكون الحوار والأدب والظرف والفكاهه بين الممثل الأستاذ الكبيراحمد رمزى والممثل الفدير الشاب أحمد السقاوتعال شوف ماذا يقدم لنا هيثم كابومن كل انواع الصلف والركاكه والتربص بالضيف كانما هو أمام محكمه من محاكم التفتيش للتعريض بالضيف والتقليل من مكانته الشخصية والفنيه ولما يمكن تسميته بأنه (إغتيال معنوى )Character Assasination ولكى يخرج هيثم كابو منتصرا...كما أن طريقة كابو فى إدارة الحوار مع ( نفسه الحار)باستمرار يحول الضيف إلى صحيه يتعاطف معها الجمهور إذ المفروض أن تكون المواجهة بين الجمهور والمستضاف في كل ما يتعلق بالجوانب التى تهمه كنجم جماهيرى... ثم أن البرنامج فى ظنى لا يلقى الضوء على مسيرة المستضاف بما يمهد للحوار ويهئ الجمهور للمتابعةبإقناع ... الفنانه جواهر كانت والحق يقال على مسنوى عال من الأدب والصبر والحصافه على عكس مقدم البرنامج...أما أسطورة نشر الأغنية السودانية التى مللنا إستماع الحديث عنها بسبب وبلا سبب ومرد ذلك ضحالة حركة النقد والتأريخ ... سيد خليفه إنتشر لأنه غنى للمستمع العربى وإسماعيل عبد المعين غنى فى فرنسا وقدم تجربة موسيقية فريدة قبلها الآخرون وبخسناها نحن وكذلك حمزه علاء الدين نشر الموسيقى النوبية ( سودانية أو مصريه) ووجد الإعتراف والتقديرفى أمريكا واليابان إلا فى السودان رحمهم الله ... ولنسأل بصراحه يا هيثم كابو وغيره من ذوى المزاج ( التابلويدى) لماذا لم تنتشر أغنية الوسط الأمدرمانيه فى مصر القريبه دى مع أن أعدادا كثيره من مطربينا غنوا فى مصر ومنهم من سكن ومات فيها ومنهم من لجأ إليها ومنهم من يتردد عليها بإنتظام؟ الإجابه بسيطه فنحن السودانيين عموما لا نسمع إلا صدى أصواتناولا نملك القدرة على أن نُسمع الآخرين صوتناولا نتحمس لنستمع للآخرين... نحن منغلقون على أنفسنا فى كل شئ ولا نريد أن نخرج من القمقم الذى حبسنا فيه أنفسنا ... إذا أرادت جواهر أن تغنى فى القاهره على طريقة الأغنية السودانية كانت حتى الآن تجرى ولهث لتغنى فى حفلات السودانيين ولم يسمع بها أحد من الجمهور المصرى الذى أجازها ...إن شاءت جواهر تغنى باللاوندى فهى لا تحتاج لرخصة من أحد.... فى النهايه يا هيثم كابو جواهرلم تغن (راجل المره حلو حلا) والباقى معروف فأرجو ان يتعامل كابو مع ضيوفه باريحية وإحترام حتى لا يتحول البرنامج إلى ( كـــــــــــــابـــــــــوس)
|
Post: #12
Title: Re: يا هيثم كابو ... ياخي إنت ثقيل ثقالة
Author: abubakr
Date: 08-13-2010, 11:12 PM
Parent: #10
شكرا الفنان انس لقد عبرت بصدق عن وجهة نظر اشاركك فيها وحاولت في مداخلات اخري ان اشير لها علنا نخرج من تقوقعنا والاقصاء الذي نمارسه ضد الاخر حتي ولو كان احد منا او يشاركنا وطننا ...
|
Post: #25
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:12 AM
Parent: #12
| Quote: شكرا الفنان انس لقد عبرت بصدق عن وجهة نظر اشاركك فيها وحاولت في مداخلات اخري ان اشير لها علنا نخرج من تقوقعنا والاقصاء الذي نمارسه ضد الاخر حتي ولو كان احد منا او يشاركنا وطننا ... |
ابوبكر يا جميل
رمضان كريم
فعلا الاقصاء هو سبب المشاكل
والله يجازي اللي كان السبب
|
Post: #28
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:19 AM
Parent: #12
حذفت للتكرار
|
Post: #13
Title: Re: يا هيثم كابو ... ياخي إنت ثقيل ثقالة
Author: فاروق أبوحوه
Date: 08-13-2010, 11:12 PM
Parent: #10
لا تعطوا هذا (الكابوس) أكثر مما يستحق.
|
Post: #29
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:23 AM
Parent: #13
Quote:
لا تعطوا هذا (الكابوس) أكثر مما يستحق. |
فاروق
رمضان كريم
عارف يا فاروق
لي صديقة فنانة ومغنية درجة اولى في السودان
دايما ما تحكي لي عن هجوم هذا الكابوس على الفنانات
وكانت تخاف ان يهاجمها في الاعلام
وتحمد الله على انه لم تصلها نيرانه
وبرضو
الله يجازي اللي كان السبب
|
Post: #24
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:09 AM
Parent: #10
Quote:
يا عزيزى جمال السنوسى كل سنه وانت طيب بالله عليك ماشفت برنامج ( الأستاذ والتلميذ) فى فضائية المحور |
العزيز
انس العاقب
كل سنة وانت طيب
مشكلتنا التقليد ذاتو ما بنعرفو
يعني مفروض نبدع بشي جديد
ونبتدي من حيث انتهى الاخرون
اخير من يجيك واحد زي كابوس ده يجيب ليك كثافتك
الله يجازي اللي كان السبب
|
Post: #22
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 08:56 AM
Parent: #3
Quote:
اخي جمال رمضان كريم .. .. الاسئلة التي يطرحها وطريقة الاسئلة مستفزة جدا
وكان الضيق ظاهر من الفنانة جواهر ولكنها حاولت قدر الامكان الاجابة علي كل
الاسئلة بهدوء .. .. |
عزيزي بهاء
يا جميل انت
رمضان كريم
جواهر قابلت زي كابو ده كثير
وسمعت كثير
يعني كانت جاهزة لثقالة زي دي
عشان كده اتخارجت ونجحت في ردودها
زي ما نجحت في الوصول للقمة مع العرب (بدون السودان)
|
Post: #4
Title: Re: يا هيثم كابو ... ياخي إنت ثقيل ثقالة
Author: طارق الأمين
Date: 08-13-2010, 08:53 PM
Parent: #2
هيثم كابو عليل
يترصد النساء في كتاباته لخلل بين
يعادي كل نجاح بحقد اعمي
بل يكاد يبدو مختنقا امام الناجحين
مسطح وخائر فكريا
وهو نموذج جيد لما اسميه باالخيابه الصحفيه
التي تطارد التفاصيل الهايفه لفتيات الغناء والمسرح
وهو نموذج مقذذ في الصحافه للعاطلين عن الموهبه
ويمثلهم في الاحياء اولئك المصنقرين امام البقالات متصيدين للقواله والنميمه والشتيمه من قله الحيله والحياء
اهدر الكابو كثيرامن وقت الناس في الاكاذيب بحثا عن الشهره الحرام
وهي حاله نفسيه عصيه
الشهره باي ثمن
حتي ان مجرد فتحكم لهذا البوست
يسعده
في سبيل الرغبه في الشهره
الشهره والسلام
حتي ان كانت شهرة ال
اجاركم الله
لن اتركه
لكن ليس الان
مكتبي يواصل عراكه القانوني معه
تبقت جلسه ختاميه ثم النطق بالحكم
هو احد شخصين فط في العالم
اشعر عند سماع اسماءهم
بالغثيان
|
Post: #5
Title: Re: يا هيثم كابو ... ياخي إنت ثقيل ثقالة
Author: هشام المجمر
Date: 08-13-2010, 09:07 PM
Parent: #4
برنامج ومقدم برنامج مجردين من الذوق والادب
فكرة البرنامج مسروقة
من برنامج محمود سعد
لكن فرق كبير بين محمود سعد وهيثم كابو
اسوا حاجة أن تقلد ويكون تقليدك فاشل
|
Post: #6
Title: Re: يا هيثم كابو ... ياخي إنت ثقيل ثقالة
Author: معاوية عبيد الصائم
Date: 08-13-2010, 09:20 PM
Parent: #5
ده المحقق كانون
او هيثم خابو
راسو ميح
|
Post: #7
Title: Re: يا هيثم كابو ... ياخي إنت ثقيل ثقالة
Author: عوض محمد احمد
Date: 08-13-2010, 09:33 PM
Parent: #6
مجرد الكتابة هنا تعطى هذا الجاهل معدوم المواهب قيمة لا يستحقها
هذه هى احد المصائب التى انتجتها (دار) اولاد البلال
على ان اللوم و العتب ينصب على كتاب الفن الحقيقيين الذين اخلوا الساحة للفاقد التربوى
اين كمال يوسف؟ اين اروى الربيع؟ اين انس العاقب؟ اين الموصلى؟
|
Post: #34
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:44 AM
Parent: #7
Quote: مجرد الكتابة هنا تعطى هذا الجاهل معدوم المواهب قيمة لا يستحقها
هذه هى احد المصائب التى انتجتها (دار) اولاد البلال
على ان اللوم و العتب ينصب على كتاب الفن الحقيقيين الذين اخلوا الساحة للفاقد التربوى
اين كمال يوسف؟ اين اروى الربيع؟ اين انس العاقب؟ اين الموصلى؟ |
عوض يا جميل
رمضان كريم
ياخي ما الكتاب براهم
الفنانين ذاتهم خلو اجهزة الاعلام الرسمية
وين ابوعركي في الـ 21 سنة الفاتت
|
Post: #8
Title: Re: يا هيثم كابو ... ياخي إنت ثقيل ثقالة
Author: البشير دفع الله
Date: 08-13-2010, 09:51 PM
Parent: #6
وغيره كثر
ولكن
شقي الحال بقع في القيد
|
Post: #9
Title: Re: يا هيثم كابو ... ياخي إنت ثقيل ثقالة
Author: عزام حسن فرح
Date: 08-13-2010, 10:35 PM
Parent: #8
والإصرار على مُواصلة البرنامِج ، دليل على إنو الإبداع غَير مُتَوفِر ... وبعدين لو "جواهِر" ما إسم مؤثر ، مُسْتضيفا في برنامجو ليه؟ ما عارِف "هَيثم كابو" دايِر شنو مِن "جواهِر" بالضبط ... يا ربي يِكون دايِر "جواهِر" تغني في مِصر "دخلوها وصِقيرا حام" ولا شنو؟ ياخ المصرِيين غير "البامبو السوداني" خِلال الـ50 سنة الفاتت ما بعرفو عن الفن السوداني حاجة ، بِرغم أنف ، كُل الأسماء -شُعراء وفنانين- الإحنا بنحْتفي بيها ... تقوم يا هَيثم كابو ترمي عدم إنتِشار الأُغنِية السودانِية على "جواهِر"
|
Post: #36
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:47 AM
Parent: #9
| Quote: ... تقوم يا هَيثم كابو ترمي عدم إنتِشار الأُغنِية السودانِية على "جواهِر" |
عزام
رمضان كريم
وكمان يقوم يرمي ثقالته علينا
هو انحن ناقصين
الله يجازي اللي كان السبب
|
Post: #35
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:45 AM
Parent: #8
Quote: وغيره كثر
ولكن
شقي الحال بقع في القيد |
البشير دفع الله
نقول شنو بس
الله يجازي اللي كان السبب
|
Post: #11
Title: Re: يا هيثم كابو ... ياخي إنت ثقيل ثقالة
Author: وليد عبد اللطيف
Date: 08-13-2010, 10:55 PM
Parent: #6
جمال السنوسي
Quote: هيثم كابو عليل
يترصد النساء في كتاباته لخلل بين
يعادي كل نجاح بحقد اعمي
بل يكاد يبدو مختنقا امام الناجحين
مسطح وخائر فكريا
وهو نموذج جيد لما اسميه باالخيابه الصحفيه
التي تطارد التفاصيل الهايفه لفتيات الغناء والمسرح
وهو نموذج مقذذ في الصحافه للعاطلين عن الموهبه |
ياخي هيثم ( خابو)
ياخ انت تكون متابع تتخيل دي الكمرة الخفية
ياخي دي عوارة وعباطة
لكن الكردنال جيهو كويس
|
Post: #14
Title: Re: يا هيثم كابو ... ياخي إنت ثقيل ثقالة
Author: Ashraf el-Halabi
Date: 08-13-2010, 11:40 PM
Parent: #11
| Quote: يا هيثم كابو ... ياخي إنت ثقيل ثقالة |
إنتا ثقيل والجابك ليا معاط وثقيل
ـــــــــــــــــــــــــ
جمال وضيوفه: تصوموا وتفطروا على خير
|
Post: #15
Title: Re: يا هيثم كابو ... ياخي إنت ثقيل ثقالة
Author: معاوية الزبير
Date: 08-14-2010, 00:22 AM
Parent: #14
بالإضافة إلى ما كتبه طارق الأمين
فإن الحق ما علي كابو الحق علي اللي جابو التلفزيون وأداهو المساحة دي
|
Post: #16
Title: Re: يا هيثم كابو ... ياخي إنت ثقيل ثقالة
Author: Ashraf el-Halabi
Date: 08-14-2010, 00:49 AM
Parent: #15
جرررردل حساب
|
Post: #17
Title: Re: يا هيثم كابو ... ياخي إنت ثقيل ثقالة
Author: حبيب نورة
Date: 08-14-2010, 04:17 AM
Parent: #16
الأخ الحبيب جمال السنوسي والمتداخلون الكرام
أنا شخصياً شاهدت بداية الحلقة فقط
ورغم إختلافي مع الفنانة جواهر في الكثير من النقاط
لكن طريقة (كابوس) جعلتني أشعر بالقرف !
لدرجة إني أستغربت ليه جواهر كانت صابرة عليه قدُر دة
كان ممكن إنها تكتفي بأنها توصل ليه إحتقارها لطريقة أداء الحوار
والأسئلة المقدمة علي طريقة المديدة الحارة!
بكل إستفذاذ و إنعدام مهنية
و تبقي مارقة تخليه هو و منتج ومخرج البرنامج في حيرةٍ من أمرهم !
يعني أنا شايف كابو بتلذّذ بالتنقيب عن القُبح !
أدمن الحاجة دي كأنوا الفنانات البصِر إنو يتسلّق علي اك########ـن
حيطة النجومية الزائفة و الآيلة للسقوط في أقرب دقّة مطرة
ولكن عزاءي أن الذي نفسه بغيرِ جمالٍ لا يري في الوجودِ شيئاً جميلاً !
أنا حسب خبرتي المتواضعة في الحياة المصرية
الناس ديل بتشدهم لينا فنياً حاجات محددة لو حاول أيي فنان إنو يتجاوزا
بفشل في إجتذاب أذن المستمع !
المصريون شعب حركي قد تأسرهم الإيقاعات وطريقة تقديمها
لاحظت للحتة دي كم مرة في حفلات الفنانة آسيا مدني !
بتشوف الجمهور المصري بتفاعل أكثر في المناطق الإيقاعية الثريّة
وببدأ يحس بالعمل الفني !
وأيضاً بتفاعلوا شديد مع الرقص الفلكلوري الأفريقي في كافة أشكاله
فعندما نقيف قليلاً مع تجربة سيد خليفة التي أصبحنا بفضلها أسري
لأغنية واحدة فلا تسأل أحدهم عن الفن السوداني إلا و يجيبك بأغنية
المامبو السوداني ! وكانها بسم الله الغناء السوداني !
والسبب يرجع لأن المرحوم سيد خليفة كان فنان حركي ومسرحي
يعني خفة الدم بتخلي المصري يتفاعل مع اللحن خصوصاً إذا كان راقص
وما بجيب خبر للسلام النطيناها موسيقياً خالص !
أقل حاجة ممكن أقرب ليكم بيها الفكرة
أقعد أتكلم إنت وسوداني الكلام بتاعنا العادي دة
أول حاجة ممكن يقولا ليك الزول القاعد معاكم في نفس الطريبزة
هو إنتوا بتأولوا في أيه؟
وكأنكم بتتكلموا أمازيغي !
و يخليك تكره إستعلائك اللغوي ذاتو
ف شعب بالمواصفات دي عشان تغزوهو موسيقياً لازم تجيه بالباب الرئيس!
يعني ما بنفع تنط ليه السلمتين ديل و تكون عايز تقنعوا بي موسيقاك
ما لم تكون فيه المادة الجاذبة البتذوقها
هسة عندك عتاة المطربين العرب ومع جيوش الميديا الجرارة الواقفة معاهم
وسيوفهم الإعلامية علي أهبة الإستعداد التام في حالة الشعور بالخطر
الذي يهدد مكانة المطربين ديل
أول ما بجوا مصر بحاولوا في المقام الأول إرضاء المستمع المصري
سواء أن كان عن طريق ترديد أغاني أم كلثوم وعب حليم وشادية وغيرهم
أو ترديد الأغاني الشعبية التي تنتشر إنتشار النار في الهشيم
وهم عارفين إنو مصر بوابة الشهرة والمجد والجوائز العالمية
بمعني إنو جواهر رغم إختلافي معها
عرفت من أين تؤكل الكتف المصرية
ويجب أن لاننسي أن الفن أصبح صناعة وبيزنس!
هسة عليك الله يا كابو أنت أضفت شنو للصحافة السودانية؟؟
التعديل لغلطةٍ ما
|
Post: #18
Title: Re: يا هيثم كابو ... ياخي إنت ثقيل ثقالة
Author: حبيب نورة
Date: 08-14-2010, 04:21 AM
Parent: #17
بناءاً علي ما سبق
يا هيثم كابو ... ياخي إنت ثقيل ثقالة
|
Post: #19
Title: Re: يا هيثم كابو ... ياخي إنت ثقيل ثقالة
Author: Nader Abu Kadouk
Date: 08-14-2010, 05:27 AM
Parent: #18
| Quote: اسوا حاجة أن تقلد ويكون تقليدك فاشل |
|
Post: #20
Title: Re: يا هيثم كابو ... ياخي إنت ثقيل ثقالة
Author: mohmmed said ahmed
Date: 08-14-2010, 07:12 AM
Parent: #19
والله زى ما قال معاوية
دىما مشكلة كابو المشكلة مشكلة التلفزيون الما داير يدى فرصة لمبدعين والبلد عامرة بالكفاءات والكوادر
القادرة على ادارة حوار مثقف وجميل
كابوياها دى قدرتو
وقدم ما يشبه هذا البرنامج فى هارمونى
غلطان البيدى زول محدود الموهبة ومدعى مساحات قدر دا عشان يتفسح فينا
|
Post: #42
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 10:02 AM
Parent: #20
Quote: والله زى ما قال معاوية
دىما مشكلة كابو المشكلة مشكلة التلفزيون الما داير يدى فرصة لمبدعين والبلد عامرة بالكفاءات والكوادر
القادرة على ادارة حوار مثقف وجميل
كابوياها دى قدرتو
وقدم ما يشبه هذا البرنامج فى هارمونى
غلطان البيدى زول محدود الموهبة ومدعى مساحات قدر دا عشان يتفسح فينا |
محمد سيد احمد
ماياهو دي
يجازي اللي كان السبب
|
Post: #41
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 10:00 AM
Parent: #17
Quote: لاحظت للحتة دي كم مرة في حفلات الفنانة آسيا مدني !
بتشوف الجمهور المصري بتفاعل أكثر في المناطق الإيقاعية الثريّة
وببدأ يحس بالعمل الفني ! |
حبيب نورة
أشهد لك بذلك
وقد حضرت معك ومجموعة من البورداب احدى مشاركات آسيا مدني في جمعية فنية بعابدين في القاهرة في عيد الاضحى الماضي
وبمجهودها الخاص
وشاهدنا كيف كانت استجابة الجمهور لغنائها
بالرغم انها الفنانة السودانية الوحيدة بين كل المصريين المشاركين
يا جماعة فكونا من دخلوها وصقيرا حام
العالم اتطور
يجازي اللي كان السبب
|
Post: #40
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:55 AM
Parent: #15
Quote: بالإضافة إلى ما كتبه طارق الأمين
فإن الحق ما علي كابو الحق علي اللي جابو التلفزيون وأداهو المساحة دي |
معاوية الزبير
البرنامج ده مفروض يقدم للتلفزيون اضافة جديدة
تشد المشاهدين للقناة
ولكن حقيقة ده خصم على القناة
وضياع لمجهودات سعد الدين ونسرين سوركتي في ادب التحاور مع ضيوف القناة
الله يجازي اللي كان السبب
|
Post: #38
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:51 AM
Parent: #14
| Quote: إنتا ثقيل والجابك ليا معاط وثقيل |
اشرف
نقول شنو
ده الله ودي حكمته
يجازي اللي كان السبب
|
Post: #37
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:50 AM
Parent: #11
Quote: ياخي هيثم ( خابو)
ياخ انت تكون متابع تتخيل دي الكمرة الخفية
ياخي دي عوارة وعباطة |
وليد يا جميل
كان يسمو البرنامج ( عوارة شو)
ويجيبو اغنية
انا شفت ناس ثقيلين كتييييييييييير بس انت اثقل من ثقل
والله جازي اللي كان السبب
|
Post: #33
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:41 AM
Parent: #6
Quote: ده المحقق كانون
او هيثم خابو
راسو ميح |
معاوية عبيد الصائم
الراسو الميح
الجابو لينا
يقدنا بثقالتو دي
الله يجازي اللي كان السبب
|
Post: #32
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:39 AM
Parent: #5
Quote:
برنامج ومقدم برنامج مجردين من الذوق والادب
فكرة البرنامج مسروقة
من برنامج محمود سعد
لكن فرق كبير بين محمود سعد وهيثم كابو
اسوا حاجة أن تقلد ويكون تقليدك فاشل |
هشام المجمر
الهلالابي الجميل
كل رمضان وانت طيب
فرق كبير بين العندهم والعندينا
الجري والطيران كيف مع ناس كابوس ديل
لا لحقنا الجري ولا قدرنا نطير
والله يجازي اللي كان السبب
|
Post: #31
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:36 AM
Parent: #4
Quote:
هيثم كابو عليل
يترصد النساء في كتاباته لخلل بين
يعادي كل نجاح بحقد اعمي
بل يكاد يبدو مختنقا امام الناجحين
مسطح وخائر فكريا
وهو نموذج جيد لما اسميه باالخيابه الصحفيه
التي تطارد التفاصيل الهايفه لفتيات الغناء والمسرح
وهو نموذج مقذذ في الصحافه للعاطلين عن الموهبه
ويمثلهم في الاحياء اولئك المصنقرين امام البقالات متصيدين للقواله والنميمه والشتيمه من قله الحيله والحياء |
طارق الامين
طارق الفنون
انا بيك مفتون
واخاف عليك من العيون
لانك بعيد عن الظنون
عشان كده ناس الشمارات ديل ما بيخلوك
بدفاراتهم
بجرايدهم
ديل اسمهم
اعداء النجاح
والله يجازي اللي كان السبب
|
Post: #21
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 08:54 AM
Parent: #2
| Quote: هو فكرتو صاح لكن ما مع جواهر |
خالد شنو الفكرة ياخ
هو في فكرة
ده تسلق هلامي
علا نجاحات ي ناس بنوا نفسهم
وشقو طريقهم بصعوبة نحو المقدمة
وعندما وصلوا
يجوك ناس كابو وامثاله
يقوللو ليك سودانية الغناء
ياخي البنات باعو موبايلاتهم عشان يحضرو حفلات ايهاب توفيق في الخرطوم
هسه منو الببيع موبايلو عشان يشتري تذكرة يخش بيها حفلة لفنان سوداني في القاهرة
الله يجازي اللي كان السبب
|
Post: #23
Title: Re: يا هيثم كابو ... ياخي إنت ثقيل ثقالة
Author: محمد علي شقدي
Date: 08-14-2010, 09:03 AM
Parent: #21
شكرا ورمضان كريم اخونا جمال السنوسي
هيثم كابو بحاول جاهدا تلميع نفسه وابراز عضلات الفئران كقاضي فني من خلال اظهار ضعف الضيف
طريقه سمجه للنقد تجعل حتى الاختلاف مع الضيف يتحول الي تعاطف
|
Post: #26
Title: Re: يا هيثم كابو ... ياخي إنت ثقيل ثقالة
Author: yasir tamtam
Date: 08-14-2010, 09:13 AM
Parent: #1
يا جيمي رمضان كريم وربنا يتقبل منكم
الموضوع كبير جدا و المفروض كتير
والله يجازي اللكان السبب
لك الود ومشتاقين
يا جميل
|
Post: #27
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 09:16 AM
Parent: #26
معليش يا جماعة
بس زولي ده ياسر ده مشتاق ليهو شديد
خلوني ارد عليهو لو سمحتو
ياسر تمتام
رمضان قوون ( اقصد رمضان كريم)
ياخي انت وين
رجعت واللا لسه من امريكا
|
Post: #30
Title: Re: يا هيثم كابو ... ياخي إنت ثقيل ثقالة
Author: ALGARADABI
Date: 08-14-2010, 09:28 AM
Parent: #27
| Quote: لا تعطوا هذا (الكابوس) أكثر مما يستحق |
|
Post: #39
Title: Re: يا هيثم كابو ... ياخي إنت ثقيل ثقالة
Author: محمد العوض
Date: 08-14-2010, 09:53 AM
Parent: #30
حضرت الحلقه وارتفع ضغطي 300 وقربت الحق الاخره 000 هل يعقل ان الشعب السوداني فيه بشر مثل هذا الشخص مقدم البرنامج 0000 لا حول ولا قوه الا بالله العلي العظيم 000 تدهورت حالتنا منذ عام 1950 الي عام 2010 لان في الشعب السوداني مثل هذا الوباء مقدم البرامج ولا اعتقد ان هذا انسان بل هو كائن غضروفي يعيش في اعماق المحيطات ويرغب في بث سمومه الي اليابسه 000 وليس الحق عليه انما علي الذين مكنوهو في هذه الفرصه 0000 لا حول ولا قوه الا بالله
|
Post: #43
Title: Re: يا هيثم كابو ... ياخي إنت ثقيل ثقالة
Author: تولوس
Date: 08-14-2010, 01:27 PM
Parent: #39
اخي جمال السنوسي رمضان كريم وتحية طيبة
ياخي بحق كما ذكرت الرجل سخيف يحاسب الناس علي نجاحهم وكل اتهاماته طلعت فشوش مما يؤكد انه يسعي فقط للتدمير وليس البناء بواسطة النقدالهادف والتشريح المفيد
بحق استمعت للحلقة وبرغم عدم حبي لغناء جواهر الا انها وبتهذيبها وصراحتهاوعفويتها جعلتني انظر اليها بعين اخري
|
Post: #44
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 04:53 PM
Parent: #43
| Quote: بحق استمعت للحلقة وبرغم عدم حبي لغناء جواهر الا انها وبتهذيبها وصراحتهاوعفويتها جعلتني انظر اليها بعين اخري |
تولوس
االدنيا رمضان
ارخي عينك شوية
تحياتي
|
Post: #45
Title: Re: يا هيثم كابو ... ياخي إنت ثقيل ثقالة
Author: تولوس
Date: 08-14-2010, 06:14 PM
Parent: #44
يا جمال انا شفت الاعادة نهار اليوم,,,, وطبعا عيوني ما بتشوف كويس الا بعد الافطار  ;)
|
Post: #46
Title: Re: يا هيثم كابو ... ياخي إنت ثقيل ثقالة
Author: اسماء الجنيد
Date: 08-14-2010, 06:33 PM
Parent: #45
جمال وزوارة الكرام سلااااااام ورمضان كريم يا اهلنا
يا حليلي انا يا جيمي رمضان ده الا اقرأ ليكم هنا
طبعا ما شفت الحلقة لكن من خلال مداخلاتكم يعلم الله جاتني خمة نفس
وهذا الكابو لا ينزل لي من الحلقوم اطلاقا
الله يجازي ناس التلفزيون عدييييييييييل بدون لف ولا دوران
لانهم هم السبب
وكل عام وانتم بخير
|
Post: #47
Title: Re: يا هيثم كابو ... ياخي إنت ثقيل ثقالة
Author: حبيب نورة
Date: 08-14-2010, 07:17 PM
Parent: #46
سغيل ياخ
|
Post: #48
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-14-2010, 08:17 PM
Parent: #46
Quote:
جمال وزوارة الكرام سلااااااام ورمضان كريم يا اهلنا
يا حليلي انا يا جيمي رمضان ده الا اقرأ ليكم هنا
طبعا ما شفت الحلقة لكن من خلال مداخلاتكم يعلم الله جاتني خمة نفس
وهذا الكابو لا ينزل لي من الحلقوم اطلاقا
الله يجازي ناس التلفزيون عدييييييييييل بدون لف ولا دوران
لانهم هم السبب
وكل عام وانتم بخير |
سوما المهضومة (باللبناني)
والله بقينا ماسكين الريموت زي تعشيقة العربية
تعشق بين القنوات
قوون
النيل الازرق
الشروق
هارموني
السودان
والامل
زي السواقة في سوق امدرمان
هنا شوية وهنا شوية
تتابع شنو ما تعرف
تشوف شنو ما تعرف
غايتو فاتك المولد وبنات حواء
شوفي ليك نت واسكايبي
عشان نفتح ليك تتفرجي معانا
بس بدون الزول الثقيل ده الاسمو كابووووووووووس
كل سنة وانت طيبة
يجازي اللي كان السبب
|
Post: #49
Title: Re: يا هيثم كابو ... ياخي إنت ثقيل ثقالة
Author: معتصم الجعيلي
Date: 08-15-2010, 02:19 AM
Parent: #48
ياجمال في مداخله نسيت فيها (الله يجازي الكان السبب)
وعلي كل حال اعفو لينا..
|
Post: #50
Title: Re: يا هيثم كابو ... ياخي إنت ثقيل ثقالة
Author: حبيب نورة
Date: 08-15-2010, 04:12 AM
Parent: #49
Quote: ياجمال في مداخله نسيت فيها (الله يجازي الكان السبب)
وعلي كل حال اعفو لينا.. |
الجعيلي أفصِح
تعدمني كان فهمت حاجة!
ــــ
ياخ كل سنة وانت طيب يا جميل
|
Post: #51
Title: Re: يا هيثم كابو ... ياخي إنت ثقيل ثقالة
Author: محمد أبوالعزائم أبوالريش
Date: 08-15-2010, 07:25 AM
Parent: #50
إن كان ثمة نجم علقت به شوائب وعلل تنفر منه الجماهير ...
فابعث به لكابو ... سيزيل كل العلل .. ويعود النجم لجماهيره ناصعاً
___
رايكم شنو في الإعلان ده؟
|
Post: #52
Title: Re: يا هيثم كابو ... ياخي إنت ثقيل ثقالة
Author: mohmmed said ahmed
Date: 08-15-2010, 08:06 AM
Parent: #51
يا جمال
الله يجازى الكان السبب
لخصت الموضوع تمام
الشكية لى اب ايد قوية
|
Post: #53
Title: Re: يا هيثم كابو ... ياخي إنت ثقيل ثقالة
Author: 7abib_alkul
Date: 08-15-2010, 09:40 AM
Parent: #52
عزيزنا السنوسي
غيااااااااااااااااااااااظ جدا ماعارف ما لقوا زول غيره انا بريد جواهر والله لكن غيرت المحطة من بياخة الزول دا
|
Post: #66
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-15-2010, 07:26 PM
Parent: #53
Quote: عزيزنا السنوسي
غيااااااااااااااااااااااظ جدا ماعارف ما لقوا زول غيره انا بريد جواهر والله لكن غيرت المحطة من بياخة الزول دا |
حبيب الكل
كل رمضان وانت بدون كابوووووووووووس
يجازي اللي كان السبب
|
Post: #55
Title: Re: يا هيثم كابو ... ياخي إنت ثقيل ثقالة
Author: طارق ميرغني
Date: 08-15-2010, 09:53 AM
Parent: #52
اخي جمال التحيه لك ولضيوفك الكرام
اولا لدي اعتقاد جازم بان الدور الذي لعبته وتلعبه ستونا وجواهر
في ساحة الغناء اكبر من دور وزراة الثقافة والاعلام
ان كانت وزارة واحده او اثنتين
واكبر من دور أي فنان علي الساحة حاليا.
فنحن السودانيين عموما لا نسمع إلا صدى أصواتناولا نملك القدرة على أن نُسمع الآخرين صوتناولا نتحمس لنستمع للآخرين... نحن منغلقون على أنفسنا فى كل شئ ولا نريد أن نخرج من القمقم الذى حبسنا فيه أنفسنا ...
كلام جميل دكتور انس العاقب
هو احد شخصين فط في العالم
اشعر عند سماع اسماءهم
بالغثيان
طارق الفنان
انقر منو؟؟؟
يعني لو سمعت اسمو مرتين معناتا حتتلحس عديل
صديقي وليد عبد اللطيف
والله ضحكتني جنس ضحك في قصة تجييه الكاردينال
اامن علي ما ذكره الاساتذه قبلي فان العتب علي التلفزيون نفسه
و بجرد حساب بسيط للشخصيات التي تستضاف حتي علي نطاق كل القنوات
هي نفس الشخصيات تلعب لعبة الفات الفات في ايدينو سبعه لفات ومن قناه لقناه
والمشكله انو لسه الجبه ما وقعت في البير
لكن بالتاكيد صاحبها واحد خنزير
والله يا اخوانا صقيرا حام دي بتعمل لي حساسيه ما عارف ليييييه
|
Post: #58
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-15-2010, 10:11 AM
Parent: #52
Quote:
الشكية لى اب ايد قوية |
mohmmed said ahmed
اشكو ليك يا ربي
ما تقول كمان الدنيا رمضان
يجازي اللي كان السبب
|
Post: #57
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-15-2010, 10:09 AM
Parent: #51
Quote:
إن كان ثمة نجم علقت به شوائب وعلل تنفر منه الجماهير ...
فابعث به لكابو ... سيزيل كل العلل .. ويعود النجم لجماهيره ناصعاً |
محمد أبوالعزائم أبوالريش
رمضان كريم
بس ممكن تغير الإعلان وتخليهو مؤنث
الزول ده زول نجمات وبس
يجازي اللي كان السبب
|
Post: #56
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-15-2010, 10:07 AM
Parent: #50
Quote:
الجعيلي أفصِح
تعدمني كان فهمت حاجة!
ــــ
ياخ كل سنة وانت طيب يا جميل |
يا حبيب نورة
الجعيلي كلامو واضح
هو اول من قدمه هذا الكابوس من قناة فضائية
ولكن كابوس صدق الموضوع وبقى نجم فضائي
باقي ليهو يشغل( العداد )عشان( يحسب ) السرعة
|
Post: #54
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-15-2010, 09:52 AM
Parent: #49
Quote: ياجمال في مداخله نسيت فيها (الله يجازي الكان السبب)
وعلي كل حال اعفو لينا.. |
معتصم يا جميل
رمضان كريم يا صديقي
صدقني ابدا ما كنت قاصدك او قاصد هارموني
وخاصة ذاك البرنامج الذي كان يقدم في قناتكم
لكن يجازي الكان السبب الخلى الزول ده يفتكر
انه نجم اعلامي زي محمود سعد المصري
الفرق انه محمود سعد بيفتح صفحات الضيف
وزولنا ده بيدفن الضيف حي
وكمان بياخد نجاحات الناس وبيطلع بيها سلم
عشان يبقى بيها نجم فضائي
والله احترنا مع الكحيان كابوس
يجازي اللي كان السبب ( اللي هو مش هارموني)
|
Post: #59
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-15-2010, 10:20 AM
Parent: #54
Quote:
اولا لدي اعتقاد جازم بان الدور الذي لعبته وتلعبه ستونا وجواهر
في ساحة الغناء اكبر من دور وزراة الثقافة والاعلام
|
طارق ميرغني
رمضان كريم
آخر حفلة للفاتح حسين ووليد زاكي الدين وحسين الصادق في الاوبرا
تداول الاعلام انها لم تحظى بالحضور الجماهيري
ترى لو كانت هناك حفلة بجواهر هل ستفتقر للجمهر
الفن اصبح صناعة
والصناعة عايزة مهارة
والمهارة تتطلب ذكاء
والذكاء الفني
هو ما يفتقده الفن في السودان
ملحوظة :
قارن ذكاء عمرو دياب في نوعية اغنياته والحانه وحتى هندامه وطريقة تقيدم نفسه كنيو لوووك بن فترة وفترة
وسؤال تاني : هل يمتلك عمرو دياب اجمل صوت واجمل الحان واجمل كلمات
الفرق كبير
ونحن لسه بدري علينا
خلونا في سودنة الغنا تقول الغنا ده كان مستعمر
ويجازي اللي كان السبب
|
Post: #60
Title: Re: يا هيثم كابو ... ياخي إنت ثقيل ثقالة
Author: othman mohmmadien
Date: 08-15-2010, 11:14 AM
Parent: #59
يا جماعة رمضان كريم
وتصوموا وتفطروا على خير
أعتقد أن هيثم كابو إنسان جيد
خفيف الظل
ولاعب مراوغ
فقط عليه تعديل طريقته ...
غايتو ما عندكم صليح أبداً ... البتة ...
يا هيثم كابو أسمع نضيحتي عدل طريقتك ... دي
ولا تستخدمها إلا مع قيقم ... بالله جواهر قمة النجاخ محبوبة الصعايدة ذنبها شنو
|
Post: #67
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-16-2010, 09:33 AM
Parent: #60
Quote: يا جماعة رمضان كريم
وتصوموا وتفطروا على خير
أعتقد أن هيثم كابو إنسان جيد
خفيف الظل
ولاعب مراوغ
فقط عليه تعديل طريقته ...
غايتو ما عندكم صليح أبداً ... البتة ...
يا هيثم كابو أسمع نضيحتي عدل طريقتك ... دي
ولا تستخدمها إلا مع قيقم ... بالله جواهر قمة النجاخ محبوبة الصعايدة ذنبها شنو |
عثمان
جيد مين يا جميل
الجود بالموجود
ده لو في موجود
|
Post: #61
Title: Re: يا هيثم كابو ... ياخي إنت ثقيل ثقالة
Author: nazar hussien
Date: 08-15-2010, 11:15 AM
Parent: #59
جمال وضيوفه الكرام رمضان كريم
هيثم كابو دا ثقالتو دي بتكون لذيذة
مع ناس ترباس والقلع عبدالحفيظ...
والبعيو...الناس البردو رب رب رب
ديك...ويخلوه يدخل في ضفورو
|
Post: #62
Title: Re: يا هيثم كابو ... ياخي إنت ثقيل ثقالة
Author: حبيب نورة
Date: 08-15-2010, 02:46 PM
Parent: #61
يا جمال
الله يجازي الكان السبب!
|
Post: #63
Title: Re: يا هيثم كابو ... ياخي إنت ثقيل ثقالة
Author: تولوس
Date: 08-15-2010, 04:01 PM
Parent: #62
اخيرا يا جمال شفت جواهر ..... والله حلوه بعد 16 عملية تجميل كماحاوان يقوله صاحبك كابو
|
Post: #65
Title: Re: يا هيثم كابو ... ياخي إنت ثقيل ثقالة
Author: منتصرمحمد زكى
Date: 08-15-2010, 04:21 PM
Parent: #63
جمال والمتداخلين
تصوموا وتفطروا على خير
كابو ليس كبيرا على النقد .. لكن أجدكم تجاوزتم جواهر
وكأنها خليفة أم كلثوم .. أو منى الخير زمانها .. رغم ان جواهر
نموذج صارخ للاستلاب والشعور بالدونية .. هل يعني ذلك أن مقولة الوصول
للعالمية يبدأ بالمحلية لا تنطبق على كل الشعوب أم ان العولمة تجاوزت تلك
المقولة البالية ؟ .........
|
Post: #64
Title: Re: يا هيثم كابو ... ياخي إنت ثقيل ثقالة
Author: د.محمد بابكر
Date: 08-15-2010, 04:10 PM
Parent: #62
سغيل ولا عوير؟؟ شاهدت اكثر من تلاته حلقات وقلت امكن عنده حاجه لقيتو معلم الله ...لكن يا جماعه كابو ده جزء من منظومه(اعلاميه) كامله تجد فيها هيثم والهندى عزالدين وكل من تقطعت بهم السبل ليصاروا وابلا من البؤس على رؤس الشعب السودانى ...للحقيقه اقول ان من البرامج الناجحه التى شاهدتها مؤخرا ( برنامج مراجعات ) والذى يقدمه الاستاذ الطاهر حسن التوم فالشاب بالرغم من حداثة تجربته فقد استطاع ان يحاور شخصيات كمنصور خالد والصادق المهدى وغازى العتبانى واستطاع عبر مسيرة برنامجه ان يطور تجربته خلافا لكابو الذى يجعل من برنامجه مطارده اشبه بتوم وجيرى ويجعلك وضيفه فى حالة لهث ودونما طائل.
|
Post: #69
Title: Re: يا هيثم كابو ... ياخي إنت ثقيل ثقالة
Author: جمال السنوسي
Date: 08-21-2010, 08:14 PM
Parent: #64
غايتو الليلة د. منال بدر الدين ريحتني في حناني ذاتو
ثقة وردود عقلانية
يكفي انها فنانة ذات رسالة
كما قالت عن نفسها
وكما نشهد لها نحن بذلك
|
|