قصيده جديده لنج

قصيده جديده لنج


08-13-2010, 04:40 PM


  » http://sudaneseonline.com/cgi-bin/sdb/2bb.cgi?seq=msg&board=300&msg=1281714044&rn=9

Post: #1
Title: قصيده جديده لنج
Author: طارق الأمين
Date: 08-13-2010, 04:40 PM
Parent: #0

حاج الماحي ندهت جدودك

وكل اشياخك وكانو اسودك

يارحمن ارحم بي جودك

دلي الغوث ينزل في بلودك





صدق اشياخك وختو معاني

والتمساح ماجاكم تاني

دحين بس اقبل استئذاني

وخلني انده لي خلاني



هم اشياخي شيوخ الداره

وتب مابسكتو وكت الحاره

اهل الرفقه الحلوه الساره

وحروف النور المابتنضاري







يارحمن أرحم بي جودك

وخلي الحب ينزل في بلودك







شيخنا خليل بي فرح اشعارك
خلي غلاظ القوم تتبارك
قوم يا الكاشف سن اوتارك
وضوي ظلام الليل بي نارك
ابداوود معلوم مقدارك
ومقدار كل من زارك ودارك


اتقدل بي عودك وطارك
في الغافلين بين اسرارك
وامسح ظلم القوم عن جارك




يابلدا غنت انهارك
وبين نهرين فاحت ازهارك
وين سمارك وين زمارك
من برهانك لي زنقارك
بالحب تقدل تاخد تارك
ولي خلاس زمن استحقارك
في الوجدان الحي نتشارك
نجر النمه بدل نتعارك
يابوليس اعزل اشرارك
درب الفن للسلم خيارك

في المزيكا بهاك ووقارك
وضرب الناس في مسرح عارك
يابلدا ان درت نضارك
افرد بين الناس مزمارك
لاتكون فظا تلقي دمارك
ولاتتفرزع ربي اجارك


يارجال فلاح اتلمو
وجرو النمه جميعكم همو
الطمو عدو الفن في فمو
البوليس لاتهدرو دمو
خلو شويه يخفف دمو


يابن الدوش شيخنا الفناني
ياصاحب الفتح الانساني
ياعركي ونور الجيلاني
ارمو سهامكم يافرساني



ود الرضي عدل نيشانك
فوق الكل عامر ديوانك
هم ياشيخ الناس حيرانك
في البوليس بين برهانك




شي لله ياحسين بازرعه
في البوليس دايرلنا جدعه
همو سراعا وسوو الفزعه
البوليس سوالنا الخلعه



محمد ميرغني بي الحانك
قوم فسرع الحق حيرانك
يا الاستاذ الواضح شانك
البوليس ح يجيك في بكانك



حنان النيل حواو الطقطاقه
افتحن البيبان والطاقه
امسحن الدمعه الحراقه
من اصواتكن نشحن طاقه
تخلي الدنيا سلام وصداقه




تور الجر كتر ضحكاتك

في الزمن المنجوبخ وفاتك

المسرح من بعد وفاتك

عشعش فوقو القمري وحاتك





ابونا الفاضل وانت الفاضل

كنت عشان الضحكه مناضل

يوم فارقت دروب الدنيا

حقرت بينا ليالي حناضل




شيخنا حجازي ومكي سناده
وياهاشم صديقنا افاده
خلو الميري يخلي العاده
كان دايرين لبلدنا سعاده



فوق الطيب صالح سمو
ياهو الدابي البمسك سمو
المابنو خلاس ينجمو
ومن الحين مفروض ينطمو





ياشبرين وياشيخ بسطاوي

يا اللوحاتكم هي البتداوي

الريشه تزيل الام وبلاوي

وتملا الدنيا حكاوي غناوي



شيخنا الصلحي سماحه ال صوره

وخلوتو في امدرمان مشهوره

بي حيرانا مشيد سورا

وبي سعديه ملانا قدورا

كملت البهيان والنوره

والمنشكك يمشي يزورا




شيخنا الدوش اب قلما شافي

شوف شن سوو عيال متعافي

امرق قولك سيل وقوافي

ورجع حضن الوطن الدافي





بت عمسيب ينجدنا دليلك
يالمبروكه سميح تمثيلك
بي دعواتك طولي ليلك
رطبي عصب البلد الهيلك




يابا سرور ياشيخي كرومه
تسكتو كيف والناس مظلومه
اي حكومه وراها حكومه
تعادي الفن ح يسغر كوما
وبي ايديها تقرب يوما





الشيخ يحيا ولد فضل الله

وشيخ خطاب خسمتكن الله

حدثو قاسم اريت يتعلا

فسرع ضوو ضلام الحله

وقبال نمرق من المله





ود المك ياعلي تنجدنا
تدلي اصابعك في منقدنا

يالحردلو عليك مأخدنا
ان ماعنتنا في منشدنا
صلاح ياشيخنا وابونا ولدنا
يالبي حرفك اتوحدنا
البوليس جانا وهددنا
وخرمج لينا جمال مشهدنا





مصطفي ود سيد احمد وينك
لسع عندنا معلوم دينك
شيخ الهجعه الرافع عينك
فوق استار الموت بيقينك
سلام يازولا سمحه سنينك
جس طوريتك والمس طينك
وبرنا الله يبر والدينك





ياشول دينق المسرح اصبح
للاحزان والدمعه المطرح
جر نماتك تب لاتسرح
خلي جموع الخشبه التفرح




شيخ محجوب ود مريم كيف
عمرك ضد الخوف والزيف
غنيه قصيده ولحن وريف
يعبر حبا خط بارليف
يمسح حزن الناس في ريف
في المانيا وجاك تكليف





خدر شمباتنا بشيرنا الراقي
ماخد السر من عبد الباقي
امير العود الدرق الواقي
صوب سهمك نحو الباغي






شي لله بابكر البدري

يالعلامه اب سرا يسري

ضاقت بينا الحال لوتدري

وعارفين يابا حديثك دوغري







عبد القادر ود شيخ سالم
الدكتور العارف وعالم
كيفن غير غنياتنا نسالم
قولو الحق في وش الظالم






مجدي النور راجنك كنا
وبي جادينك انطمنا
ناس علي مهدي عشان كجنا
طنشو ساعه المعمعه عنا





سيدي فتاكي الساطع نورك
السودان ملموم بي سورك
يي دي بلدنا ندورا ندورك
حان موعدنا وراجين دورك





يالتاج مكي ويازيدان
حلات اسماكم في السودان
جرو النمه اعقدو الهمه
السودا يحتاج فرسان




شيخنا الموصلي من امريكا

املا بلاد الخير مزيكا

وياحميد قدال راجيكا

في دار ود الريح ديكا

شان يابلدي نعرف الليكا

ونفرز حقنا من الكيكه





ياعثمان وكمال ترباس
وسيدنا الكابلي وعمر احساس

افزعو خففو حزن الناس
راجين سيفكم يالفراس
لمو شتات الناس اجناس
لمو الناس اجناس اجناس
غنو الحب والوحده اساس
الفنان كيفن ينداس
قبل الحال مايبقي دواس
قبل الحرب تدق اجراس
بلد الخير خلوهو معلا
قبل يفر ونكوسو كواس






يالباشكاتب بي حنجرتك

الحق بلدا دار تتفرتك

وياشيخ وردي وبي مقدرتك

لي هذا الطاعون اخترتك

سنو غناكم

نحن وراكم

نحو الالفه سلامنا اتهتك

ونحو الوحده كاخر مسلك
Post: #2
Title: Re: قصيده جديده لنج
Author: Ahmed musa
Date: 08-13-2010, 04:58 PM
Parent: #1

Quote: مجدي النور راجنك كنا
وبي جادينك انطمنا
ناس علي مهدي عشان كجنا
طنشو ساعه المعمعه عنا
Post: #7
Title: Re: قصيده جديده لنج
Author: طارق الأمين
Date: 08-13-2010, 06:21 PM
Parent: #2

احمد موسي بالاشارة يفهم
Post: #3
Title: Re: قصيده جديده لنج
Author: عليش
Date: 08-13-2010, 04:59 PM
Parent: #1

يخــــــدر ضراعك ياجنــــــا
ورمضان كريم
وتياتي ليكم جميعا بدون فرز
اما اذا دار محور السؤال عني؟؟










بجيك صاد واصل
Post: #8
Title: Re: قصيده جديده لنج
Author: طارق الأمين
Date: 08-13-2010, 06:23 PM
Parent: #3

Quote:
يخــــــدر ضراعك ياجنــــــا


ليك وحشه ياخ
Post: #4
Title: Re: قصيده جديده لنج
Author: المكاشفي الخضر الطاهر
Date: 08-13-2010, 05:01 PM
Parent: #1

الاخ العزيز طارق الامين

ابداع ممتاز وفكرة جميلة جدا ونسج رائع


كسرة اولى : أستاذنت من اولاد حاج الماحي للضرورة الملكية الفكرية


كسرة اخيرة زي ماقال الفاتح جبرا : ابداااااااااااااااااااااع سؤال ناس شيخ وردي ديل بايليك بكتلو الدود والبوليس مجرد سوعال يا ود لاامين
Post: #9
Title: Re: قصيده جديده لنج
Author: طارق الأمين
Date: 08-13-2010, 06:30 PM
Parent: #4

Quote:

كسرة اولى : أستاذنت من اولاد حاج الماحي للضرورة الملكية الفكرية


50 عام بعد وفاة مالك المصنف يتحول الي ملكيه عامه وفقا للقانون

نعنم فهم اصدقائي

واستاذنت من حاج الماحي نفسه راجع النص

رمضان كريم مع شكري
Post: #5
Title: Re: قصيده جديده لنج
Author: محمد الأمين موسى
Date: 08-13-2010, 05:11 PM
Parent: #1

حقا إن المعاناة تولد الإبداع... ها هي موسوعة الفن السوداني تولد من بين أيادي زوار بيت الفنون!!
Post: #6
Title: Re: قصيده جديده لنج
Author: Hadeer Alzain
Date: 08-13-2010, 05:23 PM
Parent: #5

ود اللمين طارق
قلنا نسلم ونبارك رمضان، يعود عليك بالخير
والعافية والإبداع المتواصل ..
ونجي بعد الإفطار نقرأ قصيدتك الجديدة السمحة دي
تاني .. هسه في شوية زغللة في البصر والتركيز !


أجمل تحية ورمضان كريم
Post: #10
Title: Re: قصيده جديده لنج
Author: طارق الأمين
Date: 08-13-2010, 06:37 PM
Parent: #5

شكرا محمد علي المرور والكلمات

رمضانك كريم
Post: #11
Title: Re: قصيده جديده لنج
Author: طارق الأمين
Date: 08-13-2010, 06:40 PM
Parent: #10

شكرا هدير الزين

سلمت عيونك من الزغلله

رمضان كريم عليك

تحياتي وشكري
Post: #12
Title: Re: قصيده جديده لنج
Author: اسماء الجنيد
Date: 08-13-2010, 06:49 PM
Parent: #11

طارق ازيك ورمضان كريم عليك
القصيدة دي لازم تتغنا بي طار

الابداع يولد الابداع ياخ وكفي
Post: #14
Title: Re: قصيده جديده لنج
Author: المكاشفي الخضر الطاهر
Date: 08-13-2010, 06:57 PM
Parent: #12

والله ياود اللمين انا حقيقة احسدك بكل ما اوتيت من مشاعر على هذه القصيدة الرائعة
Post: #20
Title: Re: قصيده جديده لنج
Author: طارق الأمين
Date: 08-13-2010, 08:31 PM
Parent: #12

Quote:
طارق ازيك ورمضان كريم عليك
القصيدة دي لازم تتغنا بي طار


شكرا سوما

يلي حضري طارك
Post: #13
Title: Re: قصيده جديده لنج
Author: فاروق أبوحوه
Date: 08-13-2010, 06:56 PM
Parent: #11

يا سلام عليك يا طارق..


إذا كان صلاح وحده يمثل أغلبيه. أو كما قال علي المك.
بالله عليك كيف استطاع قلمك علي (نضم) كل هذه الدرر في خيط واحد؟

تسلم يا عزيز
Post: #15
Title: Re: قصيده جديده لنج
Author: Amjed
Date: 08-13-2010, 07:07 PM
Parent: #13

تسلم يا طارق ياخ و تسلم دماغك بكل الابداع الفيها دا
و فعلاً ضروري جداً خلق جبهة ثقافية لحماية الابداع و المبدعين من هجمات المغول الجدد
جبهة مبدعين منهم و بهم
تحدد متاريس صراعاتها براها و تحاول تخلق البيئة الخلاقة و الماتية لحماية الجمال و الابداع و المبدعين


تسلم مرة تانية يا طارق
Post: #18
Title: Re: قصيده جديده لنج
Author: بخاري عثمان الامين
Date: 08-13-2010, 08:09 PM
Parent: #15

Quote: تسلم يا طارق ياخ و تسلم دماغك بكل الابداع الفيها دا
و فعلاً ضروري جداً خلق جبهة ثقافية لحماية الابداع و المبدعين من هجمات المغول الجدد
جبهة مبدعين منهم و بهم
تحدد متاريس صراعاتها براها و تحاول تخلق البيئة الخلاقة و الماتية لحماية الجمال و الابداع و المبدعين




يا دكتور ما عصرته علينا شوية .... خلي المداح طارق الامين يمدح ياخ
Post: #16
Title: Re: قصيده جديده لنج
Author: محمد أبوالعزائم أبوالريش
Date: 08-13-2010, 07:10 PM
Parent: #13


طارق الأمين .....

القصيدة دي حقتي ....

أنا كنت عايز أقولا ......

بس ما بعرف أقول شعر .....

شلت الجواي إنت وقلتها بلساني ....

شكراً ....

يديك العافية.
Post: #17
Title: Re: قصيده جديده لنج
Author: كمال علي الزين
Date: 08-13-2010, 07:26 PM
Parent: #16

(*)

ياسلام عليك يافنان
Post: #19
Title: Re: قصيده جديده لنج
Author: معاوية عبيد الصائم
Date: 08-13-2010, 08:15 PM
Parent: #17

ود اللمين

شكر ياااااااااااا


فرصة سعيدة 
Post: #21
Title: Re: قصيده جديده لنج
Author: فتحي البحيري
Date: 08-13-2010, 08:39 PM
Parent: #19


من المصادفات العجيبة أن جريدة الصحافة الغراء نشرت اليوم قصيدة (بحب بالجد) والتي تشبه في فكرتها هذه القصيدة يا طارق


وفي الحالتين جنا رائع





أحبك !
Post: #22
Title: Re: قصيده جديده لنج
Author: طارق الأمين
Date: 08-13-2010, 09:14 PM
Parent: #21

Quote:
والله ياود اللمين انا حقيقة احسدك بكل ما اوتيت من مشاعر على هذه القصيدة الرائعة


وانا اشكرك عل هذا الحسد الالراقي
Post: #23
Title: Re: قصيده جديده لنج
Author: سفيان بشير نابرى
Date: 08-13-2010, 09:14 PM
Parent: #21

معليش خطاء قي البوست
هههههههههههه
يا بتاع سنار ما تكوت ياخ
ههههههههههه
لكن يا طارق صبي صــــبي كتابة
Post: #24
Title: Re: قصيده جديده لنج
Author: هجو الأقرع
Date: 08-13-2010, 09:27 PM
Parent: #23

الاستاذ طارق الامين ، بداية رمضان كريم عليك و الاسرة وكل احبابك . هذه واحدة ، الثانيه اكيد هذه القصيده مشروع اغنيه ناجح ، عليك الله ما تديها لى زول عشان ما يبهدلها ، اعطها لمن يبدع و يمتع .
Post: #25
Title: Re: قصيده جديده لنج
Author: سيف اليزل برعي البدوي
Date: 08-13-2010, 09:49 PM
Parent: #24

وظلم ذوي القربى أشد مضاضة
على النفس من وقع الحسام المهند

--
مثلك يا طارق ذقت طعم ظالم وحقارة البوليس في بلدي ولكزات بوتهم مازلت اذكرها

الظلم حار

لكن عفيت منك يا طارق نجمتهم نجام قبورة

قصيدة جميلة

تعبر عننا كلنا

مودتي

سيف
Post: #26
Title: Re: قصيده جديده لنج
Author: Bushra Elfadil
Date: 08-13-2010, 10:46 PM
Parent: #25

يابلدا غنت انهارك

يا طارق إت دان تتبارك
بي مسعاك وبي أشعارك
من (دار فن) سطعن أنوارك
نحن معاك وفداها ديارك
لمّن ظلم الدّرك يتدارك
Post: #27
Title: Re: قصيده جديده لنج
Author: نجلاء سيد أحمد
Date: 08-14-2010, 00:12 AM
Parent: #26

طارق ياخ قصيدة عجيبة خلاص
تسلم


اها اولاد حلتنا عملوا ليك بروفه سريعة للمديح لجزء منها ادونا رايكم فى الفيديو


>
Post: #28
Title: Re: قصيده جديده لنج
Author: ALZOLZATOO
Date: 08-14-2010, 00:26 AM
Parent: #27

ياطارق رمضان كريم

قصيدة جميلة والله

بس ماوريتنا التمساح مات ولا لسع داقش


تحياتي

زاتوووو
Post: #29
Title: Re: قصيده جديده لنج
Author: دينا خالد
Date: 08-14-2010, 03:27 AM
Parent: #28

جميلة ...











ـــــــــــــ
بس ما عجبتنى فطتك لى نانسى دى ..
وبلدا هيلى انا .. شوف ليها فرقة
جنب ناس الطقطاقة وحنان النيل ديل
ذبحونا القدام،الجيل الجديد دا لومو لى ..
Post: #30
Title: Re: قصيده جديده لنج
Author: نجلاء سيد أحمد
Date: 08-14-2010, 08:01 AM
Parent: #27
Post: #31
Title: Re: قصيده جديده لنج
Author: معاذ حسن
Date: 08-14-2010, 08:37 AM
Parent: #30

جميلة جدا,,
الله يديك العافية...
ويبعد عنك البواليس
Post: #32
Title: Re: قصيده جديده لنج
Author: Nazik Eltayeb
Date: 08-14-2010, 09:01 AM
Parent: #31

في البدء كانت الكلمة

واصل طارق الامين و كل البورداب

الكلمة تكتب بالقلم وبالكيبورد و تؤثر حتماً ولو كره المنتفعون



__________
قصيدة جميلة شكرا

التعديل لاضافة الحروف الناقصة
Post: #33
Title: Re: قصيده جديده لنج
Author: محمد علي شقدي
Date: 08-14-2010, 09:13 AM
Parent: #32

لما شاع من نجومية المؤدين نحي فرقه حله نجلاء

قبل طارق اللمين و تسلم ياخي قصيده لنج تستدعي كل العتيقين والماضين علي الدرب

-------------------------------------------------------

Quote: ونسوق معانا ناس تانين يشوفو
الظلم كيف حتى لو مافي سيول


نابري سلام
Post: #34
Title: Re: قصيده جديده لنج
Author: نجلاء سيد أحمد
Date: 08-14-2010, 01:29 PM
Parent: #33



يتبع




Quote: لما شاع من نجومية المؤدين نحي فرقه حله نجلاء

قبل طارق اللمين و تسلم ياخي قصيده لنج تستدعي كل العتيقين والماضين علي الدرب


شكرا اخى محمد على ابداع طارق وناس حلتنا كمان
Post: #35
Title: Re: قصيده جديده لنج
Author: نجلاء سيد أحمد
Date: 08-14-2010, 01:40 PM
Parent: #34



انتهى
Post: #36
Title: Re: قصيده جديده لنج
Author: Sidig Rahama Elnour
Date: 08-14-2010, 02:04 PM
Parent: #35

إبداع إبداع يا طارق ويا نجلاء وياناس حلتها

يا شيخ طارق تلحقنا اشعاركـ
تنضم كل الفاتو مقالكـ
ياخد كابلي ونانسي بهاركـ
وناس بادي يتلوها أسفاركـ
عقد جلادنا هم مناركـ
وجاز الديم عارفنو مساركـ
وناس فرفور عارفين أخباركـ



.. التعديل لتصحيح خطأ مطعبي
Post: #37
Title: Re: قصيده جديده لنج
Author: 7abib_alkul
Date: 08-14-2010, 02:10 PM
Parent: #35

المبدع طارق الامين
والله انا عاتب عليك في المدحة دي في شان ما جبت فيها سيرة شيوخنا المحدثين ناس طه سليمان وشيخي العارف بالغناء جمال فروفور والشيخة بت القلعة والشيخ احمد الصادق وكل اهل الطريقة الجداد ديل
وكل شيخ بي حواره
وبرضو بنقول وراك امييييييييييييييييييييييييييييييييييين
Post: #38
Title: Re: قصيده جديده لنج
Author: عبد اللطيف السيدح
Date: 08-14-2010, 02:38 PM
Parent: #35

طارق


رمضان كريم


الا بيني وبينك ده مش اسمو العصر البجيب الزيت


يسلم نافوخك
Post: #39
Title: Re: قصيده جديده لنج
Author: احمد محمد بشير
Date: 08-14-2010, 03:02 PM
Parent: #38
Post: #40
Title: Re: قصيده جديده لنج
Author: طارق الأمين
Date: 08-14-2010, 03:27 PM
Parent: #39

الي حين عوده لتحيه كل المتداخلين

كما نعد بناء علي رغبه البعض باضافه مشايخ اخرين للنداء

من الرجال والنساء

محبتي وتحياتي
Post: #49
Title: Re: قصيده جديده لنج
Author: طارق الأمين
Date: 08-15-2010, 03:33 PM
Parent: #23

Quote:
معليش خطاء قي البوست
هههههههههههه
يا بتاع سنار ما تكوت ياخ
ههههههههههه
لكن يا طارق صبي صــــبي كتابة
`

ولايهمك نابري

مرحب بيك في الخرطوم

رمضان كريم
Post: #41
Title: Re: قصيده جديده لنج
Author: طارق الأمين
Date: 08-14-2010, 05:18 PM
Parent: #13

Quote:
إذا كان صلاح وحده يمثل أغلبيه. أو كما قال علي المك.


سعدت بمرورك فاروق ابوحوا

ورمضان كريم

تحياتي
Post: #42
Title: Re: قصيده جديده لنج
Author: Sidgi Kaballo
Date: 08-14-2010, 11:21 PM
Parent: #41

Excellent Tariq
Excellebnt Nagla group
Post: #43
Title: Re: قصيده جديده لنج
Author: nazar hussien
Date: 08-15-2010, 07:47 AM
Parent: #42

ابداع
Post: #44
Title: Re: قصيده جديده لنج
Author: طارق الأمين
Date: 08-15-2010, 10:06 AM
Parent: #43

عدنا
Post: #45
Title: Re: قصيده جديده لنج
Author: خالد عبد الله محمود
Date: 08-15-2010, 10:30 AM
Parent: #44


يعني غزوة بيت الفنون برضو أثمرت إبداع في النهاية ؟؟



طارق ..
أديها زول تاني يلحنها عشان ما تتكرر الألحان لأنو أغنياتكم معظمها تقريباً ألحانها متشابه و قريبة لي بعض
Post: #46
Title: Re: قصيده جديده لنج
Author: طارق الأمين
Date: 08-15-2010, 02:49 PM
Parent: #45

شكر لجميع المتداخلين


افففف من الزمن
Post: #48
Title: Re: قصيده جديده لنج
Author: Osama AbdelAziz Eltayeb
Date: 08-15-2010, 03:33 PM
Parent: #46

طارق اللمين ازيك ورمضان كريم عليك .. كامل تضامني مع بيتنا ... وكلامك مليان كلام سمح
إلا لاكين ما عصرته علي البوليس شوية ....؟؟؟
دحين دا ما بوليس ناس أبوآمنه حامد , إبراهيم أحمد عبد الكريم , أحمد المرتضي البكري أبو حراز ,عبد الغني خلف اللة الربيع و محي الدين محمد علي و..و.. غيرهم كتير ...؟؟؟

وحات الله مجرد سؤال ..
Post: #47
Title: Re: قصيده جديده لنج
Author: عبدالفتاح أبوشيمة
Date: 08-15-2010, 02:58 PM
Parent: #45

Quote: حاج الماحي ندهت جدودك

وكل اشياخك وكانو اسودك

يارحمن ارحم بي جودك

دلي الغوث ينزل في بلودك








لك التحية يا أب بلداً هيلنا





لكن


حاج الماحي كان سمعت كلامو

شن ماشي تقول له على جوّالو

كَتْل الدود في الحال دا جراله

إلاّ أخونا فاته كتير واتعدّاله

درب المهلة واتحدالو

استنجد بي ناس قبالو

سكوا طريق الفن وانهالوا

غَصَبْ عليَّ مالي ومالو؟
Post: #50
Title: Re: قصيده جديده لنج
Author: طارق الأمين
Date: 08-15-2010, 08:18 PM
Parent: #47
Post: #51
Title: Re: قصيده جديده لنج
Author: محمد أبوالعزائم أبوالريش
Date: 08-15-2010, 10:49 PM
Parent: #50


الأخ طارق .....

إستدعيت قصيدة الراحل المقيم (مرسي صالح سراج) في هذا البوست:
قصيدة لم تنشر من قبل للشاعر مرسي صالح سراج

وأهديها إليك .. خاصة البيت الأخير منها.