Post: #1
Title: بالله أحكي لينا عن أول يوم صيام في حياتك؟؟
Author: سامى عبد الوهاب مكى
Date: 08-12-2010, 08:43 AM
من غير تزيف للحقائق يعني الجغم ليه موية جوة الحمام ما يخجل يقول!
غايتو أول يوم اتجرست من الساعة تمنية صباحاً واليوم البعدو كنت في بحري الوابورات (النقل النهري) في بيت خالتنا نص اليوم خشيت استحما وموية زي الببسي باااااااااردة وقوية قرطعت لحدي ما كرشي اتملت وانا طالع لاقيت ود خالتي فكيت في وشو دشوة باردة زي الهواء الطالع من المكيف اربعة الف
لكن بعد داك ربنا سهل
الكلام دا كان عمري زي عشرة سنوات كدا
|
Post: #2
Title: Re: بالله أحكي لينا عن أول يوم صيام في حياتك؟؟
Author: Elhadi
Date: 08-12-2010, 08:50 AM
Parent: #1
الناس ديل كلهم عجائز يا سامي
انت عايزهم يتذكروا ليك أحداث يوم قبلي أربعين ولا خمسين سنة كيف ؟؟؟
أنا السغيير ده بتذكر طشاش طشاش .. الجلاكين ديل حا يتذكروا ليك كيف ؟؟
إلا يألفوا ليك من راسهم غايتو
|
Post: #3
Title: Re: بالله أحكي لينا عن أول يوم صيام في حياتك؟؟
Author: سامى عبد الوهاب مكى
Date: 08-12-2010, 09:25 AM
Parent: #2
Quote: الناس ديل كلهم عجائز يا سامي
انت عايزهم يتذكروا ليك أحداث يوم قبلي أربعين ولا خمسين سنة كيف ؟؟؟
أنا السغيير ده بتذكر طشاش طشاش .. الجلاكين ديل حا يتذكروا ليك كيف ؟؟
إلا يألفوا ليك من راسهم غايتو |
لا الناس البتصوم قبل فرض صيام رمضان ما معانا
ههههههههه
|
|