Post: #1
Title: انا غايتو حليت مشكلتى كدا ....
Author: دينا خالد
Date: 08-12-2010, 08:05 AM
انتو كيف ؟
بالنسبة للناس الرايح منهم المنبر
كنت كل ما اضغط على لينك المنبر تجينى صفحة
بتاعة اسك ... ASK
وبما انى ما بفهم اى حاجه فى الكمبيوتر واعترف فى الحتة
دى تبلدينا احسن منى .. اها قمت ضغطت على اول بروقرام
مشيت الاكسسيسوريز ومنها لى سيستم تولز ومنها لى سيستم ريستور
رجعت الكمبيوتر كما كان عليه قبل اسبوع ... طواااالى المنبر
جا مش سحاره بالله ؟؟؟
طريقة بلدى صاح
ومن راسى ساى صاح ....
لكنها كانت يا قول ناس جبر الله ناجعة وفعالة
ما يجى واحد هنا يقول لى ما بتنفع ... نفعععععععت !!!
ودا مع التاكيد طبعا باننا لا نرفض الحلول الجذرية
لوووووووووب ... ااااى بعد ما قلنا نوبة ...
ـــــــــــــــــــ
انتو تعالوا !! المنبر دا دايرين بى شنو ؟؟
بعضى ولااااا حلو ...
وبكرى دا شين وصورو الشدد بتاعتو دى شينة !
ولا فى زول قال لى رمضان كريم
ولا فى زول قال لى العفو والعافية ! سمح اصبروا
انشالله تجوعوا شدييييييييييييييييد
وتعطشوا ... ورمضان يجرسكم يا بركة الرسول ..
|
Post: #2
Title: Re: انا غايتو حليت مشكلتى كدا ....
Author: محمد عبدالرحمن
Date: 08-12-2010, 08:20 AM
Parent: #1
رمضان كريم وكل عام وانت بخير ...
ماتفتكرى الrestore هو الرجع المنبر..لا طبعا
صادف بس انو رجع بس ..المنبر رجع (منو وليهو) ..
لذا لزم التنويه...
|
Post: #3
Title: Re: انا غايتو حليت مشكلتى كدا ....
Author: osman righeem
Date: 08-12-2010, 08:26 AM
Parent: #2
اها سلامات
رمضان مبارك عليك
وربنا يتقبل منك
ومقدما العيد برضو
ربنا يحقق ليك الاماني
الفي السفر و الفي البال
|
Post: #4
Title: Re: انا غايتو حليت مشكلتى كدا ....
Author: Asim Fageary
Date: 08-12-2010, 08:27 AM
Parent: #2
رمضان كريم
تصومي وتفطري على خير
وربنا يجعلك من صوامه وقوامه
وربنا يحضرك العيد بعد رمضان
وربنا يديك الصحة والعافية وتصومي مائة رمضان كمان
وأدعو لك بعدد خلق الله ما نعلم منه ما لا نعلم
أن يجعلك الله من عتقاء هذا الشهر
ربنا يجمعنا بيك إنشاء الله على الطبيعة
---- أها قصرنا معاك ---
بالمناسبة إنتي رمضان دا ما بتعبك خالص لأنك ما بتدخني والله كان عارفة الجرسة الواقعين فيها المدخنيين كان عرفتي حاجة
مع تحياتي ولومي الكتير
عاصم فقيري
|
Post: #5
Title: Re: انا غايتو حليت مشكلتى كدا ....
Author: ياسر بيناوي
Date: 08-12-2010, 08:50 AM
Parent: #4
Quote: انشالله تجوعوا شدييييييييييييييييد
وتعطشوا ... ورمضان يجرسكم يا بركة الرسول ..
|
انا غايتو كان عصر علي بعصر عليهو
دينا رمضان كريم ياخ
خالص الود
|
Post: #6
Title: Re: انا غايتو حليت مشكلتى كدا ....
Author: محمد الجزولي
Date: 08-12-2010, 09:01 AM
Parent: #5
والله .. وأنا اقول الناقص لي شنو !..
ـــ
دينا كل سنة وأنتي طيبة ورمضانك كريم ..
وتحياتي
|
Post: #7
Title: Re: انا غايتو حليت مشكلتى كدا ....
Author: cantona_1
Date: 08-12-2010, 09:25 AM
Parent: #1
| Quote: وتعطشوا ... ورمضان يجرسكم يا بركة الرسول .. |
الأستاذة دينا خالد
رمضان كريم وتصومي وتفطري على خير. نحن حكاية نعطش ما واردة. تصدقي لحد ما نصلي التراويح حتى الواحد يتذكر أنو ما شرب ليهو موية.
|
Post: #8
Title: Re: انا غايتو حليت مشكلتى كدا ....
Author: دينا خالد
Date: 08-12-2010, 09:46 AM
Parent: #7
محمد عبد الرحمن
عشان انت صايم بططل الغلات
قلت ليك رجع بالطريقة دى ودى ماول مرة
الا يكون صادف مرتين ..
قالوا المغترب كل مايرسل قروش البنا لي بيتو اهلوا يقولوا
لى دى مااا صادفت عيا الوالده دى مااا صادفت تصليح
المطرة دى مااااا،، قال والله اصلو ما حصل رسلت ليهم قروش
ما صادفت .. طواااالى بتصادف ,,,
محممممد اللهم انك صايم بطل الفتاوى الغير تقنية دى ..
وهاك دى لنهارك الطويل ::
ناس فرقة تيراب عندهم حكوة بحكوها كل رمضان
قالوا واحد من الانصار اترشح عند اهلو شبكهم ليك الامام المهدى
والراتب وال ... قالوا لى يا زول هى نحن والله كان الجامع اتبنى
وشارع الزلط دخل والمدرسه فتحوها والمستشفى القالوهو بقا
الله اكبر الله اكبر ,,,
وكان دا كلو ما حصل ... الله اكبر و لله الحمد ,,,
لوووووب
|
Post: #9
Title: Re: انا غايتو حليت مشكلتى كدا ....
Author: العوض المسلمي
Date: 08-12-2010, 09:52 AM
Parent: #8
اول ما قطع عندي عملت زوغبير وشتت علي البيت جري ..
لو رجع ما كان في طريقة لانومة ولا دقسة حتي ..
دينا رمضان كريم وتصومي وتفطري علي خير ..
|
Post: #12
Title: Re: انا غايتو حليت مشكلتى كدا ....
Author: حاتم كاهن
Date: 08-12-2010, 10:16 AM
Parent: #9
يا دينا رمضان كريم ، تصومي وتفطري على خير ..
والبركه الحليتي مشكلتك ...
|
Post: #10
Title: Re: انا غايتو حليت مشكلتى كدا ....
Author: GamarBoBa
Date: 08-12-2010, 10:09 AM
Parent: #8
Quote: مشيت الاكسسيسوريز ومنها لى سيستم تولز ومنها لى سيستم ريستور
رجعت الكمبيوتر كما كان عليه قبل اسبوع ... طواااالى المنبر
جا |
غايتو المنبر ده لو فيه فقع بالبطريقه دي الشهر ده
ياهو الزول فطر وجا قال انا فاطر عديل كدة والذنب عليكم
|
Post: #11
Title: Re: انا غايتو حليت مشكلتى كدا ....
Author: عبد الفتاح زوما
Date: 08-12-2010, 10:10 AM
Parent: #8
دينا
كيفنك و سلامات
الشهر مبارك عليك وتصومى وتفطرى على خير
ان شاء الله الصيام ما يعطشك ولا يجوعك
والحكاية تقيف على الهضربة والغلاط بس
رمضان خلص ... كل سنة وانت طيبة وعيدك مبارك
|
Post: #16
Title: Re: انا غايتو حليت مشكلتى كدا ....
Author: Ahmed musa
Date: 08-12-2010, 12:40 PM
Parent: #8
Quote: قلت ليك رجع بالطريقة دى ودى ماول مرة
الا يكون صادف مرتين .. |
ببساطة دمكـ ماشي مع دم بكري
تعملي أوبرقروام طوالي يتظبط بي هناك
بختكـ ... ورمضان كريم ليكـ وللأسرة
|
Post: #13
Title: Re: انا غايتو حليت مشكلتى كدا ....
Author: Adil Osman
Date: 08-12-2010, 11:13 AM
Parent: #1
نحن ما عندنا اى مشكلة. مشتاقين بس.
|
Post: #14
Title: Re: انا غايتو حليت مشكلتى كدا ....
Author: محمد عبدالرحمن
Date: 08-12-2010, 12:05 PM
Parent: #13
Quote: الانصار اترشح عند اهلو شبكهم ليك الامام المهدى
والراتب وال ... قالوا لى يا زول هى نحن والله كان الجامع اتبنى
وشارع الزلط دخل والمدرسه فتحوها والمستشفى القالوهو بقا
الله اكبر الله اكبر ,,,
وكان دا كلو ما حصل ... الله اكبر و لله الحمد ,,, |
غايتو يادينا نحن كان حصل وكان ماحصل الله اكبر ولله الحمد ..
فى زول دافع حاجة من بيت ابوهو...
|
Post: #15
Title: Re: انا غايتو حليت مشكلتى كدا ....
Author: khaleel
Date: 08-12-2010, 12:09 PM
Parent: #14
دندون
رمضان كريم وعساك من عواده
دندون الصورة والصوت كانو مقطوعين من المصدر في اول ايام رمضان
احتمال يكونو خرمانين زينا كدة
|
Post: #17
Title: Re: انا غايتو حليت مشكلتى كدا ....
Author: دينا خالد
Date: 08-12-2010, 02:55 PM
Parent: #15
Quote: ربنا يحقق ليك الاماني
الفي السفر و الفي البال |
ووووووب يا روغييم غايتو جنس شمار
البشوفك كدا يقول مسكين وطيب وتقدس
الحياة الزوجية فى بيت المقدس ..
عاصم فقيرى تصوم وتفطر على خير
مشكور سيدى .. انا من العتقاء ؟ طيب اصبر !
ياسر بيناوى
المحامى فى المحكمة بونس فيهم قال ليهم
المرة دى رمضان جايى صعبب خلاص
مولانا قال لى ما من مصلحته .. لووووب
|
Post: #18
Title: Re: انا غايتو حليت مشكلتى كدا ....
Author: دينا خالد
Date: 08-12-2010, 03:01 PM
Parent: #15
محمد الجزولى !!
ولدك دا مفروض يصوم مش ؟
قليص كدا
ياخ وانت اطيب واجمل واحلى ..
حقوا الزول يجى يفطر معاكم رمضان دا
فى كندا !!
لووووووووووول كانتونا 1 نفسسى اعرف سر
نشاطك الفجاة دا كنت وين لابد من 2003 ...؟؟
تسلم ياخوى وانت طيب ،، انت فى السويد ؟
بعد رمضان دا ما عندك مشروعات وكدا .. ؟
|
Post: #21
Title: Re: انا غايتو حليت مشكلتى كدا ....
Author: WAD ELGAALI#4
Date: 08-12-2010, 03:19 PM
Parent: #18
دينا رمضان كريم وربنا يحقق ليك امانيك
خلعتينا ياخى انا هسى افتكرتك حليتى مشكلتك حقت العزوبية وحصلتى رمضان
اها عملتى لى شنو فى موضوع صاحبى عليك الله خليك جاده مره واحده الدنيا رمضان وود الناس دا
اعصابو ما بتستحمل
|
Post: #19
Title: Re: انا غايتو حليت مشكلتى كدا ....
Author: دينا خالد
Date: 08-12-2010, 03:11 PM
Parent: #15
العوض مسلمى تصوم وتفطر على خير
الاخ الراميهو شنو ؟ سجاير ولا تمباك ؟؟
ولا حاجات تانية ؟ ايوااااااااااا
ديل بكونوا البورداب زح بعييد واعمل شخيت
لحد ما الدنيا تبقى قبايل عيد تعمل رايح
سمح ؟
كاهن !!
وانت من اهله ،، ياخ ما تحل معاى ياخ
فيها باقى انت قايلها واقفه على النت ؟؟
لووووووووووب قمر بوبا يا حلو مر
بوبا يا عسل .. رمضان ما عندك لكن لوووول
افطر افطر على مسئوليتى لانو قصتك بايظة وااااضح
|
Post: #20
Title: Re: انا غايتو حليت مشكلتى كدا ....
Author: دينا خالد
Date: 08-12-2010, 03:18 PM
Parent: #15
عبد الفتاح زوما
اقول ليك كلام ؟ العيد دا اخير من
رمضان .. باييخ بووووخ ,,,,
وووووووووووو احمد موسى النتر !!
زعلان كدا ليه انت ؟؟ اها انجهنا !!
اعصابك ما زال رمضان طفلا يرضع ..
محمد عبد الرحمن
قلت لى نوبة ؟؟ لوووووول
|
Post: #23
Title: Re: انا غايتو حليت مشكلتى كدا ....
Author: Mohammed Haroun
Date: 08-12-2010, 03:41 PM
Parent: #20
رمضان كريم يا أستاذة دينا
أنا غايتو مشكلتي عويصة ... يحلني الحل بله .. من القيد وأم المذلات (الغربة طبعاً في غيرها).
تحيات أخوك ودهارون
|
Post: #22
Title: Re: انا غايتو حليت مشكلتى كدا ....
Author: دينا خالد
Date: 08-12-2010, 03:29 PM
Parent: #15
عادل عثمان انشالله العوجة ما تجيكم
شاحده ربى تكونوا بدون مشاكل\
لى يوم القيامة ! لكن رمضان دا
عملت لينا معاه شنو ؟؟
خلى يا خلى
قلت لى خرمان ؟؟ يااااى منك
بالله انت كنت بتعمل الحركة البايخة دى ؟
يعنى جايب 3 فى المواصفات ؟ ولا تقدس حياة
العزابة ؟ ياااااى تانى ..
نحن كان قاطع مننا الشوف ذاااتو ..
|
Post: #24
Title: Re: انا غايتو حليت مشكلتى كدا ....
Author: جمال محمود
Date: 08-13-2010, 00:14 AM
Parent: #22
Quote:
تاريخ التسجيل: 26-06-2006
مجموع المشاركات: 3116
|
والله ما عارفين السناير ديل نسوى معاهم شنو .. لا عايزين يرحموا ولا عايزين رحمة الله تنزل .
الطريقة العملتيها Restore Point لارجاع النظام لوقت سابق وليس ارجاع البورض كما تفضلتى .
اللهم انى صائم
سلام
مهندس جمال محمود
|
Post: #25
Title: Re: انا غايتو حليت مشكلتى كدا ....
Author: Adil Osman
Date: 08-13-2010, 01:58 PM
Parent: #1
Quote: عادل عثمان انشالله العوجة ما تجيكم
شاحده ربى تكونوا بدون مشاكل\
لى يوم القيامة ! لكن رمضان دا
عملت لينا معاه شنو ؟؟ |
اشكرك يا دينا من صميم قلبي على دعواتك الجميلة.
أما رمضان فالعمل عمل ربنا. يمنح رخصته لمن يشاء. رخصة كبيرة. رخصة صغيرة. وهكذا دواليب.
قالوا جاء رمضان في صيف حار جدآ. في راجل كبير عطش عطش شديد. بقى كل ما يتوضا ويمضمض ياخد جغمة.
ياخد جغمة ويتمتم ( والله لو ما جغيمة الموية المع الوضو دي كان متنا).
فلا تلقوا بانفسكم/ن الى التهلكة.
هاك الكاريكاتير ده
|
Post: #26
Title: Re: انا غايتو حليت مشكلتى كدا ....
Author: Adil Osman
Date: 08-13-2010, 02:32 PM
Parent: #25
دندون
زمان كنت خاتي صورة الوزير المطلوب احمد هارون في بروفايلي. في ناس قايلني هو.
|
Post: #27
Title: Re: انا غايتو حليت مشكلتى كدا ....
Author: Asim Fageary
Date: 08-14-2010, 12:22 PM
Parent: #26
يا دينا سلام مرة أخرى
يبدو أن رمضان معذبك شديد
إنتي حلفاوية ولا شنو ؟
كان عصرك رمضان أعصريه إنتي كمان
مع تحياتي
|
Post: #28
Title: Re: انا غايتو حليت مشكلتى كدا ....
Author: Tragie Mustafa
Date: 08-17-2010, 03:28 PM
Parent: #27
دندون يا عسل
رمضانك كريم
وعلى ذكر انجهونا دي في نكته احكيها لك
| Quote: زعلان كدا ليه انت ؟؟ اها انجهنا !! |
بمنسابة الانهيار الاخلاقي اياهو:
(قالوا عريس....جاء فرحان يحكي لاصحابه
انه زوجته العرسها قبال 5 شهور انجبت له!!
الجماعه فتحوا خشومهم!! وواحد اتشجع وقال ليه
انت يا فلان ما عرستو قبال 5 شهور؟؟!!
فضحك فلان جزلا ونشوانا....وقال لهم اها انجهونا كمان!!)
شوفتي آخر الزمن بقينا من فحولتنا كشعب بننجب في 5 شهور!!(ههههههههه).
|
Post: #29
Title: Re: انا غايتو حليت مشكلتى كدا ....
Author: Yassir Tayfour
Date: 08-17-2010, 07:29 PM
Parent: #28
ديني أنا يا ديني!
رمضان وصلكم ولا لسه؟
رسلت ليك معاهو وصية، إن شاء الله تصلك وتجدك بخير!
___
شفتي بالله الدلع ده كيف؟ ديني! ختيناك مع العقيدة في سرج واحد، أقصد في قلب واحد..
|
Post: #30
Title: Re: انا غايتو حليت مشكلتى كدا ....
Author: هاجر التهامي ياسين
Date: 08-17-2010, 09:19 PM
Parent: #29
دينا يابت ياعسل
لكن لقيت البوست جميل كيف لمن يكيف
لكن ماعصرتي على الجماعة يازولة والله عصرتك دي اخير منها عصرة رومضان
وبالمناسبة رمضان كريم
تراجي يا يمة ود جيرانا عمره زي سبعتاشر سنة جاء يحكي لي (شوفتي ياهاجر
الناس المشينا حضرنا العرس بتاعهم قبل شهرين امس كانت السماية جابو ليهم طفل )
وكمان عاملين سماية .
مع ودي
هاجر
|
Post: #31
Title: Re: انا غايتو حليت مشكلتى كدا ....
Author: Tragie Mustafa
Date: 08-18-2010, 01:18 AM
Parent: #30
هجوره يا عسل
ما ده الحاصل ولما اتكلمنا اتقلمنا
Quote: تراجي يا يمة ود جيرانا عمره زي سبعتاشر سنة جاء يحكي لي (شوفتي ياهاجر
الناس المشينا حضرنا العرس بتاعهم قبل شهرين امس كانت السماية جابو ليهم طفل )
وكمان عاملين سماية .
مع ودي
هاجر |
(هههههههه)
شوفتي جنس المحن دي وقال انجهونا قال!!
|
Post: #32
Title: Re: انا غايتو حليت مشكلتى كدا ....
Author: baha eassa
Date: 08-18-2010, 01:22 AM
Parent: #31
رمضان كريم وكل سنة وانتي بالف خير .. اها والعيد مبارك عليكي كمان ..
|
Post: #33
Title: Re: انا غايتو حليت مشكلتى كدا ....
Author: دينا خالد
Date: 08-18-2010, 07:09 AM
Parent: #32
يا بنات تراجى وهاجر
رمضان كريم .. والكلام دا خلو
هم مش كويس العرسو ليكم ! تانى المشكلة وين ؟
الباشمهندس جمال محمود
لووووب شايفاك اتسديت فى ى ى نهار رمضان
الاعلى ,,, ياخى عارفين انو دا برجع الجهاز
لكن بيقسسم انسى الهندسة دى شوية وجرب ولك
اجر التجريب !
يااااسر تيفور الود الطلع قيافة !!
وصلتنى والله ياسرنا وهسه لو ما جغيمات
الوصيتنى بيها دى انا كنت بكتب كيف .. لووووب
فى سرج واحد وانت الصادق ,, وقد ذهب بعيدا
مع بعيره
|
Post: #34
Title: Re: انا غايتو حليت مشكلتى كدا ....
Author: دينا خالد
Date: 08-18-2010, 07:26 AM
Parent: #32
بهاء عيسى يا كسلان
دا بباركوا براهو ودا براهو
غايتو البشوفكم تكلفتو فينى كدا
وينتزعوا منكم المباركة يقول عنندكم
دين ا اخر ى !
عادل عثمان
علاقة مع رمضان ماشه كويس ولا شابها التوتر ؟؟
فقيرى تسلم ..
|
Post: #35
Title: Re: انا غايتو حليت مشكلتى كدا ....
Author: Asim Fageary
Date: 08-18-2010, 07:53 AM
Parent: #34
تسلمي من كل شر يمة !
عاصم فقيري
|
Post: #36
Title: Re: انا غايتو حليت مشكلتى كدا ....
Author: Asim Fageary
Date: 08-18-2010, 07:53 AM
Parent: #34
تسلمي من كل شر يمة !
عاصم فقيري
|
|