Post: #1
Title: مرحباً بالرائعة تماضــــــــر شيـــــــخ الـدين في الخـــــرطوم
Author: بكري الخير
Date: 08-11-2010, 11:57 AM
Parent: #0
ستحل علينا في الخرطوم صبيحة الغد الخميس وفي تمام الساعة الثالثة صباحا الرائعة دوما تماضر شيخ الدين قادمة من أمريكا بعد غيبة عن الوطن امتدت لقرابة السبعة سنوات
ونحن وانتم موعودون بالاستماع والاستمتاع بفنها الراقي
مرحبا تماضر وأتمني لك اقامة طيبة بين الاهل والاصدقاء
|
Post: #2
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: دينا خالد
Date: 08-11-2010, 07:15 PM
Parent: #1
تومادور يا شيخو
نور بيتنا ياخ وشارع بيتنا
اهلا بيك واشرقت الانوار
تلقى رقم تلفونى فى الخاص ...
اتمنى ان التقيك قبل ان اغادر الخرطوم ..
|
Post: #3
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: ياسر بيناوي
Date: 08-11-2010, 07:23 PM
Parent: #2
ياهلا
حبابكـ الف ياتماضر
رمضان كريم يابكري الخير
خالص الود
|
Post: #4
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: نوفل عبد الرحيم حسن
Date: 08-11-2010, 07:45 PM
Parent: #3
الف مرحب بالاستاذه الرائعه تماضر شيخ الدين
الهلال بقي هلالين
اجازه سعيدة وممتعه نتمناها لك وسط الاهل والاصدقاء والاحباب
....
سلامات بكري الخير
ورمضان كريم
|
Post: #5
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: رشا سالم
Date: 08-11-2010, 08:31 PM
Parent: #4
ربنا يوصلك بالسلامة يا تماضر ..وتقلدي اميمة اخيتك قوووووووووي
..ما احلي ساعات اللقا..في الشاطي قرب الملتقي..
|
Post: #6
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: احمد محمد احمد عتيق
Date: 08-11-2010, 09:26 PM
اهلا وسهلا ..بك في وطنك ...وفي رمضان ...
ولكن تذكري ..
لا تقرب عربات النوم يا ولدي ...
فالشبعا لا يدرون معني الجوع ..
ورمضان كريم على الجميع
|
Post: #7
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: العوض المسلمي
Date: 08-12-2010, 09:40 AM
Parent: #6
مرحبا بها والف مرحب ,,,
ورمضان كريم يا بكري وتصوم وتفطر علي خير
|
Post: #8
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: Abu Mariam
Date: 08-12-2010, 02:40 PM
Parent: #7
ياكريم سفرة هونا
فى صحيفتك تدونا
بالبياض لينا لونا
بذرة فى الغيب وكونا
الطريق يبقى زائنا
لى أحب المدائنا
والرزق من خزائنا
ما يشين شانا شائنا
ما يلاقينا خائنا
حيث ما كان كائنا
يارحيم يا مهيمنا
السلامة المضمنة
للوجوه المطمنة
السعد يتبعو المنى
نبكى نضحك نسو غنا
والحسود عنو ما تنى
يا جليل يا موصلا
القدم سرعة وصلا
الرحيل ليه بوصلة
قصدنا نحسن الصلة
الكساوى بنفصلا
وكل رحما نواصلا
يالطيف فاطر السما
سطر اللقيا واقسما
قسمتك ديمة حاسمة
العيون باكية باسمة
والهموم منى قسما
لينا من دارنا كم سنة
ما انسمع فيها حسنا
فى جهرنا ...وهمسنا
ابرق اومضنا كالسنا
ياسميع ما تدسنا
ياقديرفالق النوى
خالق الكون وما حوى
الفراق للقلوب شوى
ليه بس نحن ما سوى
ما تشتتنا فى النوى
برد الحارق الجوى
ياجليل سهل الامور
حكمة الله الزمن بدور
ربى يا شارح الصدور
تنعدل نقطع البحور
افتح ابوابنا للعبور
النفوس تلقى ما تدور
يا عليم روحنا سلما
ومن علومك تعلما
بعروشك تحلما
كل سرا تكلما
لما تنضار وفى الحمى
نورا وما تضلما
سارية عزمك ولا انحنى
الشطارة المقننة
أما سيرين دى ستنا
دايرة اشوفك محننة
الحنان جاييى من هنا
نعزم اصحابنا للغدا
يسرى ليك السعد بدا
العديل يا محمدا
تانى ما تكونو ابعدا
ديل اهلكم حنان كدا
ابويا يا سيد العلم
لسة بتجينى فى الحلم
فقدك الزادو فى الحجم
الغياب اورث الندم
من تراب تربتك بلم
كان حييت والجسم سلم
..هبة يارافع القدم
الطيبة يا بت الطيبين
من فراقك مضت سنين
طازجة ذكراكى والحنين
ياحليل حضنك الامين
ونورك البضوى فى الجبين
يمة تانى المزار متين
أرحم أمواتنا يا متين
لمو شمل المشتتين
كلمات والحان تماضر شبخ الدين
ح نسمعها قريب ان شاء الله
بالمناستة تماضر ح تصل مساء اليوم فجر غدٍ
|
Post: #9
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: اسماء الجنيد
Date: 08-13-2010, 00:04 AM
Parent: #8
Quote: يارحيم يا مهيمنا
السلامة المضمنة
للوجوه المطمنة
السعد يتبعو المنى
نبكى نضحك نسو غنا
والحسود عنو ما تنى |
آمين يا رب العالمين تصل بالسلامة يا صادق وتقضوا اجازة طيبة قدر طيبتكم يا حنين
تحياتي ليها وليك ولاسرتك ولكل الاهل بالله
اجازة سعيدة يا طمطم ويا بختهم ناس السودان بيك
شكرا جزيلا الاخ بكري ورمضان كريم عليك
|
Post: #10
Title: Re: مرحباً بالرائعة تماضــــــــر شيـــــــخ الـدين في الخـــــرطوم
Author: naeem ali
Date: 08-13-2010, 00:12 AM
Parent: #9
حباب تماضر شيخ الدين..
حبابا 1000
شكرا جزيلا الاخ بكري ورمضان كريم عليك
|
|