ابراهيم محمود حامد ..موسى محمد احمد ..آمنة ضرار ..مبروك مبارك سليم ..

ابراهيم محمود حامد : وزير الداخلية - مؤتمر وطني

موسى محمد احمد : مساعد رئيس الجمهورية - مؤتمر بجا (جبهة الشرق ).

أمنة صالح ضرار : وزيرة دولة بوزارة العمل - حزب الشرق الديمقراطي (جبهة شرق ).

مبروك مبارك سليم : وزير دولة بوزارة البيئة والغابات والتنمية العمرانية - حزب الاسود الحره (جبهة الشرق ).

تف تف تف تف تف تف تف تف تف تف تف تف تف تف تف تف تف

ياخي اعفو لينا نحن مواطنين الشرق الماسالنا عنكم مما سافرتو الخرطوم وسكنتو هناك ......عشان ماتفتكروا نحن عاملنها بقصد ..ابداً والله لكن الواحد فينا مشغوليات وعيال ومدارس ... لكن صدقوني في البال والخاطر ...

تتصور واحد فيهم قالى لى انتو معلوماتكم تجيبوها من وين؟؟؟؟؟؟ عندما حدثته عن غرق طوكر
ياخى الناس دى اخر استكانة

Quote: تتصور واحد فيهم قالى لى انتو معلوماتكم تجيبوها من وين؟؟؟؟؟؟ عندما حدثته عن غرق طوكر ياخى الناس دى اخر استكانة

يانوريت يااخوي ماتظلم الناس ديل ..ربنا بيسالك عن سوء ظنك فيهم ...بعدين ياخي ماممكن تصوروا ليهم ناس من المكسيك وتقولوا ديل من طوكر ...دي مابتمشي عليهم ...لذلك رجاءاً ماتشغلوهم ..

فيوزي يا جميل بالله رسل معاكـ عدد واحد إعتذار مصلح للجماعة ديل ، وقول ليهم صديق رحمة قال حا يعوضكم عن تجاهله الغر مقصود دا خير تعويض ...
والله انا خايف الجماعة ديل يكونوا مش زعلانين يكونوا عاوزين يطقوا مننا .. وبالذات من ناس طوكر الما جددوا ليهم البيعة بعد الإنتخابات

Quote: فيوزي يا جميل بالله رسل معاكـ عدد واحد إعتذار مصلح للجماعة ديل ، وقول ليهم صديق رحمة قال حا يعوضكم عن تجاهله الغر مقصود دا خير تعويض ...والله انا خايف الجماعة ديل يكونوا مش زعلانين يكونوا عاوزين يطقوا مننا .. وبالذات من ناس طوكر الما جددوا ليهم البيعة بعد الإنتخابات

ياصديق ان شاء الله بس يرضوا باعتذارنا ده ...نحن نيتنا سليمة وماقصدنا نهمشهم ..لكن الناس ديل حساسين وممكن ياخدوا في خاطرهم ..الله يعينا نستغل رمضان ده ونكتر من الاعتذار ليهم والاستغفار لرب العالمين ...

ناس طوكر غلطانين وستين غلطانين .. كيف يعني يسقطوا مرشح المؤتمر الوطني ؟!!

ياهيما مادايرين نشغلك عن اخوانا التشاديين فالرسول وصى بسابع جار وهم الجار الجنب والاغربون اولى كذلك ...

حبيبنا موسى محمد احمد ...انت بالذات عدم سؤالنا عنك جاى من كونك جنب الرئيس وبكون هاريك استشارات فما دايرين نشغلك لحظة استشارة رئاسية في وكت البلد محتاجة فيهو لاستشاراتك ...

حجة آمنة ...ياخي ان شاء الله الجماعة ديل مااتلوموا معاك ؟!! الكراسي ان شاءالله وثيرة وواسعة وتتحمل سنوات لقدام ؟!! عليك الله كان قصروا ادينا خبر ندورها جبهة مسلحة من جديد ...نحن اصلوا طلعنا لمنو ؟ ماعشانكم انتو ...نحن الله ياخدنا وترتاحوا انتو ..

مبروك سليم ....وين يامان !!..كل مانجي نسأل منك يقولوا الراجل مشغول بالتنمية العمرانية في الشرق ..الله يعمر بيتك زي ماعمرت الشرق ...

الجماعة اكيد جننوكم بموضوع طوكر ...ياخي ديل ماعندهم موضوع ودايرين يشغلوكم عن مسئولياتكم الاهم ...طوكر شنو كمان هسي ...عليكم الله لو عندهم موضوع ناس تموت في تشاد وفي باكستان ويقولوا ليكم طوكر ...دي تجي كيف ؟!!...طيب لوماماتو ناس طوكر البموت منو ؟!!

مناتلين ماعندهم سالفة ..

بالله يافايز ما تنساهم من الحلو مر بتاع رمضان ..وكمان البصلة المحمرة والشــرموط والويكة ..
الناس ديل بكونوا محتاجين لأي حاجة منكم .
أعانهم الله وهم يصطلون بــ نار القصر وجمر والوزارات !

ود القاضى


ديل منو ديل


هههههههههههههههه

Quote: ود القاضى ديل منو ديل هههههههههههههههه

جنس كلامك ده ياود عبيد البخلي الواحد يعمل ثورة مسلحة ويقطع طريق بورسودان الخرطوم ويفجر انابيب البترول ويحتل ميناء عثمان دقنة ..كيف تقول ديل منو لناس ارقام في الحكومة السودانية ومؤثرين مش دلاليك ديل لولاهم طوكر كان غرقت ...ياخي ديل من يوم سمعوا الخبر لاقادرين ينوموا ولا قادر يسكتوا من العياط *




ـــــــــــــــــ

*البكاء بلغة حلايب /في الساحل المصري

Quote: بالله يافايز ما تنساهم من الحلو مر بتاع رمضان ..وكمان البصلة المحمرة والشــرموط والويكة .. الناس ديل بكونوا محتاجين لأي حاجة منكم . أعانهم الله وهم يصطلون بــ نار القصر وجمر والوزارات !

انا متبرع بحقي من حاجات رمضان المع الدكتورة ليهم ..بس ان شاء الله بعد ده يعفو لينا ...ياخي احساس الطناش احساس كعب ياود المسلمي والناس ديل حساسين ...اللهم اجعل نار القصر برداً وسلاماً عليهم ..والوزارات كذلك ...اللهم اشغلهم بفعل الخير خارج البلاد وخارجها وكمان بره السودان ...آميييين ..

الحمدلله نضالنا في الخمسين سنة الفاتت ماراح شمار في مرقة ..بقينا نظهر في التلفزيون ونقطع الشرايط ...ونفتتح الدورات المدرسية ..

الأخ الكريم ود القاضي
ومتداخلي خيطه وقراءه
السلام عليكم ورحمة الله
بلغنا الله وإياكم شهر رمضان
وبارك لنا فيه .

احبتي السودان ليس جدة او الدمام او تورنتو

انا شخصيا برغم كرهي للحكومة وعدم مناصرتي لها اوجه تحياتي واحترامي للاخوة ابراهيم محمود والاخ موسي والاخ مبروك واعرفه جهدهم الواضح والظاهرفي خدمة اهلهم ومناطقهم بصورة عامة وخاصة ...
ودونكم صندوق اعمار الشرق ومشاريعه التنمويةالعملاقةالقائمة وسد سيتيت خير مشروع واعد تحت التشييد ...وكفي

يستاهلو ناس الشرق ديل جو بتعيين ماجو بصناديق الأقتراح بتاعت الخج
الشرق غير الهم والغم مابجيب حاجة ....
الجماعة ديل ضيف ليهم القاش ( الخور مافريق الكورة )
سـعـال
همشكوريب حرروها ولا لسه
شاحد الله أسياس أفورقى يحتل كسلا وزناوى يضم القضارف ومصر تجى لحدى أروما

Quote: ..الله يعمر بيتك زي ماعمرت الشرق ...

الله يعمر الشرق زي ما عمرت بيتك.


تحياتي

التحية للمهندس حامد وكيل
شكراً لهذا البجاوي الأصيل
الذي أقام قرية نموذجية
لأهلي الغبش دون الحاجة
إلي نضال كاذب ينتهي
ببيع وشراء دون ذمة
لقضية امة .

حرام عليكم ياناس الشرق تزعلزا الناس ديل منكم قدُر دا

غايتو يا فايز انا لو مكانهم أصلوا ما بسامحكم

لكن هم ناس قلوبهم طيبه .. حاولوهم فى رمضان يمكن يسامحوكم

ولو ما سامحوكم كتر الجرسه فى العيد

ياخى انتو شلتو السلاح مخصوص عشان هم يقعدوا فى الكراسى دى .. تجو تطبظوها بى تجاهلكم دا؟؟؟

بعدين إنت ما شفتهم نايرين ونضيفين كيف ؟؟ يعنى إنت عايزهم يجو يت######وا بى طين طوكر دا ؟؟

طيب ما حي######و الكرسى القاعدين فيهو ... حرام عليكم .. راعو شعور الناس ديل

وقولوا معاى

حسبنا الله ونعم الوكيل

ودالقاضي

رمضان كريم علي ناس الشرق والله اكرم من كل الاقارب والاباعد

صندوق اعمار الشرق

Quote: احبتي السودان ليس جدة او الدمام او تورنتو انا شخصيا برغم كرهي للحكومة وعدم مناصرتي لها اوجه تحياتي واحترامي للاخوة ابراهيم محمود والاخ موسي والاخ مبروك واعرفه جهدهم الواضح والظاهرفي خدمة اهلهم ومناطقهم بصورة عامة وخاصة ... ودونكم صندوق اعمار الشرق ومشاريعه التنمويةالعملاقةالقائمة وسد سيتيت خير مشروع واعد تحت التشييد ...وكفي

ده كلام سليم وانت ادرى بشعاب الشرق منا ...

بس نحن جينا نشكرهم لوقفتهم القوية مع اهل طوكر وده اقل واجب نقوم بيهو ..ياخي الناس ديل سابوا اشغالهم وجو جارين ..لزم نشكرهم ..

ود القاضي وضيوفك الكرام.. رمضان كريم،

آمل أن يتقبل المعنيون - بنبلهم المعهود - هذا الاعتذار الصريح..

أما الزبد فيذهب جفاء وأما ما ينفع الناس فيمكث في الأرض
---
وكان الله في عون أهلنا الغبش في دلتا طوكر ..

ودونكم صندوق اعمار الشرق ومشاريعه التنمويةالعملاقةالقائمة وسد سيتيت خير مشروع واعد تحت التشييد ...وكفي

.........................................

الاخ / تولوس
فايز دا بونس ساي وقصدوا يهنئ المسئولين بحلول الرمضان (ولاشنو يافايز)، والمفروض مانخرب ليهو ونستو واشاداتو بالمسئولين ..
الاتري ياخي انتا جبتا كلام فيهو كلام !!.

وانا احترم رايك جدا ووقوفك خلف موسي وابراهيم والاخرين، وماكنت حارد عليك لو حصرت كلامك في مربع الراي (فمن الممكن ان تكون قد رايت فيهم مالااراه انا وفايز والاخرين والقصه تنحصر في اطار الرؤيا)، بس للاسف الكلام الاانتا كتبتو مايندرج تحت بند الرأي، دا كلام زول عندو معلومه موثقه، لا.. والمفروض المعلومه تكون موثقه بالصوره والصوت، لانك بتستخدم عبارات زي "مشاريعه التنمويه العملاقه" ودا كلام ماينفع يرموهو كدا ويمشوا..

بالنسبة لموسي وامنه ومبروك ، اخي انا عضو في مؤتمر البجا منذ 2002 وتنقلت في كل مكاتبه حتي وصلت عضوية مكتبه القيادي بالداخل، وعملت سكرتيرا لهذه الامنه في الاوقات الصعبه (ومن ضمنها يناير 2005) وذهبت لاسمرا والميدان مرات لاحصر لها وجلست مع هذا الموسي كثيرا قبل ان ياتي للداخل والاخر المسمي مبروك، واستطيع بهذه الخلفيه كتابة مجلدات عن هذه الشخصيات لوكان هذا مفيدا، واشتركت كعضو مؤسس لجبهة الشرق في مارس 2005 بربده، وبعد قدوم هؤلاء للداخل افترقنا علي الفور لانهم دخلوا في جحر الضب "الكيزاني"، ولكن لم ابارح هذا الملف بل تعمقت فيه من زاوية اخري وهي العمل الصحفي والاعلامي، وانا اتابع كل ضغيرة وكبيرة متعلقه باتفاقية الشرق "ولاابالغ اذا قلت ان عدد مانشرته من تحقيقات ومقالات وتقارير واخبار عن تنفيذ الاتفاقيه يكفي لطباعة كتاب".
وصندوق الاعمار الذي تتحدث عنه كان اهم اذرع تنفيذ الاتفاقيه علي الاطلاق، ولكن للاسف "تمخض الجبل فولد فاراً"، وهذا الصندوق الان لم يقم باي مشروع حقيقي ناهيك عن ان يكون عملاقا، وحتي موسي وامنه وجهوا اكثر من مرة انتقادات لهذا الصندوق، والان وبعد فشل الحكومة في الايفاء بالمبلغ المقرر للصندوق دخلوا في مسرحية جديدة "باسم مؤتمر المانحين بالكويت" لتغطية العجز والفشل.
اما سد سيتيت فلنا يااخي سنين نسمع به في الاعلام، ولكن لم نري شئيا، وحتي الان لم يبدا العمل فيه وبالتالي هو في رحم الغيب، ولايمكن للمرء ان يستند في دفوعاته علي مشروع لم ينفذ (ويتم الحديث عنه لااكثر من اربعين عاما) .

لااريد ان نخرب علي ودالقاضي بوسته المرح، ويمكن نقل النقاش حول الاتفاقية وصندوق الاعمار وامنه ضرار وموسي ومبروك لمكان اخر "لزوم اخذ الراحة والتمطي" ..
تحياتي

فايز حقيقة أقزام القوم لا يبنون احزاب تتنفس برئتين اعتذر كما شئت فهم لا يستحقون حتى العتاب .

اخي الكريم صالح عمار.. تحايا عطرة تصلك وانت تنعم بخيرات هذا الشهر الكريم وعبرك احي الاخوة الكرام فايزه وضيوفه الاعزاء ورمضان كريم
وشاكر لك اهتمامك بما ابديته من ملاحظات وتناولها بعين النقد المفيد

Quote: وانا احترم رايك جدا ووقوفك خلف موسي وابراهيم والاخرين،

Quote: بس للاسف الكلام الاانتا كتبتو مايندرج تحت بند الرأي، دا كلام زول عندو معلومه موثقه، لا.. والمفروض المعلومه تكون موثقه بالصوره والصوت، لانك بتستخدم عبارات زي "مشاريعه التنمويه العملاقه" ودا كلام ماينفع يرموهو كدا ويمشوا..

كلامك في محلو وانا فعلا لصيق جدا بالمشاريع واعرف عنها الكثير ولكن لست في موضع الدعايه لمؤسسات قادرة علي الدعايه لنفسها وابراز مشاريعهاوانجازاتها... وما دعاني لكتابة هذه السطور ورمي هذا الكلام كده علي الماشي هو معرفتي التامة علي الارض لهذه المشاريع
وايضا ربما معرفتي بهذه المشاريع تجعلني اجزم بان الرجال الثلاثة الذين ذكرت هم خلفها ... موضوع سقف الطموحات واعلاه وادناه ليس لي به شان

Quote: بالنسبة لموسي وامنه ومبروك ، اخي انا عضو في مؤتمر البجا منذ 2002 وتنقلت في كل مكاتبه حتي وصلت عضوية مكتبه القيادي بالداخل، وعملت سكرتيرا لهذه الامنه في الاوقات الصعبه (ومن ضمنها يناير 2005) وذهبت لاسمرا والميدان مرات لاحصر لها وجلست مع هذا الموسي كثيرا قبل ان ياتي للداخل والاخر المسمي مبروك، واستطيع بهذه الخلفيه كتابة مجلدات عن هذه الشخصيات لوكان هذا مفيدا، واشتركت كعضو مؤسس لجبهة الشرق في مارس 2005 بربده، وبعد قدوم هؤلاء للداخل افترقنا علي الفور لانهم دخلوا في جحر الضب "الكيزاني"، ولكن لم ابارح هذا الملف بل تعمقت فيه من زاوية اخري وهي العمل الصحفي والاعلامي، وانا اتابع كل ضغيرة وكبيرة متعلقه باتفاقية الشرق "ولاابالغ اذا قلت ان عدد مانشرته من تحقيقات ومقالات وتقارير واخبار عن تنفيذ الاتفاقيه يكفي لطباعة كتاب".

علي فكرة انا لست ضمن اعضاء اي حزب وارفض ان اكون تابعا لاحد او اسير لفكرة او ايدلوجيا محددة واكره الاحزاب جدا جدا وخاصة الاحزاب الجهويه لانها عنصرية في المقام الاول ... وانا اثمن نضالك فقط ضمن الاجندة القومية والخاصة بزوال هذا النظام واري ان حنقك علي مشاريع اعمار الشرق تندرج تحت رفضك واختلافك مع القيادة ان كان موسي او امنة

Quote: وصندوق الاعمار الذي تتحدث عنه كان اهم اذرع تنفيذ الاتفاقيه علي الاطلاق، ولكن للاسف "تمخض الجبل فولد فاراً"، وهذا الصندوق الان لم يقم باي مشروع حقيقي ناهيك عن ان يكون عملاقا، وحتي موسي وامنه وجهوا اكثر من مرة انتقادات لهذا الصندوق، والان وبعد فشل الحكومة في الايفاء بالمبلغ المقرر للصندوق دخلوا في مسرحية جديدة "باسم مؤتمر المانحين بالكويت" لتغطية العجز والفشل. اما سد سيتيت فلنا يااخي سنين نسمع به في الاعلام، ولكن لم نري شئيا، وحتي الان لم يبدا العمل فيه وبالتالي هو في رحم الغيب، ولايمكن للمرء ان يستند في دفوعاته علي مشروع لم ينفذ (ويتم الحديث عنه لااكثر من اربعين عاما) .

انا بحق اعلم تماما العلم مدي العمل علي مشاريع هذا الصندوق لاني احد المقاولين المنفذين وبحق نفذت مشاريع في معظم القري في ولاية كسلا و زرت العديد من القري والارياف في ولاية كسلا من حمداييت في اقصي جنوب الولاية الي اكاديب وربسم اقصي حدود شمال وشرق الولاية وايضا في بعض ولايات الشرق عموما ولدي الكثير من الصور والمواثيق التي تؤكد صحة كلامي مما يجعلني ان اتجراء واتهمك بانك بعيد كل البعد عن الشرق وربما تكون في احدي دول المهجر القريبة او البعيدة ولا تعلم شيئا عما يدور الان من عمل جبار في مشاريع التنمية التي يقودها صندوق الاعمار وصنوه صندوق تنمية المجتمع (برعاية البنك الدولي ).. بحق انا احترم ابراهيم وموسي ومبروك واعلم تمام العلم مدي جهدهم في تنمية ولاياتهم ولا اعلم شيئا عن فسادهم او استسلامهم للحكومة ... شكرا ولك كل احترامي

حبيبنا نصرالدين ...كل عام وانت بخير ..

Quote: آمل أن يتقبل المعنيون - بنبلهم المعهود - هذا الاعتذار الصريح..

انت عارف الموضوع ده قالقني شديد... وعدم رضاهم عننا ما من صالحنا ...

فائز

رمضان كبير

انت متمرد كبير

ومتمرد جديد يخرج علي متمرد سابق


انت حا تجيب الكتاحة لاهلك الذين بدأوا يرون رؤوس التنمية تشرئب بأعناقها الي عنان السماء

ما تكج الجماعة

وزير داخلية منصب سيادي خطير لناس الشرق

مساعد رئيس الجمهورية مكتبو جنب الرئيس الهيتة بالهيتة

وزيرا دولة دكتورة وزبيدي الله ـــ الله

مين قدكم