Post: #1
Title: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 07:22 AM
Parent: #0
السؤال اليومي المرهق في رمضان: الليله حنعمل شنو؟ !!! .... :)
محتاجين أفكار تساعدنا في تمضية 30 يوم رمضان انشاء الله بدون تفكير طويل كل يوم في محتوي ومكونات المائده اليومي,,
فطور رمضان بيختلف عن الطبخ في الأيام العاديه من حيث محتوي الوجبه وطريقة اعدادها ,,
وفطور رمضان نفسه بيختلف من بيت لتاني ومن ثقافه لأخري,,
حابه من خلال البوست نتعلم طريقة عمل أطباق جديده,
أو أطباق قديمه بطرق جديده,,
طريقة عمل عصائر تقليديه أو حديثه ,,
بتمني مشاركة خبيرات الطبخ الشهيرات في البورد مريم بت الحسين وسمارت وسناء خالد وماما دوما وكلللل البقيه,,
خلونا نستفيد من خبرات بعض ونتعلم نجدد في المائده اليوميه وطريقة التقديم,ونصور اطباق مع طريقة تقديمها,,
برضو نسعد باستضافة زوجات الأعضاء لو يحبو يشاركونا بخبراتهم :)
وكل من يأنس في نفسه الخبره المطبخيه :)
تصومو وتفطرو علي خير :)
|
Post: #2
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amira Elsheikh
Date: 08-10-2010, 07:30 AM
Parent: #1
.
|
Post: #3
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: داليا الكباشى
Date: 08-10-2010, 08:38 AM
Parent: #2
|
Post: #4
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: عفاف الصادق بابكر
Date: 08-10-2010, 10:09 AM
Parent: #3
يلا نبداء يا جماعة .. اها بكره الفطور شنو ؟؟؟
عايزين حاجات خفيفه عشان الدوام وكده ... الدوام لله ..
هسه لو قالوا النسوان ديل عندهم اجازة مدفوعة فى رمضان مالوا ...؟
غايتو أنا أتجرسته من هسه .. وقاعده افكر ياربي بعد ارجع من هنا اعمل شنو ..؟
وخاصة العندي ديل الله يديهم العافية كل شيء عايزنه فرييييييييش ...
|
Post: #5
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-10-2010, 10:31 AM
Parent: #4
بصراحة بوست السنة الفاتت كان مفيد جدا بالنسبة لي يا اماني
كل عام والكل بخير وتصوموا وتفطروا على خير ان شاء وينعاد عليكم بالصحة والعافية والقبول يارب
|
Post: #6
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-10-2010, 10:33 AM
Parent: #4
سلام ورمضان كريم وتصومو وتفطروا علي خير ، الفطور بالإضافه إلي العصائر والبليله والبلح ملاح نعيميه بالعصيده المقادير:
٢ معلقه كبيره لحم بقري مجفف ومطحون ( أو لحمه مفرومه)
٤ معلقه كبيره بصل مقلي ومهروس ناعم
١ كوب عصير طماطم
١ معلقه كبيره معجون طماطم
ملح حسب الرغبة
1 معلقه صغيره كسبرة مطحونة
ربع معلقه صغيره قرفة مطحونة
نصف معلقه صغيره فلفل أسود مطحون
١ مكعب مرقة دجاج ماجي
ثلث كوب زيت نباتي
٦ كوب زبادي او روب
١ معلقه كبيره كريمه فول سوداني
٢ معلقه كبيره دقيق
٢ معلقه كبيره ويكة
مقادير العصيدة
٦ معلقه كبيره نشا
ذرة
ملح
٣ كوب زبادي (أو يفضل الروب الحامض)
الطريقة:
طريقه تحضير النعيمية
يسخن الزيت ثم يضاف إليه اللحم المجفف و يقلب سريعا لمدة دقيقة
ثم يضاف إليه البصل المطحون
يقلب البصل و اللحم معا سريعا ثم يضاف عصير الطماطم
ثم تضاف البهارات ( الملح والكسبرة والفلفل والقرفة ومرقة الدجاج )
ثم يترك الخليط على النار لمدة 5 دقائق
يخلط الزبادي بالخلاط الكهربائي مع إضافة كريمه الفول السوداني + الدقيق أثناء عملية الخلط
يضاف خليط الزبادي و الدقيق والفول إلى خليط الطماطم على النار
ثم يقلب جيدا حتى لا يلتصق الخليط بالإناء
و يضاف الثوم ثم الويكة تدريجيا مع التقليب المستمر أثناء إضافة الويكة
يترك الخليط على نار هادئة لمدة 5 دقائق ثم يقدم بعد ذلك ساخنا مع العصيدة
طريقة تحضير العصيدة
يغلى الزبادي على نار متوسطه الحراره
ثم تذاب النشا في ربع كوب ماء و يضاف إليها الملح
يضاف الخليط إلى الزبادي عند الغليان مع استمرار التقليب
يصب بعض من الزيت النباتي أو السمن في إناء العصيدة
تترك العصيدة حتى تبرد قليلاً لتتماسك
و تقدم العصيدة بالنعيمية
و بالهناء و الشفاء
طبعا لو عنكم بصل مجفف ومحمر ومسحون من بدري دا بخفف الزمن وبساعد كتير
|
Post: #7
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: انعام حيمورة
Date: 08-10-2010, 11:02 AM
Parent: #6
انا من الاخريات ..
مش ..
اهاهويدا شرف الدين حرقت فرمالتي ياخ ..
كل سنة وانتو طيبين
والمرة دي حا يكون البوست عونا لي ..
|
Post: #8
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-10-2010, 11:14 AM
Parent: #7
عروستنا الحلوه (ولاخلاص قدمتي) 
تصومي وتفطري علي خير وربنا يحقق امنياتك وإن شاء الله رمضان الجاي بي تومات يا رب
كنتي عاوزه تعملي ملاح نعيميه ولا شنو؟
|
Post: #9
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-10-2010, 11:17 AM
Parent: #7
انعام حيمورة
امشي شوفي لينا وين طريقة الملاح الابيض
النعيمية دي بديك فيها دروس لو حقت هويدا ما ظبطت معاك
|
Post: #10
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: عبد الدائم سيد أحمد
Date: 08-10-2010, 11:23 AM
Parent: #9
اعملو التعملوهو
اهم حاجة الصينية تكون مدنكلة
علينا مسك الشفع بس
كل سنة انتى وزوارك بخير ورمضان كريم
|
Post: #22
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 01:58 PM
Parent: #10
أهلا أخونا عبد الدائم,,
| Quote: علينا مسك الشفع بس |
بس؟؟؟
بالغت والله,,,
طيب عصير مابتعمل؟
سلطه كيف؟
لا لا لا,, تستاهل نحرّش عليك المدام والله 
كل سنه وانت وهي والعيال بألف خير :)
|
Post: #11
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: خدر
Date: 08-10-2010, 11:27 AM
Parent: #9
ممكن نساعدكم بي إقتراحات يا اماني ؟
يعني مثلا كل راجل يجي يكتب هنا هو بحب ياكل شنو في رمضان
و ممكن يساعد بي شنو في المطبخ
انا غايتو :
- صحن الفول
- اللقمة
- قراصة
واحد من ديل ثابت يوميا مع العصائر و البلح و المكسرات
فطائر اللحمة المفرومة و الجبنة و السلطة البيضا و السوداء (يوميا)
بعد داك اي حاجة تجيبوها مافي مانع
___
خلط العصير علي انا .. قصرت ؟
|
Post: #23
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 02:07 PM
Parent: #11
ياطارق أبوعبيده ..
Quote: انا غايتو :
- صحن الفول
- اللقمة
- قراصة
واحد من ديل ثابت يوميا مع العصائر و البلح و المكسرات
فطائر اللحمة المفرومة و الجبنة و السلطة البيضا و السوداء (يوميا)
بعد داك اي حاجة تجيبوها مافي مانع
___
خلط العصير علي انا .. قصرت ؟ |
يعني هسي انت :
1- بتعمل ديل كلهم يوميا؟
2- بتعمل العصير بس والباقي عندك ثوابت مفضله في المائده؟
لو أجبت بنعم علي الخيار الأول فما قصرت اطلاااااقا وعندك جايزة زوج مثالي عديل
لو أجبت بنعم علي الخيار التاني فأحسن شووووويه من مسك العيال بتاع أخونا عبد الدئم وفي كل خير :)
تعال اختار اجابه صحيحه عشان نقرر نديك الجايزه وللا نستني بيها مشارك تاني؟
|
Post: #12
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-10-2010, 11:29 AM
Parent: #9
SHIBKA العروس دي خليها جديده مع الحاجات دي
هاكي دا ملاح الروب الابيض بالكرون فلور بدون ويكه :
نصب الروب او الزبادى فى الحلة وناتى ببصلة كبيرة نقطعها على اربع قطع ونرميها فى الروب ونبدا (نسوطه) بالمفراكه لحدى ماينضج ويتماسك (يبقى تقيل) ناتى بدقيق فينو ابيض (أو كورن فلور) ونضيفه للروب بجانب فول سودانى مدروش يكون مسحون ناعم ونبدا بخلطهم مع الروب وشوية ملح وبهارات. دا روب ابيض بدون ويكه
اما لو عاوزه روب ابيض بالويكه نصب الروب او الزبادى فى الحلة وناتى ببصلة كبيرة نقطعها على اربع قطع ونرميها فى الروب ونبدا (نسوطه) بالمفراكه لحدى ماينضج ويتماسك (يبقى تقيل) ناتى بي فول سوداني مدروش وتكبيهو فيهو وبعد داك حبة ويكه وشوية ملح وبهارات وبالهناء والشفاء
|
Post: #13
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: othman mohmmadien
Date: 08-10-2010, 11:44 AM
Parent: #12
رمضان كريم يا الأخوات ....
عذابي ومعذب في بلاد الغربة ...
وساكن براي والهم عصف ...
وروني كيف بتتعمل الطعمية وبالطريقة السودانية
تشكر من قدمت لنا طبق ملاح النعيمية ....
تصوموا وتفطروا على خير
...
|
Post: #14
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-10-2010, 11:52 AM
Parent: #13
الأخ عثمان
لا شكر علي واجب ، وربنا يردك من الغربه وتصوم وتفطر علي خير
المقادير
1| كبكبي أو فول مصرى
2| نصف فنجان سمسم
3|بصلتين
4| عيش ناشف مدروش
5|5 فصوص توم
6|شمار أخضر أو كزبره خضراء حسب الذوق
7|ملح حسب الذوق
8| فلفل حسب الذوق برضك
الطريقه
يُنقع الكبكبي أو الفول المصرى فى الماء مده كافيه
يُحمص السمسم
تقطع البصلتين إلى شرائح يسهُل فرمها
تُفرم البصلتين والحمص أو الفول المصرى والشمار الأخضر والتوم والعيش المدروش جيداً
يُضاف بعد ذلك السمسم والملح والبهارات حسب الذوق
يُضاف الباكنج باودر فى النهايه وتتشكل إلى أقراص أو أى شكل اخر وتُحمر بالزيت
وبالهنا والشفا
|
Post: #15
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-10-2010, 12:00 PM
Parent: #12
هويدا
جيهتيني تمام
شكرا ليك
|
Post: #17
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-10-2010, 12:07 PM
Parent: #15
SHIBKA
ما عندك مشكله جاهزين لاي خدمات
|
Post: #21
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 01:41 PM
Parent: #9
ياهويدا وانعام وشبكه,,
ملاح النعيميه اتعلمتو الاسبوع الفات
وصفته لي صحبتي بمقادير ونفذته طلع بتاع معلّمين
لأني قدر ما أسأل ماما عليهو توصف لي بطريقتها البـ Sense ديك,,
ولو باريت ماما كان عمري كله ما اتعلمته لوووووول
هويدا شكرا علي المداخلات المليانه,,
ومتفائله جدا بمشاركاتك في البوست,,
أيوه كده عايزين وصفات دقيقه وبالمقادير أهم حاجه :)
|
Post: #20
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 01:36 PM
Parent: #7
شبكه ازيك,,
| Quote: بصراحة بوست السنة الفاتت كان مفيد جدا بالنسبة لي يا اماني |
انشاء الله البوست السنه دي يكون مفيد لينا كلنا,,
والله الوصفات البالمقادير دي أهم حاجه,,
مشكلتي ماما بتطبخ بال Sense بتاعها, يعني ما بتوصف لي بمقادير,,
تقعد تقول لي كبّي شوية (...) وحبة (...) ولما تشوفيهو حصل ليهو شنو !!!!! 
أنا كان بعرف كده ما كان بقيت زيها واحد,,
أنا عايزه زول يوصف لي كده:
تكبي ملعقه (...), وكباية (...) وهكذا ,,
مرحلة ال Sense دي لسه ما وصلناها لووووول
|
Post: #16
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Ashraf el-Halabi
Date: 08-10-2010, 12:00 PM
Parent: #6
السنة دي كلامك دا تقوليو لي زول ما عنده عصيدة
السنة دي رمضان ختينا ليهو القدرو
السنة دي صايمة معانا الحجة شخصياً
السنة دي وكل سنة وانتو طيبين
|
Post: #26
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 02:32 PM
Parent: #16
أخونا عثمان محمدين,,
كل سنه وانت طيب,,
Quote: رمضان كريم يا الأخوات ....
عذابي ومعذب في بلاد الغربة ...
وساكن براي والهم عصف ... |
جربت صيام رمضان في الغربه,,
وعارفه صعوبة الموضوع ده,,
تابع معانا وأكيد حتلقي انشاء الله وصفات سريعه ولذيذه تريحك من عناء التفكير ,, :)
يا أشرف يا أخوي,,
رمضان اتسلّحتو ليهو بالحجه شخصيا؟
ماشاء الله,, 
ربنا يديمها نعمه,, وتصومو وتفطرو علي خير :)
|
Post: #19
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 01:31 PM
Parent: #4
ياعفاف كل سنه وانتي طيبه,,
| Quote: هسه لو قالوا النسوان ديل عندهم اجازة مدفوعة فى رمضان مالوا ...؟ |
غايتو انا اجازتي ما باخدها الا في رمضان,
لأني عارفه اتنين ما ببقو علي الواحده,, صيام وعمل فطور وشغل
|
Post: #18
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 01:28 PM
Parent: #3
أميره الشيخ ودلّوش:
تصومو وتفطرو علي خير ,,
بعدين المداخلات الفاضيه شنو؟
تعالو بالمليان لو سمحتو
----
داليا انتي بالذات تعالي ورينا الحلو العملتيهو بالبيبسي داك كان شنو؟
|
Post: #24
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dr. Abdalla Siddig
Date: 08-10-2010, 02:09 PM
Parent: #18
Quote:
(مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
|
يعني الرجال ما يقدموا اقتراحات حتي لو كانوا طباخين مهره؟؟؟؟؟؟؟؟؟؟؟
تصوموا و تفطروا علي خير ورمضان كريم
|
Post: #25
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-10-2010, 02:18 PM
Parent: #24
أنا أحب أندرو ميتشل وجيمي أوليفر
__________________
كل سنة والجميع بخير
|
Post: #27
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-10-2010, 02:45 PM
Parent: #25
طيب عشان نكون عمليين والبوست يكون مفيد للجميع ,,
خلونا نعمل لست بالأصناف الرئيسيه في مائدة رمضان,,
ونحاول نغطي كل النقاط :
1- العصيده بأنواعها,,
2- التقليه والنعيميه وبقية أنواع ملاح العصيده اليومي,,
3- السلطات,
4- الشوربات,
5- الفطائر
6- المشويات
7- الحلو
في حاجه تانيه؟
خلونا نبدأ بالعصيده وطرق عملها بالمقادير لو سمحتوا
|
Post: #33
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: osman righeem
Date: 08-11-2010, 07:29 AM
Parent: #27
Quote: طيب عشان نكون عمليين والبوست يكون مفيد للجميع ,,
خلونا نعمل لست بالأصناف الرئيسيه في مائدة رمضان,,
ونحاول نغطي كل النقاط :
1- العصيده بأنواعها,,
2- التقليه والنعيميه وبقية أنواع ملاح العصيده اليومي,,
3- السلطات,
4- الشوربات,
5- الفطائر
6- المشويات
7- الحلو
في حاجه تانيه؟
|
عاد الله بيسألك دي الاصناف الرئيسية ؟؟؟؟
وين القراصة ؟؟؟؟
بوست بدون القراصة غير موفق
و ملحات هويدا مسااااااااااخ و مكرضمات
اختنا الغالية اماني
تقبل الله الصيام والقيام
مع تمنياتنا بالتوفيق
|
Post: #34
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-11-2010, 07:33 AM
Parent: #27
أخونا الصادق,,
وانت بألف خير ,,
| Quote: يعني الرجال ما يقدموا اقتراحات حتي لو كانوا طباخين مهره |
نحن رحبنا بيكم من أول مداخله, حتي شوف:
| Quote: وكل من يأنس في نفسه الخبره المطبخيه :) |
نرحب بمشاركات كل ذوي الخبره :)
مرحب بيك,,
رايوه ازيك ورمضان كريم :)
| Quote: أنا أحب أندرو ميتشل وجيمي أوليفر |
ناسك ديل غير مطابقين لمعايير المطبخ السوداني ياراويه لكن !
وبيني وبينك رمضان التراديشينال فيهو يكسب
غايتو كان جبتي لينا ريسيبي خطيره مجربه للرز بأي شكل أو صوره, بنحبهم معاك لاعبين مانشستر ديل
|
Post: #28
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سناء عبد السيد
Date: 08-10-2010, 03:04 PM
Parent: #25
موني و ستات و بنوتات البورد كل سنة و انتن طيبات و تصوموا و تفطروا على خير و ربنا يتقبل منا و منكم صالح الأعمال
موني و بما انك سألتي عن الأطباق السريعة اليكي بعض النصائح من سن سن :
جيبي لحمة مفرومة بكمية كبيرة و بهريها كويس و ابشري فيها البصل و التوم و اعمليها( قيمة) و قسميها على كميات في اكياس و ختيها في الفريز
المهم لحمتك المفرومة بتكون جاهزة بس ما عليكي إلا انك تنوعي .. يوم اعمليها مع خضار مشكل و لا مع بطاطس او مع قلاش او مع صينية مكرونة بالبشميل المهم انها سريعة و ما بتاخد منك زمن
و برضو ممكن تجيبي صدور بتاعت فراخ بانيه ( تكون مقطعة قطع كبيرة و مفلطحة ) و برضو تبهريها و تتبليها بالبصل و التوم و الخل و تقسميها على اكياس و تختيها في الفريزر و الصباح قبلي ما تمشي الشغل طلعي ليكي كيس عشان يتفكا و في الإفطار ما عليكي إلا انك تتبلي الجيكن في البقسماط المسحون و البيض و تحمري بجيكي بعدين للوصفات دي بالتفاصيل
|
Post: #29
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: كمال حسن
Date: 08-10-2010, 03:22 PM
Parent: #28
الأخوات أماني الأمين وشبكه والباقيات
تحيات طيبات ورمضان كريم
طبعا السؤال المرهق بتاع نعمل شنو الليله ده مرهقنا أنحن برضو لأنه يوميا بيسألونا نعمل شنو ومفروض نفكر معاهم في البيت في حل للمعضله دي
بالرغم من إني واحد من الناس (باكل أي حاجه) ومسهلها علي المدام تماما.
لكن لو بوستيكم ده دايرين تخلو فايدتو عمليه علينا هنا في الغربه دي، ورونا (الرقاق) وصفتو شنو ؟ وهل ممكن يتعاس في طوة البيتزا ؟ والله يفتح الله؟
كمان لو ما جبتو لينا الوصفه علي الأقل واحده فيكن تقوم ترسلو لينا بارسل لي رمضان ده ، وأبحثوا وصفتو لغاية رمضان الجايي
|
Post: #30
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-10-2010, 03:52 PM
Parent: #29
موني ازيك... والله احرجتي تواضعنا ياخ...
كل سنة وانت طيبة ونصوم ونفطر كلنا على خير ان شاء الله
انا كنت حابه اعمل لي بوست اكتب فيه كل يوم عن فطورنا حيكون شنو... وعشان انا بكره التفكير في اعمل شنو، عادة من قبل رمضان بعمل لي جدول فيه menu بتاعت كل يوم.... وبناءا عليها بشتري الحاجات بتاعتي من السوق... بستمتع بالطبيخ جدا في رمضان.. ويمكن عشان طبيخ زول جعان، بطلع الاكل مظبّط... ههههههههههه
خليني اشارك بتجهيزات ما قبل رمضان، انا بحب اجهّز حاجات في الفريزر تساعدني وتختصر الوقت.. للأسف السنة دي بسبب عارض صحّي، ما قدرته اعمل كده.. لكن كنت مخططة...
بشتري كمية من الاسود، وبقطّعه وبحمّره، وبقسّمه واخته في الفريزر... يوم اكون عايزه اعمل سلطة اسود، بنزله.. احنا بنحب سلطة الاسود مع الصوص الابيض، المهروسه بنحبها برضه.. المهم الاسود بالطريقتين ديل ممكن يتعمل.... برضه بنفع لمصقّعه ولا صينية خضار في الفرن... المهم الاسود يكون محمّر وجاهز...
في نفس الزيت، بحمّر لي بطاطس... بنفع برضه في صينية الخضار .. او ممكن بطاطس باللحمة المفرومة...
في باقي الزيت، بكون مقطّعة بصل كتييييييييييير... بقلبها في الزيت (لو الزيت كتير، بدفق منّه شويه)... وبعداك بكب في البصله ديك مويه وملح عشان تموت شويه، وبختها في باغات في التلاجه... زي دي بتنفعني كأساس لسليقة ولا ملاح ام رقيقه وحاجات كتيرة..
بحاول اقلل من المحمّر... لكن بجهّز لي لفة بتاعت سامبوكسه ملفوفه، ممكن احمرها في الزيت داك (بعد البطاطس) او اعملها في الفرن... برضه ممكن الواحد يعمل ليه كم محشي كده يحمّرهم ويختهم في الفريزر... كرات اللحمة او الكفته برضه...
بالمناسبة، انا الزيت بحمّر بيه مره واحده وبعد ما يبرد برميه، عشان كده بحمر كل حاجه في يوم واحد... إعادة تسخين الزيت ما كويسه صحيّاً
بالنسبة للشوربات، في السنوات الفاتت ما كنا بنهتم بيها كتير... لكن السنة دي ناويين... انا بحب الشوربات الكريمي، بس هي تقيله وممكن تحميك تاكل، وصحياً صعبة شوية على البطن... مخططه السنة دي شوربات خضار وعدس ودجاج وشوفان... ان شاء الله بحاول اجيب الوصفات في الفترة الجاية..
العصائر، انا بحب كوكتيل الفواكه جداً... لكن برضه تقيل.. في مشروبات اخف، لقيتها في موقع وعجبتني، بجيبها ليكم، خاصة انه السنة دي ما عندنا آبري ههههههههههه
أول وصفة احب اشارك بيها، هي اعادة اختراع لأم علي.. وصفة بسيطة وساهله وبتسمّن هههههههههه ورهيبه جداً، خاصة ايام عزومات رمضان
المقادير
علبة بتاعت عجيبة البف باستري الجاهزه، انا بستخدم زي دي
لتر حليب كامل الدسم
علبتين قشطة
ربع كباية سكّر
نص كوب زبيب
كوب مكسّرات مهروسه (فول سوداني، جوز، عين جمل)
كوب جوز هند
الطريقة
نرص العجينة بتاعت البف باستري في الفرن ونشغّله لمدة تلت ساعة... لحدي ما تبقى لونها ذهبي، وتتنفخ... بعداك نطلعها، ونرصد نصها في الصحن بتاع التقديم... نهرسها شويه كده... بعداك نكب طبقة بتاعت مكسرات وزبيب وجوز هند (نص الكمية)، بعداك نكب النص التاني من البف باستري والمكسرات والزبيب وجوز الهند... كده التحلية جاهزه 80%...... لما يقرب الفطور... كبي الحليب والقشطة في وعاء ومعاهم السكّر... وصوتي كويس... بعداك كبيهم في البف باستري... ممكن تدخليها الفرن لمدة ثلث ساعة، او الما يكروويف...
وصحتين وهنا...
برجع تاني يا اماني... شكرا على البوست الظريف
|
Post: #31
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-11-2010, 06:47 AM
Parent: #30
كيفية ملاح التقليه
أولاً المقادير:
4 بصلات متوسطات الحجم - ربع كيلو لحمة مفرومة - ويكه ناشفه - طماطم أو صلصه - زيت - بهارات مشكلة: (توم، كسبره, فلفل) ملح.
ثانياً الطريقة:-
1/ يحمر البصل في الزيت حتى يصبح لونه ذهبي (يصفر)
2/ يفصل البصل عن الزيت، نخليهو ينشف (يجف)
2/ بعد داك ندق البصل (بالفندك) أو أي وسيلة تانية..
3/ نضع الصلصة أو الطماطم المخلوطة مع البصل المدقق في باثي الزيت مع إضافة قليل من الملح.
4/ نترك المقادير على نار هادئة:
مع ملاحظة:
** إذا استخدمنا طماطم يجب أن نزيد مدة الطهي علي النارحتى ينضج.
5/ يضاف الماء حسب الرغبة ويترك حتى يغلي.. (ملاحظة هامة: لو عايزنها مع الكسرة نزيد الموية شويه والعكس لو بي قراصة أو لقمة)
6/ تفرك الويكة بالمفراك جيداً (مع ملاحظة تفتيت الكرضمات الخاصة بالويكة - والتي يسببها الغلي)
7/ توضع البهارات وتترك حتى تغلي ليكتمل النضج.
|
Post: #32
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-11-2010, 07:12 AM
Parent: #31
صحيت من الصباح
وبقيت افكر في الفطور شنو الليلة
شكلي من الشغل ماشة اعمل لي قايمة لغاية عشرة يوم ان الله احيانا
وبجيكم بالجديد ان شاء الله
|
Post: #36
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-11-2010, 07:42 AM
Parent: #32
أخونا كمال حسن,,
ياهلا ومرحبا ,,
| Quote: لكن لو بوستيكم ده دايرين تخلو فايدتو عمليه علينا هنا في الغربه دي، ورونا (الرقاق) وصفتو شنو ؟ وهل ممكن يتعاس في طوة البيتزا ؟ والله يفتح الله؟ |
عندي صحبتي والدتها بتعمل الرقاق بالفرن !!!!!
بحاول أسألها ليك من الريسيبي,,
وانشاء الله خبيراتنا الهنا برضو يفتونا في الموضوع :)
| Quote: كمان لو ما جبتو لينا الوصفه علي الأقل واحده فيكن تقوم ترسلو لينا بارسل لي رمضان ده ، وأبحثوا وصفتو لغاية رمضان الجايي |
لعناية داليا الكبّاشي
|
Post: #40
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-11-2010, 08:17 AM
Parent: #32
عمو رغيم كل سنه وانتو بخير :)
Quote: وين القراصة ؟؟؟؟
بوست بدون القراصة غير موفق |
طيب ننتظر فتحيه شامي تجي تحكي لينا عن قراصة رمضان وتوصفها لينا !
نحن في ثقافتنا مافي قرّاصه خالص, لافي رمضان ولافي غيره :)
شبكه,,
الله يعينك في موضوع اللست,,
مستنينك :)
|
Post: #37
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-11-2010, 07:47 AM
Parent: #30
هيييييييه مريومه جات :)
يامريومه مستنيين أفكارك وخبراتك بشده :)
وحلوه وبسيطه فكرة "أم علي" شكرا علي الريسيبي,,
وفي انتظار الكتير منك :)
|
Post: #71
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Mohiedin Sir El Khatim
Date: 08-12-2010, 09:10 AM
Parent: #30
كل سنة والجميع بخير ... ربنا يتقبل الصيام والقيام :
مريم بت الحسين:
| Quote: اعادة اختراع لأم علي |
جربى معاها بودرة الآيسكريم و أدينى رأيك..
|
Post: #35
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-11-2010, 07:37 AM
Parent: #28
الشيف سن سن :)
أفكار سيدات عاملات ميه الميه
فعلا تجهيز القيمه أو الفراخ بيختصر وقت كبير خصوصا في رمضان,,
| Quote: بجيكي بعدين للوصفات دي بالتفاصيل |
مستنينك ببقية الوصفات :) ,,
|
Post: #38
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-11-2010, 07:50 AM
Parent: #35
الليله الفطور عصيده بي تقليه تم وصف العصيده أعلاه مع صحن كفته وطريقته كالآتي:
عمل قطع كفته
المقادير
نصف كيلو لحم مفروم- 4 بيضات- بقسماط (العيش الجاف مدقوق)- بهارات -ملح -نصف كوب صغير زيت -ملعقه ونصف صلصه -2كوب متوسط ماء -طماطم وفلفليه للتزين
طريقه العمل
فى اناء واسع نضع اللحمه ونضع بها البهارات كسبره وشمار وفلفل وتوم وملح حسب الرغبه تخلط تماما ونضع بها بعد ذلك البيض ويخلط تماما وبعد ذلك نضع البقسماط ونعجن الى ان تتماسك عجينه الكفته البقسماط مقدارو حسب تماسك العجينه بعد ذلك نلف قطع الكفته نسخن الزيت ونحمر به قطع الكفته جيدا بعد التحمير نضيف فى الزيت كوب من الماء ونضيف الصلصه ثم قطع الكفته وتترك على النار الى ان تتشرب كل الماء بعد ذلك ترص ساخنه على طبق التقديم وتزين بحلقات الطماطم وقطع الفلفليه
|
Post: #39
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-11-2010, 08:04 AM
Parent: #35
هويدا صباح الخير,,
وشكرا علي الوصفات المهمه وهي الأساس ومهمه جدا,,
واصلي فيها وأفيدينا,,
علي فكره أنا عندي وصفه أسهل لملاح النعيميه الجبتيهو, وصفته لي صحبتي وطلع خطير,,
بس بدون لحمه لأني بحبو كده:
الريسيبي:
تحمر تلاته بصلات متوسطة الحجم,,
بعد التحمير تضعيهم في الخلاط ومعاهم عدد كاسات زبادي حسب الكميه النهائيه المطلوبه,,
يعني ممكن تلاته كاسات مثلا,,
مقابل كل كاس زبادي تضيفي ملعقه كبيره دقيق وملعقه كبيره صلصة طماطم,
تخلطيهم في الخلاط ,,
تضعيهم في الحله وتضيفي الملح والبهار وباقي زيت تحمير البصل,
وعلي نار هاديه تسيبيهو يغلي شويه وخلاص :)
بيطلع مسبك وتقيل ولذيذ
|
Post: #41
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: انعام حيمورة
Date: 08-11-2010, 08:35 AM
Parent: #39
| Quote: للأسف السنة دي بسبب عارض صحّي، |
مريومة الف الف لاباس عليك وبرسل ليك آبري رايك شنو العنوان بس ..
وكل سنة وانتي طيبة ورمضان كريم
ورمضان كريم على كل رواد البوست ..
هويدا وشبكة ..
انا في حاجتين بس بعرف اعملهم ومظبوط شديد ملاح النعيمية والكمونية لوووول
اها يا أماني صحيت من لاصباح عطشان عطشة السنين كل منكن (صاج سمك) قال
|
Post: #42
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-11-2010, 08:36 AM
Parent: #39
أماني رمضان كريم وتصومي وتفطري علي خير
نمشي نجرب الطريقه دي بس بدون ويكه؟
|
Post: #80
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-12-2010, 09:56 AM
Parent: #42
انعام حيموره:
| Quote: اها يا أماني صحيت من لاصباح عطشان عطشة السنين كل منكن (صاج سمك) قال |
وحياتك الليل كله أشرب في المويه وداليا برضو قالت اتجرّست
هويدا كيفنك,,
| Quote: نمشي نجرب الطريقه دي بس بدون ويكه؟ |
بدون ويكه وبدون لحمه,
بس زبادي ودقيق وبصل, بيطلع خطير عن تجربه :)
|
Post: #43
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-11-2010, 08:41 AM
Parent: #39
جاتني فكرة
رايكم شنو لو نوحد القايمة اليومية
يعني مقلا نقترح الليلة عمل العصيدة بملاح التقلية
كل المتابعين للبوست يلتزموا بيها في اليوم دا
وكل يوم يكون كدا
الراي شنو؟
يعني الليلة مثلا على حسب ما هويدا قالت
ملاح تقلية بعصيدة ومعاه الكفتة
المقادير والطريقة موجودة من هويدا
نعملها الليلة ونبقى زي الكاننافطرنا مع بعض كلنا في انحاء الكرة الارضية
|
Post: #44
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-11-2010, 08:47 AM
Parent: #43
SHIBKA
رمضان كريم وربنا يحقق كل الأماني ، ودي برضو فكره جميله وعجبتني خلاص الليله نعمل فطورنا تقليه أو ملاح روب وكفته وبليله وبلح وما تيسر من العصائر
|
Post: #45
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-11-2010, 08:56 AM
Parent: #44
واول حاجه جبت ليكم البلح
والبليله
ودي العصيده بي ملاح الروب
وابري بااااااااااارد
وعصير برتقال
وسلطة روب
http://www.mzaeen.net/upfiles/AUS72063.jpg
وبالهناء والشفاء
|
Post: #46
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: انعام حيمورة
Date: 08-11-2010, 08:56 AM
Parent: #43
غايتو مع (حنانة) ما اظن في التزام باليوم لكن كدي خلوها تسافر الاسبوع التاني بلتزم معاكم
فقدناك امس يابت
|
Post: #47
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-11-2010, 09:22 AM
Parent: #46
انعام
مفروض تقولوا لينا اختا في الغربة
ما نلتم ليها عشان ما نزعلا
لكن لقيتكم بتاعين لمات بشكل
|
Post: #48
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-11-2010, 10:17 AM
Parent: #47
أمون سلام ليك و لكل ضيوفك
كل سنة و انتو كلللللللكم و كللللللل حبايبكم طيبين و بألف خير و عافية
و يا أمون إن شاء الله السنة الجاية تعملي لينا بث حي و مباشر من مطبخك الخاص.. و نفرح بيك و بكل الحبايب يا رب
نحن فاطرين بالزي الموحد.. عصيدة بتقلية
معاها شوربة عدس و سلطة روب
و بليلة استبدلنا فيها العدسي و الحمص.. باللوبا السوداء الBlack Beans
لأنها الموضة بتاعة الريجيم هنا.. بعد ما اتكلم برنامج تلفزيوني عن انو إذا أكلت 70 جم من اللوبا دي كل يوم مطبوخة بأي طريقة.. و أكلت باقي وجباتك عادي بينزل وزنك.. بالإضافة لفوائد غذائية أخرى.. و عينكم ما تشوف إلا النور.. الرفوف في المحلات فضت منها.. وأصدقاءنا بيقولوا انها فعلاً بتشتغل!!
أها قلنا نجربها.. و على امتداد الشهر الفضيل إن شاء الله .. حأوريكم إذا الكلام طلع صاح :)
____________________________________
العنوان دا ناقص لنا مهدي ياخ.. :)))
|
Post: #49
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-11-2010, 02:19 PM
Parent: #48
Quote: مريومة الف الف لاباس عليك وبرسل ليك آبري رايك شنو العنوان بس ..
وكل سنة وانتي طيبة ورمضان كريم |
تسلمي يا نعوّمة، والابري حقك بتكون الملايكه حايمه فيه لحدي حسي... غايته كان في زول جاي الدمام، رسلي لينا حبّة آبري معاه خمسة ستة ملايكه ... نبل بيهم الريق... ههههههههههه
سناء خالد، مالك علينا بكلام الريجيم ده يا بتّي... بعدين اblack beans دي عندي معاها ضد، ما حبيت طعمها خالص... ادينا وصفة تساعد على البلع، وبمشي بعدين اجيبها... وورينا ال70 ديل قبل ولا بعد الطبخ هههههههههههههههههههههه، راجعي الايميل
بجيكم بكره، اشد حيلي شوية... وكل يوم بكتب ليكم ناوية اعمل شنو في الفطور
|
Post: #50
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 08-11-2010, 05:33 PM
Parent: #49
رمضان كريم يا بنات يا حلوات...
كتر خيرك يا امانى حسبانى مع الناس الخطرين ديل.
انا ذى مريومة....بحاول اجهز لمضان من بدرى. بعمل شوربة العدس (من غير بهار و ملح ) و اختها فى الفريزر. بلف كفته و اجمدها. بنظف سمك بلطى (كميات) و اطعمه و اقسمه فى اكياس و اجمده (ايوه بناكل سمك فى رمضان) . بفرم الكبكبى و مع البصل و الشمار الاخضر و اجهز الطعمية. بنجض لحمة فى بصلة و بهارات و اقسمها و اجمدها (عشان الدمعة للقراصة)...و هكذا.
قبل فترة كنت عاملة lab بتاع باسطة(Baklava). بفتش على the best وصفة بتاعة باسطة. و الان عندى وصفة مبالغة. بجيكم بيها المساء من البيت بى الكى بورد العربى.
__________________________________________________
سناء...متزكرة كلامنا عن الشمار الاخظر و انه غالى و ما بيتلقى بالساهل ?
السنة دى اتفالحت فى الصيف ده و عملت حديقة خظار فى الحوش. و اهم حاجه كانت الشمار الاخظر. كل ما يقوم كفاية بقطعه و اجمده freash . هسى عندى كمية ح تكفينى -ان شاء الله- لحدى الربيع الجاى.
زرعتا- برضو -كوسة و خيار و فلفلية حمراء و خضراء و نعناع و طماطم. ما تستغربوا لو حشرت ليكم الحجات دى فى اى وصفة.
|
Post: #51
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-11-2010, 06:58 PM
Parent: #50
I will be back soon.
|
Post: #52
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-11-2010, 07:40 PM
Parent: #51
تم اليوم الاول بسلام
وكان فيه
العصيدة حسب وصفتي يعني بالخمار ما بالزبادي زي ما قالت هويدا
والويكة برضو بطريقتي وكان عندي البصل المجفف واللحمة المجففة ـ(الشرموط)
الكفتة عملت بدلها بوفتيك
اها نشوف يوم باكر فيه شنو
كل سنة والكل بخير
|
Post: #53
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-11-2010, 11:44 PM
Parent: #52
فطور بكره
صينية بطاطس بصدور الدجاج والبشاميل(الوصفة تحت)
ملاح نعيمية مع عصيدة
سلطة روب مع جزر وخيار
الحلو
كسترد مع كاكاو ومكسّرات(الوصفة تحت)
___________________________________________________
الوصفة بتاعت الصينية لقيتها في موقع وعجبتي ولقيت كل المكونات عندي.. قلت لازم اعملها
4 صدر دجاج مسحّب
2 بصل, مقطع شرائح
2 بطاطا حجم كبير, مقطع حلقات
2 فص ثوم, مفروم
3 ملعقة كبيرة زيت زيتون
2 ملعقة كبيرة زبدة
2 ورقة غار
1 ملعقة صغيره فلفل أسود
ملح
مقدار بتاع صوص بشاميل بأي طريقة انتو تفضّلوها، واضيفوا ليها بقدونس مفروم
تسلقي الصدور مع ورق الغار وملح، ممكن تستخدمي بهارات تانية المهم انه الزفرة بتاعت الصدور تتشال، بعد تتسلق نقطعها لمكعبات...
نشوّح البصل والتوم في الزبدة مع زيت الزيتون ونكب ملح وفلفل ونقلب لحدي ما البصل يدبل، وبعداك نكب فيها الصدور
في صحن بدخل الفرن، نكب شوية من الباشميل، وبعداك نرص طبقة بتاعت بطاطس، بعداك طبقة من خليط الدجاج، وبعداك تاني طبقة من البطاطس، بعداك باشميل تاني...وندخلها الفرن..
دي الوصفة الاصلية، لكن انا غالبا حأعدّل عليها، يعني سلق الدجاج في الاول ممكن يخلي الصدور تبقى ناشفه شويه، انا بفضّل اقطعهم وهو نيين وانجّضهم مع البصله.. ما نجاض كامل لانه البطاطس نيّة...
الحلو
ظريفة وبارده... بس انا مشكلتي بشتغل بالاحساس عشان كده ما حأعرف اقول المقادير، لكن الطريقة انه نعمل الكسترد عااااادي... بعداك نكب ملعقة كاكاو، ممكن كاكاو مُر او شوكولاته، بس لو مر زيدوا السكر شويه... وبعداك نكبه في كوريات للتقديم، وهو حار نرش فيه مكسّرات مهروسه هرس خشن... ونخليها في التلاجة.. ظريفة وخفيفة لكن اكلوها بعد ساعتين من الفطور
بحاول بكره انزّل صور للأكلتين....
بعد بكره (كان الله أيانا، فطورنا سمك زي ناس سمارت ، ومعاها شبس وسلطة طحينة...ملاح التقلية مع قرّاصة، الحلو اسمه سوبيا بكتب وصفته بكره)
|
Post: #54
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-12-2010, 00:39 AM
Parent: #53
| Quote: غايتو كان جبتي لينا ريسيبي خطيره مجربه للرز بأي شكل أو صوره, بنحبهم معاك لاعبين مانشستر ديل |
بس كدا ؟؟؟؟
إنت تؤمر ياجميل
وصفة رز على الطريقة الافغانية من صديقتي وزميلة السكن في فترة من الفترات
المكونات
كيلو أرز بسمتي طويل
ماء
وعاء (حلة ماهلة وكبيرة)
طوة
حوالي معلقتين سكر
زبيب كميته حسب الرغبة
ملح
حبة زيت زيتون (على قول جيمي إكسترا أولف أويل)
الطريقة
تغسلي الرز وتختيهو في الحلة على النار مع رشة ملح وماء تغطيهو كلو (كمية الماء مامهمة لاننا حنصفيهو منها بعد شوية)
الخطوة الجاية دي مهمة جداً جداً
تختبري رزاية واحدة بالضغط عليها بين أصابعك
لو الرزاية نصها بقى لين وإتهرس معاك ونصها التاني الجواني لسة قوي وصعب
معناتو إنت كدا صاح وتمام التمام تقومي تصفي الموية من الرز وتخليهو شوية في المصفى
في الفترة دي تختي شوية زيت زيتون في طاسة على نار متوسطة ولما يسخن تختي ليهو معلقتين السكر
السكر لما يبقى كراميل تكوني رجعتي الرز في حلتو وعلى النار ترشي الزيت واالسكر على الرز على شكل دائري اللي بيها يكون في حبات رز لونا بقى قولدن وفي واحدات لونهم لسة أبيض
(لاحظي ماقلت ليك قلبيهو مع بعضو) المهم بقعر الكمشة الخشبية سوي ليك فتحات في الرز وضيفي كمية موية قليلة جداً والبناتي
خليهو في النار لغاية ماتنشف الموية وبعد دا ممكن تخلطيهو مع بعضو
بيبقى عندك رز طعمو جميل جداً (بالمناسبة مافيهو طعم سكر ولا حاجة) وليهو لونين جميلين جداً
|
Post: #55
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-12-2010, 00:42 AM
Parent: #54
تحية وكل سنة وإنتو طيبين وبيوتكم عامرة
لكل من تداخل ولكل من فتح البوست وقراهو
|
Post: #56
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-12-2010, 00:46 AM
Parent: #54
راوية العباسي، انت من الناس النفسي آكل من يدّهم... في شخصية تانية اقنعتني بنفسها في المطبخ، وما حتصدّقوا... لكن هي عزاز شامي... هي غتيييته، بتجي تكتب ليك وصفة رز ابيض مكعوج، لكن اليوم داك حكت لي بي وصفة بتاعت فتّة مصرية شامية... حاجه عجب...
|
Post: #57
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-12-2010, 01:54 AM
Parent: #56
يــــــاريت ..يـــاريت ياحبيبة
وبعدين غلطتي وجبتي سيرة الفتة
عشقي الاول
بمناسلة الفتة برضو ألليلة فطرت بـ(ثريد) مع أسرة قطرية
ممكن أجيب وصفتو وهتحبوهو أكيد
___________
سلام خاص وتهنئة بالشهر الفضيل لاسرتك
|
Post: #58
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-12-2010, 02:21 AM
Parent: #57
..
.
سلام يا انسات وسيدات
والله انا البوست دا بهمنى جدا.. وحقيقة رمضان من جاء الواحد فعلا
تأكد انه يتيم .. فقد كانت الوالدة رحمها الله تأتى فى رمضان عشان تصوم ولدها
العايش وحدانى دا .. اها حسي .. عارفين براكم ..
والواحد صراحه فتر افطارات بيوت نسابته وكثره دعوات الاهل والاصدقاء
حتى قبل وفاة الوالدة .. بقت ما مريحه الواحد عايز يفطر ويتجدع مع السر قدور بدل يفكر فى المخارجة
ورمضان دا قلت المساسكة ما بتنفع .. احسي الواحد يقعد فى بيتو ومع اخوهو ويظبط حالو
بس مشكلة الاخو خبرتو تعبانه لا يجد الا غسيل العدة .. ودا اهم شئ ..
المهم ..
حسي يوم الليلة دا عدا بمزاج الواحد قام سلق كم بيضة ووجاب كفته القوصى جاهزة
قلبها فى الطوة وادناها شوية صلصه طلعت كفته بالصلصة .. وظبطنا صحن فول .. وقطعت شوية لحمة سلقتها طلعت منها الشوربة
ونشلت الحمه حمرتها ... وبهناك صلطة زبادى ( روب ) وكما ن صحن صلطة حمرا ءاساسا دى اهم حاجة عندى مع الشوربة
مع 3 جك عصير 2 مخلوط وواحد ابرى احمر ..
بالله لقيتونى كيف ..
تانى المهم
البوست دا اعملو لينا فيهو وصفات خفيفة يعنى شبكة كلفتتنا هى وهويدا فى العصيدة
مره بالزبادى ومره بشنو ؟. ياخى عندنا دقيق سيقا للعصيدة قولو لينا المقادير لكوريتين عصيدة كيف .. !!
وشوفوا لينا ملاح خفيف سهل الوصف والتذوق .. ملاح نعيمية ولا ان شاء الله ام بقبق
ووجبات خفيفة كدا .. ما تخشوا لينا فى الغريق .. وتقعدوا تتبادلو لينا الخبرات الصعبة ..
ومناظرات وكدا .. ونظام
وسمك نظفوهو وقطعوهو شرائح وفى الديب فريزر ياخى دا انا لمن اجى من المكتب عشان يفك
من التلج الاذان بأذن .. شنو شغل الناس الماجزة ولا متعطله دى .. وفى حد يأكل سمك فى رمضان ..
فبالله ساعدونا واهم شئ الوصفة تكون هنا قبل الساعة 4 بتوقيت امدرمان
------------
بالمناسبة اشك انو دانيا وراوية
يعرفن يسوا سلطة روب ولا حتى يسلقن بيض
قرقر قرقر قرقر
|
Post: #59
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-12-2010, 02:30 AM
Parent: #58
..
.
Quote: وصفة رز على الطريقة الافغانية من صديقتي وزميلة السكن في فترة من الفترات
المكونات
كيلو أرز بسمتي طويل |
كيلو رز بسمتى ؟؟ وكمان طويل
حسي المقادير دى لكم شخص ..
والله رزك دا يشرب مووية يأكل الفريق المصرى .. والحلال المجاورة ..
رمضان دا الفطور خفيف .. كليلو دى لكم بالله ؟؟
--------------
غايتو لمن الرجال يقولو السودانيات ديل ما اقتصاديات
ويدهم فاكة ما ظلموكم ..
عموما لانى خميت من البقالة كيس كبير بتاع رز بسمتى
بس بعملوهو كيف ؟؟ الله اعلم
غايتو رمضان كريم
انا ماشاء اتسحر وانوووم
لباكر يا كيلو رز انت ..
|
Post: #60
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amira Elsheikh
Date: 08-12-2010, 05:58 AM
Parent: #59
سلام ياشباب /ات وكل سنة وانتو طيبين
Quote: فبالله ساعدونا واهم شئ الوصفة تكون هنا قبل الساعة 4 بتوقيت امدرمان
|
ياتبلدينا اقتراح ممكن يسهل عليك ويسهل على الشيفات ديل
انت قول ياجماعة عايزة اعمل كدا او نفسى فى كدا
وطوالى يتنفذ ليك وشوف الطريقة الاسهل واتبعها ..
لانو لو باريت البوست دا الناس ديل هاى بروفيشنال فى مسالة الطبيخ دى
وحقك حيروح
اقتراح ممكن صح ؟
|
Post: #61
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-12-2010, 06:17 AM
Parent: #58
تبلدينا
Quote: البوست دا اعملو لينا فيهو وصفات خفيفة يعنى شبكة كلفتتنا هى وهويدا فى العصيدة
مره بالزبادى ومره بشنو ؟. ياخى عندنا دقيق سيقا للعصيدة قولو لينا المقادير لكوريتين عصيدة كيف .. !!
وشوفوا لينا ملاح خفيف سهل الوصف والتذوق .. ملاح نعيمية ولا ان شاء الله ام بقبق
|
اول شي رمضان كريم
وصفتي للعصيدة مختلفة عن بتاعة هويدا لاني بعملها بدقيق طاحونة اب راس
عارف محلها ولي اوصف ليك
المهم ياسيدي
من جارتكم ولي من نسيبتكم ولي من واحدة من اخواتك تجيب خمار
من اليوم القبلو تكب معاهو(مع الخمار) دقيق الطاحونة ولي سيقا وموية وتعجنهم ويكون اقرب للسايل ما حاجة جامدة يعني ما تكتر الدقيق
المهم لما تبقى عليها(قبل 3 ساعات من مواعيد الافطار)
تجيب حلة فيها موية بالمقدر الانتو عايزو سواء كورتين ولي اكتر وتختها في النار تغلي
بعد ما غلت
وهي في النار
تبدا تكب في العجين العملتو قبيل داك شوية شوية وتصوط لغاية ما تتخن
قول من 5-10 دقايق انت بتصوط بلتقاها ابتدت تتقل
تكبها في كورية فيها شوية موية في القعر
وتختها بالجنب لغاية ما تبرد
واعمل التقلية بعد دا
من الوصفات الفوق ديل
وبالهناء والشفاء
اقتراح انعام حلو
اكتب انت نفسك في شنو
وهنا بنجتهد نوصل الوصفة الى عند شاشتكم الموقرة
|
Post: #62
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amira Elsheikh
Date: 08-12-2010, 06:44 AM
Parent: #61
Quote: اقتراح انعام حلو
اكتب انت نفسك في شنو
وهنا بنجتهد نوصل الوصفة الى عند شاشتكم الموقرة |
الليلة وووووووووب
بطلى شبك يا ياشبكة دا اقتراحى انا
|
Post: #63
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-12-2010, 06:48 AM
Parent: #62
اميرة
Quote: الليلة وووووووووب
بطلى شبك يا ياشبكة دا اقتراحى انا |
صحي دي شنو الشبك المن الصباح دي
انا رديت وشفت الصورة
قايلة انعام القالت
اها رمضان شكلو دخل العضم
عذرا
|
Post: #64
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 06:58 AM
Parent: #62
اها ننقل ليكم طريقة عمل البسبوسه وهي طريقه سهله ومجربه لانو الليله الفطور جهزتو مريم كتر خيرها وعملت تحليه لكن ممكن دي تساعدكم في التحليه برضو
المقادير:
- كوبان من الدقيق وملعقتا طعام من جوز الهند.
- ثلاثة أرباع الكوب من السكر.
- ملعقة طعام من الباكينغ باودر.
- ربع قالب من الزبدة المذوبة وكوب من القشدة.
- كوب من اللبن الزبادي.
- القليل من الطحينة لدهن الصينية.
- القليل من اللوز أو الفول السوداني للزينة.
قطر السكر:
- كوبان من السكر.
- كوبان من الماء.
- فانيلا.
- ملعقة طعام من عصير الليمون.
- ملعقة طعام من السمن البلدي.
الطريقة:
- تخلط المكونات الجافة أي الدقيق وجوز الهند والسكر والباكينغ باودر مع بعضها، ثم تضاف إليها الزبدة والقشدة.
- يدعك هذا المزيج باللبن الزبادي للحصول على عجينة، تدهن الصينية بالطحينة ويسكب فيها الخليط ويترك حتى يختمر.
- يقطع محتوى الصينية إلى أشكال مربعة منتظمة وتوضع حبة لوز في كل مربع، تخبز الصينية في الفرن حتى تحمر.
- يحضر القطر بغلي السكر مع الماء، وقبل انتهاء الغلي يضاف عصير الليمون والفانيلا والسمن المذوبة.
- يصب القطر الساخن فوق البسبوسة وتخبز مجدداً في الفرن لمدة 5 دقائق.
|
Post: #65
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: محمد أبوالعزائم أبوالريش
Date: 08-12-2010, 07:30 AM
Parent: #64
السيدات والآنسات الكريمات ....
عندي ملاحظة صغيرة.
شايف المقادير فيها حاجات بتبعدنا عن (مطبخ رمضان التقليدي) .... يعني مثلاً في واحدة من الوصفات شفت (مكعّب ماجي). ياخ بصراحة ماجي دي عندي معاها حاجز نفسي .. أكلنا من أُمّاتنا ومن حبّوباتنا أصناف لا تزال أبخرتها في الذاكرة، وده جيل لا كان بيعرف المعلّب ولا المجفّف (عدا الآبري بألوانو).
القاصد أقولو، إني تمنيت يكون البوست إحياء للأصناف الإتعودنا نشوفها في المائدة (البِرِش) الرمضاني ... وإلا حتندثر الأشياء دي، وبدل لقيمات في يوم حنلقى (الكرواسون).
بعدين يا شِبكة:
Quote: صحي دي شنو الشبك المن الصباح دي
انا رديت وشفت الصورة
قايلة انعام القالت |
يعني قياساً على كدة .. ممكن تردّي على هويدا على أساس إنها ود الصايم؟ ... شفتي يا هويدا الصورة (المحوِّصة) دي بتعمل فيك شنو؟
|
Post: #66
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-12-2010, 08:03 AM
Parent: #65
محمد
| Quote: يعني قياساً على كدة .. ممكن تردّي على هويدا على أساس إنها ود الصايم؟ ... شفتي يا هويدا الصورة (المحوِّصة) دي بتعمل فيك شنو؟ |
عشان كدا انا بنصحها تشيل الصورة عشان تكون في السيف سايد
|
Post: #67
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 08:13 AM
Parent: #66
محمد كل سنه وانت طيب ، شبكه مش كدا بالله حقو أغيرها بالذات في رمضان
|
Post: #68
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: أحمد ابن عوف
Date: 08-12-2010, 08:32 AM
Parent: #67
ممكن قراصة؟؟
بتاعت شوايقة
و
بتاعت حلفاويين
تسلموا يا اخوات
تحياتي
|
Post: #70
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 08:49 AM
Parent: #68
أحمد
القراصه طبعا انواع ، في قراصة تقيله وفي قراصه خفيفه ، في قراصه بالخميره والتانيه بدون خميره
المهم لو عاوز القراصه التقيله ( خمسه بوصه) تجيب الدقيق بتاع القمح أو سيقا وتكب فيهو حبة ملحه قدر معلقه صغيره وبعدين تبدا تكب المويه في العجين ، بس ما تكترتها يعني العجين يكون تخين وبعد داك تتم العواسه بالطريقه المعروفه ، والقراصه الخفيفه تكتر المويه يعني العجينه تبقي لينه ، ودي تتعاس مباشرة في قراصه تانيه تضع خميره مع العجين وتترك لي فتره حتي تتخمر وبعد ذلك تتم العواسه في الصاج أو الطوه (بس دي ما سمحه).
|
Post: #69
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: محمد علي شقدي
Date: 08-12-2010, 08:47 AM
Parent: #67
حاجتين اساسيات بشكل وراثي عندنا الفول والقراصه تعجبني الفطائر بعد مااعادنا اكتشافها كمالبليله العدسي بعد جربناها بزيت السمسم ليحل محلها الكبكبي الجوافه بالبن امتع ما يمكن شرابه بعد الصلاه
كل عام وكل الناس بخير متابعين ولكم كل التقدير
|
Post: #72
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: أحمد ابن عوف
Date: 08-12-2010, 09:24 AM
Parent: #69
الاخ هويدا
شكرا ليك والف تحية كده
| Quote: المهم لو عاوز القراصه التقيله ( خمسه بوصه) تجيب الدقيق بتاع القمح أو سيقا وتكب فيهو حبة ملحه قدر معلقه صغيره وبعدين تبدا تكب المويه في العجين ، بس ما تكترتها يعني العجين يكون تخين وبعد داك تتم العواسه بالطريقه المعروفه ، والقراصه الخفيفه تكتر المويه يعني العجينه تبقي لينه ، ودي تتعاس مباشرة |
النار عاليه وللا منخفضة؟؟
في العين الكبيرة وللا الصغيرة؟؟
عادة بستعمل الطوه، امسحها بزيت وللا سمن؟؟
جيبت صاج كهربائي لكن لسه ما استعملته؟؟ لو عندك خبرة فيهو افيدينا، والفرق بينو وبين الطوه شنو؟؟
|
Post: #76
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 09:37 AM
Parent: #72
النار عاليه وفي العين الكبيره بس الطوه لازم تكون كبيره شويه وتمسحها بي حبة زيت ولو حا تعوس بالطوه لازم تعمل العجين بالخميره وتتركو مده شويه ، لكن في صاجات صغيره ممكن تشتري واحد وتستعملوا احسن وعشان تعوس من غير خميره ، الصاج طبعا احسن من الطوه لانو الطوه لازم زيت والقراصه بتبقي ذي المحمره محمره
|
Post: #73
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-12-2010, 09:25 AM
Parent: #67
هويدا
| Quote: شبكه مش كدا بالله حقو أغيرها بالذات في رمضان |
دي صورة تجرح الصيام ياهويدا
غيريها عشان رمضان والايام اللي بعد رمضان
|
Post: #74
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-12-2010, 09:28 AM
Parent: #73
ياجماعة
عايزة طرق لعمل الفطيرة
|
Post: #75
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: أحمد ابن عوف
Date: 08-12-2010, 09:34 AM
Parent: #74
هل في فرق بين الملاح البتعمل للعصيدة والملاح البتعمل للقراصة؟؟
انا يا هويدا عملت برنت لملاح النعيمية الفوق بتاعك دا.
يطبخ .... ينظر .... ويفاد
|
Post: #84
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 10:16 AM
Parent: #75
أحمد انت عذابي ولا مغترب ، نفس الملاحات ممكن تتأكل بالعصيده والقراصه ماعدا ملاح الروب والنعيميه بالعصيده أو الكسره ، القراصه حلوه بالتقليه أو دمعة الفراخ او المفروكات
|
Post: #79
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 09:47 AM
Parent: #74
شبكه ياتو فطيره نحن جاهزين
|
Post: #77
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-12-2010, 09:39 AM
Parent: #73
..
.
عارفه يا شبكبك
صورة أميرة وهويدا ليها شهر مجهجانى ..
طوال بفتكر دى انعام وود الصايم ..
بعدين تعالى هنا دى شنو الشبك دى
Quote: من جارتكم ولي من نسيبتكم ولي من واحدة من اخواتك تجيب خمار
من اليوم القبلو تكب معاهو(مع الخمار) دقيق الطاحونة ولي سيقا وموية وتعجنهم
ويكون اقرب للسايل ما حاجة جامدة يعني ما تكتر الدقيق |
جارتنا عندها خمار ..؟؟
ووين الجارة والنسيبة العندها خمار ..
يمين حسي لو سالت دانيا ولا سمارت ذات نفسها عنو ما يعرفوها
وكمان جابت ليها شحدة وتحضيرات من 24 ساعة
ما تصعبيها .. خمار شنو ؟؟ عايزنها عصيدة فطيرة ..
اقول ليكم كلام العصيدة دى خليناها بنجيبها جاهزة ..
كدى بالله انت واميرة جيبو وصفت كفته البطاطس .. وسليقة الفته .. والمعكرونة بالبشملى ..
والمحشى بورق العنب .. ديل كفاية بوصلونى اخر الشهر بأذن الله الباقى نكملو هبوط مظلى
من بيت العوض فى اقصى بحرى الى بيت ملاسي فى فيافى و خيران امدرمان ..
--------------------
حسي يمين الحناكيش يفتكروا الخمار دا هو الخمار بتاع المنقبات داك
ساعدونا بالترجمه ياخ .. ناس الساحل الغربي ونواحى كاليفورنيا صعبه عليهم
قرقر قرقر قرقر
|
Post: #78
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 09:46 AM
Parent: #73
تم رفع الصوره حتي عيد الفطر يا شبكه
|
Post: #82
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: محمد أبوالعزائم أبوالريش
Date: 08-12-2010, 10:08 AM
Parent: #78
| Quote: تم رفع الصوره حتي عيد الفطر يا شبكه |
Wise decision
يعني شوفي جنس دا ..
بعدين ما قلتو رأيكم في كلامي عن الحفاظ على أصالة الأطباق؟ ... يعني صراحة كدة، نعيمية بالماجي دي جاية؟
|
Post: #85
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 10:20 AM
Parent: #82
أبو العزائم سريع وريني منو الكتب الأخ دي
|
Post: #89
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-12-2010, 10:38 AM
Parent: #57
ياراويه شكرا علي الريسيبي بتاعت الرز بالطريقه الأفغانيه ,,
شكلها تيستي,, وفيها حركات معلمين واضحه
ومعليش حأجننك بالرز شويه,,
كان في بالي رز بالخضار (رز أصفر)
وبرضو المقلوبه بتاعت الفراخ بالرز (زي الكبسه كده)
رز أصفر برضو ,,
ممكن ياحبيبه تفتي لينا في أمر الوصفتين ديل؟
في انتظارك :)
|
Post: #88
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-12-2010, 10:31 AM
Parent: #53
يامريومه وصفتك بتاعت الفراخ بالباشاميل دي لو كتبتيها أمبارح مالو؟
امبارح ياستي عملت فراخ بالطريقه التقليديه,
سلقت الفراخ وبعد ما اتسلق صفيت الشوربه وسلقت عليها خضار,
دي حركه مهمه لأنه الخضار سلقه ما بيحتاج وقت زي الفراخ وعشان ما يفقد قيمته الغذائيه بسلقه في الشوربه براهو,
بعد داك خلطتهم في الخلاط ورجعته النار خمسه دقايق وخلاص, طلعت شوربه خطيره,,
يللا هنا عندي سؤال,
في أي اضافات بتفتكريها مناسبه,
يعني نوع خضار معين أضيفه, أو أي حاجه أضيفها للخليط؟
المهم الفراخ كنت عايزه أحمره في الفرن,
تاني قلته علي شنو, حمرته بالزيت عادي وخلاص,
صدقيني لو كان عندي وصفتك دي كنت دخلته الفرن وهو مسلوق مع الباشاميل والبصل,
فعلا شكلها كان حتطلع حاجه لذيذه :)
المهم المره الجايه حأجربها انشاء الله,,
بالنسبه للحلو
| Quote: بس انا مشكلتي بشتغل بالاحساس عشان كده ما حأعرف اقول المقادير |
حركات ماما دي ولاظريفه
|
Post: #83
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-12-2010, 10:11 AM
Parent: #52
ياهلا بالعزيزه سمارت وكمان الحبيبه دانيه المكي,,
البوست نوّر وفي انتظار خبراتكم,,
سمارت
| Quote: السنة دى اتفالحت فى الصيف ده و عملت حديقة خظار فى الحوش |
زرعتي عديل كده؟
يعني حتاكلي خضار من عمل ايديكي؟
مبااالغه, ماشاء الله, دي تجربه خطيره وتستحق الاشاده 
في انتظاركم :)
|
Post: #81
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-12-2010, 10:06 AM
Parent: #48
سناء خالد نورتي البوست,,
وكل سنه وانتي طيبه وكل أسرتك الصغيره والكبيره بخير ,,
بعدين عارفاكي شايله حالي في بوستات الكوره هههههه
وكل مره هارشاني يابت أمشي علي المطبخ .. يابت أمي علي المطبخ,,,
فقلنا نستفيد من خبراتكم وجدعاتكم دي,, خصوصا اني رمضان بصومو من منازلهم ! قرايه بالصباح وبتفرغ للمطبخ بعد العصر,,
أنا ماعندي مشكله في الأساسيات,, ماما فنّانه في الطبيخ واتعلمت منّها كل أساسيات المطبخ السوداني,,
يعني كل الكلام بتاع عصيده وتقليه وكفته وفراخ وسمك وطعميه وسلطات وطبيخ كلللل الأساسيات دي بظبطها خالص,
لكن حابه أتعلم وصفات مجربه جديده,
يعني مثلا حركه جديده للفراخ بالفرن, صينية سمك بطريقه مبتكره,
حلو خطير مجرّب, سلطات بالذات لأني بحبها وبحب الخضار المسلوق ووصفاته جدا,,
وعارفه انتي والمعلمين مريم ووجن وسمارت أحسن من يفيدنا بوصفات جديده ومبتكره,
ده غير طرق مبتكره أو مختصره لعمل الوصفات الترادييشينال المعروفه,,
في انتظارك ياحبيبه وانتظار وصفاتك,,
وتصومي وتفطري علي خير :)
|
Post: #86
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 10:24 AM
Parent: #81
|
Post: #87
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: أحمد ابن عوف
Date: 08-12-2010, 10:31 AM
Parent: #86
يا هويدا ياخي ما عصرت علي شديد بقصة (تعوس) كل دقية والتانية
احنا رجال موديلات جديدة، بنساعد المدام في المطبخ وكده
تحياتي
|
Post: #91
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 10:47 AM
Parent: #87
أبن عوف
|
Post: #90
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هواري نمر
Date: 08-12-2010, 10:38 AM
Parent: #86
الاخت الكريمة أماني و كل الاخوات والاخوة
رمضان كريم,تصومو وتفطرو بألف خير,وتقبل الله .
يا أماني متابع معاك البوست من الآول, بوست جميل جداً,بس يا ريت وزي ما قلته في بوست (مريم بت الحسين) قبل كده
الصور الصور الصور..الآكل هو (منظر) ولو تمكنت كل واحدة من تصوير (الوجبة) او (الطبق) ح يكون
أجمل و أفيد...والاخت سناء خالد,كانت أنزلت صور عن الاطباق العملتها,وكانت حاجة روعة!
عندي تعليقات عن بعض الوصفات اعلاه و كمان عندنا وصفات بتاعة عذابة رهيبة
تنفع معاكم..ههههههههه
بس كترو لينا من وصفات (الشوربات) بمختلف انواعهها
وبالله ياخي الشرح بسطوهو لينا,في اسماء حاجات ما بنعرفها ,بنشوفها في المحلات,لكن ما بنعرف لي شنو؟؟واستخدامها كيف؟؟
(الزول الطباخ موش البعمل كل شئ! ولكي هو الزول البعمل من اللاشئ ,شئ)...ولا رايكن شنو؟؟
__
ياخي انا فاطر لي بي
بامية طبيخ وسلطة روب وجوافة بالحليب
شفتو جنس البهدلة دي كيف؟؟؟
ـــ لكن طباخين ونحمد الله,عزابة محترمين..هههههههه
|
Post: #92
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-12-2010, 10:53 AM
Parent: #90
هويدا يوم شكرك ما يجي :)
عامله شغل بتاع معلمين وخبره في البوست,
واصلي وأهم حاجه الصور :)
بعدين متابعه معاكي موضوع القراصه ده للزمان والتاريخ
-----
عايني عدّلي مداخلتك دي لأنها فتلت البوست اذن
|
Post: #93
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: أحمد ابن عوف
Date: 08-12-2010, 11:01 AM
Parent: #92
مقبولة يا ستي، عوس عوس، في حد لاقي منها حاجة
عندي سؤال فوق: نعيدو
ملاح العصيدة ياهو زاتو ملاح القراصة وللا في فرق؟؟
بلغة الكورة البنفهمها
هو نفس الفريق ونفس اللاعبين ونفس المدرب
لكن التشكيلة مختلفة، او التكتيك مختلف وكده؟؟
|
Post: #94
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 11:12 AM
Parent: #93
انا رديت عليك علي السؤال دا لكن ما مشكله مره تانيه برضو
كل الملاحات عندنا نحن بتتأكل مع القراصه ما عدا ملاحات الروب ، لكن القراصه حلوه بالمفروكه والتقليه ، التقليه الفوق ديك ممكن تاكلها بالقراصه وبالهنا والشفاء
|
Post: #95
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: محمد أبوالعزائم أبوالريش
Date: 08-12-2010, 11:21 AM
Parent: #93
| Quote: أبو العزائم سريع وريني منو الكتب الأخ دي |
سمح يا هويدا .... لكن نلومو كيفن مع صورة ود الصايم البتقطع الخميرة من البيت دي؟
>
|
Post: #96
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 11:27 AM
Parent: #95
أبو العزائم بناءً علي طلب الجميع تم مسح الصوره بس إن شاء الله ود الصايم ما يجي بي هنا
|
Post: #97
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: أحمد ابن عوف
Date: 08-12-2010, 11:51 AM
Parent: #96
اووووووووووو
اني اعتذر
دا خطأ مطبعي ليس الا
مع السرعة في الكتابة اكيد بتنسى حرف هنا وللا هناك ودي من الاخطاء الشائعة في البورد
لان اسم هويدا تحديدا اسم عزيز لدينا
تحياتي
|
Post: #98
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-12-2010, 12:05 PM
Parent: #97
يا خ ولا يهمك ما تحسس البينا عامره
|
Post: #101
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-12-2010, 12:31 PM
Parent: #98
البسبوسة المظبوطه
3 كوبايات سميد, ممكت اثنين ناعم و واحده خشن لو بتحب البسبوسه شويه خشنه
كوبايه سكر
علبة قشطه و نفس العلبه مويه
ملعقه صغيره باكنق باودر
ملعقه صغيره فانيليا حسب الرغبه
للتسقيه ممكن علبة نستله الحليب المحلي المكثف او الشيره العاديه لو ما عندك حليب مكثف لكن جربوها بيه بتلطع رهيبه
الشربات او الشيره
كوبايه و نص سكر
ثلاثه ارباع كوبايه مويه
عود قرفه و حبتين حبهان و ذرة ملح او عصرة ليمون (انا ما بحب اللليلمون في الشيره) و ملعقه صغيره فانيليا
الطريقه
اخلطي الدقيق و الباكنبق باودر و السكر كويس و اضيفي القشطه و المويه و الفايليا و حركيهم شديد و لو عندك مضرب ما بطال
ادهني الصينيه بشويه طحينه و صبي عليها العجينه بتاعتك و على فرن مسخن لمدة 45 دقيقه لكن راغبوها لانه الافران بتختلف (ما تحرقوها و تجوا تقول دانيه قالت خهمسه و اربعين دقيقه )
اول ما تطلع من الفرن نصب عليها الشربات الساخن (ما يكون بيغلي لكن لسه سخن) و نغطيها بفويل شويه و نفتحها. لو اضفنا الحليب المكثف بدل الشيره بتكون شويه ناششفه. ممكن برضه تعملي نص كمية الشيره و تلخبطيها بالحليب المكثف بتدي نكهه. ممكن برضه نصب نص العجينه في الصينيه و عليها مكسرات مبروشه و بعدها نصب النص الثاني و نواصل عادي. كده بقت بسبوسه محشيه.
|
Post: #102
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Al Sunda
Date: 08-12-2010, 12:39 PM
Parent: #98
ست اماني وصاحباتها
ناس المطبخ الهاويات /واة والمحترفات /ين
رمضان كريم
هويدا لاحمد ابوعوف
Quote: القراصه طبعا انواع ، في قراصة تقيله
وفي قراصه خفيفه ، في قراصه بالخميره والتانيه بدون خميره |
سيبك من الغلبة دي كلها
امشي السيوبر ماركت ( طبعا دا لو انت في الخليج )
وفتش عن البراتا الهندي
نفس القراصة بس على حجم اصغر
وحلاة البراتا بدمعة الدجاج
خاصة للعزابة
عصائر
عليكم
بالقضيم (عيبه انو احمر زي فانلة المريخ)
كمية محترمة تتبلى في موية لفترة مناسبة
ثم تخلط وتصفى ثم إضافة نكهة ( افضل الأناناس )
وكلما كان القوام سميكا(ًيعنى الخلطة)
كلما كان الطعم اجمل
ولا قمر الدين ولا مشمش ولا فيمتو
|
Post: #100
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: كمال حسن
Date: 08-12-2010, 12:23 PM
Parent: #96
يعني أنا كل مره أجي أتاوق جوه المطبخ ده أقول يمكن واحده جات ورتنا (الرقاق) ووصفتو
ألقاكم لسه شغالين لي بالقراصه 
تعرفو القراصه الأكلناها لو فرشناها في الواطه كانت (سفلتت ) الخرطوم كلها
عموما علي الأقل راجين إقتراح الأخت أماني وإحالة الأمر للأخت داليا (يصلنا بارسل وكده)
|
Post: #103
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-12-2010, 12:55 PM
Parent: #93
يا مرحب بالعزابه تبلدينا وهواري نمر,,
وفي انتظار مشاركاتكم,
وانشاء الله نفيد ونستفيد من البوست :)
تبلدينا بجي أشرح ليك المكرونه بالباشاميل أو الخضار بالباشاميل لأنهم My favorite :)
أخونا أبو الريش:
| Quote: بعدين ما قلتو رأيكم في كلامي عن الحفاظ على أصالة الأطباق؟ |
أنا رايي زي ما قلت لراويه فوق,
في رمضان التراديششينال يكسب,
لكن ده ما يمنع الابتكارات البيقومو بيها الأخوات في الأطباق التقليديه,
يعني زمان أمهاتنا وحبوبتنا كانو ستات بيوت بس,
وعليه كان كل الطبيخ فريش,
هسي الأخوات اتعلمو ابتكارات تسهل الموضوع علي السيدات العاملات وفي نفس الوقت تحفظ النكهه الأصليه للطبق,
عموما أنا مع التطوير والتجديد, ومافي شك في روعة الأصل البيعملوهو أمهاتنا,,
أخونا شقدي مرحب بيك وتصوم وتفطر علي خير,,
الجوافه باللبن في رمضان أفتكر انها تقيله شويه علي معدة الصائم,
وللا شنو؟
ابن عوف مرحب بيك وأسئلتك بتاعة معلمين
وشكلنا حنديك وسام البوست للزوج المثالي مع أسئلة القراصه دي,,
خدر ألحق وضّح موقفك عشان الجايزه حتتاخد منك :)
شبكه أنا زاتي في انتظار وصفات الفطائر معاك :)
|
Post: #104
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-12-2010, 01:20 PM
Parent: #103
ياخوانا العزّابة ديل لنا مهدي ليها سنتين بتدي فيهم في دروس عصر... لسه بقولوا ورونا...
Quote: بالقضيم (عيبه انو احمر زي فانلة المريخ)
كمية محترمة تتبلى في موية لفترة مناسبة
ثم تخلط وتصفى ثم إضافة نكهة ( افضل الأناناس )
وكلما كان القوام سميكا(ًيعنى الخلطة)
كلما كان الطعم اجمل
ولا قمر الدين ولا مشمش ولا فيمتو |
السندا... غايته دي بالغتي فيها، القضيم برضه من مميزاته انه بجيب الدم... كويس للناس العندهم فقر دم... لكن ده نلقاه وين في البلد دي! حأحتفظ بالوصفة عشان اجرّبها
Smart صاحبتي.. نسيت اقول ليك انه الحاجه العملتيها دي، هي عبارة عن حلم انا نفسي اعيشه ههههههههههههه... عندي مزاج في الزراعة ما طبيعي... امي الله يديها العافية محل ما تمشي تزرع.. واهم حاجه عندها النعناع، بتحب تعمل fresh في الشاي... لكن بتذكرها زرعت الطماطم والبطيخ والخيار... والله بطلع طاعم بشكل... رغم انها عاشت في اراضي كلها جدبا(قطر الامارات الاردن)... في السودان كانت عامله ليها جوافه وليمونه ده غير اشجار الزينه... انا غايته لو رحلته، حأعمل لي اصايص ازرع فيها
اماني، ورينا الرقاق بالفرن ياخ، انا زاتي منتظراه... نادر بحبه شديد...
بجيب ليكم الصور بعدين... عملته الحلو والصينية بتاعت البطاطس جاهزه بس تدخل الفرن والنعيمية جاهزه فضل ليها غليه اخيره وتتلايق، وسلطة الروب في التلاجه الخضار بتاعتها مبشوره والتوم معاهم، فضل ليها الزبادي بعدين آخر شي..... حسي كده برنامج بتاع نص ساعة ونكون خلّصنا....
لبعدين
|
Post: #105
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-12-2010, 01:34 PM
Parent: #104
شراب ظريف جدا شربته عند صاحبتي العُمانية الله يطراها بالخير... منعش وبساعد على الهضم
في الخلاط زبادي او روب، ويتزاد عليه مويه بارده... عشان يكون خفيف زي العصير... ومعاه حبّة ملح... ومعاه نعناع ناشف... ويتخلط.. وياسلاااااام!
|
Post: #106
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-12-2010, 02:25 PM
Parent: #105
Quote: بالمناسبة اشك انو دانيا وراوية
يعرفن يسوا سلطة روب ولا حتى يسلقن بيض
قرقر قرقر قرقر |
أولاً ربنا يغفر للخالة فاطمة ويرحمها ويجعل مثواها الجنة ببركة هذا الشهر الكريم
وفقد الام صعب وعلى قولة أهلنا هو اليتم بعينو
ربنا يصبرك ويديك العافية والعمر للترحم والدعاء لهما
أما حتت نطبخ أنا ودانية دي المفروض تكون وااااضحة (من الحجم)
وتعال ندخل معاك في رهان (شخصياً)
أضبح لي خروف ووفر لي الامكانات (العدة)
وأديني ساعتين بالعدد
وتعال إستلم أحلى وأطعم أكل (ممكن يكون تلاتة لاربعة أصناف)
أفو أنا بتك ياعلوية
|
Post: #107
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-12-2010, 02:29 PM
Parent: #105
اماني الامين وكل رواد البوست..رمضانكم احلي من العسل..
بالنسبة لوصفات الفطاير .زانا اتعزبت فترة طويلة عشان القي مقادير
مظبوطة واخيرا لميت في وصفة رهييييييييييييييييييييبة:
ثلاثة كبابي دقيق كبيرة
كاسة ونص زبادي
تلت كباية زيت
ملعقة كبيرة خميرة فورية
ملعقة كبيرة سكر
ملعقة صغيرة ملح
نص كباية موية
تخلطي الزيت والموية والزبادي والخمير والسكر والملح سوا بدون ترتيب
بعد داك تبدي تكبي الدقيق وتعجني بايدك لغاية مقدار الدقيق يخلص
العجينة حتكون بقت متماسكة وبتفك من الماعون..تخليها تخمر بعد
ما تغطيها بكيس نايلون..حوالي نص ساعة او 45 دقيقة
العجينة دي ممكن تحشيها باي حاجة .لحمة مفرومة,خضار مشكل,هوت دوق
جبن كيري او جبنة بيضاء مع زعتر او بدون..
بتطلع رهيبة..
حانزل ليك صور الفطاير بتاعتي لما اطلعا من الفرن..
ايوة نسيت تمسحي الفطائر ببيض مخفوق او لبن بودرة مزوب بشوية موية
وتمسحي الصينية بشوية زيت..والفرن حرارته 170 درجة..
بالهنا والشفا..
|
Post: #108
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-12-2010, 02:37 PM
Parent: #107
البسبوسة المظبوطه
3 كوبايات سميد, ممكت اثنين ناعم و واحده خشن لو بتحب البسبوسه شويه خشنه
كوبايه سكر
علبة قشطه و نفس العلبه مويه
ملعقه صغيره باكنق باودر
ملعقه صغيره فانيليا حسب الرغبه
للتسقيه ممكن علبة نستله الحليب المحلي المكثف او الشيره العاديه لو ما عندك حليب مكثف لكن جربوها بيه بتلطع رهيبه
الشربات او الشيره
كوبايه و نص سكر
ثلاثه ارباع كوبايه مويه
عود قرفه و حبتين حبهان و ذرة ملح او عصرة ليمون (انا ما بحب اللليلمون في الشيره) و ملعقه صغيره فانيليا
الطريقه
اخلطي الدقيق و الباكنبق باودر و السكر كويس و اضيفي القشطه و المويه و الفايليا و حركيهم شديد و لو عندك مضرب ما بطال
ادهني الصينيه بشويه طحينه و صبي عليها العجينه بتاعتك و على فرن مسخن لمدة 45 دقيقه لكن راغبوها لانه الافران بتختلف (ما تحرقوها و تجوا تقول دانيه قالت خهمسه و اربعين دقيقه )
اول ما تطلع من الفرن نصب عليها الشربات الساخن (ما يكون بيغلي لكن لسه سخن) و نغطيها بفويل شويه و نفتحها. لو اضفنا الحليب المكثف بدل الشيره بتكون شويه ناششفه. ممكن برضه تعملي نص كمية الشيره و تلخبطيها بالحليب المكثف بتدي نكهه. ممكن برضه نصب نص العجينه في الصينيه و عليها مكسرات مبروشه و بعدها نصب النص الثاني و نواصل عادي. كده بقت بسبوسه محشيه.
|
Post: #109
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-12-2010, 03:40 PM
Parent: #105
..
.
| Quote: ياخوانا العزّابة ديل لنا مهدي ليها سنتين بتدي فيهم في دروس عصر... لسه بقولوا ورونا... |
كنت ولا زلتو بتكلفتوا فينا ..
حسي لمن قعدنا ليكم فى الواطة وبقينا نحاجج بقيتو فى الزوغو الجد
Quote: شراب ظريف جدا شربته عند صاحبتي العُمانية الله يطراها بالخير... منعش وبساعد على الهضم
في الخلاط زبادي او روب، ويتزاد عليه مويه بارده... عشان يكون خفيف زي العصير...
ومعاه حبّة ملح... ومعاه نعناع ناشف... ويتخلط.. وياسلاااااام! |
غايتو المكونات بتاعت الهناى دا كلها متوفرة .. حسي بقوم عليهو .. ونشوف صحبتك
العمانية دى حتودينا ووين .؟
الغريبة ما فيهو سكر ولا ( ادبينت ) :)
----------------
الله يسترنا من وجع البطن ..
|
Post: #110
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-12-2010, 04:26 PM
Parent: #109
يا تبلدينا ما بيعمل ليك وجع بطن:) فيهو نعناع
عندي ليك وصفة ساهلة جدا لعصيدة عدد كورتين متوسطات
علبتين زبادي ابو ريال(صغيرة)
كبايةونص دقيق
نص ملعقة ملح
تكبهم في جك الخلاط وتزيد عليها موية لغاية حد 1250 مل
وتخلطهم وبعد كده تكبهم في الحلة وتبدا تسوطها بمفراكة ولا ملعقة خشب
لغاية ما تتقل وبعد داك تبل ايدك بموية وتلمس الملعقة,لو اتلصقت
في ايدك العجينة يبقي لسه ما نجضت..
تمسح الكورتين بحبة زيت وتكب فيهم العصيدة ولما تبقي علي الفطور تقلبها
في الصحن..
|
Post: #111
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-12-2010, 09:22 PM
Parent: #110
صورة الفطاير لاماني الامين..وصورة العصيدة لتبلدينا..وصورة اللقيمات دي لراوية ورجاء
تسلموا كلكم..
|
Post: #112
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-12-2010, 09:46 PM
Parent: #111
[ |
Post: #113
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-12-2010, 09:51 PM
Parent: #112
*رز كشري مع اللحمة
*رز معمر برضو باللحمة أو الفراخ أو الحمام
*رز Dirty بعد عنك وعن السامعين ودا ممكن نعتبرو بالخضار وهنستعمل فيهو البلاك بينز بتاعة سنا خالد
*رز أحمر بتاع السمك
*رز حبة وحبة ورز بالشعيرية
آها قصرت معاك؟
بجي بالوصفات بعد شوية
|
Post: #114
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: تيسير عووضة
Date: 08-12-2010, 10:37 PM
Parent: #113
بوست العضة دا بجيهو بالليل بس بعد الفطور
أمون وراوية ومريوم مشتاقين يا أحلى بنات
سناء خالد ست الناس وينا؟
|
Post: #115
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 08-12-2010, 10:57 PM
Parent: #114
Quote: جارتنا عندها خمار ..؟؟
ووين الجارة والنسيبة العندها خمار ..
يمين حسي لو سالت دانيا ولا سمارت ذات نفسها عنو ما يعرفوها |
تبلدينا....مع انى قلت انى ما ح ارجع البوست الا بالباسطة....لكن انت كمان بالغت معاى.
انا ما اعرف الخمار ??? خاف الله. انا خمارى فى فريزرى السنة كلها. ما حصل قبل كده بقى ما عندى خمار. لما تعرس كلمنى ارسل للعروسة خمار.
|
Post: #116
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-12-2010, 11:26 PM
Parent: #115
شايفاكم طنشتوا بسبوستي
هوي البسبوسه دي اول ما اتزوجت كانت الفرماله و انا كنت فرحانه بيها ما تطنشوها و الا بطنشكم ههههههه
|
Post: #118
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-12-2010, 11:42 PM
Parent: #116
رشا
غايتو الوصفة ساهلة وكمان الصورة تعجب
انتظري يوم السبت بجيب لي صور حقتي
ونشوف بعد داك
|
Post: #117
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-12-2010, 11:40 PM
Parent: #115
يا جماعة، وصفة البطاطس طلعت عجيبة... التوم الفي خلطة الجداد خلاها ما طبيعية... انا عملت الباشمل سائل شوية... وده خلاها تكون أحلى ... غايته ابداع طلعت... ما لحقته صورتها قبل الحرب، حأنزل الصور بعد الحرب... ومعاها صورة الحلو، حق حمودي، انا ونادر لهطنا حقّنا...
تبلدينا، الشراب ده ما بختو ليه سكّر... واصلا الهدف منه يساعدك على الهضم، لانه الزبادي والنعناع بساعدوا البطن تهضم كويس...
رشا، يسموا إيديك على الفطاير... انا عندي وصفة برضه بتاعت فطاير بستخدمها للبيتزا برضه، بنزلها ليكم، لكن ما بعملها لانه احنا ما بنحب الفطاير اساسا ههههههههه
المقادير
ثلاثة كبابي دقيق
ثلث كباية زيت زيتون
بيضة
ملعقة ونص خميرة
كباية موية او حليب دافي للعجن
الطريقة
أهم مافي الموضوع يا جماعة العجن نفسه، ولو عندك عجانه الله ريّحك... العجنة دي مفروض تتعجن لما تفك من يدّك ... يعني دايره ليها شغل اقل شي تلاته دقايق، لكن بتستاهل...
اول حاجه نفرك الدقيق مع الزيت لحدي ما يختفي كله، بعداك نضيف باقي المقادير كلها.. ونقعد نعجن ونعجن ونعجن ونعجن.. لما العجينة تفك من يدك.. معناها جاهزه، غطيها بي قطعة قماش نظيفة لمدة ساعة.. بعداك ممكن تفرديها بيتزا (الكميرة كبيرة للبيتزا، انا بعمل نصها).. وممكن تشكليها فطاير وتتحشي
هويدا، جيت احييك لقيتك كتبتي لي... تحياتي ومحبتي
ده الحلو، فوق ليه جوز هند وفي وتحته رشيت مكسّرات مهروسه، حاجه بسيطة مقدار ملعقة كبيرة
وده باقي البطاطس بي الدجاج، ياخوانا ده باقي حتتتتته، في صحن صغيروني، وقلت الحقوا لانه اكيد ما ببيت... خخخخخخخخ
تيسير عووضة، مراحب يا عسل
|
Post: #119
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-12-2010, 11:42 PM
Parent: #117
دندون... ما حصل عملته بسبوسه خااااااااااالص، كنت بحب اعمل حلو قبل اتزوج، بعمل كنافة وباسطه، مما اتزوجته خليتهم هههههههه...
حأجرب البسبوسه بتاعتك، بعدما ارجع ;)، وبوريك النتيجة... لكن الحركة بتاعت الحليب المركّز دي ظريفة...عجبتني
|
Post: #120
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-12-2010, 11:47 PM
Parent: #119
جربيها يا مريم حتعجبك شديد, على فكره انا ما من محبي البسبوسه ابدا.
برجع ليكم بكم صحن ساهلين عشان خاطر ناس تبلدينا
|
Post: #121
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-13-2010, 00:02 AM
Parent: #120
سلطة زبادي غير تقليدية تقدم مع الللحوم و المشويات
جزرتين, فلفله خضراء
زبادي, توم, فلفل, ملح و ملعقة زبده
شوحي الفلفل و الخزر المبشورين في ملعقة الزبده و اقلبيهم في الزبادي, ظبطي الملح و الثوم و الفلفل و خليها في الثلاجه تبرد و قدميها مع المشويات رهيبه. ممكن الزول ياكلها من غير مشويات.
مختلفه و غير تقليديه
|
Post: #122
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-13-2010, 00:30 AM
Parent: #121
ألارز المعمر
المكونات والمطلوب
لحمة او فراخ أو حمام (حسب الموجود)
سمن
كيلو رز مصري
بصلة مقطعة صغير وتوم
قلقل وملح
نص كيلو لبن
نص كيلو كريمة خفق
طاجن فخاري أو أي إناء عميق للفرن
الطريقة
نقطع اللحمة مكعبات كبيرة الى حدما
في حلة متوسطة نخت ملعقتين سمن ونضيف ليها البصل بعدماتسخن
نضيف التوم ونشوح لغاية مايبقى دهبي
نضع مكعبات اللحم ونشوحها لغاية ماتاخد طعم البصل والسمن وتبدا تنزل عصارتها وتشربها
حنسوي اللحمة بمويتها ومابنضيف ولا نقطة موية
طبعا شوية ملح وفلفل ضروريات
ننشل اللحمة من الحلة وفي نفس المكان والعصارة نخت الرز ونشوحو
لغاية مايتشرب بباقي البصل والسمن والتوم
نضيف اللبن(حليب) ونسوي بيهو الرز بعد مانوطي النار
لما يقرب الرز على السوا نضع اللحمة في طاجن الفرن ونضع فوقو الرز ونغطيهو بالكريمة
نعمل فتحات في الرز عشان نتأكد من أن الكريمة إتشربت كوييس داخل الطاجن
نضع الطاجن في فرن متوسط جوالي نص ساعة أو لغاية مايتحمر لونو
وبالهنا والشفا
|
Post: #125
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-13-2010, 03:30 AM
Parent: #117
..
.
Quote: تبلدينا، الشراب ده ما بختو ليه سكّر... واصلا الهدف منه يساعدك على الهضم، لانه الزبادي والنعناع بساعدوا البطن تهضم كويس...
|
اللهم زدنا علما ..
اول مره اعرف النعناع بوقف وجع البطن
---------------
كدى نقوم نتسحر ونشوف البسبوسة البلفوها بالفويل دى :)
|
Post: #127
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 08:04 AM
Parent: #117
رشا سالم ياحبيبه,,
ألف شكر علي وصفة الفطائر,,
حأجربها بكره انشاء الله,,
الليله حأجرّب وصفة مريم عشان عايزه أعمل بيتزا,,
عايني يا رشا,
بتقطعيها مظبوط كده كيف؟
شكلها منتظم وكأنها بمكنه ماشاء الله !!!
دانيه المكّي ميرسي خالص علي البسبوسه,,
وميرسي أكتر علي السلطه,, ماعندك فكره بحب السلطات وبفتش علي وصفاتها كيف,, :)
مامطنّشنّك ياجميل, فرق التوقيت بس بيأخر الردود ما أكتر,,
تسلمي وفي انتظار بقية وصفاتك :)
تيسير ياجميله,,
طعّمتي البوست,,
أظهري لينا بكم وصفه من عمايل ايديكي خلينا نجرب أفكارك المطبخيه :)
|
Post: #124
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-13-2010, 03:22 AM
Parent: #110
..
.
Quote: يا تبلدينا ما بيعمل ليك وجع بطن:) فيهو نعناع
عندي ليك وصفة ساهلة جدا لعصيدة عدد كورتين متوسطات
علبتين زبادي ابو ريال(صغيرة)
كبايةونص دقيق
نص ملعقة ملح
تكبهم في جك الخلاط وتزيد عليها موية لغاية حد 1250 مل
وتخلطهم وبعد كده تكبهم في الحلة وتبدا تسوطها بمفراكة ولا ملعقة خشب
لغاية ما تتقل وبعد داك تبل ايدك بموية وتلمس الملعقة,لو اتلصقت
في ايدك العجينة يبقي لسه ما نجضت..
تمسح الكورتين بحبة زيت وتكب فيهم العصيدة ولما تبقي علي الفطور تقلبها
في الصحن.. |
الله يخليك يا رشا .. داالكلام المختصر والمفيد والساهل جدا
مش وصفات صعبة .. ومعقدة ..
كدا الواحد ما بحتاج يشحد العصيدة ..
بس نوع الدقيق ..اى دقيق ؟؟ ولا المكتوب عيه مخصوص للعصيدة
كورتنا بتاعت الزبادى هنا بجنية ما بريال :)
-----------
تصدقى من تاريخ خبرتى فى المطبخ ما انتبهت انو
الخلاط دا عندو مقاس والله قريت كلامك دا وجررى عشان اشوفك جبتيهو من ووين
لقيت 1250 دا الحد النهائى يعنى الخلاط يتملى فل ..
والله عندكم ملاحظات .. فعلا دا ما شغلتنا بس الله غالب
|
Post: #123
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-13-2010, 02:20 AM
Parent: #105
مكرر
|
Post: #128
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 08:08 AM
Parent: #123
راويه ياحبيبه,,
Quote: *رز كشري مع اللحمة
*رز معمر برضو باللحمة أو الفراخ أو الحمام
*رز Dirty بعد عنك وعن السامعين ودا ممكن نعتبرو بالخضار وهنستعمل فيهو البلاك بينز بتاعة سنا خالد
*رز أحمر بتاع السمك
*رز حبة وحبة ورز بالشعيرية
آها قصرت معاك؟ |
اطلااااااااقا,,
دي الحاجات المطلوبه زاااااتها :)
في انتظارك علي أحر من الجمر وتسسسسسسسلمي :)
|
Post: #129
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 08:10 AM
Parent: #123
مريم بت الحسين :
أظهر وبان عليك الأمان,,
مستنيين وصفة صينية السمك ,,
الليله عندنا سمك ومستنياك بالوصفه ياحبيبه :)
|
Post: #126
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 07:57 AM
Parent: #104
السندا يارفيق المونديال,,
رمضان كريم وكل سنه وانت طيب,,
وشكرا علي فكرة القضيم,,
وكمان موضوع القراصه الهنديه :)
أخونا كمال حسن,,
ومريومه,,
جاري البحث عن وصفة الرقاق بالفرن,, صبرا يبل الابري,
ياغرق ياجيت حازما
|
Post: #130
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 08:38 AM
Parent: #126
تبلدينا امبارح عملت المكرونه بالباشاميل,,
طلعت خطيره,,
شوف ياسيدي:
أول حاجه تسلق المكرونه وتصفّيها,
تضعها في حله وتضيف ليها ملعقه أو ملعقتين زيت وتخلطها بالزيت كويس عشان تتفرتق وماتبقي زي العجينه :)
تجهّز قيمه في حله منفصله,,
تجهز الباشاميل في حله منفصله كما يلي:
أنا بعملها بالزيت لأنه ما بحب السمن وريحته وبرضو عشان موضوع الكولسترول والسعرات الحراريه وكده :)
المهم في الحله تضيف زي ملعتقين تلاته زيت,
وتخليهو يسخن شويه تضيف ليهم تلاته أربعه ملاعق دقيق (قمح طبعا) ,,
أهم حاجه انه تخلط الدقيق بالزيت لغاية ما يتجانس والدقيق يشرب الزيت تماما,
تفضل تقلّب في الخليط بدون توقف لغاية ما لونه يصفّر أو يبقي دهبي فاتح,,
تضيف كوب حليب للخلطه أعلاه لغاية ما يدوب الدقيق في الحليب,
بعدين توديهم الخلّاط وتزيد عليهم كبايتين تلاته حليب حسب القوام الانت عايزه خفيف أو سميك,
مع شوية ملح وشوية فلفل أسود,
بعد الخلط ترجعهم الحله وتفتح عليهم نار بسيطه وتسوطه كل شويه وتخليه يغلي ويبقي سميك,
أنا بحب القوام بتاعه يكون ما سميك خالص,
المهم كمية الحليب البتضيفها بتكون حسب القوام الانت عايزه,
بمجرد ما تصل القوام العايزه تطفي النار وتخلط نص الكميه الجهزتها من الباشاميل مع كل المكرونه الجاهزه في الحله,
وتنقلها لصينية الفرن,
تفرش طبقه مكرونه وبعدين طبقه قيمه وبعدين تاني طبقه مكرونه وبعدين تضيف باقي الباشاميل علي الوش,
وتبشر عليها من فوق جبنه موزريلا وتخفق تلاته بيضات تضيفهم علي وش الصينيه,, بيدوا وش الصينيه لون أصفر جميل
وتدخلها الفرن وبالهنا والشفا,,
:)
---
مريومه لقيتيني كيف وأنا شغّاله بال Sense ؟
|
Post: #131
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Al Sunda
Date: 08-13-2010, 10:27 AM
Parent: #130
اماني الامين ست الخيط والبقية
جمعة مباركة
Quote: تجهز الباشاميل في حله منفصله كما يلي:
أنا بعملها بالزيت لأنه ما بحب السمن وريحته وبرضو عشان موضوع الكولسترول والسعرات الحراريه وكده :)
المهم في الحله تضيف زي ملعتقين تلاته زيت,
وتخليهو يسخن شويه تضيف ليهم تلاته أربعه ملاعق دقيق (قمح طبعا) ,,
أهم حاجه انه تخلط الدقيق بالزيت لغاية ما يتجانس والدقيق يشرب الزيت تماما,
تفضل تقلّب في الخليط بدون توقف لغاية ما لونه يصفّر أو يبقي دهبي فاتح,,
تضيف كوب حليب للخلطه أعلاه لغاية ما يدوب الدقيق في الحليب,
بعدين توديهم الخلّاط وتزيد عليهم كبايتين تلاته حليب حسب القوام الانت عايزه خفيف أو سميك,
مع شوية ملح وشوية فلفل أسود, |
ما اعتقد تبلدينا بيكون عنده صبر لجنس دا كله
يمشي الدكان ويشتري المغلف الاصفر بتاع ماجي او كنور المكتوب عليه صلصة الباشاميلا
ويريح باله ( بالمناسبة وعن تجربة اسهل واسرع )
يفور الحليب ويفرغ المغلف وحبة تقليبة كده حسب الرغبة في سمك الصلصلة والسلام -
اللون الاصفر بيجي من صفار البيض على الصلصة في الصينية قبل الفرن
"خبرة مكتسبة من الإغتراب وهواية الطبخ"
Quote
تبلدينا امبارح عملت المكرونه بالباشاميل,,
طلعت خطيره
وبالإنابة عنه
وين الصور ؟؟؟؟؟
ملاحظة
مجموعة صور نماذج الأعمال في البوست معبرة وبيان بالعمل
|
Post: #132
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-13-2010, 01:15 PM
Parent: #131
جمعتكم مباركة يا شباب..
شفتي يا اماني ..بخصوص اللفة بتاعت الفطاير..دي ساهلة شديد
انا بفردها في مصطبة المطبخ من غير صينية..تعمليها في شكل دائرة
وبعدين تقسميها ل 8 مثلثات وتبدي تختي الحشوة في الطرف وتلف علي
جهةالسنتر..وبعدين تديها تنية بالاطراف عشان تبقي زي حدوة الحصان كدا..
بالمناسبة الوصفة دي برضو ممكن تعملي بيها بيتزا..بس تقطعي العجين دواير
صغيرة وتفرديهاوتعملي فيها الصوص وباقي المكونات وشوية جبنة علي الوش
(حسب الرغبة موتزاريلا ولا بيضاء ولا شيدر)
بنزل ليك صورة البيتزاء هسه
.....
يا تبلدينا لو لقيت دقيق الزرة او القمح او اي دقيق عادي بيظبط بالوصفة
القلتهاليك دي..وجك الخلاط دا فوايدو كتيرة للنسوان عشان كدا
حافظنو عن ظهر قلب:)
|
Post: #133
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-13-2010, 01:22 PM
Parent: #132
موني، السمك حأعمل وصفته تحمير الليلة، ما حأعمل صينية... ما اعتقد الوصفة حتكون جديدة... لكن لو عايزه وصفة بتاعت صينية سمك، في ممكن صينية سمك بالخضار، ساهله وسريعة. بجيك راجعة لاني صحيت حسي هههههههههههه... وبكتبها ليك، ما تخافي في وقت ما حتتضايقي..
بكتب ليكم برضه سلطة الطحينة... لاني عاملاها الليلة...
ساعة كده واجيكم
|
Post: #134
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: khaleel
Date: 08-13-2010, 01:27 PM
Parent: #133
Quote: موني، السمك حأعمل وصفته تحمير الليلة، ما حأعمل صينية... ما اعتقد الوصفة حتكون جديدة... لكن لو عايزه وصفة بتاعت صينية سمك، في ممكن صينية سمك بالخضار، ساهله وسريعة. بجيك راجعة لاني صحيت حسي هههههههههههه... وبكتبها ليك، ما تخافي في وقت ما حتتضايقي..
بكتب ليكم برضه سلطة الطحينة... لاني عاملاها الليلة...
|
مريم بت الحسين
ام خالد في السودان واخوك عذابي ورينا حاجة سريعة اكل المطعم ما نفع معاي خالص
وبقي عندي عسر هضم
|
Post: #135
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-13-2010, 01:34 PM
Parent: #131
دا باقي البيتزا..
ربنا ينفعنا بالاكلناهو:)
|
Post: #136
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-13-2010, 01:48 PM
Parent: #135
يا بت الحسين انا راجية سلطة الطحينة..
ويا دانية بسبوستك طلعت رهييييييييييييييييييييبة
راجلي ما بيحب البسبوسة..الليلة جا من صلاة الجمعة وقال لي
في ريحة حاجة شهية جدا..وريتو البسبوسة وشكلو ناوي عليها:)
|
Post: #137
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-13-2010, 02:53 PM
Parent: #136
Rasha
Tanf3akom insha allah
Take picutres and post please :)
|
Post: #138
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-13-2010, 03:16 PM
Parent: #131
..
.
Quote: ما اعتقد تبلدينا بيكون عنده صبر لجنس دا كله
يمشي الدكان ويشتري المغلف الاصفر بتاع ماجي او كنور المكتوب عليه صلصة الباشاميلا
ويريح باله ( بالمناسبة وعن تجربة اسهل واسرع ) |
بالله ما تقول ليهم يا السندا ..
ووينو الصبر البل الابري عشان نعمل خلطة امانى دى ..
نصيحتك دى ميه الميه وجبت المعلوم لكن الليلة ما نفذت النوشف بكره ..
احتمال ..
Quote: سلطة زبادي غير تقليدية تقدم مع الللحوم و المشويات
جزرتين, فلفله خضراء
زبادي, توم, فلفل, ملح و ملعقة زبده
شوحي الفلفل و الخزر المبشورين في ملعقة الزبده و اقلبيهم في الزبادي, ظبطي الملح و الثوم و الفلفل و خليها في الثلاجه تبرد و قدميها مع المشويات رهيبه. ممكن الزول ياكلها من غير مشويات.
مختلفه و غير تقليديه |
اى كتروا لينا من حاجات خفيفه زى دى يا دانية شوربات سهلة ..
اكلات خفيفة .. التقيل دا قايتو خليهو لامانى شايفها مجتهدة فى التعليم
بصورة غريبة ... يكون يا ربي ..؟؟
يكون ...؟؟
رمضان ..
---------------
البسبوسة بالله بــ DHL
|
Post: #139
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-13-2010, 03:33 PM
Parent: #138
سلطة الطحينة
المقادير
4 ملاعق طحينة
10 ملاعق ليمون معصور
فص توم
ملعقة صغيرة شمار
بقدونس مفروم
وزيت زيتون
الطريقة
دوبي الطحينة في شوية مويه دافيه، وضيفي الليمون.. الليمون بخلي الطحينة تبقى زي العجينه كده، مافي مشكله، واصلي تحريك بترجع عادية... بعداك ضيفي التوم والشمار ... في طريقة لزيزه برضه لزيادة كمية السلطة لو الطحينة شويه عندك.. ممكن المويه الدافية تبلي فيها لب العيش، وتضيفيه للطحينة... وهنيئاً
الصور بعدين
صينية السمك لأماني وأبو خالد (خليل) وللعزابة
جييييييييبوا السمك... تبّلوه... شمار وليمون وملح وفلفل وتوم .. ممكن فيليه وممكن كامل... بعداك ختوه في صينية، وقطعوا فيه الخضار، فلفليه طماطم ... البصله انا بحب اقطعها شرائح واقلبها في الزيت اول لحدي ما تتبل، بعداك اكبها فوق السمك، لكن ممكن تقطع مباشرة...برضه اتأكدوا انه الخضار اخدت من التتبيله بتاعت السمك.. عشان ما يكون مسيخ... برضوا ادوها رشه بتاعت زيت، انا بحب زيت الزيتون خااااااااااالص.... دخلوها الفرن.. لحدي ما تشرب مويتها... بعداك ممكن تفتحوا ليها الشواية عشان تاخد لون.. وصحتييييييييين وهنا
صور السمك حقي بعدين برضه
|
Post: #140
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Mahadi
Date: 08-13-2010, 03:49 PM
Parent: #139
| Quote: جييييييييبوا السمك... تبّلوه... شمار وليمون وملح وفلفل وتوم .. ممكن فيليه وممكن كامل... بعداك ختوه في صينية، وقطعوا فيه الخضار، فلفليه طماطم ... البصله انا بحب اقطعها شرائح واقلبها في الزيت اول لحدي ما تتبل، بعداك اكبها فوق السمك، لكن ممكن تقطع مباشرة...برضه اتأكدوا انه الخضار اخدت من التتبيله بتاعت السمك.. عشان ما يكون مسيخ... برضوا ادوها رشه بتاعت زيت، انا بحب زيت الزيتون خااااااااااالص.... دخلوها الفرن.. لحدي ما تشرب مويتها... بعداك ممكن تفتحوا ليها الشواية عشان تاخد لون.. وصحتييييييييين وهنا |
سلام ام محمود رمضان كريم
وين الزبيب وين القمردين دى صينية سمك ضاربة
تحياتى لنادر
|
Post: #141
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 04:01 PM
Parent: #139
جمعه مباركه ياحبايب,,
رشا شكرا علي التوصيف الدقيق,,
بكره انشاء الله ننفذ المخطط
وبالهنا عليكم بسبوسة دانيه :)
مريومه نوم الهنا :)
طبعا اولريدي اتصرفت فيما يتعلق بصينية السمك,
فتحت البوست القديم بتاعك وعملت ميكس بين وصفتين للسمك واحده بتاعتك وواحده بتاعت سمارت,,
التصرف كان كما يلي:
تبّلت السمك لوحده,, حمرت بصلتين في الزيت وشوّحت توم في باقي الزيت (دي وصفة سمارت), خلطتهم في الخلاط مع كاس ونص زبادي وتلاته ملاعق طحينه وطماطمتين وملعقه ونص صلصه وليمونتين وملح وفلفل أسود (وصفتك مع شوية تصرف),, رصيت السمك في الصينيه الأول وبعدين سقّيته بالخلطه ودخلته الفرن :)
صورته قبل ما أدخله الفرن,,
ولسه ما طلّعته من الفرن,,
بنزل الصور قبل وبعد لاحقا ,, :)
شكرا علي الريسيبي الجديده,, بجرّبها المره الجايه,,
|
Post: #142
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 04:09 PM
Parent: #141
نسيت أقول عملت بيتزا "مارجريتا" بوصفة مريم للعجينه,,
عندي عليها تحفظات ,,
الخميره بتخلي العجينه تكتر خالص وتتنفخ في الفرن, وأنا بحب البيتزا الأمريكيه العجينتها ستريت وما منفوخه :(
عموما نصور بعدين ونوريكم ونعالج الأخطاء ان وجد للمره الجايه :)
---
تبلدينا أمنع الفوضي,
أنا مجتهده أشرح ليك وانت قاعد تتشمشر؟
|
Post: #143
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 05:10 PM
Parent: #142
البيتزا قبل الفرن:
السمك قبل الفرن: (عملته بصينية الفرن لأنه الكميه كبيره)
|
Post: #144
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-13-2010, 05:14 PM
Parent: #142
موني، البيتزا انا كتبته فوق انه العجينه كتيره... يعني انا لما اعمل صينية الفرن الكبيييييره، بعمل نص المقدار ده، انا زيك بحب البيتزا تكون عجينتها رقيقه.... غايته كان عملتي العجينه كلها حتكون بقت ليك كيكه ههههههههههههههه
بكره بعملها، وبنزلها ليك تشوفيها... صورته الاكل، لكن نعسسسسسسسسسسسانه، بنزلهم بعدين
|
Post: #145
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-13-2010, 05:38 PM
Parent: #144
اماني، وصفة السمك دي شكلها ظريفة... ورينا الطعم وصوريها لينا بعد ما انتهت...
|
Post: #146
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: عمر سعد
Date: 08-13-2010, 05:44 PM
Parent: #144
اولا كل سنه وانتو طيبين
تانيا السنه دى اتجاوزتونى تماما
تالتا ..بت الحسين الله يديها الصحه ما عارف الاخ نادلر بقى قدر شنو . بعدين ما بتختار الا الحاجات البحبها شديد .
راابعا ...ااجمل طريقه لعمل الفول ما قلتوها لى لسه .
|
Post: #147
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-13-2010, 06:22 PM
Parent: #146
مريومه البيتزا طلعت فعلا كيكه
ال "صوص" العملته ليها طلع تيستي وطعمها مظبوط لكن عجينتها تخينه وأنا مابحبها كده,
علي العموم ناس بيتنا حبوها جدا, لأنهم بيحبو العجينه التخينه في البيتزا !!!
المره الجايه انشاء الله بقسم الخلطه النص :)
أمّا السمك فطلع خطييييييير
تيستي جدا ومسبّك وشكله جميل,,
معليش طلعته من الفرن مواعيد الاذان وموضوع التصوير كان صعب جدا وقتها
|
Post: #148
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-13-2010, 11:52 PM
Parent: #147
..
.
| Quote: معليش طلعته من الفرن مواعيد الاذان وموضوع التصوير كان صعب جدا وقتها |
تكون الصينية حرقت
قرقر قرقر قرقر
غايتو لو بتجضمى الشغل بس من كلام ناس مريومة
وبقية السيدات والانسات .. بالصورة دى الواحد يربط كفاح
------------------
والله يا امانى ما فوضى بس خشيتو فى التقيل
خاصة قصة تبلو السمكـ .. والبتزا وحاجات مريم ديك
ممكن اجى اخد حاجة دليفرى .. بالعدم يعنى ..!!
|
Post: #149
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Safia Mohamed
Date: 08-13-2010, 11:59 PM
Parent: #148
ست البيت اماني
والضيوف
تشهو الزول في المطبخ
مع انه عدوي اللدود ولكني لم استطع حبس نفسي من الاطلاع والاستفادة
مجبرة اختك لا بطلة
نسوي شنو في العمل غير مدفوع الاجر دي
غايظني غيظة قدر ما اقول اتمرد عليه
القى لا مناص
مجبرة اختك
شكرا على البوست والمعلومات المفيدة لزولة قادة طبيخ
تحياتي
صفية
|
Post: #150
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-14-2010, 01:33 AM
Parent: #149
دي الصور .. يا جماعة...
شوربة عدس، ختو فيها شوية بصله محمرّه من فوق بتديها طعم ظريف وشكل
دي سلطة الطحينة، طلعت ظريفة شديد.. عملته فيها خبز توست
ده السمك مع الشبس... طعّمته السمك بي شمار وملح وفلفل وخل وتوم ونص ملعقة صغيرة بتاعت ديجون مسطرد.. وبعداك عملته فوقه دقيق، وحمّرته... ظريف خالص خالص مع سلطة الطحينة
فطورنا بكره ان شاء الله سيد المائدة الفول وتوابعه... بيض، حأحاول اعمل شكل شفته في موقع بتاع وصفات، لو عملته بصوّره وبجيب ليكم الوصفه...سلطة أسود (الليلة حمّرته اسودي يا بنات، باركوا لي)... وحأعمل الحلو القلت ليكم عنه قبل يومين.... كان مفروض اعمله الليلة بس كنت تعبانه شويه ما قدرته
عمر سعد، اتصور انا بحاول قدر الامكان اشوف بدائل صحّية للأكل البسويه... يعني البطاطس بي الدجاج الفوق ده، عملته بي مارجرين ... وصدور دجاج... السمك المحمر ده يمكن مما اتزوجته دي المره التانية اعمله...
تبلدينا، الكلام ده ساهل، انت بس خلي قلبك ابيض
لكن لو جيت الدمام، طالبنا عزومه...
تحياتي للجميع
|
Post: #151
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-14-2010, 01:35 AM
Parent: #150
نسيت اكتب اني حاعمل بيتزا برضه.... وبنزل ليك الصورة يا اماني..
غايته نادر ما محتاج زاتو يسألني فطورنا شنو
|
Post: #152
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-14-2010, 06:16 AM
Parent: #151
بليلة الرز و الذره
انا مسمياها كده انتوا سموها زي ما عاوزين سريعه و لذيذه و بديل للبليله
علبتين ذره اصفر مسلوق و كوبايتين رز, حليب و شوية قشطه و سكر و مكسرات و زبيب
نعمل الرز كالمعتاد رز ابيض عادي جدا و بعد ما يستوي نضيف الذره المعلبه و الحليب و السكر و القشطه و المكسرات و نقدمها سخنه, بتكون جميله بعد التراويح او في السحور
كمية اللبن حسب ما بتحبوا و على فكره كوبايتين رز و علبتين ذره بتعمل كميه كبيره ممكن لو انتو شويه تققلوا الكميه و ممكن تحفظوها في الثلاجه كم يوم برضه.
|
Post: #153
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-14-2010, 08:49 AM
Parent: #152
ازيكم يا جماعة ستات و سادة..
لي كم يوم الكمبيوتر متآمر مع ظروف أخرى ضدي.. أو عايرة و أدوها سوط.. المهم افتقدت التواجد بينكم..
مريم..
ازيك بيجاي..
ال70جم بلاك بينزمطبوخة..
أنا بطعمها زي البليلة (المالحة) ما باكل البليلة بالسكر..
يعني شمار ناشف و ملح و ليمون و بستبدل العملة الصعبة زيت السمسم بزيت زيتون و بضرب عصفورين بحجر.. الفائدة الغذائية و بوفر زيت السمسم للفول..
برضو مرة قطعت معاها سلطة خضراء ناعمة .. و لو ناس بيتكم ما عندهم مانع من الشطة.. فشطة خضراء و شووووية توم مع زيت السمسم و الشمار و الليمون.. .. أعملي حساب أصابعيك.. يمي..
و أنا مستنية وصفة راوية شكلها حتكون لذيذة رغم الديرتي نيم يا راوية :))
_____________________________________
سمارتي.. ازيك و مشتاقين و الله..
ياخي ما شاء الله ما شاء الله ..عيني باردة عليك بغرتيني عديل كدا.. أكيد زرعك دا حيكون طعمو ألذ.. أنا وحياتك غير النعناع ما زارعة شيء... لأنو الوحيد الما متعب في زراعتو.. و أكان راعيتيهو و اكان طنشتيهو بيقوم.. زمان زي قبل عشرة سنين كدا و كان الشمار هنا ما بتلقي لا غالي و لا رخيص.. جبت لي أحواض كبيرة شوية لكن بتقعد في البلكونة ..كنا في شقة وقتها.. و زرعتهم شمار و كزبرة.. و قامو يا حلاتهم.. لما جيت عشان أقصهم.. لقيتهم مليانين حشرة سوداء صغيرة أصغر من حبة الكمون.. و سغيلة أصلها ما بتطلع و لا بالغسيل.. لاصقة فيهو لصقة.. احتسبت المحصول بتاعي وقتها.. و تاني ما كررت التجربة.. لكن حأحاول أجرب تاني.. بس في الherbs عشان الجنينة صغيرة جداً ما بتتزرع خضار.. هل في نوع مستحضر يطرد الحشرات و ما ضار في الأكل في نفس الوقت؟
___________________
تايسا..
ازيك ياخ مشتاقين و الله ..انتي رقوك و احنا فطونا.. و لا فطيتينا انت.. بقيتي ما بتتلقي.. بالجد مشتاقين.. و مبروك الترقية تاني و تستاهليها و أكتر..
منتظرين منك هنا..
___________________
أموني ..
الشغل دا شكلو شغل معلمة مش متعلمة.. ما شاء الله.. ألحقينا بوصفة صينية السمك.. شكلها طلعت روعة..يمممممممم
__________________
ستات البوست جميعاً.. بدون فرز..
سلااام و يسلمو ايديكم كلكم على الوصفات ..
و يا هويدا و رشا و دانيا و راوية .. يسلمووووووو على المجهود..
و يا دانيا ما قادرة أصبر عشان أجيب سميد و أجرب طريقتك.. ياخي نحن عندنا حاجات كدا إلا نجاهد ليها جهاد.. و خالد بيحب البسبوسة شديد..
و لحين عودة بإذن الله
|
Post: #154
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-14-2010, 11:02 AM
Parent: #149
تبلدينا,,
Quote: والله يا امانى ما فوضى بس خشيتو فى التقيل
خاصة قصة تبلو السمكـ .. والبتزا وحاجات مريم ديك
ممكن اجى اخد حاجة دليفرى .. بالعدم يعنى |
الجرسه شنو؟
الموضوع بسيط, بس عايز بال طويل,,
زي ما قالوا ليك شبكه وأميره الشيخ,
انت بس قول الليله ياجماعه جبت كده وعايز أعمل كده,
وكل الهنا انشاء الله بيساعدوك,
لو في حاجه ما ظبطت بتطلع بنسبة نجاح 70% أقل شئ,
والمره الجايه بتطلع أحسن,
لسه رمضان طويل طوّل بالك وانكرب
---
موضوع الدليفري في الخدمه,
وكمان لو كان في دليفري من السعوديه واليابان وأمريكا كان بختنا
|
Post: #155
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-14-2010, 11:06 AM
Parent: #154
ياهلا بصفيه والبوست نوّر,,
| Quote: نسوي شنو في العمل غير مدفوع الاجر دي |
كلامك صاح,,
حاليا أنا مستمعه بالموضوع لأني في رمضان متفرغه للمطبخ,
يعني بشتغل بمزاج,,
لكن صدقيني لو الموضوع اتحوّل ل Duty بيبقي ممل وعبء أكتر منه متعه,
عموما التجديد أفتكر هو البيحافظ علي متعة التعلم والاندهاش والتذوق, وللا شنو؟
تابعي معانا, وورينا من عندك شويه كمان :)
|
Post: #156
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-14-2010, 11:23 AM
Parent: #155
مريومه حلوه صور ال Fish & Chips
وفي انتظار صور البيتزا :)
أنا الليله انشاء الله حأجرّب الفطائر بوصفة رشا بتاعة الزبادي,
وبنزل صوري برضو انشاء الله,,
دانيه ميرسي علي حلو الرز والذره,,
وعايزه أطلب منك أو من الأخوات وصفه للنشا بالكستر أو بأي نكهه مختلفه,,
بابا طالبها منّي ووعدته اني حأعملها ليهو الليله
سنويه شكرا علي رفع المعنويات,,
وورينا شوية أفكار منك, لسه الشهر طويل ومحتاجين أفكار جديده :)
الجماعه المسجّلين غياب:
هويدا !!!!!!!!
شبكه !!!
انعام حيموره !!
رايوه :) !!
رمضان انتهي عندكم وللا شنو؟
|
Post: #157
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-14-2010, 02:15 PM
Parent: #156
اماني وريني قصدك النشا بتاعتنا السودانية، ولا النشا cornflour؟
بالنسبة للفول يا شباب وشابات... انا عندي بس معلومة صغيرة حابه اقولها ليكم... لانه روح الفول، الجبنه.. واحنا ناس برّه عندنا مشكلة نفتش على الجبنه المناسبة، لزمن طويل احنا بنستخدم الفيتا لانها اقرب للجبنه بتاعتنا... لكن قبل كم شهر كده اكتشفنا جبنه تانية اقرب والز بكتير... الجبنه هي برضها فيتا، لكن تحديدا فيتا فرنسية من حليب الماعز goat cheese...
الجبنه دي رهيبه جداً... حتى قوامها بشبه الجبنه بتاعتنا، وما يضايقكم انها من حليب الماعز، لانكم ما حتحسوا بالطعم زاتو... يعني انا استخدمتها شهر كامل بعداك اكتشفته انها ماعز، طبعا البجيبها نادر... والاكتشاف ده حصرياً الاكتشاف حقّه... فحقوق الاكتشاف محفوظه... انا معلّقة فيها عليقة السواد، كل يوم بشرب بيها شاي الصباح مع شريحة توست اسمر ما محمّص ورشه بتاعت زيت زيتون.. وطبعا بنستخدمها للفول.. عجيييييييييييبه... ناس الامارات، انا فتشتها في العين ما لقيتها، لكن شوفوا يمكن تلقوها... ناس السعودية، موجوده وبتلقوها...
وبالمناسبة للناس البخافوا من الوزن ومن الكولسترول والحاجات دي، الجبنه لانها من حليب الماعز، الدهون فيها اقل... يعني صحيّة ...
بالنسبة للحلو بتاع الليلة.. السوبيا، هو حلو خليجي بشبه الرز باللبن حقنا، بس طريقته مختلفه.. انا اول مره اعمله
كباية رز مسلوق
كبايتين حليب سائل
سكر حسب الرغبة
قرفه ناعمه للزينه
كبوا كل شي في الخلاط، واخلطوا... لو حسيتوها تقيله، زيدوها حليب ... وبعداك تتصب في اكواب وتدخل التلاجه... اعتقد لو لقت ليها رشّه بتاعت فستق حلبي مبشور، بتكون ررعه، انا ناويه اعملها كده...
بجيكم بعدين بالصور... واوريكم الfeedback
|
Post: #158
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-14-2010, 02:55 PM
Parent: #157
سلامات ياجماعة
مريوم هاك وصفة لصينة بيض بالفرن بنعملها يوم يكون عندنا فطور الفول وتوابعو
مكوناتها
لحمة مفرومة وطماطم وبصلة وتوم وبقدونس وشمار أخضر(شبت حسب الرغبة)
المهم في حتة سمنة تختي البصلة شوية وبعدها التوم واللحمة وتبهريها حسب مابتحبي يعني تعملي قيمة علي قول أماني (عجبتني الكلمة دي عندها) المهم القيمة تخلطي ليها طماطم معتبر وتخليها سايلة شوية
تحوليها لي (برام فخار) أو أي حاجة بتدخل الفرن وترشي في وشها البقدونس والشمار الاخضر وتفتحي فيها البيض عيون كل بيضة تحفري ليها شوية وتختيها بي حالها
ودخليها الفرن لمدة نص ساعة او تلت ساعة حسب حرارة فرنك وحسب نوع نضج البيض العاوزاهو وبالهنا والشفا
|
Post: #159
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-14-2010, 03:09 PM
Parent: #158
وصفة دجاج سريعة لتبلدينا
المقادير
فرخة واحدو أو حتى نص فرخة
ملح وبهار وبصلة وزيت
تغسل الفرخة كويييس وعشان تروح منها الزفارة غسلها بي خل
وليمون وملح أو ممكن تشحد جارتكم حبة خمار وتغسل بيهو
المهم في الخلاط قطع البصلة والتوم وحبة عصير ليمون وأخلطهم شديييييد لغاية مايتحولوا لي عصير
شيل العصير دا مسح بهو الفرخة كلها بعد ماتكون ختيتها في منديل ورق بعد الغسيل وجفت
مسحها بالعصير بتاع البصل وملح وفلفل ختها في صينية شعرها* بالزيت ودخلها الفرن بعد مايكون سخن
مابتحتاج أكتر من تلت ساعة وتطلع ليك أحلى فرخة بالفرن
معاها سلطة طماطم وخيار مقطعات كوبار كوبار وعيش توست أو رز
_________________
شعرها دي يعني تغطي معظم فتحة زجاجة الزيت بأصبعك ومررها على الفرخة بعد مايطلع الزيت في شريط رفيع زي الشعرة
وببساطة يعني إستعمل زيت شوية
|
Post: #160
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-14-2010, 03:09 PM
Parent: #158
راوية، فضل ساعة نص على الفطور، اللحمة المفرومه ما حتسيح وما بحب اسيحها بالمايكروويف.. ونادر لو قرا وصفتك دي حيعمل لي مشكله، لانها شهية جداً هههههههههه... لكن حأعملها بكره.. اعتقد لو لقت ليها فلفله خضراء كمان في نهاية، بتطلع عجيبه... بجربها بكره وبوريك النتيجة
|
Post: #161
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-14-2010, 03:47 PM
Parent: #160
مريومه ياحبيبه,,
| Quote: اماني وريني قصدك النشا بتاعتنا السودانية، ولا النشا cornflour؟ |
النشا بتاعتنا السودانيين,,
لو عندك ليها وصفه بمقادير وبأي نكهه يكون تمام, مع انه بابا طالبها بالكاستر تحديدا !!
راويه عليم الله انت عندك حركات معلمين ما حصلت !!
"شعّرها" دي تبلدينا لي هسي يكون بحاول يعمل فيها وما عارف لوووول
ربنا يدي الوالده الصحه شكلها كانت خطييييره في المطبخ
|
Post: #162
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-14-2010, 04:17 PM
Parent: #158
و جينا تاني ..
مريم ياخي يسلمو إيديك.. بتديني احساس بتاع زنقة.. بأكون عايزة أدخل المطبخ هسسسة و أجرب وصفاتك..لأنو شكلها مغري.. يسلموووو..
اكتشفت انو الناس بتختلف كتير في طرق عمل العصيدة و الملحات بتاعتها.. نحن عندنا العصيدة دي أهم طقس فيها انها تكون سخنة جداً لما تتخت في الصينية..
يعني زي البيض المقلي.. ما بنعملها إلا في آخر دقايق.. و لأنو بنحبها تكون طرية و سخنة فما بننتظرها لحدي ما تاخد شكل القالب.. بالنسبة لي أصلاً ما بقطعها في قالب.. المسافة من البوتجاز للسفرة أقل من تلاتة أمتار.. فبعمل العصيدة و بسكب لكل زول في صحنه مباشرة .. و لأنها زي ما قلت ليكم بتكون طرية فبتنزل في الصحن و بتاخد شكل بسيط أقرب للدائري.. بس ما مقبب زي القالب.. و لأنو من ما تتسكب لحدي ما نبدأ ناكلها ما بناخد خمسة دقايق فما بنهتم لقصة شكلها المنتظم.. بس الناس الما عندهم مشكلة ياكلوها باردة ممكن يسكبوها في القالب و إيفنشوالي حتاخد شكله بعد ما تبرد.. غايتو بتخيل هواري موضوع القالب دا حيكون مهم شديد بالنسبة ليهو.. بختها الموعودة يا هواري يا أخوي.. البامية ذاتها ما هينة..:)
أها العصيدة ما بخمر ليها العجين و ما بستعمل ليها زبادي أو ملح.. يعني بس موية و دقيق.. لأنها بتاخد طعم كفاية جداً من الملاح.. و القراصة كمان ما بخمرها.. لكن الغريبة.. النظرية دي ما بتشتغل لي مع الكسرة.. يعني الكسرة لو ما بقت خميرة.. ما بحس ليها بأي طعم مهما يكون ملاحها طاعم..!
أها درس العصيدة للعزابة بالتصوير الممل.. أكان غلبتكم فبعد دا عالجوا موضوع العزوبية دا .. و يا خليل ياخي في زول يفرط في أم الأولاد في رمضان؟ .. ما قالوا أكان مسكت ما تفك؟ هههههههه المدام ما تقرأ الكلام دا.. مرة واحدة صاحبتي زعلت مني فيهو جد جد مع اني كنت بهظر.. شكلو راجلها كان محيّل..:))
المقادير.. تكفي لأربعة أشخاص..أو اتنين أكّالين جداً.. و الخطاب سيكون بالمذكر لأنو ستات البوست ماشاء الله عيني باردة عليهم..
2 كباية (mug) دقيق فينو.. عند ناس الخليج أظن اسمو نمرة واحد أو يمكن بيسموه الدقيق الكويتي؟؟ اللي هو سيقا ذاتو يا صالح..
2 كباية نفس المقاس موية للعجن..
2 كباية برضو نفس المقاس موية تتخت في حلة في النار..
و تقريباً كباية موية زيادة احتياطي تزيد منها عشان تخفف العصيدة أثناء النضج..
اسكب الموية في الدقيق و ليس العكس.. لو كبيت الدقيق في الموية حيتدردم ليك العجين و حيبقى متعب جداً..
أضربو كويس لحدي ما تختفي كرات الدقيق و يبقى قوامه سائل و smooth
في حلة على النار ضع كبايتين الموية و لحدي ما تغلي ..
بمجرد ما تغلي الموية أضف ليها العجين.. في ايدك التانية المضرب و حرك أثناء السكب..تحريك بهدوء ما محتاج قوة و ما تتوتر.. إذا كنت بتستعمل نوع مضرب البيض دا فهو أسهل من المفراكة و بيساعد على انو العجين ما يتكتّل..
خلي النار تكون هادية و أعصابك كمان.. الموضوع سِهِل و بسيط يا علمات منال العالم..:))
حرك باستمرار و حيبدأ العجين يتخن و هو بينضج.. و حتحتاج تزيد قوتك و سرعة الضرب و لو اتكونت كتل صغيرة استمر في التقليب و هي حتختفي..
أضف للعصيدة شوية موية حوالي نص كباية.. و خليها بدون تقليب.. ممكن تغطيها و على نار هادية جداً.. لحوالي عشرة دقايق..
بعدين أفتح الغطاء و قلبها تاني بالمضرب.. و بلل أصبعك بالموية و أعمل اختبار النضج.. لو لصقت في أصابعيك معناها لسة محتاجة شوية وقت في النار.. لكن لو بيفضل الأصبع نظيف.. يبقى المهمة انتهت..
أسكبها في قالب أو في الصحن مباشرة .. و بالهنا..
طبعاً الملاح أهم زول.. مفروض يكون جاهز قبل العصيدة.. لكن اتخيلتكم مستعجلين للعصيدة ..
الملاح بالصور يتبع بإذن الله...
|
Post: #163
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-14-2010, 05:24 PM
Parent: #162
الكبده
نص كيلو كبده مقطعه شرايح صغيره و رقيقه
3 ملاعق زبده او ملعقة سمن و ملقتين زيت لكن بالزبده اجمل و اخف
بصله و مشروم و فلفله خضراء مقطعوين جولين. (جولين يعني جوانح يا تبلدينا) ولا اقول ليك قطع البصله أرباع و قطعهالاتمان يعني الربع قطعه على اربعه أفتكر كده وصلت :)
بهارات معتاده, فلقل توم, ملح, قرفة مطحون و البتحبيوه
الكبده تتنضف كويس و تتغسل بالخل عشان الزفره تروح منها
نسخن الزبده او الزيت شديد و ننزل الكبده عليهم, و نحركها بسرعه عشان تتشوح من كل الجهات لمن تاخد نفس الللون نضيف الفلفل و البصل المقطع و البهارات و التوم (انا بكون مبهره الكبده قبل ما انزلها في الزيت) المهم نظبط الطعم و نكتر الثوم و لمن تقرب تستوي نضيف ثوم زياده للنكهه وبعده ممكن مشروم طارج او علب. قبل نا نطفي عليها نرش ملعقه دقيق عادي عليها و نحرك. الدقيق مع الماده الدهنيه بيعمل صوص رهيب بكون بسيط لكن بيتغمس و البهناء و الشفاء
|
Post: #164
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-14-2010, 05:38 PM
Parent: #163
فطايري المعتمده كل رمضان
كوبايه لبن ونصف كوباية زيت و ملعقتين زبادي
ملعقه كبيره خميرة بيره و ملعقه كبيره سكر و نص ملعقه صغيره ملح
3 كوبايات دقيق
اللبن يكون دافي ندوب فيه السكر و نرش عليه الخميره لغاية ما تقوم و نضيف الزيت و الزبادي و ننتظر شويه
نضيف الدقيق و نقلب كويس لغاية ما العجينه تفك, لو لينه شديد اضيفي ملعقة واحده دقيقه لغاية ما تفك
شكليها زي ما عاوزه, بتزا, فطاير, سمبوسه البريحمك
انا شخصيلا بفردها على الكاونتر و بقطعها دواير و بحشيها لحمه او دجاج او جبنه او خضار و بقفلها يعني بطبقعا نص و بدخلها فرن ساخن لغاية ما تنضج و السلام ختام.
حشوات مختلفه للفطاير
سبانخ تدوبه في زيت زيتون مع بصله و سماق و عصره ليمون و ملح و فلفل و بصله صغيره, تشوحي البصله في الزيت شوت قبل السبانخ. ممكن تحشي بيه زي ما هو و ممكن تضيفي على جبنة بيضاء
دجاج مطبوخ او مسلوق و مفتفت و متشوح في زيت مع بصله و ثوم و بهار
لحمه معصجه عاديه جدا مع بصل و بهار و شوية صلصه
جبنه بيضاء بالبقدونس, جنبة بيضاء بالفلفل المبشور و الزيتوم الشرايح
جبنة كريمه كيري او بك مع خضار مسلوق زي جزر و بسله
اها قصرت معاكم الليله
بعدين بجيكم بالتقيل ورق العنبي اليلانجي الاصلي الحامض و ثاني ما حتاكلوه بره خالص و الكرمب كمان
|
Post: #165
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-14-2010, 05:48 PM
Parent: #163
وااااااااي، ما شفته ردك بدري.. معليش ياخ، قولي لي عمو انا متأسفه جداً....
علي اي حال، دي وصفة النشا حقتنا العادية... بس من غير نكهه... انا ما حصل ضقتها بنكهات، بس انا بحبها شديد جدا جدا جدا
http://simsimaya.wordpress.com/2010/08/13/%D8%A7%D9%84%D9%86%D8%B4%D8%A7/
الموقع ده لسوادنية نفتخر بيها، للاسف ما عارفين ليها اسم... بس هي مسمية نفسها سمسماية...
|
Post: #166
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-15-2010, 00:52 AM
Parent: #165
دانية، فطايرك شكلها شهيييية.. لكن انا حانتظر محشي الكرمب، بحبه جدا، وبعمله، لكن عايزه اشوف وصفتك كيف...
دي الصور بتاعت الحلو .. نادر حباها شديد.. انا ما اكلته منها، رز مصري والله انا لو باكل الرز المصري الباب ما يمرقني
الفوق ده فستق حلبي ومعاه خيط كده بتاع عسل...
بكره فطور نظافة تلاجة... تلاجتي حتنفجر من البواقي... عشان كده بس حأسخن كل شي واختّه... يوم ظريف ههههههههههههه
|
Post: #167
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-15-2010, 00:53 AM
Parent: #166
بكره الحلو بتاعنا بسبوسه دانية
|
Post: #168
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-15-2010, 01:17 AM
Parent: #167
ورق العنب الحامض البارد من دون لحمه
ورق عنب برطمانيه او لو عندك طازج كمان يكون افضل
كوبايتين ونص رز مصري
4 يصلات مبشوره 2 حبة طماطم مقطعة صغير فصين ثوم مهروسين
بقدونس _ نعناع
ملعقة اكل ملح
ملعقة صغيرة قرفة
ملعقة صغيرةفلفل اسود
ملعقة صغيرة كزبرة ناشفة
عصير 3 ليمونات
ثلاث ارباع الكاس زيت زيتون
3 ملاعق دبس رمان و لو موجود كمان ملعقة ملح ليمون
نضع المقادير دي كلها على بعض في النار و عليها ربع كوباية مويه و على نار هاديه لغاية ما الرز يشرب السوائل و يكون نص استواء
في حلة المحشي نرص شرايح طماطم و شرايح بصله و نحشي المحشي عادي و الجهه الناعمه تكون لبره و نشيل عروق ورق العنب بره و كلما كانت اللفه صغيره كان اجمل و اشيك. نرص المحشي في الحله و نراعي انه الحله تكون على قدر المحشي يعني يكون متلاصق عشان ما يتفك و الرز يطلع بره بعد ما نخلص الحشوه نضع كوباية مويه سخنه و عليها ملعقة دبس رمان و شوية ملح او ممكن بدل المويه كوباية شوربه بيكون طاعم و اول ما تغلي نضح صحن جوه الحله نضغط بيه على المحشي و نخفض النار خالص و نقفل الحله و نخليه يستوي او ما يشتشرب السائل و يستوي ما نفتح الحله نخليها لمن تبرد تماما عشان لونه ما يبقى اسود و ممكن نرش عليه ملعقة زيت زيتون قبل التقديم بيديه نكهه و بخليه يلمع كمان
جربوه و انا ما مسؤوله علن اصابعكم ولا زيادة وزنكم, الوصفه شكلها صعبه لكن سهله خالص لاي زول بيعرف يعمل محشي
اعتقد انه تبلدينا يمتنع عن الوصفه دي, شعر ما عندك ليه رقبه يا صالح.
نسيت ورق العنب طلعوه من البرطمانيه و غسلوه شويه بمويه عشان طعم الماده الحافظه يروح و نشفيه من المويه الكتيره بس ما تمصريه زي صاحبتي لانه بيتهرد في يدك هههههه
|
Post: #169
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-15-2010, 01:27 AM
Parent: #168
بكره موعدكم مع الكنافه بالقشطه و الكاسترد
|
Post: #170
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-15-2010, 07:37 AM
Parent: #169
رشا
Quote: بالنسبة لوصفات الفطاير .زانا اتعزبت فترة طويلة عشان القي مقادير
مظبوطة واخيرا لميت في وصفة رهييييييييييييييييييييبة:
ثلاثة كبابي دقيق كبيرة
كاسة ونص زبادي
تلت كباية زيت
ملعقة كبيرة خميرة فورية
ملعقة كبيرة سكر
ملعقة صغيرة ملح
نص كباية موية
تخلطي الزيت والموية والزبادي والخمير والسكر والملح سوا بدون ترتيب
بعد داك تبدي تكبي الدقيق وتعجني بايدك لغاية مقدار الدقيق يخلص
العجينة حتكون بقت متماسكة وبتفك من الماعون..تخليها تخمر بعد
ما تغطيها بكيس نايلون..حوالي نص ساعة او 45 دقيقة
العجينة دي ممكن تحشيها باي حاجة .لحمة مفرومة,خضار مشكل,هوت دوق
جبن كيري او جبنة بيضاء مع زعتر او بدون..
بتطلع رهيبة..
حانزل ليك صور الفطاير بتاعتي لما اطلعا من الفرن..
ايوة نسيت تمسحي الفطائر ببيض مخفوق او لبن بودرة مزوب بشوية موية
وتمسحي الصينية بشوية زيت..والفرن حرارته 170 درجة..
بالهنا والشفا.. |
طلعت مية المية امس لما عملتها
مشكورة على الوصفة المظبوطة
|
Post: #171
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: ALZOLZATOO
Date: 08-15-2010, 09:45 PM
Parent: #170
ازيكم ياشابات
رمضان كريم وكل سنة وانتن طيبات
يامريم انت الفطور بتاعك ده بينتهي بدري ولا شنو لوووولز غايتو الفول بتاعك 100% وشطة الامازون الخضراء لفيت كل السبوبر ماركت مالقيتها
اماني الامين
علي الايمان صينية السمك بتاعتك دي انا ماشايف اي اثار سمك فيها
الفكرة جميلة وانا لمن كنت عذابي استفدت كتيرا ببوست مشابه كانت تقوم به الاخت انسانه من الامارات
لكن بعد الزواج اصبح دخولي للمطبخ الا للضرورة القصوى باتفاق الطرفين انو انا املا التلاجة وهي تفضيها
بالمناسبة مافي واحده فيكن بتعرف تصلح لمبات عندي احدى لمبات المطبخ ضاربة ليها يومين لوووولز
تحياتي
زاتوووو
|
Post: #172
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: doma
Date: 08-15-2010, 11:18 PM
Parent: #171
ما شاء الله اماني ممتازه في عمل الاكل
لكين يا اماني انقري ما زعلت منك
لانك ما عملتي الي ملاح النعيميه المن غير لحم وويكه دا
طبعا الشابات ديل قالوا لي بنعمل ليك ملاح نعيميه من غير لحم وبالدقيق اها اشتريت الزبادي وحرستهن ما اشتغلن بي الشغله لما حمض
اها قمت اتباصرت عليه براي غايتوا ما طلع سمح
اخير منه ملاحي البعرفه انا بالويكه والشرموط المسحون
|
Post: #173
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: doma
Date: 08-15-2010, 11:22 PM
Parent: #172
قلت اسلم عليكم جميعا وابارك ليكم رمضان يا شباب
وصفاتي ما بتنفع معاكم لاني ما بعرف مقادير نهائي
ولا الملح ما بضوقه بس بالتقدير بطعم الاكل
|
Post: #174
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-16-2010, 08:15 AM
Parent: #173
وين الناس
كلكم فاطرين ببواقي التلاجة ولي شنو؟
عايزة طريقة للبيتزا تكون بمقادير مظبوطة وما تطلع لي تخينة
|
Post: #175
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-16-2010, 10:13 AM
Parent: #174
SHIBKA
نوم شديد
المقادير :
2 كوب و نصف دقيق
3 ملاعق صغيرة خميرة
ثلاث أرباع كوب ماء
ملعقة صغيرة سكر
2 بياض بيضة بدرجة حرارة الغرفة
ملعقة صغيرة خل
3 ملاعق طعام زيت زيتون
ملعقة صغيرة ملح
ملاحظه
أضفت مع الدقيق قليل من الثوم البودرة للطعم .
الطريقة :
في وعاء واسع نخلط الدقيق مع الملح و نضعه جانبا
نخلط الخميرة مع السكر في كوب الماء و نتركه لمدة من 6-10 دقائق حتى يتفاعل.
نخلط بقية المقادير مع الدقيق ونعجن جيدا لمدة 3 دقائق
نغطي العجين بكيس بلاستيكي ونضعها في مكان دافئ لمدة 40 دقيقة
بعد أن تخمر العجين نضعها على سطح مرشوش عجين جيدا حتى لا تلصق
نقوم بفردها نشكلها بشكل دائري نفرد العجين اكبر من الصينية قليلا حتى تطوى الأطراف بشكل تجميلي
نضع العجين علي أي ورق خاص بالفرن ثم نضعه في الصينية بعد وضع العجين في الصينية نقوم بالضغط باليد(نضع قليل من الدقيق باليد عند الضغط حتى لا تلصق العجين) بخفة وترتيب الأطراف
نصب ملعقة أو اثنين زيت زيتون ونفرشها على العجين بخفة
ونتركها على الأقل 5 دقائق قبل وضع المكونات عليها نضع عليها صلصة الطماطم المعده بالبيت او الجاهزة
ثم نضع عليها المكونات المفضلة لدينا ( فلفل بكل الالوان – بصل – طماطم مقطعة حلقات – زيتون – جبنة شيدر – جبنة موزاريلا) أي شئ يخطر على بالك .ندخلها في منتصف الفرن على درجة حرارةعاليه إلى أن تحمر من اسفل وتنضج ثم نخرجها ونتركها تبرد قليلا قبل التقطيع والتقديم
|
Post: #176
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-16-2010, 10:22 AM
Parent: #175
هويدا
صباح الخير
الناس نايمة نوم في رمضان دا
رغم انو اليوم طويل
شكرا على المقادير
وبجرب وبجيك راجعة اديك النجيضة على قول ود الصايم
|
Post: #177
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-16-2010, 01:52 PM
Parent: #176
فطرونا الليلة عصيدة بملاح روب لقيت وصفته في موقع سمسماية، وعجبني... نعيمية بس من غير صلصة ولا طماطم... بجربه وبديكم خبر... صورك يا سناء ورتني حاجات انا كنت بعملها غلط في العصيدة، اتوقع الليلة حأظبطها...
برضه حأعمل البيض بطريقة راوية... وبجيكم بالصور والراي بعدين....
ده اللنك بتاع طريقة الملاح
http://simsimaya.wordpress.com/2008/09/09/%D8%B9%D8%B5%...4%D8%B1%D9%88%D8%A8/
ماما دومه، ورينا الطريقة، احنا بنظبط المقادير... زولة بحنيتك دي، بتكون طباااااااااااااااااااااخه....
محبتي للجميع
|
Post: #178
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: فادية اليمني
Date: 08-16-2010, 02:16 PM
Parent: #177
مونى حبيبة الجماهير
ازيك ورمضان كريم عليك
مريم ودانية وسناء سمارت وجن الغايبة،هويداو شبكة صاحبتى
وكل باقى تيم المطبخ رمضان كريم
وتبلدينا اليتيم برضو معاكم
كل يوم بجى اتاوق واقول اكتب وصفة بسيطة و سريعة الاقى زمنى انتهي
يا منوش
عرفتك بتاخد اجازتك فى رمضان ليه..لووول
____
غايتو سريع كده وصفة سلطة الجزر بالطحينة
- جزرتين متوسطات (ممكن يسلق)
- ملعقتين طحينة
- كاس زبادى صغير
- بهارات(ملح، فلفل، توم على حسب الذوق)
- ملقعة صغيرة خل
الطريقة:
يبشر الجزر(مسلوق) او طازج، نضيف الطحينة للزبادى وتتبل بالبهارات والخل
و ان شاء الله تعجبكم
دى بالسينس ممكن تظبط يا مونى
لكم محبتى
|
Post: #179
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-16-2010, 05:23 PM
Parent: #178
ياحلوين ازيكم ومشتاقين,,
معليش اتوعّكت صحيا شويه عشان كده غبت عن المطبخ شويتين,,
جاياكم كلكم برواقه,,
عنّي عملت الليله يادوب فطائر رشا,,
لسه ما فطرنا وماعارفه طعمها كيف :)
فكرة البيض علي وشّها أداها لون جميل بعد الفرن
بس عندي ملاحظه,عجينتها سايبه خالص يا رشا,,
اضطريت أستعمل دقيق عشان أقدر أتحكم فيها وأحشيها !!
وعشان كده الشكل ما طلع مظبوط 
---
ماما دوما وفاديه اليمني منورين وجاياكم يا حبايب :)
|
Post: #181
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-16-2010, 05:31 PM
Parent: #179
اماني
Quote: ياحلوين ازيكم ومشتاقين,,
معليش اتوعّكت صحيا شويه عشان كده غبت عن المطبخ شويتين,,
جاياكم كلكم برواقه,,
|
الف سلامة عليك يارب
Quote: عنّي عملت الليله يادوب فطائر رشا,,
لسه ما فطرنا وماعارفه طعمها كيف :)
فكرة البيض علي وشّها أداها لون جميل بعد الفرن
بس عندي ملاحظه,عجينتها سايبه خالص يا رشا,,
اضطريت أستعمل دقيق عشان أقدر أتحكم فيها وأحشيها !!
وعشان كده الشكل ما طلع مظبوط
|
شفتي انا زدت ليها دقيق اثناء العجنة
لانو المعلومة الاساسية في كل عجينة تعمليها لازم تطلع العجينة من يدك بعد العجينة
يعني لوبقت ملصقة تديها حبة دقيق لغاية ما تظبط
وانا ما اضفت دقيق كتير يعني اقل من نص كباية وكانت ظابطة معاي
الطعم طلع مية المية
افطري بالهنا وتعالي ادينا رايك
|
Post: #182
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سناء عبد السيد
Date: 08-16-2010, 05:32 PM
Parent: #179
بالله عايزيين وصفة الكنافة بالقشطة .. زمان كنت بعرفا اسه مع الخرف الوصفة طشت مني مرة واحدة
و مريوم لو سمحتي عايزيين إعادة وصفة السمك بالفرن بالبلو جيز
دانية وصفتك بتاعت البسبوسة مبالغة عديل كده جربتها و طلعت مبالغة.. تسلمي
|
Post: #180
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-16-2010, 05:27 PM
Parent: #178
فدوية الجميلة
رمضانك كريم
Quote: دى بالسينس ممكن تظبط يا مونى
|
شفتي اماني دي المجننها من المطبخ ياهو السينس دا زاااااااااااتو
|
Post: #183
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: عليش
Date: 08-16-2010, 06:16 PM
Parent: #180
ده وكتو هسه..
جوعتونا يااماني اللمين.
|
Post: #184
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 08-16-2010, 06:16 PM
Parent: #180
اخيرا ربنا فتح على عشان اقعد و اكتب وصفة الباسطة.
المقادير:
-رطل مكسرات (بنحبها بالفستق بس )
-صندوق ( حوالى 30 ورقة باسطة)
-ربع ملعقة صغيرة قرنفل مسحون.
-ربع ملعقة صغيرة قرفة مسحونة.
-ربع ملعقة صغيرة ماء ورد.
-ربع كباية ماء.
-كباية زبده ( او "سيد الاسم" ...سمن)
-كباية سكر.
مقادير العصير (الشريا)
- 1 و ربع كوب سكر.
- 1 و ربع كوب عسل نحل
- 1 و ربع كوب ماء
معلقة عصير ليمون
عود قرفة
الطريقة:فى فود بروسسر اسحنى المكسرات و السكر و البهارات.
جيبى الصينية امسحيها بشوية زبده و ابدى رصى ورق الباسطة. امسحى كل ورقة بالزبدة ( نفر...نفر).
ختى 9 ورقات...ما تنسى (امسحى كل ورقة بالزبدة )...بعدهم ختى تلت المكسرات.
رشى تلت خليط الماء و ماء ورد.
ختى 6 ورقات. بعديهم ختى تلت المكسرات .رشى تلت خليط الماء و ماء ورد.
بعيهم ختى 6 ورقات. بعديهم ختى تلت المكسرات .رشى تلت خليط الماء و ماء ورد. (تانى)
بعديهم ختى باقى الباسطة (حوالى 8 او 9 ). امسحيها بالزبدة...سمممح.
قطعى الباسطة و دخليا الفرن حوالى 40 دقيقة ...لساعة...حسب نوع الفرن و لون الباسطة.
خليها تبرد ساعتين بره الفرن قبل ما تزقيها.
اعملى الشريا. لخبطى السكر و العسل و الماء و القرفة و عصير الليمون (او قشر برتقالة...لنكهة مختلفة شوية كده). ختيهم فى النار ...خليهم يغلوا 10 دقائق. سقى الباسطة.
اكلوها (بالهنا) بعد 8 ساعات.
الوصفة شكلها برنامج...لكن -و الله- Your patience will be rewarded
|
Post: #185
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-16-2010, 08:13 PM
Parent: #184
I will be back later with a Recipe for Kenafa
|
Post: #186
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-16-2010, 11:30 PM
Parent: #185
فادية اليمني... مرحب يا عزيزة، وشكرا على وصفة سلطة الجزر
سناء السيّد... بس كده، من عيوني...
يا ستي طبعا الوصفة بسيطة جداً... ترصى السمك الفيليه في صينية بتدخل الفرن، انا بفضّل اقطّعه مكعبات عشان يتأكل بالرز... بعداك تقومي تعملي الصوص...
المقادير
كوب زبادي
ملعقتين مايونيز
ملعقة صغيرة ديجون مسطرد
ملعقتين طحينة
عصير ليمونه
شمار ناشف
فص توم مهروس
ملح وفلفل حسب الطعم
تلخطبي الحاجات دي كلها فوق بعض، وتكبيها فوق السمك بتاعك... بعداك تجيبي ليك شمار اخضر تقطعيه وترشيه فوق الصوص وتفتفتي فوقها بلو جيز.. وتدخليها الفرن .. ما بتاخد زمن عشان تنضج، لكن اديها وقت تتسبّك عشان ما تطلع ليك فيها مويه...
دي وصفتي الاصلية.. لكن بعداك انا عملته ليها تعديل.. بقيت اكب فوق السمك طبعة بتاعت بصل مقطّع شرائح ومقلّب في زيت... لحدي ما يدبل... ما ضروري الاضافة دي، لكن ناسي عجبتهم كده اكتر من الوصفة الاولى...
الزول زاتو، امشي التميمي، بتلقاها، لكن شطتنا دي سريع بتنتهي... عشان كده كل فترة تمشي تشوفها، وتشيل ليك كم واحده... انا مدمنه عليها عديل كده... تحياتي لصاحبتي
راوية، صينية البيض بي اللحمة والخضار طلعت رهيييييييييييييبه.... لكن صور مافي، إلا نعمل ليكم صور x-ray هههههههههههه
بكره عامله قراصه بي ويكة... ومعاها صينية بتاعت خضار باللحمة المفرومه... وسلطة خضراء بي جبنة بيضاء فيتا...
|
Post: #187
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-17-2010, 07:23 AM
Parent: #186
كل الأخوات الغاليات سلام
الأخت سناء طريقة عمل الكنافه بالقشطه ، والله كل يوم عاوزها انزلها لكن القي الأخت دانيه عاوزها تنزلها لكن عشانك يا سناء ننزلها
المقادير:
1/2 كيلو كنافه
كوب سمن سايحه
للقشطه:
2 كوب حليب
5 ملاعق كبيره دقيق
كوب قشطه
للقطر:
1/2 1 كوب سكر
3/4 كوب ماء
عصير ليمونه
فانيليا
الطريقه:
تحضير القطر:
نخلط مكونات القطر كلها في اناء ماعدا الليمون و الفانيليا
نضع الاناء علي النار الهادئه و نتركه حوالي 10 دقائق
ثم نضيف الليمون و نتركه يغلي قليلا ثم نضيف الفانيليا و نبعد القدر عن النار
و نتركه ليبرد تماما
تحضير القشطه:
ندوب الدقيق في الحليب علي البارد
ثم نرفعهم في اناء علي النار حتي يسمك الخليط هكذا
نبعد القدر عن النار و نضيف القشطه و نقلب جيدا
حتي يتجانس الخليط تماما
و تصبح القشطه جاهزه
تحضير الكنافه:
- تفتت الكنافه و تفرك جيدا بالسمن السايح
- ندهن صينيه بالسمن
- نضع نصف مقدار الكنافه
- نضغط علي الكنافه الموجوده في الصينيه جيدا جدا باستخدام صينيه اخري اصغر منها
- نرش مقدار من السمن السايح
- نغطي الكنافه بطبقه القشطه (مع الابتعاد عن الاطراف)
- نضيف النصف الآخر من الكنافه المفروكه بالسمن و نضغط عليها مرة اخري
- نرش مقدار جيد من السمن السايح
طريقه الخبز:
ممكن تخبزيها في الفرن عادي و تحمري الوجه
لكن انا افضل اني اخبزها علي سطح البوتاجاز لأن طعمها بيبقي الذ بكتيييييييييير
يعني تحطيها علي البوتاجاز و لما تلاقيها اتحمرت من تحت تقلبيها في صينيه تانيه
و اول ما تستوي و تكون ساخنه جدا ترشي عليها القطر البارد
و لازم تتركيها تبرد قبل التقطيع علشان ما تتفتتش منك
http://www.alfrasha.com/up/1096504622892329301.jpg
|
Post: #188
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-17-2010, 08:01 AM
Parent: #186
صباحكم خير,,
سناء خالد,, شكرا علي العصيده بالصور,,
تبلدينا اختفي في ظروف غامضه وما جاء ورانا ظبطت معاهو وللا لسه :)
في انتظار الملاح بالصور ياحبيبه :)
دانيه المكي,,
عامله شغل عظييييييم,
هسي نشكرك علي الكبده وللا علي محشي ورق العنب, وللا علي بسبوسة دانيه الشهيره ؟
تسلمي ياحبيبه ومانعدمك انشاء الله,
واصلي وأتحفينا,
في انتظار وصفة الكنافه :)
مريومه ميرسي علي موقع سمسمايه,,
لظروف الوعكه الصحيه ما عملت النشا لسه,,
لكن الليله ناويه عليها انشاء الله, وبجي أوريك عملت شنو :)
الزول زاتو,,
السمك ظهر في الصينيه لمّا اتسبّكت وبقي خطيييييير,,
| Quote: لكن بعد الزواج اصبح دخولي للمطبخ الا للضرورة القصوى |
أيوه أيوه .. كلهم بيقولو كده
|
Post: #189
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-17-2010, 08:09 AM
Parent: #188
ماما دوما ياحبيبه,,
كيفنك وكيف مع رمضان؟
| Quote: ما شاء الله اماني ممتازه في عمل الاكل |
الله أكبر
ملاح الروب البدون ويكه ولحمه علّمتني ليهو رحاب بعد ما رجعنا السودان والله,
بعدين بتاعك كان خطييييير
نعمل ليكي بتاعنا لمّا تشرفينا في السودان انشاء الله,,
في بكين لو ما كنا ملخومين كان لخبطنا ليكي مطبخك زي العجب :)
Quote: وصفاتي ما بتنفع معاكم لاني ما بعرف مقادير نهائي
ولا الملح ما بضوقه بس بالتقدير بطعم الاكل |
يامريومه ماما دوما دي شوف عين,,
بتدخل المطبخ, خمسه دقايق مافي بتكون طلّعت ليك أربعه خمسه أصناف,,
وكل واحد أطعم من التاني :)
حنسيها توّصف لينا اللازانيا الخطيره البتعملها ,,,
ماما دوما عليك الله تعالي وصّفي لينا اللازانيا :)
|
Post: #190
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-17-2010, 08:18 AM
Parent: #189
فاديه اليمني تشكري علي سلطة الجزر بالطحينه,,
وتعالي لينا بالباقي,, باين عليك نفسك حلو في الطبيخ :)
شبكه تسلمي من كل شر يارب,,
عليش
Quote: ده وكتو هسه..
جوعتونا يااماني اللمين. |
شكّلك عزّابي وقاعد تشف في الوصفات :)
اعترف سريع
سمارت,,
باسطه عديل كده؟
الوصفه كلها بسيط وأبليكابل,,
طبعا عملت لي نوت بوك للوصفات الخطيره بتاعتكم :)
شغل معلمين ياحبيبه
مريومه ورينا وصفة صينيه الخضار باللحمه المفرومه :)
يمكن نجربها الليله :)
|
Post: #191
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-17-2010, 08:51 AM
Parent: #186
سلام للجميع..
و يا فدوى و ماما دومة و سناء منورين البوست.. نيابة عن حبيبتي أمون.. أصلو أنا عاملة الحالة واحدة..
سلامتك يا أمون ..شنو الحكاية؟ أوعى تكون دي واحدة من تجارب المطبخ.. تبقى عوجة
لو في قاريء عزابي راجي الملاح بالصورة فأنا بأعتذر عن التأخير.. أصلو العزابة الأعضاء ديل شكلهم كانوا عاملين فوضى لأجل الفوضى و ماهم مغروضين في وصيف .. غايتو يا مريم رابط سمسماية دا أكان لحقتينا بيهو من الأول.. ما كان ريحتيني على الأقل من نقة خالد.. خايف الكاميرا تقع في الحلة ولا تمسك فيها نار
أهو غايتو عملاً لله.. يمكن يكون في زول مغروض ليهو و ما قادر يعبر..
أنا بعمل الملاح بكمية كبيرة عشان يوفر علي الشغل.. و أحياناً بعملو أساس بتاع تقلية..و بقسمو على اتنين ..أقلب نصه نعيمية بإضافة الزبادي و الفول المسحون..
و لأننا قاعدين في بلداً طيرها عجمي.. و الحاجات من السودان ما بنجيبها إلا كل فين و فين.. فبتعامل مع حاجات السودان بحرص شديد.. يعني البصلة المحمرة و الشرموط الناشف.. بستعملهم بكمية بسيطة عشان النكهة و ريحة المحنّة.. لكن الأساس بيكون من المواد المتوفرة في البلد.. البصل مثلاً بصل أبيض.. صاح انه ما طاعم زي البصل الأحمر.. لكن بيسد.. و حقيقي الملاح بيطلع طاعم جداً على أي حال.. فما تقيفوا لو ما اتوفر الأصلي.. البدائل غالباً متوفرة..
المقادير..
نص كيلو بصل
3/4 كباية زيت
علبتين طماطم
ربع كيلو لحمة مفرومة
اتنين مكعب ماجي
ملح و كزبرة و شمار و فلفل حسب الرغبة
ويكة
للنصف الحيتعمل نعيمية..
كباية زبادي
ملعقة كبيرة زبدة فول سوداني..( دكوة)
نقطع البصل و نخته في الحلة مع الزيت..
نخلي البصل لما يحمر.. البصل الأبيض ما بيحمر بسهولة.. و الفرق بين انو يحمر و يحرق حاجة بسيطة .. عشان كدا لو انتظرنا انو اللون الأبيض يختفي تماماً ممكن نحرق البصلة.. الدرجة دي من التحمير أعتقد انها مظبوطة
بعد ما حمرنا البصلة.. ننقص الزيت لو كان كتير.. لو كانت كميتو بسيطة ممكن نخليهو زي ما هو و نضيف اللحمة و الطماطم المعلبة..(لو مافي معلبة استبدلها بقطع طماطم فريش حوالي ستة قطع.. حجم متوسط) أنا أضفت ملعقتين بصلة محمرة عشان شوية من ريحة محنة أمي..
لاحظوا اننا ما فرمنا بصلة و لا خلطنا طماطم.. كلو ممكن يتعمل مرة واحدة بعدين..
نخلي المكونات دي تغلي في نار هادية..و نضيف ليها موية حسب الحوجة .. و ما ننسى مكعبين الماجي عشان ينضج كويس مع باقي المكونات..
تقريباً حتحتاج حوالي 40 دقيقة عشان تنضج الطماطم.. و نضج الطماطم يعني حدة الحموضة بتاعتها..و نكهة العلبة لو كانت معلبة تختفي..!!
بعد ما يصل الملاح للمرحلة دي.. نخلطه بالخلاط اليدوي أو بالخلاط العادي.. إذا حتخلطه بالخلاط العادي.. انتظر لحدي ما يبرد شوية.. أو أضف ليهو مكعبات تلج.. عشان ما تتحرق و ما يبوظ الخلاط! بالخلاط اليدوي.. حتى لو النار مولعة على هاديء جداً ممكن تخلطه جوة الحلة نفسها.. خيار مريح طبعاً..
بعد ما تنتهي مرحلة الخلط .. بقسم الملاح قسمين.. قسم ممكن طوالي يتظبط ليهو الطعم بالبهار و الملح و يتلايق بملعقة كبيرة ويكة..و تكون التقلية جاهزة..
و القسم التاني بضيف ليهو كباية الزبادي ..و أخليها تنضج شوية.. بعدين أضيف الفول السوداني.. طبعاً الفول السوداني بيلصق في قعر الحلة و ممكن يحرق بسهولة.. عشان كدا لما أضيفو لازم أخلطه كويس و النار تكون دايماً هادية بعد الإضافة دي.. كمان تكون في آخر مرحلة.. يعني ما يقعد الملاح بعدها فترة طويلة في النار.. لو كنت عاملة نعيمية من الأول يبقى ممكن أخلي خلط الملاح يكون مرة واحدة بعد إضافة الزبادي و الفول..
أرجعه النار و أظبط طعمو بالملح و البهار.. لما يبدا يغلي تاني.. أوطي ليهو النار خالص.. و أضيف ليهو ملعقة كبيرة ويكة..لما تجي تضيف الويكة لازم يكون عندك مضرب او مفراكة في يد.. و في اليد التانية ملعقة الويكة ما تكبها دفعة واحدة.. حاول ترشها رش و انت بتحرك باليد التانية..
أعمل حسابك انو الويكة بتجبر.. عشان كدا ما تكتر منها لأنو الملاح حيتخن شديد..
الحاجة التانية الويكة برضو ما بتستحمل نار كتيرة.. عشان كدا لازم نارها تكون هادية خالص..و ننتظرها لحدي ما (تقلب) يعني تبدأ تغلي و تطلع الفقاقيع الأولى.. بعدين نطفي منها النار..
كدا إن شاء الله الملاح جاهز و بالهنا..
ما تقولوا دا صحن فسالة.. دا نصيب الزول الواحد مننا لأنو الأطفال صعب يلحقوا الأكل في السفرة في صحن واحد..
|
Post: #192
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-17-2010, 08:59 AM
Parent: #191
أمون حبيبتي.. شكلنا كنا بنكتب في وقت واحد و أنا لأنو تنزيل الصور بياخد مني وقت..
برجع تاني إن شاء الله لو ربنا هون..
ما تشوفي شر تاني يا ست البنات..
|
Post: #193
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: فادية اليمني
Date: 08-17-2010, 11:37 AM
Parent: #192
منوش صباحك زين
بطلى نوم الصباحية وادخلى المطبخ بدري بدري
عشان سخانة ودخاخين الفرن ما يأثروا عليك
وما تشوفى شر حبيبة..
سنوية، أزيك و تصومى وتفطرى علي خير حبيبة
حبيبة الكل وست روحى ماما دوما كل عام وانتى بالف خير
Quote: مريومه ورينا وصفة صينيه الخضار باللحمه المفرومه :)
|
اها يا منوش مريم شكلها نايمة لحد اسه
اديك انا وصفة صينية الخضار باللحمة لانها المفضلة بالنسبة لي
- ربع كيلو لحمة مفروم
- شمار اخضر مفروم او بقدونس
- 4 ملاعق زيت مخلوط بسمنة بلدى
- بهارات (ملح، فلفل،كسبرة، توم)
- بطاطس كبيرة (مقطعة لشرائح مستطيلات)
- 2 فلفل اخضر (مقطعة شرائح رفيعة دائرية)
- 2 طماطم (مقطعة شرائح رفيعة دائرية)
- بيضتان
الطريقة:
تجهيز اللحمة المفرومة ( بطريقة القيمة المعروفة) بعد اضافة البقدونس او الشمار الاخضر المفروم
وضع اللحمة وتسويتها على صينية بعد مسحها بالزيت المخلوط بالسمن
تحمير البطاطس و ترص (شكل مربعات او مستطيلات)
ووضع قطعة طماطمية وفلفلية بالتناوب بطريقة منتظمة فى كل مربع
سكب البيض المخفوق على كل المحتويات و عمل فتحات بوسطة شوكة لوصولها لباقى الصينية
وتدخل الفرن او على البوتجاز بعد تغطيتهالمدة 10 دقائق.
طريقتها سهلة و منظرها و طعمها خطيييييييير
راوية أزيك وكل سنة وانتى طيبة
فى شوية اختلاف من صينينك بس شكل الرصة، طبعا انا الصينية دى فرمالتى
عشان كده اصريت اكتبها لامانى ..لووول
|
Post: #194
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-17-2010, 12:25 PM
Parent: #193
فادية اليمني، عرفتيني والله، نوم تقيل... هههههههههههههه
لكن صينية الخضار حقتي 90% منها جاهز، اللحمة مقيّمة وقاعده في التلاجه، والبطاطس مقطّعة ومحمّره والاسود مقطّع ومحمر والاتنين قاعدين في الفريزر... نزلتهم من الفريزر، بعداك حأقطّع ليهم الفلفليه وادخلهم الفرن... ناوية اعمل من فوقهم طبقة بتاعت بشاميل... انا بزل ليكم الخطوات بالصور بعدين...
دي مبدأياً الصورة بتاعت الخضار واللحمة المفرومة جاهزه في الصحن قبل ما اكب فيهم البشاميل
برضه للبحبو منال العالم، ممكن يتابعوا برنامجها هنا كاااامل!
أسرار منال
http://video.maktoob.com/programs/view/34/?cmp=VOD-email
|
Post: #195
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-17-2010, 05:28 PM
Parent: #194
صينية الخضار حقتي :
خضار محمر + باشاميل + لحمه مفرومه (قيمه):
صور: شكلها من جوه+ ملاح النعيميه + النشا بالكستر = بعد الفطور :)
|
Post: #196
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-17-2010, 05:51 PM
Parent: #195
قطعه من الخضار باللحمه والباشاميل بعد الفرن :
بصراحه طعمها تحفه :)
---
مريومه وفاديه لو في حاجه ناقصه وروني
|
Post: #197
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Maysoon Nigoumi
Date: 08-18-2010, 05:10 AM
Parent: #196
easy fatayir
saw it at manal al3alim
toast
milk
whatever 7ashwa you want
spiced chicken
la7ma mafooma
vegetablesicotta nad spinach
and bread crumbs-gargosh madgoog
cut the hard crust around the toast
in a bowl of milk quickly rop the toast and pick it up quickly\just a quick ip
put in you palm an gently squeeze excess milk
put the 7ashwa in the middle and dardimeeha as in kufta o kibba
then role it in bread cumbs and fry
until golen
bel hana
|
Post: #198
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Al Sunda
Date: 08-18-2010, 05:48 AM
Parent: #197
صباح الخيرات او مساءه
البوست بقى ستاتي بحت مع انو اشهر الطهاة في الفنادق من الرجال يعني "عمرنا ما شفنا شيفة بطربوش وعليه
1. البيتابع البوست لغاية رمضان حيلاقي وزنه زائد ب 3-4 كيلو عليه السُمان يبتعدون.
2. زيى المافي سحور في رمضان عند الهاويات والمحترفات في هذا البوست ، الشيء كله فطور وافطار ؟؟؟عليه نطالب بوصفات للسحور
3. للعزابة يمكنهم متابعة قناة اسمها فتافيت بالامس استغنو عن كل الصواني للفرن وكل الشغل كان بإستخدام ورق الفويل
وتجهيز الغدا لم يستغرق أكثر من 10 دقائق عليه اوصيكم/ن بهذه القناة وبالمناسبة فيها اكلات متنوعة وظريفة وجديدة واهم من دا كله سهلة التحضير وفيها مسابقات في الطبخ حلوة ومسلية يعنى ادربو فينا عبر هذا البوست وعلى طول للمسابقات
مشكورات على الصور
وهنا الشيف رمزي يستعرض بعض طبخاته
http://www.talfazat.com/ar/video-player/program/IftaratAlChefRamzi/
|
Post: #199
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سارة علي
Date: 08-18-2010, 07:23 AM
Parent: #198
المقادير:-
عدد 3 بيض
زيت
رشة ملح
رشة فلفل
الطريقة:-
تختو الزيت في الطوة ..اكسر البيض في اناء خارجي واضربو لمن يتماسك
لمن الزيت في الطوة يعمل طق طق ختو فيه الخلطة ولمن يمسك في الطوة اقلبوهو لمن لونو يبقى اصفر
وهو متماسك فضوهو في صحن وادوهو رشة الفلفل..
نسيت الملح لكن مافي مشكلة ختوهو في اي مرحلة تعجبكم حتى ولو مع مرحلة الزيت وهو بيطقطق
ــــــــــــــــــــــــــ
برجع ليكم بي وصفة تانية
|
Post: #200
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سارة علي
Date: 08-18-2010, 07:28 AM
Parent: #199
اروي عطشك
مقدار نص جك كركدي
ونص الجك التاني موية
تبل الموية في الكركدي
تنتظرو لمدة ساعتين
تجيبو مصفاة
تصفو المحلول الفي الجك ..في جك تاني
تضيفو السكر
وتحركوهو بمعلقة
السكر على حسب المذاق
للزينة مكعبات تلج
يقدم باردا
وادعوا لي ..
ـــــــــــــــــــــ
جاياكم بوصفة اخطر
|
Post: #201
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سارة علي
Date: 08-18-2010, 07:33 AM
Parent: #200
تحلية
المقادير:-
عدد (1) بطيخة
الطريقة :-
يتم تقسيم البطيخة الي نصفين
النصف الاول يقطع الي مكعبات متوسطة حسب كل زول وقرمتو
النصف الثاني يتم التعامل معه بنفس طريقة النصف الاول
توزع مكعبات البطيخ في صحن وتتختا في التلاجة بالعدم تخت البطيخة تحت الزير قبل التقطيع
ترش المكعبات بجوز هند ان وجد ..
وتقدم باردة قبل الافطار
ـــــــــــــــــــــ
ادعو لي
|
Post: #202
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-18-2010, 08:07 AM
Parent: #201
سارة
تعبتي الليلة معانا
لو عندك وصفة لعصير المنقة جيبيها عليك الله
الله يعينك بتتعبي في المطبخ شكلك
|
Post: #203
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سارة علي
Date: 08-18-2010, 08:11 AM
Parent: #202
| Quote: الله يعينك بتتعبي في المطبخ شكلك |
خااااااالص
|
Post: #204
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-18-2010, 08:17 AM
Parent: #201
وصفة بيض وكركدي و بطيخ في يوم واحد؟
يادي الهنا يادي النور هههههههه
بركة جاه النبي ياساره,,
تتعلي ماتتدلي, ويديك لمن يراضيك اللانام ولا أكل الطعام ,,
ويفتحها عليك محل ما تقبلي,, قولي اَمين..
|
Post: #205
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-18-2010, 08:21 AM
Parent: #204
| Quote: الله يعينك بتتعبي في المطبخ شكلك |
|
Post: #206
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سارة علي
Date: 08-18-2010, 08:31 AM
Parent: #205
| Quote: لو عندك وصفة لعصير المنقة جيبيها عليك الله |
عندي تأمري امر يا شبكة ..
المداخلة الجاية بوصف ليك عصير منقة بنكهة المانجو
اماني :اشكرك على الدعوات الرائعات وعشان ظرافتك دي حاوصف ليك طريقة عمل سلطة الدكوة
|
Post: #207
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-18-2010, 08:50 AM
Parent: #206
Quote: المداخلة الجاية بوصف ليك عصير منقة بنكهة المانجو
اماني :اشكرك على الدعوات الرائعات وعشان ظرافتك دي حاوصف ليك طريقة عمل سلطة الدكوة |
وطريقة سلق البيض لو سمحتي ياساره
ميسون النجومي اتشرفنا بحضورك وشكرا علي الوصفه السريعه :)
هويدا وسناء خالد,,
يطيب لي أن أشكركم خالص الشكر علي الوصفات والصور,,
حقيقي Impressive
ولو سمحتو صفا انتباه لأنه ساره علي بتقول في كلام مهم ولابد من الانصات والمتابعه
--
شبكه منجه وبنكهة المانجو,, واخده بال حضرتك؟
|
Post: #208
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-18-2010, 09:06 AM
Parent: #207
السندا يا أخوي كيفنك,,
| Quote: البيتابع البوست لغاية رمضان حيلاقي وزنه زائد ب 3-4 كيلو عليه السُمان يبتعدون. |
تصدق بالعكس ؟!!!
أنا واحده من الناس بعد ما أطبخ ما بقدر اَكل خالص,,
وفي ناس كتار كده, مجرد ريحة عمل الأكل والوقفه في المطبخ بتقفل شهيتهم تماما !!
شكرا علي الاقتراحات :)
حنتابعها :)
أخونا كمال حسن,,
مساعي وصفة الرقاق بالفرن جميعها بايئه بالفشل :(
صحبتي أمّها في العمره,,
لكن ما زالت المحاولات جاريه,,
داليا الكبّاشي ما منّها خبر ؟
|
Post: #209
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-18-2010, 09:12 AM
Parent: #207
اماني
| Quote: شبكه منجه وبنكهة المانجو,, واخده بال حضرتك؟ |
واخداه وحياتك
شفتي الهنا اللي انا فيه
|
Post: #210
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: كمال حسن
Date: 08-18-2010, 09:17 AM
Parent: #200
الأخت ساره علي
Quote: المقادير:-
عدد 3 بيض
زيت
رشة ملح
رشة فلفل
الطريقة:-
تختو الزيت في الطوة ..اكسر البيض في اناء خارجي واضربو لمن يتماسك
لمن الزيت في الطوة يعمل طق طق ختو فيه الخلطة ولمن يمسك في الطوة اقلبوهو لمن لونو يبقى اصفر
وهو متماسك فضوهو في صحن وادوهو رشة الفلفل..
نسيت الملح لكن مافي مشكلة ختوهو في اي مرحلة تعجبكم حتى ولو مع مرحلة الزيت وهو بيطقطق |
لوووولز
نحن غايتو منتظرين منك وصفه للبيض المسلوق لأربعة أشخاص
الأخت أماني الأمين
ياخي الصبر اليبل الآبري ده كملناهو لغاية الآبري زاتو إتبل وإتشرب كمان
ورمضان أهو ربعو مضى ولغاية هسه ما وريتونا وصفة (الرقاق)
إنتو ما قعد تتسحرو والله شنو؟
نحن أصلنا بي نفطر وما بنتعشى عشان كده سحور خفيف زي شوية رقاق بي اللبن كده بتكون مناسبه
|
Post: #211
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: هويدا شرف الدين
Date: 08-18-2010, 09:44 AM
Parent: #210
الليله الفطور ما شا ءالله كلو جهزتو ساره الله يديها العافيه
|
Post: #212
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: khaleel
Date: 08-22-2010, 09:12 PM
Parent: #211
فوق مطبخنا فوق
|
Post: #213
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: وجن
Date: 08-22-2010, 10:46 PM
Parent: #212
موني وكل زوار المطبخ الكرام
تحياتي ورمضان كريم
بشكرك يا موني وبشكر الزول الظريف الاداني رابط البوست
وبدعوكم لزيارتنا
في مطبخنا على الفيس بوك
http://www.facebook.com/?ref=home#!/group.php?gid=323845690385
ويسعدنا الاجابة على كل تساولاتكم
شيف معلم وكده ( وش كضاب ومادي لسانو )
زورونا ولن تندمو
|
Post: #214
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-22-2010, 11:24 PM
Parent: #213
سلامات يا شباب..
عايزة منكم خدمة..
عايزة اعزم لي كم نفر بعد بكرة..ودايرة اسوي لي فطور يكون بوفية
دايرة اقتراحاتكم..ووصفات لسلطات تكون جميلة وما بتسيل تلخبط الصحن:)
اقتراحاتكم برضو بالنسبة للتحلية..
شدو حيلكم معاي عشان تطلع عزومة تليق بمقام نسوان سودانيزاونلاين:)
|
Post: #215
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Rawia
Date: 08-22-2010, 11:51 PM
Parent: #214
بعد بكرة دي ما قريبة يارشا؟؟؟
غايتو بنصحك بالتركيز
مابحب تشتيت الجهود ...بيعمل تلبك معوي
______________
تحية للمطبخ والموجودين فيهو كلهم من الاحبة
نأسف للتقصير والغياب
منعنا منكم الترحال وعدم الاستقرار الذي أمسى جزء أصيل من حياتنا
|
Post: #216
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-23-2010, 11:13 AM
Parent: #215
ازيكم ياناس المطبخ,,
خليل تسلم علي رفع البوست,,
أها أم خالد رجعت وللا لسه صايم عزّابي؟
وجربت الوصفات وللا لسه؟ :)
الحبيبه وجن,,
حمد الله علي سلامة الباسوورد في سودانيز,,
وبركه بالشوفه :)
حنتايع مطبخ الشيف وجن في الفيس بوك,
وانت مره مره جيبي لينا وصفه أو نصيحه هنا,,
خلينا ومتابعين البوست يستفيدوا من خبرة الشيف المعلم :)
|
Post: #217
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-23-2010, 11:24 AM
Parent: #216
فوووق عشان خاطر رشا بكره عندها عزومه وعايزه تعمل بوفيه,,
عايزين اقتراحات ووصفات بسيطه وسريعه,,
راويه تسلمي وفي انتظار باقي وصفات الرز منك,,
قبل يومين قلت أجرب البرياني,,
رز وخضار وفراخ,,
طلع خطير ومناسب مع الصيام بالذات لما تقدميه ساخن,,
ناس بيتنا حبوهو جددددا :)
حأكتب الوصفه يمكن رشويه تحب تجربه,, :)
|
Post: #218
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-23-2010, 11:34 AM
Parent: #217
..
.
اها يا سيدات وانسات ..
غايتو انا قدرت حتى الان اطبق 45 % من الوجبات والنصائح
العامة والوصفات الخاصة المهداة لى كعازب ويتيم ..
وقررت باقى الايام دى اقضيها مظلى يعنى البي الدعوات بتاعت الاخوات
والاهل والصحاب وافطارات الزملاء والاصدقاء ..
--------------
بالله خشوا لينا بعد دا فى وصفات البديفورد
وخبائز العيد ..
قرقر قرقر قرقر
حليلك يا الييتم ..
البقى عندك خمار فى الديب فريزر ..
كلو منك يا سمارت ..
|
Post: #219
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-23-2010, 12:04 PM
Parent: #218
تبلديهم,,
45% نسبه مقدره خالص,,
شوف وصفة البرياني دي يمكن يوم تكون ما عندك مزاج لسلاح المظلات :) :
المكونات صدور دجاج,,
خضار: بطاطس+ كوسه + جزر
للصوص: كاس زبادي+ 3بصل+ 2طماطم+ توم+ صلصة طماطم+ بهار حار
كاسين أو تلاته رز حسب الكميه المطلوبه,,
يشوّح الخضار في الزيت تحمير خفيف ويزاح علي جنب,,
يحمّر البصل في نفس الزيت وبعده يشوّح الثوم,,
في خلاط يتم تحضير الصوص من البصل المحمر والتوم المشوّح وعصير الطماطم وملعقتين صلصه,
وكاس زبادي وملح وفلفل أسود وأي بهار حار ممكن,,
تشوّح قطع الفراخ في نفس الزيت لحين اكتسابها لون أصفر ذهبي,,
يضاف الصوص لقطع الدجاج المقطعه في شكل مكعبات صغيره,,
ونتركه في النار لبعض الوقت,
(الأفضل انه الفراخ ما يشرب الصوص تماما يعني يكون Juicy عند اطفاء النار),,
يسّوي الرز تسويه متوسطه علي النار,,
في قدر كبير علي البوتوجاز نضع طبقه رز ثم طبقه خضار محمر ثم نضع الفراخ بالصوص في النص ثم طبقه خضار أعلي منه ورز من أعلي وعلي وشه ممكن نضيف زبيب,,
برضو نضيف زعفران وكركم للرز لاكتسابه اللون الأصفر الجميل,,
نضيف ماء للاناء بارتفاع سنتمتر واحد من سطح الرز,
ونتركه في نار هاديه ولازم يغرف من الاناء بطريقه عموديه عشان الطبق يحوي كل الطبقات والمكونات ,
يقدم حار وهو أصلا طعمه سبايسي بيطلع خطييير,,
ممكن للأطفال نضيف ليهم في أطباقهم كاتشب لأنهم بيحبوهو خالص,,
وممكن لو ما طلع سبايسي خالص نضيف للراغبين شطه من الجاهزه دي:
علي فكره في طريقه تانيه وهي انك تسلق الفراخ أوّل وتسوي الرز في شوربة الفراخ,,
وده شكل الطبق: (الصوره ما حقتّي, بتاعي ما صوّرته)
|
Post: #220
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-23-2010, 12:09 PM
Parent: #218
..
.
Quote: سناء خالد,, شكرا علي العصيده بالصور,,
تبلدينا اختفي في ظروف غامضه وما جاء ورانا ظبطت معاهو وللا لسه :)
في انتظار الملاح بالصور ياحبيبه :)
|
ابدا يا امانى
تصدقى وصفات سناء خالد دى اكتر حاجة بطبق فيها ..
وكانت الانجح نسبة للصور .. خصوصا مع الخمار البقى فى التلاجه دا
وطبعا لا ننسى كبدة دانية المكى :)
شكرا سناء على الوصفة بالصور شكرا ..دانيه شكرا امانى اسمارت
بت الحسين ..راويه .. هويدا .. وجن ..رشا ..
ما اكون نسيت واحدة من الطباخات ديل ..
اها بصراحة فجاة لقيت اخوانى الاولاد كلهم معاى فى البيت كدا بس
جاهم مزاج يأجزوا و يتلموا فى الشهر الصعب دا .. قلت يا ربي اليتامى ديل نعمل ليهم شنو حسي ؟؟
بقيت اطبع فى الوصفات واخليهم يجهزوا المقادير واجى انا اعمل فيها الشيف تبلدى ..
والواحد يستعين بكم تلفون داخلى .. للمراجعة ..
والله العظيم رمضان دا من غير امراة ( أم / اخت او زوجه )
والله مشكلة .. ما عندكم لينا حل فى العيد
-----------
انتو سارة هلى دى بتفطر فى المكتب ولاشنو ؟؟
وصفاتها كلها جك كركدى وبيض بالطوة ..
هاك دى :
رطل من ثمار التبلدى .. تسمى القونقليز
جردل نظيف به 2 لتر ماء
تنقع الثمار فى الجردل من الصباح حوالى 4 ساعات
قبل الافطار بساعتين ..
يضرب الخليط بكمشة / مفراكة / معلقة ..مسواط وط ايفر
ويصفى فى جك اخر .. ويضاف السكر ..
واحيانا يصب الخليط فى الخلاط .. ويخلط لمده 5 ثوانى
مع وضع 3 نقاط من روح الفواكة موز / فراولة ..
يوضع المشروب فى الثلاجة ويقدم باردا .. مع الافطار
مع وضع مكعبات ثلج ملون .. فى الكباية
للاكل :
توضع 4 بيضات فى الغلاية
ويضاف اليها قليل من الملح ( عشان ما تشقق فى الماء )
بعد 15 - 20 ..
تطفئ البوتجاز وتقشرى البيض ..
وتجيبى ( قصاصة ) البيض وتختى البيضه وتضغطى عليها
وتنزل حلقات .. تشتتى عليها شوية شمار وملح وزيتون اسود
واحيانا بعض الجبن ..
دليشز بالجد ...
الوصفات دى خاصة بساره على لانها فطورها القطر قام وكدا
ما بتاعت عصيدة وبسبوسة .. زى وكدا ..
|
Post: #221
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: فادية اليمني
Date: 08-23-2010, 01:33 PM
Parent: #220
رشا ازيك
انا جيتك بحلو بسيط وسريع
كمية من الفواكه
- فراولة، عنب، اناناس، منقة، كمثري
- كريمة شانتى (على حسب كمية الفواكه)
الطريقة:
- تقطع الفواكه لمكعبات صغيرة.
- تخفق الكريمة.
تضيفى الفواكه للكريمة وتقديمها وهى باردة
|
Post: #222
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: فادية اليمني
Date: 08-23-2010, 02:19 PM
Parent: #221
يامنوش و كل الحبيبات، والاولاد العزابة وخاصة (تبلديهم اليتيم)
انا بكتب ليكم بكمية بسيطة وانتوا بعدها زيدوا على حسب عدد الضيوف.
منوش واحاتك انا جنى وجن المقادير دى بعرف بالسنس (يعنى اسه انا اتقطعت)
بعد الشهر ده لو ما اتعلمتى (السينس) تبقى مشكلة كبيرة لوووول
اها اديكم وصفة الدجاج المشرب
المقادير:
- فرخة
- بصلة متوسطة
- خضروات بمقدار قطعتين متوسطات(بطاطس، جزر، فلفل اخضر،شطة خضراء، كرافس)
- بهارات (ملح،كسبرة، توم، قرفة، فلفل) رشة من كلا يا منوش اوووع يديك ما تزوغ
- 2 ملقعة كبيرة صلصلة (طماطم مخلوطة ان وجدت)
- زيت
الطريقة:
- تقطع الفرخة لقطع صغيرة و تسلق مع الكرافس وملح وقرفة.
- تقطع البصل لحلقات والخضروات بطريقة دائرية وتحمر.
- تضيفى الصلصة للزيت وتحل بقليل من الموية او شوربة الفرخة وتتبل بالبهارات
و تخليها لم تتماسك (صوص).
- تشلوح قطع الفرخة بسيط او تقلب فى الزيت.
- تضاف كل الخضروات المحمرة + الفرخة وتوضع فى النار لم تتسبك.
تزين ببقدونس مفروم وتقدم ساخنة
حاتعجبكم ان شاء الله بالهناء
شيف فدو
(الصورة نزلت كبيرة عشان كده سحبتها)
|
Post: #223
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-23-2010, 03:07 PM
Parent: #222
Rasha Salim
I will be back with recipes tonight for your party.
|
Post: #224
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سناء عبد السيد
Date: 08-23-2010, 04:10 PM
Parent: #223
سلام يا حبيبات
شكراً مريم على إعادة وصفة السمك , شكراً هويدا على وصفة الكنافة بالقشطة و على الصور و تسلم اياديكن
سارة , وصفة البطيخ موبالغة , و مستنينك لوصفة سلطة الدكوة معليش اصبري معانا عارفين نفسنا متعبينك شديد بالوصفات الصعبة دي
|
Post: #225
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-23-2010, 04:32 PM
Parent: #218
Quote: البقى عندك خمار فى الديب فريزر ..
|
لما قلنا جيبوا خمار من اي جارة ولي اخت ولي نسيبة
قلتو امرقوا من البلد
كلام الطويل ما بتسمع اصلا
|
Post: #236
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-25-2010, 09:07 AM
Parent: #225
..
.
Quote: : الله يعينك بتتعبي في المطبخ شكلك
|
قرقر قرقر قرقر ..
يا جماعة ساره دى المطبخ دا ما شايلاهوا ..
بتاكل تيك اوى ولا دليفرى ..
ما فاضية لشغلتكم دى ..
Quote: لما قلنا جيبوا خمار من اي جارة ولي اخت ولي نسيبة
قلتو امرقوا من البلد |
نعمل شنو يا شبكبك .. المعاناة تولد ( التوار ) ..
شبكتهم ليك الخمار ..الخمار .. قالو ما تكون قصدكـ التوار ..
الشئ دا عندو كم اسم ؟؟ وبكم لهجة ؟؟
----------------
غايتو المطبخ بقى لمه ونسه .. حاسبوا
نا تحرقوا الشيش كباب
|
Post: #226
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: لطفي علي لطفي
Date: 08-24-2010, 00:06 AM
Parent: #200
مريم
ضربت 4 مرات في الهوتيل و لكن مافي رد, نحن في انتظار الوصفات الجديده الامريكية
|
Post: #227
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-24-2010, 01:46 PM
Parent: #226
سلام.. و فوق حتى عودة..
انت يا شبكة ياخ مالا مواعيدك مواعيد عرقوب :))
سارة؟؟؟!!!
مريم وين؟
|
Post: #228
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-24-2010, 02:10 PM
Parent: #227
Quote: انت يا شبكة ياخ مالا مواعيدك مواعيد عرقوب :))
|
في شنو ياربي
حيرتيني ياسناء
|
Post: #229
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-24-2010, 04:09 PM
Parent: #228
Quote:
في شنو ياربي
حيرتيني ياسناء |
لااااا أكان كدا رمضان جد دخل العضم..!
كل يوم و انت طيبة..
|
Post: #230
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-24-2010, 05:30 PM
Parent: #229
سلام يا رشا.. أنا بحب البوفيهات.. و يا ريت لو قريت كلامك دا من بدري يمكن كان ساهمت معاك بشوية أفكار.. لكن المرات الجاية إن شاء الله..و أكيد انت براك ما قصرتي.. و على رأي راوية يمكن في الوقت الضيق الواحد أحسن ما يشتت أفكارو.. نحن برضو في انتظار تشركينا بأفكارك تنفعنا في عزومات المستقبل إن شاء الله
___________
تبلدينا لا شكر على واجب و أنا مبسوطة انها نجحت معاك.. دي أسهل من مهمة تفتيش العروس:))..
_____________
أها يا جماعة الخير.. كل ما ربنا يهون حنساهم معاكم.. انتو ما تحرمونا.. و علييييكم الله خبايز العيد.. أنا تلميذة بليدة في الخبايز :(( لأننا هنا لا بيجونا ناس يباركو العيد و لا غيرو.. فما بنخبز أصلاً.. لكن مرات مزاج بقوم أجرب عشان أحسس الأولاد انو في شيء جديد.. و وصفات الكعك و اللانكشير و البتيفور العندي كلها موضة قديمة.. بس عندي فرمالة بجيكم بيها إن شاء الله
بعيد عن الخبايز مشاركة اليوم واحدة من الريسيبيز المفضلة عندي.. لأنها سريعة في عملها و نتيجتها مرضية للضيوف و لناس البيت..
فطيرة التفاح أو Apple Crumble
لوازم العجينة:
2 كوب (300 جم) طحين..
3/4 كوب (175 جم) سكر بني
1 كوب (200جم) زبدة قطعيها مكعبات و خليها في درجة حرارة الغرفة.. (لما أكون مستعجلة بطلعها من التلاجة و بشتغل مباشرة و ما بحس بفرق!!)
ذرة ملح
رشة قرفة
لوازم الحشو:
2 تفاحة حمراء كبيرة.. حوالي 450 جم مقشرة و مقطعة مكعبات صغيرة
3 م ك (50 جم) سكر بني
1م ك طحين
رشة قرفة
شوية زبدة لمسح طبق الفرن.. حتقدميها في نفس الطبق عشان كدا زي صواني البايركس أو الفخار (الصيني) بتكون مناسبة.. تقريبا مقاس 24 سم
الطريقة:
سخني الفرن على درجة حرارة 180 درجة
في وعاء كبير أخلطي السكر و الطحين و ذرة الملح و القرفة
خذي قليل من الزبدة المقطعة و اخلطيها برؤوس أصابعك في الطحين.. و كرري العملية بالتدريج مع كل مقدار الزبدة.. حتى يتكون عندك عجين في شكل كريات صغيرة .. أو فيما يشبه فتافيت الخبز
إذا اتلبكت العجينة و أصبحت متماسكة مش مفتتة.. أربطيها في كيس نايلون و ختيها في الفريزر حوالي عشرة دقايق.. بعدين طلعيها و أبشريها بمبشرة الجزر (أو مبشرة الجبنة؟)!
في وعاء آخر أخلطي مكعبات التفاح مع السكر و الطحين و القرفة و ضعيه في صينية الفرن الممسوحة بالزبدة مسبقاً
أنثري فتافيت العجينة فوق التفاح (أو أبشريها فوقه مباشرة لو كنت جمدتيها) و دخليها الفرن و أخبزيها لمدة 40 إلى 45 دقيقة.. لحدي ما يحمر سطحها..
قدميها دافئة أو باردة..
|
Post: #231
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 08-24-2010, 08:01 PM
Parent: #230
عشان حركاتكم دي الفطور اجلناهو ليوم الخميس.
دانية وين الوصفات؟
ويا سناء عجبتني فطيرة التفاح دي حاجربها
بعدين ولو ظبطت نعملها يوم الخميس..
لغاية هسه الmenu بتاعي بيتكون من الآتي:
سمبوسة
فطاير بشكلين مختلفات
محشي ورق عنب(جاهز من السوق عشان مايجيني زول يقول لي وصفي)
سلطة خيار وجزر بالزبادي والمايونيز
سلطة تانية(مفروض تلقو لي وصفتها)
ملاح روب بالعصيدة(عصيدات صغار وكتار في قوالب القصدير)
ارجل دجاج محمرة(لانها ساهلة في الشيل وممكن تتزين بطريقة لزيزة)
صينية بالباشميل(لسه محتارة اعملها مكرونة ولا خضار)
سمك بصلصة الاناناس(دا سمك فيلية بيتحمر ويتغطس في صلصة حارة مع
الجنزبيل والجزر والفلفل الاخضر وحلقات الاناناس) خرااااااااافي
باقي الشوربة برضو ما عارفة ارسي علي شنو؟
اها اللستة دي قابلة لتعديلاتكم واضافة التحليات المناسبة
العصاير عادية..حلومر وبرتقال وتبلدينا ههههههههههه
|
Post: #232
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-25-2010, 03:18 AM
Parent: #231
ازيكم يا سيداتي... وفيك الخير يا سناء السألتي منّي وفقدتيني... ههههههههه.... انا خفست امريكا، في اسرع سفرية في التاريخ... مشيت مؤتمر وجيت راجعة... ومشتاقة ليكم شدييييييييييييييييييييد
رشوية... انا حأستفيد جزئياً من قائمتك، لانه عندي فطور الاسبوع الجاي... وحيكون فطور ضخم، لعدد كبير، عشان كده ما كل وصفاتك حتنفع معاي...
Quote: سمك بصلصة الاناناس(دا سمك فيلية بيتحمر ويتغطس في صلصة حارة مع
الجنزبيل والجزر والفلفل الاخضر وحلقات الاناناس) خرااااااااافي |
دي جذبت انتباهي عشان اعملها خلال اليومين الجايات ديل، الحقينا بالوصفة، ولو كتبتيها بدري بكره، حأعملها.. عندي سمك... منتظراك
حأشوفكم عملتو شنو بي وراي، عشان انا جيت راسي شاطب من االافكار بتاعت الفطور زاتو
|
Post: #233
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-25-2010, 03:33 AM
Parent: #232
سناء خالد، الوصفة حأعملها... نادر بحب الapple crumbs شديد... حأوريك النتيجة
|
Post: #234
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-25-2010, 04:15 AM
Parent: #233
يا سيدّات، يا ريت لو واحده عندها وصفة لملاح اللوبيا، تكتبها لينا... بحبه جدا الملاح ده، وما بعرف اعمله..
|
Post: #235
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-25-2010, 06:35 AM
Parent: #234
مريم حمدلله على السلامة.. دي غيبة محمودة.. و انجاز حلو .. موفقة دايماً يا رب..
أها يا ناس العزومات..مريم و رشا.. دي برضو واحدة من الثوابت بقت عندي في العزايم لأنها ما بتاخد وقت و في نفس الوقت بتعجب الناس و بتنفع للبوفيه أو للسفرة المعتادة..
أموني الوصفة دي إهداء خاص ليك.. برضو لأنو عارفاك بتحبي المشاوي..
شية السيخ بالفرن: (طبق سوداني)
دي أصلاً وصفتنا لشية الجمر أو الباربيكيو المعتاد.. مرة من ذات المرارير يا قول عزاز.. بعد ما جهزتها عشان أعملها بالجمر وصل الضيوف قبل الموعد بأكثر من ساعة .. و اتزنقنا في الوقت فدخلتها الفرن.. و من يومها ثبّتها في منيو العزومات و ما ولعت ليها جمر تاني.. و ما أظني أولعو إلا إذا كنا في رحلة أو العزومة أصلاً باربيكيو ما غيرو!
تحتاج اللحمة نقع في الخلطة لمدة ليلة كاملة حتى تطرى اللحمة و تطعم.. أو على الأقل انقعيها في التتبيلة أو الخلطة لعدة ساعات.. بس كلما قعدت أطول كلما بقت أحسن و بتريحك لما تجهزيها من بدري في العزومات
2 كيلو لحمة
بصلة
2 كوب زبادي أو (400 جم زبادي)
1 م ك ملح (عشان المقاس يكون مظبوط المقاس دا بالملعقة الاستاندرد Tbspأو Table spoon ..و في الحقيقة أنا بوزنها بالجرام.. لكل كيلو من اللحمة 8 جم ملح)
ا م ك كزبرة
1 م ك شمار ناشف
1/2 م ص فلفل
3 أو 4 فصوص ثوم
الطريقة:
قطعي اللحمة مكعبات بحجم يصلح لسيخ الشواء
ضعي مكونات التتبيلة في الخلاط و اخلطيها جيداً ثم صبي الخلطة في اللحمة.. ضعيها في وعاء ذو غطاء محكم (عشان ريحة البصل) و ضعيها في الثلاجة ليلة كاملة على الأقل.. (لما تكون لحمتك طازجة و ما مجمدة قبل كدة ممكن تعملي الخلطة دي و تحتفظي باللحمة في الفريزر لشهر أو اتنين!)
أغرزيها في سيخ قصير..(النوع المعدني تماماً ما فيه أطراف خشب)
حوالي خمسة أو ستة قطع (نصيب الواحد) للسيخة
أدخليها الفرن على درجة حرارة عالية ( في فرني بعملها ب230 درجة) لمدة 15 دقيقة
طلعيها من الفرن و قلبيها بسرعة و رجعيها الفرن مرة أخرى لمدة خمسة دقائق
قدميها مع الرز أو السلطة و شطة الدكوة طبعاَ :))
نفس الطريقة تصلح للدجاج.. أحذفي البصل من الخلطة و تبليهو ببهارات مختلفة زي الكاري.. و الملح للدجاج أقل بمقدار 7 جم للكيلو.. يعني نقصيهو ذرة عن اللحمة و ممكن تستبدلي الزبادي بكباية واحدة مايونيز أو نص كدا و نص كدا
|
Post: #237
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 08-25-2010, 09:18 AM
Parent: #235
..
.
والله يا سناء جوعتينا زاتوووو ..
انت البتعملى فيهو دا واقعى ولا اسفيرى سااااى .. ولاقطاها من كتاب
والله شية بتاعت السيخ دى .. ولا شيش كبابك دى شكلو شهى
وعجيب وغريب ..
---------
غايتو الواحد بدل ما يجى يشوف ناس الشارع
عملو شنو فيما يتعلق بحملة ( المكشاشة ) حيضرب
على الغداء .. ويعسكر للعشاء ..
|
Post: #238
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-25-2010, 09:28 AM
Parent: #235
ازيكم ياحبايب :)
الشيف سن سن (سناء عبد السيد) وينك غايبه؟, ساره علي مارجعت بوصفة سلطة الدكوه ولا البيض المسلوق لغاية هسي !!! :(
المهم بنعذرها لأنه واضح انها هلكانه في المطبخ باعيني وما لاقيه وقت خالص
شيف فدو ,,
تسلمي علي وصفة الفراخ وعلي تحلية الفواكه,,
عظمه علي عظمه يا ست
بس بطّلي تكاويني بموضوع السنس ده
وصفي لي زي سناء خالد كده, كم غرام ملح, وكم مل زبادي .. وهكذا
نداء الي دانيه المكي, رشا في انتظارك, العزومه اتأجلّت للخميس, هل تسمعني؟ حوّل
تبلدينا,, ماقصرت بخصوص وصفة الكركدي والبيض المسلوق,,
هسي ساره تجي توصف لينا شنو تاني ياربي؟
سنويه حبيبة قلبي,,
شكر خالص علي وصفة الشيه بالسيخ بالفرن,
حأجربها في أقرب فرصه انشاء الله, وأوريك الصوره :)
ومبسوطه لأنك كتبتي لي درجة حرارة الفرن والزمن,
عارفه لما يكون عندي حاجه في الفرن ما بعرف أقدر الحراره ولا الزمن,
وعادة بقعد أفتح الفرن كل خمسه دقايق
علي فكره عايزاكي لو سمحتي توصفي لي الرز الخطير ده بتظبطيهو كيف؟
أنا مع اني بعمل بطريقة مقدار رز ومقدارين مويه, لكن برضو ما بيطلع مفلفل ورزايه رزايه زي بتاعك الخطير ده,
يعني ما بيطلع معجن خالص لكن ماسك في بعضه شويه وما مفلفل 
عندك حل؟
ووين راويه وباقي وصفات الرز,
أنا أصلا الرز ده مجنني وطاير لي في راسي لووووووووول
مريومه حمد الله السلامه ونورتي البوست برجعتك,,
حد يروح أرميكا يومين؟
كان تزوّغي شويه من مطبخ رمضان لووووووول (نادر ما يسمعنا) ههههه
|
Post: #239
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-25-2010, 09:34 AM
Parent: #238
Quote: غايتو الواحد بدل ما يجى يشوف ناس الشارع
عملو شنو فيما يتعلق بحملة ( المكشاشة ) حيضرب
على الغداء .. ويعسكر للعشاء .. |
لووووووووووول@تبلدينا,,
تبلدينا ياخ دي سناء خالد والأجر علي الله,,
علي فكره بتعمل كباب خراااافي,,
حنّسها توصفه لينا :)
---
سنويه صحي عندي سؤال فيما يتعلق باللحمه,
في ناس بيضيفو ليها باكنغ باودر عشان يهششها,
رايك شنو في الحركه دي؟
|
Post: #240
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-25-2010, 04:14 PM
Parent: #239
Quote:
غايتو الواحد بدل ما يجى يشوف ناس الشارع
عملو شنو فيما يتعلق بحملة ( المكشاشة ) حيضرب
على الغداء .. ويعسكر للعشاء .. |
هوووووي يا تبلدينا.. تشوف شنو؟ انت تعهدت بشيل المقشاشة معانا إيد بإيد..خلي داير تبقى الناظر.. ما فينا نط!
بعدين بعد ننتهي من الكنس و النضافة.. نقعد نشوي.. و أنا أتعهد بتظبيط الشية زي الصورة و أحسن كمان
ثم انت المرة الفاتت تسألني لو قادة مطبخ..و هسة تجي تقول لي صور مجلات (هرشك)
الصور (المختومة) حقتي (قول ما شاء الله)..
بعدين دا الشغل الساهل.. الله يرحمها حبوبتي وكت كانت تتحسر على صحتها و تقول:
ياااا حليلي أنا وكت ما برقد أتكرفس .. وكت ما بمرق أتخفس..
ياااا حليلي أنا وكت ماني خميلة .. وكت بعوس الكيلة..
أها أنا هسة بقول: ياااا حليلي أنا وكت فيني يدين بيلفّن.. و يقطّعن و يرصّن..وكت بشدّ القدور.. وكت بعزم الفصول..
أختك بقت حبوبة بدري بدري.. إييييييييه.. يا الله حسن الختام
|
Post: #241
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-25-2010, 04:43 PM
Parent: #240
موني .. لحمة بالبيكنج باودر دي أول مرة أسمع بيها! البصل و الزبادي الاتنين بيهششوا اللحمة.. عليك بهما
كلام الرز دا قبيل بعد كتبتو مسحتو.. قلت هم دايرين بالنقة الكتيرة دي شنو!
بجيك بكرة إن شاء الله.. و بدون فلفلة :(
|
Post: #242
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-25-2010, 05:44 PM
Parent: #241
ياسناء
الشية دي محتاجة تجربة اكيد
بجربها قبل تبلدينا الاستاذ دا
|
Post: #243
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-26-2010, 01:54 PM
Parent: #242
سلام يا جماعة..
مشاركة من خارج الحدود من شقيقتي سحر..
Quote:
أمااااااني الأميــــــــــــــــن ... و ناسها الحلوين ..
رمضان كريــــــم و كل سنة و انتو كلكم طيبين و تصوموا و تفطروا على خير يا رب
متابعة البوست دة من اول يوم يا أماني و ما شاء الله عامر بالأفكار و الحاجات اللذيذة البتساعد الواحد كتير في شغل المطبخ
يديكم العافية كلكم ماشاء الله خطيرات ، كل وحدة فيكم بلمساتها الخاصة ..
* الأخت العزيزة مريم بنت الحسين .. عملت كم حاجة من تطبيقاتك و طلعو مية مية .. تسلم ايديك يا رب..
و بالمناسبة انا كمان عندي عزومة افطار الاسبوع الجاي ان شاء الله و لعدد كبير .. ممكن اشوف المنيو بتاعك الاول وبعدين أقرر؟؟
وسجلت كم حاجة من لستة الدكتورة رشا سالم و منتظرة أشوف وصفة السمك ب الاناناس .. و طريقة التقديم ..
* و يا سناء .. يمكن أماني تقصد اضافة الكورن فلور للحمة مش البكنغ باودر.. فعلا اضافة القليل منها للدجاج او اللحمة بخليها هشة ..الحاجة دي اتعلمتها من الآييي بتاعتي..
أماني .. لو سناء بقى عندها روح لي .. حأتلحكم بالايميل ..اعمل شنو فقيرة انا ما عندي باسوورد
اتحملوني.. اووكيي.. في أمان الله ))
سحر خالد
|
الآييي دي أنا قريتها الآيبي في الأول .. وقلت محمد معانا شهاب ما يغشانا (الترجمة : آييي - شغالة)
ما عندك مشكلة يا سحور.. أأجر ليك الباسوورد.. رخيييييص.. توب حرير كل تلاتة مداخلات.. و لو فيها صور يمكن الموضوع يقلب ستاير
أها معلومة الكورن فلور دي ذاتها جديدة علي.. انت شكلك بقيتي تذاكري من وراي :)
أمون .. المعلومة الصينية دي كيف؟ و لا مفروض أسأل ماما دومة؟
________
رشا كيف كانت العزومة؟ أنا برضو مستنية وصفة السمك بالأناناس.. الأكلات ال sweet and sour مفضلات عندي
منتظرينك
_______
شبكة ..جربي الشية بإذن الله حتعجبك.. نسيت أقول ليكم ختو الأسياخ فوق الجزء الشبك أو السلك من صينية الفرن.. و خلي الصينية تحته مباشرة
عشان تتلقى الدهن و السوائل النازلة من اللحمة
|
Post: #244
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 08-26-2010, 02:44 PM
Parent: #243
أمون.. بخصوص الرز..
الرز الياباني ما بيتفلفل.. نوعه sticky و دا البخليهو بيتشال بالهاشي.. أو الchop sticks و يتشكل في شكل كرات عشان السوشي و كعكة الرز..
يعني أنا لي اتناشر سنة ما فلفلت رز.. بنجضو بحلة الرز الكهربائية
و دي مقاسها للرز و الموية بالكباية مظبوط.. عشان كدا صعب يبوظ ليك رز.. و مستحيل يحرق!!
بعملو رز أبيض عادي.. و بعدين بخلطو بالخلطة دي..
بصلة
جزرة
بطاطس حسب الحجم لو كبيرة قطعة واحدة كفاية
توم
قطعيهم ناعم .. و ختيهم في طوة في شوية زيت و خليهم يحمرو شوية.. بالذات لبصل و البطاطس.. بعدين أضيفي ليهم شوية موية و مكعبين مرقة و زبيب و البهارات.. أي بهارات بتحبيها.. في الصورة الفوق واضح اني استعملت بهارات كاري.. لكن سحنت ليها زيادة حبهان و عودين قرنفل و قرفة و حبة كاملة ليمون أسود (لومي)
الخليجيين بينجضو الليمونة السوداء بطولها مع الرز.. لكن أنا بحب نكهتها و طعم الحموضة بتاعتها و بكون عايزاه يظهر كويس في الرز.. فبسحنها ناعم جدا.. مع البهار.. و بضحي باللون لأنها طبعاً بتغمقو.. بس لذيذة
بعد ما تبلت الخلطة دي و دوبت المرقة كويس بطعمها بملح زيادة حبتين عشان يطعم الرز كويس و بخلطها معاه و برجعه النار شوية عشان يتشرب الخلطة..
معليش لأني ما عندي مقادير ثابتة للوصفة دي.. لأني ما بلتزم ليها بمقدار.. بس زي ما قلت ليك أعملي الرز الأبيض براه بعدين أضيفي ليهو خلطتك..
نكهة البصلة التوم و البطاطس المحمرين.. مع أي بهارات انت تختاريها.. و ظبطة الملح.. بتطلع ليك رز لذيذ.. أتمنى زول تاني يفيدنا في فلفلة الرز
|
Post: #245
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 08-26-2010, 05:51 PM
Parent: #244
ازيكم يا شباب (و معاكم حبوبة سناء)?
كتابة الوصفات صعبة عديل كده. انا اسهل لى انظر بس.
Quote: سنويه صحي عندي سؤال فيما يتعلق باللحمه,
في ناس بيضيفو ليها باكنغ باودر عشان يهششها,
رايك شنو في الحركه دي؟ |
مونى...ما سمعت بموضوع الباكنغ باودر للحمة. لكن المعروف (شدى حيلك للتنظير) .....عشان تهششي لحمة ختى فيها اى حوامض(طبعا ما خامض الهيدروليك المخفف) (ناس علوم ...بتكونوا فاهمين الكلام ده كويس) . لو عصرتى فيها ليمون بيهشش اللحمة. و الزبادى بيعمل نفس المفعول. و اللحمة اللى فيها شحم دائما اطرى (و اغلى) من اللحمة الصافية.
|
Post: #246
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: GamarBoBa
Date: 08-26-2010, 07:33 PM
Parent: #245
انتو يا جماعة!
ده مطبخ رمضان ولا ركن بتاع اورينتال فود في كارفور...ده شنو الاستلاب الغذائي الحاصل ده
دي شنو اللغاويس البتركبوها في النار علي قول جد عمران
اصلو انتو الله ما فتحها علي وحدة تقوم تشتغل ليها قراصة تركين أو (ملوحة)...
انزل ليكم مانوال؟؟
بالدكوة في وبالصلصلة في وساده في وشكل بيتزا وفطائر ذاتو في
انزل؟؟
رز شنو البياكلوه في الافطار...نحن كنا صايمين اصلو ولا معزومين في وادي الدواسر
_
رمضان كريم للجميع ..اصلو الأذان لو أذن وفي بلح وموية الباقي كله هين
|
Post: #247
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 08-26-2010, 08:06 PM
Parent: #246
دى وصفة حلو جميلة جدا. كيكة بكريم كرمل. فى ناس بيسموها "بقدرة قادر" و السبب ان الكرمل بيكون فوق الكيكة و بينجضوا مع بعض.
المقادير:
لكريم للكرمل:
* علبة لبن مركز...طاعم.
* اتنين و نص كوب ماء مغلى
*٥ بيضات
*٢ ملعقة صغيرة فانيلا
للكيكه* كباية دقيق
* ٣ بيضات
* نصف كباية زيده
* ملعقة صغيرة بيكن باودر
* ربع ملعة بيكن صودا
الطريقة
*اعملى كرمل صوص بحوال تلاته ارباع كوب سكر فى قالب كيك.
*لخبطى كل مكونات الكريم...لخبطيهم سمح...كبيهم براحة فى قالب الكيك فوق الكرمل.
*لخبطى كل مكونات الكيكة و اضربيها بمضرب لمدة ٤ دقايق.
كبى عجينة الكيكه براااحة فى الكرم (فى النص تماما)
* ختى قالب الكيك فى الفرن فى حمام ماء (يعنى ختى القالب فى حلة اكبر منه فيها موية و دخليهم الفرن)
خليهم فى الفرن حوالى ٤٥ دقيقة ل ٥٠ دقيقة فى درجة حرارة ١٢٠ درجة
* طلعيها من الفرن ...خليها تبرد...دخليها التلاجة ساعتين تلاته.
* اقبيها و قدميها
* شكلها عجيب و طعمها خرافى
ـــــــــــــــ___
حقيقى ما عملتها قريب. لكن ح احاول افتش صورة من النت.
|
Post: #248
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 08-26-2010, 08:22 PM
Parent: #247
I have to say, this photo is not taken by me
|
Post: #249
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Dania Elmaki
Date: 08-26-2010, 08:53 PM
Parent: #248
"بقدرة قادر
I love it, my recipe is similar, instead of water I use evaporated milk.
|
Post: #250
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-26-2010, 10:56 PM
Parent: #249
سحر خالد شخصياً... ما تتصوري مشتاقين قدر شنو، والزول زي البعرفك من زمااااااااان... والله انا سعيدة جداً انك متابعانا والله البوست ده بوفّر على الواحد اكعب حاجه، وهو التفكير في انه يعمل شنو...
الليلة عملته my version من الشية بتاعت اماني، بعملها بي صدور الدجاج... لزيزه شديد وصحية خالص... تقريبا نفس التتبيله البتعملها اماني... بس بعمل صدور.. وبستخدم السيخ الخشب عشان اقدّمهم بيه... بكون شكلها جذّاب وظريف خالص... الصور دي ما بتاعين الليلة، لكن نفس الطريقة مافي فرق
ده شكلها قبل ما تستوي
وده شكلها بعد ما استوت
برضه عملته سلطة حلوه وبحبها جداً، وهي سلطة السبانخ... لزيزه جداً... وده شكلها بالخطوات
اول شي تعمل خبز محمّص في الفرت مع زيت زيتون... يكون بقرمش.. ونكبه في الصحن التقديم
بعداك في الطوه، نقلبه بصله مقطعه وتوم مع السبانخ وليمون وملح وفلفل (انا بستخدم السبانخ المثلج، بس بعصره من المويه الفيه)، ونكبه فوق الخبز
بعداك نعمل صوص بي زبادي وليمون وتوم وملح وفلفل... روووووووح الصوص دي الليمون، ونكبها فوق السبانخ والخبز، الخطوة دي قبل التقديم عشان الخبز ما يبقى لين بالزبادي .. ونكب فيها شوية زيت زيتون....
في من نفس السلطة دي نسخة بي الرجلة... بس الرجلة تكون نيّة من غير ما تتنجض.... روعه، صحية، ومصدر مباشر للحديد..
بالنسبة للعزومة بتاعتي يا سحر، انا ما عارفه حتكون زي حقتي ولا لأ... لانه انا بعملها للجمعية بتاعت المحس (نسابتي) ههههههههه نادر محسي طبعا، وعاملين ليهم جمعية.. يوم يكون الفطور علي، بعمل ليهم الاكل بكميات وبوديه، وطبعا عزّابة بس، مافي سيدات... على اي حال.. so far، الاكل حيكون كالتالي
فول مظبوط (بحب اعمله فول وابشر فيه جبنه... وبقطّع معاه بصله وطماطم وجرجير صغاااااار وزيت سمسم) ما بحب اعمل ليه برامج كتيره...
شوربة (محتاره، السنة الفاتت عملته ليهم mushroom creamy soup وعجبتهم شديد، ما عايزه اكررها.. لكن ما عارفه البديل)
سلطة روب (زبادي خيار وجزر)
دمعة دجاج (هم بحبوا القراصة وبرموها براهم)
كبدة او لحمة مقلّبة
الحلو، أم علي
عايزه اعمل بيض، ما عارفه بيض اسكتلندي ولا اعمل ليهم سلطة بيض (برضه عملتها السنة الفاتت ولاقت استحسان كبير)...
ورينا قائمتك يا سحر عشان نستفيد من افكارك.... معليش يا سناء، الله يعينك على العتاله هههههههههههههه ليك اجر المناولة...
الوصفة رهيبة يا سمارت.. عجبتي شديد... بس انا بقت عندي عقدة من الكيك... for some reason بقيت يا حرقتها يا طلعت ما نجيضه!!! يدي فكّت من الكيك، يا حليلي... زمان كيكتي بالاحساس ساي بتظبك... :(.... غايته عجبني فيها برضه انه الدقيق بتاعها شويه، وما محتاجه دلع .. جني وجن الكيكة البدلّعوها....غايته بغمّض وبعملها
|
Post: #251
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-27-2010, 09:59 AM
Parent: #250
سحوووووره,,
ازيك ومشتاقين والله, وحلوه جدا طلتك في البوست ومتابعتك :)
كيف حمودي ومازن؟ وعامله شنو مع رمضان والعيال :)
موضوع الباكنغ باودر, أنا متأكده انه باكنغ باودر والله, ماعارفه موضوع الكورن فلور ده,
لكن شكلها نظريه صينيه مشابهه, والصينيين ديل أنا ما بستهون بيهم نهائي,
ناس عندهم حضاره وخبره وجنّهم أكل
سنويه أنا رايي تدي الباسوورد لسحوره طوالي,
ولا ايميل ولا توصيله ولا تياب حرير
خليها تشاركنا بخبرتها ووصفاتها, وأهم حاجه الصور طبعا :)
|
Post: #252
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-27-2010, 10:09 AM
Parent: #251
| Quote: عشان تهششي لحمة ختى فيها اى حوامض(طبعا ما خامض الهيدروليك المخفف) (ناس علوم ...بتكونوا فاهمين الكلام ده كويس) . لو عصرتى فيها ليمون بيهشش اللحمة. و الزبادى بيعمل نفس المفعول. و اللحمة اللى فيها شحم دائما اطرى (و اغلى) من اللحمة الصافية. |
ههههههه, قلتي لي (HCl (dil مابينفع؟ H2SO4 كيف طيب؟ هههههههه
ذكرتيني اللابات بتاعة الكيمياء لوووول
تنظيرتك سليمه لأنه في ناس بتضيف الخل (حمض الخليك لوووووووول) للحمه عشان يهششها برضو,
موضوع الباكنغ باودر ده برضو مجرّب وحقيقي سريع ومفعوله فوري, جربيهو وورينا الأكيده :)
شكرا خالص علي كيكة الكراميل,,
شكلها جميل خالص و tasty :)
برضو شكلها عاوزه حرفنه وشغل معلّمين
|
Post: #253
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 08-27-2010, 10:49 AM
Parent: #252
قمربوبا,,
Quote: اصلو انتو الله ما فتحها علي وحدة تقوم تشتغل ليها قراصة تركين أو (ملوحة)...
انزل ليكم مانوال؟؟
بالدكوة في وبالصلصلة في وساده في وشكل بيتزا وفطائر ذاتو في
انزل؟؟ |
هسي نقول التركين مافي ثقافتنا الغذائيه نبقي في سين وجيم,
كفايه القراصه خلّت عمو رغيم شخصيا فتح لينا بوست هزّأنا بسببها
بعدين تعال, تركين في رمضان ده كيفنّو,
الفطور تركين بالصلصه وحفّاظة مويه وللا كيف؟
غايتو شايفه مريم قالت نادر محسي وبتعمل لنادي المحس عندهم دمعه للقراصه,
يبقي أكيد موضوع التركين ده حيتطلب منّها في يوم,
تعال نزّل وصفتك خليها تتعلم التركين في شكل بيتزا وفطائر للزمان,, :)
مريومه قمربوبا ده محسي رطّاني درجه أولي,
خليهو يشففك أكلات المحس لو لسه ما اتعلمتيها :)
--
موضوع الاستلاب الثقافي واللغاويس ده بخليك لسناء خالد,,
هسي بتجيب مقشاشتها أقصد مفراكتها وبتجيك
|
Post: #254
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: وجن
Date: 08-29-2010, 09:50 AM
Parent: #253
والله يا موني الباس ويرد موجود بس المزاج مافي
عموما انا جاية اشكرك جدا جدا جدا
على ملاح الروب الرهيب دا على قولك ملاح معلمين مع العصيدة طلع شي خرافي
نحن ماناس عصيدة لكن عملتها لجاراتي اتبسطوا منها جدا
وحتى زوجي اتكيف ليها مع انو ما من رواده
وماما قالت لي عصيدة العيد عليك السنة دي طيب
وطبعا عاوزة اشكر سناء خالد برضو على العصيدة الظريفة والساهلة
انا عملتها اول بطريقة رشا سالم تقريبا مش كده
البزبادي بس كان طعم الزبادي طاغي وطلعت لينه شديد وعاوزة فتره عشان تتماسك
اما بطريقة سناء خالد ظريفة وساهله
بوست ظريف بشكرك عليه انتي وكل المتداخلين بفك الحيره :)
|
Post: #255
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-30-2010, 00:40 AM
Parent: #254
Quote: غايتو شايفه مريم قالت نادر محسي وبتعمل لنادي المحس عندهم دمعه للقراصه,
يبقي أكيد موضوع التركين ده حيتطلب منّها في يوم,
تعال نزّل وصفتك خليها تتعلم التركين في شكل بيتزا وفطائر للزمان,, :)
|
وحاتك القراصة اخدته الcertificate بتاعتها من شهرين بس، قبلها كنت ممنوعه اعملها لأي زول من خارج المنزل... لكن خلاص اخدنا الشهادة وبقينا معلمّين... انا اهلي ما بياكلوا القراصة ولا بدوروها، وانا حسي لما اسويها بكون ضامنه لي اكل غيرها، في خشمي ما بدخّلها... وحاتك، لحدي اللحظة دي ما شفته لي تركين... ما تعملوا لينا فضايح... غايته المعلومة الجديدة انه قمر بوبا طلع من نسابتي ههههههههههه
ياخوانا منتظرين افكار العزومة، خلونا ننستر مع النسابه ديل
|
Post: #256
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-30-2010, 06:52 AM
Parent: #247
سمارت
كدي عن بقدرة قادر تعالي بيجاي
Quote: الطريقة
*اعملى كرمل صوص بحوال تلاته ارباع كوب سكر فى قالب كيك.
*لخبطى كل مكونات الكريم...لخبطيهم سمح...كبيهم براحة فى قالب الكيك فوق الكرمل.
*لخبطى كل مكونات الكيكة و اضربيها بمضرب لمدة ٤ دقايق.
كبى عجينة الكيكه براااحة فى الكرم (فى النص تماما)
* ختى قالب الكيك فى الفرن فى حمام ماء (يعنى ختى القالب فى حلة اكبر منه فيها موية و دخليهم الفرن)
خليهم فى الفرن حوالى ٤٥ دقيقة ل ٥٠ دقيقة فى درجة حرارة ١٢٠ درجة
* طلعيها من الفرن ...خليها تبرد...دخليها التلاجة ساعتين تلاته.
* اقبيها و قدميها
* شكلها عجيب و طعمها خرافى
|
عايزة تفاصيل اكتر
ما فهمت صوص الكرامل
|
Post: #257
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Al Sunda
Date: 08-30-2010, 07:24 AM
Parent: #256
وقالت بنت الحسين
| Quote: ياخوانا منتظرين افكار العزومة، خلونا ننستر مع النسابه ديل |
طالما النسابة ديل محس
لا فكاك من القراصة كطبق رئيسي كان بشهادة او بدونها
وقد يكون البديل الرقاق الخليجي إذا انتي في منطقةالخليج
الرقاق الخليجي اشبه بالكسرة الحلوة في السودان
اي السلابية عند الحلفاويين او الايدي ويرا عند المحس ناس قمر بوبا
وكبديل قد يكون اسهل واخف واحلى مع دمعة الدجاج
واضمن ليكي رضا النسابة 100%
بالمناسبة ما في رطاني بياكل ملوحة او تركين في رمضان
|
Post: #258
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 08-30-2010, 07:50 PM
Parent: #256
مريوم ....جربيها الكيكة دى.
دانية....انا بعمل لبن مركز و يكون مطعم.
SHIBKA....الكريم كرمل (الحلو الواحد ده) مكون من الكريم و من الكرمل.
الكريم كتبته مكوناته (البيض و اللبن و كده). اما الكرمل (او الكرمل صوص) فعمله ما ساهل. و ذى البشمل....عاوزه ظبطه.
اختى السكر فى حلة فى النار و ختى ذى ملعة او ملعقتين موية و افتحى نار متوسطة. ما تبعدى من النار ولا حتى ثانية واحده. خلى عينك على النار وقلبى السكر. ح يبدا لو السكر يتغير. مهم انك تفضلى تقلبى عشان اللون يكون متماسك. او ما (يقرب) يبقى لون الكرمل اطفى النار و ارفعى لحلة و كبى الصوص فى قالب الكيك بتاعك. خلى الصوص يتمسح فى القاع و الحيطان بتاعة القالب كلها. و اعملى الكريم و الكيكة حسب الموصفات.
|
Post: #259
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-31-2010, 07:43 PM
Parent: #258
يا سيدات...
بعلي العزيز عيد ميلاده بكره، وعايزه اعمل ليه فطور غير... لحدي حسي القائمة كده:
كفته دجاج (دجاج مسلوق مع بشاميل، بتعمل شكل كفته ويتقلب في شوية زيت)
كريب مع لحمة مفرومة (كريب بتلف جواه لحمة مفرومه وفوقهم صوص بتاعت صلصة مع توم)
سلطة حمّص بالطحينة
بطاطس بالكريما (بطاطس وبصل مع اعشاب وكريما، في الفرن)
الحلو
حأعمل بقدرة قادر، كيكة العيدميلاد
وحلاوة جبنة بالقشطة وكيري، لقيت الوصفة في وصفات جبنة كيري بنزلها ليكم لما اعملها
حأعمل عصير جنزبيل مع سفن اب، لقيت وصفته في المطبخ السوداني في فيس بوك
ناقصاني حاجة تكون بتتغمّس او مع رز... ادونا افكار بالله... جنزيد خمسه كيلو، لكن عايزه احتفل بيه والله، كل سنة قاعد يحتفل بي ويفاجئني... ما دايره اتلوّم والله ههههههههههههه
وبنزل ليكم الصور كلها بكره
|
Post: #260
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: سارة علي
Date: 08-31-2010, 08:27 PM
Parent: #259
المحيرني انو النساوين ديل يا متزوجات يا شغالات يا بيعملو في دراسات عليا .. او التلاتة معا
في حالة التلاتة معا دي,, بتلقوا زمن وين ؟؟؟
اسمعن نصيحتي واستغلن الوقت ..بدل تنجضن اكل امشن نجضن بالنقة رجالكم نق نق نق وبالتالي تضمنوا حياة زوجية طويلة المدى
ولا شنو يا اماني..؟؟
اسالوني كيف النقة بتديم الزواج ..بوريكم
ـــــــــــــــــــــــــــــــ
تبلدينا نجهتني وبقت يدي فالتة في المطبخ ..
|
Post: #261
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: SHIBKA
Date: 08-31-2010, 10:28 PM
Parent: #260
سارة
Quote: اسالوني كيف النقة بتديم الزواج ..بوريكم
|
بركاتك ياشيخة سارة
انتي لو عارفة انا بلاقط الزمن ملاقطة كيف؟؟
سمارت
بجرب وبديك النجيضة
ماقصرني والله
|
Post: #262
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 08-31-2010, 11:17 PM
Parent: #261
Quote: المحيرني انو النساوين ديل يا متزوجات يا شغالات يا بيعملو في دراسات عليا .. او التلاتة معا
في حالة التلاتة معا دي,, بتلقوا زمن وين ؟؟؟ |
سك سك شغالين ما بين التلاته وحياتك
|
Post: #263
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 09-01-2010, 07:14 AM
Parent: #262
مريومة..ح اجيك بعد شوية بوصفة مغربية... دجاج بالكسكس ...الدنيا مقلوبة عندى هسى....و ما ح اقدر اكتب حرف زيادة..لكن بجيك راجعة...وعد
|
Post: #264
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: smart_ana2001
Date: 09-01-2010, 10:10 AM
Parent: #263
رجعت....
المقادير:
1 كوب كسكس
1 ملعقة زيت نباتي
1 بصل متوسطة .. مقطعة صغار
2 bay leaves
5 قطع قرنفل
1 / 2 ملعقة قرفة مسحونة
1 ملعقة صغيرة من الكركم الجاف
1 / 4 ملعقة شاي cayenne pepper مجفف
6 قطع صدور جداد مقطعة مكعبات
كباية كبكبى
5 قطع طماطم متوسطة..برضو مقطعة ناعم الطماطم
3كبابى مرق الدجاج
2 الجزرات ، مقطعة مكعبات
2 قطعة كوسة متوسطة ...برضو مقطعة مكعبات
و انا بضيف ليه نص كباية زيتون من غير بزور
الطريقة
حضرى الكسكس ذى ما مكتوب فى العلبة
سخنى الزيت فى حلة كبيرة...كبى البصل و قلبيه لحدى ما يبقى طرى جدا
كبى كل البهارت و الجداد و قلبى لحدى ما الجداد لونه يبقى دهبى
كبى الكبكبى و الطماطم و الشوربة والزيتون و انتظرى لحدى ما كله يغلى..اول ما يخلى وطى النار و اديه ذى نصف ساعة كده
اخر حاجه كبى الجزر و الكوسة و حبة ملحة و اديه ذى 15 دقيقة كده او لحدى ما الجزر يبقى طرى
لو حسيتى بالاكلة خفيفة شديد تقليها ب حبة كورن فلور و لو حسيتى بيها خفيفة اديها شوربة جداد زيادة
و اهو تغيير................ بدل الرز اكلو كسكس
سارة ....نعمل شنو ؟ انا غايتو مجبورة...لو خلونى بنووووم فى البيت. لا شغل بره البيت و لا شغل جوه البيت....جلدى حلو و بحب الراحات و الفارغة.....لكن تقولى شنو....حال الدنيا.
|
Post: #265
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 09-01-2010, 11:06 AM
Parent: #263
وجن ياحبيبه,,
Quote: عموما انا جاية اشكرك جدا جدا جدا
على ملاح الروب الرهيب دا على قولك ملاح معلمين مع العصيدة طلع شي خرافي |
بالهنا علي قلبك ,,
الوصفه علمتني ليها رحاب صحبتي, وهي شغلها كله بتاع معلمين وحياتك
مريومه كل سنه ونادر وانتو طيبين 
مستنيين معاكي سمارت ووصفتها :)
بعدين نزلي لينا الصور أهم حاجه,,
ساره علي,,
Quote: .بدل تنجضن اكل امشن نجضن بالنقة رجالكم نق نق نق وبالتالي تضمنوا حياة زوجية طويلة المدى
ولا شنو يا اماني..؟؟ |
مافي طريقه غير دي؟
النقه دي بتنجضني أنا قبال ما تأدي مفعولها في الطرف التاني ههههههه
والله ياساره مابكره حاجه في الدنيا قدر النقه والكلام الكتير,,
بعدين الرومانسيه بتاعة مريم دي مالها؟ عيبيها لي؟!!! أعياد ميلاد ومفاجات والموضوع بيمشي
عليك الله ياساره الا النقه , فكّري في حاجه معقوله شويه
|
Post: #266
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Tabaldina
Date: 09-01-2010, 11:39 AM
Parent: #265
..
.
| Quote: تبلدينا نجهتني وبقت يدي فالتة في المطبخ .. |
قرقر قرقر قرقر
ان شاء الله نجيهه السرور الدخلتك المطبخ وريحتك من الدللفيرى
وشاورما النخيل .. :)
بالله مافى واحدة تورينا بعملو ( ام جنقر) كيف ..!!
الاسم لو صعب جلو الفكرة انتو ما ناس بسبوسة وبيتزا
-----------
يا طباخات انتو ...
بالمناسبة البخلى كفته البطاطس تتفتفت شنو ؟؟
رغم وجود البيض دقيق الفينو ؟؟
|
Post: #267
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 09-01-2010, 09:21 PM
Parent: #266
Quote: يا طباخات انتو ...
بالمناسبة البخلى كفته البطاطس تتفتفت شنو ؟؟
رغم وجود البيض دقيق الفينو ؟؟ |
والله يا تبلدينا ياخوي انا زاتي بتحصل لي الحاجه دي، كل مره اعمل كفته بطاطس تواجهني المشكلة دي، غايته كل فترة لقيت لي وصفة شكلها سمحه... احتمال اعملها بكره... غايته دي الوصفة.. من المطبخ السوداني في الفيس بوك
Quote:
* المقادير:
1حبة بطاطس كبيرة مسلوقة
1 معلقة جبن سائل مالح (يعطي الدسامه وبديل الملح)
فلفل اسود رشه
1بيضة
كمية من البقسماط (خبز ناشف مطحون)
بقدونس مفروم ناعم
زيت للقلي
* الطريقة:
1. تهرسي البطاطس ناعم وتضيفي الجبنه السائله والفلفل والبيضه .
تضيفي البقسماط شوية شويه لحدة ما تحس العجنه اتماسكت شويه
تدخليها الثلاجة لمدساعة عشان تتماسك اكتر
بعد كده تبدي تلفيها اصابع ..ويكون جمبك شويه زيت تمسحي يدك وانتي بتلفي عشان ما تتلصق ليك وتاني تغلف بالبقسماط ولحدة ما ينتهي
المقدار.
وعلي زيت حار وغزير لحده ما تاخد اللون الذهبي |
ده اللنك بتاعها http://www.facebook.com/topic.php?uid=323845690385&topic=13666
*ملحوظة: والله وقت وصلت كفته البطاطس، معناها ما عندك عوجه هههههههههههه
سمارت ازيك، طبعا ما شفته وصفة الكسكس إلا بعد وقت متأخر جداً... قبل ساعة من الفطور... انا بحب الكسكس جداً... نادر ما خالص معاه... لكن طبعا بقدرة قادر طلعت هههههههههههه اسكتي ساي بس... غايته الكريم كرميل نزل بالجنبات اول ما قلبتها... وجيت شايلاها وزعلانه.. غايته نادر طيّب خاطري، قال لي كل ما الزول يكبر كيكته بتبقى مكرمشّه .. لكن طعمها طلع خرافي، حمودي الما بياكل كيك اكلها... طعمها حلو... بس شكل الكريمه نازله بالجنبات كده يبكّي... اعتقد انا غلطه في اني استخدمته قالب مخروم من النص...
اما الصور، فما تحلموا بيهن ، ما لحقت صورته اي شي، إلا الكيكه صورتها، بنزل ليكم صورتها.. طبعا عملته مع الحاجات الفوق دي قراصة بي دمعة لحمة...
|
Post: #268
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Sana Khalid
Date: 09-03-2010, 09:05 AM
Parent: #267
ازيكم يا جماعة
آمون و مريم .. لسة ما لامة في سحر من اليوم داك.. و يا سحور ياخي تعالي نحن مستنينك.. نداء عبر سودانيز.. بالله دي حالة دي!
وجن.. لا شكر على واجب و آنا سعيدة بكلامك عشان سترني مع آبو حسن.. و دعم موقفي بشآن تصوير الحلة و هي بتغلي.. باقي لي خالد دا الالكترونيات عندو زي وليداتو :))
...
عن اذنكم عندي كلمة سر مع قمر بوبا..
آول حاجة كل سنة و انت طيب يا قمر.. تاني حاجة برااااحة كدا الناس ما يسمعوني.. التركين دا ملاح شنو بالضبط؟ عليك الله آكان تضحك علي.. آنا و الله لحدي الويكاب و الكول البيفتوه بفوقو بعرفو .. لكن التركين ما بعرفو و الله.. الملوحة برضو ما حصل شفتها و لا جربتها.. بس بسمع بيها من زمان في المسلسلات المصرية قبل المنبر دا و عرفت انها حاجة زي الفسيخ.. مش كدا؟
لكن آنا معاك في قصة الرز في رمضان دي.. آنا كان ما عزايم العرب ما بعملو في رمضان.. لآني الفطور المثالي بالنسبة لي عصيدة حااااااارة بتقلية.. لكن آعمل شنو دا طلب آماني صاحبتي.. قعدت سنة واحدة في الصين قلبت آسيوية.. :)
ــــــــــــــــــــــــــ
اللقيمات (المظبوطة يا قول دانيا)
4 كبايات دقيق
3 م ص خميرة
1و 1/2 (واحد ونصف) م ص ملح
3 كبايات موية
اعجنيها و خليها لحدي ما يخمر العجين و يفور حوالي ساعة لساعتين حسب الجو
حيلزمك تعمليها في طوة غريقة و كمية وفيرة بتاعة زيت ..لو ما عندك طوة غريقة آو صاج صيني يبقي آحسن تستعملي حلة من انو تكون طوة مفلطحة!
راعي انك لما تجي ترمي اللقيمات في النار.. لازم.. و تاني بكررها.. لازم.. تعجني العجينة كويس بيدك بعد ما فارت عشان تطلعي كل فقاقيع الهواء الفيها.. آثناء الشغل برضو و بين كل رمية و التانية كرري العملية دي.. لآنك لو رميتيها في الزيت بدون ما تطلعي الهواء الفيها فاستعدي لقنابل و مفرقعات حارة بتاعة زيت ممكن تحرقك انت و الجنبك.. لا سمح الله
عشان اللقيمات تطلع لذيذة و مقرمشة .. لا نية من جوة و لا شاربة زيت.. حتحتاجي انك توطي النار و تعليها آثناء الشغل كم مرة.. خليها هادية آول ما ترمي اللقيمات و لحدي ما تقرب تنضج.. بعدين عليها بالتدريج و خلي الزيت يكون حار جدا قريب النهاية عشان ما تطلع شربانة .. الحاجة التانية بتحتاجي تكوني بتقلبي بصورة مستمرة بمقصوصة عشان نضج اللقيمات و لونها يكون واحد في جميع الجهات..
الناس الما اترسلو في طفولتهم يجيبو اللقيمات من ست اللقيمات دغشاً بدري.. فات عليهم طقس في منتهي الروعة.. غايتو ست اللقيمات بعد ترمي رميتها ما كان بتطلع المقصوصة من الصاج.. تقعد تقلب فيها لامن تنضج..
الكمية الفوق دي بتعمل ليك كمية لقيمات معتبرة.. الآسرة الصغيرة.. اتنين و تلاتة .. يا اما تفرزني الباقي.. آو من الآول تصغري مقاس الكباية و تبعاً ليهو مقاس الملعقة الصغيرة .. لو راعيتي النسبية دي بتطلع ليك عجينة لقيمات مظبوطة
ــــــــــــــــــــــــــــــــــــــــ
آها يا جماعة الخير نلاقيكم في بوست الكعك :)
...
عندي كيبورد لسة ما اتعودت علي حروفه و همزاتو.. سامحونا
|
Post: #269
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: Amany Elamin
Date: 09-05-2010, 01:39 PM
Parent: #268
مريومه,,
امبارح جربت الفراخ بالباشميل والخضار بطريقتك,,
بصراحه تحفه, عملت صدور الفراخ بطريقتك انتي يعني قطعتها مكعبات وبدون سلق شوحتها شويه في الزيت
مع البصل والتوم وبهار وبعدين دخلتها الفرن مع الخضار والباشميل,
حقيقي طعمها طلع جميل وحاسه بيها وجبه متكامله, يعني لو عملتي معاها بس سلطه وطلعتيها من الفرن سخنه وقدمتيها كفايه جدا :)
تسلمي علي الأفكار الحلوه ,,
|
Post: #270
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 09-09-2010, 04:24 PM
Parent: #269
يا شباب اخباركم؟
يا دوب الليلة فضيت ونزلت الصور في اللاب توب..
حانزل ليكم صور العزومة بأثر رجعي..
دا المنظر العام
دي التحلية الاقترحتها شبكة (ما اكون غلطت) بتاعت الفواكة بس انا عملت معاها كريمة
وحشيتها
دي سلطة مشكلة..
هوي المغرب جانا وكل سنة وانتوا طيبين..
اوحشتنا يا رمضان..
|
Post: #271
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: مريم بنت الحسين
Date: 09-09-2010, 06:51 PM
Parent: #270
Quote: مريومه,,
امبارح جربت الفراخ بالباشميل والخضار بطريقتك,,
بصراحه تحفه, عملت صدور الفراخ بطريقتك انتي يعني قطعتها مكعبات وبدون سلق شوحتها شويه في الزيت
مع البصل والتوم وبهار وبعدين دخلتها الفرن مع الخضار والباشميل,
حقيقي طعمها طلع جميل وحاسه بيها وجبه متكامله, يعني لو عملتي معاها بس سلطه وطلعتيها من الفرن سخنه وقدمتيها كفايه جدا :)
تسلمي علي الأفكار الحلوه ,, |
هنيئاً يا اماني، معليش ما شفته تعليقك ده إلا حسي....
رشا... سفرتك حلوه... واكلك حلو، وعدّتك حلوه... ربنا يديم عليك النعمه.. وعامرين ان شاء الله
|
Post: #272
Title: Re: (مطبـخ رمضـان) بطولة:- مريم بت الحسين, ماما دوما, سناء خالد, سمارت, وجن, ... وأخريات :)
Author: رشا سالم
Date: 09-09-2010, 07:15 PM
Parent: #271
شكرا يا مريومة..
انا كان نفسي نتحد ونشكل فولترون في موضوع العزومة دا انا وانتي
لكن الوكت كان ضيق..الجايات اكتر من الرايحات..
كل سنة وانتي طيبة والقابلة تامين ولامين يارب
|
|