Post: #1
Title: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-09-2010, 11:49 PM
بنك الســودان .. فوائد ما بعد خدمة 24 سنه تعادل 25 دولار ؟؟؟
هل لك عزيزى القارئ ان تتخيل نفسك .. وبعد ان خدمة وطنك لمدة 24 عاما ..
تكون مستحقات ما بعد هذه الخدمة الطويلة الممتازه ما يعادل 25 دولار بالتمام والكمال؟؟ واليكم تفاصيل هذه القصة الحقيقة ...
فى العام 1992 احيل الموظف (......) للمعاش .. بواسطة حكومة الانقلاب بقيادة عمر البشير .. والذى استولت على السلطة فى يونيو 1989 ..
من وظيفته التى كان يعمل بها ببنك السودان .. الذى التحق للعمل به فى 1969 .
غادر السودان فى بداية 1991 ، ضاربا فى بلاد الله الواسعة... لعل الله يجعل له مخرجا .. تقاذفته المنافى واسرته الى ان استقر به المقام
فى احدى الدول التى لم تبخل عليه وعلى اسرته حيث يعيشون حياة كريمة .
فى العام الماضى 2009 عاد الى السودان لقضاء اجازة بين الاهله .. وتصادف ان تقابل مع احد زملائه الذين ما زالوا فى الخدمة ببنك
السودان وطلب منه الحضور الى البنك لاخذ مستحقاته لما بعد الخدمة ... وبعد اصرار وعد صديقه بالزيارة ... لاول مرة وجد نفسه داخل مبانى
البنك الجديده .. لم يعرفه معظم من مر بهم من الموظفين ... اانتهى الى مكتب زميله وتقابل مع المجموعة الصغيرة جدا التى مازلت
بالخدمة ممن زاملوه ..
ذهب وقابل مسئول المعاشات بالبنك .. لتسوية حقوق ما بعد خدمته ... جاء الموظف المسئول بفايل .. لدهشته كان يحتوى على وريقات
معدوده ... فتسـأل اهذا ملفى جاءه الرد بنعم هذا هو ملف خدمتك ... تحسر وشعر بالاسى فقال للمسئول ياخى اربع وعشرين سنة خدمة كل سنة
باخذ اجازة وكل سنة بتكتب عنى تقرير وغيرها من الخطابات والمراسلات التى قدمتها لرؤسائى ..و..و..و . على كل حال جلسا لتسوية (
الحساب )؟
اعلمه المسئول ان الحساب ( مضـرب ) اى تمت تسويته منذ العام 1992 وان المبلغ المستحق هو 52000 جنيه حينها . قال ما بطاله .. ده حق
وحمد الله شاكرا نعمته .. وهو يعادلها فى راسه بالدولار.. 52000 جنيه على 2.5 جنيه للدولار تساوى تقريبا حوالى 20000 دولار ( عشرين
الف دولار) .. ويهمهم الحمد لله على كل حال .. وقال بصوت مسـموع فى شكل تساول لموظف المعاشات هى بعادل حوالى 19– 20000 دولار يعنى
مش كده ؟ فجاء رد المسئول لا ياخى دى ( اتنين وخمسين ) 52000 بالقديم ، زمن الدينار .. فقال لكن لما فصلت ما كان فى دينار ؟؟؟
المسئول والله ياخى ده الحساب بقول كده انت اتفصلت 1992 وحقوقك فى الوقت داك كانت 52000 جنيه ، ونحن بنحسبها حسه بالقديم ؟؟ فقال له
طيب الوقت داك الدولار كان ببساوى اربعة جنيه ؟؟ حقو تحسبها على هذا الاساس .. المسئول لا انا بديك ليها بالقديم بس ؟؟ بعد اخذ ورد
واعادة الحساب وكتر الكلام ؟ ســأل ياخى كدى قول لى بالقديم بتساوى كم بالدولار .. لانو بصراحة كده الارقام دى كترت واتلخبطت على شى
جنيه قديم يتحول لدينار يتحول لجنيه جديد ترجعوا تانى لجنيه قديم كدى ادبنى لها من الاخر ؟ ال 52000 جنيه بالقديم بتساوى كم دولار
الليلة ؟؟ فجاء الرد تقريبا بساوى 25 دولار ؟؟.. وياخى عليك الله خلينا نقطع ليك الشـيك حسـه دى عشان ننتهى من الموضوع ده ؟؟؟
اطـرق فى صمت ... رجعت به الذاكره... لايام البنك الخالده .. والعمل النقابى ... وتذكر الظلم الى حاق بالالف من جـراء قرارات الفصل
التعسفى ... اخـذ يتمتم حسبى الله ونعم الوكيل ... حسبى الله ونعم الوكيل .. حسبى الله ونعم الوكيل ...
وقال للموظف المسـئول ياخى شــكرا جزيل ؟؟؟ انا ما عايزها .. وربنا بياخذ بحقنا من الذين حاربونا فى رزقنا واخرجونا من ديارنا ...
واسرع خارجا من رئاسة بنك السودان ؟؟
وقال لى ان اهل السودان كلهم حقوقهم مهضومة والبلد خيراتها منهوبه .. وحقوق ما بعد خدمتى فى بنك السودان لا تساوى شى فى سجل جرائم
الانقاذ الطويل .. هناك من فقد روحه …. واسر فقد عائلها ... انها بدع المشروع الحضارى والظلم باسم الاسلام. .
|
Post: #2
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-10-2010, 00:52 AM
Parent: #1
الأخ عــادل
الســلام علـيكم
بالتأكـيد البشــوف مصــائب الإنقـاذ فى غــيرو
تهــون عليهـو مصـيبتو.
والجاتك فى فـوائد مابعــد خــدمتك ســامحتك
عـلى الأقــل أهــون من مصــيبة مجــدى.
|
Post: #3
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: نوفل عبد الرحيم حسن
Date: 08-10-2010, 01:42 AM
Parent: #2
ياخي دي مأساه وكلام عجيب جدا
كان الله في عونه
الاغرب من دا منطق ناس التأمين الاجتماعي الماشين بيهو الايام دي
يشيلوا قروشك شهري كاااااش
ويمشوا يستثمروها في عدة مشاريع
ولما تجي بعد كم سنه تاخد حقوقك تلقاها كسور وبواقي
ويخصموا منك قروش مقابل شنو كده ما عارف
طيب ياخي قروشنا البتستثمروها دي مشت وين ؟
لا فائده ارباح في الاستثمار دا
ولا دايرين تخلوا لينا اصل المبلغ في حالو ؟
|
Post: #4
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: rani
Date: 08-10-2010, 04:07 AM
Parent: #3
Quote:
فى العام 1992 احيل الموظف(......) للمعاش .. بواسطة حكومة الانقلاب بقيادة عمر البشير .. والذى استولت على السلطة فى يونيو 1989 ..
من وظيفته التى كان يعمل بها ببنك السودان .. الذى التحق للعمل به فى 1969 .
غادر السودان فى بداية 1991 ، ضاربا فى بلاد الله الواسعة... لعل الله يجعل له مخرجا .. تقاذفته المنافى واسرته الى ان استقر به المقام
1992
1991
فى احدى الدول التى لم تبخل عليه وعلى اسرته حيث يعيشون حياة كريمة . |
يبدو أن هناك خطأ ما.. يرجي اعادة النظر.
وبعداك الخبر دا مالو زي المنقول من جريدة الدار كدا؟ احيل الموظف (......) ولا ياربي يكون اسمو نقط نقط نقط!!
|
Post: #5
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-10-2010, 06:10 PM
Parent: #4
Quote: يبدو أن هناك خطأ ما.. يرجي اعادة النظر.
الاخ رانى
لا يوجــد اى خـطــا.. الزول ده طلع من السودان فى اكتوبر 1991 تقريبا وغيابيا تم احالته فى 1992 وده
اجراء طبيعى ..
عدم ذكر اســم الموظـف المتضرر لا ينقص من حجم الظـلم الذى تعـرض له .. واكل البنك ماله بالباطل
وتشكر على المرور
|
Post: #6
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-10-2010, 06:59 PM
Parent: #5
Quote: ياخي دي مأساه وكلام عجيب جدا
كان الله في عونه |
الاخ نوفل عبدالرحيم
سلام
وتشكر على المرور .. شوف ده بنك السودان بيقول ان قيمة 5200 الف جنية
سـودانى ,, تعادل قيمتها 2009 ؟؟؟
بالحساب البسيط .. ومقارنة القيمة الحالية للعملة مع القيمة المستقبلية
لقيمتها ومع وضع معدل التضخم السنوى ..والبنك محتفظ بهذه الاموال لمدة 17 سنة..
بدل القيمة الحقيقة تزيد ؟؟ عند الحماعة ديل تنزل ..
واتمنى من يمر واحد او واحدة من ناس البنوك .. ويجرى لينا العملية الحسابية
بمعدلات بنوك السودان ..
وشكرا للمرور
|
Post: #7
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: نورالدين صلاح الدين
Date: 08-10-2010, 07:38 PM
Parent: #6
أ. عادل علي صالح ...
تحيةً ومحبةً واحتراما
لدي قصة واقعية قريبة جداً لقصة صديقكم العزيز
والدي أنا قضى زماناً طويلاً في غربته في العربية السعودية
كانت الوفود في سنون الإنقاذ الأولى لا تنفكـ تغيب أسبوعاً ثم تعود
ميشرةً بالكثير الكثير من المشاريع
كان حظ الوالد البائس منها المشاركة في اثنين من هذه لبمشاريع
مشروع سندس الزراعي
ومشروع السليت الزراعي
كان تمليك المزرارع في هذين المشروعين يتم عبر دفع أقساط شهرية
اتم الوالد سداد كافة أقساطه في مشروع سندس ...
والتي تقترب من الـ 50000 ريال في العام 1998
واستلم الأرض التي ما زالت بوراً بلقعاً لأن أعمال المشروع لم تنتهي بعد
أما في مشروع السلبت ...
وهنا وجه الشبه بين قصة الوالد وقصة صديقكم
توقف الوالد عن سداد أقساطه في مشروع السليت
وعندما أنهى فترة اغترابهـ
ذهب لإدارة المشروع ليكمل ما تيقى عليهـ
إدارة المشروع أخطرتهـ بسقوط حقهـ في تملك الأرض
بعد مماحكاتٍ كثيرة ..
استسلم الوالد للأمر الواقع ... وطالب بما دفعهـ
مع معلومية أنهـ كان يدفع بالعملة الحرة
.... أتدري ما كانت قيمة المبلغ الذي أرادوا إرجاعهـ
المبلغ هو 7000 جنيه سوداني
وهو مبلغ بالكاد يكفيكـ لطلبي فول في أحد المطاعم الشعبية
أتدري لماذا ...
لأن الـ 7000 جنيه هذه تساوي القيمة المقابلة بالعملة السودانية
لما دفعه بالعملة الحرة في الأعـــــــــــ 1991 - 1992 ــــــــــــــوام
وطبعاً هم ممتنعون عن إرجاع المبلغ بالعملة التي قام بالدفع بها
|
Post: #8
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: بكري عباس علي
Date: 08-10-2010, 10:20 PM
Parent: #7
يا جماعة ما تستغربوا ولا حاجة
اولا 52 الف دي حاجة ما ساهلة الزمن داك
مثلا انا سنة 95 قطعت بيها تذكرة للقاهرة علي سودانير
تانيا الزول دا غاب 19 سنة وما استلم نهاية الخدمة يعني لو استلمها في وقتها كان اشتري بيها قطعة ارض
ثالتا دي حكومة وروتين معروف يعني دايرين الحكومة تشغل ليهو قروشو وتجي تديهو معاها الفوائد
ياخي كويس انه لسه محتفظين ليهو بملف خدمته ومبلغ نهاية خدمته
اخيرا انا زول عادي وما عندي اي علاقة بالحكومة
|
Post: #9
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-11-2010, 06:35 PM
Parent: #8
Quote: تانيا الزول دا غاب 19 سنة وما استلم نهاية الخدمة يعني لو استلمها في وقتها كان اشتري بيها قطعة ارض
ثالتا دي حكومة وروتين معروف يعني دايرين الحكومة تشغل ليهو قروشو وتجي تديهو معاها الفوائد
ياخي كويس انه لسه محتفظين ليهو بملف خدمته ومبلغ نهاية خدمته
|
الأخ بكـرى عـباس
برضـو وجهـة نظـر كحجـه , لكن بالتأكـيد غـير مقنعه.
إذ كيف لفـوائد خـدمة 24 سـنه فى البنك تكون 25 دولار وبغض
عن إسـتلامها!!
الأخ بكـرى
تفتكر هـل من إختلاف بين الممارسات التى تتطرقت اليها فى
بوستك المجاور وبين ما تناوله الأخ عادل فى هذا البوسـت??
|
Post: #10
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-12-2010, 04:15 AM
Parent: #9
Quote: لأن الـ 7000 جنيه هذه تساوي القيمة المقابلة بالعملة السودانية
لما دفعه بالعملة الحرة في الأعـــــــــــ 1991 - 1992 ــــــــــــــوام
وطبعاً هم ممتنعون عن إرجاع المبلغ بالعملة التي قام بالدفع بها |
المهندس نورالدين
سلام و رمضان كريم
تعرف ما حدث لوالدكم وغيره من المواطنيين السودانيين من ظلم
واكل اموالهم بالباطـل فى ظل هذه الحكومة النهابـه الريـعيـة
يجب ان يفضخ ويوثق له لانـه حــق وســوف يـظــل معــلق فى رقبــة
( حـكومــة الٍٍٍســـودان ) مـهمــا طال الزمــن .. والى ذلك الحين
دعــوة المظـلوم ليس لدى من الله حجــاب ...
ولك الود والتقدير
|
Post: #11
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-12-2010, 04:53 AM
Parent: #10
الأخ عادل
فعلا دعوة المظلوم ليس بينها وبين الله حجاب
ورب العزه وعد المظلوم بالنصر ولو بعد حين.
هؤلاء القوم غرتهم السلطه ويتعاملون مع خلق الله
وكأنهم لا يرجون حسابا.
أخى عادل
كلما أقرأ كتاباتك عن الظلم فى مثل هذه المواقف
أتذكر فى التو أخى العزيز والرجل الإنسان بلال خلف الله
إبراهيم زميلى فى بنك السودان لسنين عددا والذى مات
مغبونا نتيجة ما لحق به من ظلم.
|
Post: #12
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Deng
Date: 08-12-2010, 03:16 PM
Parent: #11
الأخوة عادل ومولانا عبد الله.
إذا كان هذا الموظف يعمل في دولة حرة وديمقراطية لكان نال معاشه على داير الملين وبالسعر الحالي بالاضافة الى تعويض عن فصله التعسفي الجائر بواسطة مجرمي الانقاذ.
|
Post: #13
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-12-2010, 07:33 PM
Parent: #12
Quote: يا جماعة ما تستغربوا ولا حاجة
اولا 52 الف دي حاجة ما ساهلة الزمن داك
مثلا انا سنة 95 قطعت بيها تذكرة للقاهرة علي سودانير
تانيا الزول دا غاب 19 سنة وما استلم نهاية الخدمة يعني لو استلمها في وقتها كان اشتري بيها قطعة ارض
ثالتا دي حكومة وروتين معروف يعني دايرين الحكومة تشغل ليهو قروشو وتجي تديهو معاها الفوائد
ياخي كويس انه لسه محتفظين ليهو بملف خدمته ومبلغ نهاية خدمته
اخيرا انا زول عادي وما عندي اي علاقة بالحكومة |
الاخ بكرى عباس
سلام
شكرا على المرور والمساهمة ..
* ال 52 الف كما ذكرت ماسـاهلة الزمن داك .. ؟؟ البسـهلا الان شــنو وليـه ؟
هل غياب الزول ده 19 سـنه سبب كافى لســقوط الحــق الخاص من العام ( الحكومـة ) ؟
وهل الروتين الحكومـة ... بيكون ســبب لظـلم العـبـاد ؟؟ ده بنك الســودان ؟ يعنى القروش دي ما شالوها اليوم داك ( 1992 ) وقفلوها
فى خــزنة برقم الاوراق المالية المتسلسل ؟؟ ولما جاء بعد 19 سنة نفضوها وادوها ليـه ؟ هل نحن عايزين الحكومـة تشــغلا ليهــو ؟؟ طبعا
لا .. ولا يمكن ان حلم بها .. لكن دايرين الحكومــة ( ممثلة فى محافظ بنك الســودان ) تحفظ العهــد بالحــق ؟؟
* ولا كتر خير ( بنك السودان ) ان يحتفظ بملـفات خدمـة العـاملـين لانو ده الاصــل .. والاسـتثناء غير ذلك ؟؟ وحتى ما ســمى ملف خدمتو
فى الحفيفــة ليس بالملف وانما فايل فيه ورقات لا تتعدى المعلومات الاساسية ؟؟ واما الملف الاصـلى فمكانه يعلم به الله . وحقو نحنا ( انت
وانا وكل الناس) مانرضى بالغلط ونفتكر اخذ الحق هـبه وصدقه وفضلت خير من هذه الحكومة النهابة الريعية ؟
الاخ بكرى
الاقتصـاديين ببنك السودان يعرفون خير من هذا عن النقود وماهى فى التعريف الاقتصادى .. وعن قيمتها الحقيقية او الاستاندر فاليو وكل
شناكل الماكرو اكنومكـس .. بالروتين الحكومى تفسـو .. وفى مقدمتم السيد محافظ البنك ( الدائم ) صابر محمد الحسن الخبير بالبنك
الدولى سابقا ؟؟
لكن كما هـــو معروف الظــلم هو الاساس الذى تبنى عليه سياسات هذه الحكومة من يومهـا. لا مكان لـه عن اهــل ( الانقـاذ) ... ومن
عـطــن يـداه فى دمـاء مجــدى وجرجـس من اجل حفنــة دولارات ..من غير وجـه حــق .. لا يرجــى منه خيرا ابدا ... لكـن الله فى ....
|
Post: #14
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Kostawi
Date: 08-12-2010, 09:27 PM
Parent: #13
دا كلام شنو دا?
يعني واحد سنة خدمة تعادل دولار واحد.....
طيب أنا إشتغلت 8 سنين في السودان يعني فوائد بعد الخدمة خاصتي 8 دولار?
ياخ دي ما بتجيب كيلو لحمة!
و يقولوا ليك دا مشروعنا الحضاري..
حضاري في عينكم يا حرامية يا مرتزقة
|
Post: #15
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-13-2010, 05:23 AM
Parent: #14
Quote: ومن
عـطــن يـداه فى دمـاء مجــدى وجرجـس من اجل حفنــة دولارات ..من غير وجـه حــق .. لا يرجــى منه خيرا ابدا ... لكـن الله فى .... |
ويا كاتل الروح وين بتروح.....
|
Post: #16
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Kostawi
Date: 08-13-2010, 06:27 AM
Parent: #14
فوق
دا بوست مفروض بكري يختو في ال Main Sheet
25 دولار يا مستهبلين
يا حرامية
بعد أن يتم القبض على المجرم و تحويله للمحكمة الدولية في لاهاي
الحساب ولد مع البنك الإسمو
بنك السودان
مقابل 24 سنة خدمة يا بنك السودان
فو ائد ما بعد تلك الخدمة 25 دولار
Is the Bank of Sudan serious?
|
Post: #17
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-13-2010, 11:11 AM
Parent: #16
Quote: و يقولوا ليك دا مشروعنا الحضاري..
حضاري في عينكم يا حرامية |
حراميه وبس يا كوستاوى!!!!
با أخى ديل كتَالين كتلا
شفنا الحكومات بتحمى مواطنيها وأموالهم وحقوقهم
لكن هذه الحكومه الما بتخاف من الله هجمت على مجدى وأهله
وفى بيتهم وقلعت أموالهم بما فيها أموال يتامى , مش كدا
وبس بل واصلت ظلمها بقتله...
يا أخى ديل حيمشوا فين من ربنا؟؟؟
|
Post: #18
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: بكري عباس علي
Date: 08-13-2010, 11:25 AM
Parent: #17
الاخوة الكرام عبد الله وامين صالح وجميع المتداخلين
لم اقصد بكلاميي الفوق ان ابرر ما تقوم به الحكومة من ظلم واجحاف في حق مواطنيها ولكني قصدت ان نناقش هذه القضية بموضوعية
بكل بساطة
ضعوا نفسكم مكان الموظف الذي سلم نهاية الخدمة للشخص المستحق ووجدها مضربة في الفايل بزمن الاستحقاق ( 1991 ) وهي مبلغ 52000 جنيه ماذا يفعل هل يضيف عليها من جيبه اما ماذا ؟
ارجو ان تفكروا بطريقة منطق الروتين الحكومي
رمضان كريم
|
Post: #19
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-13-2010, 02:43 PM
Parent: #18
Quote: ارجو ان تفكروا بطريقة منطق الروتين الحكومي
|
الأخ بكرى عباس
رمضان كريم
فى البدايه أرجو تصحيح إسم الأخ عادل
كما أرجو أن تشرح لى وللقراء كيف يوثر الروتين الحكومى
على شروط خدمة العاملين وبالأخص على فوائد ما بعد الخدمه
يمكن النقطه دى كانت فايته على عندما كنت نائب رئيس نقابة
موظفى وموظفات بنك السودان وسعينا بكل جهدنا لتعديل شروط
خدمة العاملين بالبنك لتفى بمتطلبات حياتهم أثناء الخدمه
وما بعدها؟؟
|
Post: #20
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: محمد فرح
Date: 08-13-2010, 03:46 PM
Parent: #1
| Quote: فى العام 1992 احيل الموظف (......) للمعاش .. بواسطة حكومة الانقلاب بقيادة عمر البشير .. والذى استولت على السلطة فى يونيو 1989 .. |
Quote: غادر السودان فى بداية 1991 ، ضاربا فى بلاد الله الواسعة... لعل الله يجعل له مخرجا .. تقاذفته المنافى واسرته الى ان استقر به المقام
فى احدى الدول التى لم تبخل عليه وعلى اسرته حيث يعيشون حياة كريمة . |
كضب في رمضان ياأخوانا
بعدين فبركه فطير جداً
الزول نزل معاش في 92 وسافر بره السودان في 91
يعني قبل ماينزل المعاش زاتو
بنك السودان من اكتر المؤسسات البتدي مرتبات كبيره وفوائد مابعد الخدمه فيو قروش ضخمه وخرافيه جداً
ماتهرونا في رمضان ياخي
|
Post: #21
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-13-2010, 06:21 PM
Parent: #20
Quote: كضب في رمضان ياأخوانا
بعدين فبركه فطير جداً
الزول نزل معاش في 92 وسافر بره السودان في 91
يعني قبل ماينزل المعاش زاتو
بنك السودان من اكتر المؤسسات البتدي مرتبات كبيره وفوائد مابعد الخدمه فيو قروش ضخمه وخرافيه جداً
ماتهرونا في رمضان ياخي |
الاخ محمد فرح
رمضـان كريم
وكمان فى رمضـان ما تتهم الناس بالباطــل ( بالكـذاب ) .. سـامحك الله. دى واحده
الشى التانى
انو الزول سافر قبل ما ينزل المعاش .. اقول ليك .. نعم .. ويمكنك مراجعة
ردى للاخ راني اعلاه .. فقد طـرح نفـس الاسـتفسار ..
اما عن بنك الـسودان وقروشــو الضخمه على خسب قولك .. نحتاج لاجابة على ماورد فى البوســت ..
وبما انك تمتلك معلومــات عن بنك السـودان ... وحتى لا نهريك او تهرينا .. يمكنك الاتصــال بمعاشات العاملين فى البنك للاستفسار عن
ما طرحنا بالبوســت .. وتجى راجع بالنجيضـة ؟؟
واذ فى اى من صحفى التحقيقات لدية الرغبة فى مزيدا من المعلومات ما عندنا مانع .. اه قصرنا معاك ...
وشكرا على مرورك
|
Post: #22
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Kostawi
Date: 08-13-2010, 06:32 PM
Parent: #21
| Quote: كضب في رمضان ياأخوانا |
أها طلعت أنت الكذاب يا محمد فرح
الزول دا طلع من السودان 91
و البنك نزلو المعاش بعد سنة يعني 92
دي دايرا ليها فهم
|
Post: #23
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-14-2010, 00:55 AM
Parent: #22
Quote: بنك السودان من اكتر المؤسسات البتدي مرتبات كبيره وفوائد مابعد الخدمه فيو قروش ضخمه وخرافيه جداً
ماتهرونا في رمضان ياخي |
Quote: وبما انك تمتلك معلومــات عن بنك السـودان ... وحتى لا نهريك او تهرينا .. يمكنك الاتصــال بمعاشات العاملين فى البنك للاستفسار عن
ما طرحنا بالبوســت .. وتجى راجع بالنجيضـة ؟؟
|
أخــونا محـمـد فـرح
رمضــان كــريم
وبالمناســبه هـل هـنالك من ضــرر إذا إنتظـرنا النجـيضـه
مـع أخـونا عــادل??
|
Post: #24
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: جعفر محي الدين
Date: 08-14-2010, 08:23 AM
Parent: #23
Quote: ضعوا نفسكم مكان الموظف الذي سلم نهاية الخدمة للشخص المستحق ووجدها مضربة في الفايل بزمن الاستحقاق ( 1991 ) وهي مبلغ 52000 جنيه ماذا يفعل هل يضيف عليها من جيبه اما ماذا ؟
|
الأخ بكري
لا أعتقد أن الأخوة الأفاضل أعلاه قد وجهوا لوما للموظف ... فالكلام موجه لبنك السودان وإدارته ...
فهل تعتقد أن هذا المبلغ الزهيد يعادل خدمة ربع قرن في بنك السودان المركزي ...
الأخ محمد فرح
أنت آخر من يتهم الناس بالكذب .
|
Post: #25
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: humida
Date: 08-14-2010, 10:21 AM
Parent: #24
رمضــان كريم ..
ما عندي تعليق علي الحالة دي بالتحديد .. بس احب اديك معلومة عن العمل في بنك السودان ..
معلوماتي استمدها من عملي في قسم التقانة المصرفية عند تاسيس القسم و كان في المبنى القديم للبنك ..
يُدفع للعاملين بالبنك 13 مرتب في 12 شهر .. ( 12 مرتب اساسي + مرتب بونس ) ..
يوفر البنك السكن للعاملين .. او يقوم بدفع بدل سكن .. ( و هو أمر غير متعارف عليه في السودان ) ..
يمنح البنك الموظف الذي مضت علي خدمته 7 سنوات سلفية شراء منزل .. و سلفية آخرى لصيانة المنزل .. ( علي اقساط مريحة جدا ) ..
يمنح ايضا الموظف سلفية شراء سيارة .. مع العلم ان البنك متكفل بترحيل جميع موظفيه ..
جميع البدلات الحكومية تصرف للموظفين .. بدل غلاء .. بدل لبس .. بدل تدريب .. بدل بدل ..
قضيت 7 شهور في بنك السودان .. لم أرى موظفين مرطبين اكتر منهم ..
..
..
انا بقترح انه يأخذ الـ 25 دولار .. و يجلد علي بطنه ..
|
Post: #26
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-14-2010, 10:21 AM
Parent: #24
Quote: كضب في رمضان ياأخوانا
بعدين فبركه فطير جداً
الزول نزل معاش في 92 وسافر بره السودان في 91
يعني قبل ماينزل المعاش زاتو
بنك السودان من اكتر المؤسسات البتدي مرتبات كبيره وفوائد مابعد الخدمه فيو قروش ضخمه وخرافيه جداً
ماتهرونا في رمضان ياخي |
Quote: اما عن بنك الـسودان وقروشــو الضخمه على خسب قولك .. نحتاج لاجابة على ماورد فى البوســت ..
وبما انك تمتلك معلومــات عن بنك السـودان ... وحتى لا نهريك او تهرينا .. يمكنك الاتصــال بمعاشات العاملين فى البنك للاستفسار عن
ما طرحنا بالبوســت .. وتجى راجع بالنجيضـة ؟؟
واذ فى اى من صحفى التحقيقات لدية الرغبة فى مزيدا من المعلومات ما عندنا مانع .. اه قصرنا معاك ...
|
الأخ محمد فرح
ما زالنا فى إنتظار النجيضه!!
|
Post: #27
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-14-2010, 09:25 PM
Parent: #26
Quote: رمضــان كريم ..
ما عندي تعليق علي الحالة دي بالتحديد .. بس احب اديك معلومة عن العمل في بنك السودان ..
معلوماتي استمدها من عملي في قسم التقانة المصرفية عند تاسيس القسم و كان في المبنى القديم للبنك ..
يُدفع للعاملين بالبنك 13 مرتب في 12 شهر .. ( 12 مرتب اساسي + مرتب بونس ) ..
يوفر البنك السكن للعاملين .. او يقوم بدفع بدل سكن .. ( و هو أمر غير متعارف عليه في السودان ) ..
يمنح البنك الموظف الذي مضت علي خدمته 7 سنوات سلفية شراء منزل .. و سلفية آخرى لصيانة المنزل .. ( علي اقساط مريحة جدا ) ..
يمنح ايضا الموظف سلفية شراء سيارة .. مع العلم ان البنك متكفل بترحيل جميع موظفيه ..
جميع البدلات الحكومية تصرف للموظفين .. بدل غلاء .. بدل لبس .. بدل تدريب .. بدل بدل ..
قضيت 7 شهور في بنك السودان .. لم أرى موظفين مرطبين اكتر منهم ..
..
..
انا بقترح انه يأخذ الـ 25 دولار .. و يجلد علي بطنه .. |
الأخ حميده
رمضان كريم
بالتأكيد تعليقك على الحاله المذكوره مهم لأنها أساس موضوع البوست, إذكيف
لفوائد خدمة 24 سنه ببنك السودان تعادل 25 دولار؟؟
وبمعنى أدق كيف يتقلص مبلغ 52,000 جنيه سودانى فى سنة 1992 الى مبلغ 52 جنيه
سودانى فقط فى سنة 2009؟؟
بينما الواقع يقول أن النتيجه من المفترض أن تكون عكس ذلك لأن القوه الشرائيه
للنقود دائما فى إنخفاض مستمر.
ليت خبيرا إقتصاديا كالأخ د. إبراهيم البدوى يفيدنا فى ذلك.
كذلك أعتقد أن الأخ د. صابر محمد الحسن زميلنا فى الدراسه وفى بنك السودان نفسه
يمكنه أن يفدم ما يفيد القراء فى هذا المنحى كخبير إقتصادى فى حالة وضع الميول
السياسيه جانبا.
أما فيما يختص بتمتع العاملين فى البنك بشروط خدمه بها مزايا مرضيه , إنشاء الله
بجيك راجع بخصوصها, خاصة وإننى كنقابى أسهمت مع إخوتى النقابيين وبحكمه وصبر لنقل
هذه المزايا من خانة الأحلام والأمانى الى واقع إستمتع بها العاملون وأسرهم
بما فيهم شخصك الكريم رغم أن فترة خدمتك كانت 7 شهور كما ذكرت.
|
Post: #28
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: 7abib_alkul
Date: 08-15-2010, 00:34 AM
Parent: #27
الأخ كاتب البوست الأخوة المتداخلين
الحظ فى هذا الأمر تناقض ابتداءا زكر كاتب البوست ان الموظف احيل للمعاش ثم عاد و زكر انه سافر و قضى فترة عام ثم احيل للمعاش و وجه التناقض هنا أن هذا الموظف فصل للغياب ولم يحال للمعاش ولو حاولنا الأجتهاد لرفع هذا التناقض يمكن ان نقول انه كان فى اجازة بدون مرتب ولا يمكن الجزم بذلك الا بعد مراجعة لائحة شروط خدمة العاملين ببنك السودان هذا من جانب ومن جانب اخر و للوصول للرأى القانونى فى هذا الأمر يطرح سؤال هام و هو هل طالب هذا الموظف بفوائد ما بعد الخدمة؟و متى كان ذلك؟واذا كانت الأجابة بنعم فما هى اسباب عدم صرفها فى وقتها؟هل لسبب راجع للبنك او بسبب راجع لموظف؟واذا كانت الاجابة بالنفى هل تم انهاء خدمته و فقا للقانون؟و هل تم اعلانه بذلك بطرق الأعلان المعروفة؟وهى مكان سكنه المدون فى ملف الخدمة واذا لم يكن يتواجد فى هذا العنوان فهل قام بأخطار البنك بالعنوان الجديد؟و هل كان لديه استقطاع جارى؟و هل تم تسوية معاشه وفق قانون المعاشات ام و فق لائحة شروط الخدمة؟
وهل تم ترحيل المعاش الى حساب الأمانات ام تسويته فقط؟
عزيزى ان المراكز القانونية فى المعاشات و فوائد ما بعد الخدمة معقدة ولايمكن ابداء الرأى فيها بمثل هذة الوقائع المختزلة
ونرجو استفسار هذا الشخص عن كل ما تقدم وأنا على استعداد لمساعدته بكل الطرق القانونية للوصول لحقه ويمكنه التواصل على البريد الأكترونى er105@hotmail.comو يمكنه ارسال كل المستندات لعرض الأمر على سعادة المحامى العام لجمهورية السودان مولانا عبدالله احمد مهدى او يمكننى عرضه للأخوة فى الأدارة القانونية لبنك السودان اما اذا كان تناولك للموضوع من أجل هدف أخر اقول لا تعليق
|
Post: #29
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Mannan
Date: 08-15-2010, 00:36 AM
Parent: #27
لا يغنى ولا يسمن من جوع
عندما يسقط البشير فى شراك محكمة الجنايات الدولية وبعد انفصال الجنوب ليس امام المشروع الحضارى إلا الإنهيار المدوى وحينها يكون لكل حادث حديث والجنيه يكون جنيه ولا يصح إلا الصحيح..
بوست حي..يمكن جلد النظام الفاسد من خلاله وطلب آراء الإقتصاديين وهم كثر وارجو ان اسمع آراء خبراء السودان فى البنك الدولى... دكتور ابراهيم البدوى والدكتور سلمان والدكتور حسن محمد حسن ودكتور فريد السيد عاقل عطا المنان والدكتور صابر محمد حسن نفسه...
منان
|
Post: #30
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Kostawi
Date: 08-15-2010, 01:05 AM
Parent: #29
Quote: الأخ كاتب البوست الأخوة المتداخلين
الحظ فى هذا الأمر تناقض ابتداءا زكر كاتب البوست ان الموظف احيل للمعاش ثم عاد و زكر انه سافر و قضى فترة عام ثم احيل للمعاش و وجه التناقض هنا أن هذا الموظف فصل للغياب ولم يحال للمعاش ولو حاولنا الأجتهاد لرفع هذا التناقض يمكن ان نقول انه كان فى اجازة بدون مرتب ولا يمكن الجزم بذلك الا بعد مراجعة لائحة شروط خدمة العاملين ببنك السودان هذا من جانب ومن جانب اخر و للوصول للرأى القانونى فى هذا الأمر يطرح سؤال هام و هو هل طالب هذا الموظف بفوائد ما بعد الخدمة؟و متى كان ذلك؟واذا كانت الأجابة بنعم فما هى اسباب عدم صرفها فى وقتها؟هل لسبب راجع للبنك او بسبب راجع لموظف؟واذا كانت الاجابة بالنفى هل تم انهاء خدمته و فقا للقانون؟و هل تم اعلانه بذلك بطرق الأعلان المعروفة؟وهى مكان سكنه المدون فى ملف الخدمة واذا لم يكن يتواجد فى هذا العنوان فهل قام بأخطار البنك بالعنوان الجديد؟و هل كان لديه استقطاع جارى؟و هل تم تسوية معاشه وفق قانون المعاشات ام و فق لائحة شروط الخدمة؟
وهل تم ترحيل المعاش الى حساب الأمانات ام تسويته فقط؟
عزيزى ان المراكز القانونية فى المعاشات و فوائد ما بعد الخدمة معقدة ولايمكن ابداء الرأى فيها بمثل هذة الوقائع المختزلة
ونرجو استفسار هذا الشخص عن كل ما تقدم وأنا على استعداد لمساعدته بكل الطرق القانونية للوصول لحقه ويمكنه التواصل على البريد الأكترونى er105@hotmail.comو يمكنه ارسال كل المستندات لعرض الأمر على سعادة المحامى العام لجمهورية السودان مولانا عبدالله احمد مهدى او يمكننى عرضه للأخوة فى الأدارة القانونية لبنك السودان اما اذا كان تناولك للموضوع من أجل هدف أخر اقول لا تعليق |
دي أسئلة مشروعة و نرجو من صاحب البوست الإتصال بالموظف المعني و الإستفسار و إمكانية الرد على ما جاء في هذه المداخلة
|
Post: #31
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: humida
Date: 08-15-2010, 08:29 AM
Parent: #30
| Quote: بما فيهم شخصك الكريم رغم أن فترة خدمتك كانت 7 شهور |
تصحيح بسيط .. لم اتمتع حتي بميزة المرتب ..
كنت متدرب في هذا القسـم .. ( كنت في السنة الاخيرة في الجامعة ) ..
و ما داير اعلق علي الحالة بتاعت البوست دا .. لانه فيها تناقضات كبيرة جدا ..
اولها .. وين كان الفترة دي كلها ..
و هل لديه فكرة انه البعالج مشكلة التضخم مصلحة المعاشات مش المصلحة الكان شغال فيها ..
و أحيل الامر الآن الي التأمينات الاجتماعية ..
الرواية بتاعتك دي ممكن تدخل في باب الحزين و صاحبك دا يعمل منها اغنية .. بس واقعيا كدا ركيكة ..
..
..
مش كان احسن ما اعلق ليك ..
|
Post: #32
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-15-2010, 12:46 PM
Parent: #31
Quote: كنت متدرب في هذا القسـم .. ( كنت في السنة الاخيرة في الجامعة ) ..
|
الأخ حميده
شكرا على هذه المعلومه.
|
Post: #33
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: محمد فرح
Date: 08-15-2010, 01:13 PM
Parent: #32
Quote: وبما انك تمتلك معلومــات عن بنك السـودان ... وحتى لا نهريك او تهرينا .. يمكنك الاتصــال بمعاشات العاملين فى البنك للاستفسار عن
ما طرحنا بالبوســت .. وتجى راجع بالنجيضـة ؟؟ |
ياهداك الله حسي أنا قول سألت ناس بنك السودان
اقول ليهم شنو
وأسألهم من منو ؟؟!!
إنت أول حاجه أدينا إسم الموظف والقسم الذي كان يعمل به عشان نقدر نسأل زاتو
ورمضان كريم
|
Post: #34
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-15-2010, 02:35 PM
Parent: #33
الأخ محمد فرح
السلام عليكم
نفهم من كدا أنك غيرت رأيك فى صدقية كلام أخونا عادل؟
إذا كان الأمر كذلك على ألأقل أعتذر ليهو لأنك من البدايه
إتهمته بالكذب والفبركه للموضوع.
يمكن بعد داك يثق فى مساعدتك ليهو ويقوم يرسل ليك المعلومات
البتطلبها.
|
Post: #35
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: محمد فرح
Date: 08-16-2010, 01:04 PM
Parent: #34
أخ عبدالله
انا مازلت عند رأيي
مع الوضع في الإعتبار إنو قد يكون تم الكذب على الرجل وهو بحسن نيه قام بالنشر بدون التحقق من الأمر
والمضحك المبكي إنو بكري أبوبكر رفع بوست زي ده في العناوين فوق
|
Post: #36
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-16-2010, 02:10 PM
Parent: #35
Quote:
والمضحك المبكي إنو بكري أبوبكر رفع بوست زي ده في العناوين فوق |
الأخ محمد فرح
مرة أخرى شكرا لردك لى
حسب معرفتى بالأخ بكرى أبوبكر
فإنه لا يهتم أو يقوم برفع المواضيع إلا بعد أن يقتنع بحقيقتها وصدقها
وإنها قضيه عامه .
|
Post: #37
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: تبارك شيخ الدين جبريل
Date: 08-17-2010, 03:06 AM
Parent: #36
$20,251.95
52,000.00×0.25=$13,000.00
13,000.00×3%= 390.00
13,000.00+390=$13,390.00 ................................ 1992
13,390×3%= 401.70
13,390+401.70=$13,791.70 ................................ 1993
13,791.70×3%=413.76
13,791.70+413.76=$14,205.46 ........................... 1994
وهكذا ... بعد 18 سنة فى خزينة بنك السودان بتبقى:
20,251.95$
... المهم ....
|
Post: #38
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-17-2010, 04:32 AM
Parent: #37
Quote:
$20,251.95
52,000.00×0.25=$13,000.00
13,000.00×3%= 390.00
13,000.00+390=$13,390.00 ................................ 1992
13,390×3%= 401.70
13,390+401.70=$13,791.70 ................................ 1993
13,791.70×3%=413.76
13,791.70+413.76=$14,205.46 ........................... 1994
وهكذا ... بعد 18 سنة فى خزينة بنك السودان بتبقى:
20,251.95$
|
الأخ تبارك , رمضان كريم
فى إعتقادى ما طرحه الأخ عادل محتاج لمعالجه محاسبيه
وليس قانونيه.
تحياتنا لولى العهد.
|
Post: #39
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: 7abib_alkul
Date: 08-17-2010, 11:27 AM
Parent: #38
Quote:
فى إعتقادى ما طرحه الأخ عادل محتاج لمعالجه محاسبيه
وليس قانونيه.
|
الاخ عبدالله عبدالله
يعني شنو معالجة حسابية وليس قانونية؟؟؟؟
وعموما ان اعلنت استعدادي لمساعدة هذا الموظف ووفقا للقانون علي استرداد حقه في المعاش وما زلت عند وعدي واكرر وفقا للقانون لاني من اهل القانون واذا كنت تتحدث عن اعادة تضريب المعاش فلا بد ان نجد هذا السند القانوني الذي يخول طلب اعادة تضريب المعاش علي اساس جديد
مع خالص احترامي
|
Post: #40
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: أسامة البيتى
Date: 08-17-2010, 04:19 PM
Parent: #39
نرجو من الدكتور صابر محمد الحسن محافظ بنك السودان أن يكون لجنة من كبار موظفى البنك لمراجعة وتغيير نظام تسويات حقوق الموظفين بالبنك.. وبخاصة حقوق الموظفين المفصولين.. هذا نظام فيه كثير من الظلم.. وإن الظلم منظره شنيع.. وكيف يغض بنك السودان الطرف عن فقدان هذه الحقوق قيمتها بسبب التضخم وهو المؤسسة الأولى المناط بها رسم وتنفيذ سياسات التثبيت المالى ومحاربة التضخم؟ كيف؟
|
Post: #41
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: تبارك شيخ الدين جبريل
Date: 08-17-2010, 04:56 PM
Parent: #40
| Quote: السند القانوني الذي يخول طلب اعادة تضريب المعاش علي اساس جديد |
24 سنة خدمة +
18 سنة بدون معاش = 42 سنة سند قانونى .....
... المهم ....
|
Post: #42
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-17-2010, 05:36 PM
Parent: #41
الاخوان
عماد (حبيب الكل )
اسامة البيتى
تبارك
ومولانا عبدالله
اســف للتاخير ولى عودة بالهدواة..
|
Post: #43
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-17-2010, 08:06 PM
Parent: #42
| Quote: نرجو من الدكتور صابر محمد الحسن محافظ بنك السودان أن يكون لجنة من كبار موظفى البنك لمراجعة وتغيير نظام تسويات حقوق الموظفين بالبنك.. وبخاصة حقوق الموظفين المفصولين.. هذا نظام فيه كثير من الظلم.. وإن الظلم منظره شنيع.. وكيف يغض بنك السودان الطرف عن فقدان هذه الحقوق قيمتها بسبب التضخم وهو المؤسسة الأولى المناط بها رسم وتنفيذ سياسات التثبيت المالى ومحاربة التضخم؟ كيف؟ |
شـكرا الأخ أسـامه البيتى على المشـاركه
من الواضح ان الأخ عادل يهدف لحـل هذا الإشـكال وما
شـابهه وفق أطر العداله العامه والتى تشـمل الجميع.
لذلك إيجاد القوانين العادله هى الأساس , وإلا فإن رجل
القانون لن يستطيع فعل شئ أمام قوانين جائره.
|
Post: #44
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Adil A. Salih
Date: 08-18-2010, 06:06 AM
Parent: #43
الاخ عماد عبدالله محمد
سلام ورمضان كريم
كتبت
| Quote: فى هذا الأمر تناقض ابتداءا زكر كاتب البوست ان الموظف احيل للمعاش ثم عاد و زكر انه سافر و قضى فترة عام ثم احيل للمعاش |
لم اذكر بتاتا ان الموظف سافر وقضى فترة عام ثم احيل الى المعاش ... وعليه فما بنى على هذا الافتراض غير الصحيح ... لابد ان يقودك
الى نتيجة او استنتاج غير صحيح . ارجو مراجعة ما ذكرت عاليه.
| Quote: و للوصول للرأى القانونى فى هذا الأمر يطرح سؤال هام |
الراى القانونى ( بفهمى المحدود جدا للقانون ) كما تعرف يمكن الوصول اليه بين المحامى ومؤكله فى خاصيتهم .. وتوافقنى الراى
ان الكروس ايكزامنيشن هذا غير محله ؟؟ فلا تتوقع الاجابه عليه فى منبر عام ومن ثم مراسلتكم فى الخاص ؟؟ وده وضع العربة امام الحصان ؟؟.
واكون شاكرا اذا تكرمتم ووضحت للقارى الكرام الكريم القانون بقول شنو فى حالة الاجابة
( الافتراضية ) للاسئلة التى طرحها سيادتكم حتى تعم الفائدة العامــة .. وبارك الله فيك لتطوعكم بالمســاعدة ( القانونية ) .. وده
متروك لسـيد الحـق نهاية..
على كل حال يظل السـؤال الحقيقى حول فوائد ما بعد الخدمـة .. وبالمناسبة مبلغ ال 52000 جنيه المضرب من 1992 ما عليهو خلاف ... الخلاف
كم يســاوى اليوم ؟ هل ما يعادل 25 دولار او غير ذلك .. وما هى المرجعية او الفورميلا التى استخدمت للوصول الى انه 25 دولار فى 2009
؟؟ لان علم الاقتصــاد ( حسب علمى ) لا يدعم هذه النتيجــة ؟ ولذا اتعشم فى اى من الاقتصاديين البانكر فى المنبر يفيدونا بخبراتهم
ولك كل الاحترم.
|
Post: #45
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-18-2010, 11:12 AM
Parent: #44
Quote: على كل حال يظل السـؤال الحقيقى حول فوائد ما بعد الخدمـة .. وبالمناسبة مبلغ ال 52000 جنيه المضرب من 1992 ما عليهو خلاف ... الخلاف
كم يســاوى اليوم ؟ هل ما يعادل 25 دولار او غير ذلك .. وما هى المرجعية او الفورميلا التى استخدمت للوصول الى انه 25 دولار فى 2009
|
الأخ عادل
من الواضح أن المشكله تكمن هنا فيما أوردت من تساؤلات.
نأمل أن نسمع مزيد من آراء خبراء الإقتصاد والمحاسبه.
|
Post: #46
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-18-2010, 07:23 PM
Parent: #45
الأخ عـادل
بالإضـافه الى رأى علماء الإقتصـاد والمحاسـبه أعتقد أن
رأى النقابيين الحقيقيين مهم فى هذه المسـأله باعتبارها
قضـيه مطلبيه , وأعنى بالذات من شـاركونى قـيادة عمل النقابه
فى بنك لسودان وأخص بالذكــر:-
1-محمد الســيد ســلام
2-ســراج الدين محمد خــير
3-يحـى مصطفى ســناده
4-حـمزه شــنان
5-وأخـتنا المناضــله وديده الســبكى
ولا أدرى إن كان للتقابيين فى الوقت الحـالى قانون يتعاملون
بموجبه كقانون العلاقات الصــناعيه والذى كان ينظم العلاقه بين
المخدم والمستخدم.
|
Post: #47
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-19-2010, 10:58 AM
Parent: #46
.
|
Post: #48
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-20-2010, 01:10 PM
Parent: #47
WE WILL BE BACK
|
Post: #49
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: 7abib_alkul
Date: 08-20-2010, 02:33 PM
Parent: #48
الاخ عادل
اولا
كتبت ردا علي الاخ راني
Quote: الاخ رانى
لا يوجــد اى خـطــا.. الزول ده طلع من السودان فى اكتوبر 1991 تقريبا وغيابيا تم احالته فى 1992 وده
اجراء طبيعى .. |
هذا ما زكرت تعقيبا علي التناقض بين تاريخ خروج الموظف من السودان والتاريخ الذي زكرت انه احيل للمعاش فيه
وعقبت اناعليك بالاتي| Quote: الحظ فى هذا الأمر تناقض ابتداءا زكر كاتب البوست ان الموظف احيل للمعاش ثم عاد و زكر انه سافر و قضى فترة عام ثم احيل للمعاش و وجه التناقض هنا أن هذا الموظف فصل للغياب ولم يحال للمعاش ولو حاولنا الأجتهاد لرفع هذا التناقض يمكن ان نقول انه كان فى اجازة بدون مرتب ولا يمكن الجزم بذلك الا بعد مراجعة لائحة شروط خدمة العاملين ببنك السودان |
وعدت انت وقلت لي
Quote:
لم اذكر بتاتا ان الموظف سافر وقضى فترة عام ثم احيل الى المعاش ... وعليه فما بنى على هذا الافتراض غير الصحيح ...
|
ارجو كريم تفضلكم بتصحيحي أن اخطأت في نسب هذا القول اليك او اخطأت في فهم صايغة ردودك ومن ثم اعود لمناقشتك في هذه النقطة تحديد
ثانيا
قلت| Quote: الراى القانونى ( بفهمى المحدود جدا للقانون ) كما تعرف يمكن الوصول اليه بين المحامى ومؤكله فى خاصيتهم .. وتوافقنى الراى |
مستنكرا علي أن اتناول الموضوع من جانبه القانوني لان الوصول اليه يمكن ان يكون بين المحامي وموكله
ولكن فات عليك انك زكرت الاتي| Quote: وقال لى ان اهل السودان كلهم حقوقهم مهضومة والبلد خيراتها منهوبه .. وحقوق ما بعد خدمتى فى بنك السودان لا تساوى شى فى سجل جرائم |
وطالما انك تحدثت عن حق مهضوم لا يمكن مطلقا مناقشت امر الحقوق بمعزل عن القانون وعلاقة الحق بالقانون علاقة وطيدة وتوجد فيها عدت نظريات فقهية والاف المراجع وكلها وصلت لشي واحد مسلم به ان رابطة القانون والحق لا تنفصل وتختلف النظريات في تسبيب العلاقة ومكنونها فقط
فكيف بالله عليك ان تطرح موضوع يتعلق بحق قانوني لشخص محدد وتطلب من الاخرين تداول الموضوع للنقاش دون ان يدلو بدلوهم ورايهم القانوني للموضوع
ثالثا
Quote: على كل حال يظل السـؤال الحقيقى حول فوائد ما بعد الخدمـة .. وبالمناسبة مبلغ ال 52000 جنيه المضرب من 1992 ما عليهو خلاف ... الخلاف
كم يســاوى اليوم ؟ هل ما يعادل 25 دولار او غير ذلك .. وما هى المرجعية او الفورميلا التى استخدمت للوصول الى انه 25 دولار فى 2009
|
طالما ان مبلغ 52000 ليس عليه خلاف اذا احيلك ثانيا لما ورد من تساؤلات في رد عليك اولا وجوهر الرد ان لم تفهمه(او فهمته وعملت رايح) هل يستحق الموظف المعني اعادة تقيم للمبلغ المعاش؟ ويعني بالبلدي كدا اذا البنك تسبب في عدم صرف المعاش منذ تاريخ تضريبه يكون زولك دا مستحق اعادة تقيم بسعر الدولار وقتها او باي معادلة حسابية اخري يكون معمول بها في بنك السودان اما اذا كان المبلغ مصدق بصرفه من تاريخه وعدم صرفه راجع لسبب من قبل الموظف نفسه يكون هو من هضم حقه باهمال منه
رابعا
وانا مازلت عند وعدي بمساعدة هذا الرجل علي استرداد حقه ان كان بالفعل ان المتسبب هو البنك ونصحه بالراي القانوني والطريق الذي يتوجب عليه ان يسلكه فارجو الاتصال به واخطاره اذا رغب في المساعدة
مع خالص احترامي وتقديري
|
Post: #50
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: أسامة البيتى
Date: 08-20-2010, 09:02 PM
Parent: #49
الحل بسيط ولا يحتاج إلى لت و عجن.. وهو أنه للحفاظ على قيمة حقوق الموظف المفصول يجب أن يقسم مبلغ هذه الحقوق على سعر الدولار فى وقت الفصل ليُحصلْ على عدد الدولارات فى وقت الفصل.. فإذا ما عرفنا عدد الدولارات عند الفصل فيجب على البنك أن يدفع للموظف بعملة اليوم ما يعادل عدد هذه الدولارات.. هذا إذا كنا نرعى قيمة العدل..
|
Post: #51
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: 7abib_alkul
Date: 08-20-2010, 10:31 PM
Parent: #50
الاخ البيتي
| Quote: الحل بسيط ولا يحتاج إلى لت و عجن.. وهو أنه للحفاظ على قيمة حقوق الموظف المفصول يجب أن يقسم مبلغ هذه الحقوق على سعر الدولار فى وقت الفصل ليُحصلْ على عدد الدولارات فى وقت الفصل |
والبنك باي وجه حق يدفع هذا المبلغ اذا ثبت ان المبلغ تم التصديق عليه منذ ذلك التاريخ ولم يتقدم صاحبه لأستلامه؟؟؟
يتحمل البنك هذا الامر اذا كان هو المتسبب في عدم صرف مستحقات المعاش طيلة هذه الفترة وهذا هو جوهر الفصل في هذا الامر من المتسبب في عدم صرف المعاش لمدة20 عام؟؟؟؟؟؟؟؟
|
Post: #52
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-21-2010, 01:41 AM
Parent: #51
Quote: طالما ان مبلغ 52000 ليس عليه خلاف اذا احيلك ثانيا لما ورد من تساؤلات في رد عليك اولا وجوهر الرد ان لم تفهمه(او فهمته وعملت رايح) هل يستحق الموظف المعني اعادة تقيم للمبلغ المعاش؟ ويعني بالبلدي كدا اذا البنك تسبب في عدم صرف المعاش منذ تاريخ تضريبه يكون زولك دا مستحق اعادة تقيم بسعر الدولار وقتها او باي معادلة حسابية اخري يكون معمول بها في بنك السودان اما اذا كان المبلغ مصدق بصرفه من تاريخه وعدم صرفه راجع لسبب من قبل الموظف نفسه يكون هو من هضم حقه باهمال منه
|
تعــرف ياعـمـاد
مـن الأفضـل أن تكـون فى هـيئة الإتهــام بدل الدفـاع
إذا مـا عـرضـت هذه المشــكله أمــام المحــاكم
''
,,,
بعدين كـلام بالجنبه كـده
ناس قانون الزمن ده ما بفرزوا الزين من الذال
والتاء المربوطه من التاء الفاتحـه?!!!!
غـايتو فى زمـنا الما بجـيب DISTINCTION فى العـربى
والإنجـليزى ما بدخـل كلـية القانون
| Quote: الحظ فى هذا الأمر تناقض ابتداءا زكر كاتب البوست |
| Quote: ثم عاد و زكر انه سافر و قضى فترة عام ثم احيل للمعاش |
| Quote: لا يمكن مطلقا مناقشت امر الحقوق بمعزل عن القانون |
|
Post: #53
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: أسامة البيتى
Date: 08-21-2010, 05:27 AM
Parent: #52
الأخ 7abib_alkul
هل أخطر البنك، عند تسوية الحقوق، الموظف المفصول بخطاب أو بغيره أن حقوقه قد سوّيت وعليه الحضور لأستلامها؟ أم هل حرر شيكاً بها وأرسله إلى الموظف المفصول على عنوانه بعد التسوية مباشرة ؟ وكيف يعلم الموظف، إن لم يخطره البنك، بأن حقوقه قد سويت ليشد الرحال إلى البنك ويستلم؟ أعتقد أن مسئولية إخطار الموظف بالتسوية تقع، قانوناً، على البنك.. فإن لم يفعل فمن حق الموظف أن يظن أن حقوقه لم تسو.. ومن ثم لا يذهب لإستلامها.. أعتقد أن هذه بداهة.. ومن أجل ذلك، على البنك أن يتحمل تبعات عدم قيامه بمسئولية الإخطار بُعيْد التسوية..
|
Post: #54
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: 7abib_alkul
Date: 08-21-2010, 01:49 PM
Parent: #53
الاخ البيتي
| Quote: وكيف يعلم الموظف، إن لم يخطره البنك، بأن حقوقه قد سويت ليشد الرحال إلى البنك ويستلم؟ |
احيلك لما كتبته في اول تعليق عن هل قام البنك باخطار الموظف بقرار الفصل او احالته للمعاش وحسب ما جاء حيثيات صاحب البوست انه اصلا كان خارج السودان فهل تم اعلانه بالقرار في عنوانه المدون في ملف الخدمة؟ واذا لم يكن يقيم في هذا العنوان فهل قام باخطار البنك بتعديل عنوانه الموجود في ملف الخدمة؟؟
عزيزي البيتي
لو راجعت مداخلتي الاولي تدرك انني لم ابدي اي رأي اتجاه الموضوع ولكن قلت ان الامر يحتاج لكثير من المعلومات لمعرفة من الذي تسبب في ضياع حق الرجل في ان يحصل علي معاش محترم
كسرة
عندك علاقة بي وليد البيتي؟
|
Post: #55
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: أسامة البيتى
Date: 08-21-2010, 06:13 PM
Parent: #54
عزيزى 7abib_alkul
لقد قرأت مداخلتك.. ولكن هناك فرق بين أن يخطر الموظف بقرار الفصل أو الإحالة إلى المعاش وبين إخطاره بتسوية حقوقه، وأن عليه الحضور لإستلامها، أو إرساله شيكاً على عنوانه بقيمة هذه الحقوق.. ولابد أن البنك قد قام بإخطار الموظف بقرار فصله، ولكن من المؤكد أن البنك لم يخطر الموظف بتسوية حقوقه، ولم يرسل له شيكاً بقيمتها بعد التسوية.. هذه مسئولية البنك التى كان عليه أن يقوم بها..
و عن الكسرة:
لا أعرف وليد البيتى شخصياً.. غير أنه من الراجح أن تكون لى به علاقة ما لا أعرفها الآن.. فعائلة البيتى عائلة كبيرة وممتدة.. أغلبهم يسكنون الخرطوم، ومنهم فرع كبير يسكن أمدرمان، حى العمدة وبعضهم يسكن الجزيرة، وآخرون فى منطقة المحمية وغيرها.
|
Post: #56
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: تبارك شيخ الدين جبريل
Date: 08-21-2010, 06:39 PM
Parent: #55
يا اخواننا قيمة النقد أصلاً متحرِّكة ...وبتتأثر بى سعر الصرف وميزان الصادر والوارد ومعدل فايدة رؤوس الأموال فى السوق والتضخم وهلم جرا .... ودا كلام بنوك مافى زول محتاج يشرحو لى ناس بنك السودان ...
والنقد فى حوزة البنك قيمتو بتزيد لغاية الليلة .... ولو سلّموهو لى سيدو سنة 1991 برضو قيمتو بتزيد لغاية الليلة بى نفس المعدّل ...
الغريبة 52,000 بالجنيه القديم سنة 1991 قيمتها اليوم تقريباً 52,000 بالجنيه الجديد! ... ودى فى حدّ زاتها محمدة لسياسات بنك السودان فى فترة العقوبات الإقتصادية الحارة ديك ...
بطّلوا الغلات ... ادّوا الزول قروشو ....
(كمان لو قلتوا انو طلّعتو القروش من زمتكم سنة 91 ختيتوها فى علبة "نيدو" ودفنتوها ... أدّوها لى سيدا بى علبتها المصدّية) ....
... المهم ....
|
Post: #57
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-22-2010, 06:46 AM
Parent: #56
| Quote: 52,000 بالجنيه القديم سنة 1991 قيمتها اليوم تقريباً 52,000 بالجنيه |
الأخ تبارك
شخصيٍا أتفق معك فى هذا الرأى لأن الجنيه السودانى هو الجنيه السودانى
إذا كان فى سنة 60 أو 70 أو 80 أو حتى فى سنة 2010
مع ملآحظة أننا لا نتحدث عن قيمته الشرائيه وإلا لوجدنا
جنيه سنة 60 مثلا فى قيمته الشرائيه يعادل مئات جنيهات
اليوم وبسبب التضخم.
|
Post: #58
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: تبارك شيخ الدين جبريل
Date: 08-22-2010, 07:44 AM
Parent: #57
Quote: الأخ تبارك
شخصيٍا أتفق معك فى هذا الرأى لأن الجنيه السودانى هو الجنيه السودانى
إذا كان فى سنة 60 أو 70 أو 80 أو حتى فى سنة 2010
مع ملآحظة أننا لا نتحدث عن قيمته الشرائيه وإلا لوجدنا
جنيه سنة 60 مثلا فى قيمته الشرائيه يعادل مئات جنيهات
اليوم وبسبب التضخم. |
انا حسبتها بالحسبة الفوق دى الفيها 13,000$ سنة 1991 بى سعر الصرف حينها(4.00 جنيه بالقديم) ... عليها حوالى 8,000$ معدّل فوائد النقد المجمّد لى مدّة 18 سنة (متوسط 3%) ... بى سعر صرف الدولار الليلة (2.37 جنيه بالجديد) بتطلع حوالى 51,000 جنيه بالجديد ...
لو استخدمنا جنيه الليلة على معاش 1991 بيطلع المعاش كلّو 52 جنيه (يعنى اقل من 25 دولار) ... ولو قلنا المعاش سنة 1991 بيساوى 52,000 بالجديد بيكون المعاش بقى 13 مليون دولار ....
لأنو الزول ما ممكن يلتف حول حقيقة انو الجنيه الحالى بيساوى 1,000 جنيه بالقديم ... إلاّ يكون داير ياكل قروش حرام ...
وهم حسبوها 25 دولار وما حسبوها 13 مليون دولار كيف؟
... المهم ....
|
Post: #59
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-22-2010, 06:24 PM
Parent: #58
Quote: انا حسبتها بالحسبة الفوق دى الفيها 13,000$ سنة 1991 بى سعر الصرف حينها(4.00 جنيه بالقديم) ... عليها حوالى 8,000$ معدّل فوائد النقد المجمّد لى مدّة 18 سنة (متوسط 3%) ... بى سعر صرف الدولار الليلة (2.37 جنيه بالجديد) بتطلع حوالى 51,000 جنيه بالجديد ...
|
الأخ تبارك
من الواضح جدا أن العمليه المحاسبيه والتى تمت لمعالجة صرف إستحقاقات
هذا المعاش من قبل بنك السودان لم تستند على سعر الصرف فى سنة 1991 (4 جنيه للدولار)
ولا سعر الصرف فى سنة 2009 ( 2.37 جنيه للدولار) . وهنا تكمن المشكله.
|
Post: #60
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ABDALLAH ABDALLAH
Date: 08-24-2010, 12:05 PM
Parent: #59
لحين عوده
بإذن الله,
|
Post: #61
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: ابوهريرة زين العابدين
Date: 08-24-2010, 06:59 PM
Parent: #60
شكرا عادل ومولانا فالتوثيق مهم لهذه الممارسات التعسفية
|
Post: #62
Title: Re: بنك السـودان : فوائد ما بعد خدمـة 24 سـنة تعـــادل 25 دولار !!!
Author: Deng
Date: 08-25-2010, 09:34 AM
Parent: #61
UP
|
|
|