Post: #1
Title: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 10:21 AM
رمضان علي الابواب
بدات التجهيزات منذ ايام
التجهيزات نوعين نوع للماكولات والمشروبات
وده من اقرب بقاله متيسر
التاني العده
|
Post: #2
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 10:23 AM
Parent: #1
فوزيه ما بالضروره يكون اسم زوجتي
ممكن اسم علي اسم
او الحاله تنطبق علي الكثيرين
المهم في الموضوع....
________
العده
|
Post: #3
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 10:26 AM
Parent: #2
طبعا قبل كام يوم بدات التجهيزات
اقصد النكتيبه
يعني العده القديمه
ثيرمس مضروب او خشمو مكسور
او بيدفق
الكواري الغريقه للشوربه
مغراف الشوربه
صواني الباسطه والكنافه
|
Post: #4
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 10:27 AM
Parent: #3
التنكه للقهوه
او الجبنه للمزاجيين من كبار القوم
تنظيف فتحات الفرن
اطقم العشاء الملبده
|
Post: #5
Title: Re: يا اخوانا اقنعوا لي فوزيه تجدع العده القديمه
Author: doma
Date: 08-08-2010, 10:29 AM
Parent: #2
يا اخوي العده مالها مجدعنها
كلما قل ما تنتجه من مجدعات كلما كنت محافظا علي البئه ومواردها
احي فوزيه علي حرصها علي العده القديمه
يا خوي الاكل دا زاتوا نحن عملنا ليه ترشيد
|
Post: #6
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 10:36 AM
Parent: #5
المشكله اختي دوما
انو الحاجات شغاله
يعني مثلا اهم شي الخلاطه شغال برضو لكن المشكله السحان
مره مره بيركن
الموضوع الاهم بعد حصر المعينات والمعدات
يبقي ما هو المطلوب ؟؟
|
Post: #7
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 10:41 AM
Parent: #6
اها يا دوما
بعد الحصر اتضح انو محتاجين للاتي
خلاط واحد ونص لتر
حلة بريستو كبيره ودي تشهد عليها عفاف ابوحريره شافتنا بنشتريها
من هايبربنده مخرج سبعطاشر ... صاح ؟؟
طقم شربات يعني دسته
طقم ملاعق
طقم شوك
طقم ملاعق شوربه
جك للابري
ملعقه كبيره زي الكمشه نظام غرف الشوربه من الحله للكواري
والباقي لا اذكره
|
Post: #8
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 10:42 AM
Parent: #7
الموضوع
بعد ما جبنا كووووول الحاجات الجديده دي
وهي فرحة جزلي
اها نختها ويييييييييييين ؟؟؟؟؟
|
Post: #9
Title: Re: يا اخوانا اقنعوا لي فوزيه تجدع العده القديمه
Author: tmbis
Date: 08-08-2010, 10:53 AM
Parent: #8
دا شنو يا باشمهندس إنت بتظبط كوارع في رمضان ..؟  غايتو ما عارف لكن كلما اشوف لي حلة بريستو اربطه طوالي بالكوارع وبي اي حاجة تانية تجي على تخيلات عزيز بشاشا القارئ .. كل حسب مزاجو 
| Quote: اها نختها ويييييييييييين ؟؟؟؟؟ |
مسالة الختتان دي يا باشمهندس اطلع منها .. إنت طلع النكتوت بس وابقى مارق .. ياخ فوزية بتعرف تختها وووين ..
غلبك ختها وسع قدها .. جيبه ختها عندي هنا دا عشان ما تزحم ليك البيت ساااي .. أقوليك حاجة ..؟ انا قاعد افتش في شقة للايجار (عوائل).. جيب اصبنه ليك هناك .. والله تاني كان شفتها اكون بالغته ..
غايتو الواحد كان قايل المسالة ساهلة .. حسع بقى كل يوم يجي داخل شايل ليهو برشور وبانفليت فوقو العدة .. والصحانه وغرف النوم .. وبعد شوية ح يجي شايل المجلة بتاعت هايبربنده الفوقه اسعار الخضر والفواكه واللحمة المفرومة ..
غايتو الحمد لله .. اتاريكم ممكونين وصابرين
|
Post: #11
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 11:15 AM
Parent: #9
والله يا تمبس الكوارع موجووووووده في الفريزر
ولو جاييني بانتظرك بيها
وما عندك اي مشكله في موضوع العده بس كيف تقنع فوزيه تتخارج من القديم
انت المدام صايمه معانا ولا شنو؟؟؟
|
Post: #17
Title: Re: يا اخوانا اقنعوا لي فوزيه تجدع العده القديمه
Author: خالد المحرب
Date: 08-08-2010, 05:23 PM
Parent: #9
Quote: دا شنو يا باشمهندس إنت بتظبط كوارع في رمضان ..؟ غايتو ما عارف لكن كلما اشوف لي حلة بريستو اربطه طوالي بالكوارع وبي اي حاجة تانية تجي على تخيلات عزيز بشاشا القارئ .. كل حسب مزاجو
|
والله ياتمبس الزول دا كانو معانا قبل يومين وانا مذكر قال لى يااخى تعالو عندنا
والله اشترينا حلة بتاعة برس لكن شنو على الخبره بتاعة فوزيه دى كمان خطيره
بس انا اعترضت على كوارع البقر لانى ما بحبها ولكن اقترحت عكاوى الشاهد من
كلامى انو هذه الحله لم تشترى لرمضان بل لاغراض اخرى وهى الكوارع والعكاوى
وعليه يا طروقى تشترى لى فوزيه عده خاصه بى رمضان مش عدة بتاعة شلة الانس
|
Post: #10
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-08-2010, 11:13 AM
Parent: #8
عمو طارق ازيك ورمضانك كريم انشالله ,,
امبارح انا وماما (فوزيه حقتنا) بنتكلم في عده رمضان ,
جارتنا في الحله , خالتو هند , جابت عده من دبي ,
افران بيتزا , وحلل , وجكاكه والخ الخ ..
امي مشت وجات , قالت لي : لمن رمضان يقررب النسوان ديل تقول ما عندهن ولا ملعقه في البيت !
كل رمضان اي واحده فيهن بتشتري عده من اول وجديد , كانو ماكان في عده اساسا في البيت !
طيب عده رمضان الفات بيودوها وووين ..؟؟
بالجد انا انتبهتا لي حاجه عودتنا عليها الحاجه (امي الله يخليها لي)
انو لمن رمضان يقرب , نعمل جرد حساب للعده ,
الحاجات المهمه في رمضان نجيبها من الرف الخلفي الى الرف الامامي ,
ونحصر النواقص , ونعمل لسته , عشان ما نرهق الجيب , ونملا الدواليب عده ما عندها معنى !
ياخ ابوي دا راجل محظوظ بالجد ,
تصدق يا عمو طارق انو ماعندنا حاجه اسمها شراء عده رمضان اصلا ,
عندنا كواري عصيده وجرادل (المنيوم عشان البلاستيك بيخرب ويلوث البيئه) ,وطقوم كبابي فايبر قلاس ,
وصحانه كبيره للعصيده والقراصه , وسكريات بليله ورقاق , وجكاكه فايبر قلاس وقزاز ومصافي وملاعق ,
يلا ديل بعد يخلص رمضان طوووالي بنغسلها ونفووطها وندخلها الكراتين , ودلوش بتدخلها المخزن ,
تاني بتطلعها دلوش برضو من المخزن قبل رمضان بي يومين ..
غايتو بعد ما اجي الرياض ,
اكيييد بصاحب ليك خالتو فوزيه ,
يااما ريحناك من شرا عده رمضان ,
يا اما زميل البورض جاتو فوزيه تانـيه .. لووول
|
Post: #12
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 11:17 AM
Parent: #10
هسع المشكله يا تمبس
رفعت شعار جديد
المطبخ دواليبو وادراجو ما بتشيل
|
Post: #13
Title: Re: يا اخوانا اقنعوا لي فوزيه تجدع العده القديمه
Author: المسافر
Date: 08-08-2010, 11:22 AM
Parent: #12
يا فز فز
العدة القديمة بتلم الصراصير
أربعة أفران ... وبوتجاز بفرن... وقلاية بتوتوس ... ######انة وغلاية وبراية
لي شنو يا فزفز
رمضان فوق السحاب
|
Post: #14
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 04:39 PM
Parent: #13
ابنتنا الدكتوره داليا
| Quote: طيب عده رمضان الفات بيودوها وووين ؟ |
الحمد لله السؤال ده ما انا اول زول يسالوا عشان ما يجوا يقولوا د ثقافه مستلبه
| Quote: ماعندنا حاجه اسمها شراء عده رمضان اصلا |
يعني ما عندكم فاقد ؟؟
والنعم.....
ربنا يجيبك ويصومك رمضان مع تامبا عشان ما يقصد ليkh البريستو بتاعتنا
ولا توجد الا فوزيه واحده ياابنتنا العزيزه
|
Post: #15
Title: Re: يا اخوانا اقنعوا لي فوزيه تجدع العده القديمه
Author: أيمن دياب
Date: 08-08-2010, 05:10 PM
Parent: #14
ياعم طارق رمضان كريم وتصوم وتفطر على خير
| Quote: المطبخ دواليبو وادراجو ما بتشيل |
نفس الحاصل علينا بالكربون..
وبعدين ما تسمع زميلة البورض
العاملة ليك فيها بتاعت اقتصاد وتوفير..
لو صدقتها تكون راجل مسكين..
ياخي أنا اقتنعت بنظرية قديمة:
النسوان ديل كللللللهن واحد..
الفروقات بسيطة ولا تذكر..
بس بتشابهو في حاجات كتيرة جدا جدا..
|
Post: #16
Title: Re: يا اخوانا اقنعوا لي فوزيه تجدع العده القديمه
Author: الامين موسى البشاري
Date: 08-08-2010, 05:23 PM
Parent: #15
الحمد لله الذي عــافانا مما ابتلاكم به
وفضلنا كثيرا على من خلق تفضيلا
رمضان السنة دي ضهب بس
...
...
___
طــارق ميرغني ازيك ... بتعرف محلات ابو ريالين وخمسة وعشرة عليك به
|
Post: #18
Title: Re: يا اخوانا اقنعوا لي فوزيه تجدع العده القديمه
Author: عمران حسن صالح
Date: 08-08-2010, 05:39 PM
Parent: #16
احييييييييييييييييييييييييي ياخي
وقع لي في جرح عديل كده لكن طالما : | Quote: رمضان السنة دي ضهب بس |
فخليني مع البشاري
تمبس بلاهي ما تتضهب براكـ
أطرى أخوكـ ياخي
|
Post: #19
Title: Re: يا اخوانا اقنعوا لي فوزيه تجدع العده القديمه
Author: بكري عباس علي
Date: 08-08-2010, 07:07 PM
Parent: #18
تصدق يا طارق هسي جايين من محلات رامز ( الله يخليه لينا )
شي جكاكة وشي كبابي وشي كور
ناس السودان حظهم طبعا الحاجات دي ببدلوها بالهدوم القديمة يعني مصلحة من الجانبين
رمضان كريم لك ولضيوفك
|
Post: #20
Title: Re: يا اخوانا اقنعوا لي فوزيه تجدع العده القديمه
Author: عزام حسن فرح
Date: 08-08-2010, 07:27 PM
Parent: #19
الله ده ما كريم ... العِده القديمة آمِنة في فِجتِها ... السنة دي رمضان مؤجِلينو بِسند شرعي ... بِت إبراهيم أصبحت بِتْرضِع ... وأنا ... أنا ...أنا ما بقدر أصوم رمضان وأدير البيت ... الإتْنين ما بتبقى فوقي ... بِقينا ناس فَعِدَّةٌ مِّنْ أَيَّامٍ أُخَرَ
|
Post: #21
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-08-2010, 09:20 PM
Parent: #20
صديقي خالد المحرب
يا حليلنا منهاام بنايا قش
خم رمادنا بقي ياتو..... كوارع ولا عكو؟؟؟؟؟
|
Post: #22
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-08-2010, 09:33 PM
Parent: #21
Quote: وبعدين ما تسمع زميلة البورض
العاملة ليك فيها بتاعت اقتصاد وتوفير..
لو صدقتها تكون راجل مسكين.. |
نشـووف .. والعيد ما بعيد !
بس اووعك تجي تقول بدلو لي العده
انت ماشايف عمو طارق قال ليك لا توجد الا فوزيه وااحده
|
Post: #23
Title: Re: يا اخوانا اقنعوا لي فوزيه تجدع العده القديمه
Author: إبراهيم عبد الحليم
Date: 08-08-2010, 10:05 PM
Parent: #22
نصيحتى ليك امسك فى فوزية دى قوى فهى الظاهر حفيدة الشيخ ابتكتوك شيخ الزهد واحمد الله الماعرست ليك المانية والا حتشترى كل يوم عدة ومن بيوت الموضة الباريسية شنل Shanelالخ
غايتو انا متبرع ليك بطقم شوك صناعة المانية خالصة جانى قبل اسبوع فى عرض بس قول بتين اجى السعودية
رمضان كريم
ابراهيم
|
Post: #51
Title: Re: يا اخوانا اقنعوا لي فوزيه تجدع العده القديمه
Author: الامين موسى البشاري
Date: 08-10-2010, 12:52 PM
Parent: #18
Quote: فخليني مع البشاري
تمبس بلاهي ما تتضهب براكـ |
عمران صالح.... رمضان كريم
غايتو للضمان كدا انا لغاية هسي ضامن لي عشرين يوم
اها الباقي بنتمو موية سااااااااكت
مشتاقييين يـــاااخ
|
Post: #24
Title: Re: يا اخوانا اقنعوا لي فوزيه تجدع العده القديمه
Author: لؤى
Date: 08-08-2010, 10:35 PM
Parent: #1
Quote:
يا اخوانا اقنعوا لي فوزيه تجدع العده القديمه
|
أبو الطُّرق يا صديقي
سلامات وأشواق
ليك ولفوزيّة
ياخوي فوزيّة دي لو أقنعناها تـجدع العدّة القديـمة
أنا خايف نلقاك إنت ذاتك تـمّ تحويلك لأكبر محل جدع عدّة قديـمة 
تحاياي لعدّة رمضان 
|
Post: #25
Title: Re: يا اخوانا اقنعوا لي فوزيه تجدع العده القديمه
Author: إدريس محمد إبراهيم
Date: 08-09-2010, 07:09 AM
Parent: #24
تحياتي أخوي طارق ...
في البدايه شوف المحسي المسلط ده بيقول في شنو ... وانتم تتحدثون عن عدة رمضان ...
| Quote: بِقينا ناس (فَعِدَّةٌ) مِّنْ أَيَّامٍ أُخَرَ |
ياخي ده زول عسل عديييل بس ...
وما عارف يا طارق ليه السودانيات جنهم عده كده ... ياخي مشكلتهن في الدنيا دي العده والدهب .. ياخي تلقي المصريه واللبنانيه تشتري ليها حاجه بسيطه من الدهب لكن في منتهي الروعة والبساطة .. لكن ناسنا ديل .. ناس (يكنزون) الذهب والفضة بس .. في حين أنه الجمال ليس في الكثرة ولكن في الذوق المناسب ...
أتاريها في مناسبة عرسان بورداب الرياض كانت قاعده مع حرمكم المصون راس وآخر ونسات ... الطيور على أشكالها تقع ... وبمناسبة العده .. مره كده يا طارق بقينا مسافرين بالبحر لأن المدام أصلاً من بورسودان وأنا شايف إنو وزن العفش كبير .. وحاتك يا صاحبي أقلعك أقلعك من تحت السراير ومن وين كده ما عارف وديك يا شنطة الحديد الكبيرة بتاعة أبو يمن ديك وامليها لي حدها بي العده ... يامره إنت جنيتي ولا شنو .. العده دي كلها واداها وين ونحنا لي حسع بيت في السودان ما عندنا ... قالت لي يبقو على الاتنين عاد لا بيت لا عمارو ... مخيّر الله في ملكو ... وحاتك يا طارق أربعه رجال يا دوب رفعنا المصيبه دي .. والحمدلله كان في واحد صاحبي عندو لوري مسفرو السودان رفعناهو ليهو ولا كان أخوك لي حسع بيدفع في حق الوزن ..
غايتو نقول شنو بس يا طارق .. الله يكون في العون ...
مع خالص تحياتي وتقديري لكم والأسرة الكريمه ... والجميع ؛؛؛
|
Post: #26
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-09-2010, 08:21 AM
Parent: #25
اصدقائي الاعزاء
ايمن دياب
الامين موسي
عمران
بكري عباس
عزام
د. داليا
د. ابراهيم
لؤي
ادريس
اشكركم علي وقفتكم الشجاعة امام قوي ال........" بس الواحد ما بقدر يقول شي "
بس خلوني اخم نفسي لانو جايي من محلات السيف
بس تمينا شوية حاجات ناقصه طقم بهارات شفاف وشنو .... والله العظيم ما متذكر...!!!
|
Post: #27
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-09-2010, 09:46 AM
Parent: #26
اخي المسافر
رمضان بالفعل فوق السحب
لكن هسع موضوعي الاساسي بقي كالاتي :-
صار عندنا اتنين خلاطه واحده جديده والتانيه ابو سحان معطوب
اتنين حلة بريستو " يللا يا تمبس تعال كلم الجماعه يمكن يقتنعوا"
اتنين طقم بهارات واحد شفاف والتاني ابو من غير شفاف
والبقيه تاتي
|
Post: #58
Title: Re: يا اخوانا اقنعوا لي فوزيه تجدع العده القديمه
Author: Atif Karoum
Date: 08-11-2010, 09:02 AM
Parent: #27
الاخ طارق
كل عام وانت بخير الواضح انو فوزية هاشم دورتك دويرة شديدة اخونا السر صالح زمان
قال المرآة السودانية افضل من يواكب احدث موضات العدة لكن فى الاخر الطبيخ ياهو ذاتو
ملاح ويكة وبامية مفروكة وربنا يصبرك على بت هاشم وابقى مارق للقراصة الراجياك
|
Post: #28
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-09-2010, 09:47 AM
Parent: #26
لو ما الاصلي بيتخدش !
تقول ل صاحب المحل داير فايبر قلاس الاصـلي , وبيكون اغلى شويه من العادي !
او تتوكل على الله وتستعوض الله في حبه قريشات زياده وتشتري طقم قزاز .. اهي كوولها شفافيه .. لوووول
|
Post: #29
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-09-2010, 10:21 AM
Parent: #28
انتي عارفه يا دكتوره
بخصوص طقم البهارات
في نوع قزاز وفي واحد صيني
وديل دايما بيتكسروا ونبقي في الطقم نقص
وشكلو بقي شين وما بينفع ونخش في نفس الموال
وعايزين واحد جديد
وفي واحد بلاستيك وشين
هسع الجبناهو شكلو حلو وعندو قاعده وغطاء خشب
المهم الموال برضو شغال
|
Post: #30
Title: Re: يا اخوانا اقنعوا لي فوزيه تجدع العده القديمه
Author: احمد محمد احمد عتيق
Date: 08-09-2010, 10:24 AM
Parent: #29
الاخ طارق
كل سنة وانت طيب ورمضان كريم ..
لكن بتكون خايف على العدة ...!!
|
Post: #31
Title: Re: يا اخوانا اقنعوا لي فوزيه تجدع العده القديمه
Author: كمال عكود
Date: 08-09-2010, 10:34 AM
Parent: #30
الأخ طارق لينا كم يوم بدينا في نقة العدة وما العدة ودايرين حلل جديدة وما حلل جديدة وترامس وما ترامس
وكبابي وما كبابي وجكاكة كمان ، اسع اليوم الصباح دفعنا حق العدة حتى طلعنا من البيت أكان ما تطلع نقة حاجة جديدة تخص رمضان
|
Post: #32
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-09-2010, 10:46 AM
Parent: #31
احمد عتيق
كل سنه وانتو طيبين
طبعا انت عامل مرتاح لا زيدولا عمرو
ان شاء الله يجوا طابين عليك ويقولوا ليك الحر كتلنا
جايين نصوم في الطائف وجوها الجميل داك
عشان تكابس في العده زينا واحد
|
Post: #33
Title: Re: يا اخوانا اقنعوا لي فوزيه تجدع العده القديمه
Author: نادر النور آدم
Date: 08-09-2010, 10:49 AM
Parent: #31
يعني لازم السيرة دي ؟؟
عندي تلاجة أبت نفسها إلا أن تستقيل من الخدمة قبل رمضان بأربعة أيام
هسع اتوكّحت لي بي واحدة جديدة
ألفييييييييييييين ريال يمرقن من جيب العدو
وهسي الحكومةما بين تطلب أو ما تطلب بعد الكاشات الحصلت دي ..
عشان كدة حاولو أقفلو السيرة دي
تقوم تسمعكم كمان ..
|
Post: #34
Title: Re: يا اخوانا اقنعوا لي فوزيه تجدع العده القديمه
Author: ALZOLZATOO
Date: 08-09-2010, 11:09 AM
Parent: #33
حبيبنا طارق ميرغني
رمضان كريم لك ولي مدامك
يازول خليها تشتري اصلو ماتسالها لكن لمن رمضان يجي تمشي المطبخ وتشرب الحلو مر ربع كباية ربع كباية كل ربع في كباية جديدة خلي لياقتها كلها تروح في غسيل العدة لتجفيف منابع الارهاب لمن يجو العشرة الاواخر بتكون لياقتها راحت في غسيل العدة وربنا ح يفكك من السوق لي هدوم العيد والخبيز
اما بخصوص مكان وضع العدة ماتشيل هم بيزبطوا ليها وضع ياخي دولاب المطبخ كلو ترسوهو بي فوق كراتين
كبابي وصحانةمتر لي فوق زي باصات دنقلا فضل بس تدق ليها مسارين بره الحيطه وتعمل ليها عود كبير وتعلق الحلل ياخي زي البصات البتجيب الجداد هاهاهاهاهي مش بتلاقي الجداد معلق بالمقلوب ومغمض عيونو وتيب
ان شاء الله يتكسروا في خدمة الاخوان وتعيش وتجيب غيرهم
تحياتي
زاتوووو
|
Post: #35
Title: Re: يا اخوانا اقنعوا لي فوزيه تجدع العده القديمه
Author: عبدالرحيم أبراهيم العبيد
Date: 08-09-2010, 11:21 AM
Parent: #33
لاخ/طارق
وجميع الاخوه/ات
تحياتنا
رمضان كريم وكل عام وأنتم بالف خير
حاجه فوزيه عندنا قالت ليك
خليك من العدة(الدهـــب )
أسعاره نازله شويه
وخاصة في السعوديه
|
Post: #36
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-09-2010, 11:43 AM
Parent: #35
Quote: (الدهـــب )
أسعاره نازله شويه
|
شكـرن يا قمال يا مروان
----------
عمو طارق في كواري صغنوونه بتاعت عصيده ,
ملونات وحلوات والكوريه بي ريال ,
وبتخش المايكرويف كمان ,
وكمان تخزينها ساهل , وبتقعد لحدي رمضان البعد بعدو كان الله حيانا وادانا عمر ,
قول لي خالتو فوزيه , اقعي ابو ريالين الجمب هرم العليا بسسس
|
Post: #37
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-09-2010, 11:35 PM
Parent: #36
اها مشينا رجعنا طقم البهارات
|
Post: #38
Title: Re: يا اخوانا اقنعوا لي فوزيه تجدع العده القديمه
Author: طارق جبريل
Date: 08-10-2010, 00:01 AM
Parent: #37
ابو النسب
ياخي المخزن حقنا لي هسي فيهو المقصوصة بتاعة سمايتي
|
Post: #39
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-10-2010, 09:57 AM
Parent: #38
| Quote: اها مشينا رجعنا طقم البهارات |
طلع ما الاصلي يا عمو طارق ولا بقيتو على الدهـب ؟
CC زميل البورض !
|
Post: #40
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-10-2010, 10:03 AM
Parent: #38
انتو يا اخواناقايلين ابو ريالين لسه ابو ريالين
والله العده الفيهو في السيف مافي
انتو عارفين رغم انو فوزيه مداومه علي سودانيزاونلاين
الا البوست ده لي هسع يعميها
مشغوله بقت بي سياسة التفريغ ويبدو ان الموضوع بدا ياتي اكله
امس ادوني كرتونه ملانه كبابي فرد يعني ما في شبيها وكميه من الحاجات والترامس
وعدد واحد تنكه وصحانه واشياء والله ليها قيمه
ما عارف لقت الشجاعه دي وين ؟؟؟
اديتها والله بقب قوي للتي بوي tea boy في المكتب
وفي موضع اخر
هسع قاعد معاي في المكتب واحد صديقي وصلته رساله من البيت استاذنته ان انقلها لكم بتقول:
بكره ما تنسي رمضان جيب معاك بلح وبليله ولقمة القاضي وفلفل اخضر
وخيار وزبيب وتين وقمر الدين وبطاطس وكاتشب ومكرونه حبه صغيره
وفانيليا وورق عنب وسامبوسه وورق قصدير وكلنق cling
طبعا ده البيغطو بيهو بواقي الاكل في التلاجه
|
Post: #41
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-10-2010, 10:13 AM
Parent: #40
ياخي أنا اقتنعت بنظرية قديمة:
النسوان ديل كللللللهن واحد..
الفروقات بسيطة ولا تذكر..
اخي ايمن دياب
بالله لو سمحت وريني ايه الفوارق او الفروقات عشان نعمل حسابنا
ما معروف الظروف
|
Post: #42
Title: Re: يا اخوانا اقنعوا لي فوزيه تجدع العده القديمه
Author: أيمن دياب
Date: 08-10-2010, 10:26 AM
Parent: #41
Quote: اخي ايمن دياب
بالله لو سمحت وريني ايه الفوارق او الفروقات عشان نعمل حسابنا
ما معروف الظروف |
عم طارق:
الفوارق ياها الطبيعية العادية..
يعني تلقى واحدة دكتورة وواحدة أستاذة وواحدة ربة منزل..
دي أوجه الاختلاف..
لكن أوجه الشبه والاتفاق ياها المعذبنكم بيها.. ومعذبننا كمان..
الليلة بمشي العيثم أجيب حلة البريستو..
ياخي زوجة صاحبك ليه نست الزبادي ما قالتو..
ماعندهم سلطة روب في رمضان؟؟
|
Post: #43
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-10-2010, 10:28 AM
Parent: #41
Quote: بكره ما تنسي رمضان جيب معاك بلح وبليله ولقمة القاضي وفلفل اخضر
وخيار وزبيب وتين وقمر الدين وبطاطس وكاتشب ومكرونه حبه صغيره
وفانيليا وورق عنب وسامبوسه وورق قصدير وكلنق cling |
لقمه القاضي الجاهزه الفي العلب ..؟؟
والله يا عمو طارق بختها فوزيه بيك ,
زميل البورض دا كان ما لخـوا ليهو العجين قدامو ما بيقتنع !!
بطاطس وكاتشب ديل بتعملوا بيهم شنو في رمضان ..؟؟
وما تنسى الزيتون الشرايح للبيتزا,
وكريم الكارميل , والفواكه للعصير
|
Post: #45
Title: Re: يا اخوانا اقنعوا لي فوزيه تجدع العده القديمه
Author: Hisham Ibrahim
Date: 08-10-2010, 10:57 AM
Parent: #43
يا طارق ياخ ما تفهـمـا !
السياسه في الحاله دي ترفع الكهرباء في البيت ليـ الف كيلو واط !
وبكدا زول بيتكلم معاكـ مافي .. داخل تنهـر ومارق تصُـر !
ولمن يجي 5 رمضان فكها -- وأرفع الكهرباء تاني يوم 20 رمضان عشان طلبات العيد وكدا ..
نسوانها ديل مش بتشابهن بثـ ! الإختلاف في الإسم بس ( العجينة وااااحده )
ياخي أنا وجيراني الـ 5 ، يوم العيد لقينا كل نسوانا كانن محننات يوم الوقفه بالليل !
والله شـحـدت جاري نشادر ! قال لي أنا دي جيتي من السوق جبتها هاكــ !
والبشتري عـده كتيره ، في الرحول بتخُر فيهو ( مثل عوائل )
رمضان كريم والنزح منكم باقي كهربتي في السماء السابع داااكـــ
|
Post: #44
Title: Re: يا اخوانا اقنعوا لي فوزيه تجدع العده القديمه
Author: Elmosley
Date: 08-10-2010, 10:46 AM
Parent: #1
فوزيه ابقي عشره على عدتك القديمه
وسيبك من كلام زميلنا الفنان ده
حرم انا عندي حله مقننه ليها سنتين
وكل ما اشوف بتي هديل مغيوظة لمن اشد الشاي
اتكيف زياده
هيييييييييييع
|
Post: #46
Title: Re: يا اخوانا اقنعوا لي فوزيه تجدع العده القديمه
Author: خدر
Date: 08-10-2010, 11:00 AM
Parent: #44
عليك بمنهج الموصلي ده يا تامبا
الكارثة دي ما مضمونة ,, بدت البوست بالنفي لكن باقي مشاركاتها كلها ضد فوزية
طارق ربنا يخلي ليك فوزية و تصوموا و تفطروا علي خير
|
Post: #47
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-10-2010, 11:47 AM
Parent: #46
| Quote: الكارثة دي ما مضمونة |
كارثه في عينك ,
بحرش ليك .. برتكان
|
Post: #48
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-10-2010, 12:27 PM
Parent: #47
| Quote: طــارق ميرغني ازيك ... بتعرف محلات ابو ريالين وخمسة وعشرة عليك به |
يا اللمين البشاري يا اخوي
رمضان كريم
انا امبارح القريبه دي كنت في اب ريالين في شارع السويدي العام
كدي امشي شوفو
الصواني بس بالمئات لو تصدق ...... يا شباب عمري المفتق
|
Post: #49
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-10-2010, 12:36 PM
Parent: #48
اخي عمران
يعني مؤيد الامين في موضوع ابو ريالين.....؟
ده طلع موضوع مخستك
|
Post: #50
Title: Re: يا اخوانا اقنعوا لي فوزيه تجدع العده القديمه
Author: موسي عيسي
Date: 08-10-2010, 12:49 PM
Parent: #44
إنت يا طارق النسون ديل طبعن اصلو ما بتغير و في موضوع العدة
دي يا هو الطبع واحد في السودان ولا اسوان قبل رمضان بشهرين ثلاثة
سمع اضاني بتكلمن في موضوع صندوق عدة رمضان ، و انا لمن سمعت
موضوع الصندوق دا اول مرة ما اتضايق من اسم صندوق حريمي حلما مني
بأن موضوع عدة رمضان دا يكون عملنا عليها كانسل كبير بالقلم الاحمر ،اول امس
في حديث جانبي علي هامش التحضيرات الرمضانية ورد ذكر العدة طبعا دي ما حتتنسي
قمت قولت ليها طيب انتو ما عندكم صندوق لعدة رمضان وينو هي ياراجل انت جنيت ولا
شنو صندوق عدة رمضان شنو والله انت إلا لو قاعد تحلم ؟؟؟ اتخيل يا هندسة الموضوع
طلع لي حلم و هلوسة .
عموما يا طارق انا ما كجنت لي حاجة زي عدة رمضان دي و كل سنة عدة جديدة بمواصفات
جديدة و بتمشي وين ما عارف انشاء الله رمضان ذاتو ربنا يخليوه لينا كل عشرة سنة علشان
نرتاح من الخلاطات و الكمش دي .
|
Post: #52
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-10-2010, 12:58 PM
Parent: #50
Quote: الأخ طارق لينا كم يوم بدينا في نقة العدة وما العدة ودايرين حلل جديدة وما حلل جديدة وترامس وما ترامس
وكبابي وما كبابي وجكاكة كمان ، اسع اليوم الصباح دفعنا حق العدة حتى طلعنا من البيت أكان ما تطلع نقة حاجة جديدة تخص رمضان |
يا كمال عكود
المشكله يا عكود انك استجبت للضغوط
والله بقيت زي محمود عباس
|
Post: #53
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-11-2010, 00:17 AM
Parent: #52
اخي بكري عباس
خليك من رامز
انا كنت قايل دول الاستكبار هي البتهدد الدول الصغيره زي ايران
لكن اتضح لي اننا كلنا تحت ظل التهديد
تصور فوزيه قالت عايزه منشر بتاع عده البختوه جمب حوض غسيل العده
وعايزاهو يكون استيل مش زي البلاستيك القديم
المهم جينا جمب اسواق بن دايل مع عديلي د. شوقي
قالت:
والله مش كان كتبتو في سودانيزاونلاين حاشتريهو حاشتريهو؟؟؟
تصور يا بكري عالم زي دي يقولوا ليها شنو
ويرموا العده القديمه بتاعتا كيفن...؟؟
|
Post: #54
Title: Re: يا اخوانا اقنعوا لي فوزيه تجدع العده القديمه
Author: صديق الموج
Date: 08-11-2010, 00:41 AM
Parent: #53
| Quote: يا اخوانا اقنعوا لي فوزيه تجدع العده القديمه |
انت بقيت تشكى من كترت العده عشان بقيت تبيتها
ما سمغت المثل البقول اللين غسيلو هين
ياخى خليك زى زمان ودع عنك الكسل ولاتؤجل عدة اليوم الى الغد
مش يا المحرب؟؟
ممكن اطلب اغنية بابا بغسل العده واهديها الى ود الباوقه وابوجهينة
واخرون،،،
|
Post: #55
Title: Re: يا اخوانا اقنعوا لي فوزيه تجدع العده القديمه
Author: خالد المحرب
Date: 08-11-2010, 00:50 AM
Parent: #54
Quote: ياخى خليك زى زمان ودع عنك الكسل ولاتؤجل عدة اليوم الى الغد
مش يا المحرب؟؟ |
الموج المسهرك نامن الليله شنو
ناس كسلانه جنس كسل
اللابتوب دا يوم بتلقاهو رموه من الدريشى يااللخو
|
Post: #56
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-11-2010, 01:01 AM
Parent: #55
| Quote: يازول خليها تشتري اصلو ماتسالها لكن لمن رمضان يجي تمشي المطبخ وتشرب الحلو مر ربع كباية ربع كباية كل ربع في كباية جديدة خلي لياقتها كلها تروح في غسيل العدة |
والله يا زاتو
لي هسع انا باضحك ....انت ممسوخ بشكل
ياخي الحريم ديل الواحده فيهم تجري في الاسواق دي زي وارغو
لمن يجوا البيت حتي يشتكوا ...رجلي ..كتفي وشنو داك ما بعرفوا
هل تفتكر ان سياسة تجفيف منابع الارهاب ذات جدوي
|
Post: #57
Title: Re: يا اخوانا اقنعوا لي فوزيه تجدع العده القديمه
Author: الفاتح يسن
Date: 08-11-2010, 06:27 AM
Parent: #56
رمضان كريم طارق وفوزيه والمتداخلين خلو الموضوع لبعد الاستفتاء
|
Post: #59
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-11-2010, 10:03 AM
Parent: #57
أخي نادر النور
يا زول بطل الجرسه ..... اب ريالين ده ما بجهجه الجيب اقعوا
ولا اسمع كلام اخونا عبد الرحيم العبيد واقع الدهب
|
Post: #60
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-11-2010, 10:06 AM
Parent: #59
صديقي الضكران عزام حسن فرح
الف مبروك رمضان والوليد
فَعِدَّةٌ مِّنْ أَيَّامٍ أُخَرَ
يا اخوي ده كلام جرسه ساكت
انا والله خايف عليك من قهوة بت ابراهيم
حتسوي شنو بلاهابعد الفطور
|
Post: #61
Title: Re: يا اخوانا اقنعوا لي فوزيه تجدع العده القديمه
Author: أيمن دياب
Date: 08-11-2010, 11:01 AM
Parent: #60
Quote: تصور فوزيه قالت عايزه منشر بتاع عده البختوه جمب حوض غسيل العده
وعايزاهو يكون استيل مش زي البلاستيك القديم
|
ولقيتو وين وسعرو كم.. أنا فوزيتي برضو عايزة زي ده..
|
Post: #62
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-11-2010, 08:52 PM
Parent: #61
اخي ايمن دياب
المنشر القاصداهو مالقيناهو لكن هي منمره ليها في واحد
قالت شافتو في اسواق بن دايل قبل مده
|
Post: #63
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-11-2010, 10:41 PM
Parent: #62
صديقي الفنان الكبير يوسف الموصلي
Quote: حرم انا عندي حله مقننه ليها سنتين
|
بالله انت في امريكا تقنن اللبن وما جوك ناس المطافي لي هسع ؟؟
كدي النوري المواطنه دي موضوع قنقنتك دي
علها ترعوي
|
Post: #64
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-12-2010, 01:17 AM
Parent: #63
ابو النسب طارق جبريل
اها رايك شنو في العده دي؟؟؟
|
Post: #65
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-12-2010, 08:21 AM
Parent: #64
Quote: الكارثة دي ما مضمونة ,, بدت البوست بالنفي لكن باقي مشاركاتها كلها ضد فوزية
طارق ربنا يخلي ليك فوزية و تصوموا و تفطروا علي خير |
أخي خدر
رمضان كريم
يا اخوي الدكتوره داليا دي ربنا يديها العافيه رغم نفيها لحب العده
حتشوفا لمن تجي الرياض
والله انا خايف صديقي تمبس
تاني رمضان يبدا يبدل بالهدوم
|
Post: #67
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-12-2010, 10:58 AM
Parent: #65
ابن عمتي الدكتور عاطف كروم
والله قريبتك دي عملتا شينه
يعني بقي يكون عندها عده اصليه وواحده احتياطي
قلت ليها عبد الحميد السعودي العب واحد في المريخ ولسه احتياطي
يعني الاحتياطي ما بالضروره يلعب حتي ولو كويس او جديد
صاااح
كدي بالله وقع ليها الحته دي
|
Post: #66
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-12-2010, 10:43 AM
Parent: #64
صديقي موسي عيسي
يبدو احد امرين حدثا
اما انا المواطنه تطلع علي البوست اثناء انا بالمكتب
او ان احدي صديقاتها مثل عفاف ابوحريره او عفاف علي ميرغني
يخبرنها اول باول
لانو بدت تغييرات جذريه في البيت
كل يوم بقيت القي في الزباله يكرمكم الله عدد من العدد القديمه
وفي بعض الاحيان في كراتين وتقول لي ما تنسي ترمي الحاجات دي بره
وانا عامل اضان الحامل طرشا
|
Post: #68
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-12-2010, 09:05 PM
Parent: #66
Quote: اما انا المواطنه تطلع علي البوست اثناء انا بالمكتب
او ان احدي صديقاتها مثل عفاف ابوحريره او عفاف علي ميرغني
يخبرنها اول باول
|
وفي الحالتين انت الكسبان ,
شكرا سودانيز اون لاين لان جعلتي هذا ممكنا !
|
Post: #69
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-13-2010, 00:45 AM
Parent: #68
شكرا ابنتنا الدكتوره داليا ورمضان كريم
اها طلعتوا العده كوووولها !!!
ما قلت ليكم......
ما لقينا منشر العده..!!!!!!!!!!!
ابشر اخوتي الذين يحتاجونه
انه موجود في اسواق بن دايل
يللا يا تمبس خشخش جيبك وحضرو لي رمضان الجايي
|
Post: #70
Title: Re: يا اخوانا اقنعوا لي فوزيه تجدع العده القديمه
Author: naeem ali
Date: 08-13-2010, 00:58 AM
Parent: #69
نحن خاشين لينا علي زواج..
حقو نركز في موضوع المطبخ ده..
رمضان كريم استاذنا طارق..
عليك وعلي الاسره..
وربنا يحقق جميع الاماني
|
Post: #71
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-13-2010, 12:32 PM
Parent: #70
باشمهندس نعيم
رمضان كريم وكل عام وانت بالف خير
وان شاء الله ربنا يتمم علي خير
بس بتيييييييييين؟؟
العده دي ما تخاف بعد الزواج بتجيك هدايا
من صاحبات العروس
|
Post: #72
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-14-2010, 01:05 AM
Parent: #71
Quote: انت بقيت تشكى من كترت العده عشان بقيت تبيتها
ما سمغت المثل البقول اللين غسيلو هين
ياخى خليك زى زمان ودع عنك الكسل ولاتؤجل عدة اليوم الى الغد
مش يا المحرب؟؟
ممكن اطلب اغنية بابا بغسل العده واهديها الى ود الباوقه وابوجهينة
واخرون،،، |
صديقي صديق الموج
ما سمعوك لا ود الباوقه لا ابوجهينه يا عمي صديق
بعد المنشر الجديد هي زاتا بقت مشدوها بي عدتا
يعني باختصار بقت تفرح بي غسيل العده
|
Post: #73
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-15-2010, 00:16 AM
Parent: #72
| Quote: رمضان كريم طارق وفوزيه والمتداخلين خلو الموضوع لبعد الاستفتاء |
صديقي الفنان الفاتح يسن
رمضان كريم وتحياتي لكم واسرتكم الكريمة
وتحيه خاصه للعزيزه صباح وردي
ليه بعد الاستفتاء العده حيوزعوها مجانا ولا شنو ؟؟
|
Post: #74
Title: Re: يا اخوانا اقنعوا لي فوزيه تجدع العده القديمه
Author: رشا سالم
Date: 08-15-2010, 00:59 AM
Parent: #73
بوست ظريف جدا..
تحياتي لفوزية..
|
Post: #75
Title: Re: يا اخوانا اقنعوا لي فوزيه تجدع العده القديمه
Author: عفاف أبو حريرة
Date: 08-15-2010, 01:47 AM
Parent: #74
| Quote: ولا توجد الا فوزيه واحده ياابنتنا العزيزه |
الله غليك ياعم طارف وعلي الكلام الحلوقلت لي مافي الا فوزيه وااحده
اسي ده كلام زول ممكن يشتكي ليه من شويه عده
دي فوزيه لو طلبت النجوم تنزل ليها
بعدين زوله زي فوزيه وانامله البتعزف احلي موسيقي
تلمها لي مع ناس العده والمليات ده كلام ده
حفها توديها العقاريه
كل سنه وانت وفوزيه بالف خير
وربنا يخليكم لي بعض
وحلة الصغط دي لما خالد مالم فيها نحن لازم نضوق
بليلته
|
Post: #76
Title: Re: يا اخوانا اقنعوا لي فوزيه تجدع العده القديمه
Author: أحمد الصديق
Date: 08-15-2010, 09:48 AM
Parent: #75
رمضان كريم يا طارق
تبدأ الأمور عند كان وأخواتها
بمنشر فقط ،، وتنتهي بحافلة عدة.
سلام لك والعائلة الكريمة.
|
Post: #77
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-15-2010, 10:43 AM
Parent: #76
اختنا العزيزه رشا سالم
رمضان كريم والف تحيه لك ولاسرتك الكريمه
طيب ما قلتي حاجه ... مع الهلال ولا المريخ ؟؟؟
|
Post: #78
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-15-2010, 11:22 AM
Parent: #77
اختي العزيزه عفاف ابوحريره
دي فوزيه لو طلبت النجوم تنزل ليها
دي انحياز واضح لي صاحبتك ..... يعني اواصل في جيب العده ؟؟؟؟
___________________
اما بخصوص البليله اكيد حتضوقوها وباذن الله
لاكين كدي شاوري صديق ....بليله ولا كوارع ؟؟؟؟
|
Post: #79
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-15-2010, 08:47 PM
Parent: #78
اخي احمد الصديق
رمضان كريم
والله بالفعل بدات لكن وقفت والحمد لله بمنشر العده
لكن كل شي تمام بس كان فضل لينا الشرغرغ او الشرقرق ما عارف
|
Post: #80
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-15-2010, 10:04 PM
Parent: #79
| Quote: ما لقينا منشر العده..!!!!!!!!!!! |
عمو طارق ,
ياخ حكايه العده البيختوها في المنشر دي عليييكون الله خلوها ,
العده بيغسلوها ويفوطوها ويرجعوها دولاب المطبخ طوالـي عشان الحوض يكون مضاير :)
البوست دا انا سكنتا فيهو موش؟
تحياتي لي خالتو فوزيه 
|
Post: #81
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-16-2010, 10:30 AM
Parent: #80
ابمتنا الدكتوره داليا
والله شرفتينا بسكناك واضفتي نكهه للبوست
اما بخصوص المنشر يختي ده بقي عندو منظر جميل
يعني نظام استيل وكده مما يضفي
بهجة للناظر
وفرحه للتاجر
ووهكه للشاري
|
Post: #82
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-16-2010, 01:04 PM
Parent: #81
ما نحن واقفين على قدم وساق عشان الشاري المتوهق دا زاااتو
|
Post: #83
Title: Re: يا اخوانا اقنعوا لي فوزيه تجدع العده القديمه
Author: خالد المحرب
Date: 08-16-2010, 01:10 PM
Parent: #82
| Quote: لكن كل شي تمام بس كان فضل لينا الشرغرغ او الشرقرق ما عارف |
ياخ رمضان انتهى ات لسع شرنقه
|
Post: #84
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-16-2010, 09:41 PM
Parent: #83
ما نحن واقفين على قدم وساق عشان الشاري المتوهق دا زاااتو
صبرك يا دكتوره ....
لمن تجي الرياض ما حتلقي قدم عشان تقيفي بيها زاتو
خاصه لو اشتغلتي في العسكري
|
Post: #85
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-17-2010, 01:30 AM
Parent: #84
يا خالد المحرب يا اخوي
رمضان لسه في الساته
انت قعدت تتذكر لي البطانه والرحلات
ويا يوسف ابو حريره وينك ويا حليلك
تقول لي شرغرغ بس.....ورمضان انتهي
|
Post: #86
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-17-2010, 09:57 AM
Parent: #85
الي زوجتي العزيزه فوزيه
والي المنحازين والمنحازات بالمنبر
ادناه كل عدة المطبخ زمان وفي كل الفصول .... رمضان ولا غيرو
|
Post: #87
Title: Re: يا اخوانا اقنعوا لي فوزيه تجدع العده القديمه
Author: MOHAMMED ELSHEIKH
Date: 08-17-2010, 10:11 AM
Parent: #86
| Quote: العده بيغسلوها ويفوطوها ويرجعوها دولاب المطبخ طوالـي عشان الحوض يكون مضاير :) |
رمضان كريم للجميع
طيب يا جماعة العدة البغسلوها في الطشت بموية من الجردل و يشروها فوق عنقريبا مهتوك
اها دي يودوها وين؟؟
|
Post: #88
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-17-2010, 11:11 AM
Parent: #87
طيب يا جماعة العدة البغسلوها في الطشت بموية من الجردل و يشروها فوق عنقريبا مهتوك
اها دي يودوها وين؟؟
يللا يا دكتوره داليا
جاوبي ود الشيخ ...
______________
تعريجه..
والله انت قديم جنس قدم
|
Post: #89
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-17-2010, 11:16 AM
Parent: #88
يا عمو طارق في واحد قريبي ,
شال معاهو عنقريب السعوديه جد جد
|
Post: #90
Title: Re: يا اخوانا اقنعوا لي فوزيه تجدع العده القديمه
Author: MOHAMMED ELSHEIKH
Date: 08-17-2010, 02:15 PM
Parent: #89
| Quote: شال معاهو عنقريب السعوديه جد جد |
يا دكتورة دا عايز- بعد الشر- يكون جنازتو مأصلة ومفصلة
|
Post: #91
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-17-2010, 10:06 PM
Parent: #90
يا عمو طارق في واحد قريبي ,
شال معاهو عنقريب السعوديه جد جد
والله دي ما سبقو عليها زول
لو شال بنابر للصالون كان قلنا بتاع اكسسوارات او ديكور
او فنان لكن عنقريب عديييييييل
طيب ما جاب معاهو الكوريات زي الفوق دي والمكتوب عليها رمضان كريم
|
Post: #92
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-17-2010, 11:41 PM
Parent: #91
الحقي يا داليا الكباشي
الحقي يا عفاف ابوحريره صاحبتك
بدت النقه في منشر العده الجديد ابو تلاته طوابق ....!!!!!!
انو كبير اكتر من اللزوم...هه ...
|
Post: #93
Title: Re: يا اخوانا اقنعوا لي فوزيه تجدع العده القديمه
Author: خالد المحرب
Date: 08-17-2010, 11:57 PM
Parent: #92
Quote: بدت النقه في منشر العده الجديد ابو تلاته طوابق ....!!!!!!
انو كبير اكتر من اللزوم...هه |
البضاعة المباعة لاترد ولاتستبدل
الا بربع القيمه وبموجب الفاتوره
|
Post: #94
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-18-2010, 01:02 PM
Parent: #93
Quote: بدت النقه في منشر العده الجديد ابو تلاته طوابق ....!!!!!!
انو كبير اكتر من اللزوم...هه ... |
ما قلنـا بطاطـس
|
Post: #95
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-18-2010, 09:32 PM
Parent: #94
البضاعة المباعة لاترد ولاتستبدل
الا بربع القيمه وبموجب الفاتوره
صديقي خالد المحرب
المشكله بعد ده ما بيبدلوها
حيقولوا عايزين جديد ابو طابقين...
الناس يا خالد طوابقا منازل
ونحن هنا طوابقنا مناشر
لكي يا منازل .....شنو ما عارف ..... زي ما قال الشاعر
|
Post: #96
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-18-2010, 09:35 PM
Parent: #95
|
Post: #97
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-19-2010, 09:39 AM
Parent: #96
ما قلنـا بطاطـس
انتي عارفه يا دكتوره البطاطس والبصل والتوم
برضو عندهم منشر- ولا بسمو شنو ما عارف-
|
Post: #98
Title: Re: يا اخوانا اقنعوا لي فوزيه تجدع العده القديمه
Author: داليا الكباشى
Date: 08-19-2010, 09:48 AM
Parent: #97
يا عمو طارق ,
بتاع البصل والتوم والبطاطس ما اسمو منشر ياخ !
دا السبت ابو تلاته ولا اربعه ادوار ,
بيختوهو جمب التلاجه , او جمب دولاب المطبخ ,
بيختو فيهو النواشف , في منو سعف وبلاستيك .. وفي دواليب مطبخ (راقيه شديد) بتلقى فيها السبت جوه درج من الادراج !
منشر بطاطس قال!
فظـحتووونا وفشلتوونا عند الاجانب
اقترح تشتري دولاب مطبخ جديد ,
فيهو منشر عده وسبت نواشف
|
Post: #99
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-19-2010, 10:52 AM
Parent: #98
وفي دواليب مطبخ (راقيه شديد) بتلقى فيها السبت جوه درج من الادراج !
يعني ده يا دكتوره
بفتحوهو زي المطبقه ولا شنو؟؟
|
Post: #100
Title: Re: يا اخوانا اقنعوا لي فوزيه تجدع العده القديمه
Author: ابو جهينة
Date: 08-19-2010, 03:55 PM
Parent: #99
طارق
ما كنت متابع
بس أنا متعاطف مع بتنا فوزية في عدم جديع العدة القديمة
قديمك نديمك و لو كان جك مقدود
|
Post: #101
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-20-2010, 01:58 AM
Parent: #100
Quote: ما كنت متابع
بس أنا متعاطف مع بتنا فوزية في عدم جديع العدة القديمة
قديمك نديمك و لو كان جك مقدود |
يا ريس
تعاطفك عطبراوي
ام اقتصادي
ام بورداب-رياضي ؟؟
انا خايف يكون عدم رمي العده ولف ساي
|
Post: #102
Title: Re: يا اخوانا اقنعوا لي فوزيه تجدع العده القديمه
Author: عفاف علي ميرغني
Date: 08-20-2010, 03:40 PM
Parent: #101
يا فوزية اوعى تجدعي حاجة
من فات قديمه تاه
كل سنة واننو طيبين يا طارق وفوزية
ورمضان كريم 00
|
Post: #103
Title: Re: يا اخوانا اقنعوا لي فوزيه تجدع العده القديمه
Author: محمد عثمان عبد الرحيم
Date: 08-20-2010, 04:07 PM
Parent: #102
كامل التضامن مع بت حلتنا فوزية
وزى ماقالت ليك عفاف (الفات قديمه تاه)
|
Post: #104
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-20-2010, 11:53 PM
Parent: #103
يا اخوانا ناس عطبره ديل بقوا لي في رقبتي
من الريس ابو جهينه
وبعدين عفاف علي ميرغني
ثم محمد عثمان عبد الرحيم
شابكني من فات قديمو تاه
طيب لو القديم سمح جايبين الجديد لييييييييييييييييييه ؟؟؟؟؟
|
Post: #105
Title: Re: يا اخوانا اقنعوا لي فوزيه تجدع العده القديمه
Author: إبراهيم عبد الحليم
Date: 08-21-2010, 08:14 AM
Parent: #104
لسه هى ما جدعت العدة؟
|
Post: #106
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-21-2010, 09:18 AM
Parent: #105
يا دكتور ابراهيم
نجدعا كيف
بدون استلام البديل الالماني
|
Post: #107
Title: Re: يا اخوانا اقنعوا لي فوزيه تجدع العده القديمه
Author: طارق ميرغني
Date: 08-21-2010, 08:58 PM
Parent: #106
امس وفي فطور بورداب الرياض
كانت عدة فوزيه مثار كثير من التعليقات
اجملها احدي السيدات شاهدت ثيرمسنا بتاع الشاي الما خمج
قالت لي فوزيه دي عدتكم الجديده؟
قالت ليها لا ده من العده القديمه
:- ... طيب ما تدونا ليهو بدل ما تجدعوه.......!!!
|
|