يا مدير مطار الخرطوم الدولى....هل تعلم بما يحدث فى مطارك؟؟؟ تعال شوف!!!

هل تعلم أن مطارك يسبح فى الفوضى؟؟؟؟

أخونا حسن مكاوي

تحياتي

جيب ما عندك عشان انا عندي كلام كتير والحمد لله فتحت البوست دا خلينا نتفشى شويه

حا أجيب ليك الاكعب من النظام العام هنا

Quote: جيب ما عندك عشان انا عندي كلام كتير والحمد لله فتحت البوست دا خلينا نتفشى شويه

أخونا عبد العزيز

فضفض وإتفش وعندك اياهم.....

هل تعلم أن هذا الطفل قد ضل طريقة(وحيداً) إلى مطارك
بدلاً عن مطار دمشق بتأريخ 29 يوليو 2010
على متن طيران البحرين

هل تم إبلاغك بالحادثة يا سعادة المدير؟؟

عاد الطفل على متن نفس الطائرة
إلى مطار البحرين الدولى....

(هل كلموك) ولا غتغتو منك الحادثة؟؟

هل تعلم أن موظفى الخطوط الجوية فى مطارك
تنقصهم الخبرة والتدريب!!!
ولم يسمعوا بفن التعامل مع المسافرين!!!

أما الإستجارة بمن يسمى (مدير الصالة)
فهى كالإستجارة من الرمضاء بالنار
عابس
كالح
متكبر
تقدح عينية شرراً
( ومستعد يضارب )

وسرقة محتويات الحقائب وهى فى طريقها للطائرة
تحديداً رحلة طيران الخليج رقم 702
بتاريخ 2 أعسكس 2010


كدة عيب يا صاحب السعادة!!!!

ياحسن السودان ده بلد الفوضى واللاقانون واللانظام ...

انا القدامك ده ولدي امه اجنبيه تم خطفه من السودان في محاولة تهريبه لخارج السودان عبر ضابط سوداني ولولا الله وعمل حظر سابق له من جانبي لكان خارج السودان عندما حاول الضباط تسفيره عبر المطار بعد اضافته في جوازه كإبنه ..وقد منعته جوازات المطار بالخروج به عندما ظهر لها ان صورة الطفل ضمن المحظورين من السفر ولكن بإسم مختلف ، وتخيل لم يتم القبض عليه لكونه ضابط وانتهى الامر كما لم يكن ...
والله ياحسن ده حصل لولدي وفي بلدي ومن ضابط مفروض يحميهو ..

Quote: هل تعلم أن هذا الطفل قد ضل طريقة(وحيداً) إلى مطارك

تحياتنا يا حبيبنا ... وحمدا لله على السلامة


على الرغم من المآخذ الكثيرة على المطار الا انني ارى ان مدير المطار غير مسؤول عن وصول راكب بالخطأ الى مطاره وهي مسؤولية الشركة الناقلة في المقام الاول .

Quote: الا انني ارى ان مدير المطار غير مسؤول عن وصول راكب بالخطأ الى مطاره وهي مسؤولية الشركة الناقلة في المقام الاول .

حبيبنا معتصم
لا خلاف على رأيك ولكن....هل تم تبليغ السيد المدير بالحادثة؟؟؟
الطاقم الأرضى كان يعمل على غتغتة الحادثة
حتى لا تتعرض شركة الطيران للمساءلة!!!

Quote: وقد منعته جوازات المطار بالخروج به عندما ظهر لها ان صورة الطفل ضمن المحظورين من السفر ولكن بإسم مختلف

فايز
ربنا حميد إنو فى واحد صاحى....سلامة كبيرة

يا فايز ما مشيت للزابط دا ودقيتو؟ ما دام هو زابط وبخالف القانون إنت المتابع ليها القانون شنو؟ الرهيفة التنقد.

(العوج راي والعديل راي)

افصح يامكاوي..ماذا تقصد بالفوضي وهل لديك دليل!!!

حد علمي انو كل شئ تمام ومرتب نحن المطار الوحيد الذي لدية انترنت مجاني من
ثابت..كونة ماشغال او قاعد(زينة وعا########ي) دي ماحاجة مهمة..بعدين تاني
الحمامات مالها..لو ######انة وريحتها طالعة ..استحمل شوية كلها دقايق وتمشي حمام
في بيتكم..كان بتتكلم عن التكييف القال ليك تجي مشنط نفسك ولابس بدلة منو ..ياخ
تعال بعراكي وسفنجة اصلو البعاين ليك منو في الزحمة دي..وموضوع السير العطلان والمقدد دا
كمان استحمل شوية عارف انو البترول سعرو نازل نجيب عملة صعبة من وين نشتري جديد...كمان
لو الضباط ديل صارين في وش الناس وبنهرو فيهم ذي البقر..ياخ عندهم حق الواحد سادي
وردية ومانايم كويس....بعدين حكاية الناس البجو يسوقون من الصف ويدخلوهم جوة بي هناك
دي مافوقها حاجة..وا نت لو قرصت لي لواحد من الناس السايقين التروليات دي واللة يجيهك
جيهة.. تلاقي نفسك بقدرة قادر برة...
ياخي ماتبقي حساس ونظام الولد جاي من برة..عليك اللة اقيف كدا وارفع
راسك وشوف الديكور والاضاءة الخافتة جدا..دا كلو عشان تبقي جيل وكوووول
وشكرا
ودابراهيم

Quote: افصح يامكاوي..ماذا تقصد بالفوضي وهل لديك دليل!!!

ود إبراهيم

إمكن المطار كويس بس إحنا ما بنعرف نسافر....

وماذا عن الحسناء المستهبلة
والتى توهمك أن أوراقك ناقصة
ولكن حتمشى الموضوع على مسئوليتها الشخصية.....
وكلك نظر...

اظن ان الطائرة او الباخرة تظل (مثل قطعة أرض)تتبع للدولة التي تحمل شعارها او علمها
وما دام الطفل لم ينزل من بطن الطائرة عليه يظل لا علاقة له بأرض المطار


والله اعلم

تحياتي لصاحب البوست

ذي ماقت المطار كويس لكن انت المابتعرف تسافر!!!!!

الاخوه الاعزاء

نواقص مطار الخرطوم شتي و لكن ليس من بينها المسؤلية عن اخطاء شركات الطيران , في حالة الطفل

التبليغ عن الحادث مسؤلية الشركة الناقلة 100% و من السلطات فرض غرامة عليها بنص الملحق التاسع

لاتفاقية شيكاغو للطبران.

الحادثة في حد ذاتها تعتبر فضيحة للشركة الناقلة و لسلطات الهجرة و قسم السلامة الجوية في مطار القيام.

استبشروا خيرا فقد تقلد قبل اسبوعين منصب مدير المطار السيد صلاح يوسف عمار و هو اداري من الطراز

الفريد و اعتقد جازما انه سيجري كثيرا من الاصلاحات التي من شأنها اصلاح الحال.

التبليغ عن الممارسات غير المسؤلة و توثيقها اولي الخطوات نحو التجويد و هي حق اصيل لكل متلقي

للخدمة.

Quote: استبشروا خيرا فقد تقلد قبل اسبوعين منصب مدير المطار السيد صلاح يوسف عمار و هو اداري من الطراز الفريد و اعتقد جازما انه سيجري كثيرا من الاصلاحات التي من شأنها اصلاح الحال.

أخى عدلان
معك نستبشر بقدوم المدير الجديد لمطار الخرطوم الدولى
أعانة الله على وضع الأمور فى نصابها

لغاية هسة ماشفنا مايبرر بوستك دا ..

تحياتي لكم جميعاً

هنالك الكثير من الأشياء التي تستحق فتح العديد من البوستات عن الخدمة في مطار الخرطوم.

مسالة الطفل دي أنا رأيي زي رأي الإخوة واعتقد أن المطار ليس مسؤولاً عنها.

ولكن ....

مواعيد السودانية
نظافة السودانية
مضيفات السودانية المكشرات
عدم احترام المسافر
عدم وجود ماء شرب بمطار (دولي)
كولر مويه واحد في مطار الخرطوم مافيش
أين تذهب رسوم المطار
عدم النظافة

يا جماعه والله فعلاً دي أشياء ضرورية ويمكن أن يتوجه البوست لمناقشتها
وأتمنى فعلاً من المدير الجديد إعادة النظر في الكثير من الوجوه المكشره
فمن المفترض أن يكون المطار مدخل سياحي للسودان.

Quote: مواعيد السودانية نظافة السودانية مضيفات السودانية المكشرات عدم احترام المسافر عدم وجود ماء شرب بمطار (دولي) كولر مويه واحد في مطار الخرطوم مافيش أين تذهب رسوم المطار عدم النظافة

وسرقة أمتعة المسافرين من قبل بعض ضعاف النفوس من العاملين بالمطار
وهنا يكمن الخطر الأكبر
فالسارق يمكنة كذلك بيع أمن المطار وتعريض الأبرياء للخطر

ولعل اضيف شئ اهر وهو انه في كل مطارات الدنيا يلبس صباط الجوازات زي مميز وليس زيا عسكريا كما هو الان ..
سعدنا بلقياك اخونا حسن وتحياتي ..

Quote: تلفونك مش بايظ يا فندم ده انت اللى مش عارف تتكلم

Quote: استبشروا خيرا فقد تقلد قبل اسبوعين منصب مدير المطار السيد صلاح يوسف عمار و هو اداري من الطراز

كيف تولع اللمبة والسلوكـ عريانه ؟؟ ( مثل كُُرباوي )



لو مغالطنا ما مصـدقنا أسأل العنبه الراقده فوق بيتنا !




ــــــ

بالنسبه لينا كمؤمنين وكدا ..

ننتظر لسه ؟ والا نُدق القنع ،،،

Quote: وماذا عن الحسناء المستهبلة والتى توهمك أن أوراقك ناقصة ولكن حتمشى الموضوع على مسئوليتها الشخصية..... وكلك نظر...

بل مجموعة حسناوات وشوية بلطجية ..

لك التحية أخي / حسن مكاوي ... واتمنى أن يكون في هذا البوست نقداً وإظهاراً للسلبيات عسى أن يتمكن مدير المطار الجديد أو من يهمه الأمر على تلافيها .. المطارات دائماً هي البوابة الأولى للبلد ، وكلنا نتمنى أن يصبح مطار الخرطوم واجهة حضارية تعبر عن إنسان السودان الأصيل المعروف دائماً بحسن الطباع ...

من الأشياء الغريبة جداً والتي حدثت معي بمطار الخرطوم .. حيث كنت اعتقد إني زول مفتح وماكل السمكه وديلها على قول أخوانا المصريين ... في إجازتي قبل الأخيرة جئت مودعاً أسرتي حيث كانت وجهتهم مدينة بورسودان .. بعد إنهاء الإجراءات الروتينيه في كاونتر سودانير ... أمسكت بإبني الكبير محمد .. حيث لديه إعاقه تمنعه من السير بصورة طبيعية .. وفي اليد الأخرى كنت أحمل بعض الأكياس .. ومعاذ الصغير ووالدته يمشون أمامي ... عندها شعرت أن أحد عمال سودانير - تخيلوا - يربت على جانبي الأيمن حيث الجيب ، وقال كدي .. وطارت المئة ألف جنيه التي في الجيب ... يعني اتسرقت بمعرفتي وبمليء إرادتي .. المهم بعد أن أوصلت الجماعة للمقاعد المخصصة للانتظار الصعود للطائره .. رجعت فوراً للضابط المسئول عن الأمن وأخبرته بالواقعة .. وزدت بأن أشرت إلى الشخص الذي قام بنشلي .. قال لي الراجل ما عليك يا بو الشباب إنت عملت العليك وخلي الباقي علينا ... فماذا فعل الضابط الهمام بعد أن طمأنني ... وحاتكم لا شيء ...

المهم على قول تبارك ... بعد أن استقل أفراد عائلتي الطائره رجعت لصاحبنا .. وبالمناسبه متذكر اسمو كويس بعد أن سألت أحد الأفراد عنه .. -أي الضابط - فلم أجده مكانه .. نظام الورديه اتغيرت وكده .. ولأن الموضوع بصراحه حارقني ذهبت إلى مكتب المباحث المجاور وأخبرتهم بما حدث ... ولكن لا حياة لمن تنادي ... وهكذا يا أصحاب دائما حقنا ضايع ... وكما قال أحد الأخوة أعلاه أن خيانة الأمانه ليس لها مدى أو حد .. زول زي ده ممكن حتى يفرط في أمن المطار مقابل حفنة من الجنيهات ... والله يستر على البلد بس ,, المواضيع ماشيه بالنيّه ساهي ...

مع خالص تحياتي وتقديري ؛؛؛

لا نطلب المستحيل .. لمدخل يفضى لمليون ميل مربع ( حتى اشعار آخر )
ذات الصاله ..
فقط ..
- أرضيات جيده .. ونظيفه ( بورسلين لا رخام كى لا نرهق ميزانية الدولة ) سعر المتر المربع مع التركيب لا يتجاوز 20 دولار
- كاونترات أنيقه ( المونيوم محلى تنتجه جياد لن تزيد تلفتها عن 15 الف دولار ) يجلس خلفها مسؤولى جوازات يتسمون بالنظافه واللطافه .. لا بأس من ازياء أنيقه
وتغيير حواسيبهم العتيقه الباليه ( 10 اجهزه بعدد الكاونترات لن يتجاوز سعرها 10 الف دولار
- تكييف جيد وصيانه مستمره .. تقديرا منى لن تتجاوز الكلفه ال 30 الف دولار
- ممرات متحركه تحفظ نظام العبور للجوازات .. ( قوائم معدنيه مع الشريط ) قولوا 5 الف دولار
- لافتات أنيقه من الحجم الصغير بدلا عن الورق المقوى المطبوع تعين كاونترات المواطنون والاجانب والامم المتحده ( 20 لافته لمختلف المواقع تكلفة الواحده لا تزيد عن 200 دولار
- تكليف شركات الدعايه بصيانة لوحاتهم الاعلانيه .. ( عمل مواصفات لتلك اللافتات ) ( مجانا )
- صيانة سيور العفش ( لا اعرف قيمتها )
- تغيير السقوف الكالحه المتسخه ( المتر المربع لاجود الانواع لا يزيد عن ال 15 دولار )
- صيانة دورات المياه .. ( فى حدود ال 5 الف دولار مستعد تماما لاكمال العمل على أتم وجه ) وإن نقصت عن المعايير سأتكفل بالباقى
- انضباط العاملون ونظافتهم والاعتناء بازياءهم .. ( مجانا لصرفهم مرتبات للقيام باعمالهم ) ( فوجئ ركاب ( فلاى دبي ) فى الشهر الماضى بأن المطار مغلق ) وظلوا فى الخارج لاكثر من ربع الساعه ..
- المحافظه على النظافه المستمره .. ( مجانا ) ( مراقبة ومحاسبة الشركه المناط بها النظافه وهى فى كل الاحوال تستلم مستحقاتها كامله )
- ترميم الجدران وطلاءها بالوان جاذبه وانيقه ( فى الامكان تكليف طلاب السنه الثانيه فنون بمهمة تزينها بلوحات تعبر عن روح البلاد ) وسيتدافعون ومجانا لمهمة تشرفهم وتشرف بلادهم )
- تروليات جيده بحيث انها ( تعمل ) .. قد تتكلف بها احدى الشركات او مجموعه منها ووضع اعلاناتهم عليها
- تنظيم حركة القادمون فى المسار جوازات - عفش - جمارك - خروج

ما الاعجاز المستحيل فى ذلك ؟!!..

..
نسيت آخر البنود وهو منع الحيوانات الاليفه من التجوال الحر داخل الصاله اثناء ساعات العمل الرسمى ( ارجو الا يكلف الاخير اكثر من 500 الف دولار )

Quote: ولأن الموضوع بصراحه حارقني ذهبت إلى مكتب المباحث المجاور وأخبرتهم بما حدث ... ولكن لا حياة لمن تنادي ... وهكذا يا أصحاب دائما حقنا ضايع ..

لا أندهش بعد ذلك ان أخذ المواطن اليائس المقهور حقه بقوة السلاح وبى ضراعو.

طيب الحادثه المذكورة لا توضح ملابسات لادانة مدير المطار او العاملين به
لكن مطار الخرطوم للاسف عبارة عن عصابه منظمة لسرقة المغتربين الداقسين
وعادي جدا تتفتح شنطتك او شنطك من الطائرة حتى السير
انا في احدى اجازاتي
سرق مني 2 جوال وكاميرا
قمت رجعته المطار عشان افتح بلاخ
ناس شرطة المطار قالوا ما بفتحوا بلاغ
لازم تمشي شرطة العامارات (امتداد الدرجه الاولى)
طيب انتوا شرطه بتعملوا شنو
وان بالطريقه دي بعتبركم متواطئن
قالوا لي
يا زول ما تصرف عربي وما تضيع زمنك
امشي افتح بلاغ هناك
يا اخوانا انا والله ما هاماني الجوالات
لكن دي سمعة بلد وشرف وطن
لو حدثت مع اجنبي
المهم
عندي ولد جيارانا في امن المطار
قال لي والله بصراحه انسه الموضوع ده
ح تمشي تفتح بلاغ وجرجره يومين تلاته
وفي النهايه ح يجي البلاغ وما ح تلقى حاجه
باختصار قال لي الموضوع ده مطبوخ
مع الضابط ومع العسكري الموجود في العربية البتنقل
العفش من الطيارة للسير
وفي نهاية اليوم بتاقسموا الغلة
لانه راتبهم ضعيف وما بكفيهم
شكرته علي صراحته
واستوضه الله في جوالاتي وفي سمعة الوطن
الذي تعود اليه متلهفا ومشتاقا
يقابلك بي صفوف وجبايه ورسوم
وكمان جابت ليها سرق

الوصيه بالمهلة
اي واحد مسافر السودان
لازم يربط شنطوا بحبال
ويشوف ليه طبله كاربه
بسرقوا الساهله هم ما في وقت
للكسر و قطع الحبال
والله على ما اقول شهيد

Quote: قالوا لي يا زول ما تصرف عربي

والله ياطارق انا فى حياتى لم ار شرطة بهذا اللؤم ولا هذالندالة .

Quote: باختصار قال لي الموضوع ده مطبوخ مع الضابط ومع العسكري الموجود في العربية البتنقل العفش من الطيارة للسيروفي نهاية اليوم بتاقسموا الغلة لانه راتبهم ضعيف وما بكفيهم شكرته علي صراحته واستوضه الله في جوالاتي وفي سمعة الوطن

أكشفوا المستور يا شباب....

Quote: - أرضيات جيده .. ونظيفه ( بورسلين لا رخام كى لا نرهق ميزانية الدولة ) سعر المتر المربع مع التركيب لا يتجاوز 20 دولار - كاونترات أنيقه ( المونيوم محلى تنتجه جياد لن تزيد تلفتها عن 15 الف دولار ) يجلس خلفها مسؤولى جوازات يتسمون بالنظافه واللطافه .. لا بأس من ازياء أنيقه وتغيير حواسيبهم العتيقه الباليه ( 10 اجهزه بعدد الكاونترات لن يتجاوز سعرها 10 الف دولار - تكييف جيد وصيانه مستمره .. تقديرا منى لن تتجاوز الكلفه ال 30 الف دولار - ممرات متحركه تحفظ نظام العبور للجوازات .. ( قوائم معدنيه مع الشريط ) قولوا 5 الف دولار - لافتات أنيقه من الحجم الصغير بدلا عن الورق المقوى المطبوع تعين كاونترات المواطنون والاجانب والامم المتحده ( 20 لافته لمختلف المواقع تكلفة الواحده لا تزيد عن 200 دولار - تكليف شركات الدعايه بصيانة لوحاتهم الاعلانيه .. ( عمل مواصفات لتلك اللافتات ) ( مجانا ) - صيانة سيور العفش ( لا اعرف قيمتها ) - تغيير السقوف الكالحه المتسخه ( المتر المربع لاجود الانواع لا يزيد عن ال 15 دولار ) - صيانة دورات المياه .. ( فى حدود ال 5 الف دولار مستعد تماما لاكمال العمل على أتم وجه ) وإن نقصت عن المعايير سأتكفل بالباقى - انضباط العاملون ونظافتهم والاعتناء بازياءهم .. ( مجانا لصرفهم مرتبات للقيام باعمالهم ) ( فوجئ ركاب ( فلاى دبي ) فى الشهر الماضى بأن المطار مغلق ) وظلوا فى الخارج لاكثر من ربع الساعه .. - المحافظه على النظافه المستمره .. ( مجانا ) ( مراقبة ومحاسبة الشركه المناط بها النظافه وهى فى كل الاحوال تستلم مستحقاتها كامله ) - ترميم الجدران وطلاءها بالوان جاذبه وانيقه ( فى الامكان تكليف طلاب السنه الثانيه فنون بمهمة تزينها بلوحات تعبر عن روح البلاد ) وسيتدافعون ومجانا لمهمة تشرفهم وتشرف بلادهم ) - تروليات جيده بحيث انها ( تعمل ) .. قد تتكلف بها احدى الشركات او مجموعه منها ووضع اعلاناتهم عليها - تنظيم حركة القادمون فى المسار جوازات - عفش - جمارك - خروج ما الاعجاز المستحيل فى ذلك ؟!!.. .. نسيت آخر البنود وهو منع الحيوانات الاليفه من التجوال الحر داخل الصاله اثناء ساعات العمل الرسمى ( ارجو الا يكلف الاخير اكثر من 500 الف دولار )

وقبل كل ذلك إختيار وتدريب الكوادر البشرية....

محمد المشرف لك الشكر

Quote: وهكذا يا أصحاب دائما حقنا ضايع

حتماً لن تضيع الحقوق إن صمدنا نطالب بها.....

إدريس محمد إبراهيم......لك الشكر

Quote: بل مجموعة حسناوات وشوية بلطجية ..

يجب ( كنسهم ) وإحلال الأكفاء مكانهم


شكراً بكرى إسماعيل

Quote: كيف تولع اللمبة والسلوكـ عريانه ؟؟ ( مثل كُُرباوي )

اللمبة نفسها عريانة


____________________________

سيب الفلات وأمسك فى فخرى

Quote: ولعل اضيف شئ اهر وهو انه في كل مطارات الدنيا يلبس صباط الجوازات زي مميز وليس زيا عسكريا كما هو الان ..

ياريس
ما عدا مطار بن قوريون!!!
مطابنا مطار نفتخر بة وبمن فية.....

_______________________

أسأل الله أن أراك قريباً ياريس

الأخوة والأخوات
البوست متروك لكل من أصابة ضرر من القائمين على أمر مطار الخرطوم الدولى

والله لن نسكت

لغير أعضاء المنبر أرجو إرسال تجاربهم إلى [email protected]

ورسوم المطار دى كوم تانى

مافى باقى برجع

مرة دفعت الرسوم 15 ولا 20

دولار وجنبى واحد عندوا يورو

الموظف اصر على 20 يورو

قال ليهو 20 يعنى 20

يورو ولا دولار

شكرا د. المشرف و انت توقد شمعة بدل لعنة الظلام

اقتراحاتك عملية و بسيطة و لا تكلف كثيرا


حالات السرقة و التعدي علي ممتلكات المسافرين امر لا يقره الشرع و يعاقب عليه القانون فالمطار يعتبر

حظيرة جمركية لذا تقع مخالفاته تحت طائلة قوانين التهريب ذي العقوبات الرادعة.

التعدي علي عفش المسافرين سرطان يؤرق جميع شركات الطيران العالمية و المحلية و تقارير الاياتا

( الاتحاد الدولي لشركات الطيران) تشير الي استشراء الظاهرة عالميا خصوصا في المطارات الكبري

فخسائر اميريكان ايرلاينز من التعويضات عن العفش المسروق قدرت بثمانمائة الف دولار في عام 2009

و سجلت مطارات اتلانتا و جي اف كي و لوس انجلز اعلي المعدلات و سمعة المطارات الالمانية في دوسلدوف

و ميونيخ تدنت بسبب الظاهرة .

الاقتراح العملي لادارة مطار الخرطوم هو الزام شركات الطيران بالتدقيق الجنائي عند تعيين العمال

علاوة علي تثبيت كاميرات مراقبة في نقاط التحميل و التنزيل مع التشدد علي المراقبة اللصيقة من

امن الشركات و امن النقل الجوي .

احد اكبر مشاكل مطار الخرطوم هو تداخل الاختصاصات بين السلطات الامنية فيما بينها من جهة و بينها

و بين هيئة الطيران المدني ممثلا في امن النقل الجوي من جهة اخري لذا اعتقد ان آن الاوان لتشكيل قوة

شرطة الموانئ الجوية لتكزن وعاء شاملا يضم قوات الامن / امن النفل الجوي / القوات الخاصة / شرطة

الجوازات و الهجرة / مطافئ المطار / اسعاف المطار . علي ان يتم تكوينها عن طريق الانتداب من القوي

الحالية و تكون مرجعيتها مجلس مكون من قيادات تلك الاجهزة و ادارة المطار

رسوم المطار طالبنا مرارا و تكرارا لتحصيلها باضافتها لقيمة التذكرة وبالتالي علي ان توردها شركات

الطيران بصورة ربع سنوية للطيران المدني علي ان تخصص لتحسين خدمات الركاب و ليس لغرض آخر

ليس قاطعا للارزاق و لكن خدمات الحمالين لا ضرورة لها بالطريقة الحالية فيكفي ان توفر ادارة المطار

العدد الكافي من عربات العفش و تخصيص خدمة سكاي كاب عبر مكتب داخل الصالة لمساعدة المسنين و اصحاب

الحاجات.

خدمات المسافرين من اجراءات السفر و الوزن قطعا تحتاج للمراجعة و امر لابد لادارة المطار من التشدد

فيه خصوصا في انسنة المهنة و فن التعامل المريح الراقي و اشعار المسافر بتقدير الشركة لزبونيته

موضوعنا موضوع Culture change

الأخ حسن مكاوي
تحياتي و بوست هام و أرجو أن يلفت نظر المسئولين عن ادارة المطار لتحسين مستوى الخدمة.. و لكن لاحظت ان هناك خلط بين مسئوليات ادارة المطار و بين مسئوليات شركات الطيران فمثلا:

Quote: هل تعلم أن موظفى الخطوط الجوية فى مطارك تنقصهم الخبرة والتدريب!!! ولم يسمعوا بفن التعامل مع المسافرين!!!

فموظفي الخطوط يتبعون لشركات الطيران و ليس لادارة المطار!!!
أشيد بما كتبه الأخ محمد حيدر المشرف و الأخ ابراهيم عدلان...
سوء التكييف و المناولة شئ مؤلم لكل القادمين..
كل الود..

الجلافة والوقاحة وقلة الزوق التي يقابلك بها كبار ضباط الجمارك .. أسواء مما يفعله البلطجية الصغار !!




ـــ
سلامات ياأبوعلي

والله اكتر حاجة حارقاني ...الحاجة الاسمها رسوم مطار ...

دي ما شفناها على الاقل في مطارات الدينا التي سافرنا عبرها ..دلونا يا ناس ؟؟؟؟

والمشكلة الثانية ..الكاونتر البيفتح لقايت بعد مواعيد قيام الطائرة ...

وحدثني احدهم وتحديدا يوم الاربعاء الفات ...بان كاونتر الخطوط السعودية فتح الساعة 5 عصرا على امل قيام الطائرة الساعة 9 مساء ...حسب المواعيد ...وتخيلو انه حتى الساعة 10 مساء والكاونتر فاتح والطائرة منتظرة الكاونتر يقفل ...

وفعلا قامت الساعة 11 م ... وما ذنب من اتى مبكرا وانتظر اكثر من 5 ساعات ؟؟؟؟ ودي شغلانة تانية ...

الكاونترات دي مسئولية مدير المطار ...ولا منو ؟؟؟؟

اما السرقة فحدث ...العيب الكبير ان حكي لي احد الاخوة العرب ..قصته وهو عائد عبر مطار الخرطوم ... ومصير الهدايا التي اختارها لاهله ....يا له من عيب .....!!!

يا ابو علي

وين اراضيك

ياخي هو المطار بس كل حته تمشي لازم تواجه مشكلة لو كان الفقر رجلا لقتلته دي مقولة مليانة تماما

كل واحد خرج من مطار الخرطوم او اتي اليه سوف يلاحظ الفرق الكبير بينا وبين العالم

ياخي الابتسامة دي مش مجانية وتعتبر صدقة الناس بخلانة بيها ومضيعة لي نفسها اجر

تحياتي

زاتوووو

Quote: يا ابو علي وين اراضيك

حبيبنا زاتو

أقوليك إتملطشتة فى مطار الخرطوم.....
تقولى وين أراضيك؟؟؟

نشوفك قريب إنشاء الله

Quote: الجلافة والوقاحة وقلة الزوق التي يقابلك بها كبار ضباط الجمارك .. أسواء مما يفعله البلطجية الصغار !!

السيد المسلمى

تحياتى

Quote: انا القدامك ده ولدي امه اجنبيه تم خطفه من السودان في محاولة تهريبه لخارج السودان عبر ضابط سوداني ولولا الله وعمل حظر سابق له من جانبي لكان خارج السودان عندما حاول الضباط تسفيره عبر المطار بعد اضافته في جوازه كإبنه ..وقد منعته جوازات المطار بالخروج به عندما ظهر لها ان صورة الطفل ضمن المحظورين من السفر ولكن بإسم مختلف ، وتخيل لم يتم القبض عليه لكونه ضابط وانتهى الامر كما لم يكن ... والله ياحسن ده حصل لولدي وفي بلدي ومن ضابط مفروض يحميهو

يا فائز انت جادي !!!!!!!!!!!!!

في آخر رحلة لي بين الخرطوم و الرياض ..
اوقفنا موظفي الخطوط الجوية السعودية اكثر من ساعة علي سلم الطائرة .. الساعة 12 ظهر في عز الحر ..
منظر النساء و الاطفال و كبار السن كان محزن جدا ..
تحدثت مع المشرف علي التفتيش .. سؤال يا افندينا .. انتو بتعملوا كدا ليه مع الناس .. سلطات المطار دي ما عاجباكم ..
ووقت ما في أمان .. ما توقفوا رحلاتكم .. هسع دي انا لو قلت ليك ما بتفتش و مشيت رفعت فيكم قضية المسوق القانوني البتدافعوا بيهو عن نفسكم شنو ..
قال لي .. نحن عندنا تصريح من ادارة المطار بتفتيش الناس بالطريقة دي .. لانه في تقصير أمني .. و يا ابو الشباب صدقني و الله دا لمصلحتكم ..
نحن زاتنا ما عاجبنا الكلام دا .. بس دي طيارة و اذا حصل اي خلل امني الضرر بتاعه بيكون كبير و ما بنقدر نتحكم فيهو ..
و نحن اساسا ما ناس بوليس و لا بنعرف زاتو نفتش كويس .. بس ورينا الحل شنو .. لمن سلطات المطار ما تقوم بواجبها علي احسن ما يكون ..
اتفتشت لمن قلت شكرا .. و دخلت جابو لي كباية موية و كمية من الاعتذارات .. و الله لمن خجلت ..

Quote: قال لي .. نحن عندنا تصريح من ادارة المطار بتفتيش الناس بالطريقة دي .. لانه في تقصير أمني ..

؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Quote: استبشروا خيرا فقد تقلد قبل اسبوعين منصب مدير المطار السيد صلاح يوسف عمار و هو اداري من الطراز الفريد و اعتقد جازما انه سيجري كثيرا من الاصلاحات التي من شأنها اصلاح الحال.

يبدو فعلا ان انجازاته بدأت تظهر ولتتأكد ويتأكد من ذلك عليه زيارة المطار عصر اي يوم يختاره ويزور صالة المغادرة تحديدا ..

يوم الجمعة الماضي ( اول امس) سافرت عبر المطار الى الامارات ووجدت الاف المسافرين والمودعين مكدسين امام صالة المغادرة ورغما عن انني لا احمل سوى شنطة صغيرة دخلت بصعوبة شديدة الى الصالة بعد اكثر من 20 دقيقة وهالني ما رايت عند جهاز الاسكنر خارج الصالة صراخ اطفال وعويل نساء وصراع وكل يحاول وضع اغراضه قبل الثاني في الجهاز الوحيد والفوضى تضرب المكان .

Quote: يبدو فعلا ان انجازاته بدأت تظهر ولتتأكد ويتأكد من ذلك عليه زيارة المطار عصر اي يوم يختاره ويزور صالة المغادرة تحديدا ..

مرحبا معتصم و رمضان كريم

الاخ صلاح عمار قدم الي مطار الخرطوم من مطار بورتسودان و يا دوبك ليهو اسبوعين و عندو تركة سنين عددا و هو قادر علي التغير و بعدين الراجل ما عندو عصي سحرية و العافية درجات

و لو كنت محلو حا اقسم الشغل لي شورت تيرم و ميد تيرم و لونق تيرم عشان ما تتلخبط الاولويات

موضوع السرقات و التعدي علي عفش المسافرين اولوية قصوي

موضوع خدمات الكاونتر و معاملة الركاب علي نحو انساني من اهم الاولويات

الزام الشركات بحسن الضيافة مع ربط المخالفات بغرامات مالية و ايقاف من الخدمة للموظف المسئ

شركة واحدة للمناولة الارضية عبر عقد بشروط جزائية عالية لضمان الالتزام

امن المطار و سلامة الركاب جزء اساسي من عمل ادارة المطار لذا يجب استيراد المزيد من اجهزة الاسكاننق مع تخصيص موقع آخر للوزن المبكر early checking لتخفيف الزحام

برمجة القيام و الوصول علي اسس جديده اهمها راحة المواطن

دا غيض من فيض

اخونا حميده

القالو ليك الموظف دا عن القصور الامني ممكن جدا يكلف الشركة بتاعتو ترخيص العمل

و ببساطة كلام غير مسؤل من زول ما مسؤل و كان ممكن ترفض الصعود للطائرة و تطلب حضور سلطات المطار

كان زولك دا راح فيها

Quote: اوقفنا موظفي الخطوط الجوية السعودية اكثر من ساعة علي سلم الطائرة .. الساعة 12 ظهر في عز الحر ..

Quote: و نحن اساسا ما ناس بوليس و لا بنعرف زاتو نفتش كويس .. بس ورينا الحل شنو .. لمن سلطات المطار ما تقوم بواجبها علي احسن ما يكون ..

Quote: يا فائز انت جادي !!!!!!!!!!!!!

اقسم بالله اخي مازن حدث ذلك في بلدي ولابني ..ولم يكتفوا بذلك بل تم اخفاءه لقرابة الــ7 اشهر داخل السودان دون ان ادرى مكانه وحتى الجهات القانونية لم تعرف مكانه ..هي قصة ولا في الخيال اخي مازن في بلد الخيال ..

Quote: اقسم بالله اخي مازن حدث ذلك في بلدي ولابني ..ولم يكتفوا بذلك بل تم اخفاءه لقرابة الــ7 اشهر داخل السودان دون ان ادرى مكانه وحتى الجهات القانونية لم تعرف مكانه ..هي قصة ولا في الخيال اخي مازن في بلد الخيال ..

فايز ود القاضى

أرجو أن تفرد للموضوع بوست.......ونحن فى الإنتظار

وصلت البلاد بحمد الله قبل يومين

الخدمات في صالة القدوم أفضل بكثير من الاعوام السابقة

والإجراءات لم تأخذ أكثر من ربع ساعة ( جوازات ، استلام عفش ، جمارك )

نطمع في تحسين الخدمات في صالة المغادرة وتوفير أكثر من ماكينة تفتيش

حتى لا يتكدس المسافرون وامتعتهم ( فالمسافرون عبر مطار الخرطوم إلى أي مكان

في شفقة غريبة والكل يريد أن ينهي معاملاته قبل غيره دون احترام للصفوف مستخدما كل علاقاته

دون حياء او احترام ، الأمر الذي يشعر الموظفون بالمطار بنوع من التعالي من قبلهم )

ما رأيكم في مسافر سوداني يتحدث مع موظفة الخطوط المسؤولة عن وزن العفش بالانجليزية

الامريكية وفي تعال وتكبر منتقدا كل شيء في السودان ومحملا الموظفة المسكينة كل اخفاقاته

Quote: يوم الجمعة الماضي ( اول امس) سافرت عبر المطار الى الامارات ووجدت الاف المسافرين والمودعين مكدسين امام صالة المغادرة ورغما عن انني لا احمل سوى شنطة صغيرة دخلت بصعوبة شديدة الى الصالة بعد اكثر من 20 دقيقة وهالني ما رايت عند جهاز الاسكنر خارج الصالة صراخ اطفال وعويل نساء وصراع وكل يحاول وضع اغراضه قبل الثاني في الجهاز الوحيد والفوضى تضرب المكان .

في فبراير الفات كنتا متواجد في الخرطوم .. و كمرة كدا ساقتني الاقدار لي مطار الخرطوم .....و في نفس الفترة سافرتا القاهرة من مطار الخرطوم ... الخلاصة ... انو احسن مواعيد تسافر فيها من المطار بعد نص الليل .المطار بكون فاااااااااضي ...

- حميدة : ناس طيران الاتحاد عندهم نفس الحكاية دي ... و بالذات لاحظتا بيدققو مع الناس المسافرين امريكا في حكاية الفيزا ......

عمنا ابراهيم عدلان : كدي واصل ... انا متابع بوستاتك عن الطيران المدني لي فترة .... في تخصص هنا في ماليزيا اسمو CIVIL AVIATION MANAGEMENT و بيدوك عليهو درجة البكالوريوس .. الواحد لو عارف كدا كان دخل فيهو من زمان .. لكن بعد فوات الاوان .. ما أظن :)
تحياتي

قبل وصولي للمطار الخرطوم من مطار أبوظبي نسيت في التفتيش الأول في مطار أبوظبي موبايلي ومحفظتي واكتشفت بعد ما دخلت الصالة وطلبت من العسكري الفي البوابة اعتذر لي وقال لي امشي قابل الضابط ومشيت لمكتب الضابط وهو برتبة رائد ومن ما دخلت رحب بي ببشاشة وفتح التلاجة الصغيرة الجنبة وقدم لي عصير وكلمته بالموضوع طوالي طلع اتصل بالتلفون في التفتيش وقال لي نعم موجودات وطلع من المكتب وكنت مفتكر حا يرسل ليه زول وغاب دقيقة وجا راجع شايلهم في يده مشى بي نفسه وجا راجع

جينا مطار الخرطوم وكان معانا الطيارة جثامين لمتوفين وذويهم ركاب معانا ولمن وصلنا مطار الخرطوم وفتحو باب الطيارة للنزول نتفأجا بي كمية ناس طالعين السلم رافعين الفاتحة وراي مره اتخلعت شافت الجماعة رافعين الفاتحة افتكرتهم قاصدنها كوركت بأعلى صوتها وااااااااااااااي المات منو أمي ماتت ورمت الشنطة في كراعي ورفعت يدينها وقعدت تكورك لا عرفنا ننزل لا عرفنا نهدي المره والشغلة لخبطة خالص كمية من الناس مصرين يرفعوا الفاتحة في سلم الطيارة وكراعي توجعني من شنطة المره التقيلة والناس كلهم كانو مخلوعين دخلنا الصالة نتفأجا بعدم وجود اقلام لتعبئة الفورمات بتاعت الدخول وصفوف كئيبة ومحزنة ######يفة وشفع ونسوان وناس تعبانين يجي واحد ينادي ليهو زول من الناس ويشيل منه الجوازات ويمشي طوالي والناس واقفه

عملت التأشيرة وطلعت قلت اراجع جوازي اكتشف خاتمين لي ختم دخول اجانب تصوروا شايل جواز سوداني وخاتمين لي ختم اجانب عملت مدافرة عشان ارجع للعسكري ولمن رجعت ليه قال شنو يعني عادي يازول قلت عادي كيف انا سوداني تختم لي اجانب قال جيب ختم لي ختمين واحد في الختم الاول والتاني جنبة قلت ليه كتر خيرك مشيت للتفتيش بعد الجوازات شايل في يدي فقط لاب توب صغير نت بوك من غير اي حاجه ختيته في سير التفتيش على السير واحده تحمل رتبة رائد وراها حاشية بتاعت عساكر ومطمئن انو حا امشي استلمة وكنت مغيوظ متضايق من حكاية أسمع ليك الرائد دي قالت لي واحد من العساكر علم الشنطة دي ليقيني أنو انا ما عندي حاجه قلت ليها مافيها حاجه لاب توب بس بدل امشي هناك للتفتيش اخير افتحها ليك هنا واتخارج نهرتني بي أعلي صوتها (يازول بطل الكلام الفارغ وامشي التفتيش) قلت ليها انتي بتنهري مالك ردو علي بقية الحاشية يازول اسكت ساي يازول مالك وعيك عيك رديت عليهم في شنو انتو مالكم بتكلم معاها
قالت الزول دا لئيم يا فلان شيل منو الجواز اها جا واحد منفوخ قال لي جيب الجواز رفضت حصلت عوه كبيرة وجوطه المهم ساقوني معاهم لي غرفة ضابط الجوازات المناوب في المطار والله العظيم تم حبسي اكتر من تلاتة ساعات في غرفة ضابط الجوازات خلف سير استلام العفش وبالقرب من صالة التفتيش في التلاتة ساعات كان كل عشرة دقايق يدخل علي عسكري او ضابط يسمعني من الكلام الفارغ مالم اسمعه طول حياتي بالإضافة للتهديد أنهم حا يودوني المكافحة يفتحوا لي بلاغات بي مواد كتيرة لولا الحمد لله انو واحد من الركاب بعرفه كلم اخوي واخوي اتصل بي شخص من معارفه مسؤول كبير وجا بي نفسه واخلى سبيلي ولولا تدخله كنت مشيت المكافحة ومحبوس لي هسع بعد ما اخلى سبيلي مشيت لقيت شنطتي مافي والسير فاضي سالنا قالوا لينا ودوها المخزن بدينا فلم تاني برضه اتدخل الزول المسؤول دا وطلع لي شنطتي

مرة عفشي اتاخر قالوا لي حا يجي في الطيارة الجاية مشيت وجيت عشان استلمة وجيت مع وصول الطيارة لقيت باب الصالة مقفول والزول المعاه المفتاح مافيش تخيلو صالة وصول في مطار دولي لحظة وصول الطائرات مقفولة والمفتاح عند الغفير القاعد عن ست الشاي

مرة تانية منتظر عفشي في السير وخاتي لاب توبي وراي في العربية العجلاتها مكسرات والجبتها بي مجابدة جاتني لفتة اشوف ليك زول طابق لاب توبي ومشتت طوالي على الحمام

مرة العامل دخلت الصالة متأخر ما لقيت عربية اشيل بيها العفش اكتشفت انو العمال ماخدين العربات وببيعوها عديل لقيت لي ود حلال باع لي العربية بي 10 دراهم

جماعة سودانير حبو يتفلسفوا ويطبقوا نظام التذكرة الالكتروني ولشقاوتي كنت اول من طبق فيهم النظام دا حجزت ودفعت القروش الموظف ما اداني حاجه قلت ليه وين التذكر قال مافي تذكرة تمشي المطار بس عجبتني الحكاية ومن الامارات سافرت زي الحلاوه لمن جيت راجع في مطار الخرطوم جيت لمكان دفع رسوم المغادرة اكتشفت انو الايصال عن دفع الرسوم هو عبارة عن استيكر صغير شكل دمغة يلصقوه في في التذكرة وانا ما عندي تذكرة نسوي شنو حاولت اقنع الموظف انو انا ما عندي تذكر ما اقتنع قال لي كان كدا طلع لسانك الطويل دا نلصقه ليك فيه الحمد لله كان عندي ورقة تأكيد الحجز شايله بالصدفة لجأت لواحد اقنعهم يلصقوها عليه
المشكلة التانية موظفين الكاونتر في سودانير زاته ما كان عندهم نظام التذكرة الالكتروني إلا تطلع بره المطار تمشي تختم ورقة وتجيهم


بعدين السوى صالة المغادرة دا أسوأ مهندس في التاريخ الصالة الأولى مافيها اي منافذ او تهوية وغير صحية بتاتا فكوها شوية وسو ليكم شباك دي صالة ولا حراسة يعني شنو صالة من بره سمحة ومقفولة من جوه الصالة التانية مافيها حمامات وإجراءاتكم بتتأخر شديد وفي اطفال وناس مرضى وممنوع المغادرة منها للصالة الاولى

مرة وصلت الخرطوم بعد عاصفة ومن ما نزلنا لاحظنا اشكال الناس الغريبة الشعر المغبر والحالة الرثة كانهم طالعين من القبور الاطفال الكانو معانا خافوا واتعنكشوا
في اهلهم دخلنا الصالة نفس الحالة الموظفين العمال الضباط العساكر اضافة للغبار حالة ملابسهم الرثة والقديمة وباهته ومهترئة حرام عليكم عامل لابس تموت تخلي في صالة مطار دولي عيب نحنا اهلنا وعادتنا ما نستعر منها لكن في اجانب بجو بي الصالة دي وهو أول واجهه للبلد والناس انطباعيين ودي حاجة سلبية بتنعكس على فكرة بكونها الاجنبي عن البلد وعن فكرة اننا ناس كسلانين ممكن يضيف ليها اننا شعب ######ان ومهمل شفت عدد من العمال راقدين في السير وشله قاعدين في العربات يتنوسو ووشفت واحد بياكل في سندوتشات في الصالة ياجماعة دربوا الناس وضحوا ليهم الحاصل شنو وهم وين وواجبهم شنو هم براهم حا يهتموا بعد داك

فوق
لكشف المستور

أخى عبد العزيز
لك الشكر والتقدير على ( الفضفضة )
إمكن بكرة أحلى

Sari
طارق
لكم الشكر


ولمذيد من الفضفضة

شكرا عزيزي عبدالعزيز علي كشف هذا الكم من تجارب السفر السالبة و فضحها

Quote: جينا مطار الخرطوم وكان معانا الطيارة جثامين لمتوفين وذويهم ركاب معانا ولمن وصلنا مطار الخرطوم وفتحو باب الطيارة للنزول نتفأجا بي كمية ناس طالعين السلم رافعين الفاتحة وراي مره اتخلعت شافت الجماعة رافعين الفاتحة افتكرتهم قاصدنها كوركت بأعلى صوتها وااااااااااااااي المات منو أمي ماتت ورمت الشنطة في كراعي ورفعت يدينها وقعدت تكورك لا عرفنا ننزل لا عرفنا نهدي المره والشغلة لخبطة خالص كمية من الناس مصرين يرفعوا الفاتحة في سلم الطيارة وكراعي توجعني من شنطة المره التقيلة والناس كلهم كانو مخلوعين دخلنا الصالة نتفأجا بعدم وجود اقلام لتعبئة الفورمات بتاعت الدخول وصفوف كئيبة ومحزنة ######يفة وشفع ونسوان وناس تعبانين يجي واحد ينادي ليهو زول من الناس ويشيل منه الجوازات ويمشي طوالي والناس واقفه

خطأ اداري لا يغتفر بغض النظر عن الملابسات (غالبا ما تكون توصية من شخصية نافذه للسماح بدخول

المعزين للتارماك )

موضوع رائد الجمارك و استغلال السلطة دا بقي امر عادي في البلد و المطار ليس استثناء و يبقي السؤال

لمن يبث المسافر شكواه في ظل تداخل السلطات و تقاطع الاختصاصات مع انه قانونيا( كل القوي العاملة في

المطار رقم استقلاليتها في تتبع لسلطات الطيران المدني حسب قانون الاجواء السوداني )

ولكن سلطات ضابط المطار او المراقب تم التغول عليها مما جعل الامر سوقا للتباري في القوة السلطوية

بين الاجهزة الامنية و بقية القوي النظامية و ممكن جدا ملازم جمارك ان يصدر امر بابعاد مدير الصالة

و يمر الامر دون مسألة,

تخيل انو في وردية واحدة ( ناس امن + ناس مباحث + ناس مكافحة مخدرات + ناس جمارك + ناس هجرة و

جوازات + ناس قوات خاصة + ناس امن نقل جوي + ناس مراسم + حرس صيد + ضباط صحة + ناس الطيران

المدني ) يعني باختصار انت تحت رحمة الحالة المزاجية لكل هؤلاء دون وجود تنسيق يكفيك شرهم.

صالة المغادرة نفسها لم تعد تلبي حاجة سوق السفر و التفكير في البديل امر واجب حتي قيام المطار

الجديد فمثلا موقع مخازن السودانية للبضائع الحالي او موقع اكاديمية هاي ليفل علي واجهة المطار ممكن ان يتم تجهيزها

كصالات مغادرة مؤقتة و مدها بكل ما يلزم مع ربطها داخليا مع المبني الرئيس عبر الكوباص و زيادة

تارماك المطار عن طريق ازالة هنقر 47 و قرية البضائع .

طائرات الامم المتحدة التي يكتظ بها المطار تشكل عبئا مساحيا علي سعة المطار فلماذا لا تنطلق من

مطارات مجاورة مثل كسلا و كنانة و الدمازين كنقاط ارتكاز علي ان يبقي وجودها في مطار الخرطوم عابرا

شأنها شأن الشركات الاخري.

و اسغل حاجة .. حكاية كرت السفر بتاع الخدمة الوطنية ... غلطة في رقم الجواز قربت تطرشق لي السفرية كلها ..... و حبيت اتفلسف ..يا جماعة انا زول بسافر طوالي .. و ممكن تكون سفرية مفاجاة ... اها اعمل شنو ..
قالو تجي تطلع كرت .. و طيب لو الموضوع مفاجئ و طارئ و انتو قافلين ..تنتظر يا زول وراك شنو ؟؟؟
و بعد الجرجرة دي كلها يقومو يخرمو الكرت و يقولو ليك بالسلامة ..
حاجة غريبة

شهادات بعيون اجنبية من موقع اسكاي تراكس الشهير

يا ليت قومي يعلمون



Khartoum Airport by Jake Pride


20 June 2007 Customer Rating : n/a

Everything that has been written here is still true, including the mystery unannounced departure fee (US$20 one time, 20 Sudanese pounds another - made more interesting because Sudan is transitioning between dinars and pounds). Flights do leave in the middle of the night (because the middle of the day is unbearably warm), and they do leave late, so patience (and flexible travel schedule) is a must. Bureaucracy is still in full effect, with multiple X-rays and searches. Courtesy is in rare supply. And yes, Sudanese do not queue for anything. You just shove and elbow and get to the front of the crowd any way you can. Even for no reason... the mob getting in the front door resembled a rugby scrum, but once inside, there were no big crowds, and thus no reason to push and shove rather than just wait in line - it's just the way they've always done it. I had the chance to leave via the new International Terminal that opened this month, and was pleasantly surprised. Air- conditioned, spacious ceilings, numerous clean restrooms, water/snacks for sale, plenty of seats in the departure lounge, actual flat-screen TVs showing when flights are (scheduled) to take off. It is, dare I say, closer to what other international airports are like than it has ever been. That being said, if you have reason to travel to Sudan, than you probably already know to expect the unexpected.



Khartoum Airport by Peter Morison


26 August 2006 Customer Rating : n/a

Transit at Khartoum airport - not for the faint hearted. Living in Kano and needing to get to Nairobi flying via Khartoum is feasible in order to avoid the flight down to Lagos and the long expensive and risly taxi between domestic and international terminals there. However due to the fact that departures and arrivals are two unconnected buildings and transits via Khartoum are a rarity expect a long lonely wait at the arrival section until someone decides to arrange a bus to take you over to departures. When you do arrive expect a hot, smelly and uncomfortable wait for your connection. If it is on Sudan Air likely to be late too. Good luck - its a challenge!



Khartoum Airport by Abdalla Salih

13 September 2005

I'm a native Sudanese (born and raised in Sudan) who travels a lot around the World. Whenever I visit my beloved Sudan, I always feel sad twice. The first time is when I arrive at KRT Arrival Terminal. This terminal was opened in 1986. It was, as it is now, small with two halls handling maximum of two airplanes at any time. But it was nice, clean, artfully designed, and the staff members seemed to be happy working there. Unfortunately, since then, nothing has changed, improved, or fixed (as in some cases); and it's been getting worse and worse every time I see it. The second time I feel sad is when I leave Sudan. Not only because I'm leaving home, but because of the waiting battle at KRT Departure Terminal where bureaucracy is at its highest level. This terminal was born more than sixty years ago and never raised. It's still small and always seemed very crowded even with one airplane passengers. You always have to have extra money with you for the unannounced new fees or stamps. Sudan has just signed a peace accord ending more than 22 years of civil war in the South. The oil money has started fueling the economy and a new state of art airport is being planned in the east side of the River Nile, in Omdurman. Hopefully this new airport will be opened soon. There's more than ten millions Sudanese who leave outside Sudan. And always willing to visit their family no matter what (sometimes twice a year). The great, generous, and passionate people of Sudan deserve much more than what they have now.

وهذا اكثر لؤما


Khartoum Airport by Malachy Roscoe

5 May 2004

Having worked in Khartoum now for the last 6 months and visited several times over the years in addition that my previous position allowed me to travel worldwide frequently - I can definitely say that KRT is the “World's Worst Airport”. I think maybe Skytrax should think about this as a new category for 2005. The bureaucracy is on a total new level to another country I have visited, yes even beaten Tel Aviv for non-Jewish visitors and the facilities are no better than an average abattoir. On arrival you have bused to the arrivals terminal were you are expected to queue for up to an hour to pass through passport control, of course this is providing you have a visa in your passport issued in a Sudanese Embassy otherwise an extra hour for one to be issued. Following baggage collection you are then forced to queue again until you are fortunate enough to be selected to have your luggage thoroughly examined before being “released” to leave. The entry though is much less painful than exiting which involves an average of 10 checks or administrative procedures.

1. Show passport to enter airport terminal (most occasions)

2. Show passport and tickets at baggage screening

3. Pay departure fee and get ticket stamped

4. Check-in

5. Complete exit form

6. Show exit form and stamped ticket

7. Get passport stamped

8. Identify your luggage and get it searched - after removing the items YOU will be expected to repack your bag a second time

9. Hand baggage screening and search

10. Ticket collection at gate

11. Before leaving terminal to get bus to the plane; present your passport for verification and exit stamp inspection!

12. The obligatory show of your boarding pass on boarding the plane. Don’t expect duty free, air conditioned waiting areas, business lounges or facilities, smiles, hello, thank you, goodbye, catering, information desk, assistance (even from airline representatives) or toilet facilities and you won’t be left disappointed! But once outside the Worlds Worst Airport you will meet the most pleasant, courteous and honest people that I have ever personally encountered – Welcome to the real Sudan.

Quote: ياريس ما عدا مطار بن قوريون!!!

Quote: yes even beaten Tel Aviv for non-Jewish visitors