Post: #1
Title: حضارات سادت في البورد.. ثم وووين ..؟
Author: tmbis
Date: 08-03-2010, 08:28 AM
Parent: #0
المجال مفتوح للتخيلات ..
|
Post: #2
Title: Re: حضارات سادت في البورد.. ثم وووين ..؟
Author: Mohammed Awad
Date: 08-03-2010, 08:48 AM
Parent: #1
والخيال يفتح عدة مجالات...
|
Post: #3
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 08:50 AM
Parent: #2
| Quote: والخيال يفتح عدة مجالات... |
بالذات للخيالم خصب يا طبنجـة ..
ودا كلو في البورد دا ..
|
Post: #4
Title: Re: حضارات سادت في البورد.. ثم وووين ..؟
Author: عبدالعزيز حسين عبدالرحيم
Date: 08-03-2010, 09:14 AM
Parent: #3
تمبس كيف حالك
مادام الخيال مفتوح خلينا نتكلم
لو عاوز تقتنع بي حركة الحضارات بالجد أمشي دول الخليج تكون ماشي في نص الصحراء تلقاك مدن ضخمة وزاهية وخضراء وفيها الشاهق والضخم من العمارة في مكان غريب وبرضه ممكن تمشي في السودان أو غيره من الدول تلقى جنب رعاة أو مزارعين بسيطين بقايا اثار لحضارة قديمة والاثار دي بتدل علي أنها كانت عريقة وكبيرة ومتطورة وأسباب قيام الحضارات كتيرة زي موارد كالبترول والماء أو قد يكون أشخاص زي القادة أوغيره من الاسباب المختلفة وأسباب دمار او نهاية الحضارات برضه قد تكون عكس السابقة أو غيرها
بتخيل لي البورد دا حضاراته بتشبه الحضارات الفي الدنيا لكن أسباب قيام حضارات البورد هي كضبة ، وهبة ، مرض نفسي بالاضافة لشعوب المطلبين والهتافين لهذه الحضارة
|
Post: #5
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 09:22 AM
Parent: #4
| Quote: بتخيل لي البورد دا حضاراته بتشبه الحضارات الفي الدنيا لكن أسباب قيام حضارات البورد هي كضبة ، وهبة ، مرض نفسي بالاضافة لشعوب المطلبين والهتافين لهذه الحضارة |
.. الحضارات القديمة يا عبد العزيز في اي مكان بتكون مرجع لي الدولة وبتحكي عن تاريخه في فترة ما .. وغالبا لا يتم العبث بها ..
حضارات البورد القديمة .. برضو تعتبر مرجع للبورد الحالي .. بس بتفرق إنو الناس البنت الحضارات دي بنته على أمجاد شخصية .. وبالتالي استفادت ومشت .. يا استفادت وانكشف امرها ودقت الدلحة .. لكن لسة بتعافر ..
.. اي اقتراحات يا جماعة..؟
|
Post: #6
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 10:03 AM
Parent: #5
حضارة القوائم الدورية ..
قائمة بأسماء الكيزان الجدد الذين أنضموا مؤخرا الى البورد.
ويتم فيها رصد الكيزان بحاسة الشم .. ويتم التبليغ بالماسينجرات الداخلية من بعض الخواجات .. وبعض المناضلين .. لتنسيق ، ويترتب على ذلك الوصول إلى أكبر سقف من الرصد .. وبي شكل عاجل جدا ..
وحسع عينك تحاول تنفي إنك كوز ..
وحس وعين أي واحد يجي يدافع عن أن فلانـا ما كوز ..
لكن الحمد لله والشكر لله .. حضارة قديمة جدا .. وإنتهت لكن ما تزال آثارها باقية .. حيث من تم إدراجهم يف القوائم والله الواحد فيهم لو قطع اضنينو ما يقدر يمسح اسمو ..
سيك سيك معلق فيك ..
|
Post: #7
Title: Re: حضارات سادت في البورد.. ثم وووين ..؟
Author: بدر الدين اسحاق احمد
Date: 08-03-2010, 10:56 AM
Parent: #6
| Quote: بتخيل لي البورد دا حضاراته بتشبه الحضارات الفي الدنيا لكن أسباب قيام حضارات البورد هي كضبة ، وهبة ، مرض نفسي بالاضافة لشعوب المطلبين والهتافين لهذه الحضارة |
سلام يا تامبــا ..
يا عبد العزيز .. وهبــة صاحبنــا دا ( تعيين جديــد )
حضارتو لســه بيـه سنونهــا وبتدك فى حصون الحضارات النضاليــة
( وهمـة سمحـة )
|
Post: #13
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 11:42 AM
Parent: #7
| Quote: حضارتو لســه بيـه سنونهــا وبتدك فى حصون الحضارات النضاليــة |
وهبه مصنف يا بدرالدين في واحد من القوائم لذلك .. شهادتك فيهو مجروحة ..
يا جماعة اي زول مصنف هنا أو سبق تصنيفو ارجو أن هذا البوست ما يهيج لينا اشجانو .. ويحرك احساسو .. خاصة وإنو الايامات دي في أمطار
|
Post: #8
Title: Re: حضارات سادت في البورد.. ثم وووين ..؟
Author: الخير محمد عوض
Date: 08-03-2010, 11:02 AM
Parent: #6
تعرف يا ابا الصحب انا كنت قايل الحبشي اخطر زول
في قصة التشريكات دي ههههههههههه..... مرة شركو قبض
الجماعة جوهو ليك ( مبروك يا حبشي.. مبروك يا حبشي)
قال ليهم يا اخوانا دي سمعة شنو الفاكينها فيني دي
هههههههههههههههه.... المهم.... انا غايتو لظروف صحية
حا اتغيب من البوست دا فترة كدا ولما ارجع بعاين ليهو تاني
كان لقيتو قبض..... ببارك ليك وبتخارج 
|
Post: #9
Title: Re: حضارات سادت في البورد.. ثم وووين ..؟
Author: ALZOLZATOO
Date: 08-03-2010, 11:10 AM
Parent: #8
ياتامبا
بتخيل لي العرس هو السبب فهو يفعل بالحضاره مافعله هولاكو والتتار
اسع حيدر الزين مش اليومين ديل حضارة قائمة بي ذاتها تضاهي دبي خليهو يعرس ويجي حرم
بوكرامي ياكل عشاهو
وقد لا تندثر الحضارة بعد الزواج كما في شخصي الكريم لوووووووووولز يكه
العاقبة عندكم في الحضارات
زاتوووو
|
Post: #14
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 11:52 AM
Parent: #9
| Quote: بتخيل لي العرس هو السبب فهو يفعل بالحضاره مافعله هولاكو والتتار |
هههههه والله يا لذيذ زمان كان عندي بوست بيناقش الجدلية دي  ودا طبعا بعد عرس اساسي مباشرة .. بقى يكتب ليهو في مداخلات كدا عجيبه جدا ياخ انا لمن اصحابي نبهوني ليها قالو لي عاين صاحبك دا بقى معولق كيف في مداخلاتو بقت كلها مليانة شفافية..
اهـــا
الدراستة كانت مستمرة بشكل جيد وتطابقت مع بعض العضوية هنـا .. حسع انا القدامك دا مرات كتيرة بقيت اجي داخل وانسى اقفل ليك الباب قدامي .. ياربي دا من شنو ..؟ .. | Quote: وقد لا تندثر الحضارة بعد الزواج كما في شخصي الكريم لوووووووووولز يكه |
والله إنت يا معلم كنت محافظ ومعتمد عديل كدا .. وقيل والي لووولز .. ودي طبعا موسمية .. لكن اعمل حسابك بعد مداخلتك دي ما تدقس .. انا غايتو لو دخلت في المرحلة بتاعت حيدر الزين وبوكرامي دي .. والله بعلن عديل إنو الناس تعمل لي مهرجان يا اي دورة تنشيطية يغني في حفلة الختامي وتسليم الميداليات خدر ابوعبيدة اصلها بايظة بايظة
|
Post: #10
Title: Re: حضارات سادت في البورد.. ثم وووين ..؟
Author: عبدالعزيز حسين عبدالرحيم
Date: 08-03-2010, 11:13 AM
Parent: #8
المحترم بدرالدين
Quote: يا عبد العزيز .. وهبــة صاحبنــا دا ( تعيين جديــد )
حضارتو لســه بيـه سنونهــا وبتدك فى حصون الحضارات النضاليــة |
أعتذر للكبير وهبه والمقصود كلمة وهمه
الوهمه أول من أستخدمها العساكر في السودان وهي إضافة حركة إبداعية للحركات العسكرية المعروفة وتسمي وهمه ونزلت من العسكريين للشارع وبقصد بيها الزول البتوهم حاجه ويعيش عليها وهي كضبه بخلقها الزول ويعيش عليها وممكن تلقى أستحسان بعض المغرضين ويأكدوها ليه رغم سخفها
|
Post: #11
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 11:21 AM
Parent: #8
| Quote: كان لقيتو قبض..... ببارك ليك وبتخارج |
قبض شنو يا فردة .. ياخ في واحد بي الحلة القدام في واحد منالبوستات شبكني ليك انا التمساح .. انا الورل .. انا التامبيرة انا (القلباي) سقتو ليك (حجر اب دبر) الجمب الاذاعة داك وغطسته بيهو غطستين بقى يبقبق وطلع فقاقيع .. جيت داخل بيهو الحلة وريتو التربيزة بتاعت ناس عمك المحينة بتاعت الوست ... وتيمان ضربه .. ويا دوبك بديت اللف ليك بيهو .. كبر مني اللفه تخيل .. غايتو عندو فرده بتاعت كشتينه كدا شبكني تعال نلعب بصره ..
غايتو للضمان كدا يا الخير في بعاعيت الايامات دي كمية .. الواحد بقى ما ناقش اي حاجة في المكان دا ..
لذلك ..
تلفونك القديم راح مني .. شوتو لي في الماسينجر التحتاني .. شكلي كدا ح اجي امريكا قريبات دي البورد دا ما بتقعد  .. شوت الرقم ضروري جدا
|
Post: #12
Title: Re: حضارات سادت في البورد.. ثم وووين ..؟
Author: humida
Date: 08-03-2010, 11:35 AM
Parent: #11
من اهم الحضارات التي اعترت البورد و تداعى لها الاعضاء بالسـهر و الحمى ..
حضارة شعر التربيزة ..
يجيك واحد يقول ليك ..
مدخل ..
دخلت جوه المساس ريحان العطر الشرقي ..
اتسقت دواخلها بشبق ملاية السرير ..
هي نفس المنافي التي امطرت وردا ..
آه آه يا دبلن و يا جنيف .. و يا كل غرب فريجيبنا ..
شربنا عصارة الخمر في عيون تلك الصبية التي كانت ..
ثم ..
شال التربيزة و دخل الحمام يستحما ..
..
..
رائع يا اســـتاذ ..
|
Post: #15
Title: Re: حضارات سادت في البورد.. ثم وووين ..؟
Author: عبدالوهاب علي الحاج
Date: 08-03-2010, 12:25 PM
Parent: #12
مافي صور أو أسماء أو نحو ذلك ؟
لأنو التعميم ما كويس بخلي باقي الاعضاء اتحسسوا
هسي أنا القدامك دا اتحسست مع ملاحظة اني ما لقيت فرصة اسود
وهسي ناس كوستاوي وعمك الناظر وباقي الرمم الشماء ... اقصد القمم الشماء
برضو بكونوا اتحسسوا ... شفت كيف لو انتشرت موجة الحساسية في البورض بكري الا يعمل لينا
ايقونة بتاعة انتي هيستامين
_________
دايرين آكشن ياخ
|
Post: #16
Title: Re: حضارات سادت في البورد.. ثم وووين ..؟
Author: humida
Date: 08-03-2010, 12:37 PM
Parent: #15
يا عمك .. البورد دا كــــــــــف و انا آســــف ..
|
Post: #17
Title: Re: حضارات سادت في البورد.. ثم وووين ..؟
Author: Yassir Tayfour
Date: 08-03-2010, 12:38 PM
Parent: #15
تمبس يا هالك
بالمناسبة أخونا وسام وين؟
وهبه يا ..به!
| Quote: ايقونة بتاعة انتي هيستامين |
آي ثينك عطاسة أحسّن..
___
يا وهبة بالمناسبة فيصّل الرشيد ما ظاهر، من البوست بتاع أميرة السيِّد، بلغه عنا السلام وكده لوول..
|
Post: #19
Title: Re: حضارات سادت في البورد.. ثم وووين ..؟
Author: omer osman
Date: 08-03-2010, 12:47 PM
Parent: #17
| Quote: يا وهبة بالمناسبة فيصّل الرشيد ما ظاهر، من البوست بتاع أميرة السيِّد، بلغه عنا السلام وكده لوول.. |
ياسر ...... سمعنا قالوا جاي الخرطوم قريب ........ وخروفك جاهز يسمع في كلامي وكلامك ده ..........
صلح علاقتك مع فيصل الرشيد .................
عشان ناكل الخروف سوا ........ بدل ما نبقي في اذن ومش عارف شنو ونجي شيالين ليك الخروف في عمود
|
Post: #24
Title: Re: حضارات سادت في البورد.. ثم وووين ..؟
Author: Yassir Tayfour
Date: 08-03-2010, 01:07 PM
Parent: #19
عمر عثمان يا شقيقي
إنت قايِّل العدل والملاواة دخلت الخرطوم شطارة منهما؟ لأنّ الجماعة تركوا أمر الأمن لهكذا فيصلات*..
إذن شنو يا عمر، علي الطلاق أقول ليهو على الخلف دور، لما ينسى إنو ده مكتبو، ويقوم يلف ويلف حتى أقول له كما كنت.. لوول!
___
أما فيما يختص بأمر الخروف، بوريك تعزم منو وما تعزم منو، موش أنا المحتفى به؟ بس قرط على كده، وخروف المسلمي العوّض بقى تور ولله الحمد..
وهبه لسة ما وعد بحاجة، لكن ما بخليهو إن شاء الله لو يضبح لي تنكر موية!
|
Post: #28
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 02:21 PM
Parent: #17
Quote: تمبس يا هالك
بالمناسبة أخونا وسام وين؟
وهبه يا ..به! |
ياسر وززه تقدر تتخيل إنو من أهم الاسباب لي كتابة البوست دا هو المدعووو وسـام .؟؟ يازول إنت حاوي ..؟
تعرف كيف ..؟
دخلت لي مناضل الفرم على نار هاديه وبعمل ليهو في بحث عايز اشوف حنكو شنو .. والجابو هنا منو زاتو .. بكري يخم لينا فوقم بس ويكشحم هنـا .. المهم كان اللقى ليك وسام تحت اي بوست ارفعو ..
ياخ وسام دا كان في حقبة العهد الطباشيري .. بيرجم رجم شديد خلاص .. غايتو زكرني ليك شاعر الاغطبوط ..
لو في امكانية يا ياسر حقو نعمل مشروع استعادة النمطيات دي .. وسام وكل من لف لفهم .. وقتئذ ..
|
Post: #18
Title: Re: حضارات سادت في البورد.. ثم وووين ..؟
Author: Elsanosi Badr
Date: 08-03-2010, 12:41 PM
Parent: #15
اكشن شنو يا وهبه يا عزيز ... ياخي السيد تمبس ده أكتر زول (خرخار) هنا ...
وبعدين هو من رواد تحريف البوستات يعني الموضوع بيناقش حاجه محدده يجي داخل( جوز) ويشبكك فلان داك في جيبو اليمين عندو (نبق) والنبق ده بيستعمل في تسميم الجلابه وفلان داك ما اتضامن معاي لامن فلان اداني (هوك) وحاجات كده عجيبه خلاص ...
ياخي انا لولا الزمن كنت اتفرقت ليهو ... وحرم (اصبو) ليك من اللين بدون كــاوه ...
|
Post: #23
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 01:05 PM
| Quote: ياخي انا لولا الزمن كنت اتفرقت ليهو ... وحرم (اصبو) ليك من اللين بدون كــاوه |
يا جماعة عن اذنكم الزول السمين دا ..
يا السنوسني ..
والله انا ما عارف حجمك قدر كيف .. كنت كتبت ليك في كل كيلوو جرام مداخله .. تقراهـا وتتدردق وتمشي وتجيني راجع .. مرات تعاين ليها وتضحك .. برضو تمشي وتجيني راجع ..
المسالة موسمية إنت قايل الكتابة سااي ..؟
على كل حال لو مشيت (حلقته) بي هناك .. بتلقى بوست كدا عبارة عن هدية العدد .. لقيت الجماعة عاملين ليك فرش متاع زيك وزي استيف واحد .. الجري زاتو غلبك شكلك الوكت داك كان جنك عضـة ..
المهم
عايز نحرف ليك بنحرف ليك .. عايز نديك كتابتك في عبك بنديك ليها تشيله معاك في خرتايتك وتملى السعن حقك وتقرض ..
لكن ياخ ما تجي تكتب كلامك العاضي بتاع تمبس شتمني وتمبس عضاني في راسي ..
المهم تفضي لينا نفسك وتجيب (جلتك) معاك بس اهم حاجة تكون (مانتووو) عشان ما تتخرت ..
اي سؤال ..؟
|
Post: #21
Title: Re: حضارات سادت في البورد.. ثم وووين ..؟
Author: السيد أحمد إبراهيم
Date: 08-03-2010, 01:01 PM
Parent: #15
من الحضارات السائدة ( حالياً ) حضارة ( الزرزرة )
تكتب ليك حاجة ينط ليك الحبشي تعال يافلان المعيار شنو ؟؟
وهاك يازرزرة .. في ناس بريئة تقول والله أناماقاصد كده وأنا قاصد كده
و . . و . . وهاك ياتبرير .
وفي ناس عينها قوية أصلو ما يعترف ليك حتى لو وصل البوست لي 21 صفحة
( أنا ماقاصد حيدر الزين ولا حاجة عشان ما يجي يزرزني كمان )
برضو من الحضارات السائدة من زمن ولا زالت مستمرة
حضارة ( الإعتذار ) .. ودي حدث ولا حرج أشيل حالك لمدة
شهر وهاك ياشتائم وتقريع وتعدي علي الخصوصيات .. ولمن أشبع
تمام وأفش غبينيتي أجيك عادي كانو ما حاصل حاجة وأقول ليك
والله أنا بنيت كلامي على تقديرات خاطئة وأعتذر لك وخلاص إنتهينا
والفلم ما بنتهي هنا يجوك ناس الإعتذار شيمة الشجعان . . وشكراً
لإعتذارك الرقيق .. و . . وبعد شهر تاني أكرر نفس الفلم وأنا مالي
خسران حاجة إعتذار وبعتذر في شنو ؟؟
|
Post: #29
Title: Re: حضارات سادت في البورد.. ثم وووين ..؟
Author: tmbis
Date: 08-04-2010, 09:05 AM
Parent: #21
Quote: من الحضارات السائدة ( حالياً ) حضارة ( الزرزرة )
تكتب ليك حاجة ينط ليك الحبشي تعال يافلان المعيار شنو ؟؟
وهاك يازرزرة .. في ناس بريئة تقول والله أناماقاصد كده وأنا قاصد كده
و . . و . . وهاك ياتبرير . |
يا ابو السيد سلامات .
ياخ حضارة الزرزرة دي حضارة قديمة جدا إلا أنها استحدثت حاليا استحداث يتواكب مع المرحلة .. زرزرت زمان كانت بتقوم على اساس التصنيف والأرهاب .. ودي متخصصين فيها مجموعة زي ما قلنا يلموا ليهم في واحد مسكين ساي كتب ليهو اي كلمة واااضحة .. يجيك واحد من المزرزراتية ويكوت الكلمة ويمشي .. بعديهخا تتوالي جحافل المزرزراتية كل واحد ينجر من طرف .. في النهاية الشخص المسكين دا يلقى نفسو بره الماكن دا لا ايدو لا كراعو .. لكن حسع دي الشغل جادي شوية وبي اختصاصيين مجيهين شغلم خالص .. Quote: برضو من الحضارات السائدة من زمن ولا زالت مستمرة
حضارة ( الإعتذار ) |
.. حضارة الاعتذار ح تفضل هي نفسها حضارة الاعتذار في المنبر بالرغم من انها انحسرت شوية الطريقة العشوائية التقليدية حقته ..
زمان في اليوم بتلقى ليك عشرة بوستات للاعتذار في الفترة الصباحية بي توقيت الخليج .. وميتين وخمسين بوست بتاع انا لا اعتذر بي توقيت دفن الليل اب كراعا بره .. يللا بتاعين الليل ديل .. الواحد اصلو ما بعتذر ..يشدها ليك لمن تعرف حاجة .. لكن تجي الصباح بتاعم تلقى البوست كلو تعديلات دستورية عدل بوساطة فلان .. عدل بواسطة فلان .. عدل بواسطة فلان .. وهكذا ..
|
Post: #22
Title: Re: حضارات سادت في البورد.. ثم وووين ..؟
Author: عزام حسن فرح
Date: 08-03-2010, 01:03 PM
Parent: #15
تمبس
كيف حالك؟ علك طَيِب
أسماء سادت في البورد ثُم بادت ... ده ظني للآتي :
(1) عدم تفعيل قانون البورد في السفيه والعَيِل ، حجب أسماء كبيرة ... كبيرة في طرحها وفِِكْرها ... حجبت أسماء حبيبة ، ده أدى لإنو مواضيع المنبر بِقَتْ بابخة إلا النذر اليسير جِدًا جِدًا ، حتى المُعارضة إتدنت ، ما شايفين عبدالمنعم سليمان سواها لينا ، عباس طلق إيمان / عباس ما أدى إيمان مِتْكفي ... هدي مُعارضة السجم السادت بعد ما بادت الأسماء الكبيرة.
(2) الكورة فكت مِن أسماء بِعَينِها (ليه أقول الأسماء دي أنا .. ماف غيري في الفجه دي ولا شنو يعني ... وغير تتاوقو لي وأنا بتشلت شِنْ بتسوو) وده عِندو أسباب ، مِنا إنو الناس القُدام إتصاحبو ... بِقو بِتْجنبو بعضُمْ ، والأسماء دي كان صيتا في دُكْشُمانا في صِراعاتا في شكلا وبس.
(3) ظهور أعضاء جُدُد في ذات نفحة بكرِية ... الناس الجديدة دي ما عِندها تقديس لأسماء ولا بطيخ ... يعني أنا مثلاً يا تمبِس لي قريب السنتين ، إتداخلت معاك مره ولا مرتين وده حصل برضو مع حميدة وكستاوي وعِماد عبدالله وأعضاء كُتار يا زول ، وفيهِن أخواتي والقدُر بناتي ، وده سببو ، هيبة الأقدمِية ساي يا زول (هيبة الأقدمِية دي ، أسأل مِنا جنابو عُمر عُثمان وأبو دية) بقرالكُم وبقْرالِن وبزِح غادي غادي ... أها الأعضاء الجُدُد ديل مِتِل اللِعِب مع الجِريوات ، تلعب معاهُم حرم يِخربِشنك إلا مَن رحم ربي.
المنبر أنا بتنبئلو إنو يِصْبِح مِتْلو مِتِل أي مَوقِع إسْفيري عادي ... الزخم الكان في سودانيز ماش لِزوال لِلأسف ... والعِلاج حسب ظني :
- تفعيل قانون البورد بِقُوة.
- الأسماء القديمة تفعِل [إخْتِلاف الرأي لا يفسِد لِلود قضِية]
- تُمنح العُضَوِية الكامِلة ، بعد فِترة تجريب ... يعني مثلاً العضو الجديد يِكون بِقدر يِفتحلو عمود ويتفاعل مع المُتداخلين لكِن ما بِقدر يِعمِل مُداخلة في عمود غيرو
أنا حأعتبِر المُداخلة دي يا تمبِس كسر حاجِزي النفسي تِجاهك ... يا داليا ما تقولي حاجة ياخ ... ألحقينا بِأي كِلمة طَيبة ... الزول ده أكان رشاني واطاطي أصبحت
|
Post: #32
Title: Re: حضارات سادت في البورد.. ثم وووين ..؟
Author: tmbis
Date: 08-08-2010, 10:07 AM
Parent: #22
التشكيلي عزام فــرح ..
سلامات يا زول ..
بالنسبة لي اتنين وتلاتة متفق معاك تمام .. واشدد على مسالة تفعيل قانون البورد دي .. والقانون الموجود في البورد وعاملين ليهو مساحة كاملة .. دا موضوع لي ناس محددين بيمشي فيهم والناس التانية دي لو فكرت ساي تقرب ليهم .. بتلقى ليك كمية بتاعت حاجات كدا عجيبه جدا يوصموك بيها .. لمن ما تصدق دا إنت ... شهدنا تكسير القوانين التي تشاور فيها الناس هنا ووضعوها بي اتفاق .. وفعلت على البعض ووقفت ناس للاسف هي كانت بتدافع عن نفسها ضد الاتقال ليها .. للاسف في ناس هنا دا اتظلمت ظلم عجيب ومشت وتاني ما رجعت وفقدم المكان دا .. وبقو قاعدين للاسف الناس الحسع دي هم سبب تدني مستوى البورد دا في كتاباتم وفي سلوكياتم .. وفي طريقة تعاملم مع الزملاء والزميلات ومع كل من يبدي راي واضح .. بي اختصار في عضوية هنا ماخده حصانة دبلوماسية أو بالأحرى كانت ماخده حصانه دبلوماسية .. وعصرت على الناس شديد كتبت اي حاجة عايزه تكتبه .. لكن جاء الزمن بتاع إنو ماف كبير هنا دا وكل الحاصل هنا من عنف نتاج الكان بيحصل وماف زول بيرضى الحقاره ودا بيتأكد في المداخلة بتاعتك رقم تلاتة اي عضوية جديدة بتجي داخله وفي باله فلان الفرتكاني القاعدج يتصرف كدا وبيعمل كدا مع الناس ولازم يقيف في حدو..
أول مرة في تاريخ البورد دا اشوف لي عضو يترفد بي قرار كبير جدا من صاحب الموقع .. من دون العضوية ويرجع بي اعتذار برضو من صاحب الموقع .. على العلن .. بينما ناس تم الاعتداء عليهم هنا وعلى العلن فجأة يلقى نفسو حايم بي بره .
هيبة الاقدمية يا عزام بتمشي للناس البستاهلوها .. في ناس بتجبرك حتى لو جات الليلة انك تحترمه وتتادب في التحاور معاها .. وأحيانا تكبر منها اللفه يا تدخل وتسني عليها لانها فعلا بتجبرك على كدا .. بالمقابل في اسماء كانت مقدسة زي البقر عند الهندوس .. دي بتجي داخل فيها شمال طوالي ولا يهمك هي منو واللا بتقول في شنو طالما قعد تجلط في البورد دا وتكتب كلام خارم بارم .. وفي النهاية كل زول بيتجاوز حدو .. بيلقى قدر التجاوز دا .. Quote: - تفعيل قانون البورد بِقُوة.
- الأسماء القديمة تفعِل [إخْتِلاف الرأي لا يفسِد لِلود قضِية]
- تُمنح العُضَوِية الكامِلة ، بعد فِترة تجريب ... يعني مثلاً العضو الجديد يِكون بِقدر يِفتحلو عمود ويتفاعل مع المُتداخلين لكِن ما بِقدر يِعمِل مُداخلة في عمود غيرو |
.. دي اقتراحات جميلة جدا .. Quote:
أنا حأعتبِر المُداخلة دي يا تمبِس كسر حاجِزي النفسي تِجاهك ... يا داليا ما تقولي حاجة ياخ ... ألحقينا بِأي كِلمة طَيبة ... الزول ده أكان رشاني واطاطي أصبحت |
معقولة يا عزام كسر الحاجز النفسي تجاهي ..؟ .. الحمد لله ما قلت لي والله يا تمبس انا مكجنك لله في لله كدا ..
يازول البينا عامره .. وعزومتك لسة قايمه بس اسرع رسل لينا البرادووو خليك احسن من كيكي قال عايز يجيبنا الدوحة جكــه
|
Post: #26
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 01:42 PM
Parent: #15
Quote: لأنو التعميم ما كويس بخلي باقي الاعضاء اتحسسوا
هسي أنا القدامك دا اتحسست مع ملاحظة اني ما لقيت فرصة اسود
وهسي ناس كوستاوي وعمك الناظر وباقي الرمم الشماء ... اقصد القمم الشماء
برضو بكونوا اتحسسوا ... شفت كيف لو انتشرت موجة الحساسية في البورض بكري الا يعمل لينا
ايقونة بتاعة انتي هيستامين |
الايامات دي يا ابو الجقارت ا،ا شغال بي مبدأ الشفافية في الصدمة لذلك الواحد بيعمم ويجيب كاميرتو للواحد ياخد صورتو براهو ..
مسالة الكاميرا دي بتقلل من مساحة الاكشن في الفلم . عشان كدا كاتب السيناريو لازم يديك مساحة والحاجات دي بتظهر في البلاتوو .. مش في نوعية كا بتقعد تبكي طوالي ..؟ وتييب
|
Post: #20
Title: Re: حضارات سادت في البورد.. ثم وووين ..؟
Author: بدر الدين اسحاق احمد
Date: 08-03-2010, 12:55 PM
Parent: #12
Quote: مدخل ..
دخلت جوه المساس ريحان العطر الشرقي ..
اتسقت دواخلها بشبق ملاية السرير ..
هي نفس المنافي التي امطرت وردا ..
آه آه يا دبلن و يا جنيف .. و يا كل غرب فريجيبنا ..
شربنا عصارة الخمر في عيون تلك الصبية التي كانت ..
|
إضاءات عــلى المنتج التفعيأألى الحداثوى للمبدع حميده
* بنيويــة النــص بتظهــر التأثير الخفــى لدول المهجر على الالق والابداع فى جغرافيا النص .
* ثم اشتمال النص على ضرورة استخدام حملة من الحواس لسبر مفردات النص .. بتمثل بعد جديد فى
قراءة النصوص .
* ثم الاستخدام الحداثى لمرفردة ملايــة فى تشكيل لوحــة علائقية داخل النــص .
ترمـــة :
يا حميدة والله انا لو بكتب ذى الابداع حقــك دا .. لله قال بيه قول الشباب كل نصف ثانية بوست
وافتتحو ليــك بالعبارة الشائعــة جدا :
يــا قلــب ..
|
Post: #25
Title: Re: حضارات سادت في البورد.. ثم وووين ..؟
Author: tmbis
Date: 08-03-2010, 01:13 PM
Parent: #12
| Quote: حضارة شعر التربيزة .. |
المبدع حميـدة .. .. المدارس دي متعددة .. الغالب فيها ما يكتب في قالب تجريدي اقرب هو لشعر تداعيات خريفية الصنوبر وهي مدرسة قائمة بي ذاته ..
لكن أهم ما في ذلك ما يتبعه من قوالب تلجية تتماشى مع كاتب البوست ..
من متابعتك النقدية ياريت تدينا ابيات من مدرسة خريفية الصنوبر .. قوالب التلج مني انا.
تحاياي
|
Post: #27
Title: Re: حضارات سادت في البورد.. ثم وووين ..؟
Author: almulaomar
Date: 08-03-2010, 02:16 PM
Parent: #25
Quote: مدخل ..
دخلت جوه المساس ريحان العطر الشرقي ..
اتسقت دواخلها بشبق ملاية السرير ..
هي نفس المنافي التي امطرت وردا ..
آه آه يا دبلن و يا جنيف .. و يا كل غرب فريجيبنا ..
شربنا عصارة الخمر في عيون تلك الصبية التي كانت ..
ثم ..
شال التربيزة و دخل الحمام يستحما ..
|
|
Post: #30
Title: Re: حضارات سادت في البورد.. ثم وووين ..؟
Author: adil amin
Date: 08-04-2010, 10:38 AM
Parent: #27
| Quote: حضارات سادت في البورد.. ثم وووين ..؟ |
ومن نعمره ننكسه في البورد
البعاتي تمبس نموذجا
يمثل حضارة (الخور)
مع الاعتذار لدولة قطر
|
Post: #31
Title: Re: حضارات سادت في البورد.. ثم وووين ..؟
Author: tmbis
Date: 08-04-2010, 12:10 PM
Parent: #30
Quote: ومن نعمره ننكسه في البورد
البعاتي تمبس نموذجا
يمثل حضارة (الخور)
مع الاعتذار لدولة قطر |
..
حضارات بعاعيت البورد .. سنقوم بشرحها بعد قليل .. من الآن
|
|