Post: #1
Title: الوحدة المجذوبة
Author: Ashraf el-Halabi
Date: 08-01-2010, 01:45 PM
حيييييييي
|
Post: #2
Title: Re: الوحدة المجذوبة
Author: Ahmed musa
Date: 08-01-2010, 01:49 PM
Parent: #1
أكيد!!!
|
Post: #3
Title: Re: الوحدة المجذوبة
Author: Ashraf el-Halabi
Date: 08-01-2010, 02:39 PM
Parent: #2
هيستيريا الحديث والفعائل الكيزانية فيما يخص الوحدة هذه الأيام لا يمكن تفسيره منطقياً.
لذا لا مناص من تحويل الأمر برمته* لشعبة الما ورائيات
ـــــــــــــــــــــــــــــــــ
*بضم الراء وتشديد وفتح الميم وكسر التاء
فصاحب البوست (نو عربيك كيبورد ناو)، لذلك هو غير مسؤول عن التشكيل الخاطئ لأصحاب الأجندات، أو الثقافات التي تشكَّل وعيها على تشكيل تلك المفردة بقاعدة حسن وحسين،(المفردة موضوع النزاع والحَرّاس) وهكذا
لقيتيني كيف في القانون يا ود موسى؟
آآي ما متنا لكن شقينا المحاكم
|
Post: #4
Title: Re: الوحدة المجذوبة
Author: Ashraf el-Halabi
Date: 08-01-2010, 03:46 PM
Parent: #3
ألفت نظر القارئ الكريم للفرق بين (الوحدة الجاذبة) و(الوحدة المجذوبة)
فالأولى "علم كسبي" ولا يمكن نيله إلا بسهر الليالي والاستذكار الدائم والقيام بالواجبات التي نصت عليها المقررات الدراسية
أما الثانية فـ"علم وهبي" ولا يحتاج لتعب وسهر، فقط نوم والنجاح يجيك لامن كرعيك، حاجة كدا زي "قام من نومو ولقى كومو" أو لمن تكون حنفولي وتلقى ليك مدرس يبيع ليك الامتحان.
وحيييييي تاني
|
Post: #5
Title: Re: الوحدة المجذوبة
Author: Amira Elsheikh
Date: 08-01-2010, 04:13 PM
Parent: #4
صـورة الـبروفايل شكـلها مجذوبـة برضـو....
تحياتى يااشرف..
|
Post: #6
Title: Re: الوحدة المجذوبة
Author: Ashraf el-Halabi
Date: 08-01-2010, 05:12 PM
Parent: #5
سلامات يا أميرة
أنا قلت ما أخش على (عزيزي القارئ) ويدي فاضية
قوقلت كم صورة كدا عشان أطرِّي بيها البوست
عجبتني المجذوبة دي فعملت "هذا لكم وهذا أهدي لي"
عشان أقدر أتقمص الشخصية البقوم بيها في البوست تمام
رايك شنو نخش في ديل: أديك المجذوبة وتديني صورة إنعام العميقة دي؟
بالجد صورة إنعام دي لطيفة
|
Post: #7
Title: Re: الوحدة المجذوبة
Author: Ashraf el-Halabi
Date: 08-01-2010, 05:36 PM
Parent: #6
نفط هجليج بولاية (الوحدة)
|
Post: #8
Title: Re: الوحدة المجذوبة
Author: Ashraf el-Halabi
Date: 08-01-2010, 05:46 PM
Parent: #7
نلفت عناية القراء إلى عدم وجود رابط البتة بين مفردة (الوحدة) في المداخلة السابقة و(الوحدة مسار البوست) رغم تطابق الحروف
بيد أننا لا نستبعد البتة أن يكون هناك رابط قوي بين (الوحدة المجذوبة) ومفردة (نفط) الواردة في نفس المداخلة، رغم عدم تطابق الحروف
شوفتا كيف؟
|
Post: #9
Title: Re: الوحدة المجذوبة
Author: Ashraf el-Halabi
Date: 08-01-2010, 06:57 PM
Parent: #8
الأسود النشوان
هيك لكان!
شي لله يا أبو جابرة
|
Post: #10
Title: Re: الوحدة المجذوبة
Author: Ashraf el-Halabi
Date: 08-02-2010, 10:57 PM
Parent: #9
في هذه الأيام المباركة: ما التقى كوز ومايكروفون إلا وكان الحديث عن الوحدة ثالثهما
كأن المسكينة من المكتشفات الحديثة!
تفتح التلفزيون وحدة.. وحدة..وحـ..
تفتح الإذاعة وحدة.. وحدة..وحـ..
الجرايد وحدة.. وحدة..وحـ..
النت وحدة.. وحدة..وحـ..
ياخي احترموا عقولنا شوية!
|
Post: #11
Title: Re: الوحدة المجذوبة
Author: Ashraf el-Halabi
Date: 08-02-2010, 11:40 PM
Parent: #9
وفي خمس دقايق عملوا دليت لبرنامج الخال وإسحق وسطبوا برنامج الوحدة!!
ومن غير ريستارت كمان!!
هيك لكان!!
شفتوا التكنولوجيا دي كيف!
ــــــــــــــــــــــــــــــــــــــــ
(و) تعرف عند النحويين بـ "واو حسب ما قبلها"، و يعتبر برنامج المدلت التاني من أكبر مستهلكيها في المنطقة
|
Post: #12
Title: Re: الوحدة المجذوبة
Author: معاذ حسن
Date: 08-03-2010, 09:30 AM
Parent: #11
يا حلبي الجماعة ديل ماخدين كل حاجة بمنطق الفهلوة
انتخابات ..سلطة ..ثروة ..دار فور ..كلو
واخيرا الوحدة
كلام في كلام
الان عرفت من اين جاء هؤلاء
|
Post: #13
Title: Re: الوحدة المجذوبة
Author: Ashraf el-Halabi
Date: 08-03-2010, 12:02 PM
Parent: #12
| Quote: الان عرفت من اين جاء هؤلاء |
لكن إن بقى جدك الأخطبوط بول ما تعرف مودننا وين!!
يا معاذ يا ريت لو الشغلة فهلوة!
ياخي الفهلوي دا بيقيمك، بيفترض فيك شوية ذكاء!
يعني ما ممكن تشتغل بي يدينك وسنونك لمنع مرشح الجنوب للرئاسة وبعديها بي شهرين تجي تعمل لي فيها قلبك على الوطن الواحد!!
يا مان شغل الناس دي ما عندو فهم غير الرجالة وكبر البتاعات*
ـــــــــــــــــــ
*البتاعات لو ما عرفتها أسأل عبد الرحمن
|
Post: #14
Title: Re: الوحدة المجذوبة
Author: Ashraf el-Halabi
Date: 08-03-2010, 10:46 PM
Parent: #13
(الوحدة على أسس عجيبة وغريبة!)
|
Post: #15
Title: Re: الوحدة المجذوبة
Author: Ashraf el-Halabi
Date: 08-04-2010, 08:52 PM
Parent: #14
(الوحدة الدخلوها بعد صقيرا حام)
|
Post: #16
Title: Re: الوحدة المجذوبة
Author: Ashraf el-Halabi
Date: 08-21-2010, 01:47 AM
Parent: #15
Quote: في إطار جهود تحقيق وحدة البلاد
انضمام (25) ألف من قبيلة البرتا للمؤتمر الوطني |
دا عنوان رئيسي لخبر في موقع المركز السوداني للخدمات الصحفية
!!!!
ــــــــــــــــــ
ذكرني بعشا شلة البوش في الدكان والكهربا قاطعة. لما الهدافين ينسفوا تلتين الكمية والصحن يخف فجأة،
"ويبقى تلت أخير" 
|
Post: #17
Title: Re: الوحدة المجذوبة
Author: الصادق اسماعيل
Date: 08-21-2010, 02:02 AM
Parent: #16
الموضوع دا عند علاقة بعلم التوحيد
|
Post: #18
Title: Re: الوحدة المجذوبة
Author: Ashraf el-Halabi
Date: 08-21-2010, 02:31 AM
Parent: #17
| Quote: الموضوع دا عنده علاقة بعلم التوحيد |
بيكون عندو يا بو الصا
لكن شلة البوش ديك على الاطلاق ما فيها زول بالغلت ساي قال الختف الحصل منه في التلت الأخير داك كان "في إطار جهوده الرامية لوحدة الصحن"
يقدر يقول والحديدة واقفة؟! 
|
Post: #19
Title: Re: الوحدة المجذوبة
Author: الصادق اسماعيل
Date: 08-21-2010, 04:53 AM
Parent: #18
الحلبي
هاك الجذبة الموحودة دي
Quote: أكد نائب رئيس الجمهورية الاستاذ على عثمان محمد طه أن مقومات الوحدة بالبلاد أكبر وأقوى من نوازع الانفصال ودعا لأدارة حوار وطنى جامع وشامل تعلو فيه المسؤولية الوطنية على غرار النهج الذى طرحة رئيس الجمهورية وتجاوبت معه القوى الوطنية .
جاء ذلك لدى مخاطبته حفل الافطار السنوى لجماعة انصار السنه المحمدية بحضور عدد من المسؤولين بالدولة وسفراء الدول العربية ، و دعا طه علماء الامة الإسلامية والجماعات بأن تنهض بمسؤوليتها حتى تعود الامة أكثر رشداً وقيادة للإنسانية .
من جانبة قال رئيس جماعة أنصار السنة المحمدية الشيخ د.أسماعيل عثمان الماحى قال:إن وحدة البلاد خط أحمر وليس هنالك منافة لحق تقرير المصير مؤكداً أنهم مع نداء رئيس الجمهورية نحو تحقيق الوحدة الشاملة بالبلاد وأن السودان وطن يسع جميع الاعراق والديانات . |
|
Post: #20
Title: Re: الوحدة المجذوبة
Author: Ashraf el-Halabi
Date: 08-21-2010, 08:06 PM
Parent: #19
جذبة شيخ علي ما مستغربة يا بو الصا،
لأنو أساساً "ما عاد هنالك كوزٌ في الدنيا يدهشني"
لكن المدهش عمك أبو جلابية في نص ساقو دا:
| Quote: السودان وطن يسع جميع الاعراق والديانات . |
شووو!!!
والديانات!!!
يسع جميع الديانات ولا يسع طائفتين في ديانة واحدة!!
هيك لكان!!
معناتو عمك دا مصدق إنو حادثة مسجد الأولى ديك تمثيل وإخراج (الخليفي)
|
|