مساعدة يا زملاء الحاسوب

لدى USB H\D مقسم الى 3 بارتشن تعرض لفايروس بارشن(1) يعمل بصورة جيدة اما بارتشن (2) (3) لا تفتح بكل الوسائل
لا اريد ان افقد المعلومات للبارشن 2-3 بعمل فورمات
هل من وجود برنامج لمعالجة الامر
عند فتح بارشن 2 او 3 تظهر فى الشاشة الاتى
f:\is not accessible
the file or directory is corrupted and unreadable
هل من معالجة يا زملاء
تحياتى

شنو مافى رد

غَالِبَا مَشَاكِل الِفّلاشّات مِن مَلَفَّات AUTORUN وَمُعْظَم الْفَيْرُوْسَات تَنْتَقِل مِن وَالِى الْكَمَبْيُوُتَر وَالَفَلاشَات والهاردسك الخارجى عَن طَرِيْق مَلَفَّات الــ AUTORUN وَعَلَيْه لَقَد قُمْت بِرَفْع مَجْمُوْعَة مِن الْبَرَامِج الْبُوْرْتابِل Portable لَاتَحْتَاج لِلتَنَصِيب تَقُوْم بِتَنْظِيْف الِفّلاشّات وَالاجْهزّة مِن مَلَفَّات الاتورْن AUTORUN REMOVER .. أَرْجُو أَن تُحَل لَك الْمُشْكِلَة وَالمَلَفّات عَلَى الْرَّابِط الْتَّالِى :

البرامج هنا

مُهَنْدِس جَمَال مَحْمُوْد

لست من زوى الاختصاص لكن

جرب ادخل بهاردسك تانى .. يعنى اربط الهاردسك بتاعك فى جهاز تانى وخلى الهاردسك تبع الجهاز التانى master
والهاردسك بتاعك slave

يمكن تقدر تشوفو


مع التوفيق

Quote: جرب ادخل بهاردسك تانى .. يعنى اربط الهاردسك بتاعك فى جهاز تانى وخلى الهاردسك تبع الجهاز التانى master والهاردسك بتاعك slave

أَعْتَقِد أَن الهَارِدْسّك بِتَاع الْاخ بِلِدَى يَا حَبُّوب خَارِجِى يَعْمَل بِالِيُوَاسْبَى USB وَلَيْس دَاخِلَيْا حَتَّى يَقُوْم بِتَبْدِيل جُتَمْبّر الهَارِدْسّك لِيَكُوْن SLAVE



مُهَنْدِس جَمَال مَحْمُوْد

جرب دا
Antivirus for USB Flash Drives

http://hotfile.com/dl/43665189/3a713ad/8_AV_USB.rar.html

الملف بيحتوي علي 8 مضادات انتي فيروس

طريقة العمل

Copy Antivirus_usb to Flash drive


Run PStart.exe when using

منقول وممكن تجرب وتدي الاخوان رايك عشان الناس تستفيد

نوع الملفات الما عاوز تفقدها شنو ؟

نزلت الملف الفوق وشكلو عملي بس فيهو فولدرات مافي ليها داعي

مفروض تنقل الفولدر دا Antivirus_USB جوه اليو اس بي ومساحتو 70 ميقا اتمني يكون عندك ليها مكان

بعد ما تنقل الملف اضغط علي الامر الظاهر في الصوره

الأخ بلدي حبوب

السلام عليكم

Quote: لدى USB H\D مقسم الى 3 بارتشن تعرض لفايروس بارشن(1) يعمل بصورة جيدة اما بارتشن (2) (3) لا تفتح بكل الوسائل لا اريد ان افقد المعلومات للبارشن 2-3 بعمل فورمات هل من وجود برنامج لمعالجة الامر عند فتح بارشن 2 او 3 تظهر فى الشاشة الاتى f:\is not accessible the file or directory is corrupted and unreadable هل من معالجة يا زملاء تحياتى

أظن معاوية يكون حل المشكلة

بس عاوز انبهك لي حاجة

مادام هو هارديسك خارجي ليه عامل ليه بارتشنات ما اظن يحتاح تقسيم مفروض تخليه عادي وتخت موادك في فولدرات

يعني مثلا الصور ممكن تختها في فولدر تسميه الصور والموسيقى فولدر تمسيه الموسيقي وهكذا او اي تسمية تعجبك

تقسم الهارديسك يبطئ من عمله ويقلل من حجم الهارديسك ويكون معرض للتلف اكتر

برضه ممكن تستخدم برنامج أو أداه من كاسبر سكاي لحذف الفيروسات

تنزلها من موقع الكاسبر من هنا وإنشاء الله برضه تنفعك


http://support.kaspersky.com/avptool2010/main?qid=208280888

انا بي صراحه يا عبد العزيز ما جربت الحل الجبتوا انا فوق داك لكن من شكل الملفات حل كويس ...علي العموم في حل تاني مجرب وجذري بس عن طريق الليونكس ما عن طريق الويندوز ..قبل كدا عندنا صاحبنا حصلت ليهو مشكله قربيه من دي وعندو وثائق مهمه جدا قدرنا نطلعا ليهو ( طبعا بعد مار جعت ليهو الهارديسك والوثائق بعد يومين نطً ليهو حرامي ريحو ليك من الكمبيرتر والهارديسك والوثائق :)) يعني الهرديسك زار اوسلو وبعديها قد السلك :)

دي نسخه تانيه من البرنامج الفوق رفعتها في موقع اسهل

http://www.mediafire.com/?5gj8wpp8w9m2pah

الملف مضغوط 47 وبعد فك الضغط بيكون 70 ميقا

معاوية كيف حال

ما عارف الحاصل شنو الايام دي الفيروسات والتروجانات بدت مع كاس العالم كميات مبالغة قربت أفتح موضوع متخصص للمكافحة ياريت نجي نفتحة سوا

رغم عدم أقتناعي بالكاسبر وأنه برنامج دعايته اكبر منه

لكن الأداة بتاع الكاسبر دي خطيرة وقبل ايام كان عندي هارديسك في لاب توب بتاع واحد صاحبي عنده نفس المشكلة بتاعت اخونا بلدي يا حبوب وجربت مسحته عن طريق ال SAFE MODE بالأداة دي وكانت النتيجة مبهرة خالص وأتصلح الهارديسك لكن طلع كمية غريبة من الفيروسات والتروجانات

بالمناسبة يا معاوية الاسشنل بتاع ما يكروسوفت دا دعاية وماسورة كبيرة

طبعا زمان جربتMCAFEE لقيته نايم نوم
NOD32عبيط وما بطال في الفيروسات القديمة وما مؤثرة
NORTON حشري ######يف وعنده مرات قلة أدب وعجرفه مافي وبتقل الجهاز
AVG زي المكافي الاول
ال KASPERSKY كويس بس دعايته اكبر منه وبدقس كتير
الافيرا تنزلها صورة بس قاعد ساي ايقونه وبرنامج

الاسشنل ماسورة وأكبر ماسورة وحا اجيب ليك الدليل بس أصبر

الاشنشل فالح لي بس لي فيروسات قديمة وفلاشات بس احسن من الباقيات لكن ماهو البرنامج الممكن تعمتد عليه اليومين ديل يعني ما تخليه براه بضيعك

هسع بستخدم البت دفندر ولي هسع كويس وما عنده عوجة ومنزله جنب الاسنشل رغم انه كلامه كتير لكن بقابض في الفيروسات

بالجد يا معاوية البت دفندر الجديد دا أول أيام قال لي انو سودانيزاون لاين فيه مستعمرة حقت فيروسات وتروجان عجيبة وما قادر افهم الحاصل شنو كل ما افتح الموقع تجيني رسالة تحذير ومرات ما بفتح الصفحات والكلام دا حصل بعد ما نزلت البت دفندر ومرات بقول الكلام دا ما صاح البت دفندر دا قاعد يستعرض ويحشش علي ويعمل لي أنه شغال ومهم وغيران من الاسنشل أو قلت كمان البت دفندر دا مكجن سودانيز اون لاين مع أنه بطل الحركات الايام دي لكن مبسوط منه

شكرا وهكذت عهندنا بكم عند المحن
جمال محمود/ ود العجمى/Maawya Hussein /وليد/عبد العزيز
سوف اقوم بتطبيق الخطوات واتواصل معكم
تحياتى