اين تذهب من الله يا عمر البشير: حكومته لم تدفع معاشات العاملين بالسكة حديد لثلاثة سنوات

Quote: وكان معاشيو السكة الحديد، بكافة ولايات السودان، دخلوا في اعتصام واضراب عن الطعام، امس الاول امام مباني اتحاد نقابات عمال السودان، احتجاجا على عدم صرف معاشاتهم واستحقاقاتهم للفترة من 2007م ـ 2010م، وهددوا بالتظاهر والخروج الى الشارع اذا لم تتم الاستجابة الي مطالبهم ودفع هذه المستحقات من قبل الجهات المختصة.

http://www.alsahafa.sd/details.php?articleid=10962#10962

ويرسلوا التبرعات لارتريا وتشاد بالطائرات

ولكل لاعب في الفؤيق القومي المصري سيارة

واضخم مسجد في كوبر يفتتحه السديس

والسيارات الفارهة

ويتطاولون في البنيان

ولا يجد معاشي السكة حديد الذي جاب الفيافي ما يسد به رمقه

الاخ فخر الدين

سلامات,

قول ليهم ما براكم , كل القطاعات كده !!! كل أحد , المعلمين والاطبار , الشرطه الجيش , كل احد كل احد , كلهم بيتعرض للذل من قبل حكومه المتهم بالاباده....()

علمت من احد المصادر ان المعلمين في احدي الولايات الطرفيه لم يصرفوامرتبات منذ تسعه اشهر! وعندما احتجو هددوهم بالاعتقال والتعذيب (الجزاريين قاعدين) ! , وكثير مثير من قصص تسيم هذا الشعب سوء العذاب !

وعندماحن السيد النائب الشيخ على عثمان رضي الله عنه وصدق لهم بمبلغ المرتبات , دخل الوالي ووزير الماليهالولائي
في تلك الدوامه الجهنميه التي تسمى وزاره الماليهالاتحاديه , فوزاره الماليه لمن لا عرفها هي المافيا تمشي على قدمين , وعمولات بالكوم, قام الوالى بقى يجي كل يوم الوزاره وهاك يا شحططه , طبعاما أي والى بيقدر يطلع قروش من الماليه ! حتي ولو كان فيها كلمه تصدق كاتبها نائب المتهم! , وبعد تلتله وعذاب شديد دله أحدالسماسره الى مكتب للعمولات يديره واحد خريج رابعه (ابتدائي) , ويا ريت لو كانت ابتدائي زمن الابتدائي داك , بل في هذا الزمان التعيس , المهم الوالى قام اتكل على الله ومشى المكتب .
السلام عليكم , عليكم السلام

فلان موجود ؟ أي موجود نقول ليهو منو , رد وزير الماليه قولي ليهو والى ولايه ال.... , دخلوا على الرجل حق الله بق الله قال ليهم داير ربع المبلغ !!! لاحظ ربع المبلغ وليس ثلاث ارباع!

ياخي دي مرتبات معلمين ليهم سنه ما دفعو ليهم وما بنقدر نديك من القروش دي ! قال ليهم والله يا اخوان انتو الجيتوني , ولو ما دايرن الله يفتح عليكم ,!! ...

وبعد ان ضرب السيد الوالي اخماسه في اسداسه مع وزير ماليته الهمام قررا أن يتم دفع المبلغ ويخصم من كل مرتب (بالنسبه) , اهه الناس دي حتقول ليها ده مرتب 9 اشهر لكن مرتب الثلاثه اشهر التانيه انسوهو ! , يا زول هم ذاتهم لنيصدقوا انهم حصلوا على مرتب ال 9 اشهر .. لذلك لن نقول لهم دعهم في نومهم و آمالهم وآلامهم.

كتبو الشيك من حساب الولايه رسلو الشباب جابو القروش , هي قروش نصاح , في شوال عديل مع الترهل والتضخم وال ... , الزول شال منهم التصديق وقال ليهم تعالوا لي بكره , طلعو , قام طلع هو بي جاي , بعد ساعه زمن رجع من وزاره الماليه وهو يحمل معه شيك مصرفي بقيمه المرتبات , اداهو للسكرتيره وقال لها بالله الفارات القبيل ديل لو جو بكره اديهم شيكهم ده ولو سألو مني قولي ليهم ما موجود.!!!...

لذلك طبيعي يا اخي ما اصاب المعاشيين فأن ارادو معاشهم حق 3 سنوات عليهم التنازل عن معاش سنه علىالاقل ويشوفو ليهم زول سمسار في الماليه ...زي الزول خريج الابتدائي داك ..


لكم الله ايها المعاشيين ولظالمكم الخزي والعار

الاخ الفاضل مجدي

كم اتمني ان نتضامن هنا ونفتح ملف الصندوق القومي للمعاشات

ذلك الوحش الذي يتاجر باموال الاباء والامهات

ويمنهن كرامتهم

والمعاشات كلها كم جنيه لا تسمن ولا تغني من جوع

تصدق بروفسير الجامعة استبدال معاشه لا يساوي 1% من معاش عميد في الجيش

تقديري ومودتي