Post: #1 Title: هسـي دا ياهــــو أدبك !!! Author: Amjed Date: 07-27-2010, 07:44 AM
Post: #2 Title: Re: هسـي دا ياهــــو أدبك !!! Author: Elkhawad Date: 07-27-2010, 07:53 AM Parent: #1
ده راجل تحفة
Post: #3 Title: Re: هسـي دا ياهــــو أدبك !!! Author: osman righeem Date: 07-27-2010, 08:02 AM Parent: #2
متعة
طيب هو عمل شنو عشان النشالين الما اهتم بيهم بابكر صديق؟؟؟
Post: #4 Title: Re: هسـي دا ياهــــو أدبك !!! Author: ياسر بيناوي Date: 07-27-2010, 08:26 AM Parent: #3
*
Post: #5 Title: Re: هسـي دا ياهــــو أدبك !!! Author: دينا خالد Date: 07-27-2010, 09:14 AM Parent: #3
ووووووووووووووووووو يا امجد شركك قبض الليلة مع المطررر دى !!
عارف .. هو ما غلطان ، ابدددددا ما غلطان ما اى زول من حقه يقول الدايرو غلطانين البسمعوا ديل ياخى وغلطان الزول الدافع حق الساوند سيستم دا ياخى غلطان الزول الصور دا مفروض يكون بلعلع ذى المجنون زوووووول يلقى بال لما يقوله مافى !!!! حولااااااا هسه تلقى قتلة غرانفيل قاعدييين فى الواطة وسط ديل .. والدنيا مقلوبة عليهم .. لاحظ لى التبريرات لما يقول حرب فى .... ترا وقفت ،، حرب فى دار فور ترا الناس محاولين !! لوووووووب
ـــــــــــــــ لكن هو داير شنو ما كلمنا !!
Post: #6 Title: Re: هسـي دا ياهــــو أدبك !!! Author: tmbis Date: 07-27-2010, 09:23 AM Parent: #5
اضيناتك .. يا سلالالام .. ياخ دي متعة عجيبة جدا .. في هذا الصباح البديع هيج اشجاني هذا الرجل
Post: #7 Title: Re: هسـي دا ياهــــو أدبك !!! Author: amir jabir Date: 07-27-2010, 09:31 AM Parent: #6
طيب البنات لو ما جابوهم فى الاذاعة والتلفزيون يجيبهم وين يعنى ؟؟
يا امجد اوع تقول لى دة الزول بتاع الحاج يوسف سوق 6
Post: #8 Title: Re: هسـي دا ياهــــو أدبك !!! Author: فدياس نجم الدين Date: 07-27-2010, 09:34 AM Parent: #6
صاحب البوست وضيوفه الكرام
هذا ما يقو د للتطرف القاتل وهذا ما يغسل الأدمغه
لك إن تتحبيل أنني كنت قد كتبت من باب المزاح عن ( صوره لفتاه جميله ) وضعت صورتها في أماكن عديده بالولايه كدعايه لمشروب شعير ... هذه الصوره وفي بعض المواقع تعرضت للتشويه بواسطه بوهيه سوداء
وحتى لا يقال ربما كان ذاك فعل شركه منافسه ... نلحظ إن الصور الأخرى والتي تحوي صور شباب ورجال لم تتعرض للتشويه
أمثال هذا الشيخ يسهمون في زرع بذره التطرف التي تفضي لشلالات الدماء
Post: #9 Title: Re: هسـي دا ياهــــو أدبك !!! Author: Siham Elmugammar Date: 07-27-2010, 09:40 AM Parent: #8
بركة الانت حى !!!!
Post: #10 Title: Re: هسـي دا ياهــــو أدبك !!! Author: GamarBoBa Date: 07-27-2010, 10:14 AM Parent: #9
Post: #11 Title: Re: هسـي دا ياهــــو أدبك !!! Author: tmbis Date: 07-27-2010, 10:41 AM Parent: #10
Quote: الزول ده جاب سيرة البنقو والجو برة خرافي... ناس البنقو بكون عندهم كاروشة هسة... الزول ده متابع جدا بالمناسبة
. يا قمرنا .. قلت لي الجو بره جو .. ( قشـة) ؟؟ خلاص الزول دا لازم ينداح .. لكن كمان ما يعصر على الناس كلهم .. حقو يحدد لينا موقفو.
Post: #12 Title: Re: هسـي دا ياهــــو أدبك !!! Author: Amjed Date: 07-27-2010, 10:48 AM Parent: #11
الخواض ازيك تحفة الشوية دي دا ولله مفروض يجيبمنو تلاتة نسخ واحدة يختوها في اللوفر و واحدة في متحف الشمع و واحدة تلف كعب داير بين دول العالم
ياخ دا مهمتو الترفيه عن خلق الله اجمعين ما ممكن تحتكرو براكم كشعب سوداني ياخ اصلو ما ممكن دا حتى يبقى انانية منكم ساي
Post: #13 Title: Re: هسـي دا ياهــــو أدبك !!! Author: Amjed Date: 07-27-2010, 10:49 AM Parent: #12
حاج عثمان حسي دا سوال ليك و الراجل سالي لسانو قدر دا تقول لي سوا شنو
يعني يسوي ليك تاني اكتر من كدا شنو يعمل انقلاب مثلاً
Post: #14 Title: Re: هسـي دا ياهــــو أدبك !!! Author: GamarBoBa Date: 07-27-2010, 11:02 AM Parent: #13
والله يا تمبس عملت مشوار صباحي كدة المنطقة في الخرطوم...الشعب مبتهج غايتو..تلقي الزول شايل صحن كبييير فيه فول وشايل عيشة واحدة..ده يا مسطول يا مسطول للضمان كدة زولنا ده بحبس الفرح للشعب الفي المنطقة
ولا اقل من اعادة دولة الخلافة الاولى لسيرتها الاولى يا دينا معقول ياخي الراجل جاري كرسي و واقف بينضم النضمي دا كلو و انتي ما وقع ليك باقي ليك بعد دا كلو المشكلة بتكون فيهو هو ؟؟؟؟
.. قاعدين في الاسافير دي ما عارفين البلد حاصل فيها شنو .. محمد مصطفى عبدالقادر من مواليد ابوحراز ونشأ وسط جو صوفي .. محاضراته وندواته في كل مكان .. انا شخصيا حضرتا ليهو 3 محاضرات في الجامعة .. اشتهر بالاسلوب الساخر والحاد في كل محاضراته وانتقل الاسلوب الى ندوة الجمعة .. له مناظرة شهيرة داخل السوق المركزي مع الصوفية .. وخرج منها منتصرا .. الان له مؤيدين من خارج نطاق جماعة انصار السنة .. ودا عنوان صفحته في الفيس بوكـ محمد مصطفى عبدالقادر
Quote: قال سكان أمس الاثنين إن متمردين إسلاميين صوماليين أمروا سكان المناطق التي يسيطرون عليها بتسليم أجهزة التلفزيون وهوائيات استقبال بث الأقمار الصناعية محذرين من أن كل من سيتقاعس عن ذلك سيعتبر جاسوسا. والمنطقة المعنية تسيطر على معظمها حركة الشباب المسلحة التي تربطها صلات بتنظيم القاعدة وتحظر أجراس المدارس ونغمات أجهزة الهاتف المحمول والموسيقى في الإذاعة. وطالب أعضاء في الجماعة التي تحظر أيضا مشاهدة مباريات كرة القدم والأفلام السينمائية السكان من خلال مكبرات للصوت وضعت على سيارات جابت أنحاء جنوب ووسط الصومال بتسليم أجهزة التلفزيون قبل بداية شهر رمضان المقبل.
وقال رجل من سكان بولا باردي لرويترز "أمروا العائلات بتسليم أجهزة التلفزيون وأطباق الأقمار الصناعية."وأضاف رافضا ذكر اسمه لدواعي السلامة "في الماضي لم نكن نستطيع أن نشاهد ألعابا أو أفلاما حسب رغبتنا. الآن لا نستطيع حيازة أجهزة تلفزيون على الإطلاق."
وذكر مشرع من بولا باردي أن الجماعة المتشددة التي أعلنت مسؤوليتها عن تفجيرين بالعاصمة الأوغندية كمبالا أسفرا عن مقتل 76 شخصا حلال الشهر الجاري يراقبون تطورات قمة للاتحاد الأفريقي تعقد في المدينة تحسبا لأي هجوم محتمل. وضمت الولايات المتحدة صوتها اليوم للدعوات المتزايدة في قمة الاتحاد الأفريقي لارسال مزيد من الجنود لمواجهة المتمردين الإسلاميين في الصومال
Quote: ووووووووووووووووووو يا امجد شركك قبض الليلة مع المطررر دى !!
عارف .. هو ما غلطان ، ابدددددا ما غلطان ما اى زول من حقه يقول الدايرو غلطانين البسمعوا ديل ياخى وغلطان الزول الدافع حق الساوند سيستم دا ياخى غلطان الزول الصور دا مفروض يكون بلعلع ذى المجنون زوووووول يلقى بال لما يقوله مافى !!!! حولااااااا هسه تلقى قتلة غرانفيل قاعدييين فى الواطة وسط ديل .. والدنيا مقلوبة عليهم .. لاحظ لى التبريرات لما يقول حرب فى .... ترا وقفت ،،
لا أرى موقفك التنويري من هكذا موقف ولا أرى رؤية واضحة لما اغترفه سبب البوست من موبقات واحد من اتنين: إما أنك لا تملك حلا أو إنك تستعين بالغوغاء و في كل الحالين أحب كل ما هو سوداني
عامر طيب فهمنا الاعتراض على التلفيزيون هيا الاذاعة مالها ؟؟؟
Post: #28 Title: Re: هسـي دا ياهــــو أدبك !!! Author: ibrahim alnimma Date: 07-27-2010, 04:45 PM Parent: #24
لم تكن غريب مثل هذا السلوك والظلم يتوزع بين الظرقات.......فهناك من يبيع الوهم لعلاج السكري ..علاج السرطان علاج العقم.....هل تصدق اني اعرف من باع تراب جمعه من نفس مكانه وباعه وطلع حق الفطور دون ان يكذب، كلما ساله المشتري يقول له انه تراب جمعته من هنا، فيخاف من هذا الصدق حتي باعه كله (حوالي عشرين كوم). طالما ان القرود تقاتل مع المجاهدين ماالذي يمنع مثل هذا (الادب) من الانتشار؟ في تقديري ان مثل هذا الانحطاط ملازم للانحطاط السياسي والثقافي والمعرفي ، الذي تمارسه السلطة (وهو نحن حانفرف اكثر من الراديو والتلفزيون؟) كدي اتفرج علي ناس حنان سكليب ديل .........
Quote: Quote: حنان سكليب!! الفاتح يوسف جبرا
ملاح قرع وبامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح! عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد مهول من مكيفات الهواء تغطى أرضيته (السجاد) لزوم (عدم الغبار وكده)! عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية البااااردة! فى صالون النساء جلست سوسو (فى الأصل ست البنات قبل أن يصبح حسن يورو رجل أعمال) جلست على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية! - كلمتى (عوضية ردحى)؟ همست (سوسو) لجارتها وصديقتها (نوسة) والتى مالت قريبا منها وهى تجيبها: - والله (عوضية ردحى) دى قالو عندها مناسبت بكاء فى (مدنى) سافرت مشت ليها، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالا! وأديتو مليون عربون مقدم. - وشالت منك البيانات! - أديتا ليها كووولها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟ انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا).. وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء: ووووب ووووب ووووووووووووووووووووووووووووووووووووووووووووووووووب.. ثم تبدأ (حنان سكليب) فى السكلى و(الوصف) وهن يرددن خلفها: - ووووب عليا والله ليا يا حسن يوروو يا البتدى البتدورو والما بتدورو ووووب عليا والله يا صغير وجاهل يا البتجيب القروش بالساهل يا ود امي.. هيء يء يء يء .. الكورس : وووب ... وووب ...ووووووووب الليله يا حليلك يا زين الرجال ياملك الدولار يا البتستر الحال الليله يا حليلك يا البتشيل من البنوك وتشتت قبال ما يلحقوك يا ود امي.. هيء يء يء يء .. الكورس: وووب ... وووب ...ووووووووب الليلة وينك إنتا يا الإسبليت هبوبك والهمر ركوبك الليله وينك إنتا يا البنيت المقصورة وركبت النافورة الليله وينك إنتا يا أب جيوب منفخة وأب عربية مصفحة يا ود امي.. هيء يء يء يء .. الكورس: وووب ... وووب ...ووووووووب يا حليلك الليله يا البتفك الصعيبة ويا البتسجل اللعيبة يا حليلك الليله يا جوكى البنوك يا التهريبك بالسنبوك يا ود امي.. هيء يء يء يء .. الكورس: وووب ... وووب ...ووووووووب ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة: - قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيه
ممتع ساي يا ود الخضر ياخ دا قلت ليك مهمتو الاساسية الترفيه عن البشرية جمعاء اها من قولة تيت قال ليك البيغالطو بيغالطو بالباطل و في ذلك فليتنافس المتغالطون
يا سيدي البلد ماشة في نفس الدرب الكانت ماشة عليهو في ال20 سنة الاخيرة بس كرة الثلج اتدحرجت و كبرت و كبرت و كبرت و بقت اكبر من اننا نعماها ولا نغباها ولا حتى نطنشها
عبد الرحمن سلامات ياخي خرج منها منتصراً دي ما فهمتها الرجل زي ما انت قلت اسلوبو لا يقوم على منافحة الحجة بالحجة بل على الحدة و السخرية و تسفيه الخصم فكيف له ان ينتصر في مناظرة اقيمت لنقاش الافكار بالاساس ؟؟؟؟
Post: #46 Title: Re: هسـي دا ياهــــو أدبك !!! Author: Abdulrahman Eldaw Date: 07-29-2010, 11:33 AM Parent: #38
.. ازيك يا امجد يا امجد انا ما قلتا انو ما بقارع الحجة بالحجة .. بالعكس دا وقت النقاش بكون رادم قريب العشرين كتب وحافظ مكان نقاط النقاش في الكتب بي صورة مدهشة .. و اما قصة المناظرة كانت مسجلة كاملة بالفيديو عندي وفيها انسحب الشخص المناظر له بعد قصة طريفة حيث قال (حامد) الشيخ الصوفي والله نحنا بتحمينا حجاباتنا دي فرد عليه محمد مصطفى بان يكتب له اقرار من الشرطة المتواجدة اتناء المناظرة ويقوم بتجريب السكين عليه فانسحب حامد ..
Post: #34 Title: Re: هسـي دا ياهــــو أدبك !!! Author: الفاتح علي التوم Date: 07-27-2010, 05:11 PM Parent: #29
Quote: لا أرى موقفك التنويري من هكذا موقف ولا أرى رؤية واضحة لما اغترفه سبب البوست من موبقات واحد من اتنين: إما أنك لا تملك حلا أو إنك تستعين بالغوغاء و في كل الحالين أحب كل ما هو سوداني
بالاصل يا سيدي انا لا اعتبرها موبقات ففي عرفي لم يكن لا الغناء و لا ما سبه الداعية في حديثه المضحك - و الذي قصد منه ان يكون مضحكاً- من الموبقات بل الذي اراه ان الشيخ داعية تطرف غير محمود و له عواقب خطيرة و مدمرة للمجتمع ككل
Post: #42 Title: Re: هسـي دا ياهــــو أدبك !!! Author: خضر حسين خليل Date: 07-27-2010, 05:42 PM Parent: #41
يديك العافية والله يا امجد ياصاحب غايتو مرقتني المرقا الياها
شئ عجيب
Post: #43 Title: Re: هسـي دا ياهــــو أدبك !!! Author: صديق عبد الجبار Date: 07-27-2010, 06:54 PM Parent: #42
