Post: #1
Title: يعجبني ذكاء طارق الأمين ..
Author: عمر الفاروق
Date: 07-26-2010, 03:44 PM
Parent: #0
فرمضان على الأبواب ..
|
Post: #2
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 03:45 PM
وما أدراك ما الخيم الرمضانية ..
|
Post: #3
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 03:47 PM
Parent: #2
حللوا صيامكم بي الإستماع للأذان بصوت الفنان معتز صباحي ..
|
Post: #4
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 03:48 PM
Parent: #3
ثم وصلة غنائية بصوت الفنانة الصاعدة نجمة نجوم القد صفية مارنجان
|
Post: #5
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 03:49 PM
Parent: #4
إستراحة تقدم بعدها فرقة الهيلاهوب إسكتشات
|
Post: #6
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 03:50 PM
Parent: #5
والمفاجأة الكبرى ..
الفقرة الرئيسية سيد شباب الفن السوداني محمود عبد العزيز ..
|
Post: #8
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 03:53 PM
Parent: #6
ً فقط لا تدفع أكثر من خمسة وعشرون جنيهاًً لليوم الواحد ..
تخريمة :
خصومات خاصة عند إبرازك بطاقة عضوية سودانيز أون لاين ..
|
Post: #7
Title: Re: يعجبني ذكاء طارق الأمين ..
Author: Ahmed musa
Date: 07-26-2010, 03:51 PM
Parent: #4
الفاروق
إنت متاكد ده (ذكاء) طارق الامين ؟؟؟
ولا إقتراحات ؟؟؟
عموماً انا طارق الامين ده بعتبره عقل متقد ومابنوم
|
Post: #9
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 03:58 PM
Parent: #7
احمد موسى :
صراحة وحقيقة انا معجب بي طريقة تفكير طارق الأمين ..زول فاهم العقلية السودانية دي صاح الصاح ..
بالنسبة للحاجات الفوق دي فهي ليست مقترحات وطارق الأمين اوول ريدي عملها رمضان الفات ..
الذكاء والحنكة في غياب وظهور طارق الأمين على صفحات المنبر كيفما أتفق (عارفا ما صاح الجملة دي بس عا########ي ..)
|
Post: #10
Title: Re: يعجبني ذكاء طارق الأمين ..
Author: داليا الكباشى
Date: 07-26-2010, 04:06 PM
Parent: #9
انت قصدك شنـو ..؟؟
----------
حقار خلاس .. تاني ما بدفع ليك كلو كلو
|
Post: #11
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 04:09 PM
Parent: #10
بت الكباشي داليا :
غايتو البيسمع دفعك ده يقول دفع رباعي :)
عارفة عنوان البوست ما كان كده وتم بتره لأنو لقيت راس السوط ح يهبشك :)
|
Post: #12
Title: Re: يعجبني ذكاء طارق الأمين ..
Author: خالد عبد الله محمود
Date: 07-26-2010, 04:13 PM
Parent: #11
كدي سيبكـ من الحنكـ العاضي ده ..
أنت كنت غاطس وين ؟؟
|
Post: #13
Title: Re: يعجبني ذكاء طارق الأمين ..
Author: داليا الكباشى
Date: 07-26-2010, 04:15 PM
Parent: #11
| Quote: لأنو لقيت راس السوط ح يهبشك |
لا تجــرؤ !
|
Post: #14
Title: Re: يعجبني ذكاء طارق الأمين ..
Author: اسماء الجنيد
Date: 07-26-2010, 04:19 PM
Parent: #13
لا حولالالالالالالالالا
انتو رجعتوا اشتريتو حواشة تاني ولا شنو ؟؟
والله يا ريت عشان اتصل بي عمي احرشو عليك اقول ليهو
الزول اب رويس ده كلللللللل يوم يتيرب ويحش ويزرع
سلامات ومشتاقين يا ود الاهل
وتحايا حنينة عبرك للعقاب
|
Post: #15
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 04:25 PM
Parent: #14
الإخوة المتداخلون :
الرجاء عدم حرف البوست عن مساره (الجملة دي لسة مستخدمة ولا بقت موضة قديمة ؟)
ما تجو تشبكوني سلامات واين انت و و و
|
Post: #16
Title: Re: يعجبني ذكاء طارق الأمين ..
Author: عمر الفاروق
Date: 07-26-2010, 04:28 PM
Parent: #15
دي من الجيريو ؟
|
Post: #17
Title: Re: يعجبني ذكاء طارق الأمين ..
Author: داليا الكباشى
Date: 07-28-2010, 08:22 AM
Parent: #16
لا لا من الجرجره !
ياخ اخلص داير تقول شنو معلقنا ليك يومين !
|
Post: #18
Title: Re: يعجبني ذكاء طارق الأمين ..
Author: Mohammed Awad
Date: 07-28-2010, 08:52 AM
Parent: #17
غايتو ذكاء بالتفة ديك الله اعلم..
ذكاء بصلعتو الكبيرة ديك ممكن
لكن يعجبنى عزف العود عندو بصراحة...
دلوش
ــــ
انت بقيتى مناضلة ولا شنو؟
مداخلة والتانية جاية مكفكفة طوالى
|
Post: #19
Title: Re: يعجبني ذكاء طارق الأمين ..
Author: فيصل نوبي
Date: 08-07-2010, 09:35 PM
Parent: #18
Up
|
Post: #20
Title: Re: يعجبني ذكاء طارق الأمين ..
Author: طارق جبريل
Date: 08-07-2010, 09:40 PM
Parent: #19
شقي الحال كيفنك
|
Post: #21
Title: Re: يعجبني ذكاء طارق الأمين ..
Author: Soumeta
Date: 08-07-2010, 10:21 PM
Parent: #20
عموماً..
في إنتظار لبث الحلقة كاملاً..
|
Post: #22
Title: Re: يعجبني ذكاء طارق الأمين ..
Author: دينا خالد
Date: 08-07-2010, 10:23 PM
Parent: #20
| Quote: يعجبني ذكاء طارق الأمين |
انتو البعاعيت ديل جو من وين ؟؟
ياخ قال يحيى العظام وهى رميم !!!
ـــــــــــــــ
الدنيا شدة ما اتقلبت الجماعة بقوا يفكوهم
فى رمضان !! .... شوفتو العوجة دى ؟ شداد والفيفا
وصلاح ادريس والوالى والكاردينال ما جابتكم بس فلاحتكم
فى طارق الامين ؟ ،،، نظام عام نهيى ؟؟؟؟؟
|
Post: #23
Title: Re: يعجبني ذكاء طارق الأمين ..
Author: Hussein Mallasi
Date: 08-07-2010, 10:28 PM
Parent: #22
فعلاً .. فمن يقود قطيعاً من مائة بوست و بوست لا بد أن يكون ذكياً.
|
Post: #24
Title: Re: يعجبني ذكاء طارق الأمين ..
Author: Hussein Mallasi
Date: 08-08-2010, 09:56 AM
Parent: #23
و لكن .. هل هو ذكاء طارق – فقط - أم غباء الآخرين؟!
|
Post: #25
Title: Re: يعجبني ذكاء طارق الأمين ..
Author: Frankly
Date: 08-08-2010, 10:41 AM
فعلاً كانت طريقة مبتكرة جداً لدعاية مجانية لاستثمار خاص
وقد شارك فيها الكثير بفهم القطيع
ولم يسأل أحدهم نفسه بقيادة طارق الأمين لحملة الدعاية عن Conflict of interest
|
Post: #26
Title: Re: يعجبني ذكاء طارق الأمين ..
Author: عمر الفاروق
Date: 08-08-2010, 12:53 PM
Parent: #25
| Quote: لكن .. هل هو ذكاء طارق – فقط - أم غباء الآخرين؟! |
وهذا ما تم حذفه من العنوان الرئيسي للبوست ..
وبعد ده لسة داليا ما عايزة تفهم راس السوط :)
حسين ملاسي ياخ إنت الأول ..شيل ليك كيس موز
|
Post: #27
Title: Re: يعجبني ذكاء طارق الأمين ..
Author: فيصل نوبي
Date: 08-08-2010, 01:08 PM
Parent: #26
|
Post: #28
Title: Re: يعجبني ذكاء طارق الأمين ..
Author: بدر الدين اسحاق احمد
Date: 08-08-2010, 01:31 PM
Parent: #27
طارق الامين متاح ومتوفــر فى المنبر ...
لماذا لم يحضر لهذا البوســـت ..
بوســت يحمــل شبهة ( استثمار وتوظيف وتسخير البورداب لسلعة بيت الفنون.. ودا ابشــع اتهام ممكن يوجــه الى شخــص )
|
Post: #30
Title: Re: يعجبني ذكاء طارق الأمين ..
Author: nazar hussien
Date: 08-08-2010, 02:26 PM
Parent: #29
لو احصيت عدد افراد القطيع المتضامن مع طارق في حملته يا ملس لوجدت
أغلبهم خارج السودان... باستثناء وليد محمد المبارك...
وبالتالي يكون غباؤهم قد حجبهم من بيت الفنون ولم يعميهم عن الحق
|
Post: #33
Title: Re: الكلام الناس العاملة فيها ذكية ...
Author: محمد الشيخ أرباب
Date: 08-09-2010, 02:00 PM
Parent: #32
Quote:
لو احصيت عدد افراد القطيع المتضامن مع طارق في حملته يا ملس لوجدت
أغلبهم خارج السودان... باستثناء وليد محمد المبارك...
وبالتالي يكون غباؤهم قد حجبهم من بيت الفنون ولم يعميهم عن الحق |
يا سلام عليك يا نزار
|
Post: #34
Title: Re: الكلام الناس العاملة فيها ذكية ...
Author: خضر حسين خليل
Date: 08-09-2010, 02:14 PM
Parent: #33
عمر ازيك ياخ
الموقف ياعمر ضد انتهاكات النظام العام بشكل عام ـ بمعني الشئ الحصل في بيت الفنون ده
لو حصل في بيت لاعبي المريخ أو لاعبي الهلال برضو الموقف كان حيكون نفسه .
الكلام عن اقتحام قوات النظام العام والقبض علي الناس من طرف وتوجيه اتهامات لا اساس لها
في الواقع . شخصياً تضامنت مع القضية من هذه الزاوية ـ وياريت لو في واحد مثلاً
شرح لينا كيف القصة دي ترويج لي بيت الفنون مثلاً ؟
مكان بخشوا فيهو ناس النظام العام توش بالضرورة ما المكان الأمثل لاستقبال أي فعالية
المكان ده بي فكرة بسيطة ممكن يكون اتحول في نظر الكثيرين لمكان بجيب الهواء وأنت أعلم
بالهواء الذي أقصد .
احترامي يازول
|
Post: #35
Title: Re: الكلام الناس العاملة فيها ذكية ...
Author: ALZOLZATOO
Date: 08-09-2010, 02:27 PM
Parent: #34
ياخضر
Quote: شرح لينا كيف القصة دي ترويج لي بيت الفنون مثلاً ؟
|
والله السيناريو الا يكون طارق مشى اتفق مع ناس النظام العام وهو طلع منها وجو من وراهو عملوا العايزنوا وطلعوا وطارق مشى رفع قضية والقضية كسبت وعمل دعاية لي بيت الفنون المصان ومن دخل بيت الفنون فهو آمن عشان الجمهور بيفكر انو لا يمكن ان يلدغ بيت الفنون من جحر مرتين
غايتو ياملاسي انت لو مدير تسويق ما ح تبيع بي تعريفة لوووووووووووولز
بتعرف العنصر الخالي من المخاطرة risk free element
تحياتي
زاتوووو
|
Post: #36
Title: Re: الكلام الناس العاملة فيها ذكية ...
Author: nazar hussien
Date: 08-09-2010, 02:37 PM
Parent: #35
Quote: غايتو ياملاسي انت لو مدير تسويق ما ح تبيع بي تعريفة لوووووووووووولز
بتعرف العنصر الخالي من المخاطرة risk free element
|
بالضبط يا حبيب...معقول زول يجي يروج لي بيت الفنون بي
شرك النظام العام...وشنو...ناس واسر تدق وهي ما عملت شي
...باقي ليكم ديل تاني بجوا والله الحا يقرأ خبرهم
بيجي...بيت الفنون...
اللهم الا اذا كان طارق اللمين قاصد يروج بيت الفنون
لدي عضوية سودانيزاونلاين بورداب الاسافير...
|
Post: #37
Title: Re: الكلام الناس العاملة فيها ذكية ...
Author: عمر الفاروق
Date: 08-09-2010, 04:14 PM
Parent: #36
يا شباب وروني وين انا جبت سيرة نظام عام ؟
ابدا والله يا حلوين ولاااا ختى في بالي القصة دي ..
طارق ذكي وهو زاااتو بيكون فاهمني ..
ياخ حسين ملاسي زاااتو وقعت ليهو القصة لكن براااكم عايزين تقولوهو كلام ما قالو..
أسة لو قلتو لي ايهما اكثر دعاية بوست النظام العام أم بوست الدخول بي كتاب للمكتبة تتوقعو ح اختار شنو ؟ بالتأكيد حا اختار بوست كرامة البليلة ..
|
Post: #38
Title: "التبخيس" 000 صنع خصيصاً للسودان!!!!
Author: esam gabralla
Date: 08-09-2010, 05:01 PM
Parent: #37
سلام يا عمر
لحظة مناسبة لاعادة قراءة مقال عبد الخالق السر القيم و التأمل فيه مرات و مرات
Quote:
ولكن، الأمر في السودان جد مختلف 0 فالمتتبع للسلوك الجمعي لمجتمعنا وما ينساب من بين ثنايا ثقافته يكتشف أن مجرد التفكير في التفرد أو إبراز الموهبة لهو نوع من المجازفة الخطيرة التي ينبغي لصاحبها الاستعداد نفسيا وبدنيا لدفع ثمنها لأن الأمر قد يبلغ أحيانا درجة التأديب!!0 ولا شك أن الظواهر الشاهدة على ذلك كثيرة بما لا تحصى أو تعد0 ولكن، قبل محاولتنا التدليل على ذلك يجدر بنا تقصي الأسباب إن أمكن ذلك ومن باب الملاحظة التي هي نتاج الممارسة الحياتية اليومية ليس الا0 |
| Quote: يخيل للمراقب أن الشخص السوداني – لعدد من الأسباب- لا يطيق أن يكون أقل قدرة أو موهبة عن أقرانه، وقد يشكل ذلك لديه الكثير من العنت والشقاء ويسهم بقدر وافر في تكدير حياته وإكسابها الكثير من السلوك النفسي السالب، لأن تميز الآخر عنه يشعره بدونية وضآلة تذهب بقدر وافر من ثقته بنفسه0 وقد يكون مرد ذلك نوع التنشئة الذي تتبعه الأسر في تربيتها للطفل0 حيث أنه من الملاحظ يكاد يكون ممنوعاً عليه أن يصرح بمحاسن أقرانه أو يعلن عن تفوق أحدهم، وكثيراً ما يكون الرد حاسماً وغاضباً "انت مالك ناقص؟!" أو "انت الما بخليك زيه شنو؟" وغيرها من الالفاظ والتعابير التي تشعر الطفل مبكراً أنه من العيب أن يقر بتفوق الآخر لأن ذلك تسليم بالنقصان وقلة الشأن ، ولعل ذلك أوضح ما يكون في التنافس المحموم "حد الهستريا" في المراحل الدراسية والتقريع الملازم للطفل و خلق جو من الإرهاب في أي لحظة يتخلف فيها الطفل عن بعض أقرانه وخصوصا داخل نطاق العائلة الممتدة0 كل هذا وذاك من أسباب التنافس غير العاقل عزز من حالة التنميط التي يرزح تحتها المجتمع وانصرفت الأسر كلياً عن اكتشاف مقدرات ومواهب صغارها وبحثها عما يميزهم عن الآخرين فيما اتجهوا كلياً إلى المحاكاة حتى أصبح بمرور الوقت أن الهدف الأكاديمي المرتجى لم يتعدى المجال أو المجالين في أحسن الأحوال "طب وهندسة"، وما دون ذلك يندرج في خانة "التعب البلا عوض"!!!0 |
"ثقافة التبخيس" 00 كأحدى مكونات العقل الجمعي السوداني 00 مقاربة
|
Post: #39
Title: Re: "التبخيس" 000 صنع خصيصاً للسودان!!!!
Author: د.محمد حسن
Date: 08-09-2010, 05:09 PM
Parent: #38
يا عمر الفاروق
يعلم الله مشتاق ليك
عليك الله اجدع لي تلفونك في الخاص
والا اقول ليك في العام
على الاقل يحجزو منك في فيلم طارق ابو صلعة
|
Post: #40
Title: Re: "التبخيس" 000 صنع خصيصاً للسودان!!!!
Author: عمر الفاروق
Date: 08-10-2010, 10:57 AM
Parent: #39
عشان ما الموضوع يبقا دراسة حالة وشخصية الإنسان السوداني وطريقة تربيتنا منذ الطفولة و و و تعالوا العبو معاي اللعبة الصغمبروتية دي :
امشو جيبو عدد مداخلات ومواضيع طارق الأمين إبان (حلوة إبان دي؟؟) إطلاق البوم "رفقة" ثم حمد لبد ..ثم أمشو جيبو مداخلات ومواضيع طارق الأمين قبل واثناء شهر رمشان الفات ثم لبد حمد ..ثم أمشو جيبو مداخلات طارق الأمين قبل واثناء رمضان الجاي علينا ده ..ثم سفو وقارنو ..
تخريمة :
مبدئياً كده بضمن ليك يا طارق فطور بورداب الخرطوم الأول سيكون في بيت الفنون ..التاني ما بضمنو ليك
|
Post: #41
Title: Re: "التبخيس" 000 صنع خصيصاً للسودان!!!!
Author: طلحة عبدالله
Date: 08-10-2010, 11:21 AM
Parent: #40
وين يا راستا ؟
رمضان كريم وكدا .
|
Post: #42
Title: Re: "التبخيس" 000 صنع خصيصاً للسودان!!!!
Author: عمر الفاروق
Date: 08-10-2010, 11:26 AM
Parent: #41
يا جماعة معليش ما تقولوا قاعد أشخخت ليكم (ح تقولوا لي هو الشخيت ده كيفنهو مش؟) وفي نفس الوقت ما عايز أخمكم بي شكراً لكم سأعود لكم لكل مداخلة بي التفصيل النصيحة العودة دي ما بقدر عليها فدحين خلوها كده..
|
Post: #43
Title: Re: "التبخيس" 000 صنع خصيصاً للسودان!!!!
Author: داليا الكباشى
Date: 08-10-2010, 11:44 AM
Parent: #42
| Quote: قبل واثناء شهر رمشان |
رمشان دا قبل ذو القعده ولا بعدو ..؟؟
|
Post: #44
Title: Re: "التبخيس" 000 صنع خصيصاً للسودان!!!!
Author: د.محمد حسن
Date: 08-10-2010, 12:18 PM
Parent: #43
| Quote: رمشان دا قبل ذو القعده ولا بعدو ..؟؟IMG] |
ده قبل ذو العمشان
|
Post: #45
Title: Re: "التبخيس" 000 صنع خصيصاً للسودان!!!!
Author: Hussein Mallasi
Date: 08-10-2010, 12:26 PM
Parent: #44
Quote:
بالضبط يا حبيب ... معقول زول يجي يروج لي بيت الفنون بي شرك النظام العام ... وشنو ...
ناس واسر تدق وهي ما عملت شي ... باقي ليكم ديل تاني بجوا والله الحا يقرأ خبرهم
بيجي ... بيت الفنون ... |
كرامة البليله في بيت الفنون يوجد ابداع .....فيديو
|
|