Post: #1
Title: لماذا لم يرُد (هشام آدم) على هذا السؤال (المهم) ؟
Author: العوض المسلمي
Date: 07-26-2010, 11:09 AM
إذ كنت أتجول بمكتبته ووجدت هذا السؤال وتابعت البوست حتى آخره فلم أجد للاخ هشام رد .
ترى لماذا تجاهله - على أهميته- هل رآه أم لا ؟ المهم أنا حريص على سماع إجابة ذلك السؤال
وعليه سأعيده على مسامعه مرة أخرى . | Quote: ألا تقتضي الأمانة أن تذكر يا أخ هشام أن تشير إلي أنك تنقل الموضوع من كتاب جورج بوليتزر |
هذا السؤال كتب بكيبورد الاخت صباح حسين وورد على هذا الرابط Re: تبسيط الفلسفة وفي هذا البوست تبسيط الفلسفة ..
ولكي تعم الفائدة للأخوة القراء وأيضا لإنعاش ذاكرة الأخ هشام آدم رابط ذو صلة بالموضوع
____
مودتي للجميع
|
Post: #2
Title: Re: لماذا لم يرُد (هشام آدم) على هذا السؤال (المهم) ؟
Author: عبدالوهاب علي الحاج
Date: 07-26-2010, 01:26 PM
Parent: #1
ياشيخ العوض
سؤال مكبرين منو اللفة من سنة 2008
يعني حيردوا ليك عليهو في 2010
الجماعة الملاحدة ديل اصلو ما فيهم زول عندو ضمير
حسبي الله ونعم الوكيل
|
Post: #3
Title: Re: لماذا لم يرُد (هشام آدم) على هذا السؤال (المهم) ؟
Author: abubakr salih
Date: 07-26-2010, 01:40 PM
Parent: #2
Quote: الجماعة الملاحدة ديل اصلو ما فيهم زول عندو ضمير
حسبي الله ونعم الوكيل |
يا وهبة القضية ليست لديها علاقة بالالحاد او التدين
و اذا كان الامر كذلك فالسودان هذا الوطن المسكين عاش أحلك سنين حياته
تحت حكم الاسلاميين اصحاب دولة الشريعة، شفتنا القتل النهب، التعذيب سرقة
المال العام، اٍحتكار فرص العمل و سرقة حتى لقمة الفقراء و الجياع من افواههم.
ان الان ادرس مع مجموعة من الطلاب كلهم كلهم على الاطلاق فى القاعة الدراسية من اللادينيين
اى لا يؤمنون باله، لكننى عادة اترك جهازى المحمول و اللابتوب فى القاعة الدراسية طوال اليوم
و اعود فى المساء و اجدهما كما تركتهما. هذه لا تحدث حتى فى مجلس الوزراء السودانى.
|
Post: #4
Title: Re: لماذا لم يرُد (هشام آدم) على هذا السؤال (المهم) ؟
Author: ناذر محمد الخليفة
Date: 07-26-2010, 07:28 PM
Parent: #3
| Quote: هذه لا تحدث حتى فى مجلس الوزراء السودانى. |
|
Post: #5
Title: Re: لماذا لم يرُد (هشام آدم) على هذا السؤال (المهم) ؟
Author: BAKTASH
Date: 07-26-2010, 07:37 PM
Parent: #4
| Quote: يا وهبة القضية ليست لديها علاقة بالالحاد او التدين |
|
Post: #6
Title: Re: لماذا لم يرُد (هشام آدم) على هذا السؤال (المهم) ؟
Author: العوض المسلمي
Date: 07-27-2010, 09:12 AM
Parent: #5
شكرا للمتداخلين وصبرا لاني ساعود ارد عليكم
ولكن ياتي سؤال .. اليس من حق الاخرين علينا احترام ما يكتبون ولا ننقل عنهم الا باذنهم؟؟
وهل اذا نقلنا عنهم يعطينا هذا الامر نسبه الي انفسنا ؟؟
|
Post: #7
Title: Re: لماذا لم يرُد (هشام آدم) على هذا السؤال (المهم) ؟
Author: humida
Date: 07-27-2010, 09:18 AM
Parent: #6
العوض المسلمي ..
هشام آدم اغلب كتاباته منقولة من كتب قديمة .. و ما حيجي يعترف ليك بالامر دا ..
و حيكون الموضوع لف و دوران ..
عشان كدا اشتغل معاهو بالقناعات .. يعني لازم يكون عندك قناعة مسبقة و يقين تام انه الزول دا رأسه فاضي ..
و يبحث عن الشهرة .. لاسباب انسانية ..
|
Post: #8
Title: Re: لماذا لم يرُد (هشام آدم) على هذا السؤال (المهم) ؟
Author: Tabaldina
Date: 07-27-2010, 09:30 AM
Parent: #7
..
.
يا زعيمناالعوض
ياخى هشام ادم اليومين دى ما ناقص
والله الفيهو مكفيهو .. كدى خليهو يطلع
من ورطة سعيد ببوكرامى دى ..
وفى الفترة دى راعو ظروفو النفسية وآخرون
وارخوهو لحين .. وللوقت داك الله يسهل..
----------
بالعربي الضرب على الميت حراام
|
Post: #9
Title: Re: لماذا لم يرُد (هشام آدم) على هذا السؤال (المهم) ؟
Author: وليد محمد المبارك
Date: 07-27-2010, 10:11 AM
Parent: #8
ياخ هو زول نكر الله الخلقو
ما حا ينكر ليك انو سرق حاجة من زول
؟
|
Post: #10
Title: Re: لماذا لم يرُد (هشام آدم) على هذا السؤال (المهم) ؟
Author: صلاح أبودية
Date: 07-27-2010, 10:20 AM
Parent: #9
شيخ العوض
تحياتى وإحترامى
Quote: ولكن ياتي سؤال .. اليس من حق الاخرين علينا احترام ما يكتبون ولا ننقل عنهم الا باذنهم؟؟
وهل اذا نقلنا عنهم يعطينا هذا الامر نسبه الي انفسنا ؟؟ |
زميل لنا فى البورد ..
شال بوست حقى بى ضبانتو ونزلوا فى منتدى تانى
وطالب الجميع مشاركته فى تشخيص ظاهرة تناولتها فى البوست !!!
أها ..
الزول ده لا إستأذن منى ولا أشار فى البوست بتاعو لسودانيز أونلاين ولا أشار لى
أها يا العوض ..
ده إسمو شنو ؟؟
وأعمل ليهو شنو ..؟؟؟
ـــ
حقيقة أنا عاوز راى الجميع !!!
|
Post: #12
Title: Re: لماذا لم يرُد (هشام آدم) على هذا السؤال (المهم) ؟
Author: لؤى
Date: 07-27-2010, 10:30 AM
Parent: #10
Quote:
زميل لنا فى البورد ..
شال بوست حقى بى ضبانتو ونزلوا فى منتدى تانى
وطالب الجميع مشاركته فى تشخيص ظاهرة تناولتها فى البوست !!!
أها ..
الزول ده لا إستأذن منى ولا أشار فى البوست بتاعو لسودانيز أونلاين ولا أشار لى
أها يا العوض ..
ده إسمو شنو ؟؟
وأعمل ليهو شنو ..؟؟؟
ـــ
حقيقة أنا عاوز راى الجميع !!!
|
جنابو يا صديقي
سلامات
شوف زميل البورد دا :-
(( قابِض لي مجموعة مرتزقة ))
العوض إزّيّك
|
Post: #14
Title: Re: لماذا لم يرُد (هشام آدم) على هذا السؤال (المهم) ؟
Author: صلاح أبودية
Date: 07-27-2010, 10:39 AM
Parent: #12
لؤى !
فى إنتظار إفتاء ريسنا !
ما تطول يا العوض ..
باقى أنا متضايق !!
لو داير الروابط دق على زى بقولوا بورداب برّه !!
|
Post: #15
Title: Re: لماذا لم يرُد (هشام آدم) على هذا السؤال (المهم) ؟
Author: العوض المسلمي
Date: 07-27-2010, 11:25 AM
Parent: #14
ابو دية يا صديق لا اقول الجاتك في حقك سامحتك بل اقول ليك
لازم تاخذ حقك ولو من وهبة ذاتوووو ..
يلا نزل اللينكات زي ما قاليك اخونا ودالبشري ..
|
Post: #18
Title: Re: لماذا لم يرُد (هشام آدم) على هذا السؤال (المهم) ؟
Author: مزمل خيرى
Date: 07-27-2010, 12:41 PM
Parent: #12
يالؤى ...
Quote: شوف زميل البورد دا :-
(( قابِض لي مجموعة مرتزقة ))
|
ضحكتنى بالجد والله ..
ياخى الزول دا حرامـى نت معروف فى المنتديات ، اخر سرقة كانت صور حقتى نزلتها هنا
فى حوش بكرى دا اخدتها من منطقتى فى المحس ونزلتها فى بوست (نوبيو المنبر نمرة كاملة عد)
صاحبنا دا لفحها ونزلة فى منتدى منطقتنا وهو المسكين ماكان عارف انى عضو قديم هناك ... اها عصرتو ليك عصرة شديدة فى نفس البوست ... طفش الطفشة الياها .. ورفعت شكوى لامين الموقع وقال لى الزول
دا اصلو كدا ... بيشيل من هنا ويخت هنا وبيعمل الموضوع حقو عدييييل كدا !!
الغريبة انو زول نشط جدا يمكن يكون مشترك فى كل المنتديات السودانية بنفس الاسم بتاعو .!!
|
Post: #13
Title: Re: لماذا لم يرُد (هشام آدم) على هذا السؤال (المهم) ؟
Author: محمد البشرى الخضر
Date: 07-27-2010, 10:38 AM
Parent: #10
اللينك يا ابودية ... اللينك
دي ايام مفترجة شيل الحال فيها مبارك
جيب اللينك بس وانساه
|
Post: #16
Title: Re: لماذا لم يرُد (هشام آدم) على هذا السؤال (المهم) ؟
Author: صلاح أبودية
Date: 07-27-2010, 12:02 PM
Parent: #13
الأخوان :
العوض المسلمى
محمد البشرى الخضر
Quote: اللينك يا ابودية ... اللينك
دي ايام مفترجة شيل الحال فيها مبارك |
والله نفسى ما مطاوعانى أشيل فيها حس الزول ده !
ياخ الدنيا قبايل رمضان ياود البشرى !
بس هو كان يستأذن ..
أو على الأقل يجى هنا ويعتذر أو يعتذر !!
|
Post: #17
Title: Re: لماذا لم يرُد (هشام آدم) على هذا السؤال (المهم) ؟
Author: محمد البشرى الخضر
Date: 07-27-2010, 12:11 PM
Parent: #16
وقت عفيتو انت كريم و هو يستاهل
|
Post: #19
Title: Re: لماذا لم يرُد (هشام آدم) على هذا السؤال (المهم) ؟
Author: فايزودالقاضي
Date: 07-27-2010, 12:49 PM
Parent: #16
Quote: والله نفسى ما مطاوعانى أشيل فيها حس الزول ده !
ياخ الدنيا قبايل رمضان ياود البشرى !
بس هو كان يستأذن ..
أو على الأقل يجى هنا ويعتذر أو يعتذر !! |
ود ناس والله ياصلاح ...
|
Post: #11
Title: Re: لماذا لم يرُد (هشام آدم) على هذا السؤال (المهم) ؟
Author: عوض محمد احمد
Date: 07-27-2010, 10:22 AM
Parent: #8
Quote: القضية ليست لديها علاقة بالالحاد او التدين
و اذا كان الامر كذلك فالسودان هذا الوطن المسكين عاش أحلك سنين حياته
تحت حكم الاسلاميين اصحاب دولة الشريعة، شفتنا القتل النهب، التعذيب سرقة
المال العام، اٍحتكار فرص العمل و سرقة حتى لقمة الفقراء و الجياع من افواههم. |
|
Post: #20
Title: Re: لماذا لم يرُد (هشام آدم) على هذا السؤال (المهم) ؟
Author: عبد الصمد محمد
Date: 07-27-2010, 06:33 PM
Parent: #11
شكراً العوض علي كشف هذه السرقة الشنيعة
والله كان كدا هشام آدم دا مريض عديل وما بستحي شوف مسمي البوست تبسسيط الفلسفة وهو سارقوا بضباته من الكتاب المرفق
الغريبة لما الجماعة لفتوا نظروا عمل رايح ونسي يرد حتي علي باقي المتداخلين
دي والله يا بكري جريمة مثبتة فشن قولك في هشام بعد دا
|
Post: #21
Title: Re: لماذا لم يرُد (هشام آدم) على هذا السؤال (المهم) ؟
Author: بهاء بكري
Date: 07-27-2010, 06:45 PM
Parent: #20
| Quote: دي ايام مفترجة شيل الحال فيها مبارك |
اصلي ياودالبشري
|
Post: #22
Title: Re: لماذا لم يرُد (هشام آدم) على هذا السؤال (المهم) ؟
Author: تبارك شيخ الدين جبريل
Date: 07-27-2010, 06:57 PM
Parent: #21
والله يا السوادنة ... انتو الله يوقعكم فى "ملحد" صحى صحى؛ عشان تقدّموا عريضة جماعية بالإنسحاب الإلهى من الموضوع ....
لقيتو هشام آدم جهلول ومسيكين ودايرين تنسبوا غلطاتو كلها فى الإلحاد ...
الملاحدة كان فتحوا خشمهم بيرجّعوك العناية المركزة تاااانى يا وهبة ... ما تاخد راحتك شديد ... فلترعى صحتك الحظوظ الطيبة والتاريخ المجيد وحسن الفأل ...
... المهم .....
|
Post: #23
Title: Re: لماذا لم يرُد (هشام آدم) على هذا السؤال (المهم) ؟
Author: عبدالوهاب علي الحاج
Date: 07-27-2010, 07:10 PM
Parent: #20
| Quote: يا وهبة القضية ليست لديها علاقة بالالحاد او التدين |
بكـري ياصديق
يا اخوي الخواجات ديل امرقهم لينا من نضمينا دا
الالتزام بالاخلاق عندهم وصلوا ليهو عبر تجاريب طويلة
هناك لو ما عندك اخلاق بتموت عديل .. وهنا ممكن تبقى والي
ولو كذبت هنا ممكن برضو تبقى صحفي بشهادة متوسطة وممكن تلبس سماعة بشهادة ثانوي
____
أنا قلت كلامي الفوق داك بناءا على ما يدور بالمنبر هنا
ومنبرنا دا فيهو تلاتة ملاحدة :
1/ معتز تروتسكي (قبضوهو بالثابتة الايام الفاتت دي)
2/ هشام آدم (أهو انت براك شايف)
3/ شهاب كرار (وأظنك تابعت ما بدر منو)
الثلاثة طلعوا ناس بلا اخلاق يعني نسبة السقوط بتاعتهم 100% يعني ولا حصلوا نسبة الـ 75% بتاعة تراجي ذاتو(كان غلطان صححني) وكان عندك ليهم طريقة مخارجة تعال خارجهم ... ناقشني من هذا المنطلق يعني في ناسنا ديل .. وما شغلتي بالخواجات .
|
Post: #24
Title: Re: لماذا لم يرُد (هشام آدم) على هذا السؤال (المهم) ؟
Author: abubakr salih
Date: 07-27-2010, 07:19 PM
Parent: #23
Quote: / معتز تروتسكي (قبضوهو بالثابتة الايام الفاتت دي)
2/ هشام آدم (أهو انت براك شايف)
3/ شهاب كرار (وأظنك تابعت ما بدر منو) |
طيب يا وهبة فى المتدينين عديمى الاخلاق، النهابين و القتله أحسب الجبهة الاسلامية كلها ... و اجدع فيها بن لادن و الظواهرى هواده.
|
Post: #25
Title: Re: لماذا لم يرُد (هشام آدم) على هذا السؤال (المهم) ؟
Author: Balla Musa
Date: 07-27-2010, 07:40 PM
Parent: #24
دا إلحاد موضة يا وهبة..
وشغل شباب زى الصعلقة فى الحفلات!!
|
Post: #26
Title: Re: لماذا لم يرُد (هشام آدم) على هذا السؤال (المهم) ؟
Author: بدر الدين اسحاق احمد
Date: 07-27-2010, 07:51 PM
Parent: #25
Quote: ومنبرنا دا فيهو تلاتة ملاحدة :
1/ معتز تروتسكي (قبضوهو بالثابتة الايام الفاتت دي)
2/ هشام آدم (أهو انت براك شايف)
3/ شهاب كرار (وأظنك تابعت ما بدر منو)
الثلاثة طلعوا ناس بلا اخلاق |
يا وهبــة ... سلام
هـل يوجــد كلام بصورة واضحــة ينســب اى من الثلاثة نفســه الى الالحــاد ؟
مفهوم الاخلاق عند الملحديــن شكلو كيف ؟
|
Post: #27
Title: Re: لماذا لم يرُد (هشام آدم) على هذا السؤال (المهم) ؟
Author: بدر الدين اسحاق احمد
Date: 07-27-2010, 07:57 PM
Parent: #26
العوض السلام عليكم
جاييــك براحــة ...
الموضوع ما سـاهــل محتاج الى ( جكــة ) وشويــة اشتراكات ...
وبعد داك تشيل ( الفاتحـــة )
|
Post: #28
Title: Re: لماذا لم يرُد (هشام آدم) على هذا السؤال (المهم) ؟
Author: abubakr salih
Date: 07-27-2010, 08:05 PM
Parent: #27
| Quote: مفهوم الاخلاق عند الملحديــن شكلو كيف ؟ |
يا اخانا فكى بدر الدين انتا القضايا النظرية و الفكرية دى كبيرة عليك يا مان
انتا حسبك تستأسد على المعتقلين فى مبانى الجهاز تضربهم بالسياط و الخارطيش السود عدة التعذيب المعتادة
و تشغلهم تمارين مجهده ارنب نط، بشب، رفع الايدى على الحوائط لمدة طويلة، هذه الشغلانات ال########ة و غير
الاخلاقية التى يطلع بها عقل امنجى سقيم.
قال اخلاق قال ... ياخ اخلاق البادية على ما فيها من علل الا انو عيب عندهم ان تستأسد على رجل اعزل كما يفعل الامنجية!!
|
Post: #31
Title: Re: لماذا لم يرُد (هشام آدم) على هذا السؤال (المهم) ؟
Author: بدر الدين اسحاق احمد
Date: 07-28-2010, 01:08 AM
Parent: #30
اللص والجلاد في أدبيات الإنترنت
Quote: وفي رأيي الخاص، إنه لو كان للسرقات الأدبية والفكرية مسوّغات مقبولة (وغير مبررة)، فإن نزعة الفضح هذه لا مسوّغ لها على الإطلاق، ناهيك عن كونها مبررة. فما الذي يدفع شخصاً ما عند قراءته لنص ما في مكان ما إلى البحث (عبر محركات البحث المنتشرة) للوقوف على احتمالية أن يكون النص مسروقاً أو غير مسروقاً؟ إن هذه النزعة تُعبر –بجلاء- عن أحد أمرين:
أولاً: إما خوفاً من مجابهة الفكرة الواردة في النص المسروق.
ثانياً: انتقاماً، وثأراً شخصياً رخيصاً.
|
| Quote: ولا يُمكن التصدي لعمل غير أخلاقي، بعمل لاأخلاقي آخر |
انظر الى مــن الرؤيــة القاضيــة بتجريم فعــل كشف السرقات الادبيــة فى محاولـة
للربط والتسويــة بيــن ( اللص والجلاد في أدبيات الإنترنت )
|
Post: #32
Title: Re: لماذا لم يرُد (هشام آدم) على هذا السؤال (المهم) ؟
Author: عمر عبد الله فضل المولى
Date: 07-28-2010, 09:27 AM
Parent: #31
الالحاد لا يقوم على حجة
هشام ادم ليس غريبا عليه الانتحال والتملق وحتى الكذب
|
Post: #33
Title: Re: لماذا لم يرُد (هشام آدم) على هذا السؤال (المهم) ؟
Author: abubakr salih
Date: 07-28-2010, 10:41 AM
Parent: #32
| Quote: الالحاد لا يقوم على حجة |
يا عالم الموضوع ما عندو علاقة بالدين ولا الالحاد. اذا حسبنا ما يفعله المتدينين على الدين فسوف ننتهى الى ان الدين هو اسواء حاجة عرفها تأريخ البشرية. رئيس دولة الشريعة فى السودان مطلوب للعدالة الدولية بتهمة الابادة الجماعية ضد بنى وطنه و اخوته فى الدين. هسة شهر 2 الماضى عصابات الامن الطلابى عذّبت الطالب محمد موسى بحر الدين حتى فارق الحياة و مثّلت بجثه اذ وجدت عليها محاولة لقطع رجله من الفخذ بالاضافة للحروق المتفرقه على الجسد. الدين ليس هو المصدر الوحيد و النهائى للمواقف و القيم الاخلاقية. التجربة البشرية و تطور البنية التحتية أفرز قيم أخلاقية تجاوزت حتى الدين.
حسب الدين فأن الرق حلال و غير محرّم حتى النبى محمد قبل أحدى النساء كهدية (لاحظ اٍنسان هدية) اليوم القيم الاخلاقية السائدة تعاف و تنفر من تملّك الانسان و تبادله مثل بقية المنقولات، بالمناسبة الرق موجود حتى اليوم فى بعض المجتمعات المسلمة مثل اليمين و مروتانيا.اليوم تنتشر فى كل العالم الغربى موجه توقف عن أكل اللحوم كموقف أخلاقى مسبب بعدة اسباب منها مراعاة البيئة، حق الحيوان فى الحياة و حركة رفض للمعاملة الفظه تجاه الحيوانات فى حظائر التجار و شركات الانتاج الحيوانى. البشرية عموماً صارت أكثر رقة، حساسية و شعور و رفق بالاخر بما يتجاوز حتى الدين، بل ان أسواء الفظائع التى تحدث اليوم تجد الـــــقوة الدافعه لها ذات مصدر دينى و العمليات الانتحارية التى لا يتخيّر لها الارهابيين مسرح الا اوساط الاسواق و تجمعات المدنيين خير مثال على هذا الفجور و البشاعة الدينية.
|
Post: #35
Title: Re: لماذا لم يرُد (هشام آدم) على هذا السؤال (المهم) ؟
Author: بدر الدين اسحاق احمد
Date: 07-28-2010, 11:20 AM
Parent: #33
| Quote: الدين ليس هو المصدر الوحيد و النهائى للمواقف و القيم الاخلاقية. االتجربة لبشرية و تطور البنية التحتية أفرز قيم أخلاقية تجاوزت حتى الدين. |
حســى دا ما كلام هشام ادم ( بــس بالهولنــدى )
الفلسفــة الماديــة فى احدى صورهــا فلسفـة الحاديــة وهــى الفلسفة التى يقوم عليها
الفكر الشيوعــى ( الفكر .... الفكر ....الفكر ) يعنى ما فتـو هشام ادم كثير ...
القيم / الاخلاق نتاج لتطور وسائل الانتاج ( مفردة الشوايعة التى اصبحو يستحون منها ) ..
القيم الاخلاقيــة نتاج التجربة البشرية وعلاقات انتاجهـا التى تجاوزت الديــن اى ديــن
الا تصبــح هــى نفسهـا ديـن جديد ( فقط دين بشــرى ) يشرعون لبقية البشــر ...
انهم هكذا دائمــا يختبئون خلف المفردات ....
الفكر الشيوعــى نتاج للفلسفة الماديــة وهــى فلسفـة غير مؤمنة بما وراء الطبيعة
يعنى لا تؤمــن باى ( رب / الـه ) ...
|
Post: #36
Title: Re: لماذا لم يرُد (هشام آدم) على هذا السؤال (المهم) ؟
Author: العوض المسلمي
Date: 07-28-2010, 11:20 AM
Parent: #33
المتداخلون الكرام حبابكم
يا كرام الموضوع عن السرقة التي تمت وابلغ الزميل هشام ادم في حينه ولم يعتذر !!
ده الموضوع اما احراف البوست عن الالحاد وغيره فانه في النهاية يؤدي الي موافقة هشام ادم
علي ما قام به ..
اتمني اسمع راي المشاركين في موضوع عدم الاغتذار عن سرقة اصبحت معلومة للجميع ...
|
Post: #34
Title: Re: لماذا لم يرُد (هشام آدم) على هذا السؤال (المهم) ؟
Author: ود محجوب
Date: 07-28-2010, 11:19 AM
Parent: #23
Quote: الثلاثة طلعوا ناس بلا اخلاق يعني نسبة السقوط بتاعتهم 100% يعني ولا حصلوا نسبة
الـ 75% بتاعة تراجي ذاتو(كان غلطان صححني) وكان عندك ليهم طريقة مخارجة تعال خارجهم ...
ناقشني من هذا المنطلق يعني في ناسنا ديل .. وما شغلتي بالخواجات . |
يا وهبة ياخى خليك زول مفتح
انتو يا شباب كفرتوا بالالحاد
والجماعة ديل بجاهدوا فيكم
فيها شنوا يعنى..........
الجهاد دا حلال عليكم وحرام عليهم ؟؟
|
Post: #37
Title: Re: لماذا لم يرُد (هشام آدم) على هذا السؤال (المهم) ؟
Author: محمد عبدالقادر سبيل
Date: 07-28-2010, 12:48 PM
Parent: #34
ما يحيرني في هشام بن آدم هذا
جرأته ياخ
فمثلا يقول عيانا بيانا ( أنا لست ضليعا في النحو ) وفي الوقت ذاته يقول ان القرآن الكريم يتضمن اخطاء نحوية
تقول له كيفن ياهشام الكلام دا ؟
عرفت كيف وانت لست ضليعا يا ود الناس ؟
يقول : ان اخطاء القرآن من الوضوح بمكان بحيث انها لا تحتاج لأكثر من مستوى طالب فوق الثانوي !!!
اعوذ بالله
الأغرب من هذا كله ان مداخلاته التي يحاول فيها اثبات الاخطاء النحوية في كتاب الله الكريم هي نفسها حافلة بالاخطاء النحوية العديدة والواضحة حتى بالنسبة لطلاب الابتدائية مش فوق الثانوي .. تتصوروا ؟؟!
ياخي بدأت اشك في جدية هشام هذا ؟
ولا اظنه ملحدا ولا حاجة
_______________
اللهم اهده واهدنا الى مايرضيك عنا
|
Post: #38
Title: Re: لماذا لم يرُد (هشام آدم) على هذا السؤال (المهم) ؟
Author: abubakr salih
Date: 07-28-2010, 02:31 PM
Parent: #37
Quote: حســى دا ما كلام هشام ادم ( بــس بالهولنــدى )
الفلسفــة الماديــة فى احدى صورهــا فلسفـة الحاديــة وهــى الفلسفة التى يقوم عليها
الفكر الشيوعــى ( الفكر .... الفكر ....الفكر ) يعنى ما فتـو هشام ادم كثير ...
|
فكى بدر الدين مالك يا زول مصر تدرع نفسك فى القضايا النظرية الصعبة دى؟. زادك الفكرى قليل يا فكى و حسبك ان تضرب الشرفاء العُزّل فى مبانى الجهاز. بالمناسبة ما هو رأى الدين فى تعذيب الانسان؟ مسلم ام غير مسلم ما رأى الدين فى التعذيب؟ و هل تعذيب البشر يجد اٍدانة اخلاقية فى الدين ام لا؟. و اذا كان يجد اٍدانة اخلاقية و قانونية فماذا حدث بشأن ضحايا بيوت الاشباح فى سنين الانقاذ و فتراتها المختلفة. الدكتور فاروق أحمد اٍبراهيم استاذ الاستاذ بكلية العلوم جامعة الخرطوم افاد اٍنه تعرّض للتعذيب و الاساءات البذيئة على يد تلميذه و زميلة لاحقا فى هيئة التدريس بجامعة الخرطوم المدعو نافع على نافع و المحكمة رفضت فتح دعوى قضائية ضد نافع، تحت شعار كل شئ لله، فالسيد نافع يعذّب الشرفاء من الرجال اٍبتغاء مرضاة الله.
أما قضية الشيوعية و الفسلفة المادية فكبيرة عليك كما ذكرت لك من قبل. و التجربة البشرية و تطور الحياة المادية للمجتمع اٍنعكس على البنى الفوقية للمجتمع (قيم، اخلاق، سياسية و قوانين) كما قال كارل ماركس. كارل ماركس دا مفكر و باحث مثله مثل علماء كثير يا شيخ بدر الدين فما تنزعج منه ساكت بالفوبياء الكيزانية المعتاده، الراجل مثل اٍسحق نيوين تمكّن بالتأمل من صياغة قوانين يعتقد بانه تحكم التطور و حركة المجتمع الانسانى مثل ما فعل نيوتن الذى اٍستنبط القوانين و العلاقات الرياضية التى تحكم حركة الاجسام فى حالة السكون او الحركة تحت تأثير قوة. هذه القوانين صحيحة و تفسّر كثير من الظواهر الاجتماعية و الصراعات السياسية المعاصرة. اليوم انتا زاتك فى دولة الشريعة تجاوزت الدين و لم تطبق احكام الشريعة بتاعت القطع و الصلب و الرجم بالحجار، هل فى كل السودان اليوم لم تثبت جريمة الزنى على زانى محصن واحد او واحده؟، او لم تثبت جريمة السرقة الحدية على احد. قاعد الكلام كلو و حاصل لكنكم بالبرغماتية المعهودة (بعضها رحمة البرغماتية هذه) تجاوزتم هذه الاحكام لانها لم تعد تصلح للزمان ولانها سوف تُألّب عليكم العالم المتحضّر عشان كده طنشتوها حمدو فى بطنو ساكت.
كلام كارل ماركس صحيح و حتى موجات النباتيين التى أشرت اليها من قبل التى برزت هذه الايام تجدها برزت و تمددت فى اكثر المجتمعات رفاهية و عيش رغيد. تجدها فى النرويج، السويد الدنمارك، هولندا، المانيا و فرنسا فى حين تقل نسبياً فى جنوب اوربا و شرقها. موش قال ليك تطور الحياة المادية بينعكس على البنى الفوقية للمجتمعات؟. البشرية تصعد فى مدارج الرقى الانسانى و تصبح اكثر رهافة كل ما تطورت حياتهم المادية الى حيث طعموا من جوع و أمنوا من خوف. أقرا و اٍتعلم يا صاحبى غايتو انا تعبان معاك تعب الله يعظّم الاجر ساكت، و الله حقو تدفع لى قروش.
|
Post: #39
Title: Re: لماذا لم يرُد (هشام آدم) على هذا السؤال (المهم) ؟
Author: Balla Musa
Date: 07-28-2010, 02:38 PM
Parent: #38
العوض ياخوى الجاتك فى بوستك سامحتك..
أفتح واحد تانى بس بدون برندة وعنقريب هبابى!
|
Post: #40
Title: Re: لماذا لم يرُد (هشام آدم) على هذا السؤال (المهم) ؟
Author: فدياس نجم الدين
Date: 07-28-2010, 03:30 PM
Parent: #39
Quote: المتداخلون الكرام حبابكم
يا كرام الموضوع عن السرقة التي تمت وابلغ الزميل هشام ادم في حينه ولم يعتذر !!
ده الموضوع اما انحراف البوست عن الالحاد وغيره فانه في النهاية يؤدي الي موافقة هشام ادم
علي ما قام به ..
اتمني اسمع راي المشاركين في موضوع عدم الاعتذار عن سرقة اصبحت معلومة للجميع ... |
|
|