إحداهن قفزت من البلكونة وابلغت الشرطة .. القبض على عصابة تصوّر الفتيات عاريات ثم تبتزهن

أوقفت الشرطة بمدينة بحري ( الصافية ) عدد من الشباب تتراوح اعمارهم بين 18 - 25 عاما يقومون باستدراج الفتيات لشقة بمنطقة الصافية لممارسة الدعارة ثم يقومون باتفاق مع زملائهم بعملية مداهمة وهمية للشقةباعتار انهم من الامن ثم اخذ كل ما هو ثمين من الفتيات الضحايا مثل الذهب والاموال والموبايلات ثم تصويرهن عاريات ومواصلة ابتزازهن بالصور .
الا ان احداهن قفزت من بلكونة الشقة وابلغت الشرطة التي داهمت المكان وقبضت على العصابة التي سجلت اعترافا كاملا بالجريمة وجرائم اخرى مماثلة ..

لا يمكن عزل هذه الامراض الاجتماعية التي اصابت الجسد السوداني من التحولات الاجتماعية
السالبة في المجتمع السوداني بفعل و عمل اليات المشروع الحضاري و لذلك اقول
السبب
المشروع الحضاري حكم القوي الامين و انزال قيم السماء على طريقة اخوان نسيبة

برضو دولة المشروع الحضاري او الاسلامي تنشر في قيم الفضيلة والاخلاق

وقد ساعدت في التعليم والصحة اصبحت سهله للجميع

ولا لدنيا قد عملنا


ديل 25 بنت في مرة واحدة

انظر كم ولد بهناك يمارس الدعارة

لكن دعارة السلطة اقوي لا يستطيع احد ان يتلب من بيت او حيطة


وا اسفي علي وطني الذي ضاع بسبب بؤس الدولة الدينية

والله إت يا تراجي شايله النايحة ساكت. علا كلام القصير ما بتسمع لمن نصبح نلقي الرماد كال حماد .

بحيراوي

Quote: ديل 25 بنت في مرة واحدة

يا صبري يا بتاع التبش ..

انا ابدا ما ذكرت انهم 25 بنت ..

ورقم 25 أتى في اعمار الشباب المقبوض عليهم ..

الاخ معتصم سلامات ا
لحاصل شنو بوستاتك بقت زى جريدة الدار كده

Quote: الاخ معتصم سلامات ا لحاصل شنو بوستاتك بقت زى جريدة الدار كده

تحياتي يا قريبتي ..

سواء كانت الدار أم غيرها من الصحف التي تهتم بمثل هذه الاخبار فهي تعكس ما يحدث في واقعنا ..

وين الصور ياعمك ؟

Quote: الا ان احداهن قفزت من بلكونة الشقة وابلغت الشرطة التي داهمت المكان وقبضت على العصابة التي سجلت اعترافا كاملا بالجريمة وجرائم اخرى مماثلة ..

معتصم محمد صالح عاوزين المصدر وكمان التاريخ. بدون ديل كلامك نصف مقبول.
ما كملت قصة التي قفزت من البلكونة ما اصيبت ولا برضخ في الأنكل؟ إلا تكون سوبر بنت؟
جيب الخبر كامل ومفصل.

Quote: محمد علي حسن المشروع الحضاري حكم القوي الامين و انزال قيم السماء على طريقة اخوان نسيبة.

يا محمد علي حسن الدخّل المريخ في اللعبة شنو؟ المشروع الحضاري قال ليهن امشن ش.... ولا قال للعيال أمشوا إتصعلكوا؟
شوف ليك سبب تاني وجيه ومقبول.

Quote: صبري الشريف ديل 25 بنت في مرة واحدة

يا صبري الشريف أمانة عليك تقطع إضنيك شفت ليك شقة بتشيل 25 بت والبتأكيد معاهم 25 ولد. دي شقة ولا داخلية عطبرة في البركس؟
عشان الكلام يكون مقبول ومهضوم قل شيئاً معقولاً.


(العوج راي والعديل راي)

Quote: ما كملت قصة التي قفزت من البلكونة ما اصيبت ولا برضخ في الأنكل؟ إلا تكون سوبر بنت؟

يلا ياعمك عشان ما تخمنا ساهي !!
طمنا علي البنية دي .. ولو عايزة مساعدة عشان نفتح ليها بوست !





ـــ
والله يا كانتونا حكاية لكن .

باللاي واحد مناضلف حنينوني كدة يقوم يفتح لينا بوست تضامن مع البت النطت من البلكونة دي ..

عليك الله يا سيد ياود المسلمي تسلم من كل بلاء في الدنيا والآخرة كلامي مو عديل ... عشان كدا قلنا العوج راي والعديل راي
لك التحايا والود

Quote: يا محمد علي حسن الدخّل المريخ في اللعبة شنو؟ المشروع الحضاري قال ليهن امشن ش.... ولا قال للعيال أمشوا إتصعلكوا؟ شوف ليك سبب تاني وجيه ومقبول.

يا استاذ انت زول واعي و كبير و ليك تجارب وخبرتك في الحياة قريت جامعة الخرطوم زمن الجامعة كانت جميلة و مستحيلة كيف تقول كلامك و الله زعلتني و صدمتنى
كيف تعزل هذه الظواهرالاجتماعية من البيئة الحاضنة لها
يا راجل السبب المشروع الحضاري ايوة المشروع
لانو مشروع السجم والرماد الغى التعليم المجاني الجامعي
لان مشروع الكيزان الفاشل الخادع اوجد تعليم كمي
لان المشروع جاب كذبة التحرير الاقتصادي
الغى دور و مسوؤلية الحكومة تجاه الشعب
المشروع السبب في ثقافة الفساد السائدة و عبادة المال و المال فقط
المشروع الحضاري السبب في تسييس الوظائف و حكره على الموالين
المشروع الحضاري كتر الجامعات الوهمية و الهلامية التي لا تحمل سوى لافتات
و قذف ببنات الولايات الى المركز حيث المال كل شيء و ده كان دون تخطيط
المشروع الحضاري سبب الغنى الفاحش السريع و تدفق المال في ايدى افراد ليس لهم وازع و
لا مصدات اخلاقية او دينية
المشروع الحضاري هو السبب في موت الطبقة المتوسطة (موونة) اي مجتمع

يا استاذ انا لو مشيت في طريق نظرية المؤامرة باقول انت زاتك جزء او ترس في الة ضخمة
مدورة تشكل المجتمع اوجدتها قوى الفساد لتغبيش الناس و تمييع القضايا الحقيقة
حتى يتسنى لهم لغف اكبر كمية من المال و بعد ذلك الطوفان
استاذ شخص المشكل صح و انا على ثقة انك زول مو هين

Quote: يا صبري يا بتاع التبش .. انا ابدا ما ذكرت انهم 25 بنت .. ورقم 25 أتى في اعمار الشباب المقبوض عليهم ..

وا أســـفـاً عـلى وطــنٍ تـدعـى أنــت الإنـتماء

إلـيـه !!!!!!!!!

أنـت مــن يــتـحــدث عـن الـفـضـيـلـة؟؟؟؟؟؟


الله يـســـتر عـلـيـنـا و عـلـى غـيرنـا ...

Quote: وا اسفي علي وطني الذي ضاع بسبب بؤس الدولة الدينية

يا صبري الشريف
بلدك واجعاك... ابقى قدرها وتعال ناضل من جوووووووووة بلدك
تحس بي معاناتهم ... وتاخذ ضربة شمس ... وتتكتح بي كتاحتها ######انتها
وتضوق المرة مع اهلها
موووش تضرب الاوليفر والكوندشن في كندا والعواصم الاوربية
وتعملوا لينا فيها مناضلين
تعالوا ارجعوا البلد وناضلوا من الداخل
غير كدا ... نضال ناهي ناهي



الانقاذ ما قالت للبنات قلو ادبكن
المسالة مسالة تربية ومسئولية فردية والتزام اخلاقي وووازع ديني
ربووا القيم دي في بناتكم ... ودا مكمل لدور الحكومة
لكن واييييييييكم ترموا فشلكم في شماعة الانقاذ الوطني

كما قال المخرج خالد يوسف فى فيلم حين ميسرة (وجدت الواقع اشد قسوة من أن يقدم على الشاشة )

نيستا ياعمك

Quote: إحداهن قفزت من البلكونة

الرسول فوقك الصور

انشاء الله صورة البلكونة زااااااااااااتا......!!!!!!

Quote: انهم من الامن

هذا الموضوع يتصدر صحيفه حكايات وفي الصفحه الأولى كمان

معتصم الناس ديل دفعوا ليك ولا وجدي الكردي أكل حقك

Quote: الا ان احداهن قفزت من بلكونة الشقة وابلغت الشرطة التي داهمت المكان وقبضت على العصابة التي سجلت اعترافا كاملا بالجريمة وجرائم اخرى مماثلة ..

اها نضت وجابت الشرطة لفلاحته!!!!!

وياربي قبضو العصابة بس والا العصابة والجوه البلكونه وبرا البلكونه .
كمل لينا القصة دي يا نيستا ياخ !


تراجي حقو تشيل البوست ده تلصقو بهناك
وحقو توقع اتفاقية عمل مشترك مع نيستا ده.





يا معتصم يعلم الله مشتاقين .

يا معتصم
السلام عليك
حكاية الصور دي اصلاً موجودة
والقصة صحيح مائة المئة
لكن اذا واحد فتح ملفات الصور والفيديوهات تقولوا الزول مجنون
لكن ربنا يسألنى من بعد المشاهد الشفتهم بعيني ولا سمعت من زول ولاكلمني زول
بس خلوها مستورة
والشغلانية كبيرة عليكم
الله يسترنا ويستركم ويستر ابناء العالم اجمع

خــــــلوهـــــا مســــــــــــــــتورة
خــــــلوهـــــا مســــــــــــــــتورة

خــــــلوهـــــا مســــــــــــــــتورة

يا كرتونة ..

معليش كنت مسافر ومشغوووول ...


بجيك برواقة

Quote: يلا ياعمك عشان ما تخمنا ساهي !! طمنا علي البنية دي .. ولو عايزة مساعدة عشان نفتح ليها بوست !

يا ابو السيد ..

يا عمك الفلم ده حصل قريييب ليكم الشقة في شمبات والبلاغ في قسم الصافية يعني ممكن تخطف رجلك وتجيب لينا التفاصيل ..



وبالمرة تطمنا على البنية ..

Quote: يا عمك الفلم ده حصل قريييب ليكم الشقة في شمبات والبلاغ في قسم الصافية

تاكد يامعتصم إن شمبات كلها مافيها كلام فارغ زي دا ..
شمبات مدينة عريقة وأهلها كلهم بتعارفوا تقريباً ..
.. ربما في مكان أخر مصدرك غير متأكد منو !
أرجو أن تعيد الثقة في مصدرك الكاذب هذا ..





ــ
تحياتي .

Quote: و قذف ببنات الولايات الى المركز حيث المال كل شيء و ده كان دون تخطيط

ياعمك الخبر قال انو الاولاد بيشيلوا اموال ودهب البنات المغرر بهن ................ طيب كيف يكون هن بنات الولايات الماعندهن قروش
ـــــــــــــــــــــــــــــــــ
ياجماعة المشروع الحضاري نعم عمل فساد مالي كبير لكن تجوع الحرة ولا تأكل بثدييها خليك من حاجات تانية

هل من الممكن معرفة المصدر والتحقق من صحة الخبر

معتصم
المصداقية والدقة و المعيار... و باقي العده .. يا ولدنا.....
حلك كلام هارون الفوق ده

Quote: الرسول فوقك الصور انشاء الله صورة البلكونة زااااااااااااتا......!!!!!!

أنا برضو رضيان بصور البلكونه

لأبو السيد ... ومن لف لفه ..

Quote: واصلت مباحث مدينة الصافية إجراءات التحقيق في مواجهة ثمانية شبان يشكلون عصابة لاستدراج الفتيات وتصويرهن عاريات ليقوموا بابتزازهن أموالاً ومجوهرات. وكانت العصابة قد تم توقيفها بعد أن نجحت إحدى الفتيات في الهروب من عناصرها. وبحسب مصادر مطلعة إن العصابة قد قسمت الأدوار بينها الى فئة تصطاد الفتيات من الشارع العام أو من المناطق الراقية التي يرتادونها والأخرى تنتحل صفة الأمن وتقوم بمداهمة وهمية تهدف من خلالها لابتزازهن. وأكدت المصادر أن العصابة نفسها كانت قد أفلتت في وقت سابق من كمين نُصب لها من رجال المباحث وأنهم واصلوا عملياتهم مستفيدين من الشقق المفروشة التي تستأجر للعرسان والأجانب. وعلق مصدر أمني على الخبر الذي نشرته (الأهرام اليوم) بالقبض على العصابة بأن هناك مراقبة دقيقة ستكون على الشقق المفروشة وإجراءات احترازية تمنع وقوع الجرائم فيها خاصة بعد ازدياد جرائم الآداب. وأكد المصدر بأنه لا تزال ثقة المواطن السوداني وعدم احتراسه مشاكل تساعد في ارتكاب الجرائم، مؤكداً أن قرب الشرطة من المواطن عن طريق رقم النجدة كافٍ لإحباط أية جريمة.

كاااك

والى من يسألون عن مصدر الخبر ...( فمن حقي أن اخفي مصدر الخبر )

بالاضافة الى ذلك فان صحيفة حكايات واكثر من 5 صحف اخرى اوردت الخبر امس على صفحتها الاولى ..

الناس البتسال عن المصدر والصور دي جادة ؟؟
!!!

خبر زي دا مستحيل يكون صاحبو ناجرو من راسو ويا السيد حكاية انو شمبات مافيها حاجات زي دي ما تمسك فيها قوي ... ياخي هو مدينة الرسول صلى الله عليه وسلم فيها وفيييييييييييي زمن الرسول خلي زمن ناس قريعتي راحت وعمارات وجه النهار

ياخي خليك من دا نسيت قصة زولكم بتاع الجبهة الاسلاموية القبضو في كبري شمبات ؟


المهم ...


حسي لو جاب ليكم صورة واحده موش ح تجو تقولو ليهو لو كانت اختك ولو كانت قريبتك والذي منه


كميات الفساد الاخلاقي وال###### الزي دا بالكوم في عهد المشروع الاسلاموية والدولة الرسالية ياخي ناس بتبلع وتقتل ما بتتحرش ببنات ؟

هو البنات ذاااااااااتم بقو يتحرشو بالاولاد خليك من الاولاد ..


زمان كان العاوز الرزيلة والفاحشة عارف مكانا وين ان شاء الله يقيف ليها صف طول النهار

لكن زول بقابض من طرف مافي

حسي يا السيد المسلمي اخطف رجلك وامشي جنب الفلل الرئاسية ولا شارع النيل جنب الجامعة وشوف الناس البتتدردق في النجيلة والكهرباء قاطعة

الطبيعي في الخرطوم بقى الفساد الاخلاقي الما طبيعي انك تشوف شي اخلاقي

المايقوما من شدة الزحمة بقو يبيعو الاطفال وطبعا الحكومة بتبلع اي حاجة ..


صبري الشريف اللفح ما سمح


معليش يا معتصم كترنا النضم

Quote: حسي يا السيد المسلمي اخطف رجلك وامشي جنب الفلل الرئاسية ولا شارع النيل جنب الجامعة وشوف الناس البتتدردق في النجيلة والكهرباء قاطعة الطبيعي في الخرطوم بقى الفساد الاخلاقي الما طبيعي انك تشوف شي اخلاقي

النصيحة ياعمدة الناس قاعدة كتيرة وبتتونس وبشربوا في الشاي وكلو تمام ..
لكن الدردقة دي .. إعميني فيها ما شفتها



ــــ
معتصم ياعمك .. البرنت اسكرين بالله
كااااااااااكــ

ناس البوست سلامات


ويا مسلمى عليك الله شوف ليا


الحاصل شنو مع شداد وانتخابات اتحاد الكرة


سريع

هشام ياحبيبنا ( ..
مشتاقين ياوحش
المفوضية قبلت الطعن المقدم في شداد .. وسحبت إسمو من قائمة المرشحين ..
شداد رفض الإسئناف للجنة التحكيم ..
ولجاء للفيفا .
ناس الفيفا رسلوا إنذار شديد الهجة ( بوست كاتبو معاوية حسين )
صلاح إدريس متعاون مع شداد للأخر ..
لذا صعد طعنه ضد معتصم جعفر للجنة التحكيم ..
وقال حــ يصعدو للمحكمة الدستورية ..
محمد الشيخ مدني قال شداد تعامل مع الوضع دا لإحساسه بالظلم .. وهو متعاطف معاهو .. وقال شداد علي حق وسوف تنصفة الفيفا ..
وأستدل بألجمعية العمومية لإتحاد أثيوبيا ...

ــ
كدا كيف .؟

الوحش دى حلوة والله

وبرضوو شوقنا برضو اميااال


...............................


ياخ اخبارك دى ما عرفناها محزنة ولا مفرحة


بالعربى كدة شداد طاير ولا ما طاير




تحياتنا لال المسلمى وضيوفهم واصدقاءهم

شداد إلا تقع فيهو صاقعة .. حتي نرتاح منو !
لكن المرة دي مافي رجعة بإذن الله .

Quote: والى من يسألون عن مصدر الخبر ...( فمن حقي أن اخفي مصدر الخبر )

هههه هههه
و الله دى حلوه يا معتصم
اعمل حسابك اوع تفرط فى مصادرك او تحرقهم
شايف خط الجريده بتاعك ماشى اتجاه واحد



نيستا لا يكذب اهله

تحياتى كيمان كيمان

Quote: Quote: و قذف ببنات الولايات الى المركز حيث المال كل شيء و ده كان دون تخطيط ياعمك الخبر قال انو الاولاد بيشيلوا اموال ودهب البنات المغرر بهن ................ طيب كيف يكون هن بنات الولايات الماعندهن قروش ـــــــــــــــــــــــــــــــــ ياجماعة المشروع الحضاري نعم عمل فساد مالي كبير لكن تجوع الحرة ولا تأكل بثدييها خليك من حاجات تانية

يا عمي علي ما تكون منطقى كدا.
البلقى الهبوب بضرِّي.
التناقضات في الأقوال كالشك يُفسّر لصالح المتهم.

كيف تكون إقليمية ومفلسة جاية تبيع جسدها عشان تاكل .. وتاني يقولوا ناس العصابة بيسرقوا دهبها وقروشها. الكضاب نساي.


(العوج راي والعديل راي)

Quote: كيف تكون إقليمية ومفلسة جاية تبيع جسدها عشان تاكل .. وتاني يقولوا ناس العصابة بيسرقوا دهبها وقروشها. الكضاب نساي.

يا كانتونا

الفلس والحاجة هو ما دفعها لهذا الطريق, لكن دا ما معناهو انو هي في اللحظة دي مفلسة!



أنظر الى الموضوع من زوايا متعددة, وانت كما اظن رجل قانوني,

مثلا,,,

كون أفراد العصابة ينتحلو شخصيات أفراد أمن ليقوموا بابتزاز الضحايا وسرقة ممتلكاتهن, ما الذي يمكن يمكن أن نفهمه من ذلك؟

Quote: أوقفت مباحث مدينة بحري عصابة إجرامية من (8) شبان مراهقين، تعمل على ابتزاز الفتيات والحصول منهن على مبالغ مادية ضخمة بعد تصويرهن عاريات. وأكدت مصادر شرطية لـ (الأهرام اليوم) أن خطة العصابة كانت استدراج الفتيات وتصويرهن عاريات، ومن ثم ابتزازهن مادياً بعد تنفيذ مداهمة وهمية يقوم بها بعضهم منتحلين صفة رجال الأمن. وقالت المصادر الشرطية إنه تم القبض على المجموعة الإجرامية في مداهمة نفذتها مباحث الصافية على شقة مفروشة بمدينة شمبات أثناء قيام المراهقين بإحدى جرائم الابتزاز. وأوضحت المصادر أن العصابة كانت قد نجحت في استدراج فتاتين للشقة لممارسة الفاحشة معهما، وأن الاتفاق كان حضور بقية أفراد العصابة بزعم أنهم من جهاز الأمن والمخابرات الوطني، وأشارت المصادر إلى أن المجموعة التي ادعت انتماءها لجهاز الأمن قامت بإرهاب الفتاتين والاستيلاء منهن على مجوهرات ومشغولات ذهبية وأموال كانتا تحملانها. وأكدت المصادر الشرطية أن إحدى الفتاتين نجحت في الهرب بالقفز من على بلكونة الشقة ومن ثم الاتصال بالشرطة. وبحسب المصادر فإن المجموعة الإجرامية اعترفت بارتكابها عدة عمليات في حق عدد من الفتيات. تفاصيل كشفت مباحث مدينة بحري عن (8) شبان يشكلون عصابة إجرامية تستدرج الفتيات لإحدى الشقق بواسطة بعض عناصرها ثم تقوم المجموعة الأخرى بمداهمة الشقة بدعوى أنهم رجال أمن ليقوموا بابتزاز الفتيات وتصويرهن عاريات ليتواصل ابتزازهن بتلك الصور التي صورت لهن عنوة. وكشفت مصادر لـ«الأهرام اليوم» أن أمر العصابة قد انفضح بعد أن قامت إحدى الفتيات اللائي استدرجتهن لشقة في منطقة شمبات بالقفز عن طريق البلكونة والهروب لقسم شرطة الصافية وإخطارها بالكمين الذي نصبته لها العصابة مع أخريات ما زلن في قبضة عناصرها، وعلى الفور تحركت قوة من مباحث المدينة وقامت بمداهمة الشقة والقبض على (8) شبان تتراوح أعمارهم ما بين (18 ـ 25) عاماً حيث وجهت إليهم النيابة اتهامات بتشكيل عصابة للإجرام المنظم تنتحل صفة القوات النظامية وتمارس الدعارة وتسبب الإزعاج العام بجانب ممارستها لعمليات ابتزاز، وقد قدمت النيابة للمتهمين تلك اللائحة لتقوم الشرطة بالتحقيق في الحادثة وقد كشفوا من خلال التحريات بأن اثنين منهم قاما باستدراج فتاتين لشقة مفروشة بمدينة شمبات بدعوى ممارسة الدعارة معهن وبعد فترة وجيزة داهمت بقية المجموعة الشقة نفسها متظاهرين بأنهم قوة نظامية وقاموا بالاعتداء على الفتاتين بالضرب وتجريدهن من الحلي الذهبية التي يرتدينها والأموال أيضاً ثم قاموا بتجريدهن من الملابس وتصويرهن عاريات حتى يضمنوا عدم إبلاغهن السلطات بالجريمة التي ارتكبوها في حقهن ثم تتواصل عملية ابتزازهن، وفي أثناء انشغال أفراد العصابة قفزت إحداهن من البلكونة ونجحت في الوصول للشرطة. وقدم المتهمون اعترافات كاملة مؤكدين بأنها ليست المرة الأولى التي ينفذون فيها مثل هذه الجريمة وسبق أن استدرجوا عدة فتيات للشقة ونجحوا في ابتزازهن بذات الطريقة وأن عملياتهم الماضية كانوا قد نفذوها بنجاح وأنهم فشلوا في المرة الأخيرة باعتبار أن الفتاة قد فاجأتهم بالقفز من الطابق الأعلى وكشف سرهم

الاخ معتصم
تحياتي
الانهيار الاخلاقي الاجتماعي وصل اوجه في عهد الانقاذ
الذي حدث مؤسف جدا لكنه نتاج طبيعي لما يحدث في البلاد
شكرا لايرد المعلومة ولست مطالب بان تكشف مصادرك

تحياتي

بكري ده بيحذف في كلامي ليه؟؟
ما شايف كل البوستات دي بتاكد كلامي؟؟!!

اعلن تضامني مع هؤلاء البنيات المسكينات الاجبرهم الجوع لاحتراف مثل هذه المهن
واتضامن مع الشباب العملوا عصابه اتفه من عصابة البنات للتبتزهن وتسرقهن!




بلد ما ليها وجيع!!

Quote: ثم قاموا بتجريدهن من الملابس وتصويرهن عاريات حتى يضمنوا عدم إبلاغهن السلطات بالجريمة التي ارتكبوها في حقهن ثم تتواصل عملية ابتزازهن، وفي أثناء انشغال أفراد العصابة قفزت إحداهن من البلكونة ونجحت في الوصول للشرطة.

قفزت من البلكونة عريانة؟!





مجرد تساؤل ،،،

الأخ معتصم سلام
ههههههههه يستاهلو والله لقو الجن الأكبر من جنهم

لكن بالله ما حاجة تحير ،، تلك الأشياء الدخيلة علينا
التي بدأت كل يوم تظهر ، والله شي مؤسف البيحصل في
الآونة الآخيرة وربنا يسترنا و المسلمين جميعا

Quote: بكري ده بيحذف في كلامي ليه؟؟ ما شايف كل البوستات دي بتاكد كلامي؟؟!!

يعني يا تراجي انت لسه مصره ..؟؟


----------
تراجي : في بوست حقي انا اتحذف .. صدقيني انا سعيده انو اتحذف !
هدي مداخلتي ياريت تقريها !

Quote: تابع الجميع ما ورد على لسان الاستاذه تراجي مصطفى في الايام القلائل الماضيه , وتاكدت بما لا يدع مجالا للشك , ان الاستاذه تراجي تتهرب من الاعتذار مما ورد على لسانها من (قذف) صريح ل (فتيات السودان) بوصف (ثلاث ارباعهن) بالتسول بأجسادهن ..!! كتبت عددا لا بأس به من المداخلات , تدين فعل الاستاذه تراجي , ولا اخفي عليكم, دهشتي من هكذا تصريح يصدر من سيده , تعرف انها (ناشطه في قضايا المرأه) (قانونيه) و (دارسه اجتماع) على حد قولها .. افترع العديد من الزملاء بوستات تدين الفعل المشين منها , ووافق العديد من الزملاء , كما وحاول البعض تبرير كلماتها , ولـ تراجي اقول : اول حاجه وعشان ما اي زول يقول انا عندي حسابات دايره اصفيها معاكي , علاقتي بيكي في البورد كانت لطيفه جدا , فيها مشاغلات , وونسه , وحاجات كويسه , ما عرفتك عن قرب , وللاسف , بعد الليله ما دايره اعرفك , واول شي عملتو مسحتك من لسته اصدقائي الفي الفيس بوك ! لاني بي بساطه ارفض ان اصادق من تشتم بنات بلدها لمجرد ان تثبت وجهه نظرها السياسيه ! اول مره ازعل كميه الزعل الزعلتها من اول امبارح , ويشهد الله رب العالمين , وبعض الاخوان هنا في الخرطوم , على كميه الاحباط والصداع والقرف التي انتابتني منذ تصريحك المشين ذاك , الذي على اثره قررت انني لن اتوانى عن تصعيد الامر , حتى و ان بلغ مبلغا قضائيا .. ولظروف العمل .. لم اتمكن من التداخل في البوستات الا يوم مساء امس , وقد لا تصدقي لو قلتا ليكي اني زعلتا جدا جدا من الزملاء الذين اساءوا اليكي بصوره شخصيه , ومن من تكلم عنك وخاض في ما يمشك في شخصك .. وفرحت في ذات الوقت (وكنت اتوقعها) , من مداخلات وليد , وخليل , واحمد موسى والبعض الاخرين .. الذين وقفوا لكل من اساء اليكي شخصيا بالمرصاد .. فقط لتعرفي يا تراجي .. ان السودان لسه بخير , وان هؤلاء الذين شتمتي (بقصد او بغيره) اخواتهم وزوجاتهم , ما هم الا رجال سودانيون .. لا يقبلون ان تؤذى احدى نساءهم (اختا كانت او زوجه او عمه او خاله او زميله) , لا يقبلون ان بتعرض اح الى العرض والشرف لاي كان .. حتى و ان كانوا غلى خلاف معه .. لا للســاءه يا تراجي.. لا للاساءه ان تصدر منك .. ولا لمن يسيء اليكي , وبالرغم من اختلافي معك يا تراجي , وبالرغم من رفضي التام لما قلتيه , فانني ارفض رفضا باتا الاساءه اليك .. لانك سودانيه , ولانك زميله , ولان الدماء التي تجري في عروقك هي ذاتها التي تجري في عروقنا , ولانك سيده , ولانك امراه , ولان الاساءه مرفوضه من اي كان ولاي كان .. ومن هذا المنطلق .. ارفض انا داليا عبدالمنعم الكباشي .. الفتاه السودانيه (وافتخر) ارفض رفضا باتا, ما لحق بـ الاستاذه تراجي من اهانات وتدخل في حياتها الشخصيه , ومس سمعتها بما لا يليق , عن طريق فتح قروب في الفيسبوك .. وتداخل الكثيرين بما لا يليق .. ارفض هذا رفضا تاما .. واطالب الـ Creater الخاص بالقروب باقفال هذا القورب فـورا ودون تأخير .. استجابه للشهامه السودانيه بداخله ,وماشيا مع الاعراف السودانيه والعادات والتقاليد التي ترفض رفضا باتا اهانه حـواء السودانيه .. كلي يقين ان منشيء هذا القروب سيراجع نفسه كـ رجل سوداني اصيل , يخاف على اخته , زوجته , زميلته , ولا يرضى ان يمسها اي كان بكلمه , ان يستجيب لهذا الطلب , ويقوم باقفال القروب الخاص بالاستاذه تراجي فورا .. والله من وراء القصد ما صدقت النيه ..

-------------
سأعود .. لي بكري خلى البوست طبعا !

بلييييز ...

الا بوستاتي ما عايزا تتحذف ..

ممكن تفتحوا بوستات جانبية متخصصة تناقش الامور المتصلة بمثل هذه الاحداث والظواهر ..







المبدع ياسر تمتام ..

تحياتي يا غالي ...

نتيجة اعادة صياغة الانسان السوداني على نهج المشروع الحضاري
عيال انزال قيم السماء و شريعة المشروع الحضاري للانقاذ

Quote: الا بوستاتي ما عايزا تتحذف ..

الاخ مؤرخ , ولا كاتب , ولا قـاص..؟؟
موش ياها فلانه انتحرت وفلان قبضوهو محشش دي ..؟؟
وتوجد صور ولا توجد صور !




-----------

الاستاذ ياسر تمام

Quote: الأخ معتصم سلام ههههههههه يستاهلو والله لقو الجن الأكبر من جنهم لكن بالله ما حاجة تحير ،، تلك الأشياء الدخيلة علينا التي بدأت كل يوم تظهر ، والله شي مؤسف البيحصل في الآونة الآخيرة وربنا يسترنا و المسلمين جميعا

كيفك ياطيب وكيف الاولاد
وتقبل تحيات حسن عبد الوهاب نسيبنا
ياخي السودان لم تظهر به اشياء جديده بل تطور الاسلوب
واصبحت بكثرة العصابات التي تمارسها بهذه الطريقة
ويوجد الكثير الكثير ونشكر الاخ معتصم على جلبها هنا حتى الناس تشوف كيف يكون العلاج
وليس الامر مرتبط بثورة الانقاذ وحدها لانها من السابق وقبل عهدها موجوده .










-------------------------
الاخ معتصم صالح سلامات

انا منتظره يا استاذه تراجي,
مشيت وجيت ولقيتك ما جيتي !

عشان مايجي واحد يغالط

صورة البلكونة

لقيتني كيف يالسيد....؟

وكااااااااااااااااكـ

فوق الى ان نعود