أضاعوه وأي مريخ أضاعوا ...

يتبع ............

عزيزى
طلحة
تفتو تذكر المريخ
حتى تكتب فى الكائنات كوكبا

ياخى
وين الزهرة
التحرير
الاتحاد
الاهلى
ودنوباوى
دى كلها سبب ضياعها العسكر

انا ماشى الجيش
ابقى جياشى

الاخ طلحة
تحايا نواضر

الضمير فى اضاعوه راجع لى منو ؟
كاربونى وولدو؟
الوالى ورهطو؟
قريش وتصريحاتو؟
ابو جريشة ورواشتو؟
الصفوة وفليقهم ؟
اللاعبين وكياشتم؟
الاعلام وسلبيتو ؟
ولا كل ماذكر اعلاه .
فحدد بالله ياطلحة عشان نعرف

والجيش نقلو فتاشة

أعزيك ياطلحة في هذا الفقد الأليم..
أول خطوات العلاج الاعتراف بالمشكلة ووجودها وحجمها..

هلا بقريبي الحبيب ود دياب

Quote: أعزيك ياطلحة في هذا الفقد الأليم.. أول خطوات العلاج الاعتراف بالمشكلة ووجودها وحجمها..

المريخ دا انا قنعان منو من زمان وفاقد فيهو الأمل
والمشكلة الكبيرة زي ما قلت أنو لا أحد يستبن النصح في المريخ
لأن هذا النصح يتعارض ومصالح اللوبي المتنفذ في النادي .
الحل في ثورة تكنس كل أرباب المصالح والسرطانات التى غزت الكيان المريخي
واحالته إلى مستودع للهزائم والإنكسارات والهوان .

سلامات يا طلحه:
في تصريح خطير لود البشري قال انت لا عندك صلعه لا كرش ودي - بالنسبه لود البشري واخرين من اهم ادوات التنظير- ل>ا اي تنظير في البوست ده تبلو وتشرب مويتو

يا أبقوتة
للأسف الأسيف الكورة السودانية المتمثلة في المريخ والهلال فقط
تحتاج لمعجزة لتنهض وتنضم لركب أصحاب البطولات والإنجازات طالما
ظلت أسيرة للوبي الامزجة والأهواء والإدعاء والمصالح الخاصة جدا ..
تجارب الكورة السودانية مع البطولات الخارجية جعلتنا لا نستبشر
أبدا ببعض الصدف التى تقود فرقنا ومنتخباتنا لتحقيق إنتصارات عابرة
لا تلبث أن تتحول إلى إنكسارات ونكبات .
وعليه :
لا يغرنك فوز الهلال الخماسي على الحمام الموزبيقي مهيض الجناح
غدا ستتخطفه صقور أفريقيا حتما.

هلا يا احمد الأمين علي إدريس

Quote: الضمير فى اضاعوه راجع لى منو ؟ كاربونى وولدو؟ الوالى ورهطو؟ قريش وتصريحاتو؟ ابو جريشة ورواشتو؟ الصفوة وفليقهم ؟ اللاعبين وكياشتم؟ الاعلام وسلبيتو ؟ ولا كل ماذكر اعلاه . فحدد بالله ياطلحة عشان نعرف

كل ما ذكر صحيح وإتا الصادق يا أبو حميد بس عايز أضيف للأشياء الفوق دي
الأراجوز المهرج وارغو وبقية (المحترقين) الاجانب.

Quote: والجيش نقلو فتاشة

أول مرة أسمع الخبر دا والله يا أبو حميد

صديقنا المريخابى طلحة

سلام والبركة بالشوفة

اظننا متفقين انو الحاصل فى السودان و فى الفريقين الكبيرين دى هرجلة ما عندها علاقة بكرة القدم

لكن يا طلحة كمشجعين الغلب بحرقنا شديد

خلينا نتكلم شوية على المريخ

انا بشاهد المريخ منذ اكثر من اربعين عاما و منذ ان كنا نرجف ونحن داخل الاستاد يوم هلال مريخ يوم المريخ كان بيمثلوا كمال و سانتو وحتى جيل سامى عزالدين و ابو عنجة ووصولا لابراهومة وابراهومة و معهم الحارس الامين حامد بريمة. الهلال وقتها لم يكن سهلا ايضا ولكن المريخ دائما كان لديه مجموعة من افضل اللاعبين السودانيين خاصة فى وسط الملعب و الهجوم.

اما مريخ اليوم شوف واتمحن:

سفارى

سعيد السعودى

الشغيل

موسى الزومة

خالد مختار

وهلم جرا

والله ديل يا طلحة لو عندى سلطة فى نادى المريخ ما يجيبو الكورة من ورا القوون خليك من يلعبوا فى المريخ العظيم

حليلم الرجال ابان قلوبا حارة

يا عمر بوب سلامات
كان على الصلعة بكرة بجر الموس
وكان على الكرش ساهلة برضو
المشكلة في المجرجراتي المدعو ود البشري والذي لا يعترف أبدا بهزائمه
المتتابعة في حياته اليومية فهو أما مسيك في تربيزة الوست وإما ملطش
في الفيس بوك وإما مدقس في غرف الشات والدردشة وأما مشلت في المنبر دا
ومع دا كلو شايل كيبوردو وحايم بيهو ست وعشرين ساعة في اليوم الواحد
يقابض هنا ويهابش بي جاي ويجرجر هناك ويكورك فوق ويهرج تحت دون ان تردعه
حتة خجل أو شوية حياء .
الزول دا لا زم تشوفوا ليهو طريقة يا بوب ، إن شاء الله تودوهو المسيد وتقيدوا
وتحلقوا ليهو صلعة وتأكلوا بليلة عيش في الوجبات التلات ..
غير كدا مافي طريقة .

سلامات يا هشام المجمر
مريخ كمال عبد الغني وأبوعنجة وود القوز واخوانهم
كان يقوده رجال عظماء في أفكارهم وفي شخصياتهم وفي قرارتهم
وفي حبهم للمريخ الكيان بعيدا عن المن والأذي والأمزجة والاهواء
والإدعاء الأرعن والفشخرة البغيضة كما هو حاصل حاليا .
أيام أبو العائلة وحجوج وحتى عهد ماهل أبو جنة والفريق منصور
عبد الرحيم كان كل شىء في مكانو الصحيح تحت شعار ما للإدارة للإدارة
وما للجهاز الفني واللاعبين لهم .
لا احد يتدخل في عمليتي الإحلال والإبدال ولا تتم التسجيلات إلا برؤية فنية
خالصة لا شق فيها ولا طق .
لا صحافة تهرج وتنطط وتدعي ما تدعي ولا سماسرة يملون جيوبهم بالدولارات
ويملون النادي بالأراجوزات تحت بند المحترفين .
لا لاعبين متلاعبين يعيثون في معسكرات الإعداد فوضي وسوء اخلاق وإنضباط
ويساهرون الليل بطوله في إنتظار مباراة مهمة في اليوم التالي .
زمان كل فولة وليها كيالا وكل شىء قاعد في مكانو المناسب وهسع كل حابل
مختلط بالنابل فلا تعرف من المدرب ومن اللاعب ومن الإداري ومن الصحفي و..و..
خليها ع الله يا هشام اخوي .

إلى رجال المريخ العظماء
المريخ يغوص عميقا في مستنقع التردي في طريقه للضياع التام
أغيثوا هذا المارد العملاق قبل أن يتحول إلى مجرد ذكري عالقة بمخيلة
احبابه ومريديه.
وآشاخوراه
وآحسناه
وآ حجوجاه
يتبع ........

.