Post: #1 Title: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 08:44 PM Parent: #0
هل بمقدورنا تسخين الماء لدرجة الغليان حتي نضمن تعقيمه
أم هل بقدرتنا شراء قناني المياه المعدنية والتي تزداد
مصانعها بمتوالية هندسية ليبلغ سعر الزجاجة عبوة 600 مل الف جنيه ( قديم )
شاهد ما وجدته بصبارة الماء علما بأنني قد غليت هذا الماء ثم انتظرته ليبرد
ثم وضعته بالصبارة ..
ملحوظة : الماء غير المعقم له مضار صحية بالغة الخطورة وموت رأسه عديل سنأتي علي
ذكرها تباعاً
Post: #2 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: خضر حسين خليل Date: 07-20-2010, 08:53 PM Parent: #1
يامسمي محنتنا إمتحان مرات قدر حيناً غضب وناكر جبيهاتنا وصلاةً صلتا يوم يمحق الصاح الخطأ وين تمشي من غضب الغلابة اللا بكتلك نازلاتا واشتكتلك علتا
(حميد)
ـ
تحياتي يانجلاء
Post: #3 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 09:12 PM Parent: #2
Quote: يامسمي محنتنا إمتحان مرات قدر حيناً غضب وناكر جبيهاتنا وصلاةً صلتا يوم يمحق الصاح الخطأ وين تمشي من غضب الغلابة اللا بكتلك نازلاتا واشتكتلك علتا
شكرا خضر العزيز وشكرا لشعاعرنا نبض الغلابه حميد
Post: #4 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 09:15 PM Parent: #3
تصحيح للعنوان وجاتنا كمان ######اتها
Post: #5 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 09:20 PM Parent: #4
هم فوق هم همـة صنقع للسما وكان فى الجو فى غيم وكم نجمات بعاد وكان الدنيا صيف لا قالتو كيف كيف اصبحت كيف لا لمسة حنان لا لمسة وداد لا رمشة طريف من قلبا وفى زى ايام زمان ايام الدفى
Post: #7 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 09:29 PM Parent: #6
فى هذا الزمن تب يا دنيا تب فى هذ الزمن تف يا دنيا تف يا العبد الشقى ما اتعود شكى لكن الكفاف فوقك منتكى والسوق فيك ياسوق حالا ما تسر الا كمان فى ناس فايتاك بالصبر ساكنين بالايجار لا طين لا تمر واحدين بالايجار ما لا قين جحر سلعتم الضراع والعرق اليخر عمال المدن كلات الموانى الغبش التعانى بحارة السفن حشاشة القصوب لقاطة القطن الجالب الحبال الفطن الفرن الشغلانتو نار والجو كيف سخن فرقاً شتى بين ناس عيشا دين مجرورة وتجر تقدح بالاجر ومرة بلا اجر عيشهم كمهوودسن هان قدر
عيشهم كمهوودسن هان قدر دى بتحتاج لى كم لتر من الماء
Post: #8 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 09:33 PM Parent: #6
Quote: أم هل بقدرتنا شراء قناني المياه المعدنية والتي تزداد
مصانعها بمتوالية هندسية ليبلغ سعر الزجاجة عبوة 600 مل الف جنيه ( قديم )
أختنا نجلاء بت سيدأحمد الشيخ الحاصل في السودان ده لا يصدقه عقل ولا يتفق مع أي منطق ولا أي شرع سوى شريعة الغابة ويمكن الغابة تكون أرحم بمليون مرة لأن الحيوانات المفترسة لا تقتل من أجل القتل ولا التخمة بل تقتل بقدر ما يشبع بطونها... تصوري أنه سعر المويه المذكور أعلاه هو تماماً سعرها في السعودية بالقطاعي أما سعر الجملة فنصف هذا السعر (إذا كنتي بتشتري بالكرتونة مثلاً للبيت) وده للمياه المعبئة بالقوارير الصغيرة سعة 600 و 500 و 1500 أو 2000 مللي لتر، أما العبوات المنزلية وهي تقريباً صفيحة ونصف أو أكثر (قد تكون أكبر من جركانة الزيت الكبيرة) لا أذكر الحجم تحديداً ولكنها حسب أعتقادي لا تقل عن 50 لتر يعني اللتر (1000 مللي) (واصلة للشقة مهما كان أرتفاعها وبنفس السعر - توصيل مجاناً سواء من الشركة أو البقالة) وهي العبوة التي تستخدم مع المبردات الخاصة بالشرب من أعلى فقيمتها لا تتعدى 5 ريالات (3250 جنيه بالقديم) أو 3 جنيه وربع بالجديد لعنة الله على كل جديد في عهد الغرق الذي سمي زوراً وبهتاناً (إنقاذ)... يعني اللتر بيكون بـ 10 هللات والتي تعادل 75 جنيه بالقديم برضه، أي 75 قرش بالجديد. مع ملاحظة أننا نملك نهراً يعتبر من أطول أنهار العالم وأبار جوفية تعادل في عمقها 10% أو أقل من أبار السعودية وأكثر من 500% في كمية إنتاجها من المياه النقية،،، وفي السعودية تتم تحلية مياه البحر وكذلك الأبار لأنها مالحة ونقلها آلاف الكيلومترات عبر أنابيب ضخمة ومضخات الواحدة منها لو ربطت بجنريتر تنور السودان كله،، شفتي كيف؟؟
طبعاً أهل السلطة وأصحاب القرار والذين يفترض أن نشكوا لهم حالنا بعد الله ما عندهم مشكلة، فالمياه الملوثة التي تصل للمواطن الغلبان لا يعرفونها حتى في الإستحمام فعندهم في قصورهم الفلاتر التي تنقي مياه الإستحمام والغسيل و(الوضوء ودي أهم حاجة) وكراتين الموية بتصل بالجملة ولا تشكل مثقال ذرة من ما يلهطون من أموال هي دماء مستنزفة من أبناء الوطن المغلوبين على أمرهم....
بس في النهاية لا نقول سوى حسبنا الله ونعم الوكيل... وألهم لا تسلط علينا بذنوبنا من لا يخافك ولا يرحمنا... وألهم سلط عليهم جند من جنودك لا نعلمهم إنهم لا يعجزونك..
Post: #10 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 10:30 PM Parent: #9
ياسلام عليك اخى الشايقى وعلى المداخلة المفيدة جداومرورك اسعدنى
وطبعا نيلنا ممدد جنازة والليوم الثالث انقطاع المياه لاكثر من 12 ساعة وفى هذة اللحظة خلصت المياة من الدكاكين حوالين بيتنا مما جعل بخارى يقود العربة للبحث عن ماء للشرب
Quote: أننا نملك نهراً يعتبر من أطول أنهار العالم وأبار جوفية تعادل في عمقها 10% أو أقل من أبار السعودية وأكثر من 500% في كمية إنتاجها من المياه النقية،،، وفي السعودية تتم تحلية مياه البحر وكذلك الأبار لأنها مالحة ونقلها آلاف الكيلومترات عبر أنابيب ضخمة ومضخات الواحدة منها لو ربطت بجنريتر تنور السودان كله،، شفتي كيف؟؟
ودا البوجع ويحرق فى الحشا
واسمع نضم حميد متنبى العصر
جايى ليك يا نورة غيمة تملا ماعونِك خريف يملا عينيكى ويفضـِّل يروى جوّاك العطاشة جاة ليك يا نورة غيمة تملا ماعونك خريف . لا سراب الصحرا .. موية ولا حُجار سلّوم .. موائد حالكم البصرخ وينادى ياوطن عز الشدائد ************* يا هُدى الناس الحيارى يا ندى الفجر الببلِّل نور عِوينات الفقارى جايى ليك .. آه جايى ليك جاى ليك يا نورة افة آفة .. للسوس البنقـِّر عود عِشيماً داخرو فيك أصلى لمـّن أدور أجيك .. بجيك .... لا بتعجّزنى المسافة ولا بقيف بيناتنا عارض لا الظروف تمسك فى إيدى ولا من الأيام .. مخافة يا نفس فجر القصايد يا بلادى ما ضِهِبْ فى بعدى عنـِّك أصلى متغرِّب عشانك راضى بى الجايينى .. منـِّك
Post: #11 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 10:42 PM
الشايقي لك جميل الشكر ان اوضحت لي كيف اكتب تلك الكلمة التي اعتبرها الجهاز كلمة مشينة
والعنوان هو :-
نموت لو زادت ( الموية ) ونموت من قلتها جاتنا كمان وـسـاـخـتـهـا (فيديو )
أشربوا ساكت بلا إزعاج. نحن في دار غرب حتى ألمي ######ان زي هناكو دا ولا لاقنا. كان ما دايرين تشربوا رسلوا لينا هناك نحن نشرب وكمان إبلنا وبقرنا وغنمنا تشرب معانا حاجات صغيرة في ألمي دا ولا بكتل لي زول.. نحن شربنا فيهو كي عيينا ولا جاتنا حاجة ولا متنا. بس تسوي ليك حجاب ماتموت إلا كان أجلك تمّ
Post: #13 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-20-2010, 11:22 PM Parent: #12
Quote: يا نجلاء بت سيد أحمد ويا الشايقي :
أشربوا ساكت بلا إزعاج. نحن في دار غرب حتى ألمي ######ان زي هناكو دا ولا لاقنا. كان ما دايرين تشربوا رسلوا لينا هناك نحن نشرب وكمان إبلنا وبقرنا وغنمنا تشرب معانا حاجات صغيرة في ألمي دا ولا بكتل لي زول.. نحن شربنا فيهو كي عيينا ولا جاتنا حاجة ولا متنا. بس تسوي ليك حجاب ماتموت إلا كان أجلك تمّ
شكرا اخيي على المرور
احنا الموت مابنخافوا منوا دت بس اخيي المرض بنابوا عشان مافى قريشات للعلاج
وجد بلدنا خيرات ألمي كتيرة تكفى الغرب والشرق والشمال والجنوب والوسط ان البلد دى عندها وجيع
كباشي يا كنتونا_1 يابا ولادك بيشربوا من موية الإنجليز الماها موية ولادنا... صحي أنا في السعودية وبشرب وأحمد الله من موية ولاد عبدالعزيز لكن أولادي بيشربوا من موية زي الشفتها في فديوهات أختي نجلاء الفوق دي...
أما عن أهلنا الفي النواحي الذكرتها وأهلكم هم أهلنا وناسكم ناسنا كان بيدنا نفرع النيل ونمشي عكس في شان يصلكم أقله كان ما محنة في شان ما يدفق في المالح...
بالله خلي حركاتك دي وأتصلح معانا ....
شايفك من ما بيقيت تطمبر للجماعة ديل ما بتجينا يا ربي الحاصل عليك شنو ماني عارف....
يا الشايقي واحد من المسيرية في الفولة قال للرئيس البشير: يا ريس البير بحفروها في المجلد والتبريب بسووه في الخرطوم؟ (التبريب هو الحوض الذي تشرب فيه الأبقار الماء بعد استخراجها بالدلو من البئر التي يجب أن تكون بجنب الحوض)
المقصود يعني حفرتوا آبار البترول في المجلد وسويتوا المصفاة وخلافه في الخرطوم. والحقها كان صحي دايرين تخدمونا تجيبوا لينا موية يا من كوستي يا من بحر العرب.
طبعاً نحن قاعدين في بريطانيا عشان نخلص ليكم حقكم من الإنجليز. ديل قعدوا في السودان 58 سنة. ونحن يادوب ما تمينا نص المدة. بعد نتمها بعدين نشوف آخرتهم شنو.
واحد من أهلي الكبابيش يا نجلاء زار الخرطوم ولقي ليهو جنايني بسقي في الشجر والنجيلة بالخرطوش. قال ليهو: والله يا ناس الخرتوم عقل بتعريفة ما عندكم. ألمي ترشوا بيهو القش والشدر وإلبل في كردفان عطشانة ما لاقية ألمي تشربو؟
Quote: احنا الموت مابنخافوا منوا دت بس اخيي المرض بنابوا عشان مافى قريشات للعلاج
استاذة نجلاء عندنا كمان علاجات كله. كان تدوري حجاب .. كان تدور عروق كلو عندنا.. تاني حكيم ولا تجي بشارعو .. بس تجيبي البياض وحقنا بعدين.
لكم التحية عيال السنجك. بس الحكومة ظالمانا في الغرب .. عملت ليكم بحر وعملت ليكم سدود وكباري ونحن عاوزنها كمان تسوي لينا زي ما سوت ليكم.
Quote: يا الشايقي واحد من المسيرية في الفولة قال للرئيس البشير: يا ريس البير بحفروها في المجلد والتبريب بسووه في الخرطوم؟ (التبريب هو الحوض الذي تشرب فيه الأبقار الماء بعد استخراجها بالدلو من البئر التي يجب أن تكون بجنب الحوض)
يا صاحبي معاناة الغرب من المويه شفتها بي عيني وما في زول قال لي ماك عارف الجهات دي حمتها بي كرعين كـلـب وشربت من الخيران والحفاير ومره أنقطعنا وما لقينا غير بركة من مخلفات الخريف خايض فيها قطيع بقر طردناه وبقينا نضاير الخبوب والطحالب من المويه ونشرب... طبعاً مسألة البترول دي فعلاً أكبر الأخطاء التي تمت فيها من الحكومة أنه كان مفروض منشآته كلها تكون حول الأبار لتنمية المنطقة وخلق فرص عمل لأهلها بس تقول شنو للشغل الأعوج.
وبعدين ياخ جملتك الأخيرة حقت الحكومة عملت ليكم؟ أولاً البحر ما عملته وده هبة من رب العالمين وكان على الحكومة كان لاقية ليه بيعة كان زماااااان باعته وكتلتنا من العطش،،، وباقي الحاجات القلتها ما عملتا لينا ولكن لي روحه هي وما أستفدنا منها شيء وبالمناسبة عندنا في البلد فريخ قاعد والناس بيتونسوا في حكاية البحر بعد الخزان وأنه تاني مافي دميرة والجزر ما بتصلها الموية والكهرباء ماشية ترقد،، وصاحبنا الكلام ما عاجبه قام قال ليهم، بحر شنو تاني هو مويتو دي شن طعمها بعد شالوا كهربتها؟؟؟
معليش أحت نجلاء حولنا البوست لي ونسه أنا وصاحبي المشاكس كنتونا....
Post: #18 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-21-2010, 07:52 AM Parent: #16
شكرا على التواصل اخىcantona_1
Quote: .استاذة نجلاء عندنا كمان علاجات كله. كان تدوري حجاب .. كان تدور عروق كلو عندنا.. تاني حكيم ولا تجي بشارعو .. بس تجيبي البياض وحقنا بعدين.
اصلا التداوى بالحجاب والعروق اصبح هو المتاح الان بعد العلاج عند الطبيب بقى بعيد المنال وحصر على شريحة تمثل 5% من الشعب السودانى الفضل وحقيقى الفشل الكلوى اصبح مرض العصر وقد لا تجد اسرة الان لايوجد بها اشخاص يعانون منه
الدولة لاتساعد البحوث ولا توفر الحماية وهى خير من العلاج عشان كدا الواحد بحاول عبر هذا الوطن الفسيح سودانيز اون لاين عكس المعاناة التى افقدتتنا الدهشة واورثتنا التبلد الحسى
شكرا على المرور وخليك داخل البوست بوستك
انا عشت فى الغرب وكردفان وعايشت مشكلات الالمى هناك وذى ماتفضل اخى الشايقى وتمنى لو ممكن احنا نخدم اهلنا ولو فى مقدورنا ما تقاعسنا لحظة
Post: #20 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: نجلاء سيد أحمد Date: 07-21-2010, 08:00 AM Parent: #18
يا استاذة نجلاء .. الموية العكرانة ما مشكلة. العكرة دي بسموها مواد عالقة. دي ما عندها ضرر. لآنها تترسب فيزيائياً بفعل الجاذبية الأرضية. وزي ما ظهر ليك في الجردل الطين كله ترسب تحت وظلت الموية نظيفة أعلى. الخوف الموية يكون بها مواد ذائبة تتعدى النسبة المسموح بها قانونياً. والسبب أن الموية في الحفائر والخيران في الغرب ما بتضر لأن المواد الفيها كلها عالقة Suspended Solids. وليست مواد ذائبة Total Dissolved Solids (TDS). ولو قريتي تحليل الماء المكتوب على موية الصحة بتلقي نسبة المواد الذائبة مكتوبة بالتفصيل. ما تخافي.. أشربي ساكت. وأصغر منك دوسو.
Post: #26 Title: Re: نموت لوزادت ( المويه) ونموت من قلتها جاتنا كمان ######اتها ( فيديو) Author: احمد محمد بشير Date: 08-14-2010, 05:44 AM Parent: #25