Post: #1
Title: الجماعة ركبوا التونسية
Author: Hassan Senada
Date: 07-20-2010, 10:18 AM
ميشو يتخذ قراراً مفاجئاً بالرحيل
حسن عمر خليفة
علمت الصدى أن الصربي ميشو مدرب الهلال اتخذ قراراً مفاجئاً مساء أمس بتقديم استقالته، بعد أن علم بترشح صلاح إدريس رئيس النادي لمنصب رئيس الاتحاد العام، واعتبر الصربي أن ذهاب إدريس سيخلق مشاكل وعدم استقرار بالنسبة له، ورأى أنه سيواجه صعوبات في الوفاء بالتزاماته المالية حال تحول الأرباب إلى رئاسة الاتحاد العام، وودع ميشو بعض اللاعبين بالفعل غير أن هيثم مصطفى قائد الفريق بذل مجهوداً كبيراً لإثنائه عن قراره وأوضح له أنه لن يواجه مشاكل في حال أصبح صلاح إدريس رئيساً للاتحاد العام، واتفق هيثم مصطفى مع المدرب على تأجيل قراره حتى يلتقي المسؤولين في النادي ليحصل على تأكيدات منهم أن الوضع سيكون مستقراً ولن يتأثر حال فاز صلاح إدريس في الانتخابات وتولى رئاسة الاتحاد العام.
|
Post: #2
Title: Re: الجماعة ركبوا التونسية
Author: Hassan Senada
Date: 07-20-2010, 10:22 AM
Parent: #1
ميشو طلع شاطر عارف مصيروا حيكون زى مصير سلفو السابق كامبوس سنة بدون راتب بوجود الارباب
فمابالك بدون الارباب
|
Post: #3
Title: Re: الجماعة ركبوا التونسية
Author: Hassan Senada
Date: 07-20-2010, 10:28 AM
Parent: #2
الجماعة مامصدقين فازو على فريق من الرديف ونسوا الاسماعيلية رايح جاى والاسماعيلية مغلوب داخل
ملعبو من الفريق الجزائرى ههههههههههههههه
|
Post: #5
Title: Re: الجماعة ركبوا التونسية
Author: tmbis
Date: 07-20-2010, 10:31 AM
Parent: #3
يا جمــاعة المسكين دا غطـــو
|
Post: #6
Title: Re: الجماعة ركبوا التونسية
Author: Hassan Senada
Date: 07-20-2010, 10:32 AM
Parent: #3
بس ماتشيلو هم الزعيم الوالى موجود ممكن يسلفكم زى ماسلفكم فى كارثة الفندق ال300 مليون
|
Post: #4
Title: Re: الجماعة ركبوا التونسية
Author: hassan bashir
Date: 07-20-2010, 10:30 AM
Parent: #2
الأخ العزيز حسن سنادة
تحياتي
للأسف لم أرى في تعليقك هذا أي تونسية جاهزة للإقلاع
بتحصل في أرقى الأندية .. مدرب يمشي ومدرب يجي ومدرب يستقيل ومدرب يقال.
إذا كان الهلال بيفوز بالخمسة بمدرب بدون مرتب .. طيب لو أدوه مرتب بانتظام حيفوز بالدستة؟
الناس العندهم مدربين بيصرفوا مرتباتهم بانتظام عملوا شنو؟
مع أمنياتي للهلال والمريخ بالتوفيق في مسيرتهم الأفريقية
|
Post: #7
Title: Re: الجماعة ركبوا التونسية
Author: hassan bashir
Date: 07-20-2010, 10:46 AM
Parent: #4
الأخ العزيز تمبس
:):):):)
والله يا تمبس المريخاب ديل أمرهم عجيب. يعني دي الأيام المفرو ض هم "يتغطوا" فيها براهم.
بعدين قلناها قبل كدة، بمجرد ما يتضح الفارق الكبير في الإمكانيات (الفنية والمهارية، الخ..) يجوك طايرين عشان يعايروك بالإمكانيات المالية.
قلناها زمان، وضعهم دا بيذكرنا بالأفلام العربية القديمة لمن البطل الفقير يفوز بقلب البطلة الحلوة بينما (الخاين) المتمثل في الولد الغني والمدلع يطلع بي قد القفة رغم إمكانيات والده الكبيرة.
نفس الوضع هنا: الهلال دا لا قرش لا تعريفة وبيعمل في البيعمل فيه دة. ديل لو كان عندهم قروش كانوا عملوا شنو يا ربي؟
|
Post: #8
Title: Re: الجماعة ركبوا التونسية
Author: خالد عبد الله محمود
Date: 07-20-2010, 10:50 AM
Parent: #7
المطرة صبت و لا شنو ؟؟
بتهضربوا مالكم ؟؟
|
Post: #9
Title: Re: الجماعة ركبوا التونسية
Author: Hassan Senada
Date: 07-20-2010, 10:59 AM
Parent: #8
الاخوان حسن بشير وشيخ تمبس وخالد حبابكم ومشكورين
بس المشكلة ياشيخ تمبس ثمانين عامامن الكواريك والمحصلة صفر كبير يعتبر اقدم صفر رياضى فى افريقيا
|
Post: #10
Title: Re: الجماعة ركبوا التونسية
Author: Hassan Senada
Date: 07-20-2010, 11:06 AM
Parent: #9
لاتفرحوا اصبرو شوية البداية دى برطعة ساكت مع الحمام الميت
|
Post: #11
Title: Re: الجماعة ركبوا التونسية
Author: Hassan Senada
Date: 07-20-2010, 11:09 AM
Parent: #10
لقدام نشوف الهجين على حقيقته
|
Post: #12
Title: Re: الجماعة ركبوا التونسية
Author: أيمن الطيب
Date: 07-20-2010, 11:16 AM
Parent: #11
| Quote: يا جمــاعة المسكين دا غطـــو |
وبعد الغطا ودوهو الراكوبة,,
حسن سنادة كيف الحال يا أخونا!!!
الله يواليكم بالعافية إن شاء الله
والله المريخ كان وقع ماأظننا بنفرح
ونكون مبسوطين ,,برضو مننا وفينا,,
بس إلا طولة اللسان بالحيل كعبة,,
وإنتو جرسلينكم بقى مدفق طوااالى,,
تحياتى,,
|
Post: #17
Title: Re: الجماعة ركبوا التونسية
Author: tmbis
Date: 07-20-2010, 12:46 PM
Parent: #12
| Quote: وبعد الغطا ودوهو الراكوبة,, |
كان وديتو الراكوبـة يا ايمن ما بيسكت .. دا النوع الما بيسكت ليك في الراكوبـة .. أخير تخليهو يضربو الهواء دا تحت شدرتو دي .. بعداك بياخد نومتو ويبقى كويس ..  .. Quote: بس إلا طولة اللسان بالحيل كعبة,,
وإنتو جرسلينكم بقى مدفق طوااالى,, |
.. ياخ طويلي اللسان الحريفين يا أيمن .. دافنين دقن .. لانو عارفين كان ما الخريف دا إنتهى موضوعم بايظ .. سناده دا .. روحو محرقاهو بس ..
عاين في مشمعات بتاعت بلاستيك كدا .. جيب ليهو مشمع كبير واعمل ليهو حرجل .. احتمال يصحى شوية من البنج دا
|
Post: #13
Title: Re: الجماعة ركبوا التونسية
Author: hassan bashir
Date: 07-20-2010, 11:18 AM
Parent: #11
الأخ العزيز حسن
كابس يونايتد ما حمام ميت، بس لاقى فريق قوي ومتماسك. وأديك سر هلالابي خطير: الهلال بات يحترم خصومه بغض النظر عن ضعفهم أو قوتهم.
من تعليق سابق
Quote: رغم الهزيمة الثقيلة، إلا أن نجوم فريق كابس يونايتد قاتلوا بشراسة وهاجموا بضراوة ودافعوا باستماتة وهددوا مرمى الهلال عدة مرات ونالوا احترام خصومهم من اللاعبين والجمهور لروحهم القتالية ومهاراتهم الفردية. مستوى هذا الفريق أفضل مليون مرة من فريق الجيش النايجري الذي كاد أن يلحق بالمريخ هزيمة قاسية من خلال فرصتين اتيحتا له وقام باستغلالهما جيداً لضعف خطي وسط ودفاع المريخ (وهجومه أيضاً).
على إدارة المريخ أن تعي الدرس جيداً وأن تقنع بانه قد آن الأوان لعمل shake up. نصحية خاصة للنجم الخلوق واللاعب الفنان فيصل العجب: التاريخ المشرف ليس ميزة إضافية داخل الملعب. آن الأوان لكي تعتزل وأنت في قمة العطاء وإلا أنك سوف تصبح أضحوكة الجماهير
نصيحة أخرى للهلال: مباراة الرد مع كابس يونايتد بزمبابوي لن تكون نزهة وينبغي التعامل معها بجدية كاملة، فلا شيء مستحيل في الكرة، والفريق الذي شاهدناه أمس بإمكانه إمطار مرمانا بوابل من الأهداف.
وبالتوفيق للهلال والمريخ |
|
Post: #14
Title: Re: الجماعة ركبوا التونسية
Author: أحمد ابن عوف
Date: 07-20-2010, 11:21 AM
Parent: #13
قطعا جمال الوالي سألوا الناس ديل حيدفعوا ليك كم؟
وبندبلا ليك
|
Post: #15
Title: Re: الجماعة ركبوا التونسية
Author: tmbis
Date: 07-20-2010, 11:32 AM
Parent: #7
والله يا حسن بشير ماف حل إلا ,, نحن نبطل نلعب كورة .. وحتى لو بطلنا يقوليك عليك الله عاين الجماعة بطلو يلعبو كورة ..
ياخ والله انا لو في مكان سناده دا .. اكبر اللفـه وانسى حاجة اسمها كورة على الاقل في الوقت الحالي .. ياخ زول تيمو زي الواااطه يقابض في اتيام الناس التانية .. دي ما ياها الهضربة بي عينه ..؟
غايتو معذور ومعاهو حق .. الجرعة بتاعت مخدر أبو القاسم بتاعت امس دي كانت تقيله شوية .. نحن نجيب كامبوس .. هم يجيبو كربوني .. كامبوس يمشي .. كاربوني تصب فوقو المطرة .. ميشو يمشي .. يقومو يمشو يجيبوهو
غايتو بعد كدا إلا نديهم سادومبـا دا إعــارة .. ومعاهو طارق أحمد آدم برضو اعارة
|
Post: #16
Title: Re: الجماعة ركبوا التونسية
Author: ياسر بيناوي
Date: 07-20-2010, 12:19 PM
Parent: #15
واحد يافردة
| Quote: الجماعة ركبوا التونسية |
انت بقيت اتنين وللا شنو ....؟
هسه ياتو تونسية دا الركبناها
مشيو كان ماشي قشه ماتعتر ليهو هو زاتو ود متين
كدي انسي موضوع ميشو وركزوا مع الهجين البقي عجين
هسه عليك الله الدرون في استاد المريخ مع الجيش النيجيري
داير ليهو هجين
ملحوظة : التونسية بركبوها الناس العندهم تونسة بوروهم دربها بي وين
خالص الود
|
|