Post: #1
Title: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-19-2010, 06:39 PM
Parent: #0
كان احد اصدقائي ناشطا يخرج في المظاهرات ضد النظام، حاله كآخرين يخرجون ليطالبوا بالحقوق و ليزدجروا نظاما ادمن الاستبداد، المهم طب رجال الامن من كل صوب علي المتظاهرين و لم يكن امام صديقنا غير التمثيل لينجو بنفسه من غلواء الاعتقال التعسفي و الحبس في بيوت الاشباح، خلع صديقنا حذائه و حشر كل فردة في جيب ! .. حذاء في كل جيب! رسم علي وجهه ملامح بلهاء و صار يهتف.
جهاز الامن .. جهاز لاسلكي
جهاز الامن.. جهاز جهاز لاسلكي
جهاز الامن.. جهاز لاسلكي
ضحكك رجال الشرطة و من معهم من عضوية جهاز الامن امام جنون الشاب و افسحوا له درب الهرب الامن و تخارج هذا الشاب الذكي من براثن الامن المتعطشة لاذلال المواطنين.
اقترح الاتي
بدلا من القول :
لا للرقابة القبلية علي الصحف .... فلنقل لا للرقابة القلبية! و القلوب شواهد
لا للتعذيب .. فلنقل ........ لا للتعزيب
لا لمحاكمة الصحفيين تعسفيا ........ فلنقل لا للمماحكة الصحفيين تسفعيا
لا للاذلال الصحفيين ......... لا لابدال الصحفيين
علينا قلب اللغة لان الواقع عصي علي التغيير
لعن الله العجر فلقد قتل اخاكم .. اخو الخير
اللهم لا شماتة
طه جعفر
|
Post: #2
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-19-2010, 08:52 PM
Parent: #1
طال الليل لي المسافر
اصبح ما ليهو اخر .
|
Post: #3
Title: Re: القراية ام دق عرفناها ! البفكنا شنو من الكتابة ام دق و سجن؟
Author: معاوية عبيد الصائم
Date: 07-19-2010, 09:04 PM
Parent: #2
طه يا صاحب سلام
يحلنا البحل جاد الله
جاد الله ده يا طه وصل امس جدة الساعة تمانية صباح ومشيت الميناء جبتو ؟؟ هو ما زول بحر من ام الطيور ؟؟
مشيت معاهو المساء للكفيل ؟؟؟ عرفنا انو الكفيل مات قبل تلاتة ساعات ؟؟ شفن المحن ؟؟
هسه مدور ركن فى البيت معاى ناس ام الطيور ؟؟؟ شت
الخلاصة انو جاد الله اصبح ورثة ؟؟ والحكم بعد ستة شهور بعد حصر التركة من غنم وبقر وعمارات بالاضافة لجاد الله
دايراك تطمن ناس البيت ؟؟؟
شفت الغربة ام كفيل وورثة ودق ؟؟؟
معليش فتلت ليك البوست ؟؟
الراس ضارب ياططوه
|
Post: #4
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-19-2010, 09:10 PM
Parent: #3
الله هب جاد الله كفيلا خيرا من كفيله
اللهم هب جاد بلدا خيرا من بلد يحتاج ليغادره
اللهم آمين
تسلم يا عوة و يسلم لي راسك و شكر علي تنوير البوست يا ود يا حلو.
تحيات للمدام و الاولاد، نحن بخير و الحمد لله
اخوك
طه جعفر
|
Post: #5
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-20-2010, 05:11 AM
Parent: #4
Quote: وعليه نهيب بكافة وسائل الاعلام الوطنية والصحف الحريصة على المهنية وأمن الوطن بتحري نشر المعلومات والاخبار عن مصادرها وليس من مصادر الجهات الأمنية التي تخصصت في بث الفرقة وعدم الثقة وتتلاعب بمقدرات وقيم الشعب السوداني في الصدق والنزاهة والامانة في زمان نحن في اشد الحوجة لاستدعاء قيمنا السودانية لنتجاوز بها هذه المرحلة الخطيرة بأمان وسلام.
والله الموفق
مريم الصادق المهدي
مسئولة لجنة الاعلام والتعبئة بقوى الاجماع الوطني |
المقتطف اعلاه نقلا عن سودانايل دوت كوم
علي الجميع اخذ الكلام من مصادره و بعيدا عن تزويرات المزورين
طه جعفر
|
Post: #6
Title: Re: القراية ام دق عرفناها ! البفكنا شنو من الكتابة ام دق و سجن؟
Author: Showgi Omer
Date: 07-20-2010, 11:47 AM
Parent: #5
هههههههههههههههه
ههههههههههههههه
يا طه جعفر و معاوية عبيد ياخي نحن حلجنا، الزول بقا يضحك و ما بقدر يوقف الضحكة، يا ربي فرستريشن؟
اللهم اجعل خصيمي سميع بصير زي ما قال جدي محمد زين فرح، قلت ليهو يا جدي ليه هو يضر فيك
وانت تتمنى ليهو في السمع و البصر، قال لي يا ولدي عشان يتفكّ من رقبتي دي
أشواقي لكما من غير حدود
شوقي إسماعيل
|
Post: #7
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-20-2010, 09:58 PM
Quote: اللهم اجعل خصيمي سميع بصير زي ما قال جدي محمد زين فرح، قلت ليهو يا جدي ليه هو يضر فيك
وانت تتمنى ليهو في السمع و البصر، قال لي يا ولدي عشان يتفكّ من رقبتي دي
|
حما الله ما تبقي من شعب السودان ان تفتك من رقابهم الطرشا، الطرشا هي المصيبة التي نزلت بالبلاد منذ 30 يونيو 1989
شكرا يا شوقي تحاتي للاولاد
طه جعفر
|
Post: #8
Title: Re: القراية ام دق عرفناها ! البفكنا شنو من الكتابة ام دق و سجن؟
Author: معاوية عبيد الصائم
Date: 07-20-2010, 10:20 PM
Parent: #7
طه جعفر سلام
لو سمحت يا ططوه ؟
بدون مؤاخذة ؟؟؟ شوقى اسماعيل ازيك ؟؟؟
ومثلها يا طه ؟ الى بتاع العيش ناصر البر ؟؟
مودتى
بعدين يا طه ياخائن ما لك ما بتبارك لى كوبرى ام الطيور ؟
|
Post: #9
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-20-2010, 10:39 PM
Parent: #8
| Quote: بعدين يا طه ياخائن ما لك ما بتبارك لى كوبرى ام الطيور ؟ |
عوة الجميل ازيك
انا ام الطيور بحبها بالبنطون!
و ان ما بتاع كباري .. انا بتاع بناطين و في البرد الشديد بكون بتاع بطاطين يا بطيني
و احسن ليك تسكت و لا بكلم ليك (الكهيريبة)
عشان ما يقوموا يعملو ليكم خزان و نبقي في كتل و ضرب و فليق ..والي .. و شليت وزير .. و عدم تعويضات و العوض علي الله
طه جعفر
|
Post: #10
Title: Re: القراية ام دق عرفناها ! البفكنا شنو من الكتابة ام دق و سجن؟
Author: معاوية عبيد الصائم
Date: 07-20-2010, 11:13 PM
Parent: #9
انا بطينى يا طه ؟؟
حليل سليمان الع ؟؟؟؟
وتليب الحيط ؟ وحديقة القرشى ؟؟؟ وبتاع التكاسى المفروض تجبيو من السوبر ماركت ؟؟ فاهمنى ؟ الدخلت الملحمة غلط ؟؟ وبيكم الكليو ؟؟
بعد ده كلم ؟؟ الكهربية ؟؟
بدون مودة ؟؟
سلام رسمى فقط ؟
الجكة ام دق ؟
|
Post: #11
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-20-2010, 11:26 PM
Parent: #10
Quote: وتليب الحيط ؟ وحديقة القرشى ؟؟؟ وبتاع التكاسى المفروض تجبيو من السوبر ماركت ؟؟ فاهمنى ؟ الدخلت الملحمة غلط ؟؟ وبيكم الكليو ؟؟
|
تخيل يا عوة في عزومة عشاء و معنا الفنان ياسر تمتام و برفقة كرام و ناس حلوين وآخر حنقطة .. اقوم الاقي ناس البيت انا نطيت فيهو و ذهبت الي الشماعة في الديوان و اخذت قميص صاحبنا الغالي هشام وسط دهشة امه، جدته و اخواته .. اديتم اوامر قوموا وقفوا لي تاكسي! تصور جابوا التاكسي و من نمرة3 الي الحاج يوسف، لم اتمكن من زيارتهم بعدها و ما زالوا يتذكرون تلك القصة و يضحكون...التقيهم في ذلك العشاء ة نحن غارقون في الطرب مع ياسر تمتام ... كان عشاء و ذكريات... لم تطضح امامهم الرؤيا الا في ذلك المساء، لان هشام لم التقيه بعد الحادثة، و لم يستطع ان يتعرف علي القميص.. تشابهت عليه القمصان لان الملابس في البيت لا يعرف احد عنها شيئا .. و لم يستطع اجابة اسئلة جدته و امه الي ان التقينا بعد اكثر من عشرة سنوات. ده الولد الشال القميص و قال ليكم جيبوا التاكسي!!!... ضحكنا كثيرا ذلك المساء
طه جعفر
|
Post: #12
Title: Re: القراية ام دق عرفناها ! البفكنا شنو من الكتابة ام دق و سجن؟
Author: معاوية عبيد الصائم
Date: 07-20-2010, 11:33 PM
Parent: #11
وجكة المقابر فى عطبرة بالليل ؟
ونحن راجعين من ام الطيور ؟؟
الكوز ناجى مين كدة ماعارف ؟؟؟؟
وياخالة ؟؟؟ الحمار ياخوض راحتو ؟؟ الزمان الجميل ؟
واسامة الاسد والقطر والهلال الاحمر ؟؟
الايام ام جكة ودق وننجيد كراسى ؟؟؟؟
|
Post: #13
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-20-2010, 11:40 PM
Parent: #12
Quote: وجكة المقابر فى عطبرة بالليل ؟
ونحن راجعين من ام الطيور ؟؟
|
انتو يا جماعة.. انا عندي سؤال
انتو دا نضال و لا ماراثون... الواحد عمرو كله يتجاري
انا زميل... و لا خليفة عمر.. هل تذكر تلك الزهجةّ!
طه جعفر
|
Post: #14
Title: Re: القراية ام دق عرفناها ! البفكنا شنو من الكتابة ام دق و سجن؟
Author: معاوية عبيد الصائم
Date: 07-21-2010, 00:26 AM
Parent: #13
يا خوى بمناسبة القراية ام دق وكورة ؟
طارق التقى طال عمرو اكان بجاى وطال عمرو الرياضى اشرف اشراف منقطع التنظير على رابطة مشجعى الهلال بالحجاز ؟ وكان على راس المكتب التنفيذى الجديد لاداء العمرة ؟؟؟؟؟
شعار الرابطة للفترة القادمة التقى بديل شداد ؟؟؟؟ ويا شداد تانى تشوفاااا رهاب رهاب ؟؟
بالله يدكم معانا يا هلاليئ الداخل ؟؟
لانو طارق مشغول بتكوين كورال الهلال بقيادة الموهبة احمد عوض اب صلعة والصوت المبالغة ابراهيم موسى البرلوم ؟؟ وقد يستعين بالموزع قرشى اسماعيل من لندن بعد ان ينتهى الاخير
من وضع اللمسات الاخيرة على اللحن الجديد للسلام الجمهورى اللندنى ؟؟
الموسيقى ام دق وفليق يجيب الدم ؟ انشاء الله يفلقوهم ونرتاح منهم قول امين يا شيخ ططوه
سلام يا موسى جودة ؟؟؟؟
|
Post: #15
Title: Re: القراية ام دق عرفناها ! البفكنا شنو من الكتابة ام دق و سجن؟
Author: معاوية عبيد الصائم
Date: 07-21-2010, 03:57 PM
Parent: #14
ناصر البر ؟؟ طال نظرو ؟؟ وووووووووووووين بدون مؤاخذة
|
Post: #16
Title: Re: القراية ام دق عرفناها ! البفكنا شنو من الكتابة ام دق و سجن؟
Author: طه جعفر
Date: 07-21-2010, 06:53 PM
Parent: #15
ناصر بر ، قاعد............قاعد
و يسلم عليك.. بعد طول نظر
طه جعفر
|
Post: #17
Title: Re: القراية ام دق عرفناها ! البفكنا شنو من الكتابة ام دق و سجن؟
Author: معاوية عبيد الصائم
Date: 07-22-2010, 05:47 PM
Parent: #16
يا طه جعفر الحقنى ياخ
طارق التقى تعبنى خلاص
مالى ومال الكورة انا ؟ انا ناقص طارق وجاد الله الورثة
حلنى وتكون طالبنى جكة وشبط ؟؟
بدون سلام لحدى ما تحلنى ؟
|
|