Post: #1 Title: الاعصار على بعد 120 كيلو من الخرطوم Author: انعام حيمورة Date: 07-19-2010, 12:38 PM
يصل بعد ساعتين ونصف ..و على الجميع التزام منازلهم
وأسال الله السلامة للجميع
-- تابعوا على الخريطة حركته ..
Post: #2 Title: Re: الاعصار على بعد 120 كيلو من الخرطوم Author: وجدان جمال Date: 07-19-2010, 01:00 PM Parent: #1
دة كلام شنو؟ لو كدا يا نعومة اخير لى امشى البيت اشوف اولادى .. الشغل يطير !
ربنا يستر على الجميـع !
Post: #32 Title: Re: الاعصار على بعد 120 كيلو من الخرطوم Author: انعام حيمورة Date: 07-20-2010, 08:04 AM Parent: #2
Quote: لو كدا يا نعومة اخير لى امشى البيت اشوف اولادى
وبرضو نحن يا وجدان مشينا لي (حنانة) قعدنا معاهم لحدي الساعة واحدة صباحا لمن (الاعصار) غير رأيه مشينا البيت (هههههههه)
Post: #3 Title: Re: الاعصار على بعد 120 كيلو من الخرطوم Author: عبد اللطيف السيدح Date: 07-19-2010, 01:03 PM Parent: #1
انعام
وظفوك في الارصاد
مبروك
الا الاعصار ما عندكم
الشئ ده جائي من وين وماشي علي وين؟
نبهوا ناس البيوت التعبانة والعمارات المتهالكة في السوق العربي يتخارجوا منها
Post: #4 Title: Re: الاعصار على بعد 120 كيلو من الخرطوم Author: مجدى محمد مصطفى Date: 07-19-2010, 01:09 PM Parent: #3
انعام
سلامات
قرأت اول امس عن الاعصار وتقريبا قالوا انو حيصل الخرطوم اليوم , وتخيلت انه في تحسب للامر من قبل الدوله على الاقل بتوعيه الناس واخطارهم , بس اتصلت الان بعد ما شفت البوست ده لقيت كل الناس الضربت ليهم ما جايبيين خبر , واي زول اقو ليهو اهه الاستعدادات كيف للاعصار ده يول لي أعصار شنو !!! والله حاجه تحير عديل ...
غايتو ربنا يستر على الناس وتمر العاصفه دي بسلام ... ويا ريت الناس تلحق تكلم معارفها وحبابها تحسبا لأي طارئ لاقدر الله ...
Post: #5 Title: Re: الاعصار على بعد 120 كيلو من الخرطوم Author: معتز زيزي Date: 07-19-2010, 01:11 PM Parent: #4
لطفك وسترك يارب ...
Post: #35 Title: Re: الاعصار على بعد 120 كيلو من الخرطوم Author: انعام حيمورة Date: 07-20-2010, 08:26 AM Parent: #5
لطفك وسترك يارب ...
اللهم آمين يا معتز زيزي
Post: #6 Title: Re: الاعصار على بعد 120 كيلو من الخرطوم Author: فدياس نجم الدين Date: 07-19-2010, 01:13 PM Parent: #4
الكلام ده جد ولا قاعدين تهزروا
لو جد بالله أدونا خبر
نلحق المواصلات
Post: #7 Title: Re: الاعصار على بعد 120 كيلو من الخرطوم Author: انعام حيمورة Date: 07-19-2010, 01:34 PM Parent: #6
Quote: الشئ ده جائي من وين وماشي علي وين؟
يتحرك الاعصار من الجنوب الشرقي الى الشمال الغربي مروراً بالخرطوم
لم تحدد سرعته بعد ، وعندما شاهدته طائرتنا وتفادته كانوا في طريقهم من الابيض الى الخرطوم ..
وربنا يستر ..
الكلام جد وعلى الجميع اخذه محمل جد وربنا يكتب السلامة
-- ناس الدمازين افيدونا
Post: #8 Title: Re: الاعصار على بعد 120 كيلو من الخرطوم Author: Tabaldina Date: 07-19-2010, 01:44 PM Parent: #7
.. .
Quote: يتحرك الاعصار من الجنوب الشرقي الى الشمال الغربي مروراً بالخرطوم
اعصار بجى من مشروع الجزيرة والنيل الازرق وارض الحبشة دا الا لو رسلتو امريكا
---------------
اتخيلتو يجى من الشمال الغربي او امدرمان كما عرفت ..
انتو جااااادين باقى انا خفيف ما بقدر على الهبباااى
Post: #9 Title: Re: الاعصار على بعد 120 كيلو من الخرطوم Author: انعام حيمورة Date: 07-19-2010, 01:49 PM Parent: #8
Quote: باقى انا خفيف ما بقدر على الهبباااى
مديرنا قال اي زول (ضعيف) يتحرك من هسة الا ناس انعام ديل يقعدوا شوية يتحركوا بعد ساعة
هههههههههه
والله جادة ..
Post: #11 Title: Re: الاعصار على بعد 120 كيلو من الخرطوم Author: محمد إبراهيم علي Date: 07-19-2010, 02:08 PM Parent: #9
الموضوع وما فيه هو رياح بسرعة اعلى شوية موضوع اعصار ده واسع شوية الاعصار سرعتو بتكون 120 كم في الساعة على حسب weather.com hugn اعلى سرعة رياح متوقعة اليوم هي 18كم في الساعة (ممكن تطير تبلدينا لوووووول)
Post: #10 Title: Re: الاعصار على بعد 120 كيلو من الخرطوم Author: ذواليد سليمان مصطفى Date: 07-19-2010, 02:06 PM Parent: #6
نسال الله اللطف والسترة للسودان
Post: #12 Title: Re: الاعصار على بعد 120 كيلو من الخرطوم Author: على ميرغني Date: 07-19-2010, 02:14 PM Parent: #10
استاذة حيمورة حسب آخر التقارير انو الاعصار المعني وقف في المحطة ولما جات حافلة قرس رفض ان يركب وفضل ان ينتظر باصات الوالي التي وصل اولها بعد ساعتين لكن البص كان ملان. وبعد ساعتين تاني جا بص اخر وركب فيه الاعصار علشان يلحق ناس الرطوم قبال ما يمشو بيتهم الا ان الكمساري قال للاعصار التذكرة جنيهين والاعصا ما كان عنو غير جنيه واحد وحق كيس الصعود علشان كدا لاعصار جلا حكاية يجي لناس الخرتوم وبفكر يلم القروض ويجيكم بكرة قبل المغرب. نقلا عن الارصاد الجو بتاع ناس الياهو ـــــــــــــــــ بالمناسبة حلايب في خريطتكم دي الاعصار وداها مصر
Post: #13 Title: Re: الاعصار على بعد 120 كيلو من الخرطوم Author: omer osman Date: 07-19-2010, 02:25 PM Parent: #12
سلام يا انعام .............
غايتو حسب كلام ناس شرطة النجدة مافي اعصار جاي ......
للضمان كده كل زول يتخارج بيتم احسن ..........
Post: #14 Title: Re: الاعصار على بعد 120 كيلو من الخرطوم Author: مزمل خيرى Date: 07-19-2010, 04:27 PM Parent: #13
يا انعام وين الاعصار ياخ ! لينا تلاتة ساعات ونحن عاملين ساتر تحت الارض ومافى شئ !!
Post: #15 Title: Re: الاعصار على بعد 120 كيلو من الخرطوم Author: EMU إيمو Date: 07-19-2010, 04:40 PM Parent: #14
الله يجازي محنك يا إنعام الشباب قفلوا الدكان وعملوا ساتر ومنتظرين المصير
والإعصار ما جاء
Post: #16 Title: Re: الاعصار على بعد 120 كيلو من الخرطوم Author: محمد المرتضى حامد Date: 07-19-2010, 04:47 PM Parent: #15
إنعام سلام،
حتى أعاصيركم زي سدودكم وانتخاباتكم.
Post: #17 Title: Re: الاعصار على بعد 120 كيلو من الخرطوم Author: خضر حسين خليل Date: 07-19-2010, 04:52 PM Parent: #16
والله يا انعام جهجهتونا عديل يعني هسي نمشي ولا نقعد ولا نعمل شنو بالضبط
Post: #18 Title: Re: الاعصار على بعد 120 كيلو من الخرطوم Author: نوفل عبد الرحيم حسن Date: 07-19-2010, 04:53 PM Parent: #16
اها وصل ؟
عايزين نطلع من المخبأ ياخ
...... انعام ازيك ربنا يستر خايفين البتاع دا يداهمنا في ليل بهيم
Post: #19 Title: Re: الاعصار على بعد 120 كيلو من الخرطوم Author: الطيب شيقوق Date: 07-19-2010, 05:29 PM Parent: #18
انعام ازيك
مرتضى
الناس ديل بلعبوا ولا شنو؟ ماشافوا الاعصار عندنا في عمان بيعمل شنو -
هاكم شوفوا الاعصار كيف وادارة الازمات كيف؟
Post: #20 Title: Re: الاعصار على بعد 120 كيلو من الخرطوم Author: ود الباوقة Date: 07-19-2010, 05:37 PM Parent: #19
هس خبر الاعصار دا كان جابو محمد فرح كان
قطرو قام
الله في....
انعام نخلي الجماعة يمرقو خلاص ...
Post: #21 Title: Re: الاعصار على بعد 120 كيلو من الخرطوم Author: khaleel Date: 07-19-2010, 05:42 PM Parent: #20
اللهم اجعلها رياحا
ولا تجعلها ريحا
نسال الله السلامة للجميع
Post: #22 Title: Re: الاعصار على بعد 120 كيلو من الخرطوم Author: منتصرمحمد زكى Date: 07-19-2010, 06:51 PM Parent: #21
ياخوانا الاعصار ده قالوا حايصل يوم الجمعة واحتمال يلاقيهو اعصار تاني يعطلو ويغير اتجاهو ... حسب الجو
Post: #23 Title: Re: الاعصار على بعد 120 كيلو من الخرطوم Author: Tabaldina Date: 07-19-2010, 08:07 PM Parent: #22
.. .
Quote: اها وصل عايزين نطلع من المخبأ ياخ
قرقر قرقر قرقر غايتو فوووق حلتنا دى لسه ما وصل نسايم وجو عجيب ..
-------------
غايتو يا نعومه خستكتى لي ببرنامجى الواحد من الساعة 4 مدسي للان ..
تانى عايزين المصدر ان شاء الله موقع CIA
Post: #24 Title: Re: الاعصار على بعد 120 كيلو من الخرطوم Author: smart_ana2001 Date: 07-19-2010, 08:14 PM Parent: #23
Post: #25 Title: Re: الاعصار على بعد 120 كيلو من الخرطوم Author: محمد المرتضى حامد Date: 07-19-2010, 08:20 PM Parent: #23
Quote: مرتضى
الناس ديل بلعبوا ولا شنو؟ ماشافوا الاعصار عندنا في عمان بيعمل شنو -
يا الطيب الشاعر قال على قدر أهل العزم تأتي العزائم وعلى قدر مستوى الكرتون والجالوص تأتي المصائب، جماعتك ديل لو جاهم واحد زي ( جونو) مراكيب وعناقريب حوش بانقا حاتلقاها تالت يوم في صقليه.
وفي رواية أخرى جزر الكناري.
Post: #26 Title: Re: الاعصار على بعد 120 كيلو من الخرطوم Author: الطيب شيقوق Date: 07-19-2010, 08:28 PM Parent: #25
Quote: جماعتك ديل لو جاهم واحد زي ( جونو) مراكيب وعناقريب حوش بانقا حاتلقاها تالت يوم في صقليه.
والله يا المرتضى لو سمعك مدنى العرضي ما بنوم للصباح - ليش من حوش بانقا انت ما سمعت بصراصر يعني ؟
Post: #27 Title: Re: الاعصار على بعد 120 كيلو من الخرطوم Author: ahmed haneen Date: 07-20-2010, 07:25 AM Parent: #26
يا انعام بت حيمورة
إعصارك طلع ماسورة
Post: #28 Title: Re: الاعصار على بعد 120 كيلو من الخرطوم Author: فدياس نجم الدين Date: 07-20-2010, 07:33 AM Parent: #27
إعصار أونضه أدونا قروشنا
شنو يا إنعام خليتنا نجري على المواصلات من عصراً بدري
غايتو أخير منك ناس 999
Post: #29 Title: Re: الاعصار على بعد 120 كيلو من الخرطوم Author: انعام حيمورة Date: 07-20-2010, 07:44 AM Parent: #26
طبعا يا اخونا الاعصار (او الريح الشديدة القالها محمد ابراهيم على) غيرت مسارها
Post: #30 Title: Re: الاعصار على بعد 120 كيلو من الخرطوم Author: MOHAMMED ELSHEIKH Date: 07-20-2010, 07:54 AM Parent: #29
Quote: حتى أعاصيركم زي سدودكم وانتخاباتكم.
اعصار مخجوج!!
Post: #31 Title: Re: الاعصار على بعد 120 كيلو من الخرطوم Author: abdelgadir mustafa Date: 07-20-2010, 07:58 AM Parent: #29
الاخت انعام لو عاوزه تزوغى من الموضوع كالاتى وصل الاعصار حتى مدينه دنقلا الا ان دعاء الصالحين قد حوله الى امطار خير وبركه مما جعل جو الخرطوم صحوا وجميلا يجب دفع بياض المطره للشيخه نعومه تانى لو اتاكدتى ما تكتبى دى فوتناها ليك انتى وهويدا
Post: #33 Title: Re: الاعصار على بعد 120 كيلو من الخرطوم Author: محمد عبد الماجد الصايم Date: 07-20-2010, 08:12 AM Parent: #31
أها .. عصروكم؟
Post: #34 Title: Re: الاعصار على بعد 120 كيلو من الخرطوم Author: انعام حيمورة Date: 07-20-2010, 08:17 AM Parent: #4
فعلا يا مجدي مفروض يكون في غرفة طوارئ واعلام كثيف لي الحاجات الزي دي ..
مش نقوم الصباح نلقى روحنا مدفونين بالتراب
الله يستر
Post: #36 Title: Re: الاعصار على بعد 120 كيلو من الخرطوم Author: محمد الامين محمد Date: 07-20-2010, 08:33 AM Parent: #1
الرجاء تحديد الزمن بتوقيت الخرطوم
Post: #37 Title: Re: الاعصار على بعد 120 كيلو من الخرطوم Author: معاذ حسن Date: 07-20-2010, 08:55 AM Parent: #36
Quote: الاعصار على بعد 120 كيلو من الخرطوم
انعام سلام ... ذكرتيني بوستات اخونا سيف مساعدعن قوات العدل والمساواة ,,,
Post: #39 Title: Re: الاعصار على بعد 120 كيلو من الخرطوم Author: عبد الدائم سيد أحمد Date: 07-20-2010, 09:11 AM Parent: #37
لملمى ستايرك و ملاياتك الجداد الجابهم فى الشيلة
تحياتنا لعلاء
Post: #38 Title: Re: الاعصار على بعد 120 كيلو من الخرطوم Author: محمد إبراهيم علي Date: 07-20-2010, 09:09 AM Parent: #36
Quote: هس خبر الاعصار دا كان جابو محمد فرح كان
قطرو قام
محمد فرح كذاب معروف مقبوض بالثابتة هنا اكتر من مرة* عشان كدة ما في واحد بصدقو (الموضوع ما عندو علاقة بكونو مؤتمر وطني) انعام لم تكذب ولم يعرف عنها الكذب وهي نقلت معلومة وكان هدفها تنبيه الناس حرصا على سلامتهم لا حرصا على شيئ اخر وهي تشكر على هذا هسي تبلدينا ده وزن الريشة يعني مش احسن ينبهوهو بدل تلاقيهو الهبوب تشيلو تنزلو في قريب ناس العدل والمساواة في صحراء بيوضة ويلاقي سيف مساعد هناك ؟
ـــــــــــــ * ست الشاي وبوست الكهرباء واخير جابت ليها تزوير فيديوهات يعني كذب وتلفيق وتزوير هسي زول زي ده تاني انا شخصيا ما بصدقو في اي حاجة انت على كيفك تصدقو تجدع ليهو مراقات
Post: #40 Title: Re: الاعصار على بعد 120 كيلو من الخرطوم Author: هويدا شرف الدين Date: 07-20-2010, 09:26 AM Parent: #38
غايتو شكيتكم علي الله هههههههههههههههههههههههه
البت كتر خيرها عاوزه تحزركم عرفت الموضوع لكن فعلا ذي ما قال المثل الحسنه في الملعون سدو وإستريح عالم ما بتريح
بعدين يا عبد القادر انا تسآلت ، عالم عجيب
يا إنعام بالذات ناس عبد القادر ديل لو في سيل وإعصار خليهو لغاية ما يشيلهم
Post: #41 Title: Re: الاعصار على بعد 120 كيلو من الخرطوم Author: محمد حسن العمدة Date: 07-20-2010, 09:43 AM Parent: #40
Quote: لم تحدد سرعته بعد ، وعندما شاهدته طائرتنا وتفادته كانوا في طريقهم من الابيض الى الخرطوم ..
يا كافي البلاء حيكومة تعرف مافي وتحذر المواطنين ؟
يعني لو ما طيارتكم ملبعة بالسماء ما في زول جايب ليهو خبر ؟ظ
نصيب اهل السودان من العصر اخدوهو ما اظن السماء تفكر تجيب ليها عصر زيادة
بسسسسسسسسسسسسسسس لو وقف في حوش بانقا فرع كافوري وخماهم سلمهم لعزرائيل يكون عمل خير كتير
Post: #42 Title: Re: الاعصار على بعد 120 كيلو من الخرطوم Author: عماد الشبلي Date: 07-20-2010, 09:48 AM Parent: #40
نعصر يمن ولا يسار ؟؟
عشان نتفاداهو
Post: #43 Title: Re: الاعصار على بعد 120 كيلو من الخرطوم Author: احمد محمد بشير Date: 07-20-2010, 09:50 AM Parent: #1
شايف الإعصار دة شال حلايب زاتها من الخريطة
أها وصل ولا لسع ؟
Post: #44 Title: Re: الاعصار على بعد 120 كيلو من الخرطوم Author: الطيب عبد الرحيم خلف الله Date: 07-20-2010, 10:57 AM Parent: #43
Quote: شايف الإعصار دة شال حلايب زاتها من الخريطة
أها وصل ولا لسع ؟
سؤال مشروع
يا خوانا البلد دي مافيها غير الخرطوم؟؟
الإعصار ده لو صحت التنبؤات حوله، ألا يمر بمناطق أخرى من الوطن الغالي،
وكمان سؤال لأختنا إنعام!
Quote: الاعصار على بعد 120 كيلو من الخرطوم
ماذا عن المناطق قبل وبعد وحول محيط الخرطوم بـ 120 كيلو؟؟
وبعدين معاكم، كم إعصار وقع مثل هذا (أقل أم أكثر حدة) في الماضي..
أقول هذا الكلام وعيني على أسوان شمالاً، وهي تعيش تحت ظروف يصعب إحتمالها.
