Post: #1
Title: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 06:50 AM
Parent: #0
التقيتهم في رحلتي لمدينة تورنتو الجميلة.... بورداب بطعم الجمال
جملوا سويعاتي القليلة التي التقيتهم فيها بلطفهم وكرمهم وودهم النبيل
شكرا لكم لانكم طبعتم في الزاكرة احلى الاوقات.
توجد مفاجاءاااااااااااااااات 
|
Post: #2
Title: Re: بورداب تورنتو الجميلة اجمل بورداب .. ( توجد صور).
Author: محمد عبد الماجد الصايم
Date: 07-19-2010, 06:51 AM
Parent: #1
الخير هوي .. بلا مفاجأت معاكـ
اللوتري بتاعي وينو؟
|
Post: #3
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 06:54 AM
Parent: #1
فكرت كثيرا قبل الشروع في هذا البوست ههههههههه
لانه اقل ما يمكن ان يكشفه ان صورتي التي ببروفايلي
قد اخذت في القرن النصرم علي اسوأ تقدير ههههههه
اها يا ناس نبدا بي منو
|
Post: #4
Title: Re: بورداب تورنتو الجميلة اجمل بورداب .. ( توجد صور).
Author: heba Elmahi
Date: 07-19-2010, 07:04 AM
Parent: #3
الخير لوتري سلالالالام
| Quote: اها يا ناس نبدا بي منو |
النبي فيك تبدأ لينا بي رويحتك دي عشان نشوفك
أصلو باقي طولنا منك ...
|
Post: #5
Title: Re: بورداب تورنتو الجميلة اجمل بورداب .. ( توجد صور).
Author: محمد عبد الماجد الصايم
Date: 07-19-2010, 07:06 AM
Parent: #4
هبو .. الزول دا لو بدا بصورتو البوست بمش الخـور!
|
Post: #6
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 07:13 AM
Parent: #5
| Quote: هبو .. الزول دا لو بدا بصورتو البوست بمش الخـور! |
وما تيب ههههههههههههههههه
ود الصايم شفقة نفيسة بس كع كع كع كع كع كع
هبة يا ماحي عساك طيبة وجاييكم في فرجينيا قريييييب ( صورة وصوت )
|
Post: #7
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 07:18 AM
Parent: #6
قووووووووووووولوا واحد
|
Post: #8
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 07:23 AM
Parent: #7
قوووووولو اتنين
الصورة دي اهداء خااااااااص لاخي علاء
اخوك نسمة يا صاحب ... ربنا يحفظو ويحفظكم لبعض
|
Post: #9
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 07:29 AM
Parent: #8
بنية لابس توبو******* صلاة النبي فوقو
تراجي كانت شرقا اصيلا وبيدها السيف
|
Post: #10
Title: Re: بورداب تورنتو الجميلة اجمل بورداب .. ( توجد صور).
Author: tmbis
Date: 07-19-2010, 07:41 AM
Parent: #8
Quote: الصورة دي اهداء خااااااااص لاخي علاء
اخوك نسمة يا صاحب ... ربنا يحفظو ويحفظكم لبعض |
يا الخير .. تاني جايب لي عمر منصور وياسر طيفور وتراجي .. مع بعض ؟
تاني تراجي يا الخير ..؟ 
غايتو صورتك ما باباهـا لكن الفيك اتعرفت .. 
بعدين تعال هنا يا الخير .. دا شنو العاملو في راسك دا ياخ .. إنت بقيت عالم ذرة في أمريكا دي واللا شنـو ..؟
عمر وشنقـة ديل عاملين كيف ؟ .. والله طولت ما قاعد اللاقيهم ..
كان تديني خبر يا الخير إنك ماشي لانو سالت منك قالو رحلته عديل كدا ..
..
لو عندك باقي صور لي عمر رسله لي يا الخير في الايميل العندك .. ان مشتاق لي عمر شديد والله .. وحاول اتصل علي لو (تبت من تعب السفر ..)
شهادة للتاريخ ...
الخير كان أحسن زول بيعرف يلبس القمصان البيضاء في عصريات وقريب مغربيات الموردة وكان البنات يحبونه زي رافت الهجان ..
|
Post: #11
Title: Re: بورداب تورنتو الجميلة اجمل بورداب .. ( توجد صور).
Author: مجدي عبدالرحيم فضل
Date: 07-19-2010, 07:51 AM
Parent: #10
التحية لهم جمعيا فعلا ناااس حلوين
بس الخير أخوي الزحف الصحراوي أخذ مأخذوا فيك يا صاحب هسي أقول لولدي ده نسيبك كيف؟؟
،،،،أبوقصي،،،،
|
Post: #12
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 08:24 AM
Parent: #11
علاء يا تمبس
والله يا صاحب عمر دا زول سمح بي شكل يااااااا له من عمر
زول ترتاح ليهو ليهو كدا لوجه الله . عندي احساس يا علاء انو عمر دا
كنت معذبو في قمصانو ههههههههههه بناطلين ما اظن في طريقة لكن النوع
البتكون بتزاف حاجاتو بالخاينة خايفة ههههههههههه لاقيهو زول مسكين طبعا
اما فيما يتعلق بالصور فعندي ليهو صور كتيييرة بس بي صراحة كدا اخوك بقى
راس مالي .... الباقي دا تفهمو براك ههههههههههه وعن ما اصاب شعرنا فهو
خطب جلل يعني .... صاحبي مشيب قال لي ي الخير بختك لما تبقى علي الشيب بكون ما
فضلت ليك شعرة واحدة في راسك هههههههههههههه.
ابو قصي تجي بلد ( اب صلعة) لازم تصلع ههههههههههه.... تاني اووعك تقول لي قدم لي في لوتري
قر قر قر قر قر قر.
___________________________________
هسي الواحد اتعقد .... باقي الصور ننزلا كيف ما عارفين
|
Post: #13
Title: Re: بورداب تورنتو الجميلة اجمل بورداب .. ( توجد صور).
Author: فايزودالقاضي
Date: 07-19-2010, 09:17 AM
Parent: #12
الخير ..سلامات وبركة الشوفة ..
على حس الصورة الحقيقية اعتقد صورتك القديمة حاتبقى تزوير في صور رسمية ...وقريبتي الشرقاوية عسل بلبسها البيجاوي( فوطة باب شريف ) ..واب تفه طالب ثانوي بس ..
لمة مباركة ...
تحياتي للجميع ..
|
Post: #14
Title: Re: بورداب تورنتو الجميلة اجمل بورداب .. ( توجد صور).
Author: ناذر محمد الخليفة
Date: 07-19-2010, 09:25 AM
Parent: #13
سبحن الله ..!!
تراجي وياسر طيفور في صورة واحدة ..!!!
يا الخير يا خي ما قلت ليك شغلانة دبلجة الصور دي بطلا !!!
|
Post: #20
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 03:55 PM
Parent: #14
Quote: سبحن الله ..!!
تراجي وياسر طيفور في صورة واحدة ..!!!
يا الخير يا خي ما قلت ليك شغلانة دبلجة الصور دي بطلا !!!
|
ابو النذر كيفك ياااااا حبوب
والله ما دبلجة يا صاحب الناس ديل جميلين برة وجوة ودا شي واااااضح
مناقرة البورد دي صدقني لا تتعدي كونها طقطقات علي الكيبورد لكن
كليهما كان جميلا..
ناذر شوت لي رقم تلفونك دايرك ضروري في بيزنس والله
|
Post: #18
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 03:49 PM
Parent: #13
فايز كيفك يا رجل
Quote: على حس الصورة الحقيقية اعتقد صورتك القديمة حاتبقى تزوير في صور رسمية ...وقريبتي الشرقاوية عسل بلبسها البيجاوي( فوطة باب شريف ) ..واب تفه طالب ثانوي بس ..
لمة مباركة ...
|
تسلم يا رجل وفعلا تالقت تراجي وربنا يجمعنا مع كل هؤلاء الجميلين مرات ومرات
|
Post: #15
Title: Re: بورداب تورنتو الجميلة اجمل بورداب .. ( توجد صور).
Author: tmbis
Date: 07-19-2010, 10:49 AM
Parent: #12
| Quote: هسي الواحد اتعقد .... باقي الصور ننزلا كيف ما عارفين |
يازول نزل علي ضمانتي انا بعمل ليك تغطية .. يا اجيب ليك جنابو عمر عثمان ينفي ليك اي حاجة متحسس منها .. .. Quote: والله يا صاحب عمر دا زول سمح بي شكل يااااااا له من عمر
زول ترتاح ليهو ليهو كدا لوجه الله . عندي احساس يا علاء انو عمر دا
كنت معذبو في قمصانو ههههههههههه بناطلين ما اظن في طريقة لكن النوع
البتكون بتزاف حاجاتو بالخاينة خايفة ههههههههههه لاقيهو زول مسكين طبعا |
.. والله يا الخير عذاب قبوره .. لكن هو كان بجيب ليهو قمصان كدا عجيبه جدا .. والواحد وقتها كان زي ما عارف بحب النجومية .. يعني هو يجيب قمصان وقتها من اليونان .. ومن قبرص ومن الإمارات وفنايل صوف من القاهرة وأحذية من (اسبانيا) وعايزني اخليهو ليك كدا دا ..؟
طبعا كنا أنا وهو وعماد في غرفة نحن التلاتة .. وكان مديني جمبه كاملة في الدولاب بتاعو .. بحكم إني كنت المساعد حقو ومدير أعمالو ولا أخفي عليك إني مصدر قلق شديد ليه .. ياخ انا بتلقى الفنايل بتاعتي شكلها عجيب جدا وقمصاني اعجب منها وبناطلين الجينز البنطلون كان ملصتو ووقفتو على حيلو بقيف براهـو .. .. بجي بلقى القمصان في الضلفة التانية مغسلة وفيها ريحة سمحة ومطبقه ومكوية .. بخليهو يتخارج كدا .. واخش ليك في اخطر قميص .. مرات توقعاتي بتكون مخستكة .. امشي حفلة اللقاهو شغال ليك فيها .. وانا بكون خاتي في بالي احتمال كبير أعمل عرض بي القميص اللابسو دا .. من ما اجي اللقى ليك صاحبك دا في الحفلة شغال .. طوالي بعمل زغبير اشوف حفلة غيره .. ..
البناطلين ماف ليها طريقة لانو زي ما شايفو كملان من لحم الدنيا .. وانا الوكت داك بختو في صفحتي واجري بيهو هو تاميها ارهاب ساي ووضع اجتماعي .. الأحذية قدرما حاول اتصالح مع المسالة دي ما لقيت لي طريقة .. ياخ انا وقتها بلبس اتنين واربعين هو بلبس تمنية وتلتين .. مرات كتيرة كنت بتحرفن لكن ..
عمر في الاجازة الأخيرة .. قضينا أجمل ايام في السودان حمنا أنا وهو في ايام معدودة اكتر مما حمنا لما كنا في السودان .. مشتاق ليهو شديد .. في ميزة أرجو إنك تكون لاحظت ليها .. لما يضحك
الصورة دي قاعده معاي ليها فترة .. عاين كان (مبغبغ) كيف وسمين .. ودي طبعا نوعية القمصان البقصده ليك
|
Post: #16
Title: Re: بورداب تورنتو الجميلة اجمل بورداب .. ( توجد صور).
Author: خالد المحرب
Date: 07-19-2010, 11:11 AM
Parent: #15
الاخ ياسر ولدنا عادل باشاب اخبارو مقطوعه بلاهى رسل لينا تلفونو
لوسمحت وبلغه السلام تحياتى اخى الخير
|
Post: #17
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 03:43 PM
Parent: #16
اب تفة زول سمح وجميل وجد تحس انو ياهو الزول زاااااااااااتو القاعد
يكتب هنا دا دون تلوين. متسق مع حاجاتو وزول ترتاح ليهو دونما اي عناء
عندي احساس انو ياسر لو نزل انتخباتات لرئاسة شعب السودان بمدينة تورنتو
لفاز..... شخصية محبوبة من الكل وجد اجدني في غاية السعادة ان التقيته هناك.
السجارة دي كانت من اخر علبة سجاير لي قبل ان اقلع عن التدخين وللابد
باذن الله.............كانت في اخراسبوع لخم رماد التدخين لوووووووووووول.
|
Post: #19
Title: Re: بورداب تورنتو الجميلة اجمل بورداب .. ( توجد صور).
Author: humida
Date: 07-19-2010, 03:55 PM
Parent: #17
و الله يا الخير انا اقول اللوتري دا مالو ابا يجي .. تاريك مقابلو صلعتك دي ..
|
Post: #21
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 03:59 PM
Parent: #19
يا جماعة دي ما صلعة طبيعية يعني ما خلقة الله
دي حركة كدا عاملا انا براااااي
style
style
يا حميدة..... لا حولا ولا قوة
|
Post: #22
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 04:12 PM
Parent: #21
من اليمين طارق شنقا, الخير, تراجي, عمر اخو تمبس, شمس الدين السنوسي, الزول الاخير دا والله
ما اتزكرت اسمو.
شمس الدين كان ابيضا كذا الحليب
يحمل ابتسماته معه اينما حل....
|
Post: #23
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-19-2010, 04:20 PM
Parent: #22
هاشم نوريت ابن الشرق الاصيل كان هناك
سعدت بلقاءه
|
Post: #24
Title: Re: بورداب تورنتو الجميلة اجمل بورداب .. ( توجد صور).
Author: Moneim Malik
Date: 07-19-2010, 04:24 PM
Parent: #22
سلامات يالخير
وتحياتى للجميع فى تورنتو
كسرة
الزول الاخير دا الراجل السمح عادل الوسيلة (امبداويات)
|
Post: #25
Title: Re: بورداب تورنتو الجميلة اجمل بورداب .. ( توجد صور).
Author: ناذر محمد الخليفة
Date: 07-19-2010, 04:59 PM
Parent: #24
نوريت شخصيا ..!!
يا خي دا والله بوست بعشرة بوستات ..!!
هاشم نوريت أظهر يا خي ..!!
الخير راجع البروفايل ..
|
Post: #26
Title: Re: بورداب تورنتو الجميلة اجمل بورداب .. ( توجد صور).
Author: ايمن التاج
Date: 07-19-2010, 07:15 PM
Parent: #25
سلامات يا الخير
التحايا
والله ما محظوظين يااخي كان الواحد نفسو يلاقيك بي غادي .. طشينا من كندا وانته جيت بي هناك .. لكن جادت علينا الدوحه في الاسبوع الماضي بلقاء اخوك الرائع عوض .. واليوم داك طبعا بتكون اتشرقته كم مره .. لانو جبنا سيرتك كم مره .. شكرا لانو برضو وريتنا شباب تورنتو الرائعين .. طولنا من البلد واشتقنا ليهم والله ولي كندا ..في انتظار باقي الصور .. وكان في نياغرا تكون ما قصرته ..
ابقى عافيه
ــــــــــــــــــ
ايمن تابر
|
Post: #29
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-21-2010, 08:40 PM
Parent: #26
اخونا ايمن السر تحياتي يا حبوب.... زميلتك نهلة قرت تعليقك
وتهديك الصورة ادناه وهي في شلالات نياغرا التي قضينا في سحرها
سوعيات لا تنسى..... تحياتي ليك ولاخونا عوض حمزة ولك من معكم
بدوحة الخير التي في النية زيارتها في الصيف القادم مع الاسرة
كان الله سهل.
|
Post: #33
Title: Re: بورداب تورنتو الجميلة اجمل بورداب .. ( توجد صور).
Author: عوض حمزة
Date: 07-22-2010, 07:20 AM
Parent: #26
الخير سلام ...
يا مان شايفك متجدع وفاير ومدفق فى البلد من برد
وحولك كوكبة من الاخيار الطيبين ... تمنياتى انك
تكن استمتعتة بأجازة جميلة فى معيتهم...
اخوناايمن التاج رجل جميل التقيتة فى الدوحة قبل
ايام والرجل يحمل كنوز جمال .. ضحكنا ضحك بتاع
مليون سنة وسمعنا واسمعنا بل افرقنا ما فى جعبتنا
من نكات من كل الضروب ..
وهال الجدعة دى من نفحات ذلك اليوم المشهود
... قال رباطابى فى السعودية كفيلة منشف ريقة
عديل والكفيل زاتو من النوع الجلف .. قالو يوم
الرباطابى قاعد زهجان واخلاقة فى راس نخرتو وخاتى
سفة كبييييرة جاه الكفيل وقال ليه .. يازول اقول
ويش معنى (بربر) .. الرباطابى تف تف بصق السفة
وقال للكفيل .. سمح قول لى انت بالاول ويش معنى
(عرعر) ههههههههههه ههههههههههاااى
اها شايفك طارى جية للدوحة انشاءالله الكلام جاد
مرحب بيك فى بيتك
تحياتى
|
Post: #34
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-22-2010, 09:36 PM
Parent: #33
اخانا الذي في قطر ابو احمد
سلامات
تعرف يا عوض ايمن دا امسك فيهو تب زولا سمح وعرفتنا
بيهو قديييييييمة من الجوز تلاتة....تحياتي ليك وللعيال
واجازة الصيف الجاية باذنه تعالى معاكم في قطر
اخونا هاشم: تحيايت ليك يا حبوب واتمنى ان نعاودكم قريبا
مع بعض التنسيق المبكر للزيارة واعذرونا ان لم نتمكن من
البقاء معكم فترة اطول ولكن الجايات اكتر ان شاء الله.
اختنا تراجي: الايامات دي شايف في دافوري شديد قايم والعجاجة
فوووووق ههههههه ربنا يطيب بالخواطر ويهدي النفوس .... حا ارسل
ليك بقية الصور باذن الله في الايميل خاصتك او علي الفيس بوك في
اقرب فرصة باذن الله..... تقبلي تحياتي وسلامي للعيال
|
Post: #27
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-21-2010, 08:23 PM
Parent: #24
منعم مالك
كيفك يا حبوب
جد محرج اني نسيت اسم الرجل الفنان الرائع عادل الوسيلة له مني العتبى حتى يرضى
وشكري الخالص ليك يا رجل ان نبهتني لهذا الخطا في عدم ايراد اسم اخونا عادل.
سلمت
|
Post: #28
Title: Re: بورداب تورنتو الجميلة اجمل بورداب .. ( توجد صور).
Author: الخير محمد عوض
Date: 07-21-2010, 08:29 PM
Parent: #27
وتااااااااااااني الزول الوجيه هاشم نوريت
|
Post: #30
Title: Re: بورداب تورنتو الجميلة اجمل بورداب .. ( توجد صور).
Author: عبدالله ادريس محمد
Date: 07-21-2010, 09:39 PM
Parent: #28
سلام لناس تورنتو...
| Quote: الخير كان أحسن زول بيعرف يلبس القمصان البيضاء في عصريات وقريب مغربيات الموردة وكان البنات يحبونه زي رافت الهجان |
والله ياتمبس دا زوقك!!!!
لكن زولك اولا حاجه من ناحية اللبس مجلى زى النفطى لاعب المريخ؟؟
بتاعت البنات دى كتيرة وكمان زى رأفت الهجان انت زعلت مننا ولاشنو!!!
طيب لو شفتنى تقول شنو انا لو فكونى بجيب زى الخير دا 21 وكمان لوما تقول مبالغة مرة جيت بشارع
الموردة قابلت ليك تلاتة بنات جميلات عملت ليك ملاح تقلية يعنى لزوم رزااااااااانه وكدا سامعهم ليك
بتحتحت واحده قالت للتانية برضوا تقولى سيدنا يوسف مات؟؟؟؟
احلى حاجه عندو رزاااااااااااااان؟؟؟
يا تمبس
عذراًاذا دخلت عليك شوقا من باب الخروج!!!!
الخير صور اللوترى وين لم ينجح حد ولاشنو؟؟ والله تانى اصلى ما اقدم للوترى؟؟؟
تحياتى للاستاذة نهلة وللامورات !!
|
Post: #31
Title: Re: بورداب تورنتو الجميلة اجمل بورداب .. ( توجد صور).
Author: هاشم نوريت
Date: 07-21-2010, 11:55 PM
Parent: #30
الخير
دبايوا
كانت لحظات جميلة سعدنا فيها بلقاءك وان شاء الله تعاود الزيارة وسلامى للاسرة
|
Post: #37
Title: Re: بورداب تورنتو الجميلة اجمل بورداب .. ( توجد صور).
Author: Yassir Tayfour
Date: 07-28-2010, 05:35 PM
Parent: #28
الخير سلامات يا صاحب،
بالله إنتو فاتحين ليكم كيتة بي هنا ونحن آخر من نعلم؟
أخبارك وأخبار الأسرة؟
كونوا بخير، وإلى لقاء آخر قريب..
___
التحية والإحترام..
|
Post: #32
Title: Re: بورداب تورنتو الجميلة اجمل بورداب .. ( توجد صور).
Author: Tragie Mustafa
Date: 07-22-2010, 00:54 AM
Parent: #11
الخير سلام
يا اخي طولة بالك مبالغ فيها معقوله لما امشي واشاغلك بهناك
حتى ترد علينا؟؟؟(هههههههه)
يا اخي الف حمد الله على السلامه
وفرحنا بشوفتكم
وان شاء الله المدام والكتاكيت بخير.
يوم لا ينسى ما تذكرني ليه يا اخي.
بركه الشفناكم فيه بس.
|
Post: #35
Title: Re: بورداب تورنتو الجميلة اجمل بورداب .. ( توجد صور).
Author: بابكر التوم
Date: 07-23-2010, 09:43 AM
Parent: #32
الخير الجميل ....
Quote: لك من معكم
بدوحة الخير التي في النية زيارتها في الصيف القادم مع الاسرة
كان الله سهل. |
قرض على الحتة كويس انشاء الله لما تجى ماتنسى ناس فيافى الدوحة (دخان) ....
اسأل منها ايمن السر ...
مرحبا بك اينما حللت ...
واجازة سعيدة التحية لكل شباب كندا
|
Post: #36
Title: Re: بورداب تورنتو الجميلة اجمل بورداب .. ( توجد صور).
Author: ايوب عبدالرحيم
Date: 07-25-2010, 09:25 AM
الخير ياصاحب
حمدالله على السلامة ونورت كندا
وباين عليها لمة جميلة
الصلعة عادي وسنة حياة وكده
بس عندي ملاحظتين :
1 السيجارة ( وش مدمن)
2 القميص ماعندك لكين ممكن شدة وكده ( نرجع لايام الجامعة )
حجيك راجع لتحليل اعمق
عموما حمدالله على السلامة وكدة .
|
|
